Post: #1 Title: أحب نانسي عجاج و أموت في موجة زاتها Author: فيصل نوبي Date: 03-28-2011, 09:58 AM
Post: #2 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 09:59 AM Parent: #1
أتمني إنه نانسي تدينا الإذن ننزل جزء من الإسطوانة
Post: #3 Title: Re: أحب نانسي عجاج و أموت في موجة زاتها Author: Maawya Hussein Date: 03-28-2011, 09:59 AM Parent: #1
وتاني جاب سيرة البحر
Post: #4 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 10:05 AM Parent: #3
موال ... موال يا معاوية ياخ موال بلا نهاية ياخ
Post: #5 Title: Re: أحب نانسي عجاج و أموت في موجة زاتها Author: سارة كرودى Date: 03-28-2011, 10:06 AM Parent: #3
حاجزين قدام ....
مع المـوجة ماشيـن يمكـن نغير سكـة التـيار ....
صاحب البوست سلامـــــــات كتــــار ...
Post: #6 Title: Re: أحب نانسي عجاج و أموت في موجة زاتها Author: omer osman Date: 03-28-2011, 10:06 AM Parent: #3
سندريلا الغناء السوداني .....
Post: #7 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 10:11 AM Parent: #6
سارة و عمر إن شاء الله ديمة متفقين
- سارة يا مدام سلامات كتارات ياخ .. يشهد الله الليلة من الصباح بمزاج دايخ لاقاكـ ده قبل كده ! مزاج ما عارف يعمل شنو - يشتغل ولا يمشي البيت ينوم ولا يمرق يلف في الشارع .. نانسي مسكت المزاج ده و عملت ليهو ترتيب من جديد ..
_ عمر نهديكـ و المدام ( تعرف إنكـ جد واحشني ) * * إن شاء الله تكون جد سمعتها ياخ. سلمم لي علي كنتاكي
Post: #8 Title: Re: أحب نانسي عجاج و أموت في موجة زاتها Author: الخير محمد عوض Date: 03-28-2011, 10:19 AM Parent: #7
نوبي صباحاتك نانسوية
تعرف يا صديق انا عندي قناعة قبل كدا قلتها في بوست هنا انو نانسي دي اطرب صوت نسائي في السودان زولة ملكاتها الصوتية عجيبة ياخ.
يا ريت لو تدينا شوية ضواقة كدا في ( موجة ) دا.
غايتو الواحد حا يلبد بي جاي عل وعسي تعتر ليهو غنيوة يرتب بيها يومو
التعديل لحزف حرف
Post: #9 Title: Re: أحب نانسي عجاج و أموت في موجة زاتها Author: محمد عبد الماجد الصايم Date: 03-28-2011, 10:22 AM Parent: #8
تعرف يا معلم .. يا زول لا تعرف ولا حاجة .. لو جاتكـ نسخة زيادة رسلا!! يا كمان فكو تراكات ورسلو بالمسنجر!!
Post: #10 Title: Re: أحب نانسي عجاج و أموت في موجة زاتها Author: طارق جبريل Date: 03-28-2011, 10:31 AM Parent: #9
نوبي كيفنك ابوي
غايتو انا في البوست دة لو كبيت حاجاتي حا اكون اشتر خلاص
Post: #15 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 10:39 AM Parent: #10
Post: #11 Title: Re: أحب نانسي عجاج و أموت في موجة زاتها Author: Maawya Hussein Date: 03-28-2011, 10:33 AM Parent: #9
ود الصايم راجع الخاص ..
Post: #12 Title: Re: أحب نانسي عجاج و أموت في موجة زاتها Author: omer osman Date: 03-28-2011, 10:36 AM Parent: #11
Quote: ود الصايم راجع الخاص ..
ودالصايم براهو ليييييييييييييييه
Post: #13 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 10:37 AM Parent: #11
معاوية جيبها ناقصة زي ما وريتكـ ياخ ما توزعها مجاني ياخ
Post: #14 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 10:38 AM Parent: #9
ود الصايم خليكـ مع البراري إنت ياخ
Post: #16 Title: Re: أحب نانسي عجاج و أموت في موجة زاتها Author: Amira Elsheikh Date: 03-28-2011, 10:43 AM Parent: #14
نوبى ....سلام ....
ارحمو من فى الارض ترحمكم نانسى ...
Post: #22 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 11:11 AM Parent: #16
أميرة رسلي لي رقم موبايلكـ أرسلهن ليكـ نغمات
Post: #17 Title: Re: أحب نانسي عجاج و أموت في موجة زاتها Author: محمد عبد الماجد الصايم Date: 03-28-2011, 10:43 AM Parent: #14
إنت في البراري ولّ مغربي الشنق الجماعة دا! جوني أربعة (خاصات) دايرة الروابط قبل ما استلم (الخاص) زاتو!!
Post: #18 Title: Re: أحب نانسي عجاج و أموت في موجة زاتها Author: omer osman Date: 03-28-2011, 10:46 AM Parent: #17
Quote: قبل ما استلم (الخاص) زاتو!!
شرييييكك لو رسل ليك صاروخ أو لغم زاااااااتو
Post: #19 Title: Re: أحب نانسي عجاج و أموت في موجة زاتها Author: محمد عبد الماجد الصايم Date: 03-28-2011, 10:48 AM Parent: #18
Quote: شرييييكك لو رسل ليك صاروخ أو لغم زاااااااتو
تعبيرا للحقد الدفين مفروض الواحد يطلب من مغربي دا يرسل ليهو فايروس أبو كديس!!
Post: #20 Title: Re: أحب نانسي عجاج و أموت في موجة زاتها Author: omer osman Date: 03-28-2011, 10:50 AM Parent: #19
Quote: تعبيرا للحقد الدفين مفروض الواحد يطلب من مغربي دا يرسل ليهو فايروس أبو كديس!!
ههههههههههههههههههههه
انت كنت بوليس ولاً شنو
Post: #21 Title: Re: أحب نانسي عجاج و أموت في موجة زاتها Author: طلحة عبدالله Date: 03-28-2011, 11:00 AM Parent: #20
ما شاء الله عليها بنية جميلة وفنانة هكذا يكون الفن والجمال ..
Post: #23 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 11:12 AM Parent: #21
تنظير ابو مفخرة ياخ
Post: #24 Title: Re: أحب نانسي عجاج و أموت في موجة زاتها Author: Amira Elsheikh Date: 03-28-2011, 11:15 AM Parent: #23
أميرة رسلي لي رقم موبايلكـ أرسلهن ليكـ نغمات
مممممممممممممممممم.......
الاعمال بالنيات يانوبى ولا كيف؟؟؟
طيب خت رقم موبايلك هنا وبعدين نشوف
Post: #28 Title: Re: أحب نانسي عجاج و أموت في موجة زاتها Author: محمد عبد الماجد الصايم Date: 03-28-2011, 11:21 AM Parent: #24
Quote: طيب خت رقم موبايلك هنا وبعدين نشوف
معناها ما ح تشوفي!!
Post: #25 Title: Re: أحب نانسي عجاج و أموت في موجة زاتها Author: عمران حسن صالح Date: 03-28-2011, 11:19 AM Parent: #23
يا نوبي زي ما قال طارق جبرين ما عايزين شتارة لكن ما تطول ياخي لأنو رابط التحميل في النت الواااااااسع ده موجود خاصة وانو أميرة شايفة مستعجلة شوية
Post: #27 Title: Re: أحب نانسي عجاج و أموت في موجة زاتها Author: سارة كرودى Date: 03-28-2011, 11:21 AM Parent: #25
فيصل عن اذنك ياخ
ختيته بروفايل
Post: #26 Title: Re: أحب نانسي عجاج و أموت في موجة زاتها Author: GamarBoBa Date: 03-28-2011, 11:19 AM Parent: #21
ما عجبني مزيكا تعبانة..ملتنا تأوهات زي العندها حمي عولقت غنية العطبرواي شياليين ما تعرف كيف كل غنية كنت بقول الغنية التانية بتكون احسن. ما صدقت انو السي دي انتهي طلعته وختيته في ركن قصي لمن يريد... انصح ود الصايم بتعاطي حبوب الهلوسة الليبية قبل الاستماع حتي يستقيم الامر مع وجدانه
_ نانسي تتقن لسيد خليفة والحلاوي ...
Post: #29 Title: Re: أحب نانسي عجاج و أموت في موجة زاتها Author: Amira Elsheikh Date: 03-28-2011, 11:31 AM Parent: #26
معناها ما ح تشوفي!!
الليلة وووب ياودالصايم
دى اسمها اسال مجرب ولا كيف ؟؟؟؟
_____________________________
عمران ازيك يااااااخ
Post: #30 Title: Re: أحب نانسي عجاج و أموت في موجة زاتها Author: عمران حسن صالح Date: 03-28-2011, 11:42 AM Parent: #29
_________ أهلاً أميرة
Post: #31 Title: Re: أحب نانسي عجاج و أموت في موجة زاتها Author: طلحة عبدالله Date: 03-28-2011, 11:44 AM Parent: #29
نوبي يا عواليق مفخرة دي على وزن مبخرة واللا الفيلم شنو ؟ واللا عشان قلت ليك إتا جيل مقبرة استاد الهلال يعني
قمر بوبا يا حبيب بالغت ياخ .... إذا ما عجبك غناها عاين فيها طيب .. من باب أن الله جميل يحب الجمال ياخ ..
أميرة المريخ ما تدي تلفونك لأي رشاشة عواليق .
Post: #32 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 11:49 AM Parent: #31
Quote: ما عجبني مزيكا تعبانة..ملتنا تأوهات زي العندها حمي عولقت غنية العطبرواي شياليين ما تعرف كيف كل غنية كنت بقول الغنية التانية بتكون احسن. ما صدقت انو السي دي انتهي طلعته وختيته في ركن قصي لمن يريد... انصح ود الصايم بتعاطي حبوب الهلوسة الليبية قبل الاستماع حتي يستقيم الامر مع وجدانه
عشان كدة انا ناسبتكم با بوبا ياخي ريحتني في حنان حبوبتي نفيسي ذاتها
Post: #39 Title: Re: أحب نانسي عجاج و أموت في موجة زاتها Author: بلدى يا حبوب Date: 03-28-2011, 02:33 PM Parent: #38
فيصل نوبى نحن فى انتظار الاذن خلينا مع الصورة تحياتى
Post: #40 Title: Re: أحب نانسي عجاج و أموت في موجة زاتها Author: دينا خالد Date: 03-28-2011, 04:13 PM Parent: #39
Quote: و أموت في موجة زاتها
الحي الله يا ود امى .... برا وبعيد .. هو انت بتموت كم مرة ؟؟ وووووووووووب .
دحين قبال دا ما اخدت ليك موته ؟؟ انت بس اسسسسكت اسمع .. وادردق ..
ــــــــــــــــ مبااااالغة يا عمران .. عرفت لى ! رفقة وموجة ودمعة عقبال الاوديسا !
Post: #41 Title: Re: أحب نانسي عجاج و أموت في موجة زاتها Author: فيصل نوبي Date: 03-28-2011, 07:30 PM Parent: #40
Post: #43 Title: Re: أحب نانسي عجاج و أموت في موجة زاتها Author: فيصل نوبي Date: 03-29-2011, 06:26 AM Parent: #42
لو ما كلام الناس بسكن معاكـ خماس اندريا
_ شكراً معاوية
Post: #44 Title: Re: أحب نانسي عجاج و أموت في موجة زاتها Author: فيصل نوبي Date: 03-29-2011, 06:27 AM Parent: #39
سلامات يا حبوب معاوية نزّل ليهو إتنين منهم نتمني أن تستمتع بالمادتين لحين وصول أخريات
Post: #45 Title: Re: أحب نانسي عجاج و أموت في موجة زاتها Author: فيصل نوبي Date: 03-29-2011, 06:28 AM Parent: #36
تحياتي يا عادل و سلامتها حبيبتنا من الغرق ياخ.
Post: #47 Title: Re: أحب نانسي عجاج و أموت في موجة زاتها Author: عبدالمجيد الكونت Date: 03-29-2011, 08:16 AM Parent: #45
ياربي يوم كدي بالنهار فرح المواسم نفرعه صوت القطارات من بعيد فوق الفلنكات نسمعه اصحابنا والناس الزمان وكل المسافرين يرجعوا المح حبيبي انا من بعيد يهجم قليبي ويقطعه حزن السنين الفينا ساد انا وانتي سوا سوا ننزعه
غايتو اندريااا دي غير صوت الناس السمح الفي الخلفية داك ما شايف حاجة تانية
Post: #58 Title: Re: أحب نانسي عجاج و أموت في موجة زاتها Author: حمد إبراهيم محمد Date: 03-30-2011, 01:07 PM Parent: #57
أخ فيصل - سلامات بوست موفق والله - أسعد الله أيامك - بعد استسماحك أستعير بروفايلك ... عشان عندي رائعة للأستاذة ناسي مودتي حمد
Quote: ياربي يوم كدي بالنهار فرح المواسم نفرعه صوت القطارات من بعيد فوق الفلنكات نسمعه اصحابنا والناس الزمان وكل المسافرين يرجعوا المح حبيبي انا من بعيد يهجم قليبي ويقطعه حزن السنين الفينا ساد انا وانتي سوا سوا ننزعه - الكونت
أخ عبدالمجيد - سلام كدي شوف الطقش الجاي دا
موجـــة فـــرح ----- تقول لي "الموجة" موجة حلم معرد غادي لا.. وحات الله دا حلم جميل ما عادي لقيناه موجة فرح منداح همسات خذامى يوت للمحبة ينادي أنا الحيران أنا الضهبان في صحاري التيه فقدت مشهادي هدهدني وشوشني صبحني بعد سهري بقيت متسامح.. فوق الصغائر... إنسان تاني عويناتك بشوف فيها سيوف أجدادي تقود خطواتي في حاضري ومستقبل مبشر آتي جات رشات الدعاش راكعة ... ساجدة تقولك أديني شوية من أنفاسك زرتينا براءة طفلة دابها تتاتي تهومي بينا ترياق للبعاد.. سعيد الشافك شريت قليبي تابعك سحابة ظليلة مكان ما ماشة هايم... والله من زمان أنا كايسك وجيهك بريقا شالع بدد غيوم ساحاتنا قبالك ودرنا ... نفتش للفرح يوماتي جاتنا تهادي غيمة صايم بشارة ساجد حمدنا الله الجاد علينا وجابك حمدنا الله الجاد علينا وجابك حمدنا الله الجاد علينا وجابك . (حمد إبراهيم دفع الله)
Post: #59 Title: Re: أحب نانسي عجاج و أموت في موجة زاتها Author: حمد إبراهيم محمد Date: 03-30-2011, 01:22 PM Parent: #58
موجـــة فـــرح ----- تقول لي "الموجة" موجة حلم معرد غادي لا.. وحات الله دا حلم جميل ما عادي لقيناه موجة فرح منداح همسات خذامى يوت للمحبة ينادي أنا الحيران أنا الضهبان في صحاري التيه فقدت مشهادي هدهدني وشوشني صبحني بعد سهري بقيت متسامح.. فوق الصغائر... إنسان تاني عويناتك بشوف فيها سيوف أجدادي تقود خطواتي في حاضري ومستقبل مبشر آتي جات رشات الدعاش راكعة ... ساجدة تقولك أديني شوية من أنفاسك زرتينا براءة طفلة دابها تتاتي تهومي بينا ترياق للبعاد.. سعيد الشافك شريت قليبي تابعك سحابة ظليلة مكان ما ماشة هايم... والله من زمان أنا كايسك وجيهك بريقا شالع بدد غيوم ساحاتنا قبالك ودرنا ... نفتش للفرح يوماتي جاتنا تهادي غيمة صايم بشارة ساجد حمدنا الله الجاد علينا وجابك حمدنا الله الجاد علينا وجابك حمدنا الله الجاد علينا وجابك . (حمد إبراهيم دفع الله)
Post: #60 Title: Re: أحب نانسي عجاج و أموت في موجة زاتها Author: Isa Date: 03-30-2011, 02:46 PM Parent: #59
Quote: غايتو اندريااا دي غير صوت الناس السمح الفي الخلفية داك ما شايف حاجة تانية
سـلام يا فيصل، معاوية، طارق جبريل الخ،، معليش يا طارق، يمكن إنت يكـون عندك مآرب أخرى!، لكن أنا أول شي لفتني في الغنية دي ك(كردافي) إنو الناس الفي الخلفية ديل ما بعرفوا (بكُّرّوا) ولا حاجة، والظاهر عليهم خرطوميين خالس.. يعني الناس العملوا مع نانسي الشريط ديل لو كان اجتهدوا شوية ومشـوا طرف سوق ليبيا ح يلقوا ناس أحسن منهم لأن كل اهل بادية كردفان من حمر ودارحامد وكبابيش ومجانين وغيرهم بتاعين جراري وكرير بالفطرة.. في أغنية الليمونة لحرم النور كان الشغل بتاع الكرير أجود وأنعم من دا.. ملاحظة صغيرة يا معاوية، زي ما قلنا الغنية من كردفان لكن صورة الفيديو من الشـرق! (شايفك في ضابط السجن صلحتها وجبت صورة relevant!.. تحياتي وشكري ولو في طريقة ضيفونا للقائمة،، ولو الشريط والسي دي متوفرات في السودان بنلقى ليهم طريقة من الشباب هناك..
Post: #61 Title: Re: أحب نانسي عجاج و أموت في موجة زاتها Author: فيصل نوبي Date: 03-31-2011, 07:10 AM Parent: #60
Up
Post: #62 Title: Re: أحب نانسي عجاج و أموت في موجة زاتها Author: عبدالمجيد الكونت Date: 03-31-2011, 07:59 AM Parent: #61
Quote: Up
Post: #63 Title: Re: أحب نانسي عجاج و أموت في موجة زاتها Author: عمر الفاروق Date: 03-31-2011, 08:00 AM Parent: #61
Quote: لكن أنا أول شي لفتني في الغنية دي ك(كردافي) إنو الناس الفي الخلفية ديل ما بعرفوا (بكُّرّوا) ولا حاجة، والظاهر عليهم خرطوميين خالس.. يعني الناس العملوا مع نانسي الشريط ديل لو كان اجتهدوا شوية ومشـوا طرف سوق ليبيا ح يلقوا ناس أحسن منهم لأن كل اهل بادية كردفان من حمر ودارحامد وكبابيش ومجانين وغيرهم بتاعين جراري وكرير بالفطرة.. في أغنية الليمونة لحرم النور كان الشغل بتاع الكرير أجود وأنعم من دا
الكلام ده ما تمشو فيهو ساي... كلامك صاح يا عيسى ..وصاح جداً كمان .. ياخ ديل ما سمعو الكر في أغنية عبد القادر سالم المصورة بتاعت " كل ما قلت ..قلت نغني " ؟؟ أتمنى إنك تكون سمعت وشاهدت تسجيل الأغنية المصورة دي .. انا بعتبرو كان من أعظم الأغنيات المصورة .. ال في شريط نانسي أسة ده ما " كر " ساي .. ده " كر علي" :) ومع ذلك شكراً لإجتهاد نانسي والبحيييت في حد زاتو ما حاجة ساهلة ..
يا شباب لحظة لو سمحتو بالله شغلتكم دي غناء ولا سماحة!!!؟
وبالجد كلام عيسى وكلام عمر الفاروق ده ركزوا فيهو الاغنية المكتوب عليها تراث دي (ما معروف تراث وين؟) حاولوا القوها بلغته الاصل عشان تدققوا في انو الكلمات ياها ذاته والا اتغيرت!؟ الشي التاني المهم البيجذب الناس الاغنية دي بساطة الموسيقي والكلمات -الكرير في الاصل تناغم صوتي زمني محدد مختلف من واحد لاكثر- وعادة الآداء الشعبي بيعجب الناس وده نفس الحاجة العملته نانسي ذات نفسها في اغنية بلداً هيلي أنا- الاغنية بسيطة الكلمات بايقاع الدليب الايقاع السوداني البسيط الذي في الغالب الاعم بيجذب كل الناس .
شايف اخونا قمر بوبا قال انو نانسي تجيد الغناء لسيد خليفة و الكحلاوي يا قمرنا ياحبيب غايتو نانسي في اغنية الكحلاوي - قالوا البتبلبل يعوم- بالغت رسمي لانو في كوبلي كامل كررت فيهو مفرده مرتين وهي عند الكحلاوي لا تكرر ابداً - حاول اسمعه من الدمعه ذارفه الدمعه وحتعرف انا قاصد شنو. بخصوص آدائها للغنيات الخالدة للفنانين العمالقة يا جماعة الاغنيات دي في الاصل اثيرة في وجدان الناس ومحبوبة . عشان كده قلنا ليكم افرزوا افرزوا غناء ولا سماحة!!!؟
وترغبوا عودتنا المستفيضة في اقرب فرصة .
Post: #65 Title: Re: أحب نانسي عجاج و أموت في موجة زاتها Author: فيصل نوبي Date: 04-04-2011, 10:59 AM Parent: #1
