دعواتكم لزميلنا المفكر د.الباقر العفيف بالشفاء العاجل
|
|
 عمك تنقو والغربة
|
الاهداء : الي الاعزاء .. تغريد ...الصادق ...
نموذج رائع اخر من بلادي
عمك تنقو والغربة[/U]
عمك تنقو في ساعة كربة
قال حرم طلقت الغربة
سلام يا كفيل سلام يا اقامة
اعيش في امدر مرفوع القامه
لا اجي حج ولا بجي عمرة
ومافي جواز اخير بالمرة
نزل السوق شايل اللستة
وللاصحاب وقع بالدسته
شال للعازة زي كم توب
وحسب الحسبة وقال الرووب
ربط الفيديو معاهو الدش
وقال حرمت اعيش في غش
دفع الجمرك كم مليون
وعمك وشو بقي كم لون
قال يا بلدنا حنينة زمان
اية الحاصل في السودان ؟؟
رهن البيت ونزل السوق
وقال حيتاجر في الطايووق
وناس حاج دقنو الماسكة القصة
قالت عمك داير حصة ....
اصلوا الملعب هنا محجوز
وعمك ابدا ما كان كوز
وبي نص حركة وبنك البركة
عمك لاص وضرب الربكة
وقال انا بس عاوز راس مالي
عشان بالمبلغ اربي عيالي
وعمك دار ما خلا بصيرة
وكان في اول صف تاشيرة
قال يا نفط وسلام يا سلام
تكون القصة كلام في كلام ؟؟؟؟؟؟؟؟؟؟
عمك تنقو
|
|
 
|
|
|
|
|
|
|
|
Re: عمك تنقو والغربة (Re: 3mk-Tango)
|
معليش ولا يهمك
وعم تنقو غلى العين وفوق الراس
وكلنا بنحبو
عشان عمك تنقو رمز لي المواطن السوداني البسيط
وان شخصيا ما بشبع منو عشان كدا اتحفنا بالمزيد
لك كل الود والتحيه
| |
|
|
|
|
|
|
|
|
 Re: عمك تنقو والغربة (Re: ايهاب)
|
اهلين يا عمو .... اول بالتبادي وكمان اوامر عليا ممنوع غيابك من البورد اكتر من يوم...علشان ما تحرمنا من كلامك الظريف ده كله
بعدين انا متاسفة خالص والله البوست ما وقع في عيني الا من شوية
الفين شكر على الاهداء الراقي... ونحن منتظرين الباقي بس ما تتأخر علينا
| |
|
|
|
|
|
|
|
|
|
Re: عمك تنقو والغربة (Re: 3mk-Tango)
|
الاخ ايهاب
لك كل الشكر وكما ذكرت عمك تنقو هو نموذج يحاول ان يجاري الواقع
وحن نحاول ان نري تجاربة عسي ان نضئ لنا الدرب
سيادة الرئيس
اذا كانت طلباتك اوامر فما حال اومرك وكمان عليا ؟؟ الله اكبر الظاهر اني حادق لي خيمة هنا 
عموما ياستي تسلمي ولك الود
بالمناسبة رديت ليك علي موضوع عمك تنقو دخل البورد لكن الظاهر طار الصفحة ال15 ..
عمكم تنقو
| |
|
|
|
|
|
|
| |
ايهاب
جدو
فيس بوك
تويتر
انستقرام
يوتيوب
بنتيريست