Post: #1
Title: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 08:29 AM
الحمد لله فقد اوفيت بالتزاماتي تجاه كل من طلب يدي فنيا وتبقي لي السي دي الخاص بالفنانه شروق ابو الناس وبعدها ياروح مابعدك
روح بعدها الموصلي والموصلي فقط لاغير الا اذا كان هنالك استثناءا خاصا جدا جدا واليكم الشرح.
لقد كانت رحلتي الي الخليج ناجحة بمقاييس محبة الناس وتشوقهم لسماع صوتي وفني واحاديثي كذلك أتاني منها بعض العائد المالي والحمد لله ولكن نصفه قد ضاع في الطائرات وما اليها تركت بعض استحقاقاتي في اذاعتين وهما اذاعة قطر واذاعة سلطنة عمان تاركا الامر لاخوة لي كي يقوموا بعملية اكمال الاجراءات وارسال المال كي اسند به ظهر اسرتي ومنذ ذلك الحين وانا انتظر وحتي اليوم لقد عانيت ولا اخفي عليكم اشد المعاناة وانا اري حقوقي تهضم مثل ما حدث لي فيما قبل في شركات سكبت فيها عرقي ودمي وانا افهم الظرف الذي حدث في عمان ولكنني لا افهم مايحدث في الدوحة اذ ان المسؤلين في اذاعتها اكدو لي منذ وجودي في لندن ان حقوقي قد تم التوقيع عليها ولكن بعد ذلك لا ادري ما حدث او ربما لن ادري فقد تجاهلني البعض هنا وبصورة تحيير حينما طلبت مساعدتهم في متابعة الامر. واحد العازفين في احدي الدول استولي علي دريهمات تافهة خاصة بي كما ان احد الاشخاص في امارة ابوظبي وقد تسبب في تعطيلي وانتظاري وهو شخص ليس لي به معرفة سوي انه اتصل بي كي اقيم محاضرة غنائية موسيقية للعاملين في تلك الشركة البترولية واستلم مني شريط فيديو لمحاضرتي واستلم الخطة المكتوبة لها وتاخرت عشرين يوما من وقتي ووقت اسرتي المنتظرة وتنصل ذلك الرجل الكبير عمرا بشكل اخجلني ولا ادري ماذا فعلت له ولكنني في غمرة غضبتي هذه لن انسي جمايل الاحبة في قطر وسلطنة عمان وابو ظبي وانجلترا والبحرين قطعا اولئك الذين وقفوا معي برجالة واكدو لي ان السودان (برضو) بخير .
الموضوع الحمد لله ربنا قد رزقني بعمل هنا بالولايات المتحدة الامريكية جيد والحمد لك ياالله فقد كفيتني شر الحاجة وشر احتراف الموسيقي في بلادي. ربما استطيع قريبا انتاج اعمالي ليعرف الناس الفرق بين الطين والعجين وعذرا احبتي انها غضبة المحب.
|
Post: #2
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Amin Elsayed
Date: 10-28-2005, 08:35 AM
Parent: #1
انه السودان ياأستاذ الموصلي (حلومر)
مبروك الوظيفةالجديدة ونحن في انتظار الابداع
لك الود والاحترام
أمين
|
Post: #3
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: عبدالماجد موسى
Date: 10-28-2005, 08:48 AM
Parent: #2
الأخ العزيز/ الموصلى
انها فترة طويلة منذ أن التقينا فى أديس أبابا ولا زلت أحتفظ بتلك الصورة التى التقطناها معا فى النادى السودانى قبل عشرة أعوام خلت تقريبا, فطيبتك هى تلك تغرى البعض من ذوى النفوس الضعيفة ليتجرأوا عليك, ولكن لن يضيع حق خلفه مطالب .
لك التحية أيها القامة الرائع
|
Post: #5
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 08:52 AM
Parent: #3
عزيزي عبد الماجد ليتك ارسلتها لي بالايميل او حتي انزالها هنا كنوع من التوثيق
اما عن الموضوع فانني سأظل هكذا الي ان اموت ولكن اضعف الايمان انني اعمل مسافه
لك المحبة
|
Post: #4
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 08:48 AM
Parent: #2
لقد صدقت ياعزيزي امين انه الحلومر
ما احلي حلوه وما أمر مره
|
Post: #7
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: ADIL FAIT
Date: 10-28-2005, 08:56 AM
Parent: #4
| Quote: الموضوع الحمد لله ربنا قد رزقني بعمل هنا بالولايات المتحدة الامريكية جيد والحمد لك ياالله فقد كفيتني شر الحاجة وشر احتراف الموسيقي في بلادي. ربما استطيع قريبا انتاج اعمالي ليعرف الناس الفرق بين الطين والعجين وعذرا احبتي انها غضبة المحب. |
دا كلام جميل يا استاذ...
هبشه:
هبشه تأكدت الآن اننا كلنا في الهم سوا..
كل الود،،،
عادل فايت
|
Post: #10
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 09:08 AM
Parent: #7
شفت بالله كيف ممكونين وصابرين ياعادل
تسلم
|
Post: #8
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Nazar Yousif
Date: 10-28-2005, 08:58 AM
Parent: #4
ماحك جلدك مثل ظفرك ... وفى إنتظار الجـديد
|
Post: #11
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 09:09 AM
Parent: #8
ياهو ده الكلام
|
Post: #9
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: saif massad ali
Date: 10-28-2005, 09:00 AM
Parent: #4
الموصلي
كل سنة وانت طيب
بسم الله حقك مهضوم اسع بس , حقك ماكول ليهو اكثر من 15 سنة يا راجل الناس البتسمع وتبيع دي بتاكل في حق منو ولا ده مما محسوب
علي كل حال الف مبروك الوظيفة الجديدة وربنا يعوضك احسن من الفات
ارفع يديك لي الله دعوة المظلوم لا ترد
|
Post: #12
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 09:10 AM
Parent: #9
دعواتكم معانا ياسيف لك الود
|
Post: #6
Title: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Talib
Date: 10-28-2005, 08:55 AM
Parent: #1
الف مبروك يااستاذ يوسف
ارجو لك دوام التوفيق
|
Post: #13
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 09:10 AM
Parent: #6
تسلم ياطالب
|
Post: #14
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: النصرى أمين
Date: 10-28-2005, 09:12 AM
Parent: #1
سلام يا استاذنا ورمضان كريم
مره واحد اخونا شحن معدات و ماكينات للسودان
وفعلا وجد المشترين ..المشكله فى النهايه بقت تحصيل
باقى المبلغ واضطر فى النهايه قبول حاجات غريبه بدلا
من الكاش ..مثلا ادوهو بالات دموريه ..ركشات ..مواد بناء..
قطعه ارض...
وجزء من المبلغ اتحلس ..
بقينا زى العصر الحجرى و نظام المقايضات
العالم دى الواحد يتعامل معاهم زى الخواجه امسك لى
واقطع ليك و الداير يزعل قول ليهو يضرب راسه بالحيط...
اظنها كانت تجربه مريره لكن الحمدلله فرجت وربنا عوضك عنها
باحسن منها ..
نتمنى لك توفيق
وكل عام وانتم بخير
|
Post: #16
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 09:34 AM
Parent: #14
حبيبنا النصري والله انا كنت دايما بلوم الاستاذ وردي علي انو (متشدد جدا)
فيما يخص استحقاقاته ولكنني اره هو محق وانا مخطئي اصلي انا مابتوب واليك هذه الحكاية العجيبة
مره واثناء وجودي ومحمد وردي بالقاهرة في الثمانينات اثناء بعثتي
اتي طلاب من الاسكندرية طالبين حفل غنائي بالاستاذ وردي وشخصي فقد طلب منهم وردي مبلغا كبيرا
وفق مايراه من استحقاق له فوسطوني كي اتحدث معه كي يعمل لهم تخفضا وهل تصدق فقد جاملني وردي ووافق علي تخفيض ثلثي المبلغ لاجل خاطري وعندما جاء الحديث معي قلت لهم بالحرف انا سانتظر نجاح حفلكم جماهيريا وبعدها لكم ان تقدرو استحقاقي
فقالو لي انك فنان عظيم (كذا) واننا اذا نجح الحفل فربما نعطيك معظم العائد بعد تغطية التكاليف لاننا لا نستطيع ان نوفيك حقك ابدا
رفض وردي الذهاب الي الاسكندريةمالم يستلم علي الاقل نصف استحقاقه وله الف خق وارتجف الجماعة فذهبت الي صديقي واستلفت منه المبلغ وسلمته له دون ان يعرف مافعلت وذهبنا الي الحفل ورجع عدد من الناس كبير يكاد ان يساوي عدد الذين تحصلو علي مقاعدهم غيرالواقفين وبدأت اخلامي بالتنامي في انني ربما احصل علي ضعفي مبلغ الاستاذ وردي حسب مارأيته من جمهور رهيب
وغنينا بشكل جميل وانتهي الحفل واستلم وردي استحقاقه كاملا وهو ماتبقي له وسلموني المبلغ المستلف وظرف منتفخ اخر وعليه كلمات الشكر فلم افتحهه ممنيا نفسي بليلة مالية حالمة وعندما تحرك القطار فتحت الظرف فوجدته من فئة الجنيهات مبلغ غاية في التفاهة وحينها نظرت الي وردي ورأته مبتسما وكأنه يقول لي انك (للم تتعلم البتة يايوسف)
|
Post: #15
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmuez
Date: 10-28-2005, 09:34 AM
Parent: #1
| Quote: لقد عانيت ولا اخفي عليكم اشد المعاناة وانا اري حقوقي تهضم مثل ما حدث لي فيما قبل في شركات سكبت فيها عرقي ودمي وانا افهم الظرف الذي حدث في عمان ولكنني لا افهم مايحدث في الدوحة اذ ان المسؤلين في اذاعتها اكدو لي منذ وجودي في لندن ان حقوقي قد تم التوقيع عليها ولكن بعد ذلك لا ادري ما حدث او ربما لن ادري فقد تجاهلني البعض هنا وبصورة تحيير حينما طلبت مساعدتهم في متابعة الامر. واحد العازفين في احدي الدول استولي علي دريهمات تافهة خاصة بي كما ان احد الاشخاص في امارة ابوظبي وقد تسبب في تعطيلي وانتظاري وهو شخص ليس لي به معرفة سوي انه اتصل بي كي اقيم محاضرة غنائية موسيقية للعاملين في تلك الشركة البترولية واستلم مني شريط فيديو لمحاضرتي واستلم الخطة المكتوبة لها وتاخرت عشرين يوما من وقتي ووقت اسرتي المنتظرة وتنصل ذلك الرجل الكبير عمرا بشكل اخجلني ولا ادري ماذا فعلت له |
التحيةلموصلي..
للأسف الشديد دي من طب ايعالهمبتة المتنامية في العالم الشرقي نتيجة لغياب الضوابط القانوية التي تحفظ حقوق الإنسان , فوضي جارحة و(الشكية لله وحده) !.. ودي كذلك من تداعيات ودروس أنظمة الفساد و الهمبتة و الإفقار و التحويج و قوانين الغاب و تفشي روح الإستهبال والقرصنة المريضة .. يستخدم حقك و عرقك لي صالحه المريض , لا تدعي هذه الأمور تذهب هكذا !..nbxxy
| Quote: لقد كانت رحلتي الي الخليج ناجحة بمقاييس محبة الناس وتشوقهم لسماع صوتي وفني واحاديثي |
| Quote: ولكنني في غمرة غضبتي هذه لن انسي جمايل الاحبة في قطر وسلطنة عمان وابو ظبي وانجلترا والبحرين قطعا اولئك الذين وقفوا معي برجالة واكدو لي ان السودان (برضو) بخير . |
نحمد الله علي دي .. و نحمده علي الآمال المتبقية ..jgigiufif
Quote: الموضوع الحمد لله ربنا قد رزقني بعمل هنا بالولايات المتحدة الامريكية جيد والحمد لك ياالله فقد كفيتني شر الحاجة وشر احتراف الموسيقي في بلادي. ربما استطيع قريبا انتاج اعمالي ليعرف الناس الفرق بين الطين والعجين وعذرا احبتي انها غضبة المحب.
|
ألف مبروك , good luck
|
Post: #17
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 09:41 AM
Parent: #15
عزيزي المعز صدقت في كل حرف
والخير غلاب ان شاء الكريم ولك هميم الود
|
Post: #18
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Mutwakil Mahmoud
Date: 10-28-2005, 10:17 AM
Parent: #17
أبو هديل
رمضان كريم وكل سنه والعائله طيبون
رغم بعدي وأبتعادي السيبيري القهري هزني ماكتبت فقلت لنفسي ما أشبه الليلة بالبارحه الي متي يقتالون الفن في بلادي?
ماذا أنا قائل
اللهم عاملهم بعفوك لابعدلك
ولكن
جزي الشدائد عني كل خير فكم عرفت بها عدوي من صديقي
دعنا ورغم كل الشدائد أن نقنن هذه المآسي فقد قطعت شوطا كبير في تقنين ماحدث ليلتي ذبح الفن بلوس أنجيليس
المأساة أعمق من التصور والحلول كأحضار ماء من القمر
ما زلت علي العهد دعنا نسبح ضد التيار كما كتبت علينا ومن كتبت عليه خطي مشاها
أشواقي حين تسعي أليك تشتاق
أخوك د متوكل
|
Post: #24
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 07:50 PM
Parent: #18
اخي الحبيب دكتور متوكل قدر الفنان السوداني ان يكون في نظر بعض الناس مغنواتي وان دخلت عليهم الالفية العاشرة
فلا حراك (حقك مابروح وحقنا مابروح) الزمن موجود تسلم
|
Post: #19
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Muna Khugali
Date: 10-28-2005, 10:28 AM
Parent: #17
معليش يا مـوصلي..في هـذه الـدنيـا نمـاذج غـريبة مـن البشـر!
'أحـدهم' سـلبني آلاف الجـنيهات في الخـرطـوم قبل خـروجـنا منهـا.. قيمـة انتاج فيـديو توثيقي لأسـر الشـهـداء كـنت انـوي عمـله في ذلك الوقت..وتي شـيرتات لأحـي الـشـهيد!
رمضـان كـريم..
مـني عـوض خـوجـلي
|
Post: #20
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: newbie
Date: 10-28-2005, 10:53 AM
Parent: #19
الله يوفقك يا استاذ
|
Post: #21
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: عبد المنعم سيد احمد
Date: 10-28-2005, 12:36 PM
Parent: #20
الانسان الفنان
الموصلى
سيعوضك الله خيرا..ايها النبيل
فنك الراقى..وعطاءك الثر
يقودانك من نجاح الى نجاح
قلوبنا معك ياصديقى الجميل
|
Post: #27
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 07:54 PM
Parent: #21
شاعرنا الشفيف منعم لك هميم الود كمايقول الرائع يحي فضل الله
|
Post: #26
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 07:53 PM
Parent: #20
سلمت ايا العزيز
newbie
|
Post: #25
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 07:52 PM
Parent: #19
لقد وهب اخاك يامني حياته للوطن والذين يسترخصون حياة من وهبوا حياتهم للوطن هم الاسقل وهم مواطئ الاقدام
محبتي
|
Post: #22
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: ناذر محمد الخليفة
Date: 10-28-2005, 01:30 PM
Parent: #1
ميروك أستاذنا الموصلي ..
ولو أن هذه الوظيفة ستتسبب في حرمان طلبة معهد الموسيقى من غزير علمك ..
وأتمنى لك التوفيق من كل قلبي ...
صنفرة :
| Quote: وغنينا بشكل جميل وانتهي الحفل واستلم وردي استحقاقه كاملا وهو ماتبقي له وسلموني المبلغ المستلف وظرف منتفخ اخر وعليه كلمات الشكر فلم افتحهه ممنيا نفسي بليلة مالية حالمة وعندما تحرك القطار فتحت الظرف فوجدته من فئة الجنيهات مبلغ غاية في التفاهة وحينها نظرت الي وردي ورأته مبتسما وكأنه يقول لي انك (للم تتعلم البتة يايوسف) |
|
Post: #23
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: بهاء الدين سليمان
Date: 10-28-2005, 03:40 PM
Parent: #22
الأستاذ الموسيقار يوسف الموصلى... تحياتى ...
أولا ألف ألف مبروك العمل الجديد وأنت أهل لها أيها الانسان... لكن بتعليقك عن ايفائك بكل التزاماتك ففى هذا سقوط اسمى سهوا كما أنك وعدتنى وأنا ما زلت أعيش على هذا الوعد حتى حضورك الى الامارات ان شاء الله... ولو أنك وجدت ضالتك فينى فهو يوم سعدى وكم أنا متلهف لتلك اللحظة الجميلة التى سوف تجمعنا لكى تعرف ماذا بداخلى بصورة علمية ووقتها سوف استفيد كثيرا لأننى أكون قد عرفت نفسى....
أما بخصوص الظلم الذى وقع عليك فهو شئ مؤسف للغاية ولكن عليك أن تأخذ الدروس دائما من المواقف الغير كريمة والمؤمن لا يلدغ من الجحر مرتين
هذا والسلام .....
|
Post: #29
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 08:00 PM
Parent: #23
انظر
والموصلي فقط لاغير الا اذا كان هنالك استثناءا خاصا جدا جدا واليكم الشرح
وباذن الله تكون من الاستثناءات يابهاء يلا شد حيلك
|
Post: #71
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: بهاء الدين سليمان
Date: 11-02-2005, 04:26 PM
Parent: #29
الشكر أجزله لك أستاذنا الموصلى وكل عام وأنت بخير وأنت أكثر ابداعا وتطورا
|
Post: #30
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: ABUKHALID
Date: 10-28-2005, 08:01 PM
Parent: #23
Good luck Mously
And all the Best
|
Post: #32
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 08:21 PM
Parent: #30
Thanks a lot dear ABUKHALID
and stay well
|
Post: #28
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 07:56 PM
Parent: #22
شفت كيف لكن حرم بجي في الاجازات اديكم كورسات ان شاء الله
ياناذر
|
Post: #31
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: altahir_2
Date: 10-28-2005, 08:14 PM
Parent: #1
استاذى النبيل والجميل الموصلى
اولا رمضان كريم والف مبروك على الوظيفة .
وثانياحول قولك :
Quote: اوفيت بالتزاماتي تجاه كل من طلب يدي فنيا وتبقي لي السي دي الخاص بالفنانه شروق ابو الناس وبعدها ياروح مابعدك
روح بعدها الموصلي والموصلي فقط لاغير الا اذا كان هنالك استثناءا خاصا جدا جدا |
اتمنى ان اكون من هؤلاء الإستثناء
تعرف يا استاذى منذ أن بدات دخول المعترك الموسيقى وحتى الآن لم اطلب ولم يعطينى احد شيئا
رغم وجود العبارة المعهودة فى التنازلات (مع الاحتفاظ بحقوقى الأدبية والمادية)
ورغم الآلاف النصائح من كثير من الزملاء والاساتذة .
فى مايو الفائيت وقفت ايضا على تعامل احد قامات بلادنا الفنية بخصوص التعامل المادى وهى نسخة طبق الأصل لمواقف الاستاذ وردى . بالله عليك يا الموصلى هل كانوا على صواب وكنا على خطأ ام العكس صحيح؟
ربما لا استطيع ان احكى لك كل ما مّر بى من مآسى فى هذا المجال الأ فى ساحة خاصة بينى وبينك . ولكنى اثق فى ارآءك وفى علمك وفكرك الموسيقى . وفى اسلوبك الإنسانى والراقى قل لى رأيك وسأعمل به فأنت قدوتى دائما
|
Post: #33
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-28-2005, 08:25 PM
Parent: #31
الحبيب الفنان ضياء الدين
منذ ان استمعت الي اعمالك الاولي في الحلفايا
وانا احدث نفسي والاخرين بانك مشروع لفنان جميل وجاد لذا فانك استثناء
اما كبارنا فبرغم غلظتهم احيانا الا انهم في كثير من الاحيان علي الف حق
محبتي ومودتي
|
Post: #34
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: altahir_2
Date: 10-28-2005, 08:29 PM
Parent: #1
شكرا كثيرا لك ايها الحبيب
|
Post: #40
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 04:12 AM
Parent: #34
لاشكر علي واجب اخي الحبيب ضياء فانت اهل للجمال
|
Post: #35
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: سارة حمزة
Date: 10-28-2005, 10:02 PM
Parent: #1
الف مبروك يااستاذ يوسف
ارجو لك دوام التوفيق
تستاهل اكتر من كده كمان
|
Post: #36
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: نادية عثمان
Date: 10-28-2005, 10:38 PM
Parent: #35
موصصصصصصصصصصصصصصصصصصصصصصلى ود خالى
انشاء الله البياكل حقك
يدخل عليهو
بالساحق والماحق
والبلا المتلاحق
قول اميييييييييييين
|
Post: #37
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: nazar hussien
Date: 10-29-2005, 03:36 AM
Parent: #36
عجبنا ليك والله يا ابا محمود...وهديل ...وربنا يوفقك ويسعدك
|
Post: #39
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: عاطف عبدالله
Date: 10-29-2005, 04:06 AM
Parent: #37
عزيزي الموصلي
أظن ما جرى لك سواء في الإسكندرية أو الدوحة هو بسبب تلك النزعة الصوفية التي تحكم كثير من تصرفاتنا ، ومن أبرز ملامحها التواضع والتسامح والزهد ، وهي أشياء جميلة في مضمونها لكن الإحترافية في الفن عموما تمثل الضد تماما وأظن وردي قد وعى الدرس منذ زمن بعيد وهنا يكمن سر من أسرار نجاحه وتفوقه وهو عدم التلاعب بحقوقه الفنية والمادية ، وفي ذلك أصابه كثير من الرزاز لكنه يظل يقاتل لحقوقة المادية والأدبيه ، ولا يتنازل عن الأولى إلا بإرادته ولا يتنازل عن الثانية أبدا مهما قيل عنه ومهما وصف من نعوت.
أظن أنه الحق الأدبي والمادي صنوان يجب عدم التساهل فيهم لمن كان في مثل قامتك الفنية وتاريخك الحافل ..
صن حقك المادي تصون حقك الأدبي
وعذرا للتطويل
|
Post: #44
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 04:23 AM
Parent: #39
الحبيب عاطف معليش انا راجل مسكين ومابقدر علي كده
المهم حصل خير والتعليم حصل وعوجه تب مافي
بالله بلغ سلامي لزوجتك الراقيه وقول ليها اشتقنا للاكلات البحرية الرهيبه
|
Post: #42
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 04:17 AM
Parent: #37
حبيبي نزار حسين انت منالرجال الذين يشار اليهم بالفخار والذوق الرفيع
بالله اغشي د معز وفي حاجه حلوه لازم يسمعك ليها لاني بثق في ذوقك العالي
|
Post: #43
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 04:20 AM
Parent: #36
ناديه شاعرة الجمال والصدق وبنت عمتي
عرفت انك ذاهبة للسودان ولابد من اهداء نسخه من جفل الرعد للحبيب عركي وتسلمي عليهو
كتيييييييير
وخلي بالك من نفسك فانت عزيزة جدا
|
Post: #41
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 04:14 AM
Parent: #35
ساره انت مثال للسودانية المثابرة الجادة وربنا يوفقك في كل مشاريعك
|
Post: #38
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: ايوب عبدالرحيم
Date: 10-29-2005, 03:41 AM
Parent: #1
الاستاذ الموسيقار الموصلي
اقدم لك كل تحياتي واشواقي ومودتي اللا محدودة
تداخلت معك هنا فقط لكي اوصل لك تحياتي
من شخص يحبك ويقدر كل الدرر الموسيقية التي قدمتها للفن السوداني
تحياتي واحترامي لك ولفنك
|
Post: #45
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 04:26 AM
Parent: #38
الحبيب ايوب
كما يغني ذكي عبد الكريم
(كان صبرايوب نحن فتناهو)
لك الود كله والاحترام وصدقني حبي للفن كالجبل الاشم وكان الله امد في العمر سوف يري الناس الكثير
|
Post: #46
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: waleedi399
Date: 10-29-2005, 04:31 AM
Parent: #38
مبروك .. مبروك .. مبروك يا الموصلي الوظيفة
انت تستحقها واهلها .. ربنا أديك خيرها ويكفيك شرها
وعلى قدر الشوق ما يمد مديت .. وعلى قدر غناوي الريد غنيت
|
Post: #47
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 04:36 AM
Parent: #46
ايها العريس
والله ده تكريم منك تزورني هنا وانت في اجمل حالاتك العسليه
ربنا يوفقك وبيت مال وعيال كمان وكمان وكمان
|
Post: #48
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: adil amin
Date: 10-29-2005, 05:39 AM
Parent: #1
الاخ العزيز يوسف الموصلي
تحية طيبة
ان اكثر ما يميز الشرق الاوسط,...هو اضاعة الحقوق...ولكن يا اخى يوسف اذا كنت تملك جواز امريكى...عليك دئما الاستفادة منه لان السفارة الامريكية والدولة الامريكية لا تترك رعاياها تضيع حقوقهم ابدا مهما كان...ما تحوم في الشرق الاوسط دون جواز امريكى..
وانت طيب وكلامك ده اثرنا جدا والفن رسالة سامية لا تقدر بثمن والمال بعد ذهب المال يكتسب..واقدم ليك اقتراح...يمكنك اللاقتراب من هوليود والاسهام في وضع الموسقى االتصويرية للافلام..واعتقد هذا اكثر متعة واثارة وليتك سمعت موسيقى تايتنك والراقص مع الذئاب...وسيسعد كل شعب السودان ان يكون هناك سوداني في هوليود وهذا هو التحدي وانت اهل له...
وكمان كان عندنا محاولات انا والاخ كوستاوي بادخال موسيقى على الشعر والقصص القصيرة التي نكتبها ويكتبها الاخوان هنا...(بوست قطار الشمال الاخير)...وقد نالت اعجاب الناس هنا...
وابدا معاك بالقصة دي
.........نوستالجيا.........
الان في قصة في اللنك ده عايزك تضع لهيا موسيقى تصورية لنري راي الاخوان في ذلك
|
Post: #49
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Hussein Mallasi
Date: 10-29-2005, 05:50 AM
Parent: #48
| Quote: اتي طلاب من الاسكندرية طالبين حفل غنائي بالاستاذ وردي وشخصي |
خجلتونا يا ناس طب !
غايتو لو ينفع يا موصلي كان اقول ليك امسحها لي في وشي.
|
Post: #52
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 06:55 AM
Parent: #49
ملاس اللذيذ اظنك كنت حاضر ها ها ها
شفت الحاجات دي بتطلع ولو بعد حين
اها دحين عشان خاطرك عافي منهم لله والرسول
وعوجه مافي تب
مودتي
|
Post: #50
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 06:50 AM
Parent: #48
الحبيب عادل امين
والله كلامك زين ولكن حقيقة الامر بالنسبة للتسجيلات لم يكن هنالك تقصير
من الجهات التي تم فيها التسجيل بالعكس فقد رحبو بي ايما ترحاب بل ان مسئول الموسيقي
في اذاعة الدوحة علي سبيل المثال لا الحصر واسمه عبد العزيز ناصر قد ابدي اعجابه غيرا المحدود باغنياتي
وموسيقاي خصوصا طفل العالم الثالث وابدي دهشته من كون انها لم تصور كفيديو كليب وخجلت ان اشكو له قلة الحيلة
فكرتك والعزيز كوستاوي رائعه وانا بالفعل شغال في تاليف اعمال للوحات الفنانة الدكتوره وفاء مكي عضو المجلس الثقافي بدبي
وساراجع بوستك والفكره رائعه اما فكرة الموسيقي التصويرية فقد درست جزء منها وساواصل الموضوع وقريب جدا من هوليوود
اركز الان علي سيمفونية النيل.
محبتي
|
Post: #51
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: ودقاسم
Date: 10-29-2005, 06:55 AM
Parent: #1
موصلي
بالرغم من أنك لم تصلنا في السعودية إلا أننا ظللنا نتابع رحلتك باهتمام كبير ،،،
وددت أن يجد أمثالك من الموهوبين والمبدعين مساحة بالوطن ، لكنه الوضع المائل الذي قذف بنا جميعا خارج الحدود وجعلنا نلهث خلف لقمة العيش .. سنظل نبث الشكوى إلى المولى عز وجل بأن ينتقم من كل الذين أحالوا الوطن جحيما طاردا ،
وربنا يوفقك ، وتحياتي ...
|
Post: #53
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 06:59 AM
Parent: #51
امييييييييييييييييييييييييين ياود قاسم يسمع منك يااارب
بالله انا كنت بدرس في معهد الموسيقي وبدرس في الخرطوم العالميه وبغني حفلة مسرح واحده في الشهر
وحفلة عرس واحده عي الاقل بالاضافة للاذاعة والتلفزيون اها احسبها
ربنا يجازي الكان سبب
ان شاء الله زيارتي القدمة لكم اولا
محبتي
|
Post: #54
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-29-2005, 06:03 PM
Parent: #53
محبتي لكل من شارك هنا
|
Post: #55
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: بدرالدين شنا
Date: 10-29-2005, 11:48 PM
Parent: #1
الغالي حد الوصف موصلي
سلام ورمضان كريم والله أكرم وأنا أكثر شوقاً لرؤيتك وأكثر فرحاً بحصولك على وظيفة شريفة تعينك في مشوار أسرتك وإبداعك وربنا يهدي من ظلمك
يا موصلي مين ظلمك وما حس بي المك يا..
لك حبي
|
Post: #56
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-30-2005, 06:13 AM
Parent: #55
حبيبي بدر الدين حلاه
بالله بلغ سلامي لكل السودانيين في عمان
خصوصا
الثنائي دالي ويوسف الحبوب والكروي الفذ التاج محجوب وكل الاحبه
وقل لهم جمايلكم في عيونا وقلوبنا
|
Post: #57
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: ترهاقا
Date: 10-30-2005, 10:59 AM
Parent: #56
اخوى يوسف
اولا مبروك الوظيفة ، وما عندنا شيء نقوله غير الجاتك
فى مالك المرة ومرات كتيرة خلت سامحتك وتخيل تانى برضك حتمشى تقع
فى موضوع الثقة الزايدة دى مرة تانية وارجو غير ذلك
وعيد سعيد للاسرة الكريمة وكل الزملاء فى ارض الاحلام
|
Post: #58
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-30-2005, 02:31 PM
Parent: #57
التوووووووووووووووووبه
لي
حبووووووووووووووووووبه
سلم علي المدام والشاب المشاكس الفي الصوره دي
ومحبتي
بعدين ماجبت لينا اسماء الفائزين
|
Post: #59
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: مريم بنت الحسين
Date: 10-30-2005, 02:41 PM
Parent: #1
عمو موصلي تحياتي.. وكل عام وانت بخير... وجميع العائلة بالصحة والسلامة..
قبل حرب العراق الماضية وفي ظل تلك اللخبطه والتهديدات الأمريكية.. اطلق العاهل الأردني الحالي، الملك عبدالله، أطلق شعار وسوّق له بقوة في الشارع الأردني .. كان الشعار يقول "الأردن أولاً"... على الرغم من الانتقاد الذي لاقاه هذا الشعار إلا أنه عاد بالنفع على الشعب الأردني... لدرجة لا يعرفها إلا أهله البسطاء...
دعني الآن أقول معك.. الموصلي أولاً... وأحييك على أنك أعطيت .. ووقفت كي تعطي نفسك.. فلها عليك حق...
لك تقديري وتحياتي
بنت الحسين
|
Post: #60
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-30-2005, 02:50 PM
Parent: #59
مريم (بتي)
بالله هسع انتي بتي ولا امي
الله يديك العافيه
|
Post: #61
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: yumna guta
Date: 10-30-2005, 04:50 PM
Parent: #60
استاذ موصلى سلامات و كل سنة و انت طيب
الحقيقة الواحد يحزن كتير لما يسمع مثل الحكايات دى و لا املك الا ان اردد ما قاله اخونا عبد المنعم
Quote: الانسان الفنان
الموصلى
سيعوضك الله خيرا..ايها النبيل
فنك الراقى..وعطاءك الثر
يقودانك من نجاح الى نجاح
قلوبنا معك ياصديقى الجميل |
|
Post: #62
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-30-2005, 04:51 PM
Parent: #61
كل عقده وليها حلال يايمني
بس طلتك دي بي الدنيا بس وين هاله كمان
|
Post: #63
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: مبيوع
Date: 10-31-2005, 00:45 AM
Parent: #1
استاذى الموصلى
دعنى استبشر بزعامتكم لحركة تحرير
الفنان الانسان وانت اهل لها
ولكن رصيدك من محبة الناس اغلى واكبر
لا تحزن ياأستاذى فكلنا تلاميذ فى مدرسة
الحياه وليتنا نعى الدروس
سعدت ايما سعاده لوظيفتك الجديده وانت اهل
لاكبر منها لكننى اكبر الخاسرين لافتقادى اخ اكبر
وصديق له مكانةفىقلبى لاتدانيها مكانه
سنظل على العهد مهما بعدت المسافات فقلوبنا
قاب قوسين
مبروك لسيمفونية النيل فقد دنا قطافها
|
Post: #67
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-31-2005, 09:59 PM
Parent: #63
الحبيب ياسر
طرقت هذا المساء باب منزلك بحذر فوجدتك نائما عدت الي منزلي وفتحت هذا البورد فوجدتك صاحيا وواعيا
لما يدور في الكواليس وماخلفها
لك المودة وبيني مابينك دموع القمره بتحن للرجوع
|
Post: #64
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: مريم بنت الحسين
Date: 10-31-2005, 04:04 AM
Parent: #1
Quote: مريم (بتي)
بالله هسع انتي بتي ولا امي
الله يديك العافيه |
عمو الموصلي.. عندك فرصة لتغيير اللقب بتاع "عمو" ده.. لكن انا والله بفضّله جداً...
بنت الحسين
|
Post: #65
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: saif basheer
Date: 10-31-2005, 04:34 AM
Parent: #64
صديقي العزيز:
دعني أستعير جملة من حديث المرهف مبيوع: "وانت اهل لها
ولكن رصيدك من محبة الناس اغلى واكبر
لا تحزن ياأستاذى فكلنا تلاميذ فى مدرسة
الحياه"..
حقيقة نتمنى لك كل التوفيق... هناء وراحة البال في تقديري من أهم إحتياجات فنان مبدع مثلك...
تحيات... وكل سنة وانت والأسرة طيبين "مقدماً"
سيف بشير
|
Post: #66
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: rani
Date: 10-31-2005, 08:34 PM
Parent: #65
حتي عضبكـ نبيل
.
.
لك حبي
|
Post: #70
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-31-2005, 10:02 PM
Parent: #66
راني حفظكم الله ايها الجيل الجديد المشرئب الي العلا
|
Post: #69
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-31-2005, 10:01 PM
Parent: #65
هذه الصورة انما تذكرني بالشحرورات وامهن وذلك الاب الشهم احبكم جميعا وبلا ترتيب
|
Post: #68
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 10-31-2005, 10:00 PM
Parent: #64
موافق يابت اخوي
الحبووووووووووبه
|
Post: #72
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: mekki
Date: 11-08-2005, 00:58 AM
Parent: #1
الأستاذ المحترم الموصلى...يعنى إنتظارنا بالعوده سوف يطول؟!
لا بأس يا عزيزى
فمسألة اللجوء للفِرِنجه قد مثلت-وعبر تاريخنا الطويل- حلاً معقولاً حينما تهجم علينا حكوماتنا بلا شفقه أو حتى رحمه..!
ليس بيدى شئ سوى أن أزجى اليك التهانى العطره بالوظيفه الجديده
وإن عجزنا عن التواصل (المباشر) فلا غضاضه من الإستفاده من تكنولوجيا الغرب...
نطمع فى المزيد من أغانى الحقيببه (المُشَهَله) بالتوزيع الجميل والحديث
تحياتى مرةً أخرى
|
Post: #73
Title: Re: يا الهي الحمد لك فقد كفيتني شر الحاجة وشر احتراف الموسيقي في بلادي
Author: Elmosley
Date: 11-08-2005, 05:54 AM
Parent: #72
الحبيب مكي كل سنه وانت طيب
مصادفه هذه الايام اوزع اغنياتي الجديدة (لنج)
وكلما افرغ من اغنيه اوزع واحدة حقيبية واضعا اعتبارا كبيرا للاصل
مع الباسه ما امكن من ثمين الحلي
مودتي وترقب
|
|