هل صحيح القذافى قال: الرئيس السودانى يأكل الشعب السودانى الجرزان ؟

سمعت هذا القول تكرر كثيراً عن أن الرئيس القذافى قال: أنه يأكل الشعب الليبى الكمثرى فى حيث الرئيس البشير يأكل الشعب السودانى الجزران.

هل من يؤكد صحة هذه الرواية ويأتينا بفيديو أو شيئ مكتوب؟


بريمة

سلام يا بريمة

والله ما عندي فكرة عن كلام القذافي لكن المتأكد منو ان البشير بأكل الشعب المصري لحوم الابقار

واريتو كان بقر بقارة، قالوا من مزارع الكيزان، دحين فصلو منكم الجنوب
لا عارفين تسرحوا بيهن جنوبا ولا تبيعوهن شمالا

سلام يا أحمد

مازلت أبحث عن الحقيقة .. عن قول الرئيس القذافى.


بريمة

سلام يا بريمة


رغم ان القذافى تفنن فى اطلاق الكلام على عواهنه

ووصف شعبه بالجرذان


ولكن لا اعتقد انه يقول مثل قولك اعلاه ....


يجب ان نقول الحق ولو على انفسنا ...

الأخ قرشو

سلامات ..

أنا لم أقل أى شيئ .. مازلت أبحث عن الحقيقة ..

لو سمعت بالكلام ورينا المصدر ..


بريمة

الموضة هذه الأيام خاصة في هذا البورد هي نسبة كل سوء للعقيد القذافي مجاراة للجزيرة والإعلام العالمي! تركوا السودان ونظامه وانصرفوا لمهاجمة القذافي، العجيب أنهم لايهاجمون بشار الأسد، و لا علي عبد الله صالح!

ما يجري يؤكد حقيقة واحدة من يملك المال وبالتالي يملك الإعلام يمكنه التلاعب بعقول الناس وغسل أدمغتها لترى العالم بمنظوره هو، وهكذا يسيطر أهل المال على عقول الجماهير ولذلك فمن كانت موارده المالية أكبر بلا شك هو الفائز في أي انتخابات ديمقراطية!


التعديل لتصحيح خطأ طباعي

الأخ محمد عثمان

سلامات ..
راجع المرفق التالى:

من مذكرات الكاتب عباس شريف ..
ملاح حمام الشقوق ...

Quote: يقال ان أسم مدينة زالنجي بغرب السودان يحكي ان هنالك خواجه زمن الاستعمار شديد البأس عند مروره علي المنطقه يخاف منه السكان لعبوس وجهه وحسب لكنة الفور يقال له زعلان جي (( بمعني الزعلان حضر)) الي ان صارت زالن جي وحسب اللكنه مع تكسير الحروف تعاملوا مع الاف عين واختصار اللام الثانية فكانت زالنجي وهي مدينة جميلة لها اجمل مدخل مدينة سودانية تجد اشجار المانجو باليمين والشمال ترسم لوحة فنية جميله وتغطي السماء بالاخضرار حيث الارض يعجز الوصف عنها. الفور شعب مسالم يحب الطرب والمرح ايامهم كلها اعياد واعراس لطيبعة المنطقه الساحره من زالنجي الي جبل مره وشكل الحياة بسيط غير معقد عملنا في بداية الحياة الوظيفيه بالمنطقه ما جمل ان تعيش في مدينة لا يوجد بها صخب المدن الحديثه لو لا اختلاف الحداثه والمباني لقلت ان زالنجي اجمل من بيروت واديس وامستردام .... كنا عند العصريه نجلس علي الشارع امام الباب مع الغمام واحيانا رزاز المطر وبما ان طبيعة الارض جبليه لا يوجد طين في تلك الفترة وبعدنا تم تعيين موظف زميل لينا من ناس الملازمين امدرمان وهو مستغرب المنطقه وكعادة البرنامج بالعصريه نحن جلوس في الشارع وبنات الثانوي من المنطقه فصول اتحاد المعلمين ذهابا ورجوعا وكعادة العذابه التعليق علي البنات (( شوف دي الليلة ليه مغيره لبسا .... زولتك الامس وينا ديك جات ماشه براها .... الزوله السمحه الليلة غايبه ما جات)) نظر صاحبنا بتاع ام درمان الي تعليقاتنا وقال (( والله يا جماعه انتو ما عندكم شغله حسي البنات ديل فيهم واحده سمحه انتو ما شفتوا السماحه ولا شنو والله انا ما بقدر افرز بيناتهم من مستوي الشكل الواحد)) قلته ليهوا يا خوي انت جديد كان قعدته شويه بحصل ليك حاجه اسمها ...أقلمت النظر والطبع.. بعد داك بتقدر تفرز السمحه فيهم وينا كنا نذهب ماموريات مسح ميداني وكان صاحبنا هذا يحمل معه الطحنيه والمربا والخبز الجاف صادف مره الماموريه طويله انقطعت الزواده الخاصه به عند وصلنا لاول شيخ حله بعد المغرب احضر لنا ملاح الكول ما اجمله لا يقاس بوجبات كنتاكي أو ماكونالز رفض زميلنا تناول وجبة الكول بالعصيده معنا انتظر يوم كامل وهو جوعان الي ان وصلنا منطقة جلدو في جبل مره كان شيخ المنطقه كريم بحكم ان جلدو تعتبر مركز احضر لنا عصيده بي دمعه نزلنا في الارض لتناول الوجبه سأل صاحبنا اخبرناه بمكونات الوجبه عصيده لحم ثم نزل ارضا معنا تزوق باصبعه وجد ان الطعم مستساق تناولنا وجبتنا وتحركنا لمنطقه اخري مع مرور الايام تعود زميلنا اكل الكول وجميع الوجبات بالمنطقه وبعد شهور كررنا العوده لمنطقة جلدوا التي يوجد بها الشيخ الكريم همس زميلنا والله لو زولك جاب لينا العصيده بالدمعه ديك اكون ما قصر معانا )) سألني الشيخ .... مالوا الافندي الجديد اوسوس ليك ... قلته ليهوا بتكلم عن كرمك وبذكر العصيده بالدمعه المره الفاتت يا شيخ الجبتها لينا قال اجمل وجبة اتناولا في حياتو وأطعم لحمة اضوقا... ابتسم الشيخ واعتذر عن تقديمها لنا هذه المره بحجة ان الاولاد ما مشو الخلا لصيد الفيران وهو يحب ايضا لحمة الفار ويسمي حمام الشقوق.... نظر صديقنا بي اندهاش وفتحت خشم وطمة بطن كما توجد نظرات عتاب لشخصي همست في اذنه (( ياهو ده ذاتو انك تتأقلم في جمال البلد دي من الفار يتم صناعة الشربات))

ما رأيك؟ ..


بريمة

Quote: *** - تقول كتب التاريـخ عن ذلك اليوم الذي تـم فيه الاعلان عن التاميمات والمصادرة....انه عـندما قام النـميري باعلان تأميـم بنك مـصر وبحـضور جـمال عـبدالناصـر والقذافي باستاد الخـرطوم اثناء الأحتفالات بالعيد الاول لـمايو في 25-5- 1969، ضـحك عبـدالناصر ضـحكة قصيرة ولكنها بصـوت عال لفتت انتباه جـميع الذين كانوا الضيوف بالـمنصة الرئيسيـة ولـم يعلق احدآ من الضباط السودانييـن اعـضاء مجلس الثورةالسوداني ولزموا الصـمت الرهيب ورؤوسـهم مطاطأة خـجلآ من قرار التاميمات وكانهـم يودون لو الأرض انشـقت وبلعتـهم، فقد كانت قـمة الاسـاءة والتـحقيـر لعبدالناصر ان تتـم عملية تآميـم بنك بلده ( بنك مـصر) (والمعروضات المصرية) اثناء وجـوده كـضيف علي السودان. ***- وبعـد ان اتنهـي نـميـري من كلـمته ... جاء دور القذافي ليلقي كلـمة التـرحيب والتـهنئة فوقف وامـسك الـمايكرفون...وقبل ان يبدأ خطابه راحت الجـماهير بدار الرياضة وتـهتف باصـوات عالية وصـاخبة " ناصـر ناصـر " لقـد كانت الجـماهيـر تواقة لسـماع خطبـة عـبدالناصـر وهـي الـجـماهيـر التـي جاءت اصـلآ لرؤية وسـماع ناصـر. *** - بدأ القذافـي فـي الكلام ولكن الـجـماهيـر ماهـدأت من الـهتافات باسـم ناصـر ... وراحـت تقاطع خـطاب القذافي... وكـان واضـحـآ ان الـجماهيـر غـيـر راغبة فـي الأسـتماع له، ثـلاثة مـرات اضـطر فيها القذافـي لقطع خطابه بسـبب اصـرار الجـماهيـر علي الهتافات ولـما يئس من اسـكاتـهم صـرخ فـيهم بـصوت عاضب عـال ......" ( انعل دينكم"!!! ) ***- والغريب فـي الأمر ان الأذاعـة السـودانية التي كانت تنقل مراسـم الاحتفالات مباشـرة من اسـتاد الخـرطوم لـم تستـطع ان توقف او تشـوش علي مسـبة الرئيـس الليبـي فسـمعها أهل السودان وكانت حـديث الناس لفتـرة طويلة!! *** - ولـما جـاء دور عـبدالناصـر ووقف ليلقي خـطبته سـاد الاسـتاد صـمت رهـيب وتطلعت الرؤوس الـي اعـلي ترمق عبدالناصـر باحـتـرام وادب،وحــتي لـحـظة انتهاء خـطابه والذي ماتطرف فيـه ولا بكلمة واحـدة عـن رأيه في التاميمات... كانت الـجماهير تسـمعـه بلاتصـفيق اومـقاطعات.

ده غايتو السمعنا غيرو يطرشنا

الأخ وليد
سلامات ..

Quote: بدأ القذافـي فـي الكلام ولكن الـجـماهيـر ماهـدأت من الـهتافات باسـم ناصـر ... وراحـت تقاطع خـطاب القذافي... وكـان واضـحـآ ان الـجماهيـر غـيـر راغبة فـي الأسـتماع له، ثـلاثة مـرات اضـطر فيها القذافـي لقطع خطابه بسـبب اصـرار الجـماهيـر علي الهتافات ولـما يئس من اسـكاتـهم صـرخ فـيهم بـصوت عاضب عـال ......" ( انعل دينكم"!!! )

لم أفهم جيداً ما تقول .. هل تعنى فعلاً ممكن القذافى يكون قال الرئيس البشير أكل الشعب السودانى الجرذان؟

بريمة

سمعت مثل هذا القول او افظع منه وهو منتشر في السودان
(شوفو عمر البشير(.....)* ده قسم بلدو لي اتنين وشعبو بياكل من الكوش وما طلعو عليهو مظاهرة)



ــــــــ
* شتيمة مقذعة

الأخ محمد أبراهيم على
سلامات ..

Quote: سمعت مثل هذا القول او افظع منه وهو منتشر في السودان (شوفو عمر البشير(.....)* ده قسم بلدو لي اتنين وشعبو بياكل من الكوش وما طلعو عليهو مظاهرة) ــــــــ * شتيمة مقذعة

فى ظنك الكلام أساءة للشعب السودانى أم أساءة للرئيس؟

بريمة

تحياتي بريمة،

لا أحتاج لشهادة عباس الشريف فما شاهدته بعيني يكفي، ولكن من أورد هذا الإدعاء فيما أذكر أورده بصيغة أنه شتيمة للشعب السوداني!

في كل الأحوال دعنا من سيرة الكول هذه فقد قيل فيها ما يكفي!

الاخ بريمه .. سلام

القذافى: الشعب السودانى الجيعان البياكل الجراد ما طلع ا...انكم شبعانيين(فيديو)


قيل انه وصف الشعب السوداني بانه ياكل الجراد ماطلع مظاهرات تتطلعوا انتو ايها الليبين ..يمكن مراجعة البوست اعلاه ..


ولكن اخي بريمه هو وصف شعبه بالجرزان خليك من ان يصف السودانين بان ياكلوها هذا الرجل الان في حالة عدم اتزان وممكن يقول اي حاجه المسكين ..


تقديري..


اضافة حرف

Quote: فى ظنك الكلام أساءة للشعب السودانى أم أساءة للرئيس؟

حسب موقفك من الحكومة يعني
ممكن لو انا مع الحكومة بتكيف للشهادة دي وانو الشعب السوداني مع كل الحصل ده برقص مع البشير
لو انا معارض بتكيف للشتيمة الشتما القذافي للبشير وللشهادة بتاعتو بانو البشير قسم البلد وجوع الشعب

لكن الحقيقة الكلام ده لو طلعتا منو الشتيمة المقذعة هو بيان حقيقة لا اكثر ولا اقل
فالبشير قسم بلاده واجاع شعبه وهذه حقيقة وليست فيها اي اساءة
والبشير لا يزال يتمتع بتاييد في مثلث حمدي على الاقل

الأخ محمد عثمان
تحياتى

Quote: تحياتي بريمة، لا أحتاج لشهادة عباس الشريف فما شاهدته بعيني يكفي، ولكن من أورد هذا الإدعاء فيما أذكر أورده بصيغة أنه شتيمة للشعب السوداني!

هل أفهم أنك تدافع عن القذافى؟ أو تنفى أن أكل الشعب السودانى أو سبه بأنه يأكل الجرذان غير مسبة؟

شخصى فقط أبحث عن حقيقة قول الرئيس القذافى .. وما يهمنى أكثر، هو، هل الرئيس القذافى أصبح فى مواجهة مع النظام فى السودان على العلن؟

لأن كون الرئيس القذافى يقول مثل هذا القوال هذا يعنى توتر الأجواء بين طرابلس والخرطوم .. طبعاً مع أعترافى مثلك أن الشعب السودانى يده غير نظيفة من أستطعام حمام الشقوق!


بريمة

والله يا بريمة امرك عجيب

باين عليك بس جيت عشان تأكد انو الفور بياكلوا الجرذان فعلا

الأخ أسامة
سلامات ..

Quote: قيل انه وصف الشعب السوداني بانه ياكل الجراد ماطلع مظاهرات تتطلعوا انتو ايها الليبين ..يمكن مراجعة البوست اعلاه ..

والله مصيبة .. رئيس دولة يصف شعب كامل لدولة جارة هكذا .. علماً أن أكل الجراد حلال تب.

ما هو السبب أن القذافى يستعدى الشعب السودانى؟

Quote: ما هو السبب أن القذافى يستعدى الشعب السودانى؟

انت يا بيمة قاعد في المريخ

هو القذافي استعدى شعبة وضربة بالطيران، جات على الحكومة السودانية او اي جرذ في العالم
لمن تقتل شعبك يا بريمة القصة معناتا وصلت الحد في انسانيتك

الأخ محمد أبراهيم
سلام ..

Quote: حسب موقفك من الحكومة يعني ممكن لو انا مع الحكومة بتكيف للشهادة دي وانو الشعب السوداني مع كل الحصل ده برقص مع البشير لو انا معارض بتكيف للشتيمة الشتما القذافي للبشير وللشهادة بتاعتو بانو البشير قسم البلد وجوع الشعب لكن الحقيقة الكلام ده لو طلعتا منو الشتيمة المقذعة هو بيان حقيقة لا اكثر ولا اقل فالبشير قسم بلاده واجاع شعبه وهذه حقيقة وليست فيها اي اساءة والبشير لا يزال يتمتع بتاييد في مثلث حمدي على الاقل

الدرب راح لينا فى الموية .. يعنى نقبل القسمة على أثنين ولا شنو؟ نصف السب للشعب السودانى والنصف الأخر للرئيس.

الكلام دا فيه أهانة كبيرة لنا كشعب ..

بريمة

أحمد
سلام

Quote: والله يا بريمة امرك عجيب باين عليك بس جيت عشان تأكد انو الفور بياكلوا الجرذان فعلا

يا أحمد المواضيع بتاعت الكنسبيرسى .. المؤامرة ما قلنا طلعنا منها .. شنو الحركات التعمل فيها دى .. أنا أوردت الشهادة لأشير ربما القذافى معه الحق فيما ذهب إليه، حتى نكونوا أمينين.

شوف يا أحمد، الشعب التونسى يأكل الحصين ولديهم حصة ضخمة من لحوم الحصين .. وإذا هم قالوا بأنفسهم أنهم يأكلون الحصين ليس هناك سب بالنسبة لهم، لكن نحن الشعب السودانى الذى لا يستطيب لحوم الحصين لو قلت فى قناة أو مؤتمر من باب الأستحقار أنهم يأكلون الحصين أعتديت عليهم لأننا نعتبرها مسبة ..

مع يقينى أن الشعب السودانى يأكل الجراد والفئران وكثير من خشاش الأرض الذى لا تأكله الشعوب الأخرى، إلا إننا نرفض أن يسبنا الأخر بما نأكل. ولا شنو؟

بريمة

Quote: ما هو السبب أن القذافى يستعدى الشعب السودانى؟

يا بريمه القذافي انتهي كلاعب خلاص game over

اصبح غير مواخز علي ما يقول هو وصف شعبه بني جلدته بالجرزان في اكثر من مره هو واتباعه شدو الجرزان ..

تقول لي يستعدي .. خليهو يستعدي ويتخارج عدم وجوده سيكون افضل للعالم كما قال اوباما..

الأخ أسامة
سلامات ..

Quote: يا بريمه القذافي انتهي كلاعب خلاص game over اصبح غير مواخز علي ما يقول هو وصف شعبه بني جلدته بالجرزان في اكثر من مره هو واتباعه شدو الجرزان .. تقول لي يستعدي .. خليهو يستعدي ويتخارج عدم وجوده سيكون افضل للعالم كما قال اوباما..

كنت أفتكر أن الحكومة والشعب السودانى على السواء يكون لدينا موقف من سبنا بهذه الطريقة السمجة .. لكن يبدو علينا أستمرأنا كل شيئ حتى مثل هذه التفاهات ..

بريمة

أها يا أحمد

أقرأ الكلام دا ..

Re: القذافى: الشعب السودانى الجيعان البياكل الجراد ما ط...غم انكم شبعانيين(فيد

وبالأمس كنا متشاكلين فى الكول والتركين .. والفسيخ وغيرها من العفانات ..

اليوم بقينا فى الجرذان والجراد ..

وبالمناسبة أنا توصلت للحقيقة: الرئيس البشير برئ .. الشعب السودانى أصلاً قاعد يأكل هذه الخزعبلات. والقذافى صدق فى حديثه.


أبلعوا بس ..

بريمة