Post: #1
Title: غير الوصيفاب ... تاني البلع منو؟
Author: محمد البشرى الخضر
Date: 05-08-2011, 11:03 AM
هرجة اليومين الفاتو بتاعة هارون و الحلو ما ممكن تمر ساي
واحد من التيمين كضّااااااااب عديل كدا الكضب الواحد دا يا ما بعرف يحسب
|
Post: #2
Title: Re: غير الوصيفاب ... تاني البلع منو؟
Author: محمد البشرى الخضر
Date: 05-08-2011, 11:13 AM
Parent: #1
حال اعلان النتيجة رسميا نتوقع بل نطالب اعتذار الفريق المخطئ ليس على خطا التوقع بل على الثقة غير العادية و العناوين المضللة و الاصرار و التكرار الممل
وكمان كان وقفوا براهم من البورد اسبوعين تلاتة كدا يكونوا ما قصروا
|
Post: #3
Title: Re: غير الوصيفاب ... تاني البلع منو؟
Author: osman righeem
Date: 05-08-2011, 11:23 AM
Parent: #2
عندما يكون الخلاف سياسي في كل العالم بيكون معيار المصداقية
و الشفافية و التثبت و المستندات المؤيدة هي الشغل المطلوب مع كل بيان
لكن عندنا اول من تقوم من النوم تفتح بوست بامنياتك وكأنها حقائق و بعد كده
تتصل بي ود خالتك خريج معهد الدلنج لو واحد من معارفو هناك ممكن يمدك
بمعلومات علي هواك ...... نحنا قعدنا نقول سودانا فوف فوف فووووووووق
لحدي ما قعد ام فكو من اسم القيم و المبادئ و الاسس المتفق عليها كضوابط
للعمل العام ................................ مبروك للهلال وشنو اخبار أم قزل
|
Post: #4
Title: Re: غير الوصيفاب ... تاني البلع منو؟
Author: ABUHUSSEIN
Date: 05-08-2011, 11:35 AM
Parent: #3
Quote: هرجة اليومين الفاتو بتاعة هارون و الحلو ما ممكن تمر ساي
واحد من التيمين كضّااااااااب عديل كدا الكضب الواحد دا يا ما بعرف يحسب |
إديك العافية يا هندسة
نشوف منو فيهم الكضااااااااااااااااااااااااااب
لكن صدقني بعد النتيجة تظهر حا إبدأ مسلسل الخرخرة
|
Post: #5
Title: Re: غير الوصيفاب ... تاني البلع منو؟
Author: طلحة عبدالله
Date: 05-08-2011, 11:38 AM
Parent: #3
للأسف معاك في الحاجة دي وأتمني ان تكون المرة الأخيرة ..
وعايز أضيف وأقول أنو الكلام دا ذاتو هو الغتس حجر المريخ ووداهو في ستين داهية..
وآخر قولي ان قوم لف .
|
Post: #6
Title: Re: غير الوصيفاب ... تاني البلع منو؟
Author: طارق الكوتش
Date: 05-08-2011, 12:18 PM
Parent: #5
والغريبه حاجه ما عندها اى قيمه ذى بطولة سيكافا كده ...
والمؤتمر الوطنى هو الحزب الاوحد فى الحكومه و اغلب المعارضة
مقاطعة الانتخابات الرئيسية السابقة الرئاسيه منها والبرلمانيه
>> الغااااغ فى شنو ماعارف ؟؟
بعدين لو فاز الحلو هل معناها حينكشح البشير ويفوز الهلال بالابطال
ولو فاز هارون هل بيعنى اشراك المريخ فى دور الترضيه بديلا للافريقى
وياريت يخجلوا شويه ويتركوا الشعب السودانى
الفضل يبتهج قليلا مع انغام سيد البلد ,,,,,,,,,
...
ود البشرى ازيك ومبروك للهلال طبعا عمك خليل و اخوك الكوتش برضو من الناس البلعوا
حيث انهما كانا من فاقدى الامل تماما بصعود سيد البلد، وبعداك طبعا يا ود البشرى
كما ذكر اخونا تنظير بنقول ليك >>>>>>>>>> قوم لف
|
Post: #8
Title: Re: غير الوصيفاب ... تاني البلع منو؟
Author: العوض المسلمي
Date: 05-08-2011, 01:36 PM
Parent: #7
البلع كتير يا ود البشري بس بلع الحلو ده ما بنزل الا بوسطة حقنة شرجية ..
يا عمك لو فعلها مولانا هارون كما فعلها الهلال امس في ناس مفروض تعتزل الكتابة حفاظا علي ماء وجهها "ان تبقي فيه شئ"
تحياتي يا غالي ..
|
Post: #9
Title: Re: غير الوصيفاب ... تاني البلع منو؟
Author: محمد البشرى الخضر
Date: 05-08-2011, 09:13 PM
Parent: #8
هذا زمن تستمد المعلومة فيه قيمتها من دقتها ومصداقيتها إذ مع توفر وسائل الاتصال يمكن تأكيدها أو نفيها في ثوان معدودة
اها تقوم بعد دا كلو تلقى فريقين يدليان بمعلومات متناقضة تماما في موضوع واحد لا يقبل القسمة على اثنين و كل فريق يصر على صدقية معلومته ويزيد ويعيد فيها ويكررها ولا يلقي بالا للمعلومة المناقضة الاخرى
فدا لعمري استنكاح و استهبال راسو عديل كدا من احدهما وعدم احترام للموقع و القراء
روغيم يا عمك يتخيل لي اغلب الناس الهرجت امس حتى ود عما ليهم في الدلنج مافي
الحاصل كان اشبه بسباق البوستات كأن كثرة البوستات و الصوت الاعلى في البورد سيغني عن اصوات المقترعين هناك و يعني فوز المرشح
بعد ظهوور النتيجة يا ابوحسين خرخرة ماف تاني واحد فيهم كضّاااااااااب بخشم الباب وتاني كان قال الشمس طلعت ما نصدّقه
فعلا يا تنظير شعرت بالاسف لما لقيتك معاي وان كان ما فهمت شنو الحاجة الغتست حجر المريخ
حد علمي هو تنظير ادارته واعلامه الكان مغتس حجرو
غض النظر يا كوتش عن مدى اهمية الانتخابات قليل من المصداقية لا يضر بالإضافة لأنو كذبة في موضوع زي دا ح تظهر نتيجته خلال يومين تلاتة بالكتير فيها نوع من الغباء أو استغباء القراء
ههههههههه الوصيفاب بلعوا يا عمران كانوا مهيئين نفسهم على كيتة وغاغات ما انزل الله بها من سلطان
لكن ابو السا سا سادومبا الله يديه العافية طمم بطنهم
العوض يا عمك الاتنين على حد سواء
فريق هارون برضو ما قصر في الثقة و الاصرار و تكرار الحديث عن فوزه
هم ايضا ينطبق عليهم نفس الوضع
|
Post: #10
Title: Re: غير الوصيفاب ... تاني البلع منو؟
Author: nazar hussien
Date: 05-09-2011, 04:55 AM
Parent: #9
لو عندك شافع مابي الاكل يا نوبي...وعايز قروش يشتري بيها (حارس مرمي)
قول ليه...طير...امش ان شاء الله...انت بي بلعة مواهب...
ويعتر ليك قزل في حلقومكم السمين دا
|
Post: #11
Title: Re: غير الوصيفاب ... تاني البلع منو؟
Author: طلحة عبدالله
Date: 05-09-2011, 08:30 AM
Parent: #10
جرجيرQuote: الحاجة الغتست حجر المريخ
حد علمي هو تنظير ادارته واعلامه الكان مغتس حجرو
|
طيب ما أهو إتا على غير العادة فهمتها
تاني الجرجرة ليك ..
الحاجة الغتست حجر المريخ ومازالت هي تنظير إدارتو وإعلامو وتعاملهم العاطفي جدا مع
امور تحتاج للعقل والتدبير .
|
Post: #12
Title: Re: غير الوصيفاب ... تاني البلع منو؟
Author: أسامة عبد الجليل
Date: 05-09-2011, 08:54 AM
Parent: #11
رشاشة أصلي يا ود البشرى
يمين مبروك، ماكنت متوقعكم تعملوها
لكن لمن إتكيفت. ياأ خي نحن لو ما عجبتنا الكورة بتعجبنا حرارة
القلب . إنت قايل نحن في السودان بنشجع كورة بنشجع مواقف يا صاحبي.
الموقف كان سمح.
وتاني مبروك.
عليك الله لو عندك طريقة وضح رأيي ده لي جمال السنوسي.
|
|