Post: #1 Title: ?you are from south or north ........ من الجنوب ولا الشمال ؟ Author: Amira Elsheikh Date: 01-05-2011, 01:36 PM
السؤال يتكرر على مدار اليوم وبلغة مختلفة (انجليزى ..عربى) يو ار فروم ساوث اور نورث ?انتى من الجنوب ولا الشمال? اجابتى فى اغلب الاحيان تاتى هروبية .... الوسط دا بين الجنوب والشمال ? طيب حيكون تابع للجنوب وللشمال بعد الاستفتاء؟؟؟ وهل عندكم حق تختارو تعيشو فى الشمال ولا الجنوب? طيب مافى تداخل بين الشمال والجنوب? طيب حق التصويت ماعندكم كشماليين? .طيب عايزين حكم الشريعة ? طيب هاو دو يو كان سولف زيس بروبليم ? والله ماعارفة ناكل نارنا بس من غير اى مقدمات لقيت نفسى مسئولة من الاجابة عن كل ما يحدث فى السودان الان (استفتاء ..انفصال .....ترسيم حدود....قانون النظام العام ....الخ) من قبل زملائى بالعمل الكثيرين منهم ما اظن سمعو بدولة اسمهاالسودان قبل مرارات دارفور ومحاكمة البشير وجلد البنات واخيرا الاستفتاء ....
Post: #2 Title: Re: ?you are from south or north ........ من الجنوب ولا الشمال ؟ Author: Amira Elsheikh Date: 01-05-2011, 01:38 PM Parent: #1
واسئلة كتيرة لا امتلك لها اجابة حتى مع نفسى ناهيك لزملاء وكل مصادر معلومتهم من الميديا .. قرررررررربت اخد اجازة من الشغل حتى لا احس بالضعف والهوان امام نفسى ناهيك عن زملائى واغلبهم من دول تعرف معنى حقوق الانسان وتحترم ادميته قبل كل شئ ,,
Post: #3 Title: Re: ?you are from south or north ........ من الجنوب ولا الشمال ؟ Author: Amira Elsheikh Date: 01-05-2011, 01:51 PM Parent: #2
قدرنا انو فى الكفتيريا فى شاشات مفتوحة على مدار 24 ساعة على سى ان ان والبى بى سي والجزيرة الغريبة الناس كلها بتكون منتبهة مع الحدث الاكثر اهمية و النقاش يستمر كاننا فى جامعة ...
غايتو كاس الامم الاسوية حيبدا عسى ولعل يسحب البساط من حالنا المهبب دا ..
Post: #4 Title: Re: ?you are from south or north ........ من الجنوب ولا الشمال ؟ Author: Amira Elsheikh Date: 01-05-2011, 02:06 PM Parent: #3
والسؤال حيستمر حتى بعد الاستفتاء .
.انت من ياتو سودان؟
Post: #5 Title: Re: ?you are from south or north ........ من الجنوب ولا الشمال ؟ Author: Amira Elsheikh Date: 01-06-2011, 07:19 AM Parent: #4
زميلى الكينى (دان) عندما يتناقش معك اول ما يتبادر الى ذهنك انو سودانى وكمان مركب مكنة محمد سليمان عندما يتحدث عن حق الجنوبين فى الانفصال بسبب الظلم الذى تعرضو له من قبل الشمال وباحقيتهم فى تكوين دولتهم و يحمل اوزارالظلم لمواطنى الشمال وقررررب يقول جلابة بس الله ستر
Post: #6 Title: Re: ?you are from south or north ........ من الجنوب ولا الشمال ؟ Author: الطيب رحمه قريمان Date: 01-06-2011, 07:29 AM Parent: #5
الاستاذة اميرة
لك التحية و التقدير
أنا فى نفس موقفى هذا و املك اجابة لكل ما طرحتى و لكن فى معظم الاحيان
أجد نفسى صامتا كالابله من شدة اللم الذى يعتصرنى من الواقع الذى آل اليه حال بلدنا
بسبب ساسة لا يفكرون الا فى انفسهم .
Quote: طيب مافى تداخل بين الشمال والجنوب?
قلت لود العمدة البارحة ان اهلنا ما بين الجنوب و الشمال
فى المنطقة الوسطى ما بين الجنة و النار , لا شمال و لا جنوب .
Post: #8 Title: Re: ?you are from south or north ........ من الجنوب ولا الشمال ؟ Author: Amira Elsheikh Date: 01-06-2011, 12:23 PM Parent: #6
Quote:
أنا فى نفس موقفى هذا و املك اجابة لكل ما طرحتى و لكن فى معظم الاحيان
أجد نفسى صامتا كالابله من شدة اللم الذى يعتصرنى من الواقع الذى آل اليه حال بلدنا
بسبب ساسة لا يفكرون الا فى انفسهم .
الاخ الطيب قريمان ...سلام ... المشكلة مش الاجابة وبس .. المشكلة حتى فى توصيل الاجابة الانت عارفة اصلا الناس ديل بدو معانا من الاخر ..نيفاشا وبنطلون لبنى وجلد البنات واسى الاستفتاء ماشى يعنى قبليها ما كان بعرفو حاجة عن السودان شان كدا انا بقول الااجابات صعبة ... نحن فى المنبر ماقادرين نتفق على حاجة غير سؤ وجهالة حكومة الانقاذ
طيب سؤال حول مناطق التماس والقبائل الحصل بينها تصاهر وتزواج دى بتتحل بترسيم حدود ولا جنسية مزودوجة ؟
Post: #7 Title: Re: ?you are from south or north ........ من الجنوب ولا الشمال ؟ Author: Abdlaziz Eisa Date: 01-06-2011, 07:39 AM Parent: #5
Quote: من غير اى مقدمات لقيت نفسى مسئولة من الاجابة عن كل ما يحدث فى السودان الان (استفتاء ..انفصال .....ترسيم حدود....قانون النظام العام ....الخ) من قبل زملائى بالعمل الكثيرين منهم ما اظن سمعو بدولة اسمهاالسودان قبل مرارات دارفور ومحاكمة البشير وجلد البنات واخيرا الاستفتاء ....
الصفوية/ بت الشيخ
سلام
ظللنا منذ عام 2003 نسأل هذه الأسئلة بتكرار ممل.. يعني نفس الشخص ممكن يسألك السؤال ده كل صباح!! لم يسمعوا كما قلت بشئ اسمه السودان... بل أحيانا يتصورون أن دارفور دولة قائمة بذاتها.. بعد توقيع نيفاشا وحسب ما يسمعون ويشاهدون يظل السؤال قائما.. ما الفرق بين الشمال العربي والجنوب الإفريقي!! ما الفرق بين علي عثمان وجون قرنغ؟!! فعندهم كله اسود.. لا فرق بين جنوبي وشمالي.. وغير مقتنعين برتدد عبارة عربي وإفريقي في الإعلام ... حصرت الصراع في الدين.. شمال مسلم وجنوب مسيحي... وده كان شئ مقنع لهم أكثر من حكاية عربي وافريقي!!
تحيتي
Post: #9 Title: Re: ?you are from south or north ........ من الجنوب ولا الشمال ؟ Author: محمد علي شقدي Date: 01-06-2011, 12:35 PM Parent: #7
Quote: فعندهم كله اسود.. لا فرق بين جنوبي وشمالي
شفتي يا الأميرة عبارة عبد العزيز دي لو ختينا بدلا عندنا 0000 كانا ريحناهم وارتحنا
Post: #15 Title: Re: ?you are from south or north ........ من الجنوب ولا الشمال ؟ Author: Amira Elsheikh Date: 01-09-2011, 07:07 PM Parent: #9
شفتي يا الأميرة عبارة عبد العزيز دي لو ختينا بدلا عندنا 0000
لو
لو
لو
لو
بالضبط ياشقدى
Post: #10 Title: Re: ?you are from south or north ........ من الجنوب ولا الشمال ؟ Author: Amira Elsheikh Date: 01-07-2011, 10:20 AM Parent: #7
Quote: حصرت الصراع في الدين.. شمال مسلم وجنوب مسيحي... وده كان شئ مقنع لهم أكثر من حكاية عربي وافريقي!!
عبدالعزيز ..سلااااااااااام... وحتى دى مفترض تحمل وزرها للحكومات المتعاقبة والتى اصرت على تطبيق الشريعة الاسلامية عن طريق محاكم العدالة الناجزة ومحاكم النظام العام وباسواء طريقة ..... هل نتحمل نحن اوزار الحكومات ؟؟
حكاية عربى وافريقى دى الناس تشوف غيرها . اسى نحن بعد الانفصال السياسى دا حنكون عرب بيور ولا كيف؟
Post: #11 Title: Re: ?you are from south or north ........ من الجنوب ولا الشمال ؟ Author: هواري نمر Date: 01-07-2011, 11:44 AM Parent: #10
الآميرة سلامات ..وعوّافي كيفنِّك ياخ؟؟
____ ياخي كتبت كلام طويل و عريض(صفحة كامل). كلام عن كل الحاصل والقاعد يحصل... ومسحتو.....!! تتصوري مسحت الكلام أقول شنو وأخلي شنو ياخ...؟؟ الله كريـــــــم.
Post: #12 Title: Re: ?you are from south or north ........ من الجنوب ولا الشمال ؟ Author: هواري نمر Date: 01-07-2011, 11:47 AM Parent: #11
. إنه فيديو لو تعلمين آليــــــــــــــم....!!
Post: #13 Title: Re: ?you are from south or north ........ من الجنوب ولا الشمال ؟ Author: Amjed Date: 01-07-2011, 02:40 PM Parent: #12
أميرة انتي متأكدة انو الجماعة ديل بيسألوك يقولو ليك (يو ار ) ما (ار يو) يعني
اذا قاعد يسألو كدا .. قولي ليهم اي حاجة اصلاً ما حتفرق
:) :) :)
Post: #14 Title: Re: ?you are from south or north ........ من الجنوب ولا الشمال ؟ Author: Abdlaziz Eisa Date: 01-08-2011, 03:31 AM Parent: #13
Quote: حكاية عربى وافريقى دى الناس تشوف غيرها . اسى نحن بعد الانفصال السياسى دا حنكون عرب بيور ولا كيف؟
الأخت/ أميرة
سلام
قرأت كتيب قبل عقود من الزمان كتب فيه القلم المستعرب تصنيف غريب للعرب وغير العرب في السودان.. اعتقد فيه أن كل من يرطن أو له لسان غير العربية فهو ليس عربي, وأشار لبعض القبائل التي هي ليست عربية لكنها فقدت رطانتها نتيجة لعامل الإحلال الثقافي العروبي.. مثل البرتي في غرب السودان والشايقية ذات الأصل النوبي..
هنالك السود في جمهورية بابوا نيو غيني, والملايين التي هجّت قبل مئات أو عشرات السنين فلا زالت هي هي بلونها الأسود مالم تتصاهر مع عرق آخر.. لست عالم انتربولوجي لكن بمعرفتي المتواضعة أقول أن السود والسواد عامل جيني غير مرتبط بتراب معين.. أو بإفريقيا وحدها.. الإخوة المستعربون في المنبر: لوننا الأسود.. او فلنقل الأسمر مكتسب وراثي أثر تمازج إثني.. لكن الشئ الأهم في التصنيف تلك الفيتشر features أو الملامح من أنف مفطّسة وشفاه غليظة مثل رئيسنا البشير!! هذه جات من وين؟؟ والشجرة العريضة من المحيط إلى الخليج التي يحاول مستعربونا تسلقها.. هل نعتبر مئات الملايين هذه التي لا نشبهها ولا تشبهنا, هل نعتبر أنفسنا بصفاتنا ومميزاتنا هذه جزءا منها؟!!!!!!!
تحياتي
Post: #16 Title: Re: ?you are from south or north ........ من الجنوب ولا الشمال ؟ Author: Amira Elsheikh Date: 01-09-2011, 07:11 PM Parent: #13