نفسي أرجع لي بلادي ( إنتو كيف ؟؟؟؟)

Post: #1
Title: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-02-2010, 06:12 AM

نفسي ارجع لي بلادي
واستعيد أيام شبابي
ابقى بين أهلي وصحابي
وانسى همي وإغترابي
رشفة من النيل شرابي
تروي عطشي ويهدا بالي
يا ربي يا عالم بحالي
إنهد حيلي وضاع زماني
نفسي اتهنى وأغني
ابقى فنان وراقي فني
نفسي ارجع لي بلادي
واستعيد أيام شبابي
والحياة تصبح سعيدة
والمحال يصبح حقيقة
والخطاوي الضاع طريقا
باكر تعود ينحلا قيدا
يكتمل البيت بناسو
وكل زول يعيش حياتو
نفسي ارجع لي بلادي
واستعيد أيام شبابي
ارضى باللقمة الهنية
والمعيشة تكون رضية
المهم العافية تبقى
لا معاناة لا مشقة
نفسي ارجع لي بلادي
واستعيد أيام شبابي
القلوب هيمانة تهفو
للقاك وكم تعاني
وحشة الغربة وظلاما
والسنين الضاع حنانا
التجني والمذلة والمهانة
الرجولة والفحولة والشهامة
نفسي ارجع لي بلادي
وأسال الله يتم مرادي
عايز أشوفك عالية فوق
والنجوم حولك تطوف
لا تصل ليك الأعادي
ولا يزورك مرة خوف
هادي طبعك زي أميرة
لابسة تاج العز خميلة
قائدة للركب والمسيرة
حرة صامدة وكم جليلة
عزيزة غالية ما ذليلة
فيك أفراحنا النبيلة
نفسي ارجع لي بلادي
واستعيد أيام شبابي
ياما في ترابك لعبتا وما تعبتا
وياما من حُبك نهلتا وغرفتا
ومن حليب ضرعك رضعتا
ومن تمر نخلك شبعتا
نفسي ارجع لي بلادي
واستعيد أيام شبابي
نفسي في رحلة وجنائن
وخضرة بكان ما العين تعاين
لمة فيها الناس .. تقالد .. تسالم
يدعوا ليك بكل التمائم
تبقى أيامك سعيدا
والزيارة كمان تعيدا
تبقى فرحان بوجودك
ومافي خط لحدودك
نفسي ارجع لي بلادي
واستعيد أيام شبابي
عارف الأحلام مثيرة
مهما تطول تصبح قصيرة
والعيون إحتار دليلا
والدموع نزلت غزيرة
نفسي ارجع لي بلادي
واستعيد أيام شبابي

Post: #2
Title: Re: نفسي أرجع لي بلادي ( إنتو كيف ؟؟؟؟)
Author: هويدا حسونة
Date: 05-02-2010, 08:21 AM
Parent: #1

يا سلاااااااااااااام يا أستاذ هاشم على الكلام الجميل

وإنشاءالله نرجع لي بلدنا

ونبقى بين أهلنا وصحابنا

وننسى همناوإغترابنا

وتسلم

Post: #3
Title: Re: نفسي أرجع لي بلادي ( إنتو كيف ؟؟؟؟)
Author: محمد عبد الماجد الصايم
Date: 05-02-2010, 08:38 AM
Parent: #2

يااااااا أبو أحمد!

آمال نحن فاتحين مناحة ليه؟
عشان ما نصل مرحلتكم دي!

Post: #4
Title: Re: نفسي أرجع لي بلادي ( إنتو كيف ؟؟؟؟)
Author: عبد الدائم سيد أحمد
Date: 05-02-2010, 08:50 AM
Parent: #3

Quote: ( إنتو كيف ؟؟؟؟)

وراك ... وراك

حكاية تستعيد ايام شبابك دى صعبة شوية

Post: #5
Title: Re: نفسي أرجع لي بلادي ( إنتو كيف ؟؟؟؟)
Author: ismeil abbas
Date: 05-02-2010, 11:45 AM
Parent: #4

ياسلام ياهاشم..

إن شاء الله ربنا يجمعنا فى بلادنا ونحن فى فرح وسرور...

وبلادنا فى عزة ورفعة..يارب...

تسلم على هذا الجمال ياجميل..

Post: #6
Title: Re: نفسي أرجع لي بلادي ( إنتو كيف ؟؟؟؟)
Author: الطيب شيقوق
Date: 05-02-2010, 11:50 AM
Parent: #5

اخي العزيز والشاعر المرهف هاشم خلف الله

Quote: نفسي اتهنى وأغني
ابقى فنان وراقي فني

يا اخي ما اروع الكلمات وسهولة وسلاسة الكلم - يشهد الله انك فنان وراقي رقي بلا حدود

معزتي

Post: #7
Title: Re: نفسي أرجع لي بلادي ( إنتو كيف ؟؟؟؟)
Author: الصادق صديق سلمان
Date: 05-02-2010, 11:58 AM
Parent: #6

أستاذ هاشم

Quote: يا اخي ما اروع الكلمات وسهولة وسلاسة الكلم - يشهد الله انك فنان وراقي رقي بلا حدود

أريد العودة قطعاً بل حتى لم اكن افكر في الغربة اصلاً ولكن بفضل الله وبحمده كتبها لنا

البيت
العربية
التعليم
العلاج
الملاريا
والمشاكل الأخرى

الصادق

Post: #17
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-03-2010, 03:12 PM
Parent: #7

Quote: أستاذ هاشم

Quote: يا اخي ما اروع الكلمات وسهولة وسلاسة الكلم - يشهد الله انك فنان وراقي رقي بلا حدود

أريد العودة قطعاً بل حتى لم اكن افكر في الغربة اصلاً ولكن بفضل الله وبحمده كتبها لنا

البيت
العربية
التعليم
العلاج
الملاريا
والمشاكل الأخرى

الصادق

الصادق أخوي شرفني حضورك والله
عيش حياتك كم تحب يا عسل وخلي الباقي علي الله

Post: #16
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-03-2010, 07:02 AM
Parent: #6

Quote: اخي العزيز والشاعر المرهف هاشم خلف الله

Quote: نفسي اتهنى وأغني
ابقى فنان وراقي فني

يا اخي ما اروع الكلمات وسهولة وسلاسة الكلم - يشهد الله انك فنان وراقي رقي بلا حدود

معزتي

وما اسعدني بمداخلتك اخي الذي لم تلده أمي ود شيقوق
الرجل الكلس . إن كان ما نكتبه قد نال الإعجاب فهو بفضل
توجيهاتكم المنيرة يا حبيب .

Post: #15
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-03-2010, 06:37 AM
Parent: #5

Quote: ياسلام ياهاشم..

إن شاء الله ربنا يجمعنا فى بلادنا ونحن فى فرح وسرور...

وبلادنا فى عزة ورفعة..يارب...

تسلم على هذا الجمال ياجميل..

سمعة الجميل آمين يا رب العالمين

سعدت بزيارتك يا وجيه

Post: #14
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-02-2010, 08:55 PM
Parent: #4

Quote: وراك ... وراك

حكاية تستعيد ايام شبابك دى صعبة شوية

عبدالدائم النظيف كيف حالك وإزيك
ياخي أنت نسيت قول الشاعر
الآ ليت الشباب يعود يوماُ ( وقرض علي كده )

مشتاقين كتير يا عسل

Post: #12
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-02-2010, 08:32 PM
Parent: #3

Quote: يااااااا أبو أحمد!

آمال نحن فاتحين مناحة ليه؟
عشان ما نصل مرحلتكم دي!

ود الصائم الحبيب ابكي وانوح واصيح للشوفتهم بتريح ههههههههههههههههههه

ليك وحشة والله

Post: #42
Title: Re: نفسي أرجع لي بلادي ( إنتو كيف ؟؟؟؟)
Author: سلمى الشيخ سلامة
Date: 05-08-2010, 00:18 AM
Parent: #3

هاشم الحبيب
يسلم عمرك
لكن الرجوع ما للبلد
تصدق؟
ما ظنيتنى ارجع تانى
الله اعلم

Post: #49
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-08-2010, 10:18 PM
Parent: #42

Quote: هاشم الحبيب
يسلم عمرك
لكن الرجوع ما للبلد
تصدق؟
ما ظنيتنى ارجع تانى
الله اعلم

ويسلم عمرك ويديك الفي مرادك إن شاء الله
كيف ماعايزة ترجعي للبلد يا سلمى ؟؟
يا شيخة ختي الرحمن في قلبك واستغفري ربك
بلدنا سمحة والله بناسا

Post: #11
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-02-2010, 08:09 PM
Parent: #2

Quote: يا سلاااااااااااااام يا أستاذ هاشم على الكلام الجميل

وإنشاءالله نرجع لي بلدنا

ونبقى بين أهلنا وصحابنا

وننسى همناوإغترابنا

وتسلم

أختي الغالية هويدا شرفني حضورك الأنيق
وربنا يستجيب دعانا ونرجع لبلدنا ظافرين
غانمين وتامين ولامين وأهم حاجة الصحة تكون تمام

Post: #8
Title: Re: نفسي أرجع لي بلادي ( إنتو كيف ؟؟؟؟)
Author: محمد يوسف الزين
Date: 05-02-2010, 12:58 PM
Parent: #1

سلام لأولاد الصحافات

Post: #20
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-03-2010, 08:34 PM
Parent: #8

Quote: سلام لأولاد الصحافات

وسلام تربيعي لك يا محمد يوسف الزين
اسعدني حضورك يا شفيف

Post: #9
Title: Re: نفسي أرجع لي بلادي ( إنتو كيف ؟؟؟؟)
Author: ناهد حسن بشير
Date: 05-02-2010, 02:07 PM
Parent: #1

Quote: والحياة تصبح سعيدة
والمحال يصبح حقيقة
والخطاوي الضاع طريقا
باكر تعود ينحلا قيدا
يا سلااااام يااستاذهاشم
ياخى مالك علينا........
بس مافى بعيد!!!!!!
بكره يضحك للجميع وينحل قيد جميع الخطاوى
وترجع والجميع للامانى والايام الحلوه

سيل من الموده يغشاك

Post: #21
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-03-2010, 08:46 PM
Parent: #9

Quote: يا سلااااام يااستاذهاشم
ياخى مالك علينا........
بس مافى بعيد!!!!!!
بكره يضحك للجميع وينحل قيد جميع الخطاوى
وترجع والجميع للامانى والايام الحلوه

سيل من الموده يغشاك

أختي الغالية ناهد حسن بشير وسيل من الفرح يبراك
قولي آمين .

سعدت بزيارتك المفرحة يعلم الله

Post: #10
Title: Re: نفسي أرجع لي بلادي ( إنتو كيف ؟؟؟؟)
Author: معاذ الهادي
Date: 05-02-2010, 02:17 PM
Parent: #1

تسلم يا رائع

نحن قاعديين في البلد

ومنيتنا

البلد يرجع لينا

Post: #13
Title: Re: نفسي أرجع لي بلادي ( إنتو كيف ؟؟؟؟)
Author: الطيب شيقوق
Date: 05-02-2010, 08:34 PM
Parent: #10

Quote: نفسي ارجع لي بلادي
واستعيد أيام شبابي
ابقى بين أهلي وصحابي
وانسى همي وإغترابي
رشفة من النيل شرابي
تروي عطشي ويهدا بالي
يا ربي يا عالم بحالي
إنهد حيلي وضاع زماني
نفسي اتهنى وأغني
ابقى فنان وراقي فني
نفسي ارجع لي بلادي
واستعيد أيام شبابي
والحياة تصبح سعيدة
والمحال يصبح حقيقة
والخطاوي الضاع طريقا
باكر تعود ينحلا قيدا
يكتمل البيت بناسو
وكل زول يعيش حياتو
نفسي ارجع لي بلادي
واستعيد أيام شبابي
ارضى باللقمة الهنية
والمعيشة تكون رضية
المهم العافية تبقى
لا معاناة لا مشقة
نفسي ارجع لي بلادي
واستعيد أيام شبابي
القلوب هيمانة تهفو
للقاك وكم تعاني
وحشة الغربة وظلاما
والسنين الضاع حنانا
التجني والمذلة والمهانة
الرجولة والفحولة والشهامة
نفسي ارجع لي بلادي
وأسال الله يتم مرادي
عايز أشوفك عالية فوق
والنجوم حولك تطوف
لا تصل ليك الأعادي
ولا يزورك مرة خوف
هادي طبعك زي أميرة
لابسة تاج العز خميلة
قائدة للركب والمسيرة
حرة صامدة وكم جليلة
عزيزة غالية ما ذليلة
فيك أفراحنا النبيلة
نفسي ارجع لي بلادي
واستعيد أيام شبابي
ياما في ترابك لعبتا وما تعبتا
وياما من حُبك نهلتا وغرفتا
ومن حليب ضرعك رضعتا
ومن تمر نخلك شبعتا
نفسي ارجع لي بلادي
واستعيد أيام شبابي
نفسي في رحلة وجنائن
وخضرة بكان ما العين تعاين
لمة فيها الناس .. تقالد .. تسالم
يدعوا ليك بكل التمائم
تبقى أيامك سعيدا
والزيارة كمان تعيدا
تبقى فرحان بوجودك
ومافي خط لحدودك
نفسي ارجع لي بلادي
واستعيد أيام شبابي
عارف الأحلام مثيرة
مهما تطول تصبح قصيرة
والعيون إحتار دليلا
والدموع نزلت غزيرة
نفسي ارجع لي بلادي
واستعيد أيام شبابي

يا ريت فيما لو وصلت هذه القصيدة لجعفر السقيد او خالد الصحافة

Post: #18
Title: Re: نفسي أرجع لي بلادي ( إنتو كيف ؟؟؟؟)
Author: Hayat Hussien
Date: 05-03-2010, 06:15 PM
Parent: #13

الله يرد غربتك بالسلامة وترجع سالم غانم

امين يا رب لعالمين

Post: #19
Title: Re: نفسي أرجع لي بلادي ( إنتو كيف ؟؟؟؟)
Author: mohmed khalail
Date: 05-03-2010, 06:52 PM
Parent: #18

نمرة كاملة يا اب أحمد,,,

عظمة على عظمة,,,

وشوق بلا حدود كيفنك يا المبروك

Post: #22
Title: Re: نفسي أرجع لي بلادي ( إنتو كيف ؟؟؟؟)
Author: خالد علي محجوب المنسي
Date: 05-03-2010, 08:57 PM
Parent: #19

نفسي ارجع لي بلادي
واستعيد أيام شبابي
ابقى بين أهلي وصحابي
وانسى همي وإغترابي
رشفة من النيل شرابي
تروي عطشي ويهدا بالي
يا ربي يا عالم بحالي
إنهد حيلي وضاع زماني
نفسي اتهنى وأغني
............................................
...........................................

يا هاشم
وأنا وا مغصتي رحل تلوت الليل
مسالكي ضلمة ما بتنشق
سكت روح نويرة الحرقة
جوه الجوف تسوي البق
مشيت لا زاد أشيلو معاي
ولا زولاً معا إترفق
لما بقيت ماشي
نجيم الليل مشى إتفرق
بكيتا بكيت
دميع العين متمسح
وبي الدموع رقرق
يا هاشم الرحيل مر لكن أسباب الرحيل أمر
والعود أحمد نأكلها مع الحبيان كسرة بي موية
بشمار وزيت سمسم لو وجد
حلوة وطاعمة تفوق طعم ماطاب ولذ هنا

تحياتي هاشم الجميل
محتاج ليك في بوست أهي .. حقنات طلق أم جرعات مسكنة

تعالي يا الغالي وجيب الحديث البتور الضرس
وخلي الجرح المنسور يغور عنو ما برى

Post: #23
Title: Re: نفسي أرجع لي بلادي ( إنتو كيف ؟؟؟؟)
Author: عادل جبارة
Date: 05-03-2010, 09:17 PM
Parent: #22

الشاعر الجميل هاشم ود خلف الله
نحلم .. ولماذا لا نحلم
بالعودة للديار ولقاء الأهل والصحاب
والإستقرار .. ومعاودة الحراك الإجتماعي الحميم
والإستمتاع بالمعاناة اليومية المعتادة
وتهيئة أولادنا وبناتنا بأن تعاد صياغة أفكارهم
بما يتلاءم ومجتمعنا السوداني بسلبياته وإيجابياته
ونرتااااح نحن ..
ليس من الغربة فحسب .. بل تمضي بنا سنة الحياة كما مضت بآبائنا
حين استمتعوا بحياتهم في كل مراحلها .. حتى مرحلة ما بعد المعاش
وذكريات جلسة العصرية مع الصحاب والأنداد

لو توفرت الإرادة .. فقط عندها يمكننا ( التفكير ) في العودة !!

سلام يا صاحب

Post: #47
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-08-2010, 03:11 PM
Parent: #23

Quote: الشاعر الجميل هاشم ود خلف الله
نحلم .. ولماذا لا نحلم
بالعودة للديار ولقاء الأهل والصحاب
والإستقرار .. ومعاودة الحراك الإجتماعي الحميم
والإستمتاع بالمعاناة اليومية المعتادة
وتهيئة أولادنا وبناتنا بأن تعاد صياغة أفكارهم
بما يتلاءم ومجتمعنا السوداني بسلبياته وإيجابياته
ونرتااااح نحن ..
ليس من الغربة فحسب .. بل تمضي بنا سنة الحياة كما مضت بآبائنا
حين استمتعوا بحياتهم في كل مراحلها .. حتى مرحلة ما بعد المعاش
وذكريات جلسة العصرية مع الصحاب والأنداد

لو توفرت الإرادة .. فقط عندها يمكننا ( التفكير ) في العودة !!

سلام يا صاحب

عدولي ابو محمد سلامات يا غالي
اخيراً طليت ؟؟ ولا جابتك سيرة البلد هههههههههههههههه
فعلاً يا عادل يا خوي لو توفرت العزيمة كل شئ ممكن ومعقول
ياخي نفسي في كاسة شاي مقنن في اكشاك محطة 7 وبعدها نكسر
للامتداد عشان نجكس ليك بناتهم ( مجدي فضل والزول المكسر داك ايوا دكتور طارق جبريل هههههههههههههههه

Post: #40
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-07-2010, 08:01 AM
Parent: #22

Quote: يا هاشم
وأنا وا مغصتي رحل تلوت الليل
مسالكي ضلمة ما بتنشق
سكت روح نويرة الحرقة
جوه الجوف تسوي البق
مشيت لا زاد أشيلو معاي
ولا زولاً معا إترفق
لما بقيت ماشي
نجيم الليل مشى إتفرق
بكيتا بكيت
دميع العين متمسح
وبي الدموع رقرق
يا هاشم الرحيل مر لكن أسباب الرحيل أمر
والعود أحمد نأكلها مع الحبيان كسرة بي موية
بشمار وزيت سمسم لو وجد
حلوة وطاعمة تفوق طعم ماطاب ولذ هنا

تحياتي هاشم الجميل
محتاج ليك في بوست أهي .. حقنات طلق أم جرعات مسكنة

تعالي يا الغالي وجيب الحديث البتور الضرس
وخلي الجرح المنسور يغور عنو ما برى

خالد ود محجوب الحنين صباح الخير
والله الحال من بعضه يا خالد أخوي
ياخوي يظهر الكبر دخل وبقينا نفكر في العودة الطوعية ؟
جايك بهناك بس اصبر علي شوية .

Post: #34
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-05-2010, 07:17 AM
Parent: #19

Quote: نمرة كاملة يا اب أحمد,,,

عظمة على عظمة,,,

وشوق بلا حدود كيفنك يا المبروك

يا الله

محمد خليل وينك يا زول يا جميل
يشهد الله مشتاق ليك بشكل لا يمكن أن تتخيلوا أبداً
إن شاء الله تكون تمام وكذلك الأهل والأخوان
يعلم الله فرحت بوجود توقيعك هاهنا .

Post: #35
Title: Re: نفسي أرجع لي بلادي ( إنتو كيف ؟؟؟؟)
Author: abuguta
Date: 05-05-2010, 07:41 AM
Parent: #34

Quote: نفسي ارجع لي بلادي
واستعيد أيام شبابي
ابقى بين أهلي وصحابي
وانسى همي وإغترابي
رشفة من النيل شرابي
تروي عطشي ويهدا بالي
يا ربي يا عالم بحالي
إنهد حيلي وضاع زماني
نفسي اتهنى وأغني
ابقى فنان وراقي فني

[blue]
رشفة من النيل شرابى,,,, ممكن تكون (هى فالى( او آمالى)

انهد حيلى وضاع زمانى...ممكن تكون
انهد حيلى وعمرى سالى

والله قصيدة جميلة ياهاشم تصلح تكون اغنية
كما قال ود شيقوق
تسلم

Post: #48
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-08-2010, 03:24 PM
Parent: #35

Quote: رشفة من النيل شرابى,,,, ممكن تكون (هى فالى( او آمالى)

انهد حيلى وضاع زمانى...ممكن تكون
انهد حيلى وعمرى سالى

والله قصيدة جميلة ياهاشم تصلح تكون اغنية
كما قال ود شيقوق
تسلم

ابو قوته الحبيب حياك الغمام ورشحت عليك الزهور
يا ريت لو كل واحد زيك كده يدينا كلمات بديلة وجديدة
عشان نستفيد منها . كتر خيرك يا عسل .

وممكن تكون كمان ( إنهد حيلي وعمري فاني )
والاولى ممكن تكون برضو كده ( رشفة من النيل شرابي
تروي عطشي ويشفى حالي )

اسعدني مرورك يا زول يا نيل

Post: #52
Title: Re: نفسي أرجع لي بلادي ( إنتو كيف ؟؟؟؟)
Author: سيف اليزل برعي البدوي
Date: 05-08-2010, 11:04 PM
Parent: #35

Post: #54
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-10-2010, 06:35 AM
Parent: #52

اجمل صباح اخوي سيف اليزل
مشكور على الأغنية الجميلة يا جميل

Post: #36
Title: Re: نفسي أرجع لي بلادي ( إنتو كيف ؟؟؟؟)
Author: ود الباوقة
Date: 05-05-2010, 07:43 AM
Parent: #34

( انتو كيف ؟؟؟؟

نحن والله علينا شوية

شكرا اخي هاشم

Post: #53
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-09-2010, 07:29 AM
Parent: #36

Quote: ( انتو كيف ؟؟؟؟

نحن والله علينا شوية

شكرا اخي هاشم

ود الباوقه الحبيب شوية كيف ؟؟
10 سنوات اخرى هههههههههههه

مشتاقين يا رئيس

Post: #33
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-05-2010, 07:00 AM
Parent: #18

Quote: الله يرد غربتك بالسلامة وترجع سالم غانم

امين يا رب العالمين

آمين يا رب العالمين
الله يسمع منك يا حياة أختي

Post: #37
Title: Re: نفسي أرجع لي بلادي ( إنتو كيف ؟؟؟؟)
Author: محمد على طه الملك
Date: 05-05-2010, 09:05 PM
Parent: #33

يا أب احمدالحاصل شنو؟
تصدق اول امس أنا عملت ليك مداخلة هنا حتى بعد مداخلة الأخ عادل جبارة مباشرة ..
ما عارفه اتخمشت كيف !!
بعدها شفت بوست عادل عن المطرة وتداخلت فيه..
يا اخوي حمد الله على سلامتكم من المطرة العجيبه ديك..
باين الشوق للوطن زاد..
ربنا يحقق الأماني ونرجع لأهلنا سالمين غانمين ..
غانمين دي حقتكم ..
أما نحن ما عندنا غير شهادات وليداتنا ديل ..
تحاياي للاسرة والاخوان.

Post: #41
Title: Re: نفسي أرجع لي بلادي ( إنتو كيف ؟؟؟؟)
Author: الطيب شيقوق
Date: 05-07-2010, 06:03 PM
Parent: #37

نفسي ارجع لي بلادي
واستعيد أيام شبابي
ابقى بين أهلي وصحابي
وانسى همي وإغترابي
رشفة من النيل شرابي
تروي عطشي ويهدا بالي
يا ربي يا عالم بحالي
إنهد حيلي وضاع زماني
نفسي اتهنى وأغني
ابقى فنان وراقي فني
نفسي ارجع لي بلادي
واستعيد أيام شبابي
والحياة تصبح سعيدة
والمحال يصبح حقيقة
والخطاوي الضاع طريقا
باكر تعود ينحلا قيدا
يكتمل البيت بناسو
وكل زول يعيش حياتو
نفسي ارجع لي بلادي
واستعيد أيام شبابي
ارضى باللقمة الهنية
والمعيشة تكون رضية
المهم العافية تبقى
لا معاناة لا مشقة
نفسي ارجع لي بلادي
واستعيد أيام شبابي
القلوب هيمانة تهفو
للقاك وكم تعاني
وحشة الغربة وظلاما
والسنين الضاع حنانا
التجني والمذلة والمهانة
الرجولة والفحولة والشهامة
نفسي ارجع لي بلادي
وأسال الله يتم مرادي
عايز أشوفك عالية فوق
والنجوم حولك تطوف
لا تصل ليك الأعادي
ولا يزورك مرة خوف
هادي طبعك زي أميرة
لابسة تاج العز خميلة
قائدة للركب والمسيرة
حرة صامدة وكم جليلة
عزيزة غالية ما ذليلة
فيك أفراحنا النبيلة
نفسي ارجع لي بلادي
واستعيد أيام شبابي
ياما في ترابك لعبتا وما تعبتا
وياما من حُبك نهلتا وغرفتا
ومن حليب ضرعك رضعتا
ومن تمر نخلك شبعتا
نفسي ارجع لي بلادي
واستعيد أيام شبابي
نفسي في رحلة وجنائن
وخضرة بكان ما العين تعاين
لمة فيها الناس .. تقالد .. تسالم
يدعوا ليك بكل التمائم
تبقى أيامك سعيدا
والزيارة كمان تعيدا
تبقى فرحان بوجودك
ومافي خط لحدودك
نفسي ارجع لي بلادي
واستعيد أيام شبابي
عارف الأحلام مثيرة
مهما تطول تصبح قصيرة
والعيون إحتار دليلا
والدموع نزلت غزيرة
نفسي ارجع لي بلادي
واستعيد أيام شبابي

Post: #44
Title: Re: نفسي أرجع لي بلادي ( إنتو كيف ؟؟؟؟)
Author: dardiri satti
Date: 05-08-2010, 06:35 AM
Parent: #41

عزيزي:

هب جنة الخلد اليمن.....

لا شيء يعدل الوطن.

تحياتي

Post: #59
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-11-2010, 06:09 AM
Parent: #44

Quote: عزيزي:

هب جنة الخلد اليمن.....

لا شيء يعدل الوطن.

تحيات

dardiri satti

أسعد الله صباحك يا زول يا زين
الوطن في حدقات عيوننا يا ملك

Post: #45
Title: Re: نفسي أرجع لي بلادي ( إنتو كيف ؟؟؟؟)
Author: dardiri satti
Date: 05-08-2010, 06:36 AM
Parent: #41

عزيزي:

هب جنة الخلد اليمن.....

لا شيء يعدل الوطن.

تحياتي

Post: #56
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-10-2010, 07:21 AM
Parent: #41

Quote: نفسي ارجع لي بلادي
واستعيد أيام شبابي
ابقى بين أهلي وصحابي
وانسى همي وإغترابي
رشفة من النيل شرابي
تروي عطشي ويهدا بالي
يا ربي يا عالم بحالي
إنهد حيلي وضاع زماني
نفسي اتهنى وأغني
ابقى فنان وراقي فني
نفسي ارجع لي بلادي
واستعيد أيام شبابي
والحياة تصبح سعيدة
والمحال يصبح حقيقة
والخطاوي الضاع طريقا
باكر تعود ينحلا قيدا
يكتمل البيت بناسو
وكل زول يعيش حياتو
نفسي ارجع لي بلادي
واستعيد أيام شبابي
ارضى باللقمة الهنية
والمعيشة تكون رضية
المهم العافية تبقى
لا معاناة لا مشقة
نفسي ارجع لي بلادي
واستعيد أيام شبابي
القلوب هيمانة تهفو
للقاك وكم تعاني
وحشة الغربة وظلاما
والسنين الضاع حنانا
التجني والمذلة والمهانة
الرجولة والفحولة والشهامة
نفسي ارجع لي بلادي
وأسال الله يتم مرادي
عايز أشوفك عالية فوق
والنجوم حولك تطوف
لا تصل ليك الأعادي
ولا يزورك مرة خوف
هادي طبعك زي أميرة
لابسة تاج العز خميلة
قائدة للركب والمسيرة
حرة صامدة وكم جليلة
عزيزة غالية ما ذليلة
فيك أفراحنا النبيلة
نفسي ارجع لي بلادي
واستعيد أيام شبابي
ياما في ترابك لعبتا وما تعبتا
وياما من حُبك نهلتا وغرفتا
ومن حليب ضرعك رضعتا
ومن تمر نخلك شبعتا
نفسي ارجع لي بلادي
واستعيد أيام شبابي
نفسي في رحلة وجنائن
وخضرة بكان ما العين تعاين
لمة فيها الناس .. تقالد .. تسالم
يدعوا ليك بكل التمائم
تبقى أيامك سعيدا
والزيارة كمان تعيدا
تبقى فرحان بوجودك
ومافي خط لحدودك
نفسي ارجع لي بلادي
واستعيد أيام شبابي
عارف الأحلام مثيرة
مهما تطول تصبح قصيرة
والعيون إحتار دليلا
والدموع نزلت غزيرة
نفسي ارجع لي بلادي
واستعيد أيام شبابي

يا ريت لو تغنيها انت يا شيقا

Post: #55
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-10-2010, 06:56 AM
Parent: #37

Quote: يا أب احمدالحاصل شنو؟
تصدق اول امس أنا عملت ليك مداخلة هنا حتى بعد مداخلة الأخ عادل جبارة مباشرة ..
ما عارفه اتخمشت كيف !!
بعدها شفت بوست عادل عن المطرة وتداخلت فيه..
يا اخوي حمد الله على سلامتكم من المطرة العجيبه ديك..
باين الشوق للوطن زاد..
ربنا يحقق الأماني ونرجع لأهلنا سالمين غانمين ..
غانمين دي حقتكم ..
أما نحن ما عندنا غير شهادات وليداتنا ديل ..
تحاياي للاسرة والاخوان.

ود الملك الحبيب صباح الخير
والشوق بحر ماليهو قيف
تخيل يا حبيب البوست ده التقول عليهو مسكون
اشوف زول عامل ليهو مداخلة افتش اخر الصفحة ما القاها
ارجع تاني القاها ليك محشورة في نص المداخلات
لكن مداخلتك السابقة موجودة وهاك ليها

Quote: اوووو أب احمد الشاعر المرهف..
كيفك يالعزيز..
الظاهر الشوق غلب..
القصيدة عبرت بصدق عن احاسيسنا تجاه اوطانا في الغربة..
دي المرة التانيه اقرأ ليك ابيات في المجال دا..
المرة الاولى كانت بعد عودتك من زيارة للوطن ..
وكانت قصيدة ناقدة على ما اذكر..
التحية ليك وللاخوان المعاك .

فعلاً والله يا ود الملك الشوق غلب 3 /1 هههههههههه
يا سيدي ربنا يرجعنا كلنا لاوطاننا والحال إن شاء الله ينستر
قول آمين

Post: #58
Title: Re: نفسي أرجع لي بلادي ( إنتو كيف ؟؟؟؟)
Author: ابو جهينة
Date: 05-10-2010, 02:50 PM
Parent: #55

*****

Post: #31
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-05-2010, 06:26 AM
Parent: #13

Post: #38
Title: Re: نفسي أرجع لي بلادي ( إنتو كيف ؟؟؟؟)
Author: الصادق المهل
Date: 05-05-2010, 09:49 PM
Parent: #31

Quote: ( إنتو كيف ؟؟؟؟)

أنا رجعت

Post: #60
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-11-2010, 07:03 AM
Parent: #38

Quote: إنتو كيف ؟؟؟؟
Quote: أنا رجعت

عقبال عندنا يا الصادق المهل يا حبيب
أسعد الله صباحك

Post: #43
Title: Re: نفسي أرجع لي بلادي ( إنتو كيف ؟؟؟؟)
Author: dardiri satti
Date: 05-08-2010, 06:33 AM
Parent: #31

عزيزي:

هب جنة الخلد اليمن.....

لا شيء يعدل الوطن.

تحياتي

Post: #46
Title: Re: نفسي أرجع لي بلادي ( إنتو كيف ؟؟؟؟)
Author: ALGARADABI
Date: 05-08-2010, 07:02 AM
Parent: #31

هاشم يا حبيب
ذكرتني أغنية للطيب عبدالله زمان كنا بنسمعا
بقول فيها:
نفسي أرجع لي ترابي
وأسمع ألحاني البريده
للشباب الضامي أرضك
ينشد النجمة البعيدة
وللبنية الريدا واحد
والحبيب وافي وبريده

الي أن يقول:

نفسي أرجع و الرجوع
يصبح خلاص خاتمة مطاف
وأجري أبشر فوق أهلنا
أحضن أصحابي اللطاف
وأهنأ برقص البنية
السمحة زي ورد الضفاف
رقصة تلعب بي مشاعري
وأنسي أيام الجفاف

اتمني الا أكون قد أفسدت القصيدة
المدة طالت و الزهايمر اشتغل

Post: #62
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-11-2010, 03:16 PM
Parent: #46

Quote: هاشم يا حبيب
ذكرتني أغنية للطيب عبدالله زمان كنا بنسمعا
بقول فيها:
نفسي أرجع لي ترابي
وأسمع ألحاني البريده
للشباب الضامي أرضك
ينشد النجمة البعيدة
وللبنية الريدا واحد
والحبيب وافي وبريده

الي أن يقول:

نفسي أرجع و الرجوع
يصبح خلاص خاتمة مطاف
وأجري أبشر فوق أهلنا
أحضن أصحابي اللطاف
وأهنأ برقص البنية
السمحة زي ورد الضفاف
رقصة تلعب بي مشاعري
وأنسي أيام الجفاف

اتمني الا أكون قد أفسدت القصيدة
المدة طالت و الزهايمر اشتغل

إبن عمي الحبيب القرضابي
ما أجملك وما أروعك ياخي كويس إنك جبت ليك قصيدة زي العسل
ويا ريت لو عندك من القصائد دي عشان نستمتع معاك
الف شكر وتقدير

Post: #51
Title: Re: نفسي أرجع لي بلادي ( إنتو كيف ؟؟؟؟)
Author: سيف اليزل برعي البدوي
Date: 05-08-2010, 11:02 PM
Parent: #31

Post: #24
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-04-2010, 07:01 AM
Parent: #10

Quote: تسلم يا رائع

نحن قاعديين في البلد

ومنيتنا

البلد يرجع لينا

الله عليك يا معاذ أخوي ياخي كلامك ده مؤثر جداً
عليك بمحبه الوطن ولا يهمك من الحاكم .
تسلم يا حبيب

Post: #25
Title: Re: نفسي أرجع لي بلادي ( إنتو كيف ؟؟؟؟)
Author: مجدي عبدالرحيم فضل
Date: 05-04-2010, 09:05 AM
Parent: #24

البلد المفقود اريتو يعود !!

،،،،أبوقصي،،،،

Post: #26
Title: Re: نفسي أرجع لي بلادي ( إنتو كيف ؟؟؟؟)
Author: عبدالمجيد الكونت
Date: 05-04-2010, 09:24 AM
Parent: #25

Post: #27
Title: Re: نفسي أرجع لي بلادي ( إنتو كيف ؟؟؟؟)
Author: إدريس محمد إبراهيم
Date: 05-04-2010, 10:59 AM
Parent: #26

Quote: نفسي ارجع لي بلادي
واستعيد أيام شبابي
ابقى بين أهلي وصحابي
وانسى همي وإغترابي

كم هي جميلة هذه الأمنية يا شاعرنا الشفيف، وهي بلا شك تؤرّق مشاعر كل من قاسى الغربه واكتوى بنارها .. لكن نعمل شنو يا هاشم (العين بصيره.... والإيد قصيره) ...

مع خالص حبي وتقديري ؛؛؛

Post: #28
Title: Re: نفسي أرجع لي بلادي ( إنتو كيف ؟؟؟؟)
Author: محمد على طه الملك
Date: 05-04-2010, 11:44 AM
Parent: #27

اوووو أب احمد الشاعر المرهف..
كيفك يالعزيز..
الظاهر الشوق غلب..
القصيدة عبرت بصدق عن احاسيسنا تجاه اوطانا في الغربة..
دي المرة التانيه اقرأ ليك ابيات في المجال دا..
المرة الاولى كانت بعد عودتك من زيارة للوطن ..
وكانت قصيدة ناقدة على ما اذكر..
التحية ليك وللاخوان المعاك .

Post: #29
Title: Re: نفسي أرجع لي بلادي ( إنتو كيف ؟؟؟؟)
Author: سيف بخيت موسي
Date: 05-04-2010, 12:17 PM
Parent: #28

Quote:
عارف الأحلام مثيرة
مهما تطول تصبح قصيرة
والعيون إحتار دليلا
والدموع نزلت غزيرة
نفسي ارجع لي بلادي
واستعيد أيام شبابي

نسال الله أن يحقق جميع أحلامك وأحلامنا

وأن يمتعك وجميع أهلك وأحبابك وأصحابك بالصحة والعافية

أنا ما راي استاذي شيقوق ، شوف ليها واحد من فاني الطمبور الجميلين يغنيها

أو على الأقل جزء منها

تحياتي عزيزي أبو أحمد

وسلامي لجميع المتداخلين

Post: #30
Title: Re: نفسي أرجع لي بلادي ( إنتو كيف ؟؟؟؟)
Author: ابو جهينة
Date: 05-04-2010, 04:40 PM
Parent: #29

هاشم
سلام

نص فيه أحلام مشروعة و مُشْرعة لكل الطيور المهاجرة

أما بعد

واستعيد أيام شبابي

كنوع من إجترار الأيام الخوالي طبعا ممكن و لكن أن تعود تلكم الأيام بنفس الزخم الذي تعرفه فلا يمكن.

الرجوع يا هاشم حلم يراود كل مغترب في يقظته و منامه ... بس الحكاية عاوزة عزيمة و ( دفْرة )

دمتم

Post: #71
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-14-2010, 02:13 PM
Parent: #30

Quote: هاشم
سلام

نص فيه أحلام مشروعة و مُشْرعة لكل الطيور المهاجرة

أما بعد

واستعيد أيام شبابي

كنوع من إجترار الأيام الخوالي طبعا ممكن و لكن أن تعود تلكم الأيام بنفس الزخم الذي تعرفه فلا يمكن.

الرجوع يا هاشم حلم يراود كل مغترب في يقظته و منامه ... بس الحكاية عاوزة عزيمة و ( دفْرة )

دمتم

الرئيس ابو جهينة طيب تعالوا كلنا نديها ( دفرة ) يمكن تقوم

Post: #70
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-13-2010, 08:23 PM
Parent: #29

Quote: نسال الله أن يحقق جميع أحلامك وأحلامنا

وأن يمتعك وجميع أهلك وأحبابك وأصحابك بالصحة والعافية

أنا ما راي استاذي شيقوق ، شوف ليها واحد من فاني الطمبور الجميلين يغنيها

أو على الأقل جزء منها

تحياتي عزيزي أبو أحمد

وسلامي لجميع المتداخلين

صديقي الجميل ومستشارنا الوجيه سيف الدين بخيت
ياخي ربنا يسمع منك وتتحقق أمانينا العراض
بالنسبة لتلحين القصيدة نحنا كمان في الإنتظار

Post: #69
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-13-2010, 07:52 PM
Parent: #28

Quote: اوووو أب احمد الشاعر المرهف..
كيفك يالعزيز..
الظاهر الشوق غلب..
القصيدة عبرت بصدق عن احاسيسنا تجاه اوطانا في الغربة..
دي المرة التانيه اقرأ ليك ابيات في المجال دا..
المرة الاولى كانت بعد عودتك من زيارة للوطن ..
وكانت قصيدة ناقدة على ما اذكر..
التحية ليك وللاخوان المعاك .

ود الملك مرة اخرى بشكرك كتير يا حبيب

Post: #67
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-13-2010, 09:23 AM
Parent: #27

Quote: كم هي جميلة هذه الأمنية يا شاعرنا الشفيف، وهي بلا شك تؤرّق مشاعر كل من قاسى الغربه واكتوى بنارها .. لكن نعمل شنو يا هاشم (العين بصيره.... والإيد قصيره) ...

مع خالص حبي وتقديري ؛؛؛

شاعرنا الجميل إدريس زارتنا البركه والله
والغربة كُربه زي ما قالوا , اللهم هون علينا
غربتنا وارجعنا إلي اهلنا سالمين غانمين

Post: #65
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-13-2010, 06:15 AM
Parent: #26

احلى صباح أخوي عبدالمجيد الكونت

Post: #64
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-12-2010, 07:06 AM
Parent: #25

Quote: البلد المفقود اريتو يعود !!

،،،،أبوقصي،،،،

إن شاء الله يعود

تسلم يا غالي

Post: #32
Title: Re: نفسي أرجع لي بلادي ( إنتو كيف ؟؟؟؟)
Author: walid taha
Date: 05-05-2010, 06:37 AM
Parent: #1

يا هاشم صباح الخير

ده كلام فى الصميم
لمن لا يعلم (الغربة (شرك) كبير فحذارى)

------
هاشم منتظرين نشوفها غنية ياخى

تخريمة صغيرة :
لكن السوفت كوبي أجمل ;)

Post: #72
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-15-2010, 07:07 AM
Parent: #32

Quote: يا هاشم صباح الخير

ده كلام فى الصميم
لمن لا يعلم (الغربة (شرك) كبير فحذارى)

------
هاشم منتظرين نشوفها غنية ياخى

تخريمة صغيرة :
لكن السوفت كوبي أجمل ;)

الشاب الوجيه وليد طه اسعد الله صباحك يا ملك
بإذن الله تسمعها ملحنة وجاهزة عما قريب
يديك الف عافية

Post: #39
Title: Re: نفسي أرجع لي بلادي ( إنتو كيف ؟؟؟؟)
Author: محمد كابيلا
Date: 05-06-2010, 05:25 PM
Parent: #1

هاشم أحمد خلف الله ...

تحيـــــاتى ...

Quote: عايز أشوفك عالية فوق
والنجوم حولك تطوف
لا تصل ليك الأعادي
ولا يزورك مرة خوف
هادي طبعك زي أميرة
لابسة تاج العز خميلة
قائدة للركب والمسيرة
حرة صامدة وكم جليلة
عزيزة غالية ما ذليلة
فيك أفراحنا النبيلة

ما قلنا ليكـــ ..

طولنا منكـــ ومن الكلام الحلـــو دا ياخ !!

ملحوظة :

انتو المغتربين ديل مالم اليومين ديل مذكرين البلد وهاكـــ يا جرس ... مرة

نفسى فى ..ومرة نفسى أرجع ومرة شنو كدا ما عارف !! قولو الروووب !!كااااك

Post: #50
Title: Re: نفسي أرجع لي بلادي ( إنتو كيف ؟؟؟؟)
Author: الفاتح الجنيد
Date: 05-08-2010, 10:45 PM
Parent: #39

ازيك ياجميل
الحنان الفينا للبلد يعبى بلد
بس قدر ما جرينا وراها لقيناها جارية مننا لى غادى
لكن برضو حنفضل نسوق احلامنا وراء كلماتك الدافئة

Post: #57
Title: Re: نفسي أرجع لي بلادي ( إنتو كيف ؟؟؟؟)
Author: عثمان محمد كرار
Date: 05-10-2010, 02:28 PM
Parent: #50

نفسي ارجع لي بلادي

Post: #76
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-17-2010, 05:13 AM
Parent: #50

Quote: ازيك ياجميل
الحنان الفينا للبلد يعبى بلد
بس قدر ما جرينا وراها لقيناها جارية مننا لى غادى
لكن برضو حنفضل نسوق احلامنا وراء كلماتك الدافئة

شاعرنا الجميل ود الجنيد
كيف حالك وازيك وكل الناس ما زيك
ياخي كمية من الأشواق وحاتك
عساك والأسرة بخير وعافية
والله شوقنا للبلد فات عن حدو الظاهر الكُبر حصل وكده
سعدت بتواجدك يا ملك

Post: #74
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-16-2010, 07:09 AM
Parent: #39

Quote: هاشم أحمد خلف الله ...

تحيـــــاتى ...

عايز أشوفك عالية فوق
والنجوم حولك تطوف
لا تصل ليك الأعادي
ولا يزورك مرة خوف
هادي طبعك زي أميرة
لابسة تاج العز خميلة
قائدة للركب والمسيرة
حرة صامدة وكم جليلة
عزيزة غالية ما ذليلة
فيك أفراحنا النبيلة

ما قلنا ليكـــ ..

طولنا منكـــ ومن الكلام الحلـــو دا ياخ !!

ملحوظة :

انتو المغتربين ديل مالم اليومين ديل مذكرين البلد وهاكـــ يا جرس ... مرة

نفسى فى ..ومرة نفسى أرجع ومرة شنو كدا ما عارف !! قولو الروووب !!كااااك

محمد كابيلا يا وجيه ياخي أنا زاتي مشتاق ليك يعلم الله
انا غايتو قلت الروب عديل كده وما داسيها شوف صاحبك ود الصائم ظروفو كيف ؟؟
اسعدني حضورك يا جميل

Post: #61
Title: Re: نفسي أرجع لي بلادي ( إنتو كيف ؟؟؟؟)
Author: ALGARADABI
Date: 05-11-2010, 07:20 AM
Parent: #1

عفواً

Post: #63
Title: Re: نفسي أرجع لي بلادي ( إنتو كيف ؟؟؟؟)
Author: manal eltahir
Date: 05-11-2010, 09:51 PM
Parent: #61

نفسي ارجع لي بلدي لاسباب كتيره تعرفوا اهمها شنو؟نفسي انوم في الحوش!!!!!!!!!!!!!!!!!!!!

Post: #66
Title: Re: نفسي أرجع لي بلادي ( إنتو كيف ؟؟؟؟)
Author: عبدالله ود البوش
Date: 05-13-2010, 07:03 AM
Parent: #63

Quote: انتو كيف ؟؟؟؟

والله يا أبو أحمد ..... هنا جسدا وروحنا هناك
بس ما قادرين نعبر و نسوي زي نضميك السمح دا
كاتمنو في حشانا
فالشعراء يتنفسوا احزانهم شعرا
اما نحنو ننبح بس

شكرا للروعة والابداع

Post: #68
Title: Re: نفسي أرجع لي بلادي ( إنتو كيف ؟؟؟؟)
Author: خالد المحرب
Date: 05-13-2010, 09:38 AM
Parent: #66

Quote: نفسي ارجع لي بلادي
واستعيد أيام شبابي
ابقى بين أهلي وصحابي

والله ياهاشم كلنا دايرين نمشى
ولكن عشان اولادنا تتعلم قاعدين بى جاى
مع العلم بان العمر تقدم عاوزين نلحق فيه
ضحويه فى الراكوبه وزير يهتف جنبك ونسمه حامله
اكسجين نقى والطبيعه الساحره وحاجات وحاجات
انت سالت وقت انتو كيف لقيتنى كيف

Post: #73
Title: Re: نفسي أرجع لي بلادي ( إنتو كيف ؟؟؟؟)
Author: haroon diyab
Date: 05-15-2010, 08:05 AM
Parent: #68

ابو احمد

سلامات

وعلي راي الحكاك ( احمد البلال )هههههههههههه

اكان ربنا مد في الاجيال

انا راجع بكره.....

ماتركب معانا ياعمك

يمكن نلحق لينا حاجة

في وطن القماري

قبل العودة.....التراب الفيها روحي .....ليها بشتاق انا ياقماري ( يوجد حنين )

مشتاقين

Post: #75
Title: Re: نفسي أرجع لي بلادي ( إنتو كيف ؟؟؟؟)
Author: طارق جبريل
Date: 05-16-2010, 10:09 AM
Parent: #73

من زماااااااان احوقص جنب البوست دة
عارف نفسي ان بقيت دخلت بتكسر ضُمة ضُمة

Post: #85
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 06-08-2010, 06:40 AM
Parent: #75

Quote: من زماااااااان احوقص جنب البوست دة
عارف نفسي ان بقيت دخلت بتكسر ضُمة ضُمة

ود جبرين الجميل يشهد الله بريدك
يازول ابقى داخل تب عوجة ما بتجيك

Post: #84
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 06-08-2010, 06:36 AM
Parent: #73

ابو احمد

سلامات

Quote: وعلي راي الحكاك ( احمد البلال )هههههههههههه

اكان ربنا مد في الاجيال

انا راجع بكره.....

ماتركب معانا ياعمك

يمكن نلحق لينا حاجة

في وطن القماري

قبل العودة.....التراب الفيها روحي .....ليها بشتاق انا ياقماري ( يوجد حنين )

مشتاقين

هارون يا دياب السودان كيف بالله ؟؟؟

Post: #83
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-22-2010, 07:13 AM
Parent: #68

Quote: والله ياهاشم كلنا دايرين نمشى
ولكن عشان اولادنا تتعلم قاعدين بى جاى
مع العلم بان العمر تقدم عاوزين نلحق فيه
ضحويه فى الراكوبه وزير يهتف جنبك ونسمه حامله
اكسجين نقى والطبيعه الساحره وحاجات وحاجات
انت سالت وقت انتو كيف لقيتنى كيف

خالد اخوي الغربة ما بتندار
لكن العيشة صعبة وفيها ودار
اركز يا الفحل اصلو الجرح توار
وكان للعيال والله تعليمهم حار
ادعو الكريم ترجع بكل فخار
تنعم بالاهل ورفقة الأخيار

ليك وحشه والله يا ابو أحمد
تحياتي للاسرة الكريمة بدون فرز

Post: #79
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-19-2010, 05:14 AM
Parent: #66

Quote: والله يا أبو أحمد ..... هنا جسدا وروحنا هناك
بس ما قادرين نعبر و نسوي زي نضميك السمح دا
كاتمنو في حشانا
فالشعراء يتنفسوا احزانهم شعرا
اما نحنو ننبح بس

شكرا للروعة والابداع

ود البوش الحبيب صباح الخير يا ملك
يا زول خليها على الله بس باكر ربك بفرجا
إن شاء الله .
اسعدني وجودك هنا يا رئع .

Post: #77
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-17-2010, 07:06 AM
Parent: #63

Quote: نفسي ارجع لي بلدي لاسباب كتيره تعرفوا اهمها شنو؟نفسي انوم في الحوش!!!!!!!!!!!!!!!!!!!!

مش كده بالله !!!!

ربنا يحقق الأماني يا منال أختي ونرجع كلنا لبلدنا ونحن بصحة جيدة
وظافرين وغانمين .

Post: #78
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 05-18-2010, 07:15 AM
Parent: #61

Quote: عفواً

ALGARADABI يا جميل لك الشكر والتقدير
والحمد لله بفضل ملاحظتك الجيدة البوست إتعدل
من أول وجديد , يديك الف عافية يا ملك

Post: #80
Title: Re: نفسي أرجع لي بلادي ( إنتو كيف ؟؟؟؟)
Author: Galaleldin Abdalla
Date: 05-19-2010, 05:54 AM
Parent: #78

Dear Hisham

nice word . bad result

go a head man......................... I am not going any where

I am in America.....................I do not think there is any better than here

where you feel you own your self that where you want to be as a human

there is many Sudanese here can say otherwise

my question to them why they are here

please say HI to Siddig Almooj if you see him

Salam

Post: #81
Title: Re: نفسي أرجع لي بلادي ( إنتو كيف ؟؟؟؟)
Author: امير عوض الجمري
Date: 05-19-2010, 09:53 AM
Parent: #80

Quote: نفسي اتهنى وأغني
ابقى فنان وراقي فني
نفسي ارجع لي بلادي

هشومي نفسك تبقى فنان!!!!
هو في فن ارقى واحلى من كده ياخي !!!

طبعا انا سمعت القصيدة منك مباشرة في بيت احمد عوض وشفت التعابير في الوش
وحسيت باحساسك وعرفتك قدر شنو ممكون .. الله يجمعنا كللللنا بي هناك عشان نسسستمتع بيك ومعاك

Post: #82
Title: Re: نفسي أرجع لي بلادي ( إنتو كيف ؟؟؟؟)
Author: Alsa7afa_30
Date: 05-19-2010, 02:41 PM
Parent: #81

يا سلام يا أبو أحمد ...

___________________

Post: #89
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 06-24-2010, 07:03 PM
Parent: #82

Quote: يا سلام يا أبو أحمد ...

ويا سلام عليك يا حسام الدين يا جميل
مشكور على الأغنية الجميلة

بالمناسبة .......... مشتاقين كتير والله
وينك ووين أيامك والزمن الجميل

Post: #88
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 06-24-2010, 06:38 PM
Parent: #81

Quote: هشومي نفسك تبقى فنان!!!!
هو في فن ارقى واحلى من كده ياخي !!!

طبعا انا سمعت القصيدة منك مباشرة في بيت احمد عوض وشفت التعابير في الوش
وحسيت باحساسك وعرفتك قدر شنو ممكون .. الله يجمعنا كللللنا بي هناك عشان نسسستمتع بيك ومعاك

ابو عثمان يا فنان سعدت بتواجدك إسفيرياً هههههههههههه
كتر خيرك والله انت رافع لي معنوياتي حد السماء السابع
ومعذرة مرة اخرى على التاخر في الرد عليك يا ملك

Post: #86
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 06-08-2010, 06:45 AM
Parent: #80

Quote: Dear Hisham

nice word . bad result

go a head man......................... I am not going any where

I am in America.....................I do not think there is any better than here

where you feel you own your self that where you want to be as a human

there is many Sudanese here can say otherwise

my question to them why they are here

please say HI to Siddig Almooj if you see him

Salam

استاذي جلال الدين الجميل
الله يسعدك في امريكا والقلب وما يريد يا حبيب
والسودان مهما كان ياهو بلدنا وين حانهرب منو وين ؟؟
نسأل الله أن يرحم البلاد والعباد
عمك صديق الموج تمام ومروق

Post: #87
Title: Re: نفسي أرجع لي بلادي ( إنتو كيف ؟؟؟؟)
Author: بابكر عثمان مكي
Date: 06-08-2010, 08:45 AM
Parent: #86

الاخ الكريم هاشم ..

كلمات معبرة وجميلة ..

لكن كل من ذهب في الآونة الاخيرة الي السودان
عاد منه وهو نادم علي هذا الشوق الكاريبي المضلل
فالسودان اضحي بلد لايوجد فيه ما يجعلك تحن اليه مجددا
جاء صديق مؤخرا فسألته السؤال التقليدي كيف السودان بالله
فقال لي لقد سئمت صوت الجردل في الحمام عند كل صباح.

السودان بلد طارد بسبب سوء الادارة علي كل الاصعدة

Post: #90
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 06-24-2010, 07:24 PM
Parent: #87

Quote: الاخ الكريم هاشم ..

كلمات معبرة وجميلة ..

لكن كل من ذهب في الآونة الاخيرة الي السودان
عاد منه وهو نادم علي هذا الشوق الكاريبي المضلل
فالسودان اضحي بلد لايوجد فيه ما يجعلك تحن اليه مجددا
جاء صديق مؤخرا فسألته السؤال التقليدي كيف السودان بالله
فقال لي لقد سئمت صوت الجردل في الحمام عند كل صباح.

السودان بلد طارد بسبب سوء الادارة علي كل الاصعدة

اخي الغالي بابكر عثمان مكي اسعدني مرورك الكريم
قد يكون السودان طارد كما تفضلت بسبب سوء الإدارة
ولكن ما هنت يا سوداننا يوماً علينا ........
علينا أن نحب وطننا الذي تربينا فيه ولا نربطه بزمرته الحاكمة
السودان هو وطن للجميع ومن حقنا أن نفخر به ونباهي
ونسأل الله ان يفك قيده حتى ينعم بالحرية والكرامة ودمتم في رعاية الله اخي .

Post: #91
Title: Re: نفسي أرجع لي بلادي ( إنتو كيف ؟؟؟؟)
Author: معتصم جعفر
Date: 06-24-2010, 11:24 PM
Parent: #90

شن بتقولوا فى زولن متحكر فوق ترابو
وبرضو شاعر بالغربه واللا امان
والاحباط ############؟؟؟؟؟؟؟؟؟؟؟؟؟؟؟؟؟؟؟؟؟؟
وحالف ما يفوتوا

Post: #92
Title: Re: نفسي أرجع لي بلادي ( إنتو كيف ؟؟؟؟)
Author: هاشم أحمد خلف الله
Date: 06-25-2010, 09:14 AM
Parent: #91

Quote: شن بتقولوا فى زولن متحكر فوق ترابو
وبرضو شاعر بالغربه واللا امان
والاحباط ############؟؟؟؟؟؟؟؟؟؟؟؟؟؟؟؟؟؟؟؟؟؟
وحالف ما يفوتوا

وشن بتقول في زول ظروفو تعاكسو وبرضو بيحلم بالسودان

مشكور اخي معتصم جعفر وجمعتك مباركة إن شاء الله

Post: #93
Title: Re: نفسي أرجع لي بلادي ( إنتو كيف ؟؟؟؟)
Author: خالد درق
Date: 06-25-2010, 05:48 PM
Parent: #92

الاخ / هاشم ... تحياتى

Quote: نفسي ارجع لي بلادي

نفس الشعور وربنا يرحعنا الى البلد والاهل والاصحاب سالمين يارب

مودتى لك ...