صباحاتكم نديه ابراهومه:ولايهمك... امنه:شاشتي اخفت باقي كلام صلاح مختار-كما حدث لعهد قريش- تبقي من كلامه فقط: امنه دي متدينه!! كلام عقلاني انو نركز علي زول واحد في المرحله دي اها انتي عايزه الصرفه الاولي!!
صلاح مخ طار:اللماح الصندوق 25 شخص...السهم:2000 جنيه بالجديد الجماعه كلهم دفعو الا انت...وصرفت وقعت الاخيره اخصم ال300 العايزم من امنه ورسل الباقي وتعال لي بع 24 شهر استلم صرفتك..بس خليك ملتزم في الدفع ....سوق الهلال...معليش سوق الفاشراقصد سوق المواسير
Quote: تعرف حصلت نفس المشكله عندي في الشاشه و ما ظهر عندي غير "الصرفه الاولي" لكن اظن قصدك واضح المهم انا موافق ترجع لي القروش بعد ما تستلم الصرفه الاولي.
انت ما شايف إنك بتصرف الناس عن الموضوع الاساسي...؟؟؟
بعدين بالطريقة دي لا أنت حتلم في قروشك ... ولا انا حالم في مهند...!!!
صلاح مختار والله انت بتنكت في جنس حاجات !! ... طالما امنة لديها منزل وسيارة وتعمل في مهنة ( غير معروفة الدخل ) فيبقى هي ما محتاجة لاي دعم عنقريبي بل هناك احتمال ان العنقريب يقيف في الصف ( والله اعلم )
Quote: طالما امنة لديها منزل وسيارة وتعمل في مهنة ( غير معروفة الدخل ) فيبقى هي ما محتاجة لاي دعم عنقريبي بل هناك احتمال ان العنقريب يقيف في الصف ( والله اعلم )
واضح انكم فهمتو الموضوع غلط ... الموضوع ليس افتتاح مؤسسة للدعم الخيري (الموضوع كبييييييير) ( وش هومي الانصرافي)
Quote: امنة رايك شنو على ابراهيم برضو ده ؟؟؟ جابوق ... جابوق
بولادي 96 من جماعه الكوتش,هشام,.....الخ لو الكوتش ظهر بكره ضمو للمنبر حيكون ساهل ولو ما ظهر بكره بصبح عيان وعندو صداع ابراهيم تفتكر الاحتمال الاكبر:يصبح عيان ولا عندو صداع
انتو الحاصل شنو؟؟ الواحد يختف رجلو لتركيا ويجي يقرا كل الكلام وما يفهم ولا حاجة!!! اها اكان وصلت اليابان، اسحب باسويردي وامشي اقعد في المصطبة برة؟؟ فهموني: الشال القروش منو؟؟ وهي كانت كم؟؟ وانا حقي منها كم؟؟ يعني حقنا ما يروح سايييييي... . . دة شنو دة؟؟؟؟
السؤال التاني: بولادي دا منو ؟؟والحاصل عليهو شنو الليله؟ بالمناسبه دا سؤال مكشوف
هومي بطا الضحك...السؤال دا صنننننن
اسامه بولادي دا مدنيه-96
ومسكين مصدع شديد الليله
وعرفت كييف؟؟؟؟
Quote: بولادي 96 من جماعه الكوتش,هشام,.....الخ لو الكوتش ظهر بكره ضمو للمنبر حيكون ساهل ولو ما ظهر بكره بصبح عيان وعندو صداع ابراهيم تفتكر الاحتمال الاكبر:يصبح عيان ولا عندو صداع
Quote: انتو الحاصل شنو؟؟ الواحد يختف رجلو لتركيا ويجي يقرا كل الكلام وما يفهم ولا حاجة!!! اها اكان وصلت اليابان، اسحب باسويردي وامشي اقعد في المصطبة برة؟؟ فهموني: الشال القروش منو؟؟ وهي كانت كم؟؟ وانا حقي منها كم؟؟ يعني حقنا ما يروح سايييييي... . . دة شنو دة؟؟؟؟
اول شئ حمدلله على السلامة
وتاني شئ كدي قبل ما تفهم اي حاجة تعال كرهنا تركيا دي
تالت شئ قروش ما تخاف عليها في الحفظ والصون عند اللماح انا سلمتها ليهو بي يدي....
السلام عليكم ... امنة والموبايل الرايح ضربت لامنة الصباح لتسليم الدعم رد علي صوت حاج كبيير قلت ليهو عاوز الباشمهندسة امنة ( اعتقادا مني انه والدها ) لكن اعتقادي طلع غلط ! ده بتاع امجاد لقى موبايل امنة واقع في عربيتو قلت لنفسي ياربي امنة دي ما عندها شنطة يد ؟؟ اذا ما عندها شنطة يد . يكون عندها جزلان ؟؟؟ طيب الموبايل وقع كيف ؟؟ اسئلة كتيرة ( بتاعت شمارات) .. حاج شرف هو سائق الامجاد من شمبات الحلة رجل نادر ( الدنيا لسع بخيرها ) التحية له ولكل ( رجل وامراة ) الامانة من صفتهم ..
عارف الحكايه دي بتدبرس بي شديد معقول صفات الامانه و المروءه و الشهامه هي النادره؟ هل تغير الناس؟ ام هل اصبحنا نفترض سوء الشخص حتي يثبت لنا العكس؟
مره كنت في فراش قام واحد يتحدث عن المرحوم قال "هذا الرجل عمل بمصلحة الاراضي لمدة 30 سنه ولم يمتلك غير بيته هذا" يعني كان الشىء الطبيعي إنو المرحوم يسرق؟ ويستغل سلطته؟
صلاح مختار .. الامانة بقت صفة نادرة ( ده صحيح ) وما عاوزة اثبات ناس كتييييرييين اذا لقى طريقة ( مش يشيل حقك ) يضرك ما فارقة معاهو المشكلة مرات الضرر جاييك من وين ؟ ما بتعرف يبقى الاساس عندك الحذر والله دي مشكلة حقيقية يا صلاح مرات قاعد افكر ارجع كنور اسكن هناك وازرع لي زراعة ارجع واشوف العائق هو تعليم الاولاد ..
يا الشايل شمسك في جواك خليها تبين للناس تطلع يا النازع فرحة والدة هناك غير حس آهاتك ما بتسمع
يا الناسي اللبقة المفتوحة دي بلاك طوريتك ما بتقرع المنجل في راس التمرة ناسيهو وامك ما بتطلع الكتقة وقعت والحملان في اللوبي بقت تجري وترتع والزير الفي بيت الضيفان حرمان لا نزّ ولا نقّع
يا السبت عقابك وروّحت وحيات عز بلدك لا تنجع الشتلة تقولك لاتنجع الرمله تقولك لا تنجع الواطة تقولك لا تنجع الحوض الما رفعت سرابو ينادي يقولك لا تنجع الحبل الما تميت وسيرو يهاتي يقولك لا تنجع والنيل الفي واطاتنا ترع بيقولك ازرع ولا تنجع
ماك فاكر يوم داير ترحل وابوك الحاج شايلو عصا لا حيلو وقف طقش الابريق اندفق سال فوق المصلاة قام بارى الحيطة واتوكل ويقوم فد مرة ومية يقع ويقولك يا المبروك ارجع
ارجع ارجع يا زول ارجع غير ارضك عاد ما بتلقى بطاح شن داير في بلدا والناس ما فيهن حاس وما فيها صباح الليل الويل مليان اتراح الويل الليل مليان اتراح بياع بيقول افراح افراح زي البيقول تفاح تفاح
مجلوبة الفرحة ومفروشة من ضحك الناس دايرين ارباح لو كان في ايدن ملك الكون كان لمّو عبير الزهر الفاح كان علمو نفس الزول العاش في سدر الليل داير يرتاح كان حجزوا الغيم في واطاتم وكان آمسكين باعو الارواح
وين تلقى الفرحة وتتهنى في دارا ضيقي ومافي براح جم ناسا من عين العطشان تخطف ومضات البرق اللاح
سايب اهلك ونخلك راحل قول وين ماشي وين آ صاح الشمس النايره ابت تطلع والنيل يا زول اصبح رحراح الضل قصر ما غتى رويس ولدا ساكب عرق الكتاح الواطة ابت تديك الخير ولا انت عليك ما هابي رياح
قولي وين ماشي ووين غاشي ولي شن سايب بلد الصلاح النسمة ان جاتك بتجيك ملياني عبير عند الفياح الموية ان داير تلقاها نقاعا واطيب من الراح ان درت نغيم الموج تلقى وان درت كمان الطير صداح
ارجع ارجع يا زول ارجع دي الضحكة هناك من جوة الجوف الفرحة هناك ما فيها الخوف الشقى ارحم في ضل النيم وبعيد من ناسا واقفة صفوف جم ناس حبان تلقى المكسور مشيول في كتاف واحد مكفوف الجن الاحمر فاقد القيد في خلوة حاج الخير مكتوف دكان الشيخ فوق الواطة كيمان كيمان ما فيهو رفوف
_______
سلام شديد لكل الناس سلام حار وما بندار فى يوم الهندسة و المعمار وشوق كتير و كمان فوق الواطة كيمان كيمان ما فيهو رفوف
السلام عليكم .. والله يا ابراهيم اخبارك حلوة شديد وانا عندي اخبار مشرفة وتستاهل هيييع ولدنا الباشمهندس الشيخ كامل البيلي فخر لكلية الهندسة جامعة الخرطوم وهو من الحفظة قامت اذاعة الفرقان بتسجيل كامل للقران الكريم بصوت ( كامل ) لتكتمل فرحتنا باحد ابناء الهندسة القراءة برواية ورش عن نافع يمكنك سماع المصحف بصوت الشيخ على www.furgan.org .. كامل البيلي دفعة 84 منذ ان عرفناه يتخذ القران خليلا ذلك الصوت الجميل عندما يصلي بنا الصبح في مسجدتهراقا لا تجد موضع قدم حتى خارج المسجد يكون ممتلئ ربنا يثبت اجرك ويجعلها لك صدقة جارية التعديل للاضافة : الشيخ كامل البيلي هو الوحيد في السودان الذي يحفظ ويرتل القران برواية ورش عن نافع
هذه رائعة من الشعر الجاهلي وقد أعجبتني قوة كلماتها والتشبيهات المبدعة بها، لذلك لتعم الفائدة أحببت أن أنشرها للأخوة..ويا حليل الزمن الجميل.........
تدفق في البـطـحـاء بعد تبهطلِ **وقعقع في البيداء غير مزركل
وســار بأركان العقيش مقرنصاً ** وهام بكل القارطات بشنكــلِ
يقول وما بال البـحاط مـقرطماً ** ويسعى دواماً بين هك وهنكـلِ
إذا أقـبـل البعـراط طاح بهمةٍ **وإن أقرط المحطوش ناء بكلكلِ
يكاد على فرط الحطيـف يبقبـق**ويضرب ما بين الهماط وكندلِ
فيا أيها البغقوش لسـت بقاعـدٍ** ولا أنت في كل البحيص بطنبلِ
****************************** معاني الكلمات
تبهطل : أي تكرنف في المشاحط
المزركل : هو كل بعبيط أصابته فطاطة
العقيش : هو البقس المزركب
مقرنطاً : أي كثير التمقمق ليلاً
البحطاط : اي المتفرنع
مقرطماً : أي مزنفل اً
هك : الهك هو البقيص الصغير
البعراط : هو واحد البعاريط وهو العكوش المضيئة
أقرط : أي قرطف يده
المحطوش: هو المتقارش بغير مهباج
يبقبق : أي يهرتج بشدة
الهماط : هي عكوط تظهر ليلاً وتختفي نهاراً
الكندل : هو العنجف المتمارط
البغوش : هو المعطاط المكتنف
البحيص : هو وادٍ بكوكب تيفانوس
الطنبل : هو البعاق المتفرطش ساعة الغروب
****************************************** وبعد هذا الشرح المفصل للألفاظ والكلمات ، نود أن نذكر أن قائل هذه الأبيات هو كليب بن الحنش الظعفظي .. وكان شاعرا فطحلا !!!!!!!!!
فعلا يا علاء حليل الزمن الجميل .. اعتقد ان هذا الشاعر الفطحل
Quote: كليب بن الحنش الظعفظي
عاصر الشاعر كهرمان بن كرعويه وهو ابن عم الزبرقان الزبعري .. اما وصفه للسيل في ذلك الكوكب البعيد فقد كان وصفا خمبيعا خاصة في وصفه للصفات الزعطيرة الساكمة بالطنسبين وهذا المتبهطل المتفهدر يدعو الخيال للدخول في عالم عبقر
Quote: السلام عليكم ... امنة والموبايل الرايح ضربت لامنة الصباح لتسليم الدعم رد علي صوت حاج كبيير قلت ليهو عاوز الباشمهندسة امنة ( اعتقادا مني انه والدها ) لكن اعتقادي طلع غلط ! ده بتاع امجاد لقى موبايل امنة واقع في عربيتو قلت لنفسي ياربي امنة دي ما عندها شنطة يد ؟؟ اذا ما عندها شنطة يد . يكون عندها جزلان ؟؟؟ والله يا حمد عندي شنطة يد لكن تقول شنو....
طيب الموبايل وقع كيف ؟؟ اسئلة كتيرة ( بتاعت شمارات)
يا عالم بطلو الشمارات
..
Quote: حاج شرف هو سائق الامجاد من شمبات الحلة
وسبحان الله حاج شرف ضرب لسحر وسلمها الموبايل زي ما يكون عارفها ساكن جنبو ( سحر ساكن شمبات الزراعة)
Quote: رجل نادر ( الدنيا لسع بخيرها ) التحية له ولكل ( رجل وامراة ) الامانة من صفتهم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة