انظـــروا لهذا القصر المنيف لاحدى شقيقات السفاح البشير بحي كافوري؟؟

هذه الصور الثلاث وصلتنا اليوم بجهد مقدر من مجموعة من الشرفاء والموجوعين بداخل الوطن استجابوا للبوست الخاص السابق الذي رفعناه لمتابعة ملف الفساد الخاص باسرة الرئيس السفاح البشير وهذه الصور لثلاث لقطات متنوعة لقصر من قصور احدى شقيقات السفاح بحي كافوري بالخرطوم بحـــــــري ونترك التعليق للسادة المشاهدين ولي قدام لفضح مزيد من مضارب الفساد.

هشام يا خوى !!! الصوره ابت !!! الجماعه ديل ( بركوا ) ليك فكى و لا شنو !!!!

يا دكتور عبد الماجد

مساك الله بالخير

يا خوي الصور واضحة تب عنـــــدي الا اكون كمبيوترك انت مبركين ليهو الفقراء


ويا جماعة كان الشغلانية واضحــــــــة واحد اقول لينا عوووك؟؟

محبتي واحترامي

يا حسن النور يا ناس استراليا

صباح الخير

ان شاء الله واضحة الصورة وتحياتنا لشباب استراليا

محبتي

العزيز هبانى تحياتى.
زى ما قال ليك الاخ عبدالماجد الصور ما واضحة,اسرع ياخوى
شوف ليك علاج للموضوع دا .

يا فيصل اخوي

صباح الخير



اها ان شاء الله واضحــــــــــــــة؟؟

هشام هباني :
يا أخوي سيبني من الشرفاء والعظماء واللقطاء بتاعنك ديل وهاك الأكيدة عشان ما تشيل حس الناس وتبهتهم بالباطل ساي ...
البيت الظاهر في الصورة ده سيدو مغترب في السعودية ليهو عشرين سنة وبناهو بي عرق جبينو وطوبة طوبة والبيت لسو ما أكتمل فبالله العظيم انسانا منك وحاول ركز في التاكسي بتاعك ده إحتمال بعد عشرين سنة تقفل ليك طابق !!!!
وده الفرق بين مغترب السعودية ومغترب أمريكا ل..لأنو مغترب أمريكا والله يقعد خمسين سنة الشجر الجمب البيت ده ما يعملا خليك من الطوابق ...
بالمناسبة البشير أخواتو متزوجين ناس مالين مركزهم من قبل ما البشير يبقا رئيس ..
واحد مهندس والتاني مقاول كبير من قبل الإنقاذ ...
أها كان داير الأكيدة تعال لي وسيبك من الشرفاء بتاعنك ديل ..

هشام هباني

عقبال عندك

Quote: بالمناسبة البشير أخواتو متزوجين ناس مالين مركزهم من قبل ما البشير يبقا رئيس .. واحد مهندس والتاني مقاول كبير من قبل الإنقاذ ...

عمر الفاروق
بالله ممكن تقول لينا المقاول الكبير دا إسمو منو...

وما هي علاقته بمركز صحي كوبر والذي سيتحول الآن لمستشفى

Quote: مركز صحي كوبر سيتحول الآن لمستشفى

مكسب برضو !!

Quote: مكسب برضو !!

علي محمد علي بشير
نعم مكسب
ولكن هل سألت نفسك كم أكل الحرامية والسماسرة من وراء هذا المكسب.

طيب يا أخونا عمر الفاروق

أوعدك أنا بصور لبيوت أخوان عمر البشير و إنشاء الله نشوف ردك على الموضوع دا

أها ديلا كمان من عرق جبينم

واحد منهم لواء في السلاح الطبي

و التاني رئيس مجلس إدارة شركة بتروهيلب

و هي شركة تابعة للتصنيع الحربي

و التالت والله ما عارفو شغال شنو لكن نجيب لييك الصور إنشاء الله

و قريباً جداً و لو ربنا وفقنا نجيب ليكم صورة بيت علي عثمان محمدطه

إسماعيل وراق :
أها يا أخوي هاك الأكيدة والمعلومات العايز تعرفها ..
المقاول إسمو نور الدائم والراجل عندو شركة إسمها شركة زارا ..
موضوع المستشفى العايز تعرفو إنو المستشفى منحة من البنك الإسلامي بجدة لمنظمة معارج الخيرية ..
تم طرح مناقصة معلنة في الجرايد لبناء المستشفى تقدم لها كل من شركة النصر وشركة ساس بلإضافة لشركة زارا ..
تم فتح المظاريف في المناقصة بوجود جميع مناديب الشركات (يعني بدون لف ودوران ) والعطاء وقع لي شركة زارا المالكها نور الدائم ..
وبالمناسبة الراجل شركتو شغالة بناء لي الفلل والعمارات وبيوت المغتربين أكتر من شغلها البتعتبر إنت إنو حكومي ..
أها المغتربين ديل برضو في مناقصات ؟؟؟؟ ولو عايز الأكيدة والأرقام الراجل حالياً ماسك أكتر من 20 فيلا لمغترب !!!!!!!!
بالمناسبة يا إسماعيل وراق إنتو ليه بتعتقدو إنو الناس ملايكة ؟؟؟ يعني بالله عليك يا إسماعيل يا وراق لو كانت أختك متزوجة ليها مقاول وعندو شركة وجات فرصة لي بناء مقر بالله عليك أول حاجة كنت حا تفكر في منو ؟؟؟؟ طبعاً ما عايزك تجي تديني الموشح بتاع يا عمر لكن ده الشعب وده الوطن ودي ودي ودي ... انا بتكلم معاك من منطلق تركيبة البشر بي صورة عامة وبالرغم من إنو البشير ما عمل كده وطوالي سلم الراجل العطاء على حسب ما إنت فاهم !!!!

تخريمة :
المعلومات الواردة دي كلفتني مكالمات السودان بي 200 ريال حقو أجي أشيلا منك وصدقني سيبك من كلام التخبط ده كلامي الكتبتو ده انا متأكد منو شديييييييييييييييد

Quote: تم فتح المظاريف في المناقصة بوجود جميع مناديب الشركات (يعني بدون لف ودوران ) والعطاء وقع لي شركة زارا المالكها نور الدائم ..

ياراجل

Quote: لمنظمة معارج الخيرية

غير المنظمات الخيرية الغتس حجرنا شنو؟

Quote: المقاول إسمو نور الدائم والراجل عندو شركة إسمها شركة زارا ..

عمر الفاروق
صدقني أنا لا أقول معلومة غير أكيده، ولو أتضح لي غير ذلك فسوف أعتذر..
أولاً لست معني الآن أن أقول منذ متى أعرف أسرة عمر البشير، معرفة حقيقية، وتربطني صلة بالمرحوم عثمان البشير فهو رجل زاهد بكل حق وحقيقة.. كما قلت لك لا أود الدخول في التفاصيل..

بالنسبة لنور الدائم، هل بإمكانك أن تقول لي ما عمله قبل الإنقاذ؟
صدقني أخي عمر الفاروق الموضوع عميق وشائك... والنهب في هذا المشروع بالمليارات..
وسوف يأتي زمن كشف الحقائق..

كسرة:
قلت لي خسرت 200 ريال... والله مفروض نشكل ليك محكمة الناس تضرب بالمليارات وأنت جاي تضرب تلفون علشان تخسر..

Quote: بالمناسبة يا إسماعيل وراق إنتو ليه بتعتقدو إنو الناس ملايكة ؟؟؟ يعني بالله عليك يا إسماعيل يا وراق لو كانت أختك متزوجة ليها مقاول وعندو شركة وجات فرصة لي بناء مقر بالله عليك أول حاجة كنت حا تفكر في منو ؟؟؟؟

بدون لف أو دوران

up

يمكن بناه أخوهن علي لأنو مدير شركة إستثمار عقاري ضخمة واحدة من نشاطاتها تقوم بتحويل الأراضي الزراعية لأراضي سكنية بمساعدة الولاية ثم يتم تطويرها وتباع كأراضي سكنية استثمارية.مرة وقع في إيدي كرت عمله الخاص مكتوب عليه رئاسة الجمهورية

Quote: المعلومات الواردة دي كلفتني مكالمات السودان بي 200 ريال حقو أجي أشيلا منك وصدقني سيبك من كلام التخبط ده كلامي الكتبتو ده انا متأكد منو

بالله 200 ريال .

لكن عائد الميتين ديل كم؟؟؟

إنت زمان دحين مش قلت ماك كوز؟؟؟

طيب إذا كنت ما كوز ورينا سبب اهتمامك بالوضوع دا وسبب خسارتك للميتين ريال ديل.

وللا يكون علاء الدين قال ليك اكتب الكلام بدلا عنو؟؟؟


يا هشام يا خي شهادة البحث وينا.

أنا زمان قلت ليك أي انتهازي ومنتفع من الإنقاذ حيكسر رقبتو عشان يلوي عنق الحقيقة ويسوي الصاح غلط والغلط صاح.

ليه

لأنو البيقبضوا أكبر بكتير.

يعني كوز لا تناقشوهو في فساد الإنقاذ. لأنو هو جزء من هذا الفساد ومستفيد للطيش من هذا الفساد.

ما سمعت بالزول السكران وراكب التاكسي وما سكو الفاك
لمن بتاع التاكسي زهج منو قال ليهو يا حاج ياخي أطرش عشان ترتاح
قام السكران قال ليهو يا ولدي في زول بيطرش ماهيتو؟؟؟

أها أسي ياهشام عمرك شفت ليك زول بيكشف عوراتو أو عورات أرباب نعمتو.

يا صغيري وطفلي المعجزة تمبوشي :
ما قلنا ليك لمن الكبار يتكلموا الصغار ما يجوا داخلين علينا ولو دخلوا يربعوا يدينهم ويقعدوا ولا بنقوم نخليهم يمشوا يقعدوا مع الحريم بهناك !!!!
يعني أسة عليك الله ده القدرت عليهو ؟؟؟؟ وعايز تعرف انا كوز ولا ما كوز وعايز تعرف ليه انا إتكلمت في الموضوع ده وليه خسرت ال200 ريال ؟؟؟؟؟
أسة عليك الله في ذمتك كده انا أقعد أرد عليك إنت في الحاجات الكبار دي ؟؟؟ يا زول إنت بي صحك ؟؟؟ كلامي والله ما بتفهموا لكن كدي نديك 10 سنة كده تكون كبرت عشان تستوعب !!!

Quote: وللا يكون علاء الدين قال ليك اكتب الكلام بدلا عنو؟؟؟

والله انا كان عرفت الزول ده حارقك وين برتاح في حناني !!!

Quote: مرة وقع في إيدي كرت عمله الخاص مكتوب عليه رئاسة الجمهورية

طالما قلت كرت عمله الخاص فأكيد لازم يقع في إيدك وكمان بيكون وقع في إيد ناس كتااااااااااااار ..!!!
هو سموهو كرت عمل عشان يتوزع مش ولا شنو ؟؟؟؟؟
جاني إحساس (وقع في يدي) دي زي الكأنو وقع في إيدك الكنز !!!!!!!!

موضوع المستشفى العايز تعرفو إنو المستشفى منحة من البنك الإسلامي بجدة لمنظمة معارج الخيرية

بالمناسبة

منظمة معارج مديرها اخو عمر البشير محمد


نشوف

حكاية البشير سارق وقاتل دى ما محتاجة لاى اثباتات , كدى ننتظر تسرب
السلطة من بين ايديهم وبعدين لكل حادث حديث , والله حتى المكيف السرقو
من مكاتب جهاز امن الدولة وباعو بمبلغ 200 جنيه لاحد زملائه نحن عارفنو
مركب فى ياتو بيت , اما عن مبلغ ال300 ميلون المودع فى احد البنوك الاوربية
ايضامعروفة وعندما اودع ه

آسف لخطأ وقع قبل ان اكمل المداخلة.
العبارة الفقودة هى عندما اودعه كانت برفقته الزوجة الجديدة
وكل الشرفاء وليس ( اللقطاء ) على علم تام بهذه المعلومة ومصدرها
موظف سابق بالصليب الاحمر الدولى . والرجل عندما قدم تلك المعلومة
كان يعبر عن استيائه واستنكاره لمسلك رئيس دولة شعبه يتضور جوعا
وهو يودع مثل هذا المبلغ الضخم فى حسابه.

السلام عليكم
شيء مؤسف
وبوست ساذج ومغرض ولا يحترم عقولنا
ان كان يحق لك انتقاد البشير واتهامه بما فيه وبما ليس فيه
فمن أعطاك الحق في الولوغ في أمانة الناس هكذا؟
ألان فلان متزوج من أخت البشير فهو لص و....
من أدرانا أن هذه الصور هي للقصر المنيف الذي يخص إحدى شقيقات البشير؟
وإذا صح هذا ..
من أدرانا من هو زوجها
ومن أدرانا إن زوجها بنى هذا القصر المنيف من عرق جبينه أو سرقها؟؟
وكيف لك إثبات ذلك؟

اتقوا الله
و
احترموا عقولنا ..
.....
وما من كاتب إلا ستبقى كتابته وان فنيت يداه
فلا تكتب بكفك غير شيء يسرك في القيامة أن تراه

وما الناس إلا هالك وأبن هالك *** وذو نسب في الهالكين عريق

يا عباس يا اخوي:
فعلاً كلامك صاح ...
يا زول خلينا في هلالنا ده انا وإنت

قد يكون هنالك خطا في الصورة ولكن هل ينفي هذا حقيقة الفساد المستشري حتي النخاع في اوصال هذه العصابة المتحكمة بغير وجه حق في مقدرات السودان صحيح الاختشوا ماتوا كيزان وعينهم قوىة لكن ليكم يوم

عزيزى هشام
كيف حالك والاسرة الكريمة
بالنسبة لى الصورة واضحة والفلا مكونة من ثلاثة طوابق وظاهرة بئر السلم كبرج رائع التصميم والتشطيب من الداخل قياسا بالمنظر العام من الخارج بكون ديلوكس. العربات الفاره مابتتراعى وولسة القاول ماسلمها لان الانقاض مازالت موجودة الظاهر الفلا تحت التاسيس واحتمال كبير العفش يكون جاى من اندونيسيا او مليزيا لكن بعد دا كله ياهشام
اذا كان اصحاب البيت دا ناس شريفين ودا من حر مالهم فمبروك عليهم حتى لوكانت اخت عمر البشيرونحن ياهشام مادايرين نظلم الناس لان الظلم شفناه فى نفسنا والشخص الجاب الصور دى بقدر يجيب الاكيدة لانه مصداقيتك عندى اهم شىء ولو اتخدشت (لاسمح الله ) بكون مشروعك الثورى تدمر ونكون فقدنا قلم جسور ومناضل لايهاب الا الحق فحازر وتاكد لينا فى الاول وبعد داك لكل حادث حديث.
معلومة هامة
...........
حكومة السجم والرماد بقت تنزع الاراضى وخاصة من الذين يعادونها وبطريقة ناعمة مثل مرور طريق بالقطعة او الحكومة حريصة على الذين سكنوا عشواى فى مناطق تم توزيعها ولمن تمر الخدعة ناس العشواى يجيهم البوليس والجريدرات ويرحلوهم فى يوم واحد وتقام الفلل وكدى صاحبك دا يورينا المنطقة دى وين لانه قلبى ماكلنى ومن اسبوع عرفت من اخوى انه قطعتى نزعوها عشان يضمونى للطعويضات ودا معناها اقوم هسى اعمل توكيل لسليمان ولدى وهو يجهز واحد لولده وحفيدى الرابع ممكن ينادوه ناس الاراضى عشان يقولو ليه تم تشكيل لجنة لدراسة حالاتكم.

Quote: وعايز تعرف انا كوز ولا ما كوز وعايز تعرف ليه انا إتكلمت في الموضوع ده وليه خسرت ال200 ريال ؟؟؟؟؟ أسة عليك الله في ذمتك كده انا أقعد أرد عليك إنت في الحاجات الكبار دي .

أنا ما عايز أعرف لاني عارف لكن عايز التانيين يعرفوا
ممكن توضح ليهم


والله كنت عارفك حتكب الزوغة

تيب إنت يا خي ما دام عاملا مختشي منها ليه؟؟

هي عيب؟؟؟؟؟؟

Quote: والله انا كان عرفت الزول ده حارقك وين برتاح في حناني !!! .

عارف أنا علاء ما عندي معاهو قضية الآن وهو خارج المنبر فلن أتحدث عنه لكن دايما باذكره ليك لأنك لمن جيت المنبر دا عيونك مغمتات كنت بتشوف علاء الدين كتب شنو وتشيل طاراتك وتجري وراهو .

بعدين سؤال تاني
وعارفك ما حتجاوبو

إنت أسرار المناقصات دي قاعد تجيبا من وين.

معليش يا هشام هباني ..
خانك الحظ في الحتة دي ..
المنزل .. كما ذكر لك الاخوان ..
ليس كما أدعيت ..
بدون الدخول في التفاصيل ..
تاكد من الامر ..
وبعدها لي حديث طويل عن الصور المفبركة ..
والدعاية الجديدة المصاحبة لصور مصداقيتها فقط ..
في ان الناس لا يعلمون من اين التقطت ..




للعلم ..
مقيم في حي كافوري بجانب السفارة الرومانية القديمة
من سنة 98 الي 2001 بصفة دائمة ومن بعدها بصفة متقطعة ..

( ولا تأكلوا اموالكم بينكم بالباطل) صدق الله العظيم



( فوالله لو سرقت فاطمة بنت محمد لقطع محمد يدها) حديث شريف صحيح


ويسرق وطن بحاله في وضح النهار ويقتل شعب بحاله في وضح النهار وتزنى حرمة في شرفها بسبب الافقار والتجويع في وضح النهار ويشرد الملايين من بلادهم بغير وجه حق في وضح النهار....في دولة قالت:هي لله ...هي لله...لا للسلطة .....لا للجأه.... والله يعلم ما تفعلون....وبئس الحاكم الظلوم..

السودان سجل ضمن«8» دول أقل أمناً في العالم
لندن: نيويورك:وكالات
احتلت سلطنة عمان مرتبة أقل الدول العربية فسادا، وفقا لمؤشر منظمة الشفافية الدولية الصادر في لندن الثلاثاء، فيما حصل السودان علي مرتبة أكثر الدول العربية فسادا. وحصلت عمان علي 6.3 درجات علي مؤشر مدركات الفساد للعام 2005 المؤلف من عشر نقاط. فيما لم تتجاوز درجات السودان 2.1، وحل في المرتبة الأخيرة بين الدول العربية الـ18 التي شملها المؤشر العالمي الذي تصدره المنظمة من دون توقف منذ العام 1995 .
من جهة اخرى، كشف تقرير دولي أن النزاعات المسلحة في العالم انخفضت بنسبة 40 في المائة، وان عدد النزاعات المسلحة المميتة التي تسفر عن مقتل 100 فرد وما فوق، تقلص بنسبة 80 في المائة منذ عام 1992.
واكد التقرير الذي قدمه البروفسور اندريو ماك، مدير مركز الأمن الإنساني في مقر الأمم المتحدة بنيويورك في 200 صفحة، على أن مصدر الإرهاب أحيانا النزاعات المحلية والإقليمية والمنظمات المتطرفة في الدول الكبيرة مثل الولايات المتحدة.
وبيّن التقرير أن هناك ثماني دول في العالم تعتبر أقل أمنا، على رأسها الكونغو، وليبيريا، والسودان، وتأتي في المرتبة الثانية العراق وأوغندا وإسرائيل والأراضي الفلسطينية المحتلة والنيبال. تفاصيل اوفى«مع الاحداث».

http://alsahafa.info/news/index.php?type=3&id=2147499638&bk=1

يا هشام كان ما عملنا كدى كنا جينا الأول.

نحن في أي حاجة الطيش إلا في الفساد وعدم الأمن,,,,,,,, والقندفة الفارغة.

الاخوة/الشرفاء


بالله مزيدا من الصور والوثائق مدعومة بالاسماء لفضح رموز النظام وكل المفسدين من بطانة وجلاوذة النظام حتى تبان الحقائق وينكشف الستار.



اتصل ب/ hushamhabani1@hotmail.com

انت البيت ماغصك في شنو
قول حق اخت سيادة الرئيس
مالو ما بحقهم
والله غايتو قنس حسادة

هشام هباني :
طيب ياخ إيه {ايك تجيب لينا صورة بيت الزعيم الأزهري العندو بيت بيشبه مطار الخرطوم وتقول ليهو من أين اك هذا ..
وبي المرة كده وإنت ماشي في نفس الشارع صوّر لينا معاك بيت عبد الله خليل المكون من 4 طوابق وبرضو وجه ليهو السؤال !!!!!!!
أما ناس سيدي المهدي فعليك الله ما تمشي عليهم لأنو إسماعيل وراق حا يزعل ويجي يقنعك كيف البيوت دي إتبنت !!!!!!!!
أما أكثر الناس إصلاحً في الدين وأكثرهم تقاءً وهو عصام أحمد البشير فله أجمل قصر في السودان به ستائر ريموت كنترول وجراجات وحدائق نجائلها من اوربا ولكن ولأنه رجل دين يجب ان يسكن في خرابة وكوشة ولأن الله متعه بالمال ولكن يجب ان لا يبني به المنازل والرجل كان مغترب في السعودية برضو ...
أها يا هشام شفت الفساد في بلادي كيف !!!!!
كدي الراجل في السودانيين ديل يبني ليهو عمارة ..

اخـــــــــوي /عمر الفاروق

الله اديك العافية


ها زول ات ماك نصيــح الموضوع ده خبارو موووووجعك شدددددديد كدي؟؟ دحين الفيلا دي هولتك ونحن مو عارفين ولا شنو ولا راس السوط هبشككككك عديل ونحن موخابرين؟؟


ولله في خلقه شئون


محبتي واحترامي

بوست سمج ككل بوستات هشام هباني
وياريت تقلل من بوستاتك عشان بكري يحبك .

اخوي ود المايقوما


هييييييييييييييييييع


( عجبنـــــــــــي للمـــــارغوت المرق من جحارو ده)؟؟

Quote: ( عجبنـــــــــــي للمـــــارغوت المرق من جحارو ده)؟؟

مابتشوف كمان .

اتمنى انك تنزل بوست للكبار فقط ( لان الاعضاء هنا كلهم ناس بالغين)

وروح العب بعيد.

هشام هباني:

Quote: ها زول ات ماك نصيــح الموضوع ده خبارو موووووجعك شدددددديد كدي؟؟

وإنت بررررررضو يا أخوي الموضوع مالو موجعك كدي؟؟؟؟إن شاء الله يبنوا قصر الرشيد زاتو!!!
بس ما تجي تبرطم لي بي الحنك البيش بتاع دي قروش الشعب ونحن ونحن وشنو وشنو !!!

عمر الفاروق اخوي


الله اديك العافية

ات باين عليك زول والله حقاني شدييييييييييييد اكتر من الرساليين ظاااطهم كدي النسعلك وجاوبني عليك الله الخلقك كلام رجال عديل وكلام زولا بتخاف الله والله بسعلك عليهو يوم القيامة : ( دحين عمر البشير ده لو ما حرامي وشايف عوج اخوانو واصحابو ورضيان بيهو عديل... دحين الجابرو شنو اعين عبد الرحيم الحرامي وزير للدفاع بعد ما لبع الداخلية وكمان ارقيهو فريق اول علي عينك يا تاجر قدام الدنيا وعبد الرحيم ظاااطو عارف نفسو حرامي وعشان كده استقال من الوزارة وما كان مصدق انو صاحبو اجي كمان اعينو وزير دفاع للبلد الرووووووكة دي؟؟)

محبتي واحترامي

Quote: بس ما تجي تبرطم لي بي الحنك البيش بتاع دي قروش الشعب ونحن ونحن وشنو وشنو !!!

عارف يا عمر ..
في موسم الخريف .. صوت القعوي علامة وحدث ..
عندي صاحبي قال القعوي دا بتاع بنقو ..
مما يضربوا ليك الهمبريب .. يلفها ليك .. ويقعد ينق نق نق ..
وبما أنه الموسم مرة في السنة ..
فالقعوي دا بتكلم في اي حاجة وعن اي حاجة ..
اها في القعوي الماعندو سالفة داك .. " علي قول السعوديين "
دا بمسك ليك في الفارغة والمقدودة لمن يروح ليهم الموسم ..
ومن طرائفهم قال ليك في قعوي اسمه فنجاط .. راجل المرة ديك في مجلة صباح ..
سمع ليك مصطفي سيد أحمد مات ..
والباقي انت عارفو ..

هييييييييييييييع

(غايتو الليلة الكتاحة مرقت جنس دعـت شي مارقوت و قراد و هيم وكدندارات وجعارين وابو الدرداق وكلاب حر وسحالي ... اظنو الجحر انسرف مويةعليهم .. عجب نحيا ونشوف)


ولله في خلقه شئون

يا ود هبانى ما أغشك وأقول ليك معجب بكتاباتك لأن لسانك الطويل ده يلسعنا مرارا دون وجه حق.

بس ما كنت فاكرك ساذج للدرجة دى يأخى بيت زى ده لا يرضى به أصغر صبيان الجبهة منصبا وسنا وده دليل لا يقبل الشك أنو أخت الريس ((مش طماعة ))

ومختوم مخموم من ( سراري الختم) غلبته ذات القربى ناصرا دمه ظالما ومظلوماو( القلم ما بزيل بلم)..

ولله في خلقه شئون

Quote: ومختوم مخموم من ( سراري الختم) غلبته ذات القربى ناصرا دمه ظالما ومظلوماو( القلم ما بزيل بلم).. ولله في خلقه شئون

نعم اوافقك ما زال بلم والا لم يكن هذا ردك

Quote: عجب نحيا ونشوف

عجب حيينا وشوفنا ( احمدك يارب )

الإتلهف في مايو رجعناهو???

الناس الإتكتلت في مايو إستردينا كرامتها وحقوقها ???

ياجماعة الخير
انتو عمر الفاروق دا ساكى الموضوع دا مالوا
انت راس السوط وصلك ولا شنو ملامحك بانت انا من زمان
بقول الهلالابى دا ما لو اتاريك هلالابى ووووووووووووو
الله يهديك يافاروق

العزيز / هشام ...

لا أحد بإستطاعته أن يشك ولو للحظة في الفساد المستشري بالسلطة فرائحته تزكم ألأنوف .... ولكن .. في هذه المره جانبك الصواب تماما فالصورة لمنزل بمربع 11 بكافوري والمنزل مملوك لاسرة شاءت الظروف أن أتعرف عليها بحكم أنني أملك منزلا بنفس المربع(تحت التشييد) وعلى مرمى حجر من المنزل أعلاه ...

هنالك منزلا آخر يقال أنه لاحد اسرة البشير بنفس المربع وأجزم أن الشخص الذي قام بتصوير المنزل قد تشابه عليه البقر .. رغم ان المنزل يعتبر عادي مقارنة بنوع المعمار في مربع 11 بكافوري ...



يا عمر الفروق ...

90% من شريحة السودانيين المقيمين بال USA متوسط دخلهم لايقل عن ما يساوي 6000 ريال شهريا فمن اين لك أن تصفهم بما وصفتهم ...

لكما التحايا هشام والفاروق ..

Quote: 90% من شريحة السودانيين المقيمين بال USA متوسط دخلهم لايقل عن ما يساوي 6000 ريال شهريا

!WHAT

Quote: WHAT

مالك يا زول منبهر ...
ريال سعودي وليس دولار ....
إذا إفترضنا 50 دولار لليوم ... وهي تعادل 6.25 دولار للساعة الواحدة وشغل 8 ساعات يوميا .... بدون عطلات أو خلافه ....

Quote: ريال سعودي وليس دولار

Oh, ok then
$1400 is reasonable
i though in Ryal
Sorry for my misundrstanding

حلااااااااااااال عليهم

البيوت


ومعاها مبلغ محترم في البنك

ليه ولأسرته وعائلته




لكن حراااااااااام عليه للباقين والمتسلقين
وحرام عليهم الظلم واكل اموال الناس بالباطل
وحرام عليهم القتل والتشريد
والإفتراء على خلق الله في كل مكان يمشوه
وفرض أتاوات على الناس في كل مصرف محتاجين ليه
وحرام عليهم ...............
........................
........................
......................
..................

الاخت الكريمة/ هــوزي

عــــوافي... عــــــــوافي


والله يخليك (انثـــى ) اجـــــدع من رجال كتار ..الله اديك الصحةوما قلت الا الحق.


معزتي واحترامي



( ولله في خلقه شئون)

شفت يا هشام
لما وصلت اللحم الحي
جوك كلاب الجبهه من كل مكان ولن يسكت نباحهم؟؟؟؟
انت مشيت غريق
مزيد من نوع ده بالله
عافي منك ياود هباني
أمين

العزيز الرائع/ امين

مساك الله بالخير

يا خوي دي المناظر ساكت ...كدي اديها صنة بعد ساعتين بس جاية لسع حاجات طازجة من الفلم؟؟

معزتي واحترامي

Quote: الإتلهف في مايو رجعناهو??? الناس الإتكتلت في مايو إستردينا كرامتها وحقوقها ???

يعني الكارثة الأكبر تكمن دائما في أننا ( أحزاب وجماعات وأفراد) بنصرخ ثم سرعان مانعود لننسي[ عفي الله عما سلف ] !.. كده وقع ليك ?

pic 1

pic 2

pic 3

pic 4

pic 5

pic 6

[


نواصل مسلسل فضائح الذمة الرئاسية الرسالية (الوسخانة) لعمر بن خطاب السودان عمر البشيرواله المتنفذين والمستفيدين.... فقد وصلني من ذات الشرفاء الغيورين الذين امدوني بالصور الاولى ملحق لصور عن قصر الشقيقة الثانية المجاور لقصر شقيقتها الاولى ... والصوركالتالي حسب الترتيب:
الصورة الاولى لقصر الشقيقة الثانية المجاورلقصر شقيقتها الاولى.
الصورة الثانية عن بعد للقصرين المتجاورين والشجر الكثيف يدلل ان القصر ليس في طور الانشاء.
الصورة الثالثة لقصر الشقيقة الثانية عن قرب.
الصورة الرابعة صورة ايضا للقصر الثاني
الصورة الخامسة صورة تجمع القصرين المتجاورين
الصورة السادسة للقصر الاول.

وهكذا سنواصل مسلسل الفساد ولي قدام

لي قدام

لي قدام

Quote: هشام هباني : طيب ياخ إيه {ايك تجيب لينا صورة بيت الزعيم الأزهري العندو بيت بيشبه مطار الخرطوم وتقول ليهو من أين اك هذا .. وبي المرة كده وإنت ماشي في نفس الشارع صوّر لينا معاك بيت عبد الله خليل المكون من 4 طوابق وبرضو وجه ليهو السؤال !!!!!!!

والله دى قمة الصفاقة....تقارن الازهرى وعبدالله خليل بالبشير?....امشى اسال الرجال ديل بنو بيتهم كيف بعدين تعال اكتب كلامك دا....

النظيف كلنا عارفنو منو...والوسخان برضو عارفنو....بشيركم دا ما تجيبوهو في سطر واحد مع القمم.... please

ودهبانى الكلس مساك الله بالخير
و اديك العافيه ..
هذا غير بمستغرب ممن يزور الشهادات المرضيه ( قالا بعضمة لسانو ) حتى يتسنى له سرقة السلطه و ينصب نفسه اماما مدى الحياه ...... لكن ودهبانى ده كوم و ناس ( وشره ) الظهروا فى البوست ده كوم تانى ..... والناس ديل اتمسكوا من ( ايدم البتحرقم ) عشان كدى ضربوا الهستيريا و الجعجعه ....مهازل ... مهازل ....

انت يا هشام يا ود هبانى مسعول من الخير .... المطوعين فى السعوديه بقو ما شايفين شغلم و لا شنو ؟؟؟؟؟؟؟

رضينا بقصر و دالنميرى كمان دايرين اسووا لينا قصر ود البشير !!!!!!

هييييييييييييييع

(غايتو الليلة الكتاحة مرقت جنس دعـت شي مارقوت و قراد و هيم وكدندارات وجعارين وابو الدرداق وكلاب حر وسحالي ... اظنو الجحر انسرف مويةعليهم .. عجب نحيا ونشوف)
ود العم هشام ... بمناسبة ( المارقوت ) دى ... بقولوا المارقوت لما اتدس فى ( اضان ) مرق العنقريب ( الدق ) ( براو ) ما بطلعوا الا ( اصبوا ) عليو مويه ( سخنه ) ... انت اظهر عليك طبقت النظريه دى فى المنبر ده و زدت عليا و ( كبيت ) عليو ( كوز ) موية نار !!!!!!

ود عمى هشام بسعلك سعال اخير قبال ما انوم و اهلنا قالوا ( النوم موت ) انت دحين ال minimum wages فى السعوديه بعد ما تطلع حق ( الكفيل) و ( بلصة المطوع ) المحصله النهائيه بتكون كم !!!! عشان اصلو انا ناوى امشى هناك و اقدر ابنى لى ( سبيل ) قدام قصر ود البشير !!!!!!!

هشام يا خوى ... تصبح على اتم اخير و ربنا احفظك من مكر السدنه و الكيزان و وطاويط الليل... و نشوفك باكر مع العساكر .......
ود عمك عبدالماجد

كتب السيد عمر الفاروق...

Quote: هشام هباني : طيب ياخ إيه {ايك تجيب لينا صورة بيت الزعيم الأزهري العندو بيت بيشبه مطار الخرطوم وتقول ليهو من أين اك هذا ..

يمكنك الدفاع عن عمر البشير وزمرته وحاشيته .. من دون المساس
بقامة سامقة مثل الرئس الأزهري ولو علي سبيل المقارنة !!!!!
رددت مايو في بداية أيامها مزاعم عن بيت الزعيم.. بعدها كشفت
أن منزل الزعيم كان عليه أقساط لصالح البنك العقاري.... ونشر
كشف بالمصادر التي بني بها المنزل.... فما كان نظام مايو وألا أضطر
لسداد الأقساط .... أما عن فسادالانقاذ ورموزها فليس أمامنا ألأ أن نقول: وشهد شاهد
من أهلها ... أرجع لوثائق ومستندات جناح الترابي عن فساد جناح القصر
ففيها مايزكم الأنوف......
وأرجع لأفادات علي الحاج التهديدية" خلوها مستورة" والذي هدد بكشف
فساد وتجاوزات قمة هرم السلطة أن هو تعرض لمحاكمة وأثيرت مسألة
طريق الأنقاذ الغربي....
فساد الأنقاذ يقول به أمثال الأفندي والطيب زين العابدين
والمحبوب عبد السلام ... وتبقي مهمة الدفاع عن الانقاذ ومحاسيبها مهمة
صعبة لأنها تحرق من رصيد ومصداقية من يحاول القيام بها.....
كمال

Quote: طيب ياخ إيه {ايك تجيب لينا صورة بيت الزعيم الأزهري العندو بيت بيشبه مطار الخرطوم وتقول ليهو من أين اك هذا ..

الاخ عمر الفاروق

الذي أعرفه أن الأزهري مات وبيته مرهوناً .

Quote: الذي أعرفه أن الأزهري مات وبيته مرهوناً

ده كلام صحيح وموثق 100% ولا يحتاج الى مزايدات

Quote: هشام يا خوى ... تصبح على اتم اخير و ربنا احفظك من مكر السدنه و الكيزان و وطاويط الليل... و نشوفك باكر مع العساكر

وطاويط الليل دي خترة عديل


بالله عليكم الله شوفوا الزول دا جاء مارق من الجحر دايخ كيف.
زي الحشرات لمن تكشحا بي كوز موية جوة الجحر
الناس ييتكلموا عن ممتلكات أخوان البشير هو قام يتكلم عن بيت الأزهري وعبد الله خليل والصادق المهدي
أولا بيت الأزهري كما هو معلوم وجد مرهونا للبنك
بيت عبد الله خليل بيت عادي قد لا يليق برئيس وزراء سابق والساكنين أسي فيهو كرهانين حياتهم من إزعاج صوت الركشات
بين الصادق بيت عادي وحسب ظني معظم أسرته يسكنون فيه والبيت الوحيد يمكن الذي يمر أمام شارع ظلط مقلع ولم تصله الصيانة التي طالت معظم شوارع أم درمان من مخلفات بترول وجاز عوض الجاز.

بعدين يا حميدة أها عرفناك ساكن كافوري
وين معلوماتك كلها سويتا لينا قعونج وتماسيح.

بعدين عصام أحمد البشير دا القصر الساكن فيهو دا صحي بناهو من اغتراب السعودية.
والله كان كدا يا مغتربين السعودية إنتو ناس صعاليق ساكت.

أنا احترم لؤي ووليد 500 ،وللا مليار ما عارف، لأنهم بيدافعوا عن الإنقاذ وقالوا عديل نحن كيزان .
لكن ناس قريعتي راحت الناكرنها ديل بيدافعوا عنها ، وبالكذب، عشان شنو؟؟
يكونوا علب صلصة ساكت ياربي؟؟؟

بعدين بالمناسبة في دبيب كبير لسع ما طلع من الجحر. اسي حيجي ناطي . لكن أعملوا حسابكم دا بيجي بسيختو طوالي.

السيد كمال عباس :
أولاً دعني اسألك سؤال .. هل كل من يقول كلمة حق يعرفها عن قرب فهو يدافع عن البشير وزمرته ؟؟؟؟؟
ولو إفترضنا مثلاً ان الصورة كانت لمنزل احد اصدقائك مثلاً وكنت تعرف مصادر تمويل هذا المنزل ثم وجدت من يتحدث عن الثراء الحرام لمالك هذا المنزل فهل هذا يعني دفاع عن البشير وزمرته ؟؟؟؟
انا حقيقة أدافع عن عمر البشير الذي اعرفه عن قرب وليس عن عمر البشير النظام الإنقاذي !!!!
انا أدافع عن عمر البشير الإنسان وليس عمر البشير المؤتمر الوطني !!!!!!!!!!
وانا حالياً حتى لم أذكر عمر البشير بقدر ما ذكرت صاحب المنزل الذي كان يعمل معنا هنا في الرياض ولمدة عشرين عاماً متواصلة (لاحظ ان عمر الإنقاذ الان 17 عاماً) فلو كان صاحب المنزل كما يدعي هذا الهباني (بناه من قروش الفساد) لكان قد عاد إلى السودان من قبل 15 عاماً ولا داعي لأن يبقى متغرباً لبناء بيت لم يكتمل بعد !!!!!!!!!

Quote: من دون المساس بقامة سامقة مثل الرئس الأزهري ولو علي سبيل المقارنة !!!!!

مداخلة أعجبتني وأغاظتني في نفس الوقت !!! فهي أعجبتني لأنك فهمت من قصدي أنني عندما ذكرت إسم الزعيم الراحل الأزهري ذكرته على سبيل إستنكار أن ليس كل من له منزل فخم فهو حرامي !!! وأغاظتني لأنك سمحت لنفسك ان لا نأتي بإسم الزعيم الأزهري لتأكدك من معلومات ان البيت مرهون وبالاقساط بينما تزعلون مني لأنني اعرف أيضاً كيف تم بناء هذا المنزل !!!
وكما ان الأزهري بشر فعمر البشير بشر وكما انك لا تحب اننأتي بإسم الأزهري (ربما لا تكون إتحادياً حتى) فنحن لا نرضى ان يزج إسم البشير (تحديداً) في مثل هذه الأمور(وربما لا أكون إنقاذياً كذلك)!!!!!
أعلم أن البيت كان مرهوناً يا كمال عباس وانا من سكان أمدرمان الأصيلين واعرف عن امدرمان وناسها ما لا تعرفونه ويكفيني ان حفيد الأزهري كان طالباً معي في مدرسة المؤتمر !!!!!! ويسكن في نفس البيت !!!!!!

Quote: أما عن فسادالانقاذ ورموزها فليس أمامنا ألأ أن نقول: وشهد شاهد من أهلها ... أرجع لوثائق ومستندات جناح الترابي عن فساد جناح القصر ففيها مايزكم الأنوف......

لا أجد مبرراص لهذه المداخلة فنحن نتفق على ان الفساد الإنقاذي واضح ومعروف ولكن ما ذنب رجل تزوج أخت البشير قبل ان يكون رئيساً ؟؟؟؟ وما ذنب رجل تغرب قبل ثورة الإنقاذ حتى ؟؟؟ وما ذنب رجل بدأفي بناء منزله قبل رئاسة البشير وأكمله بعد رئاسة البشير بخمسة عشر عام ؟؟؟؟؟؟؟؟
هو ليس من رموز الإنقاذ وأخت البشير ليست من الساسة !!!!!!!
هل تعرف عن حياة اسر الرؤشاء السابقين ؟؟؟؟؟ هل لإبن الزعيم الأزهري الدكتور الطبيب ذنب في أنه جاء طبيباً ؟؟؟؟؟؟؟؟
لماذا لا يثور الناس على ابناء السيد الصادق المهدي وهم الأكثر إحتراماً فما ذنبهم إن كان أبوهم رئيساً يوما ما !!!!!!!!!!

Quote: وتبقي مهمة الدفاع عن الانقاذ ومحاسيبها مهمة صعبة لأنها تحرق من رصيد ومصداقية من يحاول القيام بها..... كمال

ليس الموضوع موضوع دفاعاً عن الإنقاذ ولا زلت أصر أين الدفاع عن الإنقاذ هنا ؟؟؟؟؟؟؟؟؟؟؟؟

الأخ معروف سند :

Quote: الاخ عمر الفاروق الذي أعرفه أن الأزهري مات وبيته مرهوناً .

ونعرف أيضاً ان عبود كان مديوناً 30 جنيه ونعرف أيضاٍ ان النميري لا يملك غير منزل ودنوباوي !!!
وأنت هنا يا معروف سند تؤكد ما أعنيه ويكفي ان الأزهري مات وبيته مرهون ولكن الا تتفق معي ان بيت الأزهري قصر ؟؟؟؟؟؟
ولا تتفق معي ان بيت الزعيم عبد الله خليل قصر ؟؟؟؟؟
فما دخل ذلك بشرفهم ونبلهم ؟؟؟؟؟؟؟؟
فإن كانوا قد بنوه من حلال مالهم فمن حق أخت البشير ان تنعم بحلال مال زوجها !!!!

بالله شوفوا الواد دا بقى ظريف كيف والكلام القالوهو ليهو سمعو بي ضبانتو.
طيب ما من زمان قلنا ليك يا خي ما تجي طوالي شايت ضفاري.
خلي لحدي ما يحفظوم وللا يرسلوهو ليك بما سنجر بعدين أكتب.

بعدين أسي بعد الحبر الكتير الدلقتو دا أسي إنت موافق في إنو البيت ياهو حق أخت عمر البشير وبعض الذين كتبوا في هذا البوست قالوا البيت دا ما حق أخت عمر البشير.

كدي أول حاجة أمشوا اقعدوا في واطاة الله دي وارسوا لكم على بر بعدين تعالوا للنقة.وطبعا شيل شيلتك من الجضيم الراجيك. وأحسن ليك تاني تسمع كلامي وتخلي الشتارة والشوت الضفاري. يعني كان أحسن ليك تلبد أو تقول إنو البيت ما حق أخت البشير بدل البهدلة الدخلت نفسك فيها نفسك مع الكيزان.

غايتو شيل شيلتك الليلة من الجضيم الراجيك .

Quote: فإن كانوا قد بنوه من حلال مالهم فمن حق أخت البشير ان تنعم بحلال مال زوجها

والله فقري عديل الولد دا وبالعا كمان
يمين بالله الجملة دي حكمة عديل كدا.


ما الناس كلها ليهه الحق في أن تنعم بحلال مالها يا عبقري زمانك. لكن الحلال وينو.

(انا أدافع عن عمر البشير الإنسان وليس عمر البشير المؤتمر الوطني)
الاخ عمر تحياتى.
من يقبر قتلاه وهم على قيد الحياة يستحق ان يوصف بأنه انسان!!!!! اذن ما
هى صفة الوحوش فى تقديرك.

شماعة الكرة السودانية : الامكانيات

شماعة المنبر : الكيزان

لمان يجي واحد يقول ليك القصر ليس المقصود مش المفروض تعتزر ولاتقعد تبي بي

وبطل السخف الي انت فيهو ده .

اي من قال الحقيقة لو في نظرك كوز اها انا من اليوم كوز كبير ياشاطر .

كوز قااال .

شموشي التمبوشي:
أول حاجة نسيت أبارك ليك تعلم عمل الإقتباس Quote وده بيدل علي إنك ماشي كويس وقريباً حا تخلي البامبرس وتتجه إلى المريلة وشيل الشنطة في ضهرك تمهيداً لدخول سنة أولى روضة سياسة ..

Quote: الناس ييتكلموا عن ممتلكات أخوان البشير هو قام يتكلم عن بيت الأزهري وعبد الله خليل والصادق المهدي أولا بيت الأزهري كما هو معلوم وجد مرهونا للبنك

وهل الأزهري واحد من الرسل أم ملاك منزل من السماء ؟؟؟؟؟؟ ام السيد الصادق واحد من أولياء الله الصالحين أم عبد الله خليل واحد من الحوارييين !!!!
خلونا من البيت مرهون ولا ما مرهون انا سؤالي وااااااااااااضح وبغض النظر عن الوسيلة والرهن وخلافو هل من حق الأزهري إنو يبني بيت قصر ولا لأ ؟؟؟؟؟؟؟
أكيد من حقو طبعاً طالما أصلاً القصر موجود حتى الأن وبالمناسبة بيت الزعيم الأزهري أجمل بيت رئيس مر في تاريخ السودان حتى لأن من ناحية التصميم فهل يشك أحد في نزاهة الأزهري وهو الأستاذ والأستاذ فقط !!!!!!!!! أم كان الأزهري يدرس الدروس الخصوصية ؟؟؟؟؟؟؟
وطالما ان الأزهري من حقه أن يرهن بيته ويبنيه بالتقسيط فما أدراكم بالاخرين ربما أخذوا قروض من البنوك !!!!!! وطالما ان الرئيس الأزهري نفسه سمح بأخذ قرض من البنك فما المانع أن يأخذ زوج أخت الرئيس قرض كذلك ؟؟؟
أما عن بيت عبد الله الخليل البتقول عنو عادي فأنا أمر به طيلة 25 عاماً وأراه من أجمل البيوت في الطريق من الشهداء وحتى مرزوق !!!!!! وعليك بي الصور تجيبا لينا هنا لي بيت الزعيم عبد الله خليل !!!
وماف أيييي عيب إنو بيتو يكون سمح وإن شاء الله يبنيهو خرتومية طابق بس ما شايف في زول مسك كاميرا ومشى صورو !!!!!!!
اما بيوت سيدي المهدي فدي أسألني منها انا يا اخوي أصلو بعيد عنك انا أنصاري بي الميلاد وعلاقتي بي بيت السيد الصادق زي علاقتك بي البامبرز ودخولنا لي بيوت ال المهدي أسهل من دخولك للإنترنت وماف زول بيقدر يقول كلمة في السيد الصادق وأسرته لكن برضو عندهم سرايات وده حق شرعي ماف زول بيقدر يقول فيهو حاجة فهل من العيب أن يسكنوا السرايا ؟؟؟؟؟؟
وبعدين يا الفالح وناجح وقت شوارع ودنوباوي الظلط فيها مهلهل كدي عاين لي صور هشان هباني دي البيت مبني في شارع خرااااااااااااابة وكل وسخ وحتى ظلط ما جمبو !!!!!!!
ما تستعجل يا شموشي على المريلة بتلبسا إن شاء الله بس لحدي ما تصل المرحلة ديك خليك عشرة علي البامبرس وسيييييييييييطر على الوضع ...

يا سعادتو
عبد الله خليل والأزهري والصادق يمثلون بلد وسيادتها كانوا ويستضيفون من يمثلون سيادات بلد في منازلهم فمن حقهم أن تكون منازلهم على مستوى معين.
لكن هل أخت البشير تمثل السودان؟؟؟؟؟؟

ثانيا لم نسمع عن واحد منهم لهط أو أسرته لهطت على حساب الدولة. لكن ناسك ديل من قولة تيت بدوا في اللهطي وبدينا نسمع في عفن ناس البشير. وحتى كبيركم الترابي نشر كل غسيلهم القذر.

Quote: وبعدين يا الفالح وناجح وقت شوارع ودنوباوي الظلط فيها مهلهل كدي عاين لي صور هشان هباني دي البيت مبني في شارع خرااااااااااااابة وكل وسخ وحتى ظلط ما جمبو !!!!!!!

يا الفالح إنت وما مركز

بيت الصادق ليهه مليون سنة وبين قريبتك أخت عمر البشير لسع ما تم.


بعدين كان الشارع حقهم وسخان أسي إنت أحسن تمشي تنضفو ليهم وللا تودر وقتك في هضربتك الفارغة دي

يازول إنت راميك جمل؟؟؟؟

يا خي لا تشفق.... الكيزان ديل قروا كلامك دا وعرفوهو وحقك محفوظ.

الشفقة تطير ياخي.


غليك الله عمرك سمعت بي زول كان عايش في حي كوبر (مع الاعتذار لكل المسحوقين) وفجأة أردروب يقوم يتلب في كافوري.

إلا يكون عندو سفلي.

بلا لمة

الاربعاء30نوفمبر2005


البرلمان يعتمد رؤساء اللجان

اعتمد المجلس الوطني أمس بالاغلبية رؤساء لجانه الـ «19» واجل اختيار نوابهم لمزيد من التشاوربين المؤتمر الوطني والحركة الشعبية وبقية القوى السياسية.وفاز المؤتمر الوطني برئاسة «10» لجان والحركة الشعبية بـ «5» وبقية القوى الشمالية بـ «3» والقوى الجنوبية برئاسة لجنة واحدة. ووافق المجلس على ترفيع منصب نائب رئيس اللجنة حتى يخلف رئيس اللجنة عند غيابه ويساعده في اداء مهامه.واعتذر عبدالحميد موسى كاشا وزير التجارة السابق عن رئاسة لجنة الصناعة والتجارة وفضل ان يظل عضواً فقط لظروف صحية.

واختيرت بدرية سليمان لرئاسة لجنة التشريع والعدل واللواء شرطة جلال تاور «الامن والدفاع» وعثمان خالد مضوي «الشؤون الخارجية»، توتو كومبا «الاقتصادية»، الامين دفع الله «الشؤون الزراعية»، حسن شان نوط «الطاقة والتعدين»، عباس الخضر «العمل والادارة والمظالم»، تيان دينق «حقوق الانسان»، مروة جكنون «الاسرة والمرأة والطفل»، مارغريت صمويل «الصحة وتنمية المجتمع»، الحبر نورالدائم «التربية والبحث العلمي»، محمد نور اسماعيل «الشباب والرياضة»، ياسر عرمان «الاعلام والمعلومات»، رمضان شميلة «السياحة والبيئة»، الدو أجو «الشؤون الانسانية»، عثمان عمر «السلام والمصالحة الوطنية»، ونال الاتحادي الديمقراطي جناح الهندي لجنة الطرق. ووعد رئيس المجلس الوطني احمد ابراهيم الطاهر بتمثيل كل الاعضاء من الاحزاب الاخرى في عضوية المجلس بالبرلمانات الاخرى «البرلمان الافريقي بجوهانسبرج، البرلمان العربي، البرلمان المشترك للمجموعة الافريقية الباسيفكية». الى ذلك اسقط المجلس الوطني عضوية «5» نواب تقدموا في وقت سابق باستقالات مكتوبة لظروف خاصة تتعلق بعملهم في الولايات «عوض حاج علي ومعتصم عبدالرحيم، وعلي زنكير جارالنبي، واليابا جيمس سرور، واندرو كواج». إلى ذلك،اكد عضو البرلمان عن التجمع الوطني الديمقراطي محمد وداعة للراي العام ان كتلة التجمع ستعمل على متابعة انفاذ اتفاق القاهرة كما ستكون الرقيب على مستوى الحريات الديمقراطية المتاحة بالبلاد. واشار وداعة إلى انهم يعتقدون ان المشاركة لا تقوم على عامل الاكثرية بل على الفعالية.



alrayalaam newspaper

بالله الزول دا لي اسي في ؟؟؟والله أنا غايتو من عملتو ديك طلق السياسة وفرتق.

والله فعلا بلد ما عندها وجيع يحكموها صعاليق اللليل والحرامية.

up

كتب عمر الفاروق

Quote: انا أدافع عن عمر البشير الإنسان وليس عمر البشير المؤتمر الوطني !!!!!!!!!!

وهل ينفصل سلوك الأنسان ..سلوك للعمل السياسي !!!!! 1وسلوك للحياة الخاصة???
عمر البشير الأنسان الذي تدافع عنه هذا أكبر منافق وكذاب كيف???
أرجع لمقولة أذهب رئيسا وسأدخل السجن حبيسا
وسلوك عمر البشير وكذبه علي الناس بأنه ليس جبهة ولا حركة أسلامية
كان ذلك صبيحة الأنقلاب ثم عاد ليتباهي بأنه جبهة وحركة أسلامية بعد
المفاصلة وأنشقاق الأنقاذ!!!!
الكذب كذب والنفاق ولك أن ترجع للأثر الشريف في مقارنة السارق والذاني بالـكذاب....
لا ياعزيزي ليس هناك قيم أومثل أو دين يجيز الكذب في الحياة العامة
ومصائر الملائين ويحظره في الحياة الأنسانية.....
السؤال ياعمرهل تثق في شرف وأمانة أنسان كذاب ومنافق مثل البشير???

Quote: انا أدافع عن عمر البشير الإنسان وليس عمر البشير المؤتمر الوطني !!!!!!!!!!

الاخ الفاروق

اعجبتنى هذه الجمله جدا .وقد وفقت فيها للحد البعيد .

ونعيد هذا!!!!!

Quote: كتب عمر الفاروق Quote: انا أدافع عن عمر البشير الإنسان وليس عمر البشير المؤتمر الوطني !!!!!!!!!! =========================== وكان ردنا====================== وهل ينفصل سلوك الأنسان ..سلوك للعمل السياسي !!!!! 1وسلوك للحياة الخاصة??? عمر البشير الأنسان الذي تدافع عنه هذا أكبر منافق وكذاب كيف??? أرجع لمقولة أذهب رئيسا وسأدخل السجن حبيسا وسلوك عمر البشير وكذبه علي الناس بأنه ليس جبهة ولا حركة أسلامية كان ذلك صبيحة الأنقلاب ثم عاد ليتباهي بأنه جبهة وحركة أسلامية بعد المفاصلة وأنشقاق الأنقاذ!!!! الكذب كذب والنفاق ولك أن ترجع للأثر الشريف في مقارنة السارق والذاني بالـكذاب.... لا ياعزيزي ليس هناك قيم أومثل أو دين يجيز الكذب في الحياة العامة ومصائر الملائين ويحظره في الحياة الأنسانية..... السؤال ياعمرهل تثق في شرف وأمانة أنسان كذاب ومنافق مثل البشير??? !!!!

في أنتظار التعليق والأجابة!

: انا أدافع عن عمر البشير الإنسان وليس عمر البشير المؤتمر الوطني !!!!!!!!!!


يا ود هبانى..

دى دايرة ليها فهامة..

وبعدين الناس ديل يكونوا بركوا ليك فكى (سفلى)

عشان كدا الصورة ابت تطلع..

اذا كان الكرسى قاعدين فوقه بى الفقرا..

يبقى صورة تغليهم يعطلوها؟

ات بتلعب ولا شنو؟

كمال عباس :
أول حاجة معليش إتأخرنا عليك في الرد لظروف العمل ..

Quote: وهل ينفصل سلوك الأنسان ..سلوك للعمل السياسي !!!!!

وانا أجاوبك وبي كل صراحة وأقول ليك نعم !!!!!!
ودي يا كمال ما عايزة إتنين يتغالطوا فيها وبعيداً عن المثاليات إنت عارف إنو السياسة لعبة قذرة ووديدنها ونظريتها المعروفة ( البتغلب بيهو العب بيهو ) ...
ولو ما كده ما كان إتفاقية السلام تمت بين أكثر الأطراف تناحر وما كان سمعنا جون قرنق الكانوا بقولوا ليهو (ديكتاتور) بقينا نسمعوا (دكتور) وما كان الترابي البتشوفوهو رأس الحية وبعد ما إنقلب عليهو علي عثمان ما كان شفتوا فيهو الشيخ الهرم المظلوم وما كان وما كان وما كان ...
ولو ما العمل السياسي بينفصل عن سلوك الإنسان ما كان الشيوعيون ماركة السودان ما كان لقيناهم بيصلوا ويصوموا ويزكو لأنو قدر ما تزنق ليك شيوعي يقول ليك انا مقتنع بي الشيوعية الفكرة وليست الشيوعية السلوك !!!!!!
ولو ما كان العمل السياسي بينفصل عن السلوك ما كان لحدي الأن في زول مفروض يحترم العلامة والرجل الرقم محمد احمد المحجوب !!!!!!!!!!
فمحمد احمد المحجوب السياسي المحنك هو نفسه محمد احمد المحجوب الذي يعشق الشمبانيا !!!!!
نعم الحالة معكوسة فتصرفات المحجوب الشخصية أكثر سالبية من السياسية ولكنها في النهاية حالة توضح ان العمل السياسي منفصل عن السلوك !!!!!!!!!
ولو لم نفصل العمل السياسي عن السلوك فلماذا نتحدث دوماً عن أن عبود مات وهو مديون مبلغ من المال وفي نفس الوقت عبود هو نفسه عبود الذي باع حلفا !!!!!!!!!!!!
ولو لم نفصل العمل السياسي عن السلوك لما كان جعفر نميري الذي ضرب الجزيرة ابا يتمختر ويتقدل حالياً في الخرطوم وفي ودنوباي تحديداً !!!!!!
ولو لم نكن نفرق بين السلوك والعمل السياسي لم تحدثنا عن علي دينار الذي كان يكسو الكعبة وعلي دينار الطاغية !!!!!!!!!!!!!!!!
كلنا بشر ولنا إنسانية سواء أن كنت رئيس أو كنت غفير أو كنت معارض أو كنت شحاد !!!!

Quote: السؤال ياعمرهل تثق في شرف وأمانة أنسان كذاب ومنافق مثل البشير???

انا أثق في عمر البشير كشخصية تماااااااااااااااااااااااماً لمعرفتي بشخصية الرجل وطباعه وسلوكياته !!!!
طيب يا كمال عباس عشان أقدر أجاوبك بي صورة أحسن ممكن أسألك سؤال وتجاوبني عليهو بدون دبلوماسية وتقول لي انا وطني وأحب الوطنيين وووو انا محتاج منك تحدد لي إسم يا كمال عباس :
من من الساسة السودانيين أنت تحب ؟؟؟؟؟؟
ومن هو السياسي السوداني في نظرك الذي له سلوكيات تطابق سياسته فيكون هو الأصلح للسودان ؟؟؟؟
عايزك تحدد لي إسم يا كمال عباس عشان انا أجي أقول ليك ردي !!!!!

Quote: فمحمد احمد المحجوب السياسي المحنك هو نفسه محمد احمد المحجوب الذي يعشق الشمبانيا !!!!! نعم الحالة معكوسة فتصرفات المحجوب الشخصية أكثر سالبية من السياسية ولكنها في النهاية حالة توضح ان العمل السياسي منفصل عن السلوك !!!!!!!!!

عمر الفاروق
هات الدليل

نقطة ثانية:
قلت لي نور الدائم كان مغترب 23 سنة.. والله دي معلومة جديدة لنج..

إسماعيل وراق :

Quote: عمر الفاروق هات الدليل

يا اخوي ما تتشيطن علي وإنت عارف وانا عارف وكل الناس عارفة !!!!!!
بس عليك الله تعال وأحلف لي هنا إنو كلامي ده ما صاح وبعدين نشوف موضوع الدليل ده !!!!
ولا تكون عايزني أجيب ليك صورة في هيلتون ؟؟؟؟؟؟؟؟؟؟؟؟؟؟؟؟؟
يا إسماعيل ما تكابر ساي وده براهو وده براهو !!!!!
بالمناسبة نفس الديلي الجابو هشام هباني وجيتوا تتجاروا وراهو وتقولوا كلامو صاح هو نفس الدليل البعتمد عليهو انا في كل كلمة بكتبا !!!!!

تخريمة :

Quote: قلت لي نور الدائم كان مغترب 23 سنة.. والله دي معلومة جديدة لنج..

ما تلخبط الكيمان يا إسماعيل وراق !!!! انا ما قلت عبد الدئم كان مغترب 23 سنة لكن قلت زوج أخت البشير صاحب المنزل كان مغترب ليهو 23 سنة !!!!!!
بالمناسبة إنت شكلك راكب غلط وقايل البيت ده بيت نور الدائم !!!!!!!!!!
أصحى يا بريش !!!!!!!!!!!!!!!!!!!

Quote: يا اخوي ما تتشيطن علي وإنت عارف وانا عارف وكل الناس عارفة !!!!!! بس عليك الله تعال وأحلف لي هنا إنو كلامي ده ما صاح وبعدين نشوف موضوع الدليل ده !!!! ولا تكون عايزني أجيب ليك صورة في هيلتون ؟؟؟؟؟؟؟؟؟؟؟؟؟؟؟؟؟ يا إسماعيل ما تكابر ساي وده براهو وده براهو !!!!!

عمر الفاورق
من الذي أخبرك بأنني أعلم.. وخلينا من الشيطنة والمشوطنة.. هات الدليل وإلا سيكون مجرد كذب وكلام لا يسنده منطق..

Quote: ما تلخبط الكيمان يا إسماعيل وراق !!!! انا ما قلت عبد الدئم كان مغترب 23 سنة لكن قلت زوج أخت البشير صاحب المنزل كان مغترب ليهو 23 سنة !!!!!!

إسمه نور الدائم..
وبعدين يا أخي أنا أتحدث عن فساد نور الدائم الذي أعرفه..

Quote: بالمناسبة إنت شكلك راكب غلط وقايل البيت ده بيت نور الدائم !!!!!!!!!! أصحى يا بريش !!!!!!!!!!!!!!!!!!!

تتصور ما فرقت كتير... فجميعهم في مركب واحد..
من عمر البشير إلى عباس البشير.. مروراً بعبد الله البشير.ز
وزي ما قلت ليك عمر الفاروق الناس ديل بعرفهم قبل عمر ما ينط على السلطة.

إسماعيل وراق :
والله شئت أم أبيت كلامي ده صاااااااااااااااح وانا ما بكذب وإنت عارف إني ما بكذب والله إلا إذا كنت معترض علي النوع شمبانيا ولا كونياك !!!!!!!!
وبعدين عايز الدليل كيف ؟؟؟ صورة في الهلتون ولا شنو يعني ؟؟؟(ما شايفني مركز ليك على هيلتون ده !!!)
إسماعيل وراق عايز تصل لي شنو ؟؟؟إنو كلامي الكتبتو ده كذب ؟؟؟؟؟؟؟
تعال أحلف هنا وقول والله العظيم كلام عمر الفاروق ده كذب !!!!!!!
بعدين يا اخوي إسمو نور الدائم عبد الدائم النعمنو ادم دبالو انا ما عندي بي الإسم كبير غرض انا بتكلم عن مبدأ!!!!!!!
بالمناسبة كم تمنيت لو الموضوع ده إتكتب قبل شهر عشان الاقيك بي سيد البيت وتسألو عدييييييييييييل من أين لك هذا وهو يحكي ليك كيف بنا بيتو ده !!!!!!!
وأسة ما فات شي لو بتقبل شهادة ود أخوهو تكون ما قصرت وأجيبو ليك لحدي عندك !!!!!
تخريمة :
يا وراق كان فنجطت أو نططت كلامي الفوق داك صااااااااااااااااااااااااااااااح وكان عايز باقي الأسماء بتاعت الأنصار اللعبنجية بكتبهم ليك كللللللللللهم هنا !!!!!!
إنت يا أخوي قايل كل الأنصار أولياء الله الصالحين ولا شنو ؟؟؟

Quote: والله شئت أم أبيت كلامي ده صاااااااااااااااح وانا ما بكذب وإنت عارف إني ما بكذب والله إلا إذا كنت معترض علي النوع شمبانيا ولا كونياك !!!!!!!!

عمر الفاروق يمكن تصديقك في حالة واحدة وهي أنك من كان يصب له الكأس.
أنا لم أشاهد المحجوب ولا أنت ولكن ما سمعته في حلقة أجراها الجزلي مع الدكتور عبد الحليم محمد وهو رجل معروف للجميع وفي نفس الوقت هو صديق عمر للمحجوب وإبن خاله في ذات الوقت.. قال الجزلي أن المحجوب كتب عن الخمر ووصف الخمر كثيراً في حين أنه لم يتذوقها مطلقاً فأكد الدكتور عبد الحليم هذه المقولة، فإذا كان هذا رأي شخص لصيق بالمحجوب تأتي أنت لتقول كلام غير مؤسس وغير منطقي والرجل الآن بين يدي الله.. أتق الله في عباده يا عمر الفاروق والحكاية مش طق حنك ولا نقة في الفاضي ساكت، الحكاية قول أنت مسئول عنه أمام الله..

Quote: وبعدين عايز الدليل كيف ؟؟؟ صورة في الهلتون ولا شنو يعني ؟؟؟(ما شايفني مركز ليك على هيلتون ده !!!)

يعني شنو الهيلتون... قل ما عندك.. علشان نعرف سبب تركيزك..

Quote: بعدين يا اخوي إسمو نور الدائم عبد الدائم النعمنو ادم دبالو انا ما عندي بي الإسم كبير غرض انا بتكلم عن مبدأ!!!!!!! بالمناسبة كم تمنيت لو الموضوع ده إتكتب قبل شهر عشان الاقيك بي سيد البيت وتسألو عدييييييييييييل من أين لك هذا وهو يحكي ليك كيف بنا بيتو ده !!!!!!! وأسة ما فات شي لو بتقبل شهادة ود أخوهو تكون ما قصرت وأجيبو ليك لحدي عندك !!!!!

عمر الفاروق أنت كورتك هنا مصرجة، أنا لم أتحدث عن القصر أو خلافه، مداخلتي كانت عن مركز صحي كوبر.. ركز معاي شوية.. وعلشان كده سألتك قلت لك ما إسم المقاول وسؤالي لم يكن من فراغ لأنني أعرف من هو نور الدائم وكيف كان قبل 89م، وأين هو الآن.

Quote: يا وراق كان فنجطت أو نططت كلامي الفوق داك صااااااااااااااااااااااااااااااح وكان عايز باقي الأسماء بتاعت الأنصار اللعبنجية بكتبهم ليك كللللللللللهم هنا !!!!!!

شوف يا عمر الفاروق خلينا نتعامل بإحترام حكاية فنجطت دي بالله ما بتنفع معاي لأني بعاملك بكل ادب.
وبعدين يا أخي أنا ما مسئول عن سلوك الأنصار فإذا كنت تعرف شخص لعبنجي زي ما قلت فهات يا اخي، ولكن سأظل أدافع عن الحق وأدين الباطل أينما وجد..

Quote: إنت يا أخوي قايل كل الأنصار أولياء الله الصالحين ولا شنو ؟؟؟

ما هو دخل الأنصار بالموضوع... نحن نتحدث عن حادثة محددة..

إسماعيل وراق :

Quote: عمر الفاروق يمكن تصديقك في حالة واحدة وهي أنك من كان يصب له الكأس.

والله قررررررررررررررربت شديد يا إسماعيل وراق !!!!!!
تعرف الزول الحضر الكلام ده زول انا بعرفو شدييييييد وهو من أقربائي الأنصار وكان حااااااااااااضر !!!!
وأزيدك من الشعر بيت !!!!! المحجوب ولدو كان بيكونوا قاعدين راس وفي تربيزة واحدة !!!
رحم الله المحجوب لكن الحق حق وانا ما كنت عايز أطوول في الموضوع لكن لأنو شايفك حكيتو شديد فانا بوصلها معاك لي النهاية والفورة مليووووووووووووووون ...

Quote: أنا لم أشاهد المحجوب ولا أنت ولكن ما سمعته في حلقة أجراها الجزلي مع الدكتور عبد الحليم محمد وهو رجل معروف للجميع وفي نفس الوقت هو صديق عمر للمحجوب وإبن خاله في ذات الوقت..

هو المحجوب إن خال دكتور عبد الحليم ولا دكتور عبد الحليم خال المحجوب عديييييل كده ؟؟؟
وبعدين ليك ولي زمانك يا وراق مفروض حقيقة ما تغيب عليك وهي إنو برنامج الجزلي ليس برنامج وثائقي بل بالعكس هو برنامج يرسخ مفاهيم شخص وكلام بي صورة شخصية فهناك من يقول الحقيقة وهناك من يعرف الحقيقة ولكنه غير موجود في الحلقة وهناك من يكذب وهناك من يروي كلام مغلوط وهناك وهناك وهناك !!!!
إذن برنامج الجزلي ليس مرجعية !!!!!!

Quote: تأتي أنت لتقول كلام غير مؤسس وغير منطقي

الما منطقي شنو في كلامي ؟؟؟؟ إنو المحجوب كان بيسكر ده كلام ما منطقي ؟؟؟؟
يا أخوي سيدنا عمر بن الخطاب رضي الله عنه شرب الخمر !!!!!
المحجوب تربى ونشأ في جيل كان قوامه التربية الإنجليزية وكانت أمدرمان تعج بالبارات ومن الريفيرا وإنت ماش وما أظن محتاج أحسب ليك البارات يا ود أمدرمان علي قولك !!!

Quote: شوف يا عمر الفاروق خلينا نتعامل بإحترام حكاية فنجطت دي بالله ما بتنفع معاي لأني بعاملك بكل ادب.

ولا يهمك بنسحب كلمة فنجطت ونخلي ليك كلمة نططت والتي لا تخرج عن حدود الأدب حسب علمي !!!

Quote: أوبعدين يا أخي أنا ما مسئول عن سلوك الأنصار فإذا كنت تعرف شخص لعبنجي زي ما قلت فهات يا اخي، ولكن سأظل أدافع عن الحق وأدين الباطل ينما وجد

ومالك يا اخوي عايز تدين سلوك الكيزان إن شاء الله يبنوا حلة كاملة !!! وإن شاء الله عبد الدائم البتعرفو زمان ده أسة يكون بقا ملياردير مش برضو الحرمنة سلوك ؟؟؟
ولا يكون سلوك الأنصار سلوك عريانة وبتكهرب !!!!!

Quote: ما هو دخل الأنصار بالموضوع... نحن نتحدث عن حادثة محددة..

كلام وجا علي لساني .. مش علي كيفي؟؟؟

Quote: والله قررررررررررررررربت شديد يا إسماعيل وراق !!!!!! تعرف الزول الحضر الكلام ده زول انا بعرفو شدييييييد وهو من أقربائي الأنصار وكان حااااااااااااضر !!!!

تعرف يا عمر الفاروق حكاية فلان قال لي دي دليل، ومنطق فلان قريبي دا ما منطق.. طيب كيف يكون وضعك إذا كان قريبك دا كذاب.. حتقابل ربك كيف.. بضهرك..

Quote: وأزيدك من الشعر بيت !!!!! المحجوب ولدو كان بيكونوا قاعدين راس وفي تربيزة واحدة !!!

والله دي قوية... سوف أصدقك في حال كنت ثالثهما..

Quote: رحم الله المحجوب لكن الحق حق وانا ما كنت عايز أطوول في الموضوع لكن لأنو شايفك حكيتو شديد فانا بوصلها معاك لي النهاية والفورة مليووووووووووووووون ...

يا أخي الحكاية مش حك.. أنت حشرت موضوع المحجوب دا دون سبب.. وأستدليت به بطريقة فيها إفتراء على الرجل.. ركز معانا شوية.

Quote: الما منطقي شنو في كلامي ؟؟؟؟ إنو المحجوب كان بيسكر ده كلام ما منطقي ؟؟؟؟ يا أخوي سيدنا عمر بن الخطاب رضي الله عنه شرب الخمر !!!!!

بالله ما هو وجه المقارنة هنا... الما منطقي يا عمر أنك قلت كلام وليس لديك إثبات..

Quote: ومالك يا اخوي عايز تدين سلوك الكيزان إن شاء الله يبنوا حلة كاملة !!! وإن شاء الله عبد الدائم البتعرفو زمان ده أسة يكون بقا ملياردير مش برضو الحرمنة سلوك ؟؟؟

ليه ما أدين سلوك ناس حرامية أكلوا مال الشعب بالسحت والباطل، عايزني أصفق ليهم، وأثني على شخص كان موظف كحيان والآن يملك المليارديرات.. كلام عجيب مش كده..

Quote: ولا يكون سلوك الأنصار سلوك عريانة وبتكهرب !!!!!

يا أخي للمرة الثالثة ما دخل الأنصار بالموضوع..

يبدو أنك تريد أن تحرف مسار البوست.. فيا عمر الفاروق لا تدافع عن الباطل ولا تكن ملكي أكثر من الملك.. الفساد ريحته أزكمت الأنوف ولا يحتاج لشخص يداري عورته..

إسماعيل وراق :
شايف الموضوع ده زعلك !!!!!!!
يا زول ولا يهمك ..المحجوب ختم القران حفظاً وتلاوة وتجويداً 12 مرة وبي جميع الروايات وما شرب في حياتو إلا من موية زمزم وهو ولي من أولياء الله الصالحين أما البشير وزمرته فهم اولاد ستين كلب وحرامية وملاعين كمان !!!!!!

Quote: تعرف يا عمر الفاروق حكاية فلان قال لي دي دليل، ومنطق فلان قريبي دا ما منطق..

ايوااااااااااااااااااا بركة العرفت إنو ده ما منطق !!!!!! وبعدين يا اللخو إن شاء الله إنت حضرت موقعة كرري ؟؟؟؟؟ ولا ياربي تكون في مقتل غردون كنت واقف ورا ود دكيم !!!
ما ياهو كلو سماع في سماع وكلو قوالة في قوالة !!!!!!!
ياخ إنت مالك متضايق من الموضوع ده !!!!! زول شاف ليهو زول بيسكر المشكلة وين ؟؟؟ هو المحجوب ده قريبك ولا حاجة ؟؟؟؟ ما ياما الناس هنا ردحت وإتكلمت في ناس وفي خصوصياتا مالك ما جيت ردحت جنس الردحي الهنا ده ؟؟؟؟؟

Quote: والله دي قوية... سوف أصدقك في حال كنت ثالثهما..

إسماعيل وراق يا اخوي نحن ناس لا لعب قمار لا جرب الخمرة وأظنك عارف الكلام ده وما بتحتاج أسرح ليك شديد بي خيالي في الموضوع ده !!!!!!!!

Quote: يا أخي الحكاية مش حك.. أنت حشرت موضوع المحجوب دا دون سبب..

القال ليك منو دون سبب ؟؟؟؟ إنت الجيت خشيت دون سبب في المداخلة !!! انا أستدليت بي إنو الأمور الشخصية ما عندها علاقة بي السياسة وضربت مثل بي قدوتنا السياسية المحجوب مش من حقي أضرب مثل بي أي زول ؟؟؟ ولا المحجوب مصفح ومنطقة عسكرية ممنوع الإغتراب والتصوير ؟؟؟؟ طيب عشان أسهلها ليك ..يعني لو كنت إستدليت في حديثي ده بي عبد الرحيم حسين كنت جيت ووقفت لي في حلقي زي أسة ؟؟؟ أكيد لأ وما كنت جيت قلت بغم !!!! لكن طبعاً عشان الموضوع هبش ناس تانيين ومن من تهوى النفوس جشت وعايز تديني محاضرة في الغيبة والنميمة والبهتان !!!!!!!

Quote: ليه ما أدين سلوك ناس حرامية أكلوا مال الشعب بالسحت والباطل، عايزني أصفق ليهم،

وكنت وين في الفترة من 86 لحدي 89 ؟؟؟؟؟ ما ياما في ناس من حزب الأمة والإتحادي أكلوا أموال الشعب بي السحت والباطل !!! ماصفقت ليهم بل ربما تكون ذهبت لأبعد من ذلك وهتفت هتافات انصار الإمام الله أكبر ولله الحمد !!!!!!!!!!!!
السياسة لعبة قذرة يا وراق والليل ليك بكرة عليك والكنت بتكوي بيهو الناس بتتكوي بيهو فيا تكون عادل في كل الحالات ويا تاكلا في حنانك وتذوق العذاب بما كنت تفعل !!!!
بس يا ريت ما تجي كمان في دي تقول لي جيب الدليل وتديني درس في ديموقراطية 86-89!!!

Quote: يا أخي للمرة الثالثة ما دخل الأنصار بالموضوع..

وللمرة المليون بقول ليك انا أنصاري وعايز أتكلم وأجيب سيرة الأنصار مش على كيفي؟؟؟؟ ولا لازم أجيب صك غفران من سيادتكم حتى أقدر أتكلم ؟؟؟؟؟
مش الناس بتجيب في سيرة الكيزان ؟؟؟ انا عايز أجيب سيرة الأنصار !!!!

Quote: شايف الموضوع ده زعلك !!!!!!!

أبداً .. أنت الزعلان لأنك دخلت على البوست بطريقة توضح أنك زعلان لدرجة أن أحد الأخوان سألك وقال ليك ليه خسران 200 ريال إتصال وعشان شنو..

Quote: يا زول ولا يهمك ..المحجوب ختم القران حفظاً وتلاوة وتجويداً 12 مرة وبي جميع الروايات وما شرب في حياتو إلا من موية زمزم وهو ولي من أولياء الله الصالحين أما البشير وزمرته فهم اولاد ستين كلب وحرامية وملاعين كمان !!!!!!

ثرثرة ليس إلا..

Quote: ايوااااااااااااااااااا بركة العرفت إنو ده ما منطق !!!!!! وبعدين يا اللخو إن شاء الله إنت حضرت موقعة كرري ؟؟؟؟؟ ولا ياربي تكون في مقتل غردون كنت واقف ورا ود دكيم !!! ما ياهو كلو سماع في سماع وكلو قوالة في قوالة !!!!!!!

لكني أعرف أشخاص كانوا معدمين قبل الإنقاذ والآن يتحدثون بالمليارات وأظن عندي الحق أسال ولا مش كده.

Quote: ياخ إنت مالك متضايق من الموضوع ده !!!!! زول شاف ليهو زول بيسكر المشكلة وين ؟؟؟ هو المحجوب ده قريبك ولا حاجة ؟؟؟؟ ما ياما الناس هنا ردحت وإتكلمت في ناس وفي خصوصياتا مالك ما جيت ردحت جنس الردحي الهنا ده ؟؟؟؟؟

الدفاع ليس فقط عن الأقرباء وإنما يكون عن الحق وتعال بنفس منطقك عمر البشير دا قريبك وأنا ما عارف... وبعدين يا أخي حكاية ردحي دي شنو.. إنت عارف يا عمر الحوار معاك شكله لولبي وغير مفيد للغاية..

Quote: إسماعيل وراق يا اخوي نحن ناس لا لعب قمار لا جرب الخمرة وأظنك عارف الكلام ده وما بتحتاج أسرح ليك شديد بي خيالي في الموضوع ده !!!!!!!!

ما في زول قال ليك أنت بتاع قمار أو بتاع خمر...

Quote: القال ليك منو دون سبب ؟؟؟؟ إنت الجيت خشيت دون سبب في المداخلة

دا منطق أعرج.. أنت أوردت معلومة غلط عن شخص بين يدي الرحمن وكلها كذب وبهتان.. قصة والله!!!

Quote: يعني لو كنت إستدليت في حديثي ده بي عبد الرحيم حسين كنت جيت ووقفت لي في حلقي زي أسة ؟؟؟ أكيد لأ وما كنت جيت قلت بغم !!!! لكن طبعاً عشان الموضوع هبش ناس تانيين ومن من تهوى النفوس جشت وعايز تديني محاضرة في الغيبة والنميمة والبهتان !!!!!!!

بئس المقارنة.. الجاب عبد الرحيم للمحجوب شنو.. شخص كل الأدلة تقول أنه مجرم وشخص آخر علم ومفخرة لشعب بأكلمه.. زمن والله!!!

Quote: وكنت وين في الفترة من 86 لحدي 89 ؟؟؟؟؟ ما ياما في ناس من حزب الأمة والإتحادي أكلوا أموال الشعب بي السحت والباطل !!! ماصفقت ليهم بل ربما تكون ذهبت لأبعد من ذلك وهتفت هتافات انصار الإمام الله أكبر ولله الحمد !!!!!!!!!!!!

إذا كنت تعرف شخص فهات.. وإلا حيكون طق حنك ساكت.،

Quote: وللمرة المليون بقول ليك انا أنصاري وعايز أتكلم وأجيب سيرة الأنصار مش على كيفي؟؟؟؟ ولا لازم أجيب صك غفران من سيادتكم حتى أقدر أتكلم ؟؟؟؟؟ مش الناس بتجيب في سيرة الكيزان ؟؟؟ انا عايز أجيب سيرة الأنصار !!!!

ما في حد قال ليك ما تجيب سيرة الأنصار، قلنا لك لا تحشر الأمور بشكل خاطئ.. وبعدين يا أخي فهمك للأنصارية شنو.. اللهم زدنا علماً..

الاخوة المتداخلون
ســــــــــــــــــــــلام

وشكرا علي المرور اهتماما بهذا الموضوع الحيوي والهام وهي هواجس وتساؤلات مشروعة وهي حديث الشارع حول فساد ازكمت رائحته الانوف وصار معلما من معالم الانقاذ ولنستمر جميعا يدا واحدة لكشف الفساد والمفسدين.


و انت ايتهاالرائعة الاستاذة نور تاور استفسارك في محله حول سر اختفاء الصور وبالذات هذه الصور الداحضة والفاضحة للفساد وفي هذا البوست بالذات بينما عشرات البوستات تعج بالصور ولم ار ان الصور قداختفت فيها بسبب انتهاء الباندودث.... وارفع الاستفسار لصاحب الدار وهو اولى بالاجابة عن هذا السؤال ولك التحايا.

كتب السيد عمر الفاروق

Quote: أول حاجة معليش إتأخرنا عليك في الرد لظروف العمل .. Quote: وهل ينفصل سلوك الأنسان ..سلوك للعمل السياسي !!!!! وانا أجاوبك وبي كل صراحة وأقول ليك نعم !!!!!! ودي يا كمال ما عايزة إتنين يتغالطوا فيها وبعيداً عن المثاليات إنت عارف إنو السياسة لعبة قذرة ووديدنها ونظريتها المعروفة ( البتغلب بيهو العب بيهو ) ...

قد أنطبق عليك المثل القائل جاء يكحلها عماها !!

ياعزيزي عمر هذا الحزب يدعي أنه جاء لتطبيق التوجه الحضارة والدولة
الرسالية فكيف تقول أن من حقه أن يكذب وينافق مثل أهل العلمانية
و"الطائفية" التي جاء لينسخها بأرساءقيم ومثل الاسلام?
هل يتماشي كذب ونفاق البشير مع قيم الأسلام ياعمر??? السياسة ياعزيزي مثل وقيم ومبادئ وليست أنتهازية ونفاق كما تمارسها
جماعة الترابي...
نأتي لمسألة أنفصال السلوك الشخصي عن العام
فهمي يا عزيزي أن خصال الكذب والنفاق هي ذات الخصال سوي أن
مارسها الأنسان في حياته الخاصة أو في الحياة العامة...
لا مجال هنا للترقيع والتبرير... هذا بالأضافة الي أن البشير نفسه
دمغ خصمه الترابي بالكذب والنفاق وزعم أن جماعته تجسد مثل القوي
الأمين ...
يقول السيد عمرظانا أنه حشد شواهد لدعم نظريته وتخريجاته

Quote: ولو ما العمل السياسي بينفصل عن سلوك الإنسان ما كان الشيوعيون ماركة السودان ما كان لقيناهم بيصلوا ويصوموا ويزكو لأنو قدر ما تزنق ليك شيوعي يقول ليك انا مقتنع بي الشيوعية الفكرة وليست الشيوعية السلوك

أذا أراد الشيوعي أن يتخلي عن الجمود العقائدي ويأخذ من الشيوعية
بعض نظرياتهاويترك ما لا يتناسب مع واقعه فهذا يحسب له
وليس هناك أي منطق يلزمه أن يعتنق الشيوعية كدوغما أو عقيدة جامدة
أما أن يقول قائل "مثلا "
بلا دليل أو سند أن المحجوب كان يعاقر الخمر أو أن الشريف حسين
الهندي كان يمارس الجنس خارج مؤسسة الزوجية هذاقذف لأنه يقف بلادليل
ومن ناحية أخري نقول أن لاالمحجوب أو الشريف الهندي زعموا أنهم كوادر
رسالية أو أنهم جاؤا لتطبيق شرع الله...المصيبة ياعمرتأتي حينما
يرفع قيادي مثل عمر البشير شعار ديني وقيم أسلامية ويمارس ما يناقضها
فهمت!!!! ونضيف رجوعا لقيم الدين التي يتشدق بها البعض
ونري أن الخليفة عمر حينما تسور علي قوم يسكرون ويعاشرون النساء
لم يستطع محاكمتهم أو عقابهم لأن ذلك يعارض الدين الذي يعطي للمسكن
حرمة خاصة ولكن الدين شدد في محاسبة السارق والمختلس وأدان الكذب
والنفاق.... أن السكرو الزنا ذنب يتحمله من يرتكبه بعكس السرقة من المال
العام أو الخاص وبعكس الكذب والنفاق لتحقيق مكاسب وتضليل الرأي
العام.....
كتب عمر الفاروق

Quote: وكنت وين في الفترة من 86 لحدي 89 ؟؟؟؟؟ ما ياما في ناس من حزب الأمة والإتحادي أكلوا أموال الشعب بي السحت والباطل !!! ماصفقت ليهم بل ربما تكون ذهبت لأبعد من ذلك وهتفت هتافات انصار الإمام الله أكبر ولله الحمد !!!!!!!!!!!!

يا عزيزي لطالما سمعنا وقرأنا مثل هذه الأدعاءات في صحف الوان
وحلمنتيش والراية مثل أتهام أدريس البناء وعثمان عمر
وحينما وثبت الجبهة للسلطة لم تستطع تقديم رموز الديموقراطية
لمحاكمةلعدم وجود سند وحتي من قدموا لمحاكمة أضطروا لأخلاء سبيلهم
لأ نعدام السند مما يوضح أن الجبهة كانت مثلك تماما تقذف الناس بلا
سند مما يجعلهم أمام أمرين هما: أما الكذب والقذف في حق رموز
العهد الديموقراطي وأما التستر علي هولاءبأفتراض صحة تهم الفساد!!!
فأيهما تختار للأنقاذوعمر البشير ياعمر?? أن فساد ونفاق الأنقاذ شهد به أمثال الترابي والأفندي والطيب زين
العابدين فهم أدري بشعاب مكة منك ياعمر!!
أم تريد أن تصبح ملكياأكثر من الملك????
سبق أن قلنا أن الدفاع عن البشير وزمرته مهمة شاقة لأنها تحرق مصداقية
من يقوم بها وتجعله كمن يشكر الرواكيب في الخريف بل وتجعل من ينطلق
من أرضية دينية يناقض نفسه ويخرق تعاليم دينه كيف??
كما قلنا أن تعاليم وقيم الاسلام تقف بصلابة ضد الكذب والنفاق
وتحث المرء.علي أن لا يناقض ظاهره باطنه وأن لايظهر خلا ف ما يبطن
وأن يتمثل الانسان قيم الدين في حياته الخاصة والعامة ومع هذا نجد من يبرر
لنفاق وكذب من يرفع شعار الدين ويناقضه فأي تهافت وتناقض أكثر
من هذا??
العزيز أسماعيل وراق
تحية كان عهدنا بالانصارية ( كما نفترض) أنها جهادونضال متصل ضد الأستبداد والشموليةوالفساد كما فعل المهدي وحفيده الصديق ضد نظام عبود
وكما فعلت جماهير الأنصار ضد نظام عبود ونميري... ويفترض أن لاتكون -أي الأنصارية - مكانا للتطبيل للمفسديين والمنافقيين!!!
لم يدربخلدنا أن الأنصارية مجرد قرأءة أوراد أو الأنسان يصبح أنصاري
لمجر د الأرث العائلي ...نميري كان يزعم الأنصارية لمجرد عائلته
أنصارية وعمر البشير يزعم أنه ختمي ويصحب والدته أحيانا لمسجد السيد
علي فهل خدعت هذه الأدعاءات الانصار والختمية وجماهير شعبنا ??
بالطبع لا.... ونعود لعمر ونقول أنك ياعزيزنا تضر بقيادة الانقاذ من حيث تريد
لها النفع وأن تعمي من حيث تريد التكحيل... وأنك تجهد نفسك بالدفاع عما
لايمكن الدفاع عنه مما يضعف طرحك ويجعلك في مثل هذا الموقف!!
كمال

تحية طيبة للجميع

اعادة رفع الصور

الاستاذ/ محمد الامين

بحــق يا اخي الاصغر تستحق الاستاذية ولك جزيل الشكر وانت تعيد الصور الى مكانها وهو جهد وطني مقدر ومساهمة مثمنةوعشت وعاش الوطن بامثالك يا اخي الصغير الاستاذ/ محمد الامين .
محبتي واحترامي




سندة: حمدا لله علي السلامة اخوي بكري ابوبكر الله لا جاب عدوك وعاشت سودانيز اونلاين دوت كوم صرحا للحق و للحقيقة.

يا جماعة انا ما بفهم في الهندسة شديد وبديت أحس زي العندي وجع عيون ..
القصر المنيف ده مالو بقا يتقلبن لي كده ؟؟؟ مرة يجيني كم طابق ومرة أشوفو ليك بيت أرضي ومرات أشوف السقف بتاعو علي طريقة الريف الإنجليزي ومرات أشوفو ليك ما معروش زاتو ..ومرات مرات يجيني بني والحيطة فيها حجر ومرات مرات يبقا لي أبيض أبيض لون الفل حلو جمالو وسحر الكل ..ومرة يجيني ليك في شكل جامع ومرات يبقا لي كنيسة ومرة أشوفوا ليك فاتح في زلط كبييييير ومرات يجيني ليك وهو محاوط بي الكوش ..ومرة مرة يجيني عندو جيران ومرات مرات أشوفوا ليك واقف (برااااااااااااايو) علي قول جدي...
يا ربي القصر ده يكون بناهو هاروت ؟؟؟ ولا ماروت ؟؟؟؟ ولا يكون هشام هبانيوت !!!!
طبعاً البعرفو إنو دائماً الناس البيكون أخوات بيبنوا زي بعض لزوم القشرة والتمييز وخصوصاً كمان القروش ما تعبانين فيها ولقوها بي الميت !!!!!!!
كدى ركز يا هشام وورينا بي المرة البيت فيهو كم غرفة جوة !!!!!!

......................

Quote: شماعة الكرة السودانية : الامكانيات شماعة المنبر : الكيزان لمان يجي واحد يقول ليك القصر ليس المقصود مش المفروض تعتزر ولاتقعد تبي بي وبطل السخف الي انت فيهو ده . اي من قال الحقيقة لو في نظرك كوز اها انا من اليوم كوز كبير ياشاطر . كوز قااال .

ياخوى إنت تبرأ وتستبرأ الكوز عندوأضان واحدة وإنت عندك إتنين ماشاءالله كاس برنجى
اصلو الكيزان دايما البرنجى فى نكران الشينة والطيش فى نكران الذات
جنى

>>>>>>>>>>>>>>>>>>>

؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟؟

؟؟؟؟؟؟؟؟؟؟؟؟؟؟؟؟؟

..................

؟؟؟؟؟؟؟؟؟؟؟؟؟؟؟؟؟؟؟