إلــــى الحنيـنـــــــة حنـــــيــــــن .......

أختنا الصغيرة الكبيرة حنين للبلد ....
لا شك باننا جميعاً نحترمك كثيراً ... ونعزك أكثر ....
قد يختلف البعض معك في بعض الأراء ولكن يظل الود موجود ....
يخطئ أحدنا في حق أخيه أو أخته ... ولكن تظل قلوبنا عامرة بالمحبة تجاه بعضنا البعض ...
أخونا كمال الزين أخطا في حقك ... ولكنه لم يكابر ....
قدم أعتذاره لانه يعلم بأنه أخطأ ... فشيمة النبلاء الاعتذار وشيمة الأكرمين الصفح ....
عهدناك إنسانه بكل معنى الكلمة .. أخت عزيزة وزميلة فاضلة صاحبة قلب واسع ووعي كبير ..
نعلم جيداً ما أصابك من خطأ أخونا كمال .. ولكننا نعمل علم اليقين بأنك حليمة ومسامحة وتعفين عند المقدرة .
أختى حنين لكي نشعر بإحساس السعادة وفي جو أسري أتمنى فضلاً لا أمراً بان تتقبلي أعتذار أخونا كمال .. ليعود الصفاء والمحبة للبورد من جديد ... فهل تفضلتي عزيزتي ؟

Quote: ثم إني أعتذر .. للعزيزة (حنين) .. وأبثها حبي ومعزتي ..

Quote: أنا قاعد يا(العوض) أخوي بس (حنين) غياب .. خش لينا واسطة بالله ينوبك (ثواب)

Quote: أنا طالب السماح عديل .. والإعتذار مسألة حارة لكن .. وحاة (خضر حسين) بحبك ومابرضى زعلك .. والحليفة بخضر المكعوج ده ماجايزة لكن .. هو الصديق المشترك اللقيتو قدامي .. فأرجو أن تغفري لي زلتي .. أخوك (الكبير) وغلط وطالب السماح وجرستيني والله ..

Quote: بل قلادة في شرف (الأخوة) فما وضعتها يوم في خانة(الخصم) بل هي (أخت) عزيزة .. وأنا (أحمق) و(مسيديد) و(راسي ناشف) وهذا ليس عذراً .. بل إعتذار

Quote: قبول الإعتذار .. ركزوا لينا عليهو بالله .. وكان فيها رجاء .. بترجاها تقبل إعتذاري..

Quote: لكن (حنو) غالية ... ومابتهون ..

Quote: صدقت يا (أب تفة) حنين , حنينة وقلبا كبير لكن الشيطان كان شاطر .. خشا لينا واسطة بالله ..

أها ياحنونـــه كل ده بحكي على صدق ندم وحسرة أخونا كيمو ... رجاء .. ثم رجاء .. تقبل أعتذاره لان قلب كبير ياحنين ..... ولك كل التقدير والاحترام ... وفي إنتظار عودتك ســيدتي ....

حتي يعود الصفاء الي المنبر....كنت اود اهداء اغنية لكن افضل بعد قبول الاعتزار...

أزهري طـــه ....
يسعدني مرورك ومساندتك لشخصي في دعوة أختنا الصغيرة حنين للصفح عن أخوها كمال علي الزين ...
وجزيل الشكر لك عزيزي على الاهداء .... ونتمنى بان يحظى بقبول من الاخت حنين .....


شكراً أزهري ومانجيك في شينة ............

اقدر لك جهدك وسعيك لاصلاح ذات البين ,,

وحنين وكمال يستحقان الكثير ,,,

ولكن عذرا .,, كنت اري ان بوست كمال كاف لعودة حنين ,,,

تقبل ودي الذي تعرف ,,,

Quote: أها ياحنونـــه كل ده بحكي على صدق ندم وحسرة أخونا كيمو ... رجاء .. ثم رجاء .. تقبل أعتذاره لان قلب كبير ياحنين ..... ولك كل التقدير والاحترام ... وفي إنتظار عودتك ســيدتي ....

سلامات يا عمدة !!!

هو كمال دا هبّب شنو ؟؟؟؟؟؟ياخ لكن لقيتك صعب,, شتته الكوره شتات عجيب!!!دقست فيها شوية دى يا صاحب,,,
خلى الناس تركز فى محل واحد وتتفرج وتستمتع بالترسيخ لثقافة الإعتذار ومحاولات إصلاح ما يمكن إصلاحه,,,

Quote: ولكن عذرا .,, كنت اري ان بوست كمال كاف لعودة حنين ,,,

أنا مع الحبيب المسلمى دا قلبا وقالبا ومثلنا كثر,,


ودّى الذى تعرف أنا زاتى,,,

عمدة البكّاي..
كل سنة وانت طيب بمناسبة عيد الأم

Quote: عمدة البكّاي..

أب سن بيضحك على أب سنين ......

Quote: كل سنة وانت طيب بمناسبة عيد الأم

والتهنئة الرقيقة مهداة للاخت حنين .....
ود البشرى وبما أنك أحد المقربين للاخت حنين أرجو شاكراً التكرم بمناشدتها بقبول اعتذار اخونا كمال مع دعوتها للعودة للتسطير من جديد فحقاً نحن نفتقدها كثيراً .... . فهل تكرمت ؟

Quote: عمدة البكّاي ..

أب سنينة بيتهكم على أب سنينتين!

Quote: أب سنينة بيتهكم على أب سنينتين!

ياسلااااااااام عليك يا ود ملاسي ياخي .. ياخي انت زول عسل عديييييل كده ... ياخي وأنا بقول يارب أنا بريد الزول ده ليه ؟ يسلم فمك وقلمك الرصين يا أمير ...
ياود البشرى بالله بعد ما تقرأ كلام حسين ده وتفهمه كويس تقوم تتصل بود الصائم عارف ليه ؟
شايفكم ليكم فترة كده بطلتوا تلفوا وكده ... كلمه يجيك وتقوموا تلفوا وكده ....

شكراً ياملاسي يا أمير والله وقعت لي في جرح ... يديك العافية ياسحس ...

يا أيمن سلامات ....

ياخي تشتيت شنو ياخ !! ِإتصلح معانا وكده ... هناك اعتذار من الاخ كمال للاخت حنين وهنا مناشدة للاخت حنين بقبول ذلك الاعتذار يعني في إختلاف بين الاثنين رغم أنهم مكملين لي بعض .. هو بيعتذر وانا بطلب منها بصفتي أخوها الكبير تقبل الاعتذار .. وفتح البوست ده دلالة لها على أهتمامنا بها وعشمنا الكبير فيها للعودة للمنبر من جديد والصفح عن أخونا كمال .... وبس .....

أها وقع ليك ولاّ لسه ؟

أقول ليك حاجة ؟ ياخي ما تقوم تنضم كده لي ناس ود البشرى ديل أصرف ليك !!!

يا عمدة سلامات,,
تعرف يا صاحب كان بودى أقدر أنزل ليك رائعة الفرعون محمد وردي(الحنينة السكّرة) لكن العين بصيرة

Quote: ود البشرى وبما أنك أحد المقربين للاخت حنين أرجو شاكراً التكرم بمناشدتها بقبول اعتذار اخونا كمال مع دعوتها للعودة للتسطير من جديد فحقاً نحن نفتقدها كثيراً .... . فهل تكرمت ؟

بس ما تقول لى يفتح بوست جديد!!!!! تكون بالغت رسمى وشعبى!!!,,,

Quote: أقول ليك حاجة ؟ ياخي ما تقوم تنضم كده لي ناس ود البشرى ديل أصرف ليك !!!

حبيبى أصرف لي وأنا أصرف ليييييييييييييييييييييييييك
وبالمناسبة السعيدة دى أين صديقنا وض!!!!!!ح نحن منتظرين بوست الوقوف والمناصرة,,,

مودتى التى لا تعرف,,,

Quote: يا عمدة سلامات,,

تسلم يا أيمن وتسلم قطر وأميرة الشيخ زااااتها ياخ ...

Quote: تعرف يا صاحب كان بودى أقدر أنزل ليك رائعة الفرعون محمد وردي(الحنينة السكّرة) لكن العين بصيرة

واليد طويلة برضه أحياناً ياخ ... إتصلح معانا ياأيمن ياخ ...

Quote: بس ما تقول لى يفتح بوست جديد!!!!! تكون بالغت رسمى وشعبى!!!,,,

يفتح شنو ياأيمن ياخ!!! وهو فاضي لي من أسابيع الشنو ديك ماعارف ؟ ولاّ فاضي لي من صيوانات البكاء الشايلها في ظهره دي ... ولاّ فاضي لي من اللف و .......

Quote: حبيبى أصرف لي وأنا أصرف ليييييييييييييييييييييييييك

خلاص بس أنا الصرفة الأولى وبعدين الله كريم ....

Quote: وبالمناسبة السعيدة دى أين صديقنا وض!!!!!!ح نحن منتظرين بوست الوقوف والمناصرة,,,

بتلقاه هنا :
وضـاحـــــة ياشمـــس المشـــــارق .......
أها لقيتني كيف ؟!!!!

شيخ العرب حبيبنا العوض المسلمي ...

Quote: وحنين وكمال يستحقان الكثير ,,,

ويستحقان أكقر من ذلك ياالعوض ...

Quote: ولكن عذرا .,, كنت اري ان بوست كمال كاف لعودة حنين ,,,

عذراً عزيزي .. أختلف معك هنا ... بوست كمال اعتذار لحنين وهذا البوست مناشدة مني ومن الزوار الكرام لحنين بقبول اعتذار أخونا كمال ومن ثم العودة للمنبر .. لتعلم حنين مدى حبنا لها ومكانتهاعندنا .....
شكراً أخوي وعلى دروب الخير نلتقي ،،،،،

ولك أطنان من المودة ...........

ومن أجل حنين الحنينة سيكتب الجميع حتماً ....
إلي حنين للبلد نواحي البلاد الأمريكية !!!!

ملاسي الخرّاش

Quote: أب سنينة بيتهكم على أب سنينتين!

هو تهكم نصاح لكن

ياود البشرى ياخي إتصلح معانا ياخ ....
نحن قلنا ليك ناشد لنا الاخت حنين تعود للمنبر وتتصالح مع أخونا كمال ...
ياخي أعمل يوم واحد عمل لوجه الله تعالى ....
ياخي كان ماقادر تعمل حسنه أقول حاجة :
قوم لف ياخ ... ( والله عاجباني بشكل ) ...

(*)

شكراً ياعمدة على البادرة الجميلة ..
العوض أخوي .. مالك وينا جوديتك ؟
(سارة عيسى)شيختك على شنو طيب ؟


(ودالبشرى) البكاي ..(ه ه ه)
وينا وساطتك ؟

الاخ كمال على الزين .. ..

من اكثر الناس هدوء واتزان داخل الموقع .. ..

لا ارتجل القول ولكن بشهادة الجميع نرجوا من الاخت حنين قبول الاعتذار .. ..

يا عمدة قدر ما اخش بوست اشوف الصورة اقول دى انا طششته بى .. ..

محبتى الاكيده .. ..

Quote: من اكثر الناس هدوء واتزان داخل الموقع .. ..

أها شفتي كيف ياحنونـــــه ...

Quote: لا ارتجل القول ولكن بشهادة الجميع نرجوا من الاخت حنين قبول الاعتذار .. ..

لعناية أختنا الكريمة حنين ....

Quote: يا عمدة قدر ما اخش بوست اشوف الصورة اقول دى انا طششته بى .. ..

نعمل شنو عاد ياسارة ياأختي ... البنية قاطعه فيني عرق عدييييل كده ... قلنا ليكم .. قلتوا .... ، اها قلنا نأخذها من قصرها ونركب الشغلانه وخلاااااااص ..... هههههههه .

Quote: محبتى الاكيده .. ..

ولك الاطنان منها .... وشكراً على مرورك الراقي هنا ودعوتك الطيبة لاختنا حنين . . .

Quote: نحن قلنا ليك ناشد لنا الاخت حنين تعود للمنبر وتتصالح مع أخونا كمال ...

كدي يا عمدة يا بكّاي بداية فرّق بين عودة حنين للبورد و بين قبول الإعتذار
بالنسبة لقبول الإعتذار بنت عمّي ما محتاجة واسطة ولا مناشدات ولا بوستات تفتح و مداد باندوث يهرق وما إلى ذلك
بلد - وشهادتي فيها مجروحة - طيبة الأصل كريمة النفس أكاد أقسم انها قبلت الإعتذار من أول لحظة و طوت صفحة الموضوع ككل
أما عودتها للبورد فدا شيئ آخر

كمال الجرسنجي ...

Quote: وينا وساطتك ؟

صدقني أبوي مع جرسلين زي الكبيتو دا ما محتاج ليك واسطة ولا حاجة
تشهي الزول يشاكلك كان دي إعتذاراتك


أسمح لي بـ (كااااااااكـ) صغيرة ع الماشي كدا

بعد كل ما قدم الاخ كمال علي الزين من اعتذار
نتمني ان تقبل الاخت حنين به
وان تعود المياه الي مجاريها وتعود حنين الي المنبر

تحيات للجميع

Quote: قدم أعتذاره لانه يعلم بأنه أخطأ ... فشيمة النبلاء الاعتذار وشيمة الأكرمين الصفح ....

شكراً ياشيقااااا ياجميل على إصرارك على التواجد هنا حتى عودة أختنا حنــــو للمنبر والصفح عن أخينا كيمو ...


شكراً شيقا وحقاً انك نبيـــــــل .....

وسنظل ننتظر حتى يمل الانتظار من إنتظارنا لك ياحنـــــو .....

ياشيقا ياخي ما تبقالنا واسطة ... رغيم وود البشرى وود جبريل عملوا نائمين نوم أهل الكهف ... وود طيفور عمل اضان الحامل طرشاء .. شفته كيف ... نحنا نساسي براااانا وهي ما هببته لينا ياخ ... ولا حتى سارة علي ما ساندتنا ياخ ... غايتو الله غالب ..

الاخ الفاض نوفل

يسعد صباحك بكل خير .....

Quote: بعد كل ما قدم الاخ كمال علي الزين من اعتذار نتمني ان تقبل الاخت حنين به وان تعود المياه الي مجاريها وتعود حنين الي المنبر

عناية البرينسية حنين للبلد ... مع الامنيات ....
شكراً أخي نوفل لسعيك الحثيث لعودة أختنا حنين للبورد من جديد ....

شيح البكائين ود البشرى
سلم ومحبة وشوق جاري ياخي ومشتاقين وكده ...

Quote: كدي يا عمدة يا بكّاي بداية فرّق بين عودة حنين للبورد و بين قبول الإعتذار

نفرق شنو ياخ .. إتصلح معانا وكده ... قلنا عايزين حنونه تصفح عن حبيبنا كيمو وكمان بالمرة كده ترجع لينا ليالي الانس وتنور لينا البورد من جديد .. ياخي محتاجين ليها بشده هذه الايام ...

Quote: طيبة الأصل كريمة النفس

وهذه الصفات الجميلة هي التي شجعتني على أن أطلب منها الصفح عن كيمو ...

Quote: أكاد أقسم انها قبلت الإعتذار من أول لحظة و طوت صفحة الموضوع

وهذا مانصبو إليه ونتمنى بان يكون رغم علمنا بأن قلبها كبير .. ولا تحتاج منا إلى ذلك ...

Quote: أسمح لي بـ (كااااااااكـ) صغيرة ع الماشي كدا

ياخي بالله بعد ما تكاكي وكده وانت ماشي بالله كده قوم لف ......

أخي الحبيب كمال ....
صباح ورد إنشاء الله ....

Quote: شكراً ياعمدة على البادرة الجميلة ..

لا شكر على واجب أخي ... صدقني لو لا علمي بأخلاقياتك وجمال طبعك لما فكرت في التسطير لاختنا حنين بالصفح عنك ، صدقني حنين أنسانة رقيقة جداً تجرحها حتى نسمة الهواء الباردة ولكنها تحمل في جوفها قلب من ذهب ... أنسانة رقيقة وصافية القلب ، تحمل قلب طفل برئ ... هي هكذا عندما تشعر بالالم فهي تأخذ لنفسها زاوية بعيدة عن الناس لتداوي جراحها ثم ما يلبس أن تعود بقلبها الكبير الصافي متناسية كل ما كان وتأتي بيد بيضاء بضاء تصافح من غير غدر ... حقاً أنها حنين فهي في غاية الحنان والنقاء .... وصدقني ستعود حنين من جديد مصفحة عنك وستمد إليك يدها مصافحة لان قلبها كبييييييييييييييييييير .

وجود حنين هنا جزء كبير من توازن البوست

ياريس براك شفته .....
وينك ياخي مشتاقين وشوقنا محيط من غير ساااااحل ....
ياريس بالله عليك الله شوف لينا طريقة في بتنا حنين دي !!! ياخي رجوعها مهم جداً .. يعني لمتين كده نقعد نعاني من ألام البورد وتعاسته ... ياخي هي الخير والبركة هنا ومسار شاعري أخضر ونور يضئ لنا ظلمة البوستات .. ياخي لازم حنين ترجع وتجي على نفسها كمان وتصفح عن أخوها كمال ....
في إنتظار عودة حنين ياريس ... خليك مرابط هنا ....

ومن أجلك يابلــــد

انشالله ما ترجع ليكم ..
تعملو فيها سبعه بي قرش ........ وبعدين هاااااك يا اعتزارات وهااااااااك يا وساطات
حنين تاني ماتجي .. اكيد ريحتي بالك .. علي قولة حسبو من (القطيع ديل)


كع ..















بس المكان بقي بااااااااااايخ بوخ .. وماعندو اي طعم !!!
وحذب الشحادين والزهاااااجه منتظرنك وبس !! ........... بالاضافه الي القطيع .

Quote: انشالله ما ترجع ليكم ..

ليه كده بس ياكعكوعي ؟ إنت حاقد علينا ولا كيف ؟

Quote: تعملو فيها سبعه بي قرش ........ وبعدين هاااااك يا اعتزارات وهااااااااك يا وساطات

كل إبن آدم خطأ وخير الخطاؤن التوابون .

Quote: حنين تاني ماتجي .. اكيد ريحتي بالك .. علي قولة حسبو من (القطيع ديل)

الله يسامحك ياكع .. كلنا تكون محضر خير نلقاك محرض .....

وعلشان نجمل هذا الكلام الموجع نهدي بنتنا حنين هذه الوردة :

وردة لأجمل وردة ......

العفو من اخلاق الكرماء والنبلاء

والخطاء من الشيطان ,,,, لذلك وجب العفو

عمدتنا كثر الله من امثالك

بدر الدين ياجمييييييل .. شنو ياخ مشتاقين وشوقنا بحر ازرق زاااااتو ياخ ...

Quote: العفو من اخلاق الكرماء والنبلاء

وحنونه علمتنا معنى النبل والسماحة والكرم الأصيل ....

Quote: والخطاء من الشيطان ,,,, لذلك وجب العفو

وحتماً ستعفوا حنين فهي أهل لذلك وهذه هي شيمتها ....

حنين سألتك بربك ... تصفحي عن كيمو وتعودي للبورد من جديد ....

شنو يارغيم ياخ ... ما تتصلح معانا وكده .... عالم غايتو .....

حنيـــــن

عشان تـرجعــــــي ....

لابد من وجودها هنا









!!!

Quote: لابد من وجودها هنا

أأأأأي ياكعكوعي ياخي ... أتصلح معانا كده ....
اها ياحنونه شفتي ...حتى كعكوعي بطالب بوجودك هنا ... عودتك مطلب للجميع ...

هيا عودي حنين للبلد ... حني علينا ياستي .....

Quote: (ودالبشرى) البكاي ..(ه ه ه)

قرقرقرقر ، لكن ياكيمو لقيتك تفتيحة خالص ، بالله انت برضو عارف الشغلانه دي ... ياخ بالغته .... من زمان وييينك ياخ ...


ود البشرى بعد ما تقرأ كلام كيمو ده قوم لف وكده ....

..
.
واتفق مع الزعيم المسلمى

_________

اكتر من كدا ..

Quote: واتفق مع الزعيم المسلمى

ياخي حتى لو تتفق مع الشيطان زاااتو ،،، أهم حاجة هي جيتك هنا دي .. ياخي أسعدتنا بالجد كده .. مرورك بيضيف جمال للمكان وبدي للطعم لون ....

Quote: اكتر من كدا ..

الاستعداد لاستقبال حنـــو بعد العودة ... إنشاء الله ....

نرفع راية الثورة عاااالية .. عااالية ترفرف فوق السارية ..... حتى تعود حنين ...

Quote: نرفع راية الثورة عاااالية

يا زول ما تروق
أسي نبقى في يا العوض افتح لي بوست و يا منو كلّم بكري

يا عمك

Quote: يا زول ما تروق أسي نبقى في يا العوض افتح لي بوست و يا منو كلّم بكري

روق المنقه الثوره ما عشان حنين
الزول بيهضرب كحلوه بي مفك
شمش المشارق طلعت في الخور




يا عمدة هببت شنو وراي

Quote: روق المنقه الثوره ما عشان حنين

ياخي عشان حنين ونصف وخمسة وسبعة كمان ...

Quote: الزول بيهضرب كحلوه بي مفك

المفك الصغير داااااك ....

Quote: شمش المشارق طلعت في الخور

غايتو واجعاني دي جنس وجعه .. بس الله كريم علي وعليها ..

Quote: يا عمدة هببت شنو وراي

يا أخوي هبوب شنو البتهب مني .. ياخي هو نحن فينا حيل نهبب ... ماياهو الكلام القاعد تقرأه دااااك بس .

Quote: يا زول ما تروق أسي نبقى في يا العوض افتح لي بوست و يا منو كلّم بكري

ياخي انت الله يخليك لي الذي ده ... نحنا قلنا ثورة من أجل أن تعود أختنا حنين للكتابة من جديد وأن تصفح عن أخونا كمال .. هسه كلامك المخربط ده دخله شنو بي ثورتي دي .. بكري قال ممنوع الناس تعمل ثورة من أجل أخوانا ولا كيف ؟ هي حنين موقوفه ؟ حنين حردانه وحردنتا دي بكري ما ليه دخل بيها ... يعني الموضوع مافيهو كاني وماني يامعلم .. بطل تحريض عااااارفك من زمن الثانوي بتعمل في حركات التحريض على المظاهرات والتخريب وكده ... لكن أقول ليك حاجة : قـــوم لـــــــف ....

عمدة يا سلام ياخ
تصور افتكرت عمك كحّل ليك الوزة و حسيت بالذنب و الله
حمدا لله على السلامة يا عمك
أها نرجع لموضوعنا قلت لي عندك شريط العرس
ما بتلقى لي حفلة تخريج آمنة كريم ولا وداع محمد ناصر بالمرة كدا
ياخي قوم لف بالجد جد بلا شريط عرس بلا وهم معاك

أبو حتحوت ياكارثـــــة

Quote: تصور افتكرت عمك كحّل ليك الوزة و حسيت بالذنب والله

ياخي وزة شنو وبط شنو ياخ .. ياخي هو الكحل ده لمايكثر ببوظ العين زاتها ياخ .. ياخي نحن لسه الكحل والكحول زاتو ماراح مننا تااااني يكحلونا ؟

Quote: حمدا لله على السلامة يا عمك

الله يسلمك ياشيخنا ...

Quote: أها نرجع لموضوعنا قلت لي عندك شريط العرس

شريط العرس والجماعة وكده سيبك منه لو ما مصدق ، أها أنا بحلف ليك بالله والله أنا عندي صورة الزواج بالزفاف والبلدي ... أها رأيك شنو؟ والله لو سمحت لي برسلها ليك أيميل عشان تأمن زااااطو ....غايتو بعديها إلا الحور العين ... قال شريط عرس قال .. ياخي قوم لف ....

عمدة البكّاي - بكّاي شنو ؟ يمين انت جوعار عديل كدة
قلت لي تحلف بالله , لا ياخوي ما قدر دا
لكن لقيتك طيبان خلاس
و الغنماية مش تاكل عشاك وبس لا و كمان ترسلك الدكان تجيب ليها بيبسي و سعوط
ياخي قوم لف وهاشم خلف الله معاك برضو يلف

بانتظار عودتك أخت حنين وكلى ثقة فى تسامحك ورحابة صدرك

نأمل عودتك انتى وكل الغائبين




عماد محمود شكرا على البادرة الطيبة

شاعرتنا صاحب الكلمة النغم هنـــد

Quote: بانتظار عودتك أخت حنين وكلى ثقة فى تسامحك ورحابة صدرك

يسعد صباحك بكل خير سيدتي ،،،،
حقيقي أستغربت كثيراً في بادي الأمر لعدم وجودك هنا ، فأنت صاحبة الاحاسيس النبيلة وعاشقة الجمال ، والجمال مفقود هذه الايام بغياب أختنا حنين ... ولكنك لم تخيبي ظني فيك وها أنت تمارسين رسم الروعة بعناية فائقة وتدعي أختنا حنين للعودة والصفح والسماح بسعة صدرها الذي عرفت به ....

شكراً كثيراً هنـــد ولك التقدير والاحترام سيدتي ...

كوني بخير ياوجه الخير والنقاء .....

Quote: عمدة البكّاي - بكّاي شنو ؟ يمين انت جوعار عديل كدة

يابكري بالله اتصلح معانا .. صلح لينا الوشوش خلينا نجاوب على ود البشرى ( صيوان ) ده ..

Quote: قلت لي تحلف بالله , لا ياخوي ما قدر دا

نان قدر كيف يا العوض أخوي ؟!!!!

Quote: لكن لقيتك طيبان خلاس

غاتيو طيبان دي أخير من جوعار ديك ....

Quote: والغنماية مش تاكل عشاك وبس لا و كمان ترسلك الدكان تجيب ليها بيبسي و سعوط

ههههههها ، ياخي أنا مستعد ألف أنك بتلفها بعد المغربية بي شوية ،،، أنت بتجيب الكلام ده من وين ؟هاهاهاها.

Quote: ياخي قوم لف وهاشم خلف الله معاك برضو يلف

خلاص عليك الله لما أكمل اللفة وأجي راجع تكون انت كلمتا حنين دي تكون رجعت .. خلاص؟

حنـيـــــن ...

بـعادك طال .. بعادك طاااااااال ...

من اجل حنين يا عمده



بعاااااااااااادك طاااااااااال يا حنين

اللهم طولك يا روح
بلد باللاي لو بتقري البوست دا عليك الله ما تجي راجعة تاني خالص
اها النشوف عمدة دا ح يسوي شنو؟

Quote: اللهم طولك يا روح

ياخي براااااحة بنطقة ليك عرق .....

Quote: بلد باللاي لو بتقري البوست دا عليك الله ما تجي راجعة تاني خالص

يا العمره قلبك ما رحم ... انا شفته ناس ظالمين كثير بس أنت أظلم من ظلم ......

Quote: اها النشوف عمدة دا ح يسوي شنو؟

وراها والزمن طويل .... مع الاعتذار للفنانه سهير البابلي ....

ياحسين ملاسي بالله عايزنك هنا شوية ....

ياسلاااااااام عليك ياشول ياخ ... ياخي أنت زول عسل عدييييل كده .. مش ذي ود البشرى الحامض ده .. ياخي انت من زمااااان وينك ياخي مخليني أتلفت ذي أم قيرقدون ...
تسلم ياراقي أنت ويسلم كي بورتيك زااااتو ياخ ....


شول مشتاقين ياخ ....... بعدين بالله رجع لينا صورة البروفايل ياخ .

ياود البشرى أها حنين رجعت ولاّ لسه ؟ وبعدين ياسر طيفور ده عامل فيها رايح ولا كيف ؟

الاخ الشفاف
عماد محمود علي

بالجد محرجة ماعارفة اقول ليك شنو،،، شكرا على كل جميل قول توسمته فيي...شكرا لك وانت تؤكد قناعات اننا اسرة واحدة...

شكرا مرة اخرى، ووالله الموضوع ماكان بستاهل ده كله,,,بس من ذوقك..
مودتي..

http://www.youtube.com/watch?v=JImWVttvcz0

شكرا الاخ ازهري طه


وشكرا الاخ عماد....لكل ما طوقتني به من احترام وتقدير ومعزة...

أختنا الصغيرة الكبيرة حنيـــن للبـلــــد

ألــف مليـــون حمد لله على الســـــلامـــة ... نورتـــــي ياســـتي البــورد من جـديـــــد ،،

Quote: بالجد محرجة ماعارفة اقول ليك شنو،،،

عمــره ما كان في بين الاخوان إحراج ياستي ... وما تقولي شيء عودتـــك وحـدها تحكــــي ،،،،

Quote: شكرا لك وانت تؤكد قناعات اننا اسرة واحدة...

كنـا ولا زلـنا وســنظل كذلك ، أســرة واحدة تحفها المودة والاحترام وتحتويها التقدير والمحبــة ....

Quote: شكرا مرة اخرى،

الشكر بعد الله لك عزيزتي لاستجابتك لنداء أخوك الكبيـــر بالعودة مجدداً لنتسامر ونلتقي في دروب الاخوة الصافية والمحبة الصادقة كأسرة وعائلة واحدة ....
شكراً لك حنيــــن وما خيبـــتي ظــــني فيـــــــك ,.....