هذا كلام كبير لم نتعود أن نسمعه في عالمنا العربي والإسلامي

مصطفى عبد الجليل ( ولا نزكي على الله أحدا ) !!!



اقشعر بدني حين سمعت الحاج مصطفى عبد الجليل في بنغازي يقول: سأضع نفسي تحت طائلة المحاسبة والقانون عن أربع سنوات عملت فيها مع القذافي مِثلي مِثلُ أي مسؤول آخر". "هذا كلام كبير لم نتعود أن نسمعه في عالمنا العربي والإسلامي."د. سلمان العوده_مفكر عربي"

- "خطاب السيد مصطفى عبد الجليل يُدرَّس لقادة وسياسيي العالم"."داوود أوغلو_ وزير خارجية تركيا"

- "هذه هي المرة الأولى التي يطلب فيها مني رئيس دولة أن نأخذ فترة استراحة أثناء الإجتماع ليؤدي الصلاة, هذا الرجل يستحق الإحترام"."ساركوزي_ رئيس فرنسا"

- "أول رئيس عربي يذهب الي صلاة الفجر في مسجد في لندن"."كاميرون_ رئيس وزراء بريطانيا"

- "عندما استيقظنا صباحا لم نجده فظنناه قد تاه في غرفته في الفندق وإذ به كان خارجا لصلاة الفجر في مسجد بتركيا". "داوود أغلو- وزير خارجية تركيا"

يعني الناس ما بجوك للحاجات السمحة الا تكتب ليهم فارغة

طيب نقلبا فارغة يا ابا سنينة يلا تعال ونس

فوق للجادين فقط

الطيب :

نهارك سعيد ..
( صلاة الرؤساء ) و ( درجة إيمانهم العالية ) و ( التزامهم بالشرع ) ..
لا تخدم الشعوب في شيء ..

أولهم ( حقنا ) و ثانيهم مصطفى عبدالجليل هذا ..
الرجل كان وزيرا - بجلاجل - , أدى قسما غليظاً بقبول ( التكليف ) ..
و التفاني في خدمة ( ثورة الفاتح ) و اللجان الثورية ..

كان وزيرا مخلصا من ضمن المنظومة القذافية ؛ و قيل أنه كان مطيعا جدا ..
و لأن شرارة الثورة كانت قوية آثر الرجل أن ينفد بجلده مع آخرين قرأوا الحدث جيدا ..
و اتعظوا من تونس و مصر و من فرار بن علي و ( بهدلة ) السيد مبارك ..

فجأة تزعم ثورة كانت ضد نظامه .. و ضد سياسات كان يتبناها بشكل علني و صريح ..
( الورع ) الشكلي كان واحدا من ( مؤهلات ) زعامته ..
اضافة للـ ( قبيلة ) ..
و لعب دور ( طبيعة الثوار و توجهاتهم ) دورا أساسياً ..

الرجل لم يقد ثورة بمعناها ؛ انما قاد ( ثورة ) انتهت بانقلاب نفذه السيد الناتو ..
و هذا ما يفقد ( ثورة ليبيا ) بريقها الذي بدأت به ..
أضف لذلك الدور القطري - الأردني - الاستخباري الفرنسي - العسكري البريطاني و جملة من
( الاستشاريين العسكريين ) ..

فعلا ( كلام كبير لم نتعود أن نسمعه ) ..


تحياتي ..

العزيز/ شيقا

سلام

في تاريخ ليبيا لايوجد من يقف ويجادل المعتوه القذافي كما فعلها هذا الرجل..
الشريط كان شهادة له وليس عليه كما كان قصد من انتجه..

Quote: طيب نقلبا فارغة يا ابا سنينة يلا تعال ونس

دا بس الفالح فية هههههههههههههههههههه
عزوووو صاحبك خلى الوارى والعنكوليب والبصات وقلب سياسة .....غليتو اللهم طولك ياروح

بعيدا عن الونسة يا شيقا غالى وعزيز خلينا ندعو للهولاء الفتية بالتوفيق والسداد وليكونوا نموذج يحتدى بهم

وليكن درسا للذين وضعوا الدين والشعارات الدنينه سلما لتحقيق مآرب اخرى بعيدا كل البعد عن التوجهات السامية التى يحملها ديننا الحنيف

ما يحيرنى فعلا يا شيقا ان هولاء القوم عند الحديث الدين تجدهم علماء ومتخصصين فى كل اموره حتى الفتوى منها ....التى خص الله بها القليل من عباده ...واذا رحعت الى اعمالهم كانهم لم يعرفوا الله فى شى ..

شى عجيب وتقشر له النفوس فعلا

فماذا نسمى هذا هل هو استهتار بشرع الله ام تهاون ام ماذا ؟؟؟؟؟؟

نسال الله العفو والعافية وان يبعدنا كل البعد عن كل يدنس حياتنا وان نسال عن اعمالنا فقط دون ان نتعلق بذنب احد من خلقة

فرحمه الله بنا واسعه واملنا فى الله كبير ان يدخلنا الجنه برحمتة .

الاخ عبد اللطيف

الف شكر على المداخلة القيمة

بالجد نحن في حاجة لمعرفة مزيد من التفاصيل حول هذا الرجل

بس كونو النخب المستنيرة دي كولها راضية عنو بيديك إنطباع أنه رجل مقبول ومتوازن

أعجبني نبذه للطرف ودعوته للوسطية إن لم تكن ضربا من الدعاية

خالص ودي

الاخ عزيز

سلامي

Quote: في تاريخ ليبيا لايوجد من يقف ويجادل المعتوه القذافي كما فعلها هذا الرجل.. الشريط كان شهادة له وليس عليه كما كان قصد من انتجه..

الله يخليك - بس للاسف الفديو ما بفتح في المكتب .

كلامك يتعارض مع كلام الاخ عبد اللطيف اعلاه


المهم في انتظار المزيد من الاراء ليكون حكمنا عليه موضوعيا

Quote: اقشعر بدني حين سمعت الحاج مصطفى عبد الجليل في بنغازي يقول: سأضع نفسي تحت طائلة المحاسبة والقانون عن أربع سنوات عملت فيها مع القذافي مِثلي مِثلُ أي مسؤول آخر". "هذا كلام كبير لم نتعود أن نسمعه في عالمنا العربي والإسلامي."د. سلمان العوده_مفكر عربي" - "خطاب السيد مصطفى عبد الجليل يُدرَّس لقادة وسياسيي العالم"."داوود أوغلو_ وزير خارجية تركيا" - "هذه هي المرة الأولى التي يطلب فيها مني رئيس دولة أن نأخذ فترة استراحة أثناء الإجتماع ليؤدي الصلاة, هذا الرجل يستحق الإحترام"."ساركوزي_ رئيس فرنسا" - "أول رئيس عربي يذهب الي صلاة الفجر في مسجد في لندن"."كاميرون_ رئيس وزراء بريطانيا" - "عندما استيقظنا صباحا لم نجده فظنناه قد تاه في غرفته في الفندق وإذ به كان خارجا لصلاة الفجر في مسجد بتركيا". "داوود أغلو- وزير خارجية تركيا"

إذاً الأوروبيون يحترمون من يحترم دينه !!!
وبالطبع سيكونون مثلنا في عدم احترام تُجّار الدين ...
والمبادئ لا تتجزأ ...

الاخ صبري

Quote: إذاً الأوروبيون يحترمون من يحترم دينه !!!

ذكرتني موقف مضحك جدا الله يخليك

اذكر زمان ، قبل ظهور نتيجة امتحان الشهادة الثانوية ، ممكن تمشي تشتغل في اى شركة او مؤسسة ريثما يتم اعلان القبول .

اذكر مشيت اقدم للعمل مترجم في شركة انجليزية اسمها مكالباين وكان المتنافسون كتار .

الخواجة طلب جميع المتنافسين لحضور معاينة واذكر كانت في رمضان .

اول حاجة الخواجة ( كان قبرصي ) قال لينا بلغة انجليزية ركيكة Those who are doing Ramadan should keep on this side and those who are not on the other side

كنا صايمين لكن اغلبنا وقف في صف الفاطرين فاكرين السجم دا بفضل الفاطرين عشان بتحملوا ليهو الدعك .

انقر اعمل شنو؟

قال لينا those who are not doing Ramadan are not royal to their God how can they be royal to my company please get out I need only those who are doing ramadan.

يازول مشينا خشمنا ملح ملح

فعلا كلامك صاح الاوربيون يحترمون من يحترم دينه بغض النظر عن شكل ديانته

Quote: قال لينا those who are not doing Ramadan are not royal and honest with their God how can they be royal to my copany please get out I need only thoses who are doing ramadan.

أنا لو كُنت مكانو كان غنّيت ليكم أغنية "عمليتك ما ظريفة وحركتك جبــانـة" رابط الأغنية

دي حركات بتاعة ورجغة ساكت..احمدي نجات اول ماجا قاليهم شيلو الموكيت السمح الفي مكتبو دا وديهو المتحف الايراني..بعد دا تعال شوفو لما ليك في العالم دي ضبح..ياخ بطرد وزراء بالجملة..حكم كورة مايعملها...بعدين كان داير مظاهر الايمان وحركات الصلاة خش اي وزارة خدمية عندنا من الساعة حداشر كلهم في الصلاة من الغفير للمدير....اسفي علي ليبيا من هولاء المتطرفين..الدين مسالة شخصية جدا ولايجب اقحامها في المصلحة العامة.....

Quote: ( صلاة الرؤساء ) و ( درجة إيمانهم العالية ) و ( التزامهم بالشرع ) .. لا تخدم الشعوب في شيء .. أولهم ( حقنا ) و ثانيهم مصطفى عبدالجليل هذا .. الرجل كان وزيرا - بجلاجل - , أدى قسما غليظاً بقبول ( التكليف ) .. و التفاني في خدمة ( ثورة الفاتح ) و اللجان الثورية .. كان وزيرا مخلصا من ضمن المنظومة القذافية ؛ و قيل أنه كان مطيعا جدا .. و لأن شرارة الثورة كانت قوية آثر الرجل أن ينفد بجلده مع آخرين قرأوا الحدث جيدا .. و اتعظوا من تونس و مصر و من فرار بن علي و ( بهدلة ) السيد مبارك .. فجأة تزعم ثورة كانت ضد نظامه .. و ضد سياسات كان يتبناها بشكل علني و صريح .. ( الورع ) الشكلي كان واحدا من ( مؤهلات ) زعامته .. اضافة للـ ( قبيلة ) .. و لعب دور ( طبيعة الثوار و توجهاتهم ) دورا أساسياً .. الرجل لم يقد ثورة بمعناها ؛ انما قاد ( ثورة ) انتهت بانقلاب نفذه السيد الناتو .. و هذا ما يفقد ( ثورة ليبيا ) بريقها الذي بدأت به .. أضف لذلك الدور القطري - الأردني - الاستخباري الفرنسي - العسكري البريطاني و جملة من ( الاستشاريين العسكريين ) .

مع انى ما عندى حاجة فى السياسة
لكن تحليلك فى الصميم
تحياتى

رجل يخاف الله

شكرا الاخوة

محمد ابراهيم

امير

امجد


في انتظار مزيد من الاراء

تحياتى
حاجات زى دى عندنا بالكوم والردوم
مسئول من اياهم وصل جده وعلى طول الى الاعتكاف فى مكه جريا على عادته السنوية!!دهشة محدثى بعد الاشادة به انه بعد عودته من الأعتكاف كان سؤاله عن(حقو) فى اول كلمتين قالهم يعنى الكوميشن فى صفقة مريبة!!!
فى عالمنا هذا المهم جدا صناعة القياده بمثل هذه السلوكيات وصدقنى بتشغل وبتنفع والدليل صاحبنا الذى يحج عاما و...
بالمناسبة (مثل هيك) افاعيل مابتفوت على الخواجات فى شان السياسة!بشجعوها وبيزيدو المحلبية لمن (يبغونك)!!
kofi

Quote: سأضع نفسي تحت طائلة المحاسبة والقانون عن أربع سنوات عملت فيها مع القذافي مِثلي مِثلُ أي مسؤول آخر

هذه هي النقطة المهمة وحتى الآن هي إدّعاء تصدّقه أو تكذّبه الأفعال في مقبل الأيام

Quote: هذه هي المرة الأولى التي يطلب فيها مني رئيس دولة أن نأخذ فترة استراحة أثناء الإجتماع ليؤدي الصلاة, هذا الرجل يستحق الإحترام

يقطع اجتماعًا مهمًا لمصلحة شعبه وبلده ليتفرغ للالتزام الخاص
(غض النظر عن نوع وماهية هذا الالتزام)
هذا مؤشر غير جيد

تحياتي أخونا الطيب

الأيام ستبين أكثر
صدقه

دعونا نرى ما ستسفر عنه الأيام



الطيب
تحايا واحترام
وكل عام وأنت والأسرة بألف خير

بلة ود الفاضل

ازيك ياخ وكل عام وعولك بالف خير

شكرا على مرورك ولا عدمناك

وكلنا في انتظار ما تكشف عنه الايام المقبلة

احمد خلي

Quote: فى عالمنا هذا المهم جدا صناعة القياده بمثل هذه السلوكيات وصدقنى بتشغل وبتنفع والدليل صاحبنا الذى يحج عاما و... بالمناسبة (مثل هيك) افاعيل مابتفوت على الخواجات فى شان السياسة!بشجعوها وبيزيدو المحلبية لمن (يبغونك)!!

هيك ها الحكي يا زلمي ؟

طه ود ابراهيم

Quote: يقطع اجتماعًا مهمًا لمصلحة شعبه وبلده ليتفرغ للالتزام الخاص (غض النظر عن نوع وماهية هذا الالتزام)

ليش هسع السعوديون بسكروا الداكين والمكاتب كولها في كل وقت صلاة ؟

حرم دي كان ما بقت دين منو يكفي انو راجل صنديد وفارس يغنن فيهو بنات عمو ، طالما طلع من الاجتماع وخلى الخواجات يتلفتوا ويضفروا في اضافرهم على بال ما يتركع ويجيهم صاد . دي انا من اليوم دا بطلق عليها اسم جديد لنج وهو ال Spiritual prestige

Quote: حرم دي كان ما بقت دين منو يكفي انو راجل صنديد وفارس يغنن فيهو بنات عمو ، طالما طلع من الاجتماع وخلى الخواجات يتلفتوا ويضفروا في اضافرهم على بال ما يتركع ويجيهم صاد

إذا كان فعل ذلك بغرض التأثير على الطرف الآخر بشكل من الأشكال فهذه سياسة وليست دين
وإذا كان بسبب الحرص على أداء صلواته في وقتها فهذه غلبة الشخصي الخاص على العام

Quote: دا بس الفالح فية هههههههههههههههههههه عزوووو صاحبك خلى الوارى والعنكوليب والبصات وقلب سياسة .....غليتو اللهم طولك ياروح بعيدا عن الونسة يا شيقا غالى وعزيز خلينا ندعو للهولاء الفتية بالتوفيق والسداد وليكونوا نموذج يحتدى بهم

الوجيه شيقوق

كفاية انك فاتح المنبر وماخد من زمن المكتب.. كمان عايز تشاهد شرائط وافلام يا سعادة المستشار....
بعدين.. وين كلامي الذي يتناقض مع كلام عبداللطيف.. الكل يمدح في الرجل..
........


العزيز أبو سنينة

سلام وكل عام وانتم بخير

السنة دي صاحبنا قضى الاجازة يتلولح في الخرتوم والجبراكة صارت بور..
لا عنكوليب ولا حتى تبش!!
انا سمعت شمار أنه ماشي يترافع في قضية ايمان العبيد..!!

ووصيتي ليهو, بالمرة يصل فاس ويكتب لنا عن اصول الطريقة التجانية..


تحياتي

ودشيقوق
وكذلك أعجبني هذا الرجل قبل غزوة طرابلس حينما أوصى الثوار بعدة اشياء كان أهمها العفو والصفح عند المقدرة .. وأعقبها بجملة كبيرة ... حيث قال سوف يترك رئاسة المجلس الإنتقالي إذا ثبت أن هناك حالات تصفيات جسدية من أي متشددين ؟؟؟ شفت الزهد في السلطة كيفن ؟؟
نتمنى لهم التوفيق والنجاح في بناء بلدهم
وعقبال عندنا
الشفيع

الصلاة دي بالذات علاقة بين المرء وربه ما عندنا بيها شغلة
كلهم يا المسنوح بيجو مكة ويحضنو الحجر الاسود ويملوهو (مخاخيت ودموع) ويرجعو الحال في حلو
بتاع ليبيا ده الله يقدرو على الكلام البقولو وان شاء الله يطلع صادق

اشك في التصريحين بتاعات ساركوزي وديفد كاميرون اعلاه
اشم رائحة تلفيق في التصريحات دي
اولا لا يمكن ان يكون اول رئيس عربي صلى في مسجد لندن (ان كان هناك مسجد بالاسم ده ناس لندن ادرى باسماء مساجدها)
واعتقد ان اكبر مسجد بني في لندن بني بتبرع من الملك فهد يرحمه الله واكيد مشى صلى فيهو (معلومة احتاج ان اتاكد منها)


التعديل لتصليح الكوتيشن

سنو

مالك بتدفس المداخلة جوة البوست ؟

Quote: نسال الله العفو والعافية وان يبعدنا كل البعد عن كل يدنس حياتنا وان نسال عن اعمالنا فقط دون ان نتعلق بذنب احد من خلقة فرحمه الله بنا واسعه واملنا فى الله كبير ان يدخلنا الجنه برحمتة .

مالو كلامك كلام زول مسكين ومؤدب ؟ المدام متابعاك ولا شنو؟

شكيتك وشكيتا على الله العايزة كمان تحرمنا من درابك الحلو داك

Quote: كفاية انك فاتح المنبر وماخد من زمن المكتب.. كمان عايز تشاهد شرائط وافلام يا سعادة المستشار.... بعدين.. وين كلامي الذي يتناقض مع كلام عبداللطيف.. الكل يمدح في الرجل..

ياخ شكرا على الفديو فتح معاى من البيت بالجد الفديو ذاتو معمول بتقنية رائعة

انت قريت كلام ع اللطيف لكن؟

عبد اللطيف مطلع الراجل اى كلام

الشفيع

Quote: وكذلك أعجبني هذا الرجل قبل غزوة طرابلس حينما أوصى الثوار بعدة اشياء كان أهمها العفو والصفح عند المقدرة .. وأعقبها بجملة كبيرة ... حيث قال سوف يترك رئاسة المجلس الإنتقالي إذا ثبت أن هناك حالات تصفيات جسدية من أي متشددين ؟؟؟ شفت الزهد في السلطة كيفن ؟؟ نتمنى لهم التوفيق والنجاح في بناء بلدهم

كلامك صاح والله انا متوسم فيهو كل خير بس محتاج لمزيد من المعلومات حوله

Quote: مالو كلامك كلام زول مسكين ومؤدب ؟ المدام متابعاك ولا شنو؟ شكيتك وشكيتا على الله العايزة كمان تحرمنا من درابك الحلو داك

انت البعجبك شنو ؟؟؟؟؟؟؟؟

مانى مستغرب فى الصحابة السياسيين كل يوم بشكل .......العجب واحدين عندنا بهناك تسمع كلامهم تقول مافى زيهم تشوف فاعيلهم الباقى تموووووو انت ..........

اها مسعول من الخير المسنوحات خبرن شنو هيلت الخرطوم وابو حجار ليهن فترة لا خبر ولا اثر الحكاية شنو

عزوووو طول بالك الخرف على الابواب ولازم نتحمل ......مافى زول بفلت من قسمتوووو

Quote: اها مسعول من الخير المسنوحات خبرن شنو هيلت الخرطوم وابو حجار ليهن فترة لا خبر ولا اثر الحكاية شنو عزوووو طول بالك الخرف على الابواب ولازم نتحمل ......مافى زول بفلت من قسمتوووو

ادونا فيهن عين ساااااااااااى آآآآآآآآآآآآ اللخو

سلام يا شيقا
جيد جدا أن يتحلى رئيس المجلس الوطني الإنتقالي ،على المستوى الشخصي، بتلك الصفات التي جلبت له تقريظ قادة مؤثرين في العالم .لكن الأهم من ذلك كله بناء دولة المؤسسات والقانون التي يتساوى امامها الورع والفاجر. فالعدالة كما يقولون ليس لها دين او لون. هذا من ناحية. ومن ناحية أخرى، نجد أن دول المؤسسات يمكن أن يحكمها شخص متدين ، طيب رجب اردوغان على سبيل المثال، أو شخص غير منضبط على المستوى الشخصي، بيل كلينتون مثلا.!
ما اود أن اقوله بإختصار هو أن السلوك الشخصي – من تدين أو عدمه - للزعماء لا يعبًر بالضرورة عن سياسة الدولة ومؤسساتها. السادات كان يطلق على نفسه " الرئيس المؤمن" ولكن مصر لم تكن دولة دينية.عمر البشير حج البيت الحرام وغسل الكعبة عديييييل.ومع ذلك أزهق من ارواح مواطنيه ما لم يفعله الكفار!.
بالامس القريب إستقال وزير التجارة الياباني يوتشيو هاتشيرو في الحكومة التي تم تدشينها قبل عشرة ايام لمجرد أنه أطلق مزحة مع صحفي تم تأويلها كإستفزاز لمشاعر ضحايا الزلزال والتسونامي.!
العدل هو اساس الملك. ولذلك قال إبن تيمية" إن الله ينصر الدولة الكافرة إن كانت عادلة ولا ينصر الدولة المسلمة إن كانت ظالمة"!
منتظرين لرؤية مآلات الاوضاع في ليبيا ما بعد القذافي.
محبتي

Quote: اها مسعول من الخير المسنوحات خبرن شنو هيلت الخرطوم وابو حجار ليهن فترة لا خبر ولا اثر الحكاية شنو عزوووو طول بالك الخرف على الابواب ولازم نتحمل ......مافى زول بفلت من قسمتوووو

العزيز ابوسنينة..

خبرك!!

ناس الخرتوم ديل تب خبرعن مع المسنوح..
لكن شقيات ابوحجار في أم أرضة هسي..

ياخوي وين الخرف!!.. الشباب يبدأ بعد الاربعين.... "ليس مواليد 1940.. يا شيقا لا تفهمني غلط"

(زول يفط ليك مداخلتك.. وما يرد الا على كلمة او كلمتين مبتورات من كلامك.. يا كمان عامل تجاهل..!!
شيقا ده يا خرّف يا عامل معاي الاكسبريس!!

تحياتي

Quote: جيد جدا أن يتحلى رئيس المجلس الوطني الإنتقالي ،على المستوى الشخصي، بتلك الصفات التي جلبت له تقريظ قادة مؤثرين في العالم .لكن الأهم من ذلك كله بناء دولة المؤسسات والقانون التي يتساوى امامها الورع والفاجر. فالعدالة كما يقولون ليس لها دين او لون. هذا من ناحية. ومن ناحية أخرى، نجد أن دول المؤسسات يمكن أن يحكمها شخص متدين ، طيب رجب اردوغان على سبيل المثال، أو شخص غير منضبط على المستوى الشخصي، بيل كلينتون مثلا.! ما اود أن اقوله بإختصار هو أن السلوك الشخصي – من تدين أو عدمه - للزعماء لا يعبًر بالضرورة عن سياسة الدولة ومؤسساتها. السادات كان يطلق على نفسه " الرئيس المؤمن" ولكن مصر لم تكن دولة دينية.عمر البشير حج البيت الحرام وغسل الكعبة عديييييل.ومع ذلك أزهق من ارواح مواطنيه ما لم يفعله الكفار!. بالامس القريب إستقال وزير التجارة الياباني يوتشيو هاتشيرو في الحكومة التي تم تدشينها قبل عشرة ايام لمجرد أنه أطلق مزحة مع صحفي تم تأويلها كإستفزاز لمشاعر ضحايا الزلزال والتسونامي.! العدل هو اساس الملك. ولذلك قال إبن تيمية" إن الله ينصر الدولة الكافرة إن كانت عادلة ولا ينصر الدولة المسلمة إن كانت ظالمة"! منتظرين لرؤية مآلات الاوضاع في ليبيا ما بعد القذافي.

تسلم اخي الفاتح على هذه المداخلة الثرة

Quote: فالعدالة كما يقولون ليس لها دين او لون

صحيح - يا استاذ - فبعد تنحي اللورد دينغ Lord Denning عن العمل في القضاء وإتجه الى مهنة المحاماة التقي به احد الصحفيين وسأله عما هي العدالة من وجه نظره عندما كان قاضيا وماذا تعنى له العدالة وهو محام ؟ أجابه قائلا ( العدالة في الحالة الاولى هي الفصل العادل بين الخصوم اما في الحالة الثانية فأينما وجدت مصلحة موكلي فهي العدالة)

بو عزيزي

Quote: لكن شقيات ابوحجار في أم أرضة هسي..

شكيت محنك انت البتعرف سجن ام مرضة
باقي لي جيت البردانة ذاتا لكن ما عايز تقول

Quote: ياخوي وين الخرف!!.. الشباب يبدأ بعد الاربعين.... "ليس مواليد 1940.. يا شيقا لا تفهمني غلط" (زول يفط ليك مداخلتك.. وما يرد الا على كلمة او كلمتين مبتورات من كلامك.. يا كمان عامل تجاهل..!! شيقا ده يا خرّف يا عامل معاي الاكسبريس

ياخ انت بتبهل كلام كتير والواحد فجأة بتعتر ليهو كليمة من كلامك تخلى الواحد راسو الف . بعدين انا بمسك في الكليمة دي زى (ام مرضة) وباقي الكلام بخليهو لعينة ابو سنينة باقي لي بخمش بلا حساب زى خمشو لل ........

Quote: ياخ انت بتبهل كلام كتير والواحد فجأة بتعتر ليهو كليمة من كلامك تخلى الواحد راسو الف . بعدين انا بمسك في الكليمة دي زى (ام مرضة) وباقي الكلام بخليهو لعينة ابو سنينة باقي لي بخمش بلا حساب زى خمشو لل ........

عزووو ماقلت ليك الصبر جميل حنس الكلام ما يهو الخرف بذاتووو .........صاحبك بدا يفط سطور

Quote: شكيت محنك انت البتعرف سجن ام مرضة باقي لي جيت البردانة ذاتا لكن ما عايز تقول

مالك يا عزووو بتنبش الماضى الاليم كل النزيلات من ضحياه ( موكلات ) ......الواحدة تدفع دم قلبها وهو الشاطر يريمها ليك فى اقرب كورنة من سجن ام مرضة

غايتو يامافى السجون من مظلومات

سلامات شيقا

Quote: ( الورع ) الشكلي كان واحدا من ( مؤهلات ) زعامته ..

معروف عنه أنه صوفى ورِع .... قرَن قناعاته الشحصية بعمله ... ألم يقل سيدنا على رضى الله عنه:

" الإيمان هو ما وقر فى القلب وصدّقه العمل"....


بعيداً عن البوست:

يا أخى واحد من الظهروا فى التلفزيزن قال قبضوه فى " الحصيرة " .... الكلام دا كيف؟


يا أخى عارفين تلفون المكتب مشغول بالنت... أفتح الموبايل.

ود ابو القاسم

ياخ وينك مشتاقون وكل عام وانت بالف خير

Quote: يا أخى واحد من الظهروا فى التلفزيزن قال قبضوه فى " الحصيرة " .... الكلام دا كيف؟ يا أخى عارفين تلفون المكتب مشغول بالنت... أفتح الموبايل

دا كلام شنو ؟

هاك رقم الموبايل - اسرع اكتبو عشان امسحو من الحمام ما يقوم يحميني النوم ياخ

92543361

تحية للصديق شيقوق...

القادة الذين يذكرهم التاريخ اكتسبوا سماتهم القيادية بتجردهم وتحرر نفوسهم من الغلواء والضعف الانساني... احترامهم لانسانيتهم نابع من احترامهم لقيمة الانسان...

تقديم المثال...السعي نحو الفضائل وتجسيدها سلوكا...كيف يرفد الفكر السلوك هو الامتحان ...ومن هنا ياتي المثال وحسن الاقتداء ايضا...

يغيب عن واقعنا السوداني تقديم المثال وهذا هو السؤال ...اليس كذلك...التحية لاي مثال ناصع وجدير بالاقتداء...


شكرا سعادة المستشار علي الاضاءة.

صديقي محمد الكامل

Quote: القادة الذين يذكرهم التاريخ اكتسبوا سماتهم القيادية بتجردهم وتحرر نفوسهم من الغلواء والضعف الانساني... احترامهم لانسانيتهم نابع من احترامهم لقيمة الانسان... تقديم المثال...السعي نحو الفضائل وتجسيدها سلوكا...كيف يرفد الفكر السلوك هو الامتحان ...ومن هنا ياتي المثال وحسن الاقتداء ايضا... يغيب عن واقعنا السوداني تقديم المثال وهذا هو السؤال ...اليس كذلك...التحية لاي مثال ناصع وجدير بالاقتداء...

تسلم يا عزيزي إنها أتوبيا الموضوعية

تسلم تسلم ولا فض فوك


نعم ...التحية لاي مثال ناصع وجدير بالاقتداء

والله يا جماعة مصطفى دا انا استمعت ليهو كتير وملاحظ كلماتو يزنها بميزان من دهب عشان يصرح بيها

رجل حكيم ، عقلاني وموضوعي خالص

Quote: شكيت محنك انت البتعرف سجن ام مرضة باقي لي جيت البردانة ذاتا لكن ما عايز تقول

العزيز/ شيقا

بوعزيزي دي اظنها عجبتك بلحيل!!

ياخي نحن نصلح في الاسم ونقول "أم أرضة" ترجعو لينا تاني للمرض!!

أذكر قبل المدرسة كنت في شاشينا.. جانا لوري أبيض ضميرك قالوا وجهته البرادنة ومن ديك ما سمعت باسمها الا في المنبر ده!!
لكن غرب البحر من مكوار لي جلقني واللكلندي محل كنت بتجيب الريتينزات يا مسنوح..... دي كلها تبعي.. الا أم شوكة دي شوية كدا ليها حكم ذاتي..!!

Quote: ياخ انت بتبهل كلام كتير والواحد فجأة بتعتر ليهو كليمة من كلامك تخلى الواحد راسو الف . بعدين انا بمسك في الكليمة دي زى (ام مرضة) وباقي الكلام بخليهو لعينة ابو سنينة باقي لي بخمش بلا حساب زى خمشو لل ........

يعني الحتة دي نحولها لي للوجيه ابو سنينة!!
بتتملص من الكلام زي الصارقيل!!

المكرفون معاك يا عنيكليبة!!

Quote: عزووو ماقلت ليك الصبر جميل حنس الكلام ما يهو الخرف بذاتووو .........صاحبك بدا يفط سطور ...................................

العزيز/ ابوسنينة

سلام

صاحبنا بقى ينط صفحة كاملة..
لو البوست ده مفتوح في الرجل الطيب ود عبدالجليل.. كان لينا كلام تاني!!
هسي نحن كدا طلعنا في بني وليد ولا سرت ولا شنو كدا ما عارف!!
"من أنتم؟!!!"

Quote: مالك يا عزووو بتنبش الماضى الاليم كل النزيلات من ضحياه ( موكلات ) ......الواحدة تدفع دم قلبها وهو الشاطر يريمها ليك فى اقرب كورنة من سجن ام مرضة غايتو يامافى السجون من مظلومات

يجازي محنك يا ابوسنينة!!
انت عايز تنكت أيام كان بيجي الجامعة بعشرات المناديل.. ويقوم يهدي لاصحابه كمان!!

عشان خاطر مصطفى عبدالجليل انا حأسكت....
وخاصة اليوم عنده ضيوف مهمين خالص رسين بريطانيا وفرنسا..
وما شاء الله عليه..
الرجل بدأ يبني كاريزما شوية شوية..

بو عزيزي

Quote: أذكر قبل المدرسة كنت في شاشينا.. جانا لوري أبيض ضميرك قالوا وجهته البرادنة ومن ديك ما سمعت باسمها الا في المنبر ده!! لكن غرب البحر من مكوار لي جلقني واللكلندي محل كنت بتجيب الريتينزات يا مسنوح..... دي كلها تبعي.. الا أم شوكة دي شوية كدا ليها حكم ذاتي..!!

ياخ القلوب شواهد والريدة البيناتنا اتاريها بسببها

تاني هلا هلا فيصل هليل وعمو كمال طلعوا ناس مقطوعين ر اس ساي

لا لا الريتينزرات من 14 سمعت بيها ولا كنت زول ضهاري ساى؟

Quote: ياخ القلوب شواهد والريدة البيناتنا اتاريها بسببها تاني هلا هلا فيصل هليل وعمو كمال طلعوا ناس مقطوعين ر اس ساي لا لا الريتينزرات من 14 سمعت بيها ولا كنت زول ضهاري ساى؟

القلوب شواهد ... شواهد العنكوليب...والريدة الكتيرة يا حنين.....

فيسل هليل وعمو كمال قطع الاتصالات وعاملين عصيان اسفيري!! والعقيد يبحث عنهم
المستشار ود عبدالجليل حجّازكم..

نحن قلبنا جاز.. (قلبنا حار) نسينا الريتينزات دي زمان.. 14 ولا 114 كلها ما علينا...

Quote: القلوب شواهد ... شواهد العنكوليب...والريدة الكتيرة يا حنين.....

مسنوووووووووووح

Quote: فيسل هليل وعمو كمال قطع الاتصالات وعاملين عصيان اسفيري!! والعقيد يبحث عنهم المستشار ود عبدالجليل حجّازكم..

ديل اكل العنكوليب خلى الواحد فيهم كان دنقر للابريق ما بقدر يرفعو لا فوق

Quote: نحن قلبنا جاز.. (قلبنا حار) نسينا الريتينزات دي زمان.. 14 ولا 114 كلها ما علينا...

يعني بقيت جاهز للاستقطاب؟

Quote: ديل اكل العنكوليب خلى الواحد فيهم كان دنقر للابريق ما بقدر يرفعو لا فوق

لا لا ياخوي.. ما للدرجة دي.. ممكن يرفعو الا في صوت بينسمع!!!
الكركبة حاصلة!!

Quote: يعني بقيت جاهز للاستقطاب؟

الحرب صارت حارة.. الشئ الذكرتو ده كان زمان أيام الحرب المتلّجة!!

ياخي الدنيا موت من بني وليد لحدي الكرمك!!

Quote: ياخي الدنيا موت من بني وليد لحدي الكرمك!!

نسيت درعا؟

Quote: نسيت درعا؟

درعا ولا أسمر جميل.......


بلح الشام.. عنكوليب الشام.... لعن الله الحرب.. لعن الله الطغاة!!

Quote: لعن الله الحرب.. لعن الله الطغاة!!

حتى لا ننسى البوست....

Quote: حتى لا ننسى البوست....

تشرّك وتحاحي

مسنووووووووووووح