Post: #1 Title: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 01-31-2012, 08:54 PM
أنتهت حلقة الإتجاه المعاكس قبل موعدها المحدد بعشر دقائق نتيجة مشادة حادة أفضت إلى معركة (شكلة عديل) بالأيدي .
Post: #2 Title: Re: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 01-31-2012, 08:57 PM Parent: #1
الحلقة كانت مخصصة للحديث عن: مستقبل النظام السوري وضيوفها هم: سوري معارض ولبناني مؤيد للنظام
Post: #3 Title: Re: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 01-31-2012, 09:13 PM Parent: #2
ليست هي المرة الأولى التي يشهد فيها البرنامج مشادة بين المتحاورين، العام الماضي حدثت ثلاث حالات مماثلة، والمفارقة أن أبطالها هم سوريين.
Post: #4 Title: Re: مشادة وعراك بالأيدي في برنامج الإتجاه المعاكس! Author: البحيراوي Date: 01-31-2012, 09:21 PM Parent: #3
الأخ أيمن
تحياتي - شوف الضيوف معارض سوري ولبناني متعاطف من النظام السوري - يعني الإختيار ذاتو يا أخي غير موفق ويبدو أن قناة الجزيرة تحتاج لجلسات لضيوفها عن أدب الحوار . والله دا فلس عدييييييييل كدا يا أيمن
بحيراوي
Post: #5 Title: Re: مشادة وعراك بالأيدي في برنامج الإتجاه المعاكس! Author: محمد جلال عبدالله Date: 01-31-2012, 09:31 PM Parent: #4
انت عارف الضرب هين .. الجماعة ديل فقدوا المنطق عديل وألفاظ بذيئة وتعبيرات وإيحاءات كده غايتو أسكت ساكت!! غايتو دي حلقة استثنائية ما أظن الجزيرة تعيدها
Post: #6 Title: Re: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 01-31-2012, 09:33 PM Parent: #4
شوف الضيوف معارض سوري ولبناني متعاطف من النظام السوري
فعلاً أنا ملاحظ إنو غالباً ضيوف الحلقة لما تكون في الشأن السوري بيكون واحد سوري والتاني لبناني. والغريبة اللبناني في الغالب بيكون في صف النظام.... ما عارف الحاجة دي صدفة ولا مقصودة؟؟؟
تحياتي يا بحيراوي ومشكور على المرور
Post: #7 Title: Re: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 01-31-2012, 10:08 PM Parent: #6
غايتو دي حلقة استثنائية ما أظن الجزيرة تعيدها
فعلاً هي حلقة فريدة وإستثنائية.... مشكور أخي محمد جلال
Post: #8 Title: Re: مشادة وعراك بالأيدي في برنامج الإتجاه المعاكس! Author: محمد على حسن Date: 01-31-2012, 10:35 PM Parent: #7
Quote: خبر مؤكد اصابة فيصل القاسم بسيطة جدا وجرح في راس المعارض السوري د محي الدين اللاذقاني
بعد تعرضه للضرب من قبل الشبيح جوزيف أبو فاضل
Post: #9 Title: Re: مشادة وعراك بالأيدي في برنامج الإتجاه المعاكس! Author: خالد فهمي Date: 01-31-2012, 10:41 PM Parent: #8
Post: #11 Title: Re: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 02-01-2012, 06:03 AM Parent: #9
مشكور أخي خالد فهمي على إحضار الفيديو هنا ...
لما شفتا الفيديو طوالي اتذكرت جون سينا، سبحان الله.
Post: #10 Title: Re: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 02-01-2012, 05:54 AM Parent: #8
رغم أننا شاهدنا بداية المعركة لكن واضح أنها استمرت بعد قطع البرنامج لفترة والدليل كما قلت إصابة فيصل القاسم. بالله ديل ناس ممكن نقول عليهم مستنيرين. فعلاً .. القلم ما بزيل بلم..
مشكور محمد علي حسن
Post: #12 Title: Re: مشادة وعراك بالأيدي في برنامج الإتجاه المعاكس! Author: شهاب الفاتح عثمان Date: 02-01-2012, 09:59 AM Parent: #10
المشكلة في التعليم , تعليم بلا تربية , والمشكلة لم نعرف ادب الحوار و الديموقراطية ______________________________________________________ ليتهم يعلمون ان عمر اللحظـه في بعـدك يا خـرطـوم سنين طـوال. د شهـاب الفاتح ـ كوالالمبـور
Post: #13 Title: Re: مشادة وعراك بالأيدي في برنامج الإتجاه المعاكس! Author: محمد جلال عبدالله Date: 02-01-2012, 10:47 AM Parent: #12
الموضوع ده شكله مدبر من المعارضة السورية بالاتفاق مع فيصل القاسم!!
أول شي اختيار الضيف اللبناني: عصبي وأهبـل جدا وأي حاجة تتوقعا منو تاني شي: المعارض السوري كان يستفز اللبناني بصورة واضحة جدا جدا تالت شي: مما قام اللبناني مفروض كان يوقفوا البث ويطلعوا فاصل ويحجزوهم الحاصل إنو فيصل القاسم بقى قاعد في مكانو واللبناني متقدم على السوري لحدي ما وصله ووقف قدامه زي 10 ثوان يهدد وينبز ويتوعد ويعمل ليه حركات ملاكمة في الهواء أنا ما عارف الوكت ده كلو فيصل القاسم والاسطاف بتاع الاستوديو بعمل في شنو الضيف اللبناني متقدم ويلاكم في الهواء وفيصل بجذب في الضيف بتاع المعارضة!!! لحدي ما حصل الدشمان وسمعنا الألفاظ الجميلة الانقطعت عليها الحلقة ويبدو لي لو ما الملافظ دي كان التصوير استمر عادي جدا!!!
Post: #15 Title: Re: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 02-01-2012, 01:04 PM Parent: #13
Quote: الموضوع ده شكله مدبر من المعارضة السورية بالاتفاق مع فيصل القاسم!!
غايتو الجزيرة دي كل شي منها ممكن... حمدو في بطنو.
Post: #14 Title: Re: مشادة وعراك بالأيدي في برنامج الإتجاه المعاكس! Author: أيمن مبارك أبو الحسن Date: 02-01-2012, 10:52 AM Parent: #12
Quote: المشكلة في التعليم , تعليم بلا تربية , والمشكلة لم نعرف ادب الحوار و الديموقراطية
فعلاً هؤلاء بحاجة لتعلم الديمقراطية ... الضيق بالرأي الآخر لا يستقيم مع مبادئ الديمقراطية التي يدعون إليها. مشكور عزيزي د. شهاب