محمد E سليمان ينضم الى حزب ( الخضر ) ..لووووول..

دخل علينا الكاتب المشاغب مستر E..
ايميل حزب الخضر وطلب الانضمام .....!!

وتفاجأت جدا ....

لأننى مثل كل الأعضاء والقراء ..أعرف جيدا ميول مستر اى
التى هى بالتأكيد ..بعيدة تماما عن ميولنا السياسية وغير السياسية ..

!!

ولمن لا يعلم ..شهد هذا البورد بينى وبين العضو محمد الحسن سليمان مساجلات ومكاواة وترصد متبادل..

حيث دأب على تسجيل غارات مشهودة على بوستاتى بغرض افسادها وحرفها عن مسارها ، متكلا على عصبيتى وسرعة انفعالى ..
وكنت أبادله غاراته تلك بالمثل ...
من باب المحبة وليس من باب الترصد..

ومرة فاض بى الكيل ..وبلغ بى الغيظ مبلغه فهجوته:

أراك ثقيل الدم شيمتك المكر
أما للخجل نهى عليك ولا أمر
يا أخى بالغيظ كدت تقتلنى قتلا
وأذا قرأت لك أكاد أموت من القهر
فبالله عليك كف عن مضايقتى
وأجعلنى أرتاح من كلامك المر
فيا بلواى لم أعد احتمل أكثر
واذا فارقتنى سينالك الأجر

ولمن لا يعلم ..تربط بينى وبين مستر E صلة قرابة من جهة حبوبتى (آمنة ) الحلنقية الكسلاوية التى سميت على اسمها..
وهى والدة حبوبتى ( فاطمة باشريك ) أم والدى .

فلى أسرة كبيرة ممتدة فى كسلا ..أهل حبوبة أبوى..لا نعرف عنهم الكثير
لأن بورسودان بعيدة عن كسلا وليس كما يظن البعض انهم متجاوريين ..

فالأقليم الشرقى شاسع ومترامى الأطراف .


......

ولكن كما يبدو ان جينات المشاكسة هى نفسها ..

فمع كل الاختلاف الفكرى بينى وبين عزيزنا مستر اى ..
الا ان كلانا لا يقبل بالمسلمات ..ولا يخشى من ( اثارة الضجيج ) اذا تم استهدافه ورد الصاع صاعين ..

يعلم الله يبدو انه انتو اهل
يمين الله البتندرعوا فيه الله قال بقوله(ههههههه)!!

غايتو يا آمونه حزب الخضر ولا البنمبين....
انت ومحمد اي سليمان.....حيكون حاجه مبالغ فيها.

طبعا محمد ابو الدقه
حيقدم لك رؤى ما تخرش الميه!
الا انتبهي للرجعيه ما بين السطور(ههههههه)
بعدين دي رميه رامي بحق
فاهفو جعلك في اكبر محك ديمقراطي
اها حتقبلوا بيه ولا تذوغوا؟!

وهو مثلى تثيره التحديات..وتشعل فيه الحماسة..












مع انه أحيانا ينزع الى( الضرب تحت الحزام ) ...وهذا هو خلافى الرئيسى مع أسلوبه..
اضافة الى خطه الفكرى المتأسلم ..

Quote: فاهفو جعلك في اكبر محك ديمقراطي اها حتقبلوا بيه ولا تذوغوا؟!

تراجى يا حليلك انتى صدقتى ؟

مستر اى شنو البنضم لينا فى حتة واحدة..
والله ده لو لقانا فى الجنة حا يفضل يختار الجحيم ..

كل مافى الأمر ..انو عندى رغبة شديدة فى مداعبته..

وكنت ناوية أمشى أنوم وأخلى يجى الصباح يلقى البوست ده..ويتفاجأ

ولكن بما انى مسافرة..
خفت انو لغاية ما اسافر يومين واجى ..القاه جاتو حمى ولا نوبة قلبية ..

ويقوم يفتح لى بوست على شاكلة ( الكاذبة آمنة مختار ..اثبتى اننى راسلتكم ) .

فعشان كده ..ياناس هوى ..الكلام ده هذار ..
الزول ده لا راسلنا لا بيعرف ايملاتنا وين .

أووو مسز كابيتال ليترز!
ياخ دي دقسة السنين عديل!
خاشة مع الحبشي يدكـ فاضية .. لا كوت لا برنت سكرين!!
غايتو الحلاّ بلة زاتو ما أظن يقدر يتصرف في الموضوع دا!!

انا غايتو حاعمل نفسي ما شفت الكلام بتاعك عن انو الحبشي لم يراسلك
وانتهز هذه الفرصة لاهنئكم بانضمام اللاعب الخطير وراس الحربة الذي يخافه المدافعون الاخضر الحبشي (دي على وزن الاخضر بلومي ) لوووووووول

غايتو يا أمونة البوست ده ما فيهو اي معايير، شيلي شيلتك.

ود الصايم :

Quote: خاشة مع الحبشي يدكـ فاضية .. لا كوت لا برنت سكرين!! غايتو الحلاّ بلة زاتو ما أظن يقدر يتصرف في الموضوع دا!!

ما عشان كده كدبنا الموضوع وقفلنا عليه هذه الطريق قبل ما يجى ناطى لينا..

امنة مختار
تحاياي و عبرك لحزب الخضر

يكون ارتفاع درجة حرارة الارض و ثقب الازون و انهيارات القطب الشمالي اصبحت تؤثر على عقل البشر.

سنصبح يوما يكون فيه الظلامي مستنير و المستنير ظلامي
اهو يا ستي اختلط الحابل بالنابل

اها هاشم نوريت ما رسل ليكم؟

محمد E سليمان ينضم الى حزب ( الخضر ) ..لووووول..

ربما كان هذا هو السبب في اختفائه عن الملاعب هذه الايام [محمد E سليمان اختفى...]

يجهز لكم اوراق حزبية على شاكلة (قضاء الفرض في ارتفاع حرارة الارض) او (رسالة الاوزون على نهج السلف الصالح)

--
ومعه الاخرون بالطبع

Quote: ولمن لا يعلم ..تربط بينى وبين مستر E صلة قرابة من جهة حبوبتى (آمنة ) الحلنقية الكسلاوية التى سميت على اسمها.. وهى والدة حبوبتى ( فاطمة باشريك ) أم والدى .

سلامات يا آمنة ومبارك عليكم الحزب الجديد ...أبوي في مرحلة من العمر كان
خضرجي ..دا ما بيأهلني للإنضمام " للخضر" ؟

.

Quote: ربما كان هذا هو السبب في اختفائه عن الملاعب هذه الايام [محمد E سليمان اختفى...] يجهز لكم اوراق حزبية على شاكلة (قضاء الفرض في ارتفاع حرارة الارض) او (رسالة الاوزون على نهج السلف الصالح) -- ومعه الاخرون بالطبع

يختفى وين..
والله ده ما ينسحب الا عندما يكون متحرفا لقتال..

Quote: انا غايتو حاعمل نفسي ما شفت الكلام بتاعك عن انو الحبشي لم يراسلك وانتهز هذه الفرصة لاهنئكم بانضمام اللاعب الخطير وراس الحربة الذي يخافه المدافعون الاخضر الحبشي (دي على وزن الاخضر بلومي ) لوووووووول

حلوة دى..

مع انى ما بفهم فى الكورة لكن أهلى كلهم كروية..

الأخضر بنلومى ده مش كان زمااان حارس مرمى الجزائر ولا حاجة زى دى ؟

.

Quote: : غايتو يا أمونة البوست ده ما فيهو اي معايير، شيلي شيلتك.

الأخ العوض تحياتى..

غياتو بوست ( المعيار ) داك كان تحفة ..
استعرض فيه الحبشى كل مهاراته النقدية الأكروباتية الجهنمية..
ويستحق عنه بجدارة كأس الجدل للعام الماضى

غواصة بحمرة عين.....بالرجالة

العزيز ثروت ..ألف حمد الله على السلامة..
والله انا متلومة معاك لوم ..
ولا يهمك الاعتقال للجدعان .

Quote: امنة مختار تحاياي و عبرك لحزب الخضر يكون ارتفاع درجة حرارة الارض و ثقب الازون و انهيارات القطب الشمالي اصبحت تؤثر على عقل البشر. سنصبح يوما يكون فيه الظلامي مستنير و المستنير ظلامي اهو يا ستي اختلط الحابل بالنابل اها هاشم نوريت ما رسل ليكم؟

والله العظيم اختلط الحابل بالنابل الى درجة تخلى الواحد راسو يسخن ذاتو !!
ظواهر عجيبة ومريبة ..

أما عن اخونا هشام نوريت ..
عليك الله سمعت ليك ببجاوى أنصار سنة ؟!