صراحة اصلن انا ما كنت بفتش ليهو -جواي- شديييييد كنت منمر على اللقب الكبير.. بس جات الاربعين برا رسالة .. وتبخر الامل
--------
الاكتشاف الاعظم من شاعريتي المجيدة .. اكتشفت اني ما عندي اصحاب!! مع انو الذمم الثقافية وااااسعة .. تسع الجميع حولي ما تديك الدرب و كريميييييين يوزعوا ويتنابذوا بالالقاب الثقافية الرفيعة ساااااي .. وبئس الاثم!
هطول حزن سرمدي .. او ابو الزهراء كما غنته الامطار الباذخة
مدخل اول: (بالكراع اليمين)
لما حاجاتك تخستك شديد! اعصر اوتار النشيد لي لحن جديد .. صفحة
نقطة سطر جديد
نص
لما الحنين يتوهطك .. ظن ويتوهمك .. ما يوهدبك ما تتلفت .. واصل سكتك واصل هطولك .. واتدفق ما اصلاً دي هي فكرتك ولا وجود انت موجود .. انت الوجود صرّم عجيلات الشوق ما يرضعن ضرع الغيوم او لبسن بامبرز عشان ما ينجرح خاطر الحنين بي مطر نفس فكرتك ..هي فكرتك وانت موجود وبكرة مولود يا ابو الزهور هي زهرتك
Quote: صرّم عجيلات الشوق ما يرضعن ضرع الغيوم او لبسن بامبرز عشان ما ينجرح خاطر الحنين بي مطر نفس فكرتك ..هي فكرتك وانت موجود وبكرة مولود يا ابو الزهور هي زهرتك
امس كنت بكتب فى "نص" حق الله والرسول اخر كلمة كتبتها كانت "ومن قال الله اعلم فقد افتى وكتبت ملحقا لها "افتى لينا خلينا نمرق " هسى بالله عليك يا قيقا افتى لينا الله "يفتا" عليك
Quote: امس كنت بكتب فى "نص" حق الله والرسول اخر كلمة كتبتها كانت "ومن قال الله اعلم فقد افتى وكتبت ملحقا لها "افتى لينا خلينا نمرق " هسى بالله عليك يا قيقا افتى لينا الله "يفتا" عليك
المافى شنو ؟
يعني (نصي) دا ما على سنة الله و رسولو!؟ يا للهول
(مرقتيو) لي كافر عديل كدا!؟ احطبتيني شديد
كدا تكتلي المواهب الواعدة!! دعوا الازهار تتفتح ياخي المافي شنو .. المشهد الثقافي حالة كونو ملتوث .. بسع الجميع
النصيحة فيو ريحة الالحاد .. لكن ما بي الله .. الله في .. ودي ثبتناها في العنوان
لكن في (كائن) اسمو (حب)!؟
ول على قول قباني : هو [بعض من تصورنا] ساي؟ غايتو دا الانكرو (النص) ما انا في [لا وجود ..وانت موجود]
اما بعد
بخصوص ما دار محور سؤالكم عنه بعد الحمد و الثناء لله .. والصلاة و السلام على من لا نبي بعده نقول:
الله أعلم
------
ليس المسئول باعلم من السائل
سلام و سلام يا ستهن .. الاولى تحية و التانية حالة متمناة للجميع من لدن ابو الزهور وليك ولي
