|
دعواتكم لزميلنا المفكر د.الباقر العفيف بالشفاء العاجل
|
|
 Re: ثلاثية العيد ... يا طير يا ماشي لي اهلنا .. مرة اخري (Re: 3mk-Tango)
|
خالد
كل الأمنيات الطيبة لك ولمن تحب بكل جميل أيها الإنسان الشفيف ...
من أمس نسكّت فيها بي جاي وبي جاي مريم ... العيد وذكرى الأهل فيهو حُرقة كده بتحرق جووووووووة في صُرة القلب ... بي غنيتك دي كان فتحتها وسمعتها بتزيد علينا المواجع، بس نمشي نطيب الخاطر و(نلولي) ساي غايتو ... أظهروا علينا المسألة محتاجة لمجهود جماعي ... ولمة الناس بترفع المعنويات وتطيّب الخاطر المكسور ...
تنقو عليييييك الله قوليهو برضو نادر بقول ليك:-
ما تنسى زول في الحِلة لا
تسلم عليهو
وتبوّس إيديه
| |
 
|
|
|
|
|
|
|
|
Re: ثلاثية العيد ... يا طير يا ماشي لي اهلنا .. مرة اخري (Re: نادر)
|
العزيز نادر ..
الليلة الحالة صعبة خالص ...
العيد وبه اصدقاء الحلة وكل الذكريات تدور حول تفاصيل التفاصيل ..
واغاني من النوع الكنا بنبكي فيها في بدايات الغربة ..
نادر .. ادام الله السعادة وجعلها مع كل نبضة من نبضاتك ..
كل التحايا لمريم الوديعة .. واكيد للعيد طعم جديد عندها..
طبعا جيتنا دي حاجة مفروغ منها ..
بس انت ابعد الشرايط البتبكي
وما تجيب سيرة ذكريات العيد والاهل ..
تعرف العيد دا بقدر الفرحة بيهو برضو هو من الاسباب الاساسية للجرسة
ودي ما عارف حلها كيف ..
طبعا انا ما حبيت انزل اغاني ابو الامين .. وعد النوار .. نور العين
لاسباب بكائية بحته .. واتوقعوها في البوست دا بعد نطمئن علي الوضع
الامني .. 
لكم الود
| |
|
|
|
|
|
|
|
|
 Re: ثلاثية العيد ... يا طير يا ماشي لي اهلنا .. مرة اخري (Re: 3mk-Tango)
|
خالص التحايا
العزيز
3mk-Tango
كل عام وانتم بخير وصحه ..
والسنه دى قبل الجاية تحق الامانى ..
دمتم بعافية ويحقق الامانى للجميع ..
هو بالقطع مقطع حزين معتق ونحن اسرى لذلك الحياء المشحون باحترام حواسنا من تكرار الحزن عندما يلامس وتر الحريه ؛ويدغدغ لحن الرغيف ؛ويحرك سيمفونية المطر والتكوين والرغبه...
بعض الموسيقى لان احساسيسنا التى انتفضت فى بغته حية من جسم منحول ؛جاز لها ان تهفو الى احتفائية فرح هو منا..
ولاتزال دوزنة العطاء للحن عطائى تتطلع الى مقدمة وتر احتوانا برفق وشفقه كما لو انه خطة لفكرة فاضله...
| |
|
|
|
|
|
|
|
|
|
Re: ثلاثية العيد ... يا طير يا ماشي لي اهلنا .. مرة اخري (Re: معتز تروتسكى)
|
تروتسكي .. معتز ..
كل عام وانت بألف خير ..
ربنا يحقق كل الاماني ..
يا معتز وانت تعيد في السودان .. حمل النفس بقدر ما تستطيع من
الجمال .. وانت المتغرب سابقا تعرف معني ذلك ..
واري الجمال والحب يتدفق من جوانبك ..
...
لا نزال نؤمن بالطير وكل الاصوات المغردة من حولنا فهي الاحساس الجميل
الذي يطفي جحيم تفاصيلنا المسيخة ..
لك الود
| |
|
|
|
|
|
|
|
|
|
Re: ثلاثية العيد ... يا طير يا ماشي لي اهلنا .. مرة اخري (Re: 3mk-Tango)
|
عمنا تنقو , او يا خالد
و هى المرة الاولى التى اتوافر فيها على اسمك
كل عام وانت بخير
انا من انصار القديم, ليس فى قالبه فحسب, انما فى الشخص المؤدى ( يعنى سمح القول من خشيم سيدو )
لكن, و الحق يقال , اسرنى اداء خضر و عزفه على العود. و بالمثل كانا اسرار و مجاهد.
هنالك مقولة على لسان المرحوم الفنان حسن عطية نقلا منه على لسان والدى , ان تجويد الاداء الوترى يساعد الفنان على تجويد الاداء الاحترافى او هو ما قد فهمت من الحديث.
كل عام و انتم جميعا بخير
اعضاء المنبر, عمنا تنقو , خدر , اسرار , مجاهد , و كل محبى الجمال فى بلادى
| |
|
|
|
|
|
|
|
|
|
Re: ثلاثية العيد ... يا طير يا ماشي لي اهلنا .. مرة اخري (Re: 3mk-Tango)
|
الحبيب تنقو
انا حذرتك كم مرة من الاغنية دي؟؟؟؟؟؟
لك من كل قلبي امنياتي الطيبة ليك بكل ما هو جميل مثل روحك وبكل ما هو سعيد
السنة الجاية معيد في كندا يا رب
انا زيك يا تنقو العيد رغم انه الناس بقولو بفرحو بيه انا بالعكس بتنتابني حالة من الحزن ما عادي وبالتحديد اول ما اسمع زول يقول لي (كل عام وانتم بخير)
تانيا اكثر شي بديك احساس بالغربة وكآبتها هو العيد في الغربة وانت بعيد من الديار الآمنة وتستذكر الايام الخوالى والناس الجميلين قبل ما يصيبهم (غبار الدهر)
عموما يا سيدي كل سنة وانت بالف خير و.....(العاقبة عندكم في المسرات)
| |
|
|
|
|
|
|
| |
ادريس خليفة علم الهدي
معتز تروتسكى
Ahmed Al Bashir
WADKASSALA
أم سهى
جمال السنوسي
ghariba
Badri
فيس بوك
تويتر
انستقرام
يوتيوب
بنتيريست