والـتـقـيـنـا بـالـشـاب الـرائـع دقــنــة.. "صــور"*..

يوم امس الجمعة كان يوما مميزا.. لأنه بجانب كونه يوم لقاء العزيز زميل المنبر على أدروب "دقنة".. فقد كانت مناسبة للقاء بورداب القاهرة الذين قلما يلتقون..

المكان: منتزه الميريلاند بمصر الجديدة..

الزمان: الساعة السادسة مساء بتوقيت القاهرة الجديد..

الحضور: على أدروب وضيوفه.. رؤى السقيد وأسامة الخاتم وفارسهم خالد.. حسام السقيد.. أمين محمود (هدهد).. مظفر ابراهيم (كبروس) وشخصي.

كنا نتوقع: الواثق تاج السر، جمال ادريس وعلاء سنهوري وقد اعتذر جمال ولم اتوفق في الاتصال بالواثق "موبايلو كان مغلق" وعلاء بيجهًز لإستقبال عروسته..

وكان المتوقع حضور بلومة الهدهد معه.

اولا كانت مفاجأة لنا ان "دقنة" شاب صغير عكس كتاباته التي تقول بأنه سياسي قدييم.. خبرة 25 سنة .. وعند مدخل الميرلاند وقفت وكبروس نتخيل شكله.. وبالرغم من ان مظفر ذكر لي انه بعرف ان دقنه في مثل سنه.. إلا انني ظللت اتمسك بأن كتاباته لا تدل على ذلك.. وأثناء الانتظار حدثت مفارقات حلوة ..

ووصل علي وصحبه.. ثم أسامة الخاتم وأسرته ثم الهدهد.. وجلسنا... تحدثنا عن السفر والزواج وأنور كنج ..




حقا لقد سعدت بالتعرف على "دقنة" و"كبروس" لأنهما مثال للشخص المحترم والحبًوب والواعي..

تخريمة: الـ * الفي العنوان بتاعت الصور.. عشان نشوف الفضول قدر شنو..

لوووووووووووول..
لي عودة..

العزيزة رجــاء

حقاً, انتظار الصور يسبب الفضول والتشويق أيضاً


أحمد

العزيز احمد الشايقي..

لوووول..

طلعتا انت اكتر زول فضولي اتاريك..

الصور دي "شرك"..

أصبري

نصر الغالي..




شفتا "شركنا" شغال كيف..؟

البوست دا جينا مارين فيهو 8 مرات ( انا وصاحبي )
وما دخلنا الا عشان نتفرج

اها زعلة ساكت حرف ما بقراهو ..
اقصد ما بنقراهو..



بالمناسبة:

انور كنج ده سيرتو جات في العرس ولا السفر

لوووووووول يا أبو آمنة ..

تحياتي لـ (صاحبك) .. وقول ليهو (يمكن) نخت صور ..

عشان تزورونا تاني ..


أما عن أنور كنج فسيرتو جات من الأول.. دقنة من استراليا.. واتكلمنا عن الشرق.. وطبعا الملك في كوريا.. والاتنين ما زالو طلبة لما عدًدنا الزملاء في المنبر اللسة قاعدين يدرسو (أندر قراديويت).. وتاني كبروس صاحب الكنج.. لما انور جا ماري بالقاهرة من فترة كان معاهو..

أها قمنا جينا لسيرة العرس.. وقلنا لدقنة أكيد حيرجع من اجازتو طابق معاهو العروسة.. خاصة اننا عرفنا ان الحاجة أم دقنة عايزاهو ما يطوًل غيابو ولا ينسى البلد.. شفتا كيف..

تاااني جبنا سيرة أنور في فكرة انشاء موقع خاص بالشباب.. طبعا ولا كضبتا طوالي أيدتا الفكرة باعتباري واحدة منهم ..


تحياتي وليك وحشة..

رجوية..

بالغتي وشذيتي.. وانا محضره قلمي قلت أكتب واعلق.. دقنه زول ما هين.. انتهبت لأكثر من مره لآراءاه وكتاباته...



بورداب القاهرة الخير والبركة.. كلكم.. بس قلنا نعاتب رجوية


بنت الحسين

الحبيبة مريوما الريًسة المقبلة..

كيييف.. لسة خلي الورق والقلم معاك.. You never know ..


وبالمناسبة.. سيرتك برضو جات ..

ما تسألني غير في موضوع الموقع بتاع الشباب جات وين ..

ودي..

رجوية


نحن منتظرين الصور

والاخ دقنه في الامارات كان زمنه قصير

سمعنا صوته وهو في دبي

وما شفناهو

يا ريت تنزلي الصور عشان نشوفه

الصديق عبد الله..

دقنة شاب مهذب وراقي.. وقد حرص على الاتصال بكل الزملاء هنا..

الصور قريبا..

قول خير..

العزيزة رجاء
مساء الخير
يعني لازم تغيظيني كده !!!!!!!!!!
طبعا امبارح زعلت لاني ما قدرت اجي اللقاء ده
لكن الليلة وبعد قراءة البوست ده اتمنيت لو كنت
بعت ناس المسرح التجريبي امس

ويازولة الجايات اكتر
ولازم نلاقي بورداب القاهرة كلهم عبرك

ولك تحياتي

جمال

(وفارسهم خالد )

والله يا رجا كويس منك تجي لحدي الميرلاند وما تضربي وتكلميني يعني من الميرلاند لو كوركتي ساي بنزل ليك ؟

دي كدة اللومة الكم لي معاك يا بت العباسي
اسي لو كان في حوار كان ضربتي

العزيز خالد..

عارفة روحنا اتلومنا.. لكني لم اتصل بك لمعرفتي ان اليوم الجمعة وانك في اجازة وافترضت ان الدكتور مساقر...

واكيد المرة الجاية حنكون كلنا موجودين..




لكن بجد فاتتك..


لوووووووووووول

العزيز جمال..

يا سيدي بيقولو الجايات أكتر.. وبالفعل دقنة جاي راجع بي هنا بعد العيد.. وأكيد حنتلما تاني..

لكن..



الجلسة فنانة.. فاتتك ..

Salam Raja

Shamar shadeed lakin still mafi pictures

عليكم الله ما قمتوا من الميرلاند اتمشيتوا اخدتوها تمشيه فى امسيه قاهريه جميله لغايه روكسي

واكيد كباروس مشى الاتجاه العكسي لى مصر الجديده
وانت للهرم مرورا بوسط البلد وكبري سته اكتوبر



جاتنا نيله فحظنا الهباب

رجــــاء

أخخخخخخخخخخخخخخخخخخخخ ..
ذكرتيني أيام حلوة هناك ..
سلام لكل الحاضرين ..






وزي ما قالت راوية ..
جاتنا نيلة في حظنا الهباب ..

العزيزة رجاء

اهنئكم بحلاوة اللقاء وحضوركم السمح في مدينة المعز وانتي الان تجلسين عند مصب نهر النيل اي عند الدلتا يبدو انها منطقةكثافة سمكية عالية تحملين الشبكة وترمين بها علي البحر (بسم اللة علي المنبر )وهنالك احتمالات عدة
إحتمال ان تكون الشبكة خالية
إحتمال ان تكون فيها بعض سمكات -محظوظة
إحتمال ان تكون فيهاجرة يخرج منهادخان كثيف يتصاعد الي أعلي يتشكل ..يتشكل .يتشكل منة ساحر ويقول لك (شبيك لبيك ....اطلبي ونحن ننفذ)..فاي شئ تطلبين؟

(سئل ليوناردو دافنشي (لماذا تبدو لوحاتك باهتة وغير واضحة)
فاجاب (الاسطورة هي التي تبقي )
وما اجمل ان نرسم صورة في الخيال عن عالم جميل تشكلة كما تشاء ويبعث فيك جمال الحياة.

نلتقي في رحلة صيد قادمة لكن في مقرن النيلين

مجــــــــــــــــدي شبـــــــــــــندر

الفنان الراقي مجدي..

ســلام وود..

جلستنا وان كانت رائعة.. إلا ان وصفك وكلماتك أروع..


وأقول لك مثلما صوًر دافينشي: الأسطورة هي التي تبقى..


دمت..

معتصم العزيز..

ازيك..

هسع انتا جابتك ذكرى الميرلاند ولا الصور ..


اعترف ..




تحياتي وتحيات القاهرة وأهلها..

راوية العزيزة..

ياااا حليلك.. ويا حليل روكسي الميس بتاعك ..

زي الكنتي معانا.. كبروس مشى الاتجاه العكسي.. وناس أسامة مشو الحي العاشر.. وذهبت مع علي وقرايبو لوسط البلد.. هم نزلو وانا واصلتا..


يا راوية المنقة خطيرة .. والتلج مقروش فيها.. انا طبعا لغاية الليلة لوزي تاعباني..

دي ما حندكة ..

العزيز عجب.. كده صاح..!!

لوووووول

شماراتك عالية..

عموما انتظر.. يمكن ...

Quote: ما تسألني غير في موضوع الموقع بتاع الشباب جات وين

كان بتبقوني رئيسة... جيبوا سيرتي زي ما عايزين.. ولا عايزه أعرف قلتوا شنو كلو كلو..





















after a second thought

اسمعي... قلتوا شنو؟

بنت الحسين

لوووووووووووووول يا مريوما ..

غايتو جا في سيرة العرس ..

من منو..؟

ما تسألي..

لوووووووووول

انا عاملة الصور شرك.. ما تعملي لينا شركات تانيات.. أصلو المواضيع كانت ممتعة بجد ..

الفيكم اتعرفت,,,حالتى سالت اول امبارح,,ولا نحن عشان كلامنا مامفهوم؟

يا ود الديم..

أموووووت وأعرف انتا وين ..

كان في القاهرة.. البوست بتاع دقنة الأولاني داك فيهو كل التلفونات..

اتصل..

وبعدين شاكل ..


غايتو لو في القاهرة.. الجلسة فاتتك عدييييييل ..

رجاء سلامات والله بالغتي

انتي قايلةنحن من زمان قاعدين نعمل في شنو ما بس بنقرأ وبنتفرج في الصور

تجي تقولي الصور دي شرك الله يسامحك


تحياتي

سوركتي الغالي..

ازيك انتا وأخبارك وبناتك وسارة شنو..؟

وينك مختفي..؟

قلت لي جابتك الصور..؟

يا عبد الرحمن انحنا من غير صور شايلين حالنا وعامليننا برنامج.. نقوم نجيب الصور كمان.. دي حتبقى سينما...

غايتو قول يا كريم.. احتمااااااال نجيب صور ..

رجاء إزيّك

انا غايتو أطالب الإدارة بتوقيع أقصى العقوبات عليك ..




بس



ــــــــــــــــــــــــــــــــــــــــــــ
luaishammat@hotmail.com

لؤي يا عزيز..

تصدق الصور في..


لكن ما بعرف انزلها كيف ..










لوووووووووووووووووول

بألأذن يا رجاء
_______________

لؤى الراقى
(بس) دى بتاعتى وحقوق الطبع محفوظه للؤى.

العزيز تاج السر..

ســـلام..

انت كده ارتكبتا مخالفتين في البوست ده (لأنو بوست صور وكده ).. يستوجبو دفع مبلغ عشرون دولارا امريكيا للواحدة..

المخالفة الأولى: انك كتبتا مداخلتك في النُص.. الأمر الذي لم ألحظه ولم أعرف انك زرت البوست في الأصل .

المخالفة التانية: التخريمة مع لؤي ..


لكن.. وبما ان الـ (New Look) بتاعك خطير.. فسماح المرة دي..






أها ان شا الله تكون استمتعت بالصور الجميلة لبورداب القاهرة ..

العزيز تاج السر

عُذراً للتعدّى على حقوق الملكيّة الخاصّة بكم ، بهذا نعتذر ونطالب بالمزيد من التخريمات فى هذا البوست حين أن صاحبته قد قامت بعمل تخفيضات وأوكازيون هائل بمناسبة رمضان .. التخريم مجّانى ..
بس

ــــــــــــــــــــــــــــــــــــــ
luaishammat@hotmail.com

حااااضر يا لؤي وتاج السر..








رمضان كريم..

لم اكن سعيد الحظ فى ذلك اليوم



لكن يا رجاء الجايات اكتر من الرايحات

وخالص الود لكى وللعزيز دقنة

صديقي الراسي الواثق..

حقيقة حزنت لعدم تمكني من العثور عليك.. وأنت من نبهني للمناسبة..

لقيت روحي بعرف كل بورداب القاهرة.. لكنهم ما بيعرفو بعضهم.. وكانت مناسبة للتعارف..



أقول ليك اقتراح:

رأيكم شنو في فطور رمضاني للبورداب..؟

Quote: رجوية نحن منتظرين الصور

عبد الله يا صديقي..

الصور تقييييلة ما قدرتا أشيلها عشان انزلها..

الصبر ..

الصبر ..

غايتو كان احترنا.. حنقول لكوستاوي انحنا كنا لابسين شنو، وقاعدين كيف.. يمكن يرسمنا ..

اؤيد بى شدة يا رجاء

انا شماري (ابدا ابدا ابدا ) ما حار...

ولا بسأل كتير


لكن بلم فيك يوم في المسنجر







بنت الحسين

غايتو يا مريوما.. إنتي أكتر زول شفتو ما بيريد الشمار كلو كلو..

أظنك لما تظبطي الفول بزيت السمسم ما بتتذكريهو حتي ..





واثق..

إذن.. هو موعد..

رجاء العباسي


مطلوبة لممارستها التشويق المتعمد


الصورة على البروفايل


رجاء ممن يستدل عليها الاتصال بالمنبر الحر


(مصدر مسؤول)

العزيز أحمد..

ســـلام..

و... الــلللللللــــه انا لما بديت البوست ده.. متخيلة الشباب بتاعين القاهرة يقوموا يشيلوهو بي صورو ..

شكلي كده اتمقلبتا ..

غايتو دقنة معذور في بورتسودان في أحضان بيتهم العامر..

اها الباقين وينهم..؟

يعنى يا رجوية تنفعي كاتبة سناريوهات افلام التشويق...
وانا قلت اعمل تقيل لحد ما أشوف تفّة كبروس فى الصوّر وبعد كدا أنط جوز....
وانت لسع عامله تقيلة... لو ما عارفة تنزلي الصور... (الإيميل فى البروفايل)
لووووووووووووول...

منتظرين غايتو...والشمار كتل بت الحسين...

دقنة دبا...

أنور

العزيزة رجــــــــــــــــــــــاء

يبدو إنك زايغة من طلب الساحر والجرة
(شبيك لبيك انا الساحر بين يديك )حتطلبي شنو؟

اتمني ان يكون هذا الطلب خالي من الشمار

وزي ما قالو (اكان الشمار كتير انا تاني مابجي )

اصلو الشمار بيعمل لي حساسية

لك كل الود
مجـــــــــــــدي شبــــــــــــــــندر

العزيز مجدي..

ســلام..

طلبي بسيط للغاية.. وما عندو اي علاقة بالشمار..

أي شعر لجبران خليل جبران.. أو إدريس جماع..


تحياتي..

أنًو الملك..

الشمار كاتل بت الحسين براها ..؟؟؟!!!!!

شعر "كبروس" خطيييير في الصور.. وانت تقول "تفة".. أصبر ..


خلاص حنشوف حكاية البروفايل دي.. عشان الصور..



تخريمة: قول لي: يوم الجمعة دي قدرتا تاكل وتنوم عادي.. ما جاتك كوابيس من كلامنا ..؟

كوابيس الشوية دى...
ياخي حلمت بالسودان خالي من الملاريا...وديموقراطي كمان....

وشفت لي عروس عندها كل حاجة....تفتش فى أساسي....

وكمان شنو... كبروس فى كوريا...

والسرق(ت) الإيميلات قبضوه...وقاعد فى سجن أبو غريب يتعذب عذاب ما سمح....

وجمعية سودادف..تستضيف الأولمبياد الدولي للمعلوماتية...فى الخرطوم وبورتسودان والسنة البعدها قالوا فى عاصمة مجاورة (جوبا سابقاً)...
غايتو الكلام ما بعيد يا رجوية...

جنس كوابيس هى...

صحيت يا رجوية...لقيت مافى جامع فى المدينة الانا فيها عشان أستحمى وأمشي صلاة الجمعة

عليك الله جيبي الصور...


أنور

أنًو..



لووووووووووووووووووووول..


كل ده حصل ليك بس عشان نحنا قعدنا أربعة ساعات نجيب في سيرتك ..؟؟!!

غايتو جنس شرك .... سمعتي بقصة الولد والنمر .... غايتو اعملي حسابك شديد مع خالص مودتي

العزيز وليم اندريا..

ســـلامات كتــيرات..

Quote: عدد الزوار: 1205

تقول لي الشرك ما نفع ..

غايتو المرات الجاية ربك يسهل.. ما حيصدقوني.. لكن حتكون الصور فاتتهم ..





The code pass: pictures

Quote: The code pass: pictures

اهههههههههههههههها....
دا نوع الشمار البيحرق جد جد....

لوووووووووووووووولز....


أنور

الشمار الصاح الأيام دي في واشنطون و بورداب واشنطون مع أشراقه ......لغاية الأن عندنا more than خمسين صوره...و واحدة أخرى لاشراقه وكنت على عجل..
بورداب واشنطون طبعا راقين يا شطار و شمارم راقى و فيه شوكولاته و صورهم منقطه عسل....عشان كده قررنا الاحتفاظ بها وعدم نشرها هنا...قالت دقنه قالت

لووووووووووول يا نصر ..

Quote: - لغاية الأن عندنا more than خمسين صوره - بورداب واشنطون طبعا راقين يا شطار و شمارم راقى و فيه شوكولاته - صورهم منقطه عسل

كل ده في انتظار صورنا..؟

بيحكو انه في وحدة مسكيينة وما عندها شئ.. تحب تقعد مع جيرانها وتقول ليهم: انا لا بريد المحشي ولا الجداد ولا صواني الفرن ولا الضلعة ولا السمك.. شفتو الطبعة دي!! ولا بريد الجيلي ولا الكستر ولا التفاح ولا العنب.. شفتو الطبعة دي..



أها بس ذكرتني بيها..


قلت لي واحدة أخرى لاشراقه وكنت على عجل ..

دي أحلى حاجة في زعلتك دي..

Quote: منتظرين غايتو...والشمار كتل بت الحسين

عان ده كمان.. انا لا كتلني ولا بموت كده زاتي :P.. إنت المحوماك بي جاي شنو؟ قال بت الحسين قال... شوف مكنه غيرها..

Quote: الشمار كاتل بت الحسين براها ..؟؟؟!!!!!

عفيت منك يا رجوية... اخدتي لي حقي...


عاد يا أنور.. عملتها زي "لا انا لا الكاشف أخوي"...


بنت الحسين

مريوما..

أنا عاااارفة من لحظة ما كتبت البوست ده منو الحيسكن لي فيهو زي البوست (اللي بالي بالك )..







عرفتيهو..؟

خلاص يارجاء بمناسبة المخالفتين ح أقيف مباراة واحده ، لكنى برضو ح البس الفنله وأقعد أتفرج على لأعبى القاهرة من مقاعد الأحتياطى.

إعــــلان هـــام


لقاء مصــور لبورداب الرياض على هامش الندوة الكبرى



يفتتح بوست مخصص لتنزيل الصــور في البورد ابتداء من يوم السبت القادم


تنزيل الصور (بالكيلوبايت) على طريقة الجماعة (بتوع) القاهــرة



للعلم لزم التنويه



(مصــدر مصــور)

صديقتنا وأختنا الغاليه رجويا
من الخرطوم سلام.. لقد إستمعت بالبوست الحالي لتوفر عنصر التشويق فيه.. رغم أن المحصله كانت مقلب ظريف بالطبع
لماذا قاطعتي الخرطوم .. الناس والجريده .. وصحافة أهل السودان ..وقد كنا ننتظر حضورك خلال الصيف الماضي
صديقنا فيصل حاليا رئيس تحرير الأضواء .. وقد زادها بهاءً فوق بهائها .. وكمال مشي الراي العام مع صاحبه الأستاذ إدريس حسن
أما شخصنا الضعيف .. فقد كنت مدير عام لجريدة النخبه الرياضيه الفنيه .. لكنني زوغت منها بعد سته شهور عمل ورجعت لمهنتي الأساس كمدير مالي وإداري لكبري شركات بناء الأبراج لشقق التمليك بالأقساط
تحياتي لك ولأخواتك البره والجوه .. وللأخ السر قدور إن كنت تقابلينه
وسأزور القاهره قريبا في مهمه
نأمل أن نلتقي.. مع خالص تحياتي
صلاح

المدهشة رجـــــــــــــاء

لا اريد ان يصبغ هذا البوست بحكاية محمود الكذاب (هجم النمر -هجم النمر ).واجدني مبررا لهذا البوست بوجود عنصر التشويق والدهشة.ذي مايقولو (احاول القي لية عزر).او( اغالط نفسي في اصرار واقول امكن انا الماجيت) .وإحتمال بعض الاصدقاء اصبحوا يغالطون انفسهم بانهم شاهدو الصورة وذلك عبر بصيرتهم وليست بصرهم. ولكني اجده من قبيلة (امتع نفسي بالدهشة).

حتما جمال ماينضح بة الانسان من مواقف ومساهمات في هذاالبورد تفرض علي الجميع عنصر الترقب والانتظار ولذلك تجدين ان هنالك من ينتظر ما تجود به اقلامكم الرائعة ولذلك نأتيك من كل فج عميق .
رغم تكبدي المشاق والمشي راجلا عبر مساحات الشوق واللهفة ألا ان متعة دهشتي تفوق مشقة تكبدي لكل المتاعب.
(هذا البورد رحم لميلاد علاقات حميمة وجادة الشئ الذي يجعل كل مناممتلاءا بالرجاء والامل بلقاء الاخر وما تم في قاهرة المعز وفي اماكن اخري هو محصلة ذلك التواصل ).
كتب احد اصدقائ رسالة وجدت فيها هذا النص (يقال ان نفاط الماء تثقب الصخر ,ليست لقوتها انما بالتواصل.
شكرا اسرة هذا المنبر
شكرا كل اعضاء هذا المنبر
شكرا للتكنولوجياالعنكبوتية
الـــــي حين دهشــــــــــة اخري . بسم اللة غشـــــــة أخري

لــكم شــــــــــــــــكري الذي لاينقطع

مجـــــــــدي شبنـــــــــــدر

أخي وصديقي العزيز صلاح الباشا..

تحية ود وتقدير..

ما تتخيل مدى فرحتي وانا أجدك اليوم في هذا البوست..

انت الوين.. سألت عنك وعرفت انك تركت الدوحة.. وتابعت كم مرة نشاطات لك من الخرطوم البلد..

تصدق الموضوع ما مقلب.. انا قلت الناس بالفعل ما بيشدها غير كلمة" صور" أو "إمرأة" أو "فضيحة".. الخ من الأشياء التي يسعون اليها.. قلت الرائع دقنة يستحق احتفالية خاصة.. وقد كان..

تحياتي لكل من بطرفك.. اراسل حاليا "الأضواء" من القاهرة..

وسلامي للأسرة..

في انتظار مقدمكم الميمون.. عناويني وتلفوناتي بطرف العزيز فيصل..

الاستاذ ابو الباشا
عندي ليك شمار خاص
تدفع كم الأول ؟؟

رجاء
لقاء من غير صور ما بينفع
ارجعوا اتصوروا تاني
قال قال مافي كاميرات , على منو؟

الحبيبة زولا واحد اتنين تلاتة..

ســـلام..

تصدقي ما شفتا مشاركتك .. يا جماعة ما قلنا التخريمات الفوق دي مكلفة.. يعني لو كنتي خرًمتي في الآخر كان ننظر في الموضوع ..

اها قلتي لي لقاء بلا صور ما بينفع..

أرجعي اقري الرد على سوركتي ..


حبي..

سلام للجميع
كانت امسية رائعة و راقية جدا
دقنة الصغير ادهشنا و اكتشفنا كم هو ادروب ظريف
امين هدهد حضر متاخرا لانو الميرلاند كبيرة . و اخيرا عثؤر علينا بكافتبرة منهاتن
اصر الجرسونات على انه نطلب اقل شى 160 جنيه
طبعا اتحدعنا فى العصاير و الآيس كريم و كان لخلودى نصيب الاسد من الاهتمام و الآيس
تحدثنا فى كل شى من عادل عبد العاطى و حتى سجيمان
الحرص على البورد كان دافع كل البورداب
اها فى شمار تانى...
المصورين كلوا و ملوا فى محاول تصويرنا.. و كنا نصرفهم انه لسه فى ناس جاية
و الناس الجاية ما جات و اختفت الكامرات. لذا لا يوجد صور للاسف
سنعيد اللقاء فى رمضان قريب ةو فى العيد كمان
مصر منورة برجاء العباسى و كبروز
لكم الياسمين

سلام لكل البورداب
والله كان يوم جميل جدا جدا ودقنة احتمال كبير يضرب من العرس بحجة القراية طبعا دقنة انا كنت قايلاهو راجل عجوز لما جيت وشوفتو لما اتخلعت طلع لى ولد صغيرونى وزول جميل جدا طبعوا هادىء والاهدى منو مظفر دى الميزة الوحيدة البقت فى البورد انو الناس تعرف بعض وتلاقى بعض بى روح طيبة وسودانية جد
وبى المناسبة المنتظر الصور راحت عليهو الا يجى دقنة تانى
ولكم تحيات خلودى وحسام (حسام السقيد اخو رؤى السقيد)

الأعزاء رؤى وأسامة..

ســــلام..

بركة الما جيتو من أول البوست وقلتو مافي صور ..

كان الشرك باظ ..


تحياتي لخلودي..

الاخت العزيزة الغالية / رجاء
الاخوة الاعزاء / رواد المنبر الحر
المحترمين
كنت دائما اجئ الى البورد متلصصا متابعا من بعيد ما يجرى امنى نفسى بمواضيع جادة اناقشها مع الاخوة الافاضل وطال انتظارى واليوم وجدت نفسى مرغما على الرد عليك اولا لانك تعرفت على اخ عزيز جدا على الا وهو على آداب قضيت معه ايام جميلةفى ربوع تاسمانيا وخاصة مدينة ( هوبارت ) ظروف كثيرة اجبرتنى على ترك تلك المدينة الهادئة ذات الطقس الرائع الى مدينة سيدنى سافر على دون ان اقوم بتوديعه لاننى فقدت موبايلى باحد القطارات وفيه كل الارقام المهمة منها رقم الاستاذ على على من الشباب المتحمسين جدا لقضية البجا حتى صرت اخاف عليه من هذا الحماس يخجلك كل الاوقات من تواضعه وبساطته الان هو بمدينة بورتسودان مع كل الاحباء الذين افتقدناهم كثيرا وربنا لو امد فى عمرى السنة القادمة ساعود لزيارة بلدى واحباى ابتداء من القاهرة وحتى مدينتى الفاضلة ( طوكر )
رمضان كريم يا شباب وكل سنة وانتو طيبين وشكرا كتير ليك يا رجاء
اخيكم دوما / بكرى ( سوركناب )

العزيز بكري "بجاوي"..

ســـلام ومودة..

شكرا ليك وانت تكسر عزلتك بالمشاركة في تحية الرائع "علي"..

وحقيقة دقنة شخص مميز وإلا ما أتفق عليه الكل.. ولاحظ أدبه وخلقه..

له التحية وهو يعطينا رسالة ان السودان ما زال بخير ما دام ينتمي له أمثاله..

لك المودة وكل عام وانت بخير..

وفي انتظار مقدمك للقاهرة..

رجاء الغالية
انا عايزة رد لي براي
شفتي كيف؟

وبعدين كتبت فيوق عشان الاستاذ صلاح الباشا\
عندي ليه شمار وشكله مستغني عنه
ولا ما رجع قرا البوست

زولا واحد اتنين تلاتة العسل..

أستاذ صلاح ما رجع تاني..

يا ترى الشمار لسة موجود ولا صلاحيته انتهت ..؟





دقنة اختفى وين ..؟