|
دعواتكم لزميلنا المفكر د.الباقر العفيف بالشفاء العاجل
|
|
 Re: لحن الخميس .... القطار ..... (Re: Soumeta)
|
سوميتا البنت الغابة ..
كل ما اسمع الاغنية دي بتذكر قطار حلفا وابوحمد
والغبار والمحطات والبياعين واكيد عطبرة ..
وكل الحاجات البتعتبر القطر جزء كبير من حياتا
واكيد سمعاك ليها وداك هناك ..
الف تحيه ليك كاول مشاركة ..
مش زمان بقولوا : فرعة من ود حلال ؟؟
تسلمي ومنورين البورد الاتنين .. 
| |
 
|
|
|
|
|
|
|
|
Re: لحن الخميس .... القطار ..... (Re: Soumeta)
|
| Quote: أها الزمن إتقدم و بقيت أجر علي النت بدل الباب،، |
تصدقي وانا برد بي هناك مشيت عاينت لي المتواجدون الان ..
وقربت احرك سلك .. بس قلت اكيد بتكوني عرفتي .. كيف ما عارف
امكن زي العربيه الوقفت برا الباب دي ..
انا ما قلت كلام الخواجات دا ما بعرفو ..
والله الا ارسل ليك الظروف الجات راجعة ولا اعمل ليها اسكان
وارفعا ليك هنا ..
| |
|
|
|
|
|
|
|
|
|
Re: لحن الخميس .... القطار ..... (Re: 3mk-Tango)
|
عمك تنقو
شكرا على روعة القطار الذى يتحرك على حروف ود القرشى ويشدو باصوات كل هؤلاء النجوم
والقطار له مكانة فى نفس كلن من عاصروه فهو الامان والصحبة واندياح الاجتماعيات وموحد لكل اللهجات كلما طالت ايام السفر
وتحضرنى نكتة شايقية ...
واحدة شايقية راكبه فى المقعد الجنب الشباك ودخل القمره راجل وقال ليها عليك الله خلينى اقعد جنب الشباك علشان التمباك عاينت ليه وقالت مال الخاطه فى شلفوته دى كريمة
تحياتى
| |
|
|
|
|
|
|
|
|
|
Re: لحن الخميس .... القطار ..... (Re: بلدى يا حبوب)
|
الحبوب يا بلد ..
تعرف انسي ما انسي احدي رحلاتي الي مصر عن طريق القطار والباخرة ..
رحلة القطار من ابوحمد الي حلفا رحلة قاسية جدا في ما يسمي ( النمر )
وهي عشرة محطات يعرفها كل من ركب قطر حلفا ,, لا تري سوي الصحراء وخط
السكة حديد والسراب .. ولا يخلو الامر من ذرات الرمل المسحوقة بين العجلات
والمسار الحديدي ..
يلطف من قساوه الرحلة الروح العائليه التي تنشأ بين الركاب وتتحول
السفرة الي رحله حلوه ..
لك الود
| |
|
|
|
|
|
|
|
|
|
Re: لحن الخميس .... القطار ..... (Re: 3mk-Tango)
|
السلام عليكم
عمك...
يا سلام عليك
إضافة صغيرة...
العازف الفنان على العود هو عوض أحمودي
ولا اظن أنه يقل عن المؤديين (زيدان والخالدي) والشاعر (ود القرشي) إبداعاً
مش كده ؟؟؟
......
تحياتي
.....
وما الناس إلا هالك وأبن هالك *** وذو نسب في الهالكين عريق
| |
|
|
|
|
|
|
|
|
 Re: لحن الخميس .... القطار ..... (Re: الزوول)
|
الاخ عمك تنقو
كل التحايا
القطار فى السودان تقدر تقول عنه انه الناقل الوطنى وانت مطمئن للتسمية لانه ببساطه استخدم من قبل مالايقل عن ثلاث ارباع السودانيين بعد ذلك تغنت اغانى كثيرة عنه وله وبه وربما تكون من اسباب تدهور حاله الاغنية التى يقول مقطع فيها القطر الشال معاوية يتكسر زاوية زاوية فتكسر حتت حتت تكسرت هيبته واهميته ودوره الاجتماعى وخلت الاغانى الجديدة من سيرته وغاب عنها.
رحم الله الاساتذة الكبار محمد عوض الكريم القرشى وعثمان الشفيع.وحيا الله الاساتذة زيدان ابراهيم وعبد المنعم الخالدى.
وشكرا للبوست وشكرا لذوقك وفى انتظار لحن الخميس القادم.
| |
|
|
|
|
|
|
|
|
|
Re: لحن الخميس .... القطار ..... (Re: مطر قادم)
|
الاخ مطر قادم ..
مرحب بي رشاشك ودعاشك ..
السكة حديد بقاطراتها المميزة من المؤسسات التي استلمها الحكم الوطني
من الاستعمار .. ولكن مثل كثير من الاشياء ضاعت وسط الاهمال وتغول السلطات
عليها ولا ننسي ان مدينة عطبره كانت مدينة الرجال العظماء بمواقفهم ضد
كل حال مائل .. وكان ضرب السكة حديد في زمن نميري من خطة لتكسير هؤلاء
الرجال .. ولم يكن يعلم انه بذلك كسر شريان مهم من شرايين البلد .
من بف نفسك يا القطار ..
قطار الشوق متين ترحل تودينا ..
وانا في القطار اصغر صبي .. آمال تفيض متفجرة
لما القطار صفر وقف .. بهرتني صورة عطبره ..
| |
|
|
|
|
|
|
|
|
|
Re: لحن الخميس .... القطار ..... (Re: الزوول)
|
الزول العزيز ..
Quote: إضافة صغيرة...
العازف الفنان على العود هو عوض أحمودي
ولا اظن أنه يقل عن المؤديين (زيدان والخالدي) والشاعر (ود القرشي) إبداعاً
مش كده ؟؟؟ |
وكدا ونص كمان .. تسلم كتير
عندي موضوع طويل عن الأستاذ الخارق / عوض احمودي
دي صور من سحارة تنقو ..
| |
|
|
|
|
|
|
|
|
|
Re: لحن الخميس .... القطار ..... (Re: filan)
|
العزيز تنقو
ياخي كنت قررت أتوقف عن الكتابة في المنتدى لاسباب ما... لكن اراني أعجز أمامك هنا و بهذا الخصوص؟ شوف يا حبيب حملتها في البي سي بتاعي لكن ما راضيا تفتح معاي ما عارف ليه. أرجو الإفادة. كمان بسأل يا جماعة عن "الزهور و الوردي" أداء الخالدي لو بتقدرو عليها. ياخ ليييييه إنتو بتخلونا نبكي ليه و السودان ده كيف عاد المشي ليو.؟؟؟
مرتضى جعفر
| |
|
|
|
|
|
|
| |
Soumeta
JAD
Rakoba
بلدى يا حبوب
الزوول
مطر قادم
filan
Murtada Gafar
فيس بوك
تويتر
انستقرام
يوتيوب
بنتيريست