|
|
|
 Re: لحن الخميس ..هدية لملوك البوح في البورد (Re: 3mk-Tango)
|
تنقو يا حنين
والله اختيار جميل لكن الله ينجضك كان نجضتنا الليله
لكن دكتورة بيان انتي ليه دائما ناطه
لحكاية للاعمار يا خي اولا الاعمار بيد الله
وانا سبق وقلت ليك انتي دكتورة في
مصلحة الاحصاء ولا شنو لكن ينتابني شعور
انتي زي مثلا كده يعني عايز اقول الواحد لو لقي
روحو كبير وولدو ولا بتو قدرو حقو ما يركز علي
الحتة دي لانو الشباب شباب الروح مش بمقياس
السنين عليك الله ريحينا من حكاية انت عجوز
وانت كبير ودقة قديمة لانو ما في داعي للمداعي
وخلينا نهنأ بجمال النغم وحلو الكلم
| |
 
|
|
|
|
|
|
|
 Re: لحن الخميس ..هدية لملوك البوح في البورد (Re: 3mk-Tango)
|
تنقو الفنان
أول شى بالله أوعى تحسبونى مع البكايين
نحن قاعد نقطعو ساى فى المصارين ما بنبكى
لكين على بالإيمان حسنك أمر دى اتقطعت فيها، قميص عامر والله مع البكايين، بكا جد جد
دى حقت محمد يوسف موسى، ولو يوم كمان جبت للجماعة البكايين، كلمة، اللى هى اعيش ظلمة وانت صباحى، برضه بتاعة محمد يوسف وبن البادية، عاد اليوم داك فراش عديل
اها الفاتحة مقدما
شكرا يا مبدع
| |
|
|
|
|
|
|
|
|
|
Re: لحن الخميس ..هدية لملوك البوح في البورد (Re: THE RAIN)
|
THE RAIN
كيفك عزيز ..يا سيدي فطيناك في الحساب..لكن خدها وصية من عمك دا ..فضفض احسن ليك ..ما تخفيهو شعورك عشان ما يحصل ليك حاجة ,ولا تجي مرحلة الانفجار وما تقدر تسيطر علي روحك
انا كلمة بجيبها..وبختها وبهديها ليك عدييييييل شن قولك ..حتفضفض بعد كدا ولا لسة حتكون كاتموا..لووول بس انت قول وانا جاهز
لك الود
تنقو
| |
|
|
|
|
|
|
|
|
|
Re: لحن الخميس ..هدية لملوك البوح في البورد (Re: 3mk-Tango)
|
عمنا تنقو
شكرا كثيرا على اتحافنا بهذا العمل الراقى .. والأغنية دى ـ على وجه الخصوص ـ من أجمل أغانى ودالبادية.
غايتو أنا بكاى لو البكا بفيد .. خصوصا لما أسمع أغنية صلاح مصطفى البقول فى واحد من مقاطعها
لوانت زهو الحسن فى عيونك بدا
خليك أمين فى العشرة لى آخر مدى
الأخ .. سرندر
دحين يا أخوى أغنية عيونك كانو فى عيونى .. دى ما حقت الشاعر كباشى حسونة .. ولا الواحد كبر وذاكرتو خربت
ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ
البلاد التى ضيعت خاتما، البلاد التى دائما
ستظل محنية، فوق الجثث
ونحن سنبقى هنا، هناك، سوف نعلو
بالذنوب الخفيفة فوق هذا العبث
| |
|
|
|
|
|
|
|
|
|
Re: لحن الخميس ..هدية لملوك البوح في البورد (Re: 3mk-Tango)
|
عمنا تنقو
شكرا كثيرا ـ مقدما ـ على أغنية صلاح مصطفى .. غايتو الواحد حاول "بعض البوح" .. وأخلى الباقى لملوك البوح والتفرد أمثال المطر The Rainوبقية العقد الفريد .. انت عارف يا عزيزى الفرق بين البكا والبوح شنو؟ الفرق بيناتم زى الفرق بين الكتبتوا أنا "بكاء" وبين الكتبو المرهف الراقى المطر "بوح"
شكرا مجددا
ـ.ـ.ـ.ـ.ـ.ـ.ـ.ـ.ـ.ـ.ـ.ـ.ـ
البلاد التى ضيعت خاتما، البلاد التى دائما
ستظل محنية، فوق الجثث
ونحن سنبقى هنا، هناك، سوف نعلو
بالذنوب الخفيفة فوق هذا العبث
| |
|
|
|
|
|
|
|
|
|
Re: لحن الخميس ..هدية لملوك البوح في البورد (Re: خضر حسين)
|
عزيزنا خضر حسين
بكا وبوح ونواح ..تعددت الاسباب والموت واحد
كنت اعتقد ان البكي هو اصدار صوت عالي ملئ بالوحيح والنويح..اما البوح فهو البكي لكن بصوت منخفض فيه محاوله للتغطية بجلباب انيق
اعتقد ان كلاهما حاله انسانية مسوحو بها خصوصا للرجال
اها حتكتب شنو بعد ما تسمع الاغنية دي ؟؟
ودي لك
تنقو
| |
|
|
|
|
|
|
| |
HOPEFUL
سجيمان
Rawia
bayan
haneena
bint algazeira
بلدى يا حبوب
THE RAIN
فتحي الصديق
الجندرية
فيس بوك
تويتر
انستقرام
يوتيوب
بنتيريست