دعواتكم لزميلنا المفكر د.الباقر العفيف بالشفاء العاجل
|
|
 مولانا شارلس
|
شارلس من أبناء النوير في بداية العشرينات من عمره تعرفت عليه في القاهرة عندما التحق بوظيفة في نفس الشركة التي أعمل بها، بعد أن أجرى المقابلة مع المدير (سوداني أيضاً) جاءني المدير تبدو عليه الحيرة وقال لي: الزول دا عجيب أقول ليهو طلباتك شنو بالنسبة للمرتب يقول لي أنا ما عندي غير طلب واحد إنو مافي زول يرسلني أجيب سجاير أو خمرة عشان ديني بيمنعني
التحق شارلس بالوظيفة وبدأت ألحظ سلوكه، كثير الصوم ربما ثلاثة أيام في الأسبوع، يتسامح مع من يؤذيه ويدعو له بالمغفرة، لا ينظر للنساء، سألته قال لي النظر زنا
عندما جاء ميعاد مقابلته للأم المتحدة زودته ببعض النصائح إبتسم وقال لي بأدب معليش أنا ما حا أكذب حتى لو رفضوا طلبي، الحمد لله تم قبول طلبه، وعندما ذهب لمقابلة إعادة التوطين نصحته بأن يخبرهم أنه لا يعمل حتى لا يقوموا بتوطينه في مصر، لم يرد علي وعندما عاد سألته قال لي وطنوني في مصر سألته قلت ليهم أنك شغال؟ قال لي نعم، ثرت فيه وسألته لماذا لم تقل أنك لا تعمل؟ رد علي بسؤال صعب (كيف أكذب؟) وعندما لاحظ ارتباكي أردف باطمئنان: ربنا عاوز كدا.
في مرة سألني بخجل إنت كيف بتصلي وتشرب سجاير؟
بدأت أقارن بين سلوكه كمتدين وسلوكي، أشفقت على نفسي
قارنت بينه وبين مسلمين متدينين يحفون الشارب ويطلقون اللحى ويستاكون طوال اليوم و...و...و.، طوبى لك يا شارلس وطوبة تفلق رأسهم.
عشت فترة طويلة يؤرقني سؤال: (هل لا يدخل شارلس الجنة، لأنه غير مسلم، وأدخلها أنا؟) خجلت من نفسي.
عندما أمرُّ بمحنة كنت أطلب منه أن يدعو لي لأني على يقين بأن دعاءه مجاب أكثر مني
علمت قبل يومين من مديري السابق بأن شارلس سافر لأستراليا منذ ستة أشهر ولا يعرف له عنوان
أنا الآن أفتقد شارلس كثيراً وأحتاج لدعواته
من يجده يبلغه حبي وتهنئتي بالكريسماس ويمكنه مراسلتي على هذا العنوان: [email protected]
|
|
 
|
|
|
|
|
|
|
|
Re: مولانا شارلس (Re: محمد سر الختم)
|
كل الود ...الزول الزي ده يا محمد تلقاك خايف عليهو من الحياة القاسية البنعيشهاو القائمة علي الكذب و النفاق و الدجل ...لكن بعد تجارب معاهو تكتشف انك العاوز يتخاف عليك ....تحياتي ليك يا شارلس اينما حللت ....و لكل ابناء وطني الصادقين
| |
|
|
|
|
|
|
|
|
|
Re: مولانا شارلس (Re: محمد سر الختم)
|
اسوتريبا
بالضبط هذا ما حدث معي
محمد صالح
أنت من الذين حالفهم الحظ بمقابلة شارلس
وليد المبارك
المشكلة هو حا يرفض يمسكها
بعدين لما تقارنه بالترابي كدا بتظلم الشيخ كتير
تقديري لمروركم من هنا
| |
|
|
|
|
|
|
|
|
|
Re: مولانا شارلس (Re: محمد سر الختم)
|
(هل لا يدخل شارلس الجنة، لأنه غير مسلم، وأدخلها أنا؟)
قال تعالى ان الذين آمنوا والذين هادوا والنصارى والصابئين، من آمن بالله واليوم الآخر وعمل صالحا، فلهم أجرهم عند ربهم ولا خوف عليهم ولا هم يحزنون) صدق الله العظيم
المهم عند ربنا مش دينك المعتقد فيهو .. المهم عنده صدقك ...
تتذكر كلام محمد صالح عن الامان؟؟
اها ده المهم عند الله .. الصدق ... الصدق ..
مرة قاعدين مجموعة .. سألت واحد وقلت ليهو : هسي انت لو محل الله بدخل الجنة غاندي ولا بن لادن؟؟
قال لي : بن لادن.
صاحب تالت قال ليهو: الحمد لله إنك ما الله.
| |
|
|
|
|
|
|
|
|
|
Re: مولانا شارلس (Re: محمد سر الختم)
|
عارف يا قصي واحدة من أمنياتي الكتيرة الما قدرت أحققها إنك إنت وشداد تلاقو شارلس
أنا متأكد كان حا يدهشكم
أنا طبعاً ما حصل لاقيت نبي في حياتي، حتى صاحبكم إنت وأبو سن الجا القاهرة داك ما لاقيتو
لكن يتخيل لي الأنبياء بيكون سلوكهم زي شارلس بالظبط
عارف نادر تلاقي شاب متدين ومطمئن، شارلس من النادرين ديل
بعدين ثقته في ربه لا حدود لها
يعني مثلاً يقول ليك أنا الليلة حا أصلي لربنا وأسأله أنه بكرة يوفقني في الموضوع الفلاني
ولما بكرة الموضوع يفشل (بي حساباتي أنا) تلاقيهو مطمئن جداً ومبسوط
ويقول ليك طالما ربنا عمل كدا يبقى دا هو الخير ويضحك
لو تذكر أنا مرة حكيت ليك وقلت ليك هو بيرجع أي فعل سيئ من الآخر تجاهه للشيطان
ويقول دا ما الشخص دا العمل كدا دا الشيطان
إنت لحظتها قلت لي كلام قريب من دا قالوا الأستاذ
عارف ما بقدر أتذكر إني شفت شارلس مهموم بي بكرة
والله يا قصي أنا بحسده على هذه الطمأنينة
شارلس إنسان لا تملك إلا أن تحبه
و.. تندهش
| |
|
|
|
|
|
|
|
|
 Re: مولانا شارلس (Re: محمد سر الختم)
|
أخى محمد سر الختم
تحياتى
أخى الكريم لا توجد ديانة سماوية أو أرضية لا تحرم الكذب وتجد حتى الهندوسى والبوذى الذى لا يكذب
ومرجعنا هنا للشارع صلى الله عليه وسلم وهنا أورد معنى الحديث
لا نصه
سؤل صلى الله عليه وسلم
أيسرق المؤمن قال نعم
أيزنى قال نعم
قالوا أيكذب المؤمن قال ((لا))
و لا يوجد شىء أسوأ من الكذب فى تدمير الأمم وتفكك المجتمع
فإذا كنا نكذب ونقول إننا مسلمون فلنرجع لما قاله صاحب
الرسالة صلى الله عليه وسلم.
| |
|
|
|
|
|
|
|
|
|
Re: مولانا شارلس (Re: محمد سر الختم)
|
نعم يا محمد
إذا ضربك زول .. ده ما هو الضربك .. دي نفسك الأمارة ضربتك .. وهي برضو الشيطان.. وبناء عليه يجب أن تحاسب نفسك .. وتشوف إنت قصرت في شنو .. الصوفي قال : ما فعلت معصية ،الا وجدتها في نفسي أو ولدي أو زوجتي أو دابتي.
مثلا قد تكون آذيت إنسان .. أو بي قلبك أضمرت شئ كعب .. إقوم طوالي الأضمرتو ده إظهر ليك في فعل آخر تجاهك.. أها اللي بلحظ الأمر ده وإقدر أعرف السر وراء المكروه اللي حصل ليهو .. بكون ربنا راحمو... وما كلنا قاعدين نعاين للحكمة وراء الفعل البحصل لينا .
وبعدين برضو لازم نرجع كل المسائل (لدى التنزل البعيد) الى الله عز وجل .. فهو في النهاية الفاعل الحقيقي لكل شئ (لهذا نحن الجمهوريون أول شئ بنبدأ بيهو كف الأذى ثم إحتمال الأذى، ثم توصيل الخير للبيأذونا) لانو البيأذانا ده في فاعل أكبر وراهو .. وزمان الأستاذ حكى للأخوان قصة بتوضح العامل الحقيقي.. قال ليهم.. لو في نملة ماشه في خشبه ، وفي نجار بقطع فيها بي منشار النملة بتقول العاوز يقتلها المنشار لأنها ما شايفه النجار..
اها المثال ده هو البوري الفاعل الحقيقي .. يعني لازم نشوف الله ورا كل فعل .. لازم نشوف (النجار) ما (المنشار).
شارلس !!! ان شاءالله بركة الله ربنا ينفعنا بي جاهو ويزيل عننا كربنا بي حقو عنده .. زولك ده ولي لانو الصدق مقام الاولياء ونادر جدا تلقى صادق حقيقي..
طولت عليك ؟؟ موش؟؟؟
كالعادة.............
يلا باي
تقبل سلام ميسون.
| |
|
|
|
|
|
|
|
|
|
Re: مولانا شارلس (Re: قصي مجدي سليم)
|
محمد السر
يا هذا الإنسان
أتفق جداً مع نفسي أن دين شارلس قاده الي هذا الإنسان الجميل
الذي أنشد جوانب منه ... وعندما أقول دين شارلس أقصد مفهومه
لدينه ... ومفهومه لإنسانه الذي صاره ... أو يسعي لأن يصيره
وهنا لا أقارن بين دين و آخر ... لكنني أقف عند المحصلات.
فالدين داخل شارلس يفرز هذا الإنسان المتسق الذي تعرفه يا محمد
وأعرفه ... وأي إختلاف مع شارلس لا ينفي إتساقه هذا أبداً
الدين يا محمد لأجل الإنسان لا لأجل الإله
شارلس متسق
و مرتااااااااح
ليس شارلس فقط ... أنت ايضاً نري ما يفعله الدين بك .... وكل هذا الصدق
و نتعلم منكم
الحب لك
والتحية لشارلس
| |
|
|
|
|
|
|
| |
وليد محمد المبارك
قصي مجدي سليم
ود محجوب
فيس بوك
تويتر
انستقرام
يوتيوب
بنتيريست