ياعمك .. .. ده لكن ما اثبات رجولة .. ده كلام كتير جــدا في المسافة ما بين رفعت السوط .. ونزلتو وما بين اللحظات البادية للناس دي انها تخلف ... لي فترة بفتش لي ملف زي ده .. لانو برتبط في ذاكرتي بي بوست قديم لي الرحمابي بحاول اجيبو .. ..
وارجو أن يبقى البوست هذا هنــا وما يمشي المنطقة الصناعية بحري ..
"لا تتوقف الخطى في سعيها إلى المستقبل وسنظل نراهن على أن عادة دق السوط عند الجعليين لن تندثر قريبا ما لم تتغير نحوها بعض المفاهيم والموروثات الراسخة في ذاكرة الأجيال المتعاقبة"
لك الشكر أخي خالد ولك التحية ويبدو أن تمبس في طريقه لإيراد طرح نقدي توثيقي لهذه الظاهرة التي لا ينفرد بها الجعليون كما قالت المذيعة.. بل هي ممارسة لدى العديد من القبائل السودانية الآخرى. في انتظار طرحك يا تمبس ولنا عودة بإذن الله
تنقو الحبيب موضوع جميل، وكان في كتاب تمنيت احصل عليه على ما أذكر عنوانه "العدائية في التراث أو الثقافة السودانية" وتتناول ظواهر كثيرة في مجتمعنا بالتحليل ومنها ظاهرة الجلد بالسوط. ومن خلال هذا البوست ياريت لو حد عندو فكرة عن الكتاب، يورينا أكتر..
مع احترامي للتراث.. والرجالة دي ضيعت الرجال في كرري قبل نص النهار
خمسين الف على ما أذكر في فد (تلات) ساعات كما ذكر مؤرخ انجليزي في كتاب (The Whilte Nile).
امير الشرق والرجل الراجل عثمان دقنة قال للناس الشغلانة دي فيها مكسيم يعني (رش) سيبو العنقله و خلينا نخـطف الخواجات ديل بالليل ( والراجل كان اخبر الناس بهم).. قالو ليو احنا فيران?..نلبد بالنهار ونطلع بالليل! اها لي هسه بنقول الرجال ماتوا في كرري!
وبرضو نفتخر ببطولتهم و نحترم شجاعتهم جدا ونفاخر بيها القمره والشمس بس الله يدينا القيادة الرشيدة.. اللهم ارحم موتانا وموتى المسلمين.
Quote: وبرضو نفتخر ببطولتهم و نحترم شجاعتهم جدا ونفاخر بيها القمره والشمس
الاخ سعد الدين ..
طبعااكيد مفهوم الشجاعة في الحروب الحقيقة يختلف كثيرا عن مفهوم دق السوط رغم بساطه تفكير جدودنا في كرري كما ننظر لهم اليوم ولكن شجاعتهم كان لها معناها القوي في ذاك الزمان ... واكيد هم ابطال كما تفضلت ونفتخر بهم ..
لكن في زمن السلم وفي قمة الفرح ما الذي يجبر الانسان علي تعاطي الالم ؟؟ هذا هو السؤال المحير ..
لك الود
12-02-2005, 11:59 PM
JAD JAD
تاريخ التسجيل: 02-05-2002
مجموع المشاركات: 4768
خالص التحايا عمك تنقو اخبارك وصحتك اسمعنى قايتو جنس ده ما معانا نحن حق المدرسه يالله وامين قاعدين نستحملو لمن نبقى على جنس ده. كُر. . وكز على الكلام ده
Quote: ده لكن ما اثبات رجولة .. ده كلام كتير جــدا في المسافة ما بين رفعت السوط .. ونزلتو وما بين اللحظات البادية للناس دي انها تخلف
ده فعلا مربط الفرس . . لووووول اسى بقى ليك بمبى يا(JAD) خلى قال
Quote: بالله المنطقة دي وين .. عشان الواحد يمش ليها وصادق ليهو عرس ويقوم يتهيج ويتورط يا سلام .. ناس زمـــــــــــــــــــــــــان.
عموما معا للدفع بالعادات التى يمكن الاستفاده منها وو الخ..
Quote: .. راديكــــاليون نعـــم. ؟؟؟؟؟؟؟؟!!!! بقلم Muataz Moh Bashir -Trotsky/China سودانيزاونلاين.كوم sudaneseonline.com 5/11/2005 3:45 م يمكن ترجمة كلمة (راديكالي) الى الجذرى نسبة الى جذور الشئ0 وقد اطلقت كلمة راديكالى اول مره فى بريطانيا ،حين طالب جيمس نوكس (1797) باصلاح (راديكالى) اى اصلاح جذرى00 يزخر المجتمع السودانى بمختلف العادات والتقاليد..لكن حقيقة عندما نُلقى نظرة على عدد كبير من هذه العادات نجدها قد عملت على تأخير الشعب السودانى بالاضافه الى اسهامها فى خلق كثير من المعوقات والمشاكل ..ان افتراض التخلى عن المورثات الثقافية بين ليلة وضحاها ليس هو بالحل الجذرى. لكن يمكن ان نشبهها بعملية تدوير للتاريخ ، او الوقف قليلا عند بعض العادات كنموذج لبعض القبائل والبحث في شكل افادتها وخدمتها للبشرية وهل هى فعلا تستحق المحافظة عليها؟. ان النظر لمعالجة تلك المورثات (بالراديكالية) سينقل المجتمع البشرى الى مستوى اعلى من حيث الثقافة والقدرة الانتاجية.كما نجد من ضمن سياق الحركة الراديكالية مايسمى (بالنقد) و (النقد الذاتى) فى عملية تقويم الايجابيات والسلبيات ، وتقويم الذات ،سواء اكان فردا ،او جماعة ،اوهيئة، او نظاما لأن النقد من أهم ضمانات الحرية. العادات والتقاليد:- * بالنظر الى بعض المورثات والمكونات الاساسية لتركيبة الفرد السودانى من عادات وتقاليد عند بعض القبائل (كا ظاهرة الجلد فى الأعراس)، التى تمارس لبرهنة الفراسة والشجاعة، ونجدها في الغالب عند أهل الشمال والوسط والغرب والشرق. والسؤال الذى يطرح نفسه وبعقلانية هو هل سيتاكد الجميع فعلا من ان الشجاعة تُكتسب اذا تحمل الشخص هذا الجلد وهل ذلك فعلا مقياس ؟؟ واذا لم يرغب شخص فى ممارسة هذه العادة فهل هو جبان؟؟. http://www.sudaneseonline.com/aarticle2005/may11-82632.shtml .....
جعلين الهصاهيصا. .
12-03-2005, 02:39 AM
ود شندي ود شندي
تاريخ التسجيل: 11-17-2002
مجموع المشاركات: 6
Quote: اسمعنى قايتو جنس ده ما معانا نحن حق المدرسه يالله وامين قاعدين نستحملو لمن نبقى على جنس ده.
والله يا تروتسيك او ما شفت الحاجة دي اتذكرت المدرسة والحوادث الكثيرة عن الجلد ..
الغريبة في المنظر الفوق دا مافي طريقة لي ردافه ...
Quote: * بالنظر الى بعض المورثات والمكونات الاساسية لتركيبة الفرد السودانى من عادات وتقاليد عند بعض القبائل (كا ظاهرة الجلد فى الأعراس)، التى تمارس لبرهنة الفراسة والشجاعة، ونجدها في الغالب عند أهل الشمال والوسط والغرب والشرق. والسؤال الذى يطرح نفسه وبعقلانية هو هل سيتاكد الجميع فعلا من ان الشجاعة تُكتسب اذا تحمل الشخص هذا الجلد وهل ذلك فعلا مقياس ؟؟ واذا لم يرغب شخص فى ممارسة هذه العادة فهل هو جبان؟؟.
انها من ضمن مظاهر التخلف عندنا التي في طريقها للانقراض.. كنت اتوقع ان يكون البرنامج اكثر توسعا ويشرح اصل هذه العادة ومناطق انتشارها بدقة ..
اذكر ان احد اصدقائي والذي عاش كل حياته في الخرطوم, قد دعاني يوما الى زواج ابن عمه بالبلد-منطقة مبيريكةوالتي تقع شمال العبيدية..وذكر انه سيكون هناك بطان. وهو عازمني لاجله!! واخبرته ان البطان بمناطقنا-بربر والباوقة-اصبح نادر جدا وموجود عند عرب الخلا والناس الغير متحضرين فقط.. وحاولت اشرح له انه مقياس متخلف وغير موضوعي ل"الرجالة"!!! ولكنه اصر ان يذهب ويجرب! لما عاد صاحبنا كان ظهره متقرحا والجروح ملتهبة بشدة وامضى اسبوعين يرقد على بطنه و يداوي جروحه..وعانى اشد المعاناة حتى تعافى قلت له" اها هسى كدا كويس؟؟"
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
tmbis
عبد الله عقيد
Rakoba
saadeldin abdelrahman
JAD
معتز تروتسكى
.
.
ود شندي
Wad Ballal
زياد جعفر عبدالله
فيس بوك
تويتر
انستقرام
يوتيوب
بنتيريست