انيمبــــا النيجيري X الهــــلال السوداني

المناسبه: دوري التمانيه في بطوله الابطال الافريقيه المجموعه (ب)
الملعب : ملعب فريق انيمبا بمدينة ابا النيجيريه
التاريخ: الاحد 17/7/2011
التوقيت : يحدد لاحقا
البث التلفزيوني : قناة الجزيره الرياضيه بلس ( رقم القناه لم يحدد بعد)

يخوض الهلال السوداني اولي مباريته في دوري الثمانيه لبطوله الابطال الافريقيه خارج ارضه بمدينه ابا النيجيريه امام فريق انيمبا النيجري ضمن مباريات المجموعه (ب) والتي صنف الهلال علي رأسها. بالتوفيق لفتيه الهلال الاشاوس وهم يسعون نحو تحقيق امال وتطلعات الملايين من عشاقه

عمر ... سلامات
نتمنى ان يفرح الشعب السوداني وليس قبيلة الهلالاب لوحدها

هلا يابوب ..

المشكلة كلها غياب مساوى وسامى ..حلينا المشكلة بوضع الربيع والتعاون
كمتوسطى دفاع ...وثلاثى ارتكاز علاء الدين وعمر بخيت واتير توماس ..
وان شاء الله بعد دا الحبة مابتجيكم ..مع العلم اننى اتوقع فوز للهلال
خاصة ان ميشو صاحب صولات لاتنسى خارج الارض ..

النصر للهلال ...

شكرا يا بوب

بالتوفيق للموج الازرق

وافتكر نقطة من انيمبا ما بطالة

ممكن الثلاثة نقاط طبعا ولكن `;ذكريات الخريف 2008 مشاكل الخريف والجو والملعب المبتل
قد يعيق انتصار الهلال


عدلنا يا نزار

Quote: ممكن الثلاثة نقاط طبعا ولكن مشاكل الخريف والجو والملعب المبتل في 2008

اسرع صلح دي يا خليل...

ما يجيك ...الراجل بتاع زريبة العيش بي فتاشتو

للذكري

تحياتى بوب.............وربنا ينصر الهلال ويبث فينا الفرح يا كريم.

يا عمر سلام
امنياتى للهلال بالانتصر وزى ما قالوا الجماعه نقطة واحدة ما بطاله
اتمنى ان نكون معكم اذا وفقنا فى السفر يوم الاربعاء باذن الله
تحياتى
عمار تلودى

يا عمر سلام
امنياتى للهلال بالانتصر وزى ما قالوا الجماعه نقطة واحدة ما بطاله
اتمنى ان نكون معكم اذا وفقنا فى السفر يوم الاربعاء باذن الله
تحياتى
عمار تلودى

عمر بوب سلامات

غايتو الهلال الرسمى الشفناهو قدام نيل الحصاحيصا دا الله يسترو من المطرة بس يوم 17

شكرآ عمر

و نسال الله النصر و التوفيق للهلال و بالعدم نقطة ما بطالة من خارج الارض

Quote: لمشكلة كلها غياب مساوى وسامى

بالله هم الاتنين ما حيشاركوا يا محمد ؟
الان زاد قلقي على الهلال العظيم ..
ربك يستر ..

Quote: ذكريات الخريف 2008 مشاكل الخريف والجو والملعب المبتل قد يعيق انتصار الهلال

Quote: غايتو الهلال الرسمى الشفناهو قدام نيل الحصاحيصا دا الله يسترو من المطرة بس يوم 17

تفتشوا للمطرة من هسه مالكم ؟!!! هي المطرة دي بتجي في سايد واحد ولا بتقصد فريق الهلال بس ؟!!!! هههههه
تغلبوا بنبارك ليكم ..تتغلبوا عيونكم مابتشوف حتى النور ...




بوب ...سلامات ..

عمر بوب وهلالاب الأرض

مباراة الهلال أمس مع نيل الحصاحيصا كانت سيئة وكان الفريق تائهاً تماماً فيها
لا أدري أي المشكلة في الهلال
هل في اللاعبين ام في الادارة ام في المدرب
الهلال لعب وتحس كأن اللاعبين لا خطة لهم ولا هدف يركضون ورائه
مهند كان جيد وبشة كان جيد وعمر بخيت كالعادة ماشاء الله
ابراهيما توري كان بعيد جداً عن اللعب
سادومبا كعادته كان مرعباً
الدفاع وكأنه لا يوجد
خليفة التقول لا عب دارفوري ما لاعب في الهلال

الله كريم لكن علاء الدين يوسف مكانو ما بتملي

الصادق

Quote: خليفة التقول لا عب دارفوري ما لاعب في الهلال

دارفوري ولا بيجاوى ؟!!!!

مرحبا بجحافل الموج الازرق الهلالاب والهلالاب الزعلانين
اخدو راحتكم فالبوست بوستكم جمعيا

بوب ،،

Quote: مرحبا بجحافل الموج الازرق الهلالاب والهلالاب الزعلانين اخدو راحتكم فالبوست بوستكم جمعيا

طيب نحن كيف؟






أحب النيل ذاااااتو ،،


بتماسيحو كمااان ،،،،،،،،،،،،

ابراهيم محمد الحسن سلامات

Quote: طيب نحن كيف؟

انتو ديل

Quote: الهلالاب الزعلانين

يبدأ الهلال مشواره الافريقي بعد ان اقام معسكرا مقفولا بمدينه 6 اكتوبر المصريه لمدة اسبوعين. لم يكن المعسكر ناجحا تماما فقد سادته بعض الاخفقات اهمهما في نظري
1/ اللاعبين لم يتجمعوا كلهم عند بدايه المعسكر فمن حوالي ال 25 لاعب المسجلين في الكشف بدا الهلال معسكره ب 14 لاعب فقط وغاب البقيه لاسباب مختلفه ولم يجتمع شمل اللعيبه الا بعد مرور ما يقرب الاسبوع من بدايه المعسكر اي بعد قرابه نصف المده
2/ لان توقيت المعسكر كان في فتره حرجه جدا بالنسبه للدوري المصري لم يتمكن الهلال من اجراء تجارب قويه مع انديه الممتاز المصري واكتفي باجراء مباريا وديه مع فرق مغموره جدا لا اظن انها افادت الهلال كثيرا

المعروف ان الهلال كان قد دعم صفوفه بثلاثه لاعبين اثناء الفتره التكميليه وهم اتوبنج الكاميروني و ابراهيما توريه الغاني ومدافع الخرطوم امير ربيع ولاعبين لهم صيت وكانوا نجوما في فرقهم السابقه ويمكن ان يكونوا اضافه للهلال اذا ما تالقم الاجانب مع طبيعه الكره السودانيه وانسجمو مع زملائهم في فرقه الهلال لكن بنفس القدر يمكن ان يقشل ثلاثتهم او اي منهم في ان يكون اضافه حفيفيه رغم الضجه الاعلاميه الكبيره التي صاحبت تسجيلهم

بعد عودته من معسكر 6 اكتوبر ادي الهلال اربع مباريات الاولي في دوري السودان مع احد انديه القطينه وكسبها ب 10 اهداف ومبارات مع فريق سلكوفينيا الكيني والذي استقدمه الهلال خصيصا لهذه المباريات.
لم اشاهد مبارة القطينه ولا المباره الاولي للفريق الكيني والتي كسبها الهلا 3/ صفر وشاهدت البث المسجل من قناة قوون للمباره الثانيه والتي انتهت بفوز ساحق للهلال بلغ ثمانيه اهداف ورغم الاهداف الكثيره لم يكن الهلال مطمئنا بالنسبه لي. فعيوب الهلال المزمنه ما زالت كما هي لم تتحسن وهي:
1/ الدقه في التسليم والاستلام
2/ غياب اللعب الممرحل للانتقال بالكره من الدفاع للوسط للهجوم
4/ البطْ القاتل في الانتقال دفاعا و هجوما وذلك بالاكثار من التحضير باللعب العرضي في المناطق الخلفيه
5/ اللعب علي الواقف لمعظم لاعبي وسط الهلال مما يعني تضيق المساحات من الخصوم وسهوله الضغط علي لاعب الكره
هذه العيوب ظهرت جليا في التجربه الحقيقيه الوحيده التي خاضها الهلال امام النيل الحصاصيا ضمن مباريات الدوري الممتاز والتي انتهت بالتعادل 1/1.
ورغم ان النيل لم يشكل خطوره كبيره علي مرمي الهلال طوال زمن المباره الا انه امتلك تمانا منطقه الوسط وتناقلو الكوره بكل رشاقه في هذه المنطقه في حين ظهر الهلال مفكك الوصال وتائها كما ذكر الاخ الصادق في مداخلته ومما زاد الطين بله الاستراتيجيه التي لتبعهاه الهلال بارسال الكرات الطويله من المدافعين للمهاجمين والتي تصدي لها دفاع النيل بكل سهوله.
المرات القلائل التي وضع فيها الهلال الكره علي الارض وتناقلها بين لاعبيه شكلت طلعاته خطرا كبيرا علي دفاع النيل واضاع فيها فرصا سهله للغايه كان يمكن ان تحسم المباره تماما لعل ابرزها فرصه اتونج في اول كره يستلمها عند دخواه الملعب

Quote: واكتفي باجراء مباريا وديه مع فرق مغموره جدا لا اظن انها افادت الهلال كثيرا

تصدق ياعمر الهلال بقى لي زي كرستوفر كولومبوس مكتشف امريكيا ..من خلاله اكتشفنا وجود بعض الاتيام في مصر لم نسمع بها ..

sblhj f,f


سلامات بوب


ابو الخل جانا بالخبر الاكيد..

لولا الموية والوحل وشنو كدا ما عارف.. الهليل ما كان بياخد هزيمة تقيلة 4/ صفر..

الهلال سيلعب المباره وهو يحمل ذكريات غير جيد لاخر مباره لعبها امام انيمبا. تلك المباره التي انتهت بهزيمه ثقيله للهلال ب 4/1 وهي اكبر هزيمه للهلال خارج ارضه في مشاركته في دوري الثمانيه في بطوله الابطال. و رغم ان طرد سيف مساوي في الشوط الاول للمباره كان احد الاسباب الرئيسيه لتلك الهزيمه لان الهلال لعب جزء من الشوط الاول وكل الشوط الثاني بعشره لاعبين في ارضيه مغموره تماما بالمياه الا ان السبب الرئيسي في الهزيمه ان نسخه 2008 تلك كانت اضعف نسخ الهلال التي وصلت لدوري المجموعات

Quote: تصدق ياعمر الهلال بقى لي زي كرستوفر كولومبوس مكتشف امريكيا ..من خلاله اكتشفنا وجود بعض الاتيام في مصر لم نسمع بها ..

يا فايز ان كان الهلال كريستوفر كولمبس فالمريخ ابن بطوطه الذي سبق كولمبي بالاف السنين فقد سمعنا باكاديميه الفتي العربي عندما لاعبها المريخ ابان معسكره في مصر في 2009 في نفس اليوم الذي كان يلاقي فيه الاسماعيلي وديا.

Quote: حلينا المشكلة بوضع الربيع والتعاون كمتوسطى دفاع .

سلامات يا محمد عبد الرحمن
لا اظن ان اسامه التعاون سيكون متواجد في المباره فهو الاخر يعاني من الاصابه ولم يشارك مع الهلال في اي من مباريته الاعداديه ولم يشارك كذلك في تمارين المعسكر

سلامات يا كابتن وليد:

Quote: نتمنى ان يفرح الشعب السوداني وليس قبيلة الهلالاب لوحدها

في الحزن العام الذي يعتصر الوطن بانشطاره الكارثي
امل ان يزرع الهلال قليل من الفرح فيما تبقي من الشعب السوداني

بوب ،،

Quote: انتو ديل: Quote: الهلالاب الزعلانين

منووو ديل ؟



نبرى يا يابا ،،

مالك علينا ؟

يخوض الهلال مبارته الاولي امام انيمبا وهو يعني من غيابات مؤثره جدا في خطوطه الخلفيه. فحارس الفريق الاول للفريق المعز محجوب يعاني من اصابه اقعدته طوال فتره الاعداد وبات امر عدم مشاركته في هذه المباره شبه مؤكد.


هذاالوضع سيلقي المهمه علي عاتق عبد الرحمن الدعيع وجمعه جنارو لحارسه عرين الهلال وكليهما تعوزه الخبره الكافيه وان كان الدعيع قد حرس مرمي الهلال دوليا في عديد من المناسبات في ظل غياب المعز

اما في خط الدفاع فالهاجس الذي يؤرق الاهله هو غياب قلبي الدفاع سيف مساوي وسامي عبد الله بعامل الاصابه خاصه غياب سيف مساوي الذي اصبح موخرا الركيزه الاساسيه لدفاع الهلال. وان كان ثمه امل في مشاركة سيف مساوي لانه يؤدي تمارينه بدون كره منذ فتره لاستعاده لياقته البدنيه الا ان الامل شبه مفقود في مشاركه سامي. وحتي لو فرضنا جدلا تعافي كليهما من الاصابه تظل مشاركتهم مجازفه غير مضمونه العواقب لا نهما ابتعدا عن الملاعب لاكثر من شهرين. كذلك سيغيب اسامه التعاون جوكر الفريق الذي يؤدي في متوسط الدفاع وفي الطرف اليمين وفي وظيفه الارتكاز.
هذا الوضع سيجعل خيارات المدرب تنحصر في ديمبا باري واتير توماس وامير ربيع ليملا الخانتين الحساستين مع العلم ان اتير وامير تنقصهم الخبره الدوليه حيث لم يلعب اي منهم هذه الخانه دوليا مع الهلال وان كان اتير احسن حالا من امير لانه شارك مع الهلال امام الافريقي وان كان ذلك في وظيفة الاارتكاز

الأخ بوب سلام
ألف سلامة لعودة المنبر و دحر الهكر
بالعودة للمبارة فالهلال منتصر بإذن الله , بس الله يسترنا من باري ديمبا , الخطر الوحيد الذي يهددنا
نتمني تعافي مساوي و سامي سريعا" ..
معزتي

باقي ساعتين


انشاء الله جاهزين

Quote: بس الله يسترنا من باري ديمبا ,

وأمير الربيع .....


-------------------------------
دفاعنا حالته لا تطمئن والله ....
دعواتنا الصادقة للهلال العظيم بالعودة بنقطة من نقاط المباراة ..

الأمنيات كبيرة
والواقع فيهو (شوية خوف)





بعد تعادل الرجاء والقطن أمس
فان الفرصة أمام الهلال لتصدر مجموعته في الجولة الأولى

فهل يفعلها أخوان سيدا اليوم ؟؟
نأمل ذلك وندعو الله أن ينصر الهلال

الأخ عمر وضيوفك الكرام .. سلام،،،


رابط مشاهدة المباراة (منقول من منتدى بيت السودانيين) مع خالص التحايا للأخ معاوية
http://goo.gl/xAkMu

لمشاهدة البث لابد من انزل الاضافه الخاصه بالقناة للمتصفح
http://www.veetle.com/index.php/download

الخدمه مقدمه من موقع بوابة السودان

http://sudangateone.com/forum.php

مع أمنياتنا للهلال بالتوفيق
............
معاوية مشتاقين .. افتقدناك طوال الأيام الماضية

Quote: مرحبا بجحافل الموج الازرق الهلالاب والهلالاب الزعلانين اخدو راحتكم فالبوست بوستكم جمعيا

يااااااااارب تنصر الهلال

والله رجفة شديدة،،،،والبطن من حسع لينه

المهم يا جماعة لو لا قدر الله حصل للهلال اي مكروه،نتيجة سلبية، لا تظلموا ميشو فالكرة غالب مغلوب

ميشو ده افضل مدرب يجي للهلال في الفترة الماضية

كل شئ إلا ميشو

بالتوفيق لفتية الهلال

الهلال رغم تخوف البعض الا انه فريق مكتمل أكثر من اي وقت مضى

نسال الله ان يوفقهم

الكورة الساعة كم ...؟؟؟؟؟

Quote: الكورة الساعة كم ...؟؟؟؟؟

اربعة بي توقيتك يا ابوحسين ... دعواتك

اللهم انصر سيد البلد

أمنياتنا بفوز الهلال
الكورة الساعة الواحدة بتوقيت قرينتش الرابعة بتوقيت السودان
الكورة منقولة على الجزيرة الرياضية القناة (9)

]
بالتوفيق ان شا الله

الاستديو التحليلي للمباراة:

خمسة دقائق لبداية المباراة
الهلال بالزي الأبيض .. بالتوفيق للأزرق ..

قوووون ............... الهلال هدف

سادومبــــــــــــــــــــــــــــــــــا .. مبروك

مبروك للملايين هدف سادومبا فى الدقيقة 23 تقريبا

نسال الله ان يوفقهم

جمعة ينقذ كرة صعبة جداً ..

تبقت دقيقة واحدة الشوط الأول .. وتألق لافت من حارس مرمى الهلال الصاعد (جمعة)

وهجمة ضائعة خطيرة للهلال تصطدم بالقائم

بالتوفيق .. وفتكم بعافيـــــــة..

بهدف سادومبا الثاني تكون النتيجة الحالية 2/2

مبروووووووووووووووووووووك

Quote: بالتوفيق للموج الازرق وافتكر نقطة من انيمبا ما بطالة ممكن الثلاثة نقاط طبعا ولكن `;ذكريات الخريف 2008 مشاكل الخريف والجو والملعب المبتل قد يعيق انتصار الهلال

شكرا قسطنطين

تعادل بطعم الفوز


رغم النقص الكبير شكرا للجميع


وشكر خاص ل ساساساساسادومبا


وشكرا لعمر بوب وش السعد

مبروك التعادل يا شباب مبروك النجاة من هزيمة ثقيلة كانت مستحقة قياسا على اداء الدفاع
التحية لسادومبا و هو يقاتل و يفك الحصار عن دفاعنا المهلهل
التحية لجمعة رغم الهدف الاول
التحية لهيثم ساي كدا
علاء الدين منفعل و انذار مجاني واداء ضعيف اليوم
عمر بخيت واطة بس
كاريكا كان ممكن تدينا احسن من كدا - لكن اجتهدت برضك

عموما نقطة ما بطالة بترقعنا كويس لقدام , لكن دفاعنا دا بطريقتو دي بدينا الطراوة بدري بدري

ويا ميشو وقت اصلك عايز تغامر بمهاجم آخر اربعة دقايق ما كان تدخل اتوبونج ابو اربعة مليار دا

الف مبرووك
نتيجة مشجعة جدا

النتيجة جيدة بإعتبار ظروف المباراة

الملعب مبتل بفعل فاعل و ليس هنالك أمطار.

الدفاع سئ بسبب النقص الذي فيه و بسبب أرضية الملعب الرديئة و المبللة عن قصد.


نقطة مهمة جدا و ح تفرق كثير في المحصلة النهائية.

مبروك لجماهير الموج الازرق فالنتيجه جيده واجمل ما فيها هو مقدره هجوم الهلال لاحراز هدفين خارج ارضه وهو مؤشر ممتاز
لكن رغم ذلك فان اداء الهلال سادته كثير من العشوائيه خاصه قي بدايه الشوط الثاني وحتي دخول ابراهيما توريه والذي نظم العاب الهلال كثيرا منذ دخوله. قبل ذلك كان جكيع لاعبي الهلال يتخلصون من الكره كيفما اتفق ليبدأ بها فريق انيمبا هجمه جديده علي الهلال واسواأ هم علي الاظلاق كان عمر بخيت اليوم الذي لم تخرج كره واحده سليمه من قدميه طول زمن المباره. بالتاكيد ارضيه الملعب المبتل لم تساعد لاعبي الهلال في تناقل الكره لكن ايضا كانت هناك شفقه ؤائده من لاعبي الهلال ادت الي تلك العشوائيه
ميشو وغم انه الااقرب لفرقه الهلال والاكثر معرفه الاان وضع علاء الدين يوسف في قلب الدفاع ووضع اتير توماس في الارتكاز اضر بالهلال كثيرا فعلاء لم يكن جيدا في الدفاع واتير لم يكن جيدا في الوسط العكس تمتما هذا الوضع المقلوب كشف دفاع الهلال كثيرا والسوء الذي ظهر به دفاع الهلال سببه الرئيسي ضعف لاعبي الارتكاز.
الاظراف ايضا لم يكونوا جيديدين ولكنهم علي الاقل لم يرتكبو اخطا كارثيه
جمعه ادي مباره للذكري في الشوط الاول ورغم انه يتحمل مسؤليه الهدف الاول الا انه انقذ الهلال من تلاته اهداف مؤكده علي الاقل. المحصله ان الهلال قطع شك يمكن ان يتقدم في هذه البطوله وجمعه في حراسه المرمي
اذا عاد سيف مساوي وسامي عبد الله من المباره القادمه سيكون للهلال شأن في هذه المجموعه خاصه في ظل ضعف الرجاء المغربي

الف مبروك للهلال وجماهيره تعادل بطعم الفوز

الإخوة الهلالاب

الف الف مبروك التعادل بطعم الفوز

احب سادومبا مدى الحياة

التحية للحارس جمعة

اخونا فايز ود القاضي تعال بارك لينا ما تعمل زغبير


شكراً اخونا عمر بوب على هذا البوست

فوق فوق هلالنا فوق


أبو كريم

ألف مبروك للهلال و أعتقد أنها نتيجة أكثر من جيدة خصوصاً في ظل التوقف الطويل عن المباريات الرسمية فيما عدا مباراة النيل الحصاحيصا و التي أعتقد أنها أفادت الفريق كثيراً

غايتو بالملعب بتاع أمس دا .. دي نتيجة ممتازة عديل!
بعدين لما يجو يلعبوا في الخرطوم لازم المباراة تكون في ميدان عقرب
ويتملي ضريسا وموية مطرة كمان! ولا تذاكر دخول ولا زول يحجّز المشجعين!!

الإخوة الهلالاب

الف الف مبروك التعادل بطعم الفوز