نويت عليها الحنها واقدمها في اقرب احتفال سيعلن قريبا يا حميد

الساعة الان
الخامسه والربع عز الفجر وانا اطالع بوست
المواقع الرائع للصديق البعيو قوجدت موقع فيه اشعار صديقي المبدع حميد
قرات قصائد رائعه ومنها قصيدة عروس الطين التي لحنتها فورا
وبسهولة غير عاديه كلحن كروكي اولي
نسبة لسهولتها الممتنعه وانسيابها وتوافقها مع الظرف الذي يعيشه شعبنا المكافح
وسيكون اللحن سهلا ليردده الجميع ان شاء الله
وفي احتفال سيعلن عليكم تاريخه قريبا
اتعشم ان استطيع ارسال اللحن للاعزاء هاديه طلسم وعلي السقيد وامال طلسم وهم من المشاركين فيه مع ماهر تاج السر وياسر واخرين
انتظروا المفاجاة وعايزين رايكم
تسلم اخي وحبيبي حميد

Quote: عروس الطين بيني وبين النهر ضحايا وكم من قتلة ونصّابين وقدر الغيم اللمّا سمايا .... شالوا الريح وبي حُمرة عين حبل البئر ودلوها منتّف ... وحارساتنها دابيين ريقي دقيق .. والخطوِ مكتّف ما بين كهنة وربّاطين وانا ناذرلِكْ ، كان أسقيكِ وترجعي طيبة عروس الطين ويرجع عصب العشم الفيكِ ... وزي ما كان من قبل سنين يا ترقوة الحلم الزّامِكْ .. ما أقواك على السكّين !!! لما غِشَاكِ الصيف الحارق ... حتحتيهو الصفق الأصفرْ والنوّار اليا دوب مارِق ... علمتيهو تمُام ينضرضرْ !!! فرعك عِز الزّمن الزانق ... عاهد ليفك وابى مِنْ يكبْر شان ما يبقى حُراب ومشانق .. واللاّ مطارق في ايد العسكرْ !!!! وشان الساق الناجرو الخالق .. ساترو لحاهو ... يفضِّل أخضرْ روّضتيها جذورك ترحل تالا الموية التحت الأرضْ وفوق الزمن الريحي الأمحل .. كيف تنماسك وتسند بعضْ ما كان عَرضِك الا الطُّول .. لا كان طولِك غير العرضْ وين بالساهلة يفرِّط زولِك واللاّ يفوت المال والعِرْضْ ؟؟؟؟ قال طيراً نفد بي حِنّو ... لى جملة عَقابو يغنوا : يا أكباد الرفاق لا تئنو !! طرِّقوا لى المناقير سِنّو !! شن طعم العرق والدم واحنا عوجنا ما عدلنو ؟؟ هِبّن يا طيور من جم .... رخمتين فوق صقر كتلنو حُلماً زانو ليك كابوس ... وراجنبو الليالي يصِنّو والوعد المشتت روس ..... وكاويق شِنْ بترْجِن منو ؟؟ وما بتنغشّن ... حاشا وحاشا وما بتنكسرن .. أي والله !! وما بتندلّن لي حباية ودود معقود في شبك الباشا وكم هبّرتِنْ شركو وطِرتَنْ لي قندولكِن في الحواشة وقلتِن شارق فجراً حارق وكل الوخم الزيف يتلاشى وتنفض طيبة غبارا العالق وتقبض نسمة خير ودعاشة وبيني وبين النهر ضحايا وكمين قتلة ونصابين وقدر الغيم اللمّا سمايا .. شالو الريح وبي حمرة عين[/

B]

مبدعنا الموصلي
ونحن في انتظار النص ملحن وموزع واكيد حيكون رائع كما عهدناك دائما

كلي شوق وانتظار
ولك الود

تنقو

اعاهدك يا عمك تنقو
تسمع قريب باذن الله

رائعنا الموصلي
هكذا عهدناك موزعا وملحنا ومغنيا لاعذب الالحان ونحن في انتظار هذه الانامل وهي تمسك بريشة العود حتى تكمل لحنا بدأته ولا شك في انه روعه طالما انه منك يا موصلي
دومت دوما في قمة التفرد










ــــــ......ــــــ......ــــــ
وانظر لا ارى بدرا *** فانت الليلة البدر

عزيزي عادل
تشجيعكم لنا يزيد من عزمنا ويشعل فينا روح الابداع

يديك العافية يا استاذنا
طبعا حيكون اجمل لحن لاحلى كلام
وانشاء الله قريب
وفي يوما في بالي وبالك وما هوبعيد

والله حرقتني في حشاي يافتحي
لن ابالي وساغني
تسلم

يديك العافية يا استاذنا
طبعا حيكون اجمل لحن لاحلى كلام
وانشاء الله قريب
وفي يوما في بالي وبالك وما هوبعيد

فتحي بالله كلم حميد واديه الخبر وجيب منو الاذن
الراجل الحبوب

صباحك قشطة يا استاذ في انتظار لحن الفجراوي

وانت كمان صاحي يا ابو معاويه
اكيد بتعمل في حاجه انا عارف فنانين ال2باح الباكر عندهم وغوشه

استاذنا الموصلى حبنا لاعمالك لم تغيره السنين ولا المسافات البعيده اختيار ولا احسن من كده ومع شغلك حتكون عندنا حاجه مشبعه
الله يرد غربتكم

الفضل يرجع لله من قبل ومن بعد ولبوستك الجميل يالبعيو
قعدت اقب في المواقع ويبدو انو حنلقي فيه الكثير المثير
تسلم

يديك العافيه استاذنا الموصلي ..

بس ياربي الاحتفال دا حا يكون وين ؟؟؟؟؟؟؟؟؟؟؟

ونحن الفي السودان ديل حا يصلنا كيف؟؟؟؟؟؟؟؟؟

ان شاء الله الاعلان عنو حيكون يوم السبت القادم والتسجيل حننزلو ليكم هنا وتسلمو وكان ربنا هون نجيكم هناك ونقولو مع نسمات الحريه وشعاع شمسها الضاوي

ننظره لحناً نطرب له وننسى معه مرارتها هذه الغربة يا أستاذنا الموصلي

الكلمات أكثر من رائعة وحق لنا عليك أن نتوقع منك ماهو يضاهيها حلاوة من نغم

وانتم تستحقون اكثر من ذلك يابنت النيل مع تحياتي لعزيزي عزيز والاولاد الحلوين

العزيز .....موصلي
خالص التحايا
ما اجملك وانت تكسر حاجز صمتنا بلحن جديد عمل من كلام حميد ولحن الموصلي اكيد حيكون رائع لكن ما حنحمو عليهو الا بعد ما نسمعو ويا ريت يا موصلي تشوف قصيدة اتيقنت من تالاك لحميد ايضاً فهي من القصائد الجميلة الما لقت حظها من التلحين سوى بعض المحاولات من صديق احمد وعاطف أنيس وعندي ليك بعض الملاحظات في قصيدة عروس الطين
في كلمات مكتوبة خطأوهاك تصحيحها

ريقي دقيق .. والخطوِ مكتّف

ما بين كهنة وربّاطين

وانا ناذرلِكْ ، كان ( شان ) أسقيكِ

وترجعي طيبة عروس الطين

الكلمة الصحيحة شان اسقيك وبرضو في المقطع الجاي ده

لما غِشَاكِ الصيف الحارق ...

حتحتيهو الصفق الأصفرْ

والنوّار اليا دوب مارِق ...

علمتيهو تمُام ينضرضرْ !!!

فرعك عِز الزّمن الزانق ...

عاهد ليفك وابى من ( مِاْ) يكبْر

من يكبر والصاح ما يكبر

ولك كل الود

ياسلام ياعزيزي الليندي
تحياتي لك واعتزازي بايضاحاتك الجميله وياريت لو ارسلت لي
قصيدة اتيقنت من تالاك علي المسنجر
لك محبتي الخالصه

قصائد حميد موجوده في هذا اللنك

الاستاذ الموصلي ابو النسب

اجمل خبر اسمعه فى الفترة الآخيرة كونك تريد ان تغني للفتي المذهل حميد (وتلاقت قمم يامرحي) حميد شاعر قل ان يجود الزمان بمثله وكان للراحل مصطفي سيد احمد دور كبير في شهرة حميد بغنائه لعدد من اعمالة واتمني ان تواصل انت مسيرة الراحل وتتناول اعمال حميد بالغناء والتلحين وكما يقولون سيكون لقاء السحاب
خلال ايام ساكون فى السودان وساكون شبه مقيم مع حميد في نوري وساطلب منه التواصل معك والتنسيق وهذا الامر اتركه لى
تحياتي للابن خطيب يسرا

شكرًا بصدق للعزيز الموصلي ولبوصلته الفنيه تجاه قضايا شعبنا ووجدانه السليم فنان ما زاده الاغتراب الا جمالا وكمالا شكرًا ايها النقي

الحبيب بن بن مداخلتك تحمل معها طيب المغاني وعميق المعاني
فلك الود

العزيز ابو يسرا لك جميل المحبه
حميد صديق عزيز
وقد غنيت له في دبابه/ وسفاح/ وفي احدي الجزائر/ وياجمره
وهومناضل جسور تستحق كل ابداعاته ان تغني ولي عظيم الشرف بالتغني لهذا الشريف العفيف
بالله بلغه تحياتي
وسلامي لعروس ولدي وبت بلدي يسرا

Hi Mosily
I hope that. hawever , we are waiting
abuobaida

لى قدام
يا استاذ
ولى عوده

العزيز
الموصلى لك الود ايها الراقى
ادبا وفنا
حميد من حداة الركب
له المحبة والتجلة
وفى انتظار شدوك الجميل
فانت من رموز وطن خلاق
نتمنى ان تستمر
هذه الثنائية
لتتعلم الاجيال معنى
العشق لهذا الوطن الشامخ
تسلم ولك مودتى

وليه لا عزيزي منعم فحميد شخصيه تتمني ان ترافقها العمر كله

العزيز
الموصلى لك الود ايها الراقى
ادبا وفنا
حميد من حداة الركب
له المحبة والتجلة
وفى انتظار شدوك الجميل
فانت من رموز وطن خلاق
نتمنى ان تستمر
هذه الثنائية
لتتعلم الاجيال معنى
العشق لهذا الوطن الشامخ
تسلم ولك مودتى

تسلم ايها الشفيف وفي انتظار عودتك
تسلم ياحمزه

عزيزي ابو عبيده الماحي
انه لمن دواعي فخري ان تكونوا في انتظار هذا العمل

لعلكم طبيتو في حميد يا اخوانا

سلامات
اديناك اضنينا وباقي الحب الفي عينينا
وشيلناك النغمة الحلوة لي بهاء الشدو وحاتك استنينا
استنينا حنينك ولفحة نفس الشعر الراقي يفوح لو غنينا
حميد الطيب يشهق ويشرب كاس الحرقة المرة عشان يفرهد لينا
يلا كمل حلم الدنيا الفيكم وبينا ورتب ايقاعاتك الدافية حنينا
..........
الحبيب الموصلي
قديما وجدت زهرة بيضاء لها عبقا فرايحي جميل ورونقا زاهي يشده الرائي او الذي يشم
تري هل سمعت بكائن اصابه عبقا الغناء بحمي التنفس الحميم فااضحي يسمع ويخرج شيئا من رحيق زهراته القاصيات في حشاشة الروح فيسرق الكون الذي حوله ليحيله بهاءا ابدي اصله كلمة لطيفة ونوتة خرجت من صلب ذاكرة فنان
حميد كان الزهرة البيضاء وانت من سيخرج رحيقي الذي اشتهيه لنفسي فبين هاتين -الزهرة البيضاء حميد والنغم المموثق ياانت- يؤلمني الانتظار
تري هل سنلتقي يوما
حلمي ان اكون في مدينة اسكن انا ناصيتها ويسكن داخلي البقية من من يملكون النواصي فدواخلي سبب دائي لذا حملتهم فيها علها تشفي سقمي وتسد رمق اشتياقاتي
الي الان مازلت انبض بخفوت
ليته لايتوقف نبضي كي ما التقي كل احبابي
عذرا موصلي
لك الحضور ويوانع الورود

انت ياعزيزي ود رمليه تمتلك ناصية الحس المرهف
وحس لما يطلع بكون شايل في ايدو اجمل الزهور
تسلم

أستاذنا الموصلي ربنا يديك العافية ويوفقك في تقديم روائع شعرائنا لهذا الشعب الرائع يا رااااااااااااااااااااائـــــــــع

ارجو منك تكتب لي اسم الموقع لانو قدر ما فتشت عليهو ما لقيتو .. وتسلم لنا

ومين يقدر يطول ما يستجيب لي طلبك العزيز يا ابو طويله
بجيك تاني

اها هاك يا ابو طويله
http://www.geocities.com/alneel_s/p.htm

استاذى موصلى
ونحن نتعثر الخطى
فى قعر الهاويه
نرنو دوما الى القمم
علها ترسل حبل النجاه

ترنم ارسل لحنك الصارخ
فى وجه الظلم
وتفاءل فان ذاك اليوم
اقرب مما يظنه فتحى

اخي الحبيب مبيوع
اقرب مما يظن فتحي البحيري
لا كان كدي دي لقرب من حبل الوريد
تسلم

لك ودى
نتمنى ان نسمعها فى القريب العاجل.. وهل من قصائد اخرى ستلحنها للقدال
عثمان عابدين

عثمان عابدين البنعرفو ولا وحدا تاني
عموما الفرح شديد بي قدومك
والقدال في السكه كمان

عثمان عابدين ذاتو يا موصلى لك ودى وبينا ايميلات ان شاء الكريم

عثمان عابدين ياهو ذاتو يا موصلى
بينا ايميلات ان شاء الكريم ..اقرا قصصى القصيرة فى البورد وورينى رايك
عثمان عابدين

والله حاجه تفرح ياعثمان
اكيد حنتقابل ياود عابدين

القدير الموصلى:
نجهز خلاص يعنى؟

بالحيل يا اسامه

بالحيل يا اسامه وبكل فخر
تسلم

ود عمى

يديك العافية ويخليييييييييييييك يارب

تسلم

ويخليكي انت كمان يابت العم ويحفظك
من كل شر ويديك من خيرو كمان وكمان
مع شكري والامتنان

الأخ الفنان الموصلي
لك التحايا
سبق للأخ الملحن الموهوب عبد العظيم منصور أن لحن هذه القصيدة وهي عندي قي شريط كاسيت سأحاول أن انزلها فقط لابداء الرأي حولها من جمهرة الفنانين معنا في البورد ربما لا استطيع ذلك قبل اسبوع لأنني خارج طوكيو هذه الأيام
هل لك أي وصية لأهلك في الصحافة مربع 25 ؟؟؟؟
بعد ثلاثة أيام سأكون في الخرطوم بإذن الله

سلامات
لك القيثارة ولنا ادب الاستماع

وليكم المحبة والاحترام يا ود رمليه

العزيز ديامي ياريت تنزلها لينا ونسمع صوتو كمان لك الود

عميدنا.....التحيه والتقدير....

لك الود ياسمير علي اعادة هذا النص الجميل

استاذنا الجميل
كدا نكون موعدين بابداع نهائي
شعر حميد والحانك
والله من هسي امشي ازرع لي اضانين زيادة

اضنينك اريتهن اضين السرور وسمعهن راقي تب ياجندريه وليك علي

نعم الأختيار و نعم الابداع .. نحن فى الأنتظار بفارغ الصبر

ندى

ندي
شرفتي البوست
وما بتاخر عليكم باذن الكريم

يا أكباد الرفاق لا تئنو !!

طرِّقوا لى المناقير سِنّو !!



شن طعم العرق والدم

واحنا عوجنا ما عدلنو ؟؟

هِبّن يا طيور من جم ....

رخمتين فوق صقر كتلنو

حُلماً زانو ليك كابوس ...

وراجنبو الليالي يصِنّو

والوعد المشتت روس .....

وكاويق شِنْ بترْجِن منو ؟؟



وما بتنغشّن ... حاشا وحاشا

وما بتنكسرن .. أي والله !!

وما بتندلّن لي حباية

ودود معقود في شبك الباشا

وكم هبّرتِنْ شركو وطِرتَنْ

لي قندولكِن في الحواشة

وقلتِن شارق

فجراً حارق


عزيزنا الموصلي
اختيارك ابلغ رد علي الدكتور كاتب المقال ادناه
لانو وارد جدا في هوجة تفائلنا القتلة والنصابين يركبوا معانا قطر السلام وكان ماعرفونا بنطرب كيف احتمال يغنوا لينا اغانيهم ويقولوا تم ذلك برضانا وبذلك علي اليقظة السلام
ودمتم ياطروب


* في تلك الليلة من نوفمبر احتشد المئات من شباب وشابات الخرطوم ليستمعوا للأستاذ/ محمد الحسن سالم حميد. وقد لبى هؤلاء دعوة منتدى المشاهد الثقافي وهم مهمومون بقضايا الأرض ومدفوعون بالأحلام المشروعة، الحلم بوطن آمن يتساوى فيه الجميع دون التفات لعرق أو دين أو انتماء.
* بدأ الأستاذ/ حميد حديثه بعذوبة لا تنافسها ألا عذوبة مياه النيل. وفي قصيدة مطولة شرح ما حاق بالوطن من تخريب ودمار وما مورس تجاه موارده من لصوصية ونهب.
* وبالرغم من يقيني بأن لا شئ يأتي بالأماني، إلا إنني كنت وفي دخيلة نفسي أتمنى أن يتناول شاعرنا قضية الساعة والصرعة التي انتابت كل أوصال الوطن ألا وهي قضية السلام.
* أن يتناولها ليس كمطبل لسلام زائف، بل كمبشر بسلام حقيقي وكمحذر من كل المؤامرات التي يمكن أن تمرر عبر هذا الشعار. وأن يسّوق لمزايا السلام وثقافته.
* عوضاً عن ذلك خاطب شاعرنا جمهوره بمنطق يقود فيما لو أتبع لذات الهدف الذي ساقه ويسوقه الإسلاميون «أو ترق كل الدماء». قال شاعرنا أن ما أخذ بالدم لا يسترجع ألا بالدم. ويختم إحدى قصائده بأن ما نحتاجه إلى جانب الفكرة هو البندقية!!
* يعرف شاعرنا جيداً أن حمامات الدم والبنادق قد جربت ولزمن طويل، فلم تقد ألا لوطن ممزق وشعب محبط وخراب بائن.
* ويعرف شاعرنا يقيناً أن خراب قرى الشمال ما هو ألا صدى لما تفعله البنادق في جنوب البلاد
* إذا كان شاعرنا وجمهوره الذي صفق له، إذا كانوا مدفوعين بضغائن وغبن مما مورس تجاهنا جميعا،ً فإن السبيل الأوحد لتسوية تلك الأوضاع حتما ليس هو البندقية. وإنما التأسيس لنظام يراعي حقوق الإنسان ويتخذ الديمقراطية منهجاً للحكم ويبنى قضاءً مستقلاً تتم عبره معالجة كل المظالم. وخصوصاً تلك الجرائم التي لا تسقط بالتقادم. وقد قدمت لنا الإنسانية أروع مثال حينما ظلت تطارد وإلى عهد قريب مجرمي النازية وتقدمهم للعدالة.
* لقد أرهق هذا الشعب بسبب الحروب المحلية. ولقد قدمت كل الأسر ثمناً باهظاً لهذا الصراع المرير. وقد آن لهذا الشعب أن يستريح وان ينعم بموارده.
* ولقد آن للمثقفين في بلادي أن يخوضوا معركة السلام. ولأن أعداء السلام يتراصون يومياً لتعطيل المسيرة القاصدة نحو بناء ثقافة السلام والتي تقود وبالضرورة لمؤسسات راسخة حديثة و حقيقية بلا زيف، فإن مسؤولية المثقف مضاعفة أقلها إلقاء الضوء على مزايا السلام وفظائع الحرب.
* وسيحاول أعداء السلام الحقيقي أما قطع الطريق إمامه وأما إفراغه من محتواه. وسيكون السلام بلا محتوى إذا لم يعبر عن طموحات الشعب وكافة أحزابه دون إقصاء أو عزل.
* حين يعود السلام ويعم ربوع البلاد، ستنعم قرى الشمال البائسة بنماء ورقي لا يستثني الغرب والشرق والجنوب. وعندها سيغنى شعراؤنا أهزوجة الوطن الموحد. ولن يغرد أي منهم خارج السرب.
د/ محمد بابكر

لكنو ما بالغ يا عمده اها انا هسع متحمس اكتر

تحياتي الشاهقة .. يا أستاذ موصلي

عندما يكون الإبداع هو الشغل الشاغل لكم .. وعندما تتلاقى هذه القمم (يا مرحى) فبدون شك تتلون كل السماء والمساحات التي ألفناها ولم نألفهابهذا الإبداع الهائل .. الذي نحتاجه ونحتاجه لتحريك مشاعرنا الموات ..

فقد قمت بالإتصال ب (حميد) في السودان .. وأخبرته بفرحتي بأن الموصلي سيقوم بتلحين (عروس الطين) .. فما كان منه إلا أن قال بالحرف الواحد (قول للموصلي لو داير نعقد لك على عروس الطين عقدنالك عليها) .. فهنيئاً لنا جميعا هذا الود ..

سأقوم بإرسال تليفون حميد عبر الإيميل ..


فلك التحية شاهقة .. والود المقيم .. وفي إنتظار عروس الطين..


نجم الدين علي حسن

العزيز نجم الدين
بما ان لك علاقه شخصيه بالمبدع حميد لى إستفسار لماذا لا يريد هذا الرائع بنشر اعماله الكامله بديوان شعر حيث ان اغلب اعماله منزله من اشرطه كاسيت ونجد انفسنا نختلف فى بعض المفردات العاميه التى لن يدركها الا حميد هل لدى حميد رأى فى مسأله نشر ديوانه نكون من الشاكرين اذا إستفسرت مبدعنا نيابه عنا ولك مودتى

ياسلام يانجم الدين والله دي اجمل هديه في رمضان
منك ومن حميد الانسان
وقول ليهو عرسوكم لانها بت قبايل قاعده في القلب والعين والخاطر وكل الحنايا
بالله سلم لي عليهو
وبلغ اشتياقي الزايد وحبي ليهو
ولو رسلت لي تلفونو يكون فعلا رائع والله
مع حبي

نعم الأختيار و نعم الابداع .. نحن فى الأنتظار بفارغ الصبر

سلام ياموصلى

وفى إنتظار اللحن


أنور سيد أحمد ( مروارتى)

ياانور سيد احمد
مروارتي عديل كده لالا لا
دي دايره ليها ماسنجر ياقريبي

قريب جدا عندي اجتزه وان شاء الله اسجلها بطريقه احترافيه وانزلها ليكم في البورد
تسلم ياود العوني

جميعنا فى انتظار هذا العرس يا اساتذه

ويا مرحى لنا