Post: #1
Title: ثلاثة من كُنَّ فيه فهو "سوداني" بلا نزاع أو خلاف!!
Author: abdelfattah mohammed
Date: 02-09-2009, 12:49 PM
أولاً: الإفتاء في كرة القدم والتنظير ووضع التشكيلة وتحليل الدوريات وتقييم المدربين
ثانياً: التنظير في السياسة والإحتجاج والإعتراض والمعارضة من أجل المعارضة والشوفونية والتمظهُر
ثالثاً: الإدلاء بآراء فنية في المغنيين والفنانيين وتقييم أغانيهم بداعٍ وبدون
وطبعاً، فوق دة كلو، التريقة والأنا!!!
|
Post: #2
Title: Re: ثلاثة من كُنَّ فيه فهو "سوداني" بلا نزاع أو خلاف!!
Author: abdelfattah mohammed
Date: 02-09-2009, 01:06 PM
Parent: #1
بتعرفوا شكلنا كدة بتاعين كلو، تلقانا بناقش السياسة والكورة والفن والجمال، ودة طبعاً نتاج لمناظرنا الخلابة وطبيعتنا الجذابة اللإتربينا فيها وطيبتنا الزايدة و(فضولنا)
|
Post: #3
Title: Re: ثلاثة من كُنَّ فيه فهو "سوداني" بلا نزاع أو خلاف!!
Author: abdelfattah mohammed
Date: 02-09-2009, 01:08 PM
Parent: #2
شفتو الفضول دة كيف!!
واحد يجي يلقاك حاضن التلفزيون بتشاهد ليك كورة، يقوم يسألك ويقول ليك بتشاهد كورة ولا شنو؟!!
والتاني يلقاك راقد مستلقي في السرير في أناء الليل ويقوم يسألك يقول ليك داير تنوم ولا شنو؟!!
والثالث يلقاك في الجامعة يسألك ويقول ليك الليلة جيت الجامعة ولا شنو؟!!
وكلو في النهاية سؤال لازم فائدة!!
ولا كيف؟؟!!
نحن بندخل النت شان نعمل شنو؟؟
|
Post: #4
Title: Re: ثلاثة من كُنَّ فيه فهو "سوداني" بلا نزاع أو خلاف!!
Author: khalid abuahmed
Date: 02-09-2009, 01:55 PM
Parent: #3
أخي الكريم عبدالفتاح..
تحياتي وتقديري..
يا أخوي نحن السودانيين أبدا ما بنرضى زولا ينتقدنا ويقول لينا انتوا عندكم مشكلة في الحتة الفلانية... أبداً نحن أحسن ناس.. ونحن شايلين الفاس لكم من يقلل من مكانتنا... ونحن منو الزينا...؟؟.
يا زول امش بعيد غادي غادي.. كلامك ده بكرة بجيب ليك (....) هواء بااااااااااااارد.. أعمل حسابك... أسأل مجرب ولا تسأل (.......).
طبعا.. دي نصيحة من بيت الكلاوي..!!
|
Post: #5
Title: Re: ثلاثة من كُنَّ فيه فهو "سوداني" بلا نزاع أو خلاف!!
Author: abdelfattah mohammed
Date: 02-15-2009, 11:37 AM
Parent: #4
Quote: أخي الكريم عبدالفتاح..
تحياتي وتقديري..
يا أخوي نحن السودانيين أبدا ما بنرضى زولا ينتقدنا ويقول لينا انتوا عندكم مشكلة في الحتة الفلانية... أبداً نحن أحسن ناس.. ونحن شايلين الفاس لكم من يقلل من مكانتنا... ونحن منو الزينا...؟؟.
يا زول امش بعيد غادي غادي.. كلامك ده بكرة بجيب ليك (....) هواء بااااااااااااارد.. أعمل حسابك... أسأل مجرب ولا تسأل (.......).
طبعا.. دي نصيحة من بيت الكلاوي..!! |
أستاذنا الفاضل خالد أبو أحمد
عاطر التحايا وفائق الأشواق
أنا بتفق معك في جُل كلامكم، لكن ألا تتفق معي أنَّ الأوان قد أزف للبوح بالمسكوت عنه وكشف القناع لكشف ما كان يتدارى وتتوارى خلفه الوجوه لتبين على حقيقتها.
شوف بالله من شدة (عزتنا) بنفسنا و(عوارتنا)، ويُحكى ـ العُهدة على الرواة ـ أنه في واحد قاعد يتناقش ليه مع واحدين تانيين (فضوليين ذيو) كدة قال ليهم:
أفضل من تحدث العربية في العرب وغيرهم هو (ولدنا) عبدالله الطيب!!
أفضل أديب في العالم هو (ولدنا) الطيب صالح!!
أفضل كوميديان في العالم (ولدنا) الفاضل سعيد!!
أفضل منظر إسلامي في العالم (ولدنا) الترابي!!
أفضل مفكر في العالم (ولدنا) الصادق المهدي!!
أفضل مؤرخ في العالم (ولدنا) عون الشريف قاسم!!
بالله حواء وآدم ديل ما ولدو غير أولادنا ديل ولا شنو؟؟!!
|
|