دعواتكم لزميلنا المفكر د.الباقر العفيف بالشفاء العاجل
|
|
 استفتاء ..هل ستعود/ي للوطن اذا سادته الديمقــــراطية ؟
|
كثيرون الذين غادروا أرض الوطن بعد أن ضاق بهم وضع البلد السياسي والاقتصادي.
...هل بعد مغادرة الوطن تشكلت لنافي مهاجرنا أهداف جديدة على صعيد تحسين الوضع المادي والدراسي ؟
هل شكلنا اسلوب حياتنا حسب البلاد التي هاجرنا لها وبالتالي يصعب علينا العودة للوطن حتى وان عادت الحياة الديمقراطية ؟
هل مجرد توقيع اتفاق للسلام كافي لعودة اخواننا الجنوبين لمدنهم ؟
أرجو المشاركة
|
|
 
|
|
|
|
|
|
|
 Re: استفتاء ..هل ستعود/ي للوطن اذا سادته الديمقــــراطية ؟ (Re: garjah)
|
الديموقراطية ياتها؟
كان ما نزلوا من عرشهم ده... ودفعوا تمن كل دمعة ذرفتها أم على ولدها..
كان ما اتحاسبوا.. واتعاقبوا.. ووقفوا وقفة الذل الذلّوا بيها السودانيين...
كان ما قالوا التوبه..والروب.. و"يمه ارحميني"...
كان ما سفّوا التراب ندم.. وقالوا يا ريت الجرى ما كان..
كان ما احنا بطّلنا طيبتنا دي.. واي زول يركب لينا في راسنا يذلنا ويطلّع عينّا.. وبعداك يفوت زي الماحصل شي...
ما بتكون ديموقراطية...
كان قصدك على دي قرجة.. انا بقطع أول تذكره للخرطوم.. اتجاه واحد..
بنت الحسين
| |
|
|
|
|
|
|
|
|
|
Re: استفتاء ..هل ستعود/ي للوطن اذا سادته الديمقــــراطية ؟ (Re: garjah)
|
العزيز قرجة..
سلام وتحية..
لو اضمن أمشي في شوارع الخرطوم دون ترقب ظهور "كلب" أمن، أو استطيع دخول القصر الجمهوري واي وزارة بملابسي التي أذهب بها للعمل، وأذهب لندوة مفتوحة واحضر حفل حتى بعد الساعة 12، وأن أكتب ما أراه لا ما يؤذن لي به، وان أشعر ان البلد بلدي وليست بلد اصحاب الذقون وصاحبات الخمار، وأن أرى طلاب جامعة الخرطوم كالسابق "يشرحون النفس"، وأن.. وأن.. وأن...
لو حدث كل هذا.. حتما ساكون أول العائدين..
| |
|
|
|
|
|
|
|
|
 Re: استفتاء ..هل ستعود/ي للوطن اذا سادته الديمقــــراطية ؟ (Re: garjah)
|
سلام يا قرجة.. قالوا الكديس أبوهو مات فعمل فراش وخرج الفأر من جحره ليرى ما حدث.. فقال له الكديس: أدني قريب نبكي على الحبيب.. فقال الفأر : من هنا كفانا، العبرة خانقانا..
أهم حاجة قبل الديمقراطية هي سيادة حكم القانون العادل، وحقوق الإنسان الأساسية.. باختصار، منع الكديس من أن يبطش بالفأر.. وحقوق الإنسان في العدل في تقاسم السلطة والثروة.. ولكن قبل أي شئ لا بد من إلغاء قوانين الدولة التي زيفت الشريعة بقصد التسلط على الفقراء والمستضعفين ثم ابتزاز الخصوم السياسيين وترهيبهم وتخويفهم بتهمة معارضة الشريعة..لا يقول لنا أحد عن عودة الديمقراطية في ظل هذه القوانين!! فالديمقراطية نقيض قوانين السودان السائدة اليوم..
على كل حال.. الغريب عن وطنو مهما طال غيابو، مصيرو يرجع تاني لي أهلو وصحابو.. ولو كان في صندوق، مع أن الصندوق ذاتو أصبح يحتاج لدولارات مؤلفة، وفي هذه الحالة ليس هناك أحسن من الدفن في أرض الله الواسعة..
| |
|
|
|
|
|
|
|
|
|
Re: استفتاء ..هل ستعود/ي للوطن اذا سادته الديمقــــراطية ؟ (Re: garjah)
|
السلام عليكم
انا ما عندي مانع ارجع، لكن الطريقة التقنع الحلة الواحد الشايها فوق ظهره شنو
ياجماعة ديمقراطية شنو و كلام فارغ شنو
قول جوا و اتفقوا و عملو برنامج اعادة تعمير وتاهيل قصير المدي لمدة سنتين بس
الطريقة التصبر اهلنا شنو
نحن المغترب فينا غابة و الناس حطابة
المغترب زي المرق في البيت لو رجع السودان العرش يجي الواطة
يعني الواحد عائل ليهو حلة
الوالدين و ابنائهم و ابانئهم
الحبوبة عيانة المستشفي الديمقراطية بستوي ليها شنو
الوالدة عايزة الحج الديمقراطية بتاعته التاحزاب بتسوي ليها شنو
الاخت دخلت الجامعة اتخرجت جاها عريس عايزين حق العرس و بعد داك العريس الا شافك لا شفتو عايز حق السماية الديمقراطية بتسوس ليهو شنو
اخوك دخل الجامعة اتخرج قعد اشتغل ( ده لو اشتغل ) خطب رسل الشنطة و بعد داك السماية و راء السماية
جيرانكم عايزين دواء اصلو في السودان عالي رسلو
المدرسة عايز ليها دعم
و
و
و
ورينو ارجع كيف و اقول يا منو
قبل فترة قلت لي ابوي انا راجع
رغم ثقتي بمحبته لي
قال لي بالحرف الواحد اوعك تجي انتا عايز الناس ديل يموتو
اها الديمقراطية بتسوي لي الناس القالهم ابوي ديل شنو
مجرد سؤال
| |
|
|
|
|
|
|
|
|
|
Re: استفتاء ..هل ستعود/ي للوطن اذا سادته الديمقــــراطية ؟ (Re: Tumadir)
|
الكديس سيظل موجود فينا حتى وان عادت الحريات كل أحزابنا مسجل في تاريخها أنها حاولت يوما القفز على السلطة ...المهم على الصعيد الشخصي هل لا زالت الحريات هي قضيتنا المحورية ام اننا تعودنا على حياة سهلة جديدة تختلف عن الحياة في السودان وخلقنا علاقات مجتمعية جديدة يصعب الفكاك منها ...ياريت نخوش غريق شوية ونكتب عن حالتنا الشخصية بعيدا عن التنظير السياسي .،
| |
|
|
|
|
|
|
|
|
|
Re: استفتاء ..هل ستعود/ي للوطن اذا سادته الديمقــــراطية ؟ (Re: garjah)
|
الاخ قرجة.. العودة هاجس.. والسؤال مهم .. وانا شخصياً فكرت فى كتابة موضوع كامل عن ضرورة العودة الى الوطن اذا ابرم اتفاق السلام فى نيافاشا..
من جانبى سوف اعود لاتمشى فى شارع النيل او انعم بهدوء فى جوبا او جبل مرة.. واحضر حفلة لاستاذنا الموصلى المتحمس للعودة وانا معزوم يا موصلى اسمع فى الفجرية وسودانا نادانا والامانى السندنسية.. ولاستاذنا ابو عركى وكمان الهادى الجبل فى المدينة ومحمود عبد العزيز وحتى ندى القلعة وحميد واحساس وفرق الجنوب الحبيب وسيدى دوشكا...
وكمان احضر عرض مسرحى لتماضر شيخ الدين بدون رقابة لجان نصوص او امن او لصوص..
ومسألة الديمقراطية دى حقو نفكر انو السلام خطوة تجاها وانو نحن البننتزعا وحقو ما ننتظر ناس الجبهة ادونا ليها.. وحقو كل واحد يسأل عن دورو شنو فى انجاز التحول الديمقرطى بدل انتظار الآخرين.. يا جماعة لازم ندافر ونعافر ونقاتل وما نخلى السودان بحجة انو ما فيه ديمقراطية او ظروفو ما اتصلحت. يعنى الناس الشالوا السلاح وكاتولا ديل ما كفاهم يناضلوا براهم؟؟. ما هو النضال؟؟. وما فا ئدتنا اذا انتظرناالاوضاع تتصلح حتى نرجع؟؟.!!.
معليش الحماس دا امكن عشان انا ما مغترب بالمعنى المعروف ولانى موجود فى اسمرا .. وكمان الغريبة انو اسمرا الواحد ما بشعر فيها بانوا غريب.. يعنى زى ما تقول فى بورتسودان وما قادر تمشى لاهلك فى كادقلى او الخرطوم وما قادر تمشى لاهلك فى ملكال لاى ظرف.. يعنى هنا فى اشياء كتيرة متشابهة بس الوطن هو الوطن..
مع تحياتى..
فايز السليك
| |
|
|
|
|
|
|
|
|
|
Re: استفتاء ..هل ستعود/ي للوطن اذا سادته الديمقــــراطية ؟ (Re: garjah)
|
أخي العزيز قرجه
خليني أكون أكثر المتشائلين هنا وأقول وبصريح العبارة البضمن لينا شنو ما يحصل إنقلاب عسكري يغير الحكومة ، مش كل ثلاثة عساكر يمتشقوا الكلاشنكوف ودبابتين ويا لإذاعة جاك بيان أول مش مثل هذه الأشياء تسمي ثورة ومش ده يا هو تاريخنا منذ خروج الإنجليز الذين ما زل الكثير من المعاصرين لحقبتهم يرددون يجو عايدين إن شاء الله عايدين يا الله
| |
|
|
|
|
|
|
| |
garjah
jini
مريم بنت الحسين
Elmosley
Raja
Elawad Eltayeb
Yasir Elsharif
Tumadir
فيس بوك
تويتر
انستقرام
يوتيوب
بنتيريست