|
|
 مرقتكم جابوا العشا
|
محاولة سودانية مستميتة ويائسة لدفع الحرج صباح اليوم التالى نتيجة التلكؤ حتى خروج الضيف دون أن يتناول طعام العشاء
والله يجازي الكان السبب
جني
|
|
 
|
|
|
|
|
|
|
|
Re: مرقتكم جابوا العشا (Re: jini)
|
جني العزيز..
اوعك تكون سمعتها الليلة الصباح..؟
اها ناس دمياط في مصر مشهورين بالحاجات دي.. يقولو ليك: نجيبلك عشا ولا تبات خفيف..؟
او لما قعدة الضيوف تطول يقولو ليهم: نجيب شاي ولا مستعجلين..؟
ولو جاهم ضيف من سفر بعد السلام طوالي السؤال: أوكاندتك (لوكاندتك) اسمها ايه..؟
تقول لي انحنا برضو..
| |
|
|
|
|
|
|
|
|
|
Re: مرقتكم جابوا العشا (Re: jini)
|
اختنا ارجاء
لوول
تشرب شاى ولا منتاش كييف
تبات عندنا ولا تاخد صراحك في الوكاندة
لكن هم معذورين في أدبياتهم مافي:
عوج الدرب
اخو البنات
خال فاطمة
عشا البايتات
عشاي ضيف الهجوع
أبو مروة
دراج العاطلة
أزيدك ولا كفاف
ما أقسى على الشخص أن يمتحن فى أسمى قيمه ويطأطئ رأسه خجلا!
وهي لله وليس للسلطان والجاه
جني
جني
| |
|
|
|
|
|
|
|
|
|
Re: مرقتكم جابوا العشا (Re: jini)
|
عزيزي جني
تحياتي عاطرات لك
( لكن هم معذورين في أدبياتهم مافي:
عوج الدرب
اخو البنات
خال فاطمة
عشا البايتات
عشاي ضيف الهجوع
أبو مروة
دراج العاطلة )
كل هذه القيم الجميلة أصبحت الآن تراثاً.
تحضرني طرفة واقعية فقد ذهبت في إجازة سنوية للسودان . سمع بمقدمي أحد أصدقاء الزمن الجميل و هو ضابط إداري في قرية تبعد قليلاً من مدينتنا. فحضر وقضى معي يومين ، وعندما أراد الرجوع قررت أن أذهب معه لأسلم على أولاده . هناك رأيت أن مسكنه وهو بيت حكومى في أطراف القرية، فانزعجت إنزعاجاً حقيقياً بسبب تركه لزوجته صغيرة السن ( طبعاً بالنسبة لنا ) وأطفاله الصغار لمدة يومين لوحدهم. فسألني عن مبررات إنزعاجي . قلت له يا أخي أفرض جاهم حرامي بالليل يعملوا شنو ؟؟ فرد على ببديهة حاضرة ( عارف يا أبو الشباب نحن بقينا ما بنخاف من الحرامي بقينا نخاف من الضيف . )
تحياتي لك
معزتي
| |
|
|
|
|
|
|
|
|
|
Re: مرقتكم جابوا العشا (Re: jini)
|
قالو واحد اهلو في الكلاكله قال يمش يسلم عليهم وبالمره يتغدي معاهم
اها يا كافي البلاء ناس البيت ما عندهم ليمونه يسوو بيها عصير
المويه ذاتها قاطعه
اها زولك قعد كددي اتونسو معاهو وما ادوهو اي حاجه
لمن لقا الموضوع مطرشق قال اليقوم يتخارج
وقف علي حيلو ..المره من عزه نفسها باقي ليها حار
قالت ليهو عاد لكن تمشي كدي بصمه خشمك
قال ليها لا تعالو كسروهو لي كمان
بايخه
عارفه
| |
|
|
|
|
|
|
|
|
|
Re: مرقتكم جابوا العشا (Re: jini)
|
| Quote: عارف يا أبو الشباب نحن بقينا ما بنخاف من الحرامي بقينا نخاف من الضيف . |
عاطف عمر
لك ودى وإحترامي
شر البلية ما يضحك
جني
| |
|
|
|
|
|
|
| |
jini
Raja
عاطف عمر
توما
فيس بوك
تويتر
انستقرام
يوتيوب
بنتيريست