الأوقاف تحذر من كارثة بعمارة الذهب ( يوجد مستند )

حذرت هيئة الاوقاف الاسلامية ( المالك لعمارة الذهب ) بالخرطوم من كارثة قد تحل بالمبنى نسبة لزيادة أعداد خزن الاموال الكبيرة التي رفعت اعدادا كبيرة منها خلال الايام الماضية وطالبت المستأجرين بعدم رفع خزن جديدة .

Quote: وطالبت المستأجرين بعدم رفع خزن جديدة .

خليهم يجيبوها مكتبة ميم ممكن نقلبه ليهم مخزن

يا معتصم ياخي هسي أنا قايل سبب الكارثة إحتمال
إنهيار بسبب تسرب موية واللا المقاول غشّ في المواد
تجي تقول ح تقع من كترة القروش!!!

بالله ده كلام ده!!!







صحي حنافلة فارات..

Quote: صحي حنافلة فارات..

هههههههههههههههههههه

Quote: خليهم يجيبوها مكتبة ميم ممكن نقلبه ليهم مخزن

جدا يا كمندان

التحذير ..

معتصم ..سلامات ياحبيب ..

ياخي العمارة دي اقدم من الدهب ذاته ..
عليك الله ناس عندها دهب قدر ده ماقادرين يبنوا ليهم مبنى جديد ومسلح تمام ؟!!
الناس دي بخيلة ولا شنو ؟!!
ياخي انا لمن جيتك كنت خايف العمارة دي تقع قبل اشرب الشاي
عشان كده ماشفتني طلعت سريع ..


تحياتي ،،

لكن يا معتصم زي زولك الجاب ليهو عشرة كيلو دهب من الفولة فكاها سريع ورجع ما إلا يجيبو ليهو نوع الخزن التقيلة دي أنا خايف بعد شوية تمشوا الوادي الأخضر تعملو ليكم مطامير للقروش... ربنا يزيد ويبارك.

Quote: لكن يا معتصم زي زولك الجاب ليهو عشرة كيلو دهب من الفولة فكاها سريع ورجع ما إلا يجيبو ليهو نوع الخزن التقيلة دي أنا خايف بعد شوية تمشوا الوادي الأخضر تعملو ليكم مطامير للقروش... ربنا يزيد ويبارك

تحياتي محمد الامين ..

Quote: معتصم ..سلامات ياحبيب .. ياخي العمارة دي اقدم من الدهب ذاته .. عليك الله ناس عندها دهب قدر ده ماقادرين يبنوا ليهم مبنى جديد ومسلح تمام ؟!! الناس دي بخيلة ولا شنو ؟!! ياخي انا لمن جيتك كنت خايف العمارة دي تقع قبل اشرب الشاي عشان كده ماشفتني طلعت سريع .

سلام

عمار الذهب ليست بالقديمه فهي لم تكمل العشرين عاما وهي بنايه مسلحه
لكن منذ بنائها لم يتم إضافه مسمار واحد كصيانه

تصميمها سيء واستعمالها سيء للغايه خصوصا في الطوابق العلى - التي تتخذ كورش في الغالب ومكاتب

الأخ معتصم
عماره الذهب هي كارثه مستمره منذ اليوم الاول لبناءها
من تصميمها الغريب وسلالمها المهترئه مرورا بأسلاك الكهرباء المتبعثره هنا وهناك والقاذورات التي لا تخطئها العين أو الانف و من جرائم وممارسات بغيضه ومن متبطلين يملئون ردهات البنايه
ان انهيار البنايه سيكون النهايه المحتمه لهذه البنايه
فالخزن ليست الشيء الوحيد المحمل علىها
فمكائن صاغه الذهب تملأ الطابق الأول - والثاني - والتعديلات الجوهريه بين الدكاكين وإلصرف الصحي العشوائي سيعجل بنهايه هذه البنايه العشرينيه

تحياتي ياسر مكاوي

فعلا العمارة حالتها مزرية على الرغم من الايجارات العالية التي تتحصلها الاوقاف دون اي صيانة او نظافة او تنظيم ، وبالفعل العمارة آيلة للانهيار في اية لحظة دون خزن جديدة كما قلت ، فالعمارة تحتوي على اكثر من 200 مكتب في طابقي الميزانين والاول وكل مكتب به اكثر من خزنة وبعضها به اكثر من 8 خزن من الحجم الكبير واقل خزنة وزنها اكثر من طن هذا غير محتويات الخزن من الذهب واضف الى ذلك معدات الورش التي ذكرتها فهي لا تقل وزنا عن الخزن ثم البشر المترددين على العمارة والذين هم في زيادة مضطردة .. كل هذا ثم تبني الاوقاف طابقين جديدين فوق هذه الطوابق المحملة .. ننتظر الكارثة ..

Quote: عشان كده ماشفتني طلعت سريع ..

خلاص يا عمك المكتب بنغيرو ..

Quote: خلاص يا عمك المكتب بنغيرو ..

بس تعال قريب مننا........

Quote: بس تعال قريب مننا........

Sure

سلامات معتصم و ربى يغطى عليكم
لكن العمارة دى مش من بنوها عارفين انها ح تكون سوق دهب؟؟؟؟؟
معقول ما فى زول ختا فى باله اثناء التصميم ان ناس الدهب ديل بيحبوا الخزن ذى عيونهم ؟؟؟؟؟

الاخ والجار المعتصم

كارثه عماره الدهب الكبرى ليس الخزن بل معروفه للجميع

خصوصاانا وانت وهى المواد السامه التى تنتج من عمليات نظافه الذهب

الاخ معتصم سلامات و ربنايحفظكم

ياخي " السلالم" بتاعتكم ديك براها " كارثة"

سلامات يا عمر ..

السلالم براها .. العمارة كلها كارثة

صديقي استاذ ياسر ..

ما تحدثت عنه هو مربط الفرس ..

فعمليات تخليص الذهب بواسطة حامض الكبريتيك المركز ويسمى عندنا (ماء الحل ) سيكون القشة التي ستقصم ظهر العمارة لان هذه المادة باستطاعتها اذابة اي معدن عدا الذهب ويمكنها اذابة الخرصانة والاسمنت كذلك .. صباح اليوم احد الصاغة شبه لي عمل هذه المادة مع حديد التسليح كالبسكويت اذا ادخل في الشاي الحار .. وقد استعملت هذه المادة بكثافة خلال العشر سنوات الماضية في سطح المبنى .. ربك يستر

Quote: سلامات معتصم و ربى يغطى عليكم لكن العمارة دى مش من بنوها عارفين انها ح تكون سوق دهب؟؟؟؟؟ معقول ما فى زول ختا فى باله اثناء التصميم ان ناس الدهب ديل بيحبوا الخزن ذى عيونهم ؟؟؟؟؟

لك شكري وتقديري اسمارت

صباح اليوم كنت اتحدث مع احد مهندسي الاوقاف حول ذات الامر واكد لي انهم تحسبوا لذلك عند التصميم الا انهم لم يتخيلوا ان يبلغ عدد الخزن هذا الحجم ..

الاخ معتصم سلام
و كمان

Quote: انهم تحسبوا لذلك عند التصميم الا انهم لم يتخيلوا ان يبلغ عدد الخزن هذا الحجم ..

ده كلام ...كيف يكون تحسبوا ....و لم يتخيلوا ؟؟؟؟؟؟؟؟؟؟
مثلا اذا وضع مهندس ان عمر العمارة 50 سنة مثلا ...ففي السنة ال 25 من عمر العمارة ستكون الاحمال كذا ...و عندها طريقة حسابية..