الـلسـد الـنتـر إلـي غـرفـة الـعـمـليـات مـرةً أُخـرى... فـي صـورة...

Quote: روى مسلم في صحيحه عن أبي هريرة رضي الله عنه ، أن رسول الله صلى الله عليه و سلم قال : رب أشعث مدفوع بالأبواب ، لو أقسم على الله لأبره ) . قال النووي رحمه الله : ( أي لو حلف على وقوع شيء أوقعه الله إكراماً له بإجابة سؤاله و صيانته من الحنث في يمينه . و هذا لعظم منزلته عند الله ، و إن كان حقيراً عند الناس . و قيل : معنى القَسَم هنا : الدعاء ، و إبراره إجابته ) . و روى الترمذي في سننه بإسناد حسَّنه عن أنس بن مالك رضي الله عنه قال : قال رسول الله صلى الله عليه و سلم : ( كم من أشعث أغبر ذي طمرين لا يُؤبَه له ، لو أقسم على الله لأبره ) .

النوع اللو أقسم علي الله لأبره دا في السودان بالكوم، عشان
كدي اللسد النتر دا حاتشوفوهوا كل يوم طابق بُقجة هِديماتوا
وجاري علي اللِسبتالية.

يعني الأشعث دا لو حلف قال، والله العظيم اللسد النتر باكر يقع
علي نخرتو، تأكدوا تماماً باكر راح تلقو زولكم مفنقل.
والله صحي...

أن تتعرض لقذآئف المدافع خيرٌ لك من أن تتعرض
لدعاء المظلومين.
والله صحي.


الذي لو أقسم علي الله لأبره هذا أخطر
من اللغم. لكن الناس ما بتعمل حِسابا.

شايف الغنماية قاعدة تسخِن،
يا ربي دايرة تعمل شنو ؟؟؟

اللسد النتر مزنوق، وعليكم بالدعاء.

الدعاء ليهو أو عليهو، غايتو علي كيفكُم.
المهم، تكثروا من الدعاء، ونسأل الله أن
يتقبل منكم...

لم يوضح الدكاترة نوع العملية في هذه المرّة،
لكنهم صرحوا بأنها ستكون بسيطة وربما يمكث
اللسد النتر في الإسبتالية لمدة يومين بعدها يمكنه
ممارسة نشاطه بعيد عن زرايب الغنم خوفاً من
أن تـ....

الرجاء مِن مَن يودون زيارة اللسد النتر عدم إصطحاب
الغنم معهم حفاظاً علي العملية. الدكتور قال الإلتهابات
ما كويسة في مثل هذه الحالة...

دعواتكم لـ اللسد النتر، ولكم مودتي.
ههههههههههههه...

ود المدير ازيك يا حبيب



اكل الشطه لزومو شنو طيب وكتين خايف من دي

ود المدير
صباحاتك بيض

يعنى انت قاصد اسد الغابة
مش اسد ود الباوقة

الله يخلى ناس المعارضة,,متابعين اللسود فى مراتعها

معاوية سلامات

حسّة يا ربي الاسد الفوق في الصورة دا قاعد يقول في سرّو شنو؟

Quote: ود المدير ازيك يا حبيب اكل الشطه لزومو شنو طيب وكتين خايف من دي

سلآمات يا عباس.

يا عباس أموال الشعب دي محتاجة لشطة ومُحدقات عشان تنزل محل تعمل
نُفاخ وغازات.
يا أخي والله العظيم، وماك طالبني حليفة، أيام الإنقاذ دآبها يوسف عبد الفتاح
(رآمبو) الكان بينشِف صبة الخرسانة في ساعتين عملوا معاهو لقاء في أحد
مجلآت ذلك الزمان، لا أذكُر إسمها. قال: كنت في دورية مرور بعد الإنقلآب
علي مواقع المرابطين في مدآخل العاصمة المثلثة، و وجدتهم ما أكلوا وما عندهم
أكل. توجهت للسيد عمر البشير، وحكيت ليهو حال الجنود الفي مدآخل الكباري.
قال، الرئيس تحسس جيبوا لِقى فيهو الماهية بتاعتو قسمها علي إتنين أداني نُص
قال لي، أمشي إشتري ليهم طحنية وعيش بالنُص دا، والنُص التاني دا لي ناس
بيتي !!!!!!!!!!!!!!!!!!!!!!!
هسّع الجماعة الطحنية زاتا نسو طعما يا عباس، والشطة مفعولها بدأ يظهر.
ساعدوهو بالدعاء،،،،،،،،،،،،، كع...

Quote: ود المدير صباحاتك بيض يعنى انت قاصد اسد الغابة مش اسد ود الباوقة الله يخلى ناس المعارضة,,متابعين اللسود فى مراتعها

يصبحك بالخير يا ابو قوتة.

طبعاً قاصد أسد الغابة. أسد ود الباوقة شديييد ولضيييض يحمد ربو. حُبالو الصوتية
قالوا زي سلب المرآكب، والحلق حلِق تمساح يبلِّع سااااكت، دآخل بي خروف ومارق
بي عِجِل، ويا حليل زمن الطحنية، وقسم الماهيّة.

ود اعمي ود الباوقة دا دعُوّه فإنه مأمور...

أفادتنا إدارة المستشفى بأنّ اللسد النتر يتماثل للشفاء، وأنّ حبال الضنب
وما حولها من حبال قد تحسنت كتير بعد العملية الناجحة.
اللسد النتر بيشكركم جميعاً علي الدعاء، وبيقول ليكم الظاهر علينا في
حالة غفلة كدي ظلمنا بعض الناس ودعوا علينا، دحين العفو والعافية...

Quote: معاوية سلامات حسّة يا ربي الاسد الفوق في الصورة دا قاعد يقول في سرّو شنو؟

سلآمات يا مازن،
وألف مرحب بيك.

يا مازن صدقني يكون بيقول أهون علي لحسة الغنماية من الحالة
السوها فيّ وِلآد ابن نآدم دي. يدوخوهو ويقعدوا يلعبوا بيهو في
غرفة العمليات!!! دا حالوا كان نهرتو تخلي الغابة كلها تتركض!!!!!!
يا قول أهلنا كلو أوّل ليهو آخر، وبكرة الناس تشوف اللسد النتر
مبهدل بهدلة الزرزوّر في إيد العيال...

مرة صاحبنا في الحج والدنيا صيف قاهر ويوم عرفات لقى ليهو شجرة ضلها سمح وتكل فيها مع اصحابو
اها هم في قعدتهم جات واحدة كدة غبشاء ومبشتنة ومعاها خموم بتاع عدة قالت ليهم زحو شوية خلوني اقعد معاكم في الضل ده
اها صاحبنا طنطن كدة وكان ما داير يزح ليها اها الحجاج المعاهو قالو ليهو حج يا حاج فقام زح ليها وقعد متضايق كدة من الريحة وخموم العدة وطلع مصحفو وقعد يقرا
النكتة وين هو بيقرا من المصحف وهي بتصلح فيهو من راسا ههههههه
النجيضة قال مسكتو خوفة شديدة من الزولة الكان حيطردها دي
زي ديل لو نحن محظوظين بنلقاهم وربنا يهيدنا لواحد منهم ونقول ليهو اسال لي الله
يشهد الله كل ما امشي مكة ولا المدينة بقعد اعاين في الناس واسال ربي يهديني لواحد منهم
غايتو انا ما سعيد لسه ما لقيت واحد
لكن النصيحة النجيضة فتشوهم بتلقوهم بس صفو النية
انا غايتو كان لقيت لي واحد من ديل بسالو لرويحتي دي مالي ومال اللسد النتر

Quote: مرة صاحبنا في الحج والدنيا صيف قاهر ويوم عرفات لقى ليهو شجرة ضلها سمح وتكل فيها مع اصحابو اها هم في قعدتهم جات واحدة كدة غبشاء ومبشتنة ومعاها خموم بتاع عدة قالت ليهم زحو شوية خلوني اقعد معاكم في الضل ده اها صاحبنا طنطن كدة وكان ما داير يزح ليها اها الحجاج المعاهو قالو ليهو حج يا حاج فقام زح ليها وقعد متضايق كدة من الريحة وخموم العدة وطلع مصحفو وقعد يقرا النكتة وين هو بيقرا من المصحف وهي بتصلح فيهو من راسا ههههههه النجيضة قال مسكتو خوفة شديدة من الزولة الكان حيطردها دي زي ديل لو نحن محظوظين بنلقاهم وربنا يهيدنا لواحد منهم ونقول ليهو اسال لي الله يشهد الله كل ما امشي مكة ولا المدينة بقعد اعاين في الناس واسال ربي يهديني لواحد منهم غايتو انا ما سعيد لسه ما لقيت واحد لكن النصيحة النجيضة فتشوهم بتلقوهم بس صفو النية انا غايتو كان لقيت لي واحد من ديل بسالو لرويحتي دي مالي ومال اللسد النتر

ود ابراهيم،
سلآم.
ههههههههههههه، لكن صاحبك بالغ ومرق المرا من تحت إيدو. هسّع كان رشتو بدعوة
كان عدلت حالوا.
والله يا محمد نفر ديل في خلآ السودان دا رآقدين. ناس الحرآم دا ما بعرفوا خلّك من
يقعوا فيهو، وغايتو الحكام الظلمة ديل اليشوفوا جكتم.

عليك الله كان وقعت لك فوق وآحد منهم
خلّوُ اليدعي لي معاك.

مودتي...

قصدك الدود الصحى المرافعين خوف؟

Quote: قصدك الدود الصحى المرافعين خوف؟

سلآمات يا البيتي.

يا اخي هسّع جابت لها خِدمة قرآن !!!
قالوا خادم القرآن الكريم !!!، والله خِدمة القرآن الكريم دي
قدُر ما قلبتها ما لقيت ليها صفحةً ترقد عليها.


مودتي...