|
|
 دا شنو دا .. !
|
تحياتى للجميع ...( يا شباب ) ده شنو دا !!!!!!! الملاحظ فى الاونة الاخيرة انو المنبر تحول لحلبة مصارعة بين مجموعتين واحدة من انصار العميد عبد العزيز خالد والاخرى فيما يبدو تتخذ مواقف ضد الرجل ... ودا كلو جميل وطيب فالناس من حقها ان تكون لها خياراتها وولاءتها غض النظر عن اتفاقك او اختلافك الشخص مع وجهة النظر الاولى او الثانية ... وانا بصفة خاصة لست من انصار (العميد ) ولكننى فى الوقت نفسه لست (ضده ) والرجل موقوف الان بالخرطوم وفق اجراءات قانونية احضر بموجبها من (دبى ) وعندو مجموعة محامون ثقات واهل خبرة وعلم وتجربة وصيت وسمعة ويمكن وزن سياسى كمان وغير دا كلو عندو انصار متحركين فى كثير من بلدان العالم مطالبين باطلاق سراح ... طيب .. بالمقابل كمان هناك مجموعة ترى انه لا يستحق اطلاق السراح ويجب ان يذوق من ذات الكاس التى سقى منها بعض من كانوا معه فى (الميدان ) .......ودى كلها وجهات نظر لكن يا (جماعة ) خلونا نلتزم بضوابط ومعايير منطقية وموضوعية فى عرض تصوراتنا لنصرة هذا او ذاك يعنى انصار السيد العميد حقو يروقو المنقة شوية ...ويفكونا من قصة خبر عاجل والعميد يوصيكم بالصبر وما عارف شنو .. وكمان فى ظاهرة فى اتصال عاجل ..قال وقال ... هو الزول معتقل ولا قاعد فى كشك تلفونات وافتكر انو الشفقة وحب الترويج لمثل هذه الاتصالات – ما عارف بتم كيف – كانت اول نتائجه انو الحكومة ختتو قرض وغطست مكان الزول دا وين هسة ما معروف وليها حق والله لانو لو اى حكومة حتدى المعتقلين موبايلات وتضعهم فى شقق مفروشة ودا يعنى اقامة مرتبة ومريحة بكره البلد كلها تبقى شغالة سياسية وتعارض فى الفارغة والمليانة .. وهسة لو الحكومة دى ودت العميد محل الاعتقالات الجد و(الدرش النضيف ) مافى زول تانى بيلومها لانها سهلت عليه وتعاملت معه باعتباره رمز قامو انصارو عملوها مسلسل وملحمة وكتبوها لينا فى الجرائد .. يا انصار العميد خالد الزول هسة (مقبوض ) ومعكوش عند الحكومة وهى تمسك فى قضيته بمعظم اوراق اللعبة .. لانو التجمع ما منو رجا وكل دول الجوار ما ضاربة فى نمرة التحالف نفسه كان جناح خالد او د.تيسير بما فى ذلك المصريين اما ارتريا فدى لو لقت طريقة بتقول للخرطوم صدرى لينا العميد دا (معلب ) اما فى الداخل يعنى جوه السودان ... انسو ... موضوع الزول دا مافى زول شغال بيهو ... وما تغشو المسكين وتقولو ليهو الشارع بيغلى وبقى (شاى ) ومسخن وغيرها من (الاوهام ) ........ ودا لانو التحالف جوه الخرطوم ما عندو ناس والعندو ما يملو حافلة ...... كوستر ..
معليش لكن الصراحة مهمة عشان يفكر انصار العميد خالد بتعقل واحسن يجيبو من الاخر ويخاطبو البشير يفك الزول دا وينتهى الموضوع .. اما اعداء العميد عبد العزيز خالد فنرجو ان يلتزمو بالاخلاق السودانية ويكفو عن التجريح وارسال الكلام الدراب لمن يتبون دعمه اعلاميا ... ولا شنو دا شنو دا
|
|
 
|
|
|
|
|
|
|
 Re: دا شنو دا .. ! (Re: nahar osman nahar)
|
ما مننا المهوس والجاي متنكر
لابس وشاح قديس تسبيحوا بالدولار
في بنكو متحكر
شركات تبيع الدين
العملة والسكر
وبنوك تدس العيش
تدي الدهب للجيش
والجنة للعسكر
والدين يكون بوليس
تخالفوا تتكفر
تنهان وتندفر
لكن نسى المهوس
يوما كريه وعبوس
يوم الجموع تنهر
يوم الغضب يظهر
ما شان فحم او زيت
لكن غضب للحق
الموت والدم
لكلاب الامن
| |
|
|
|
|
|
|
|
|
|
Re: دا شنو دا .. ! (Re: محمد حامد جمعه)
|
الامنجى محمد حامد جمعة
| Quote: وهسة لو الحكومة دى ودت العميد محل الاعتقالات الجد و(الدرش النضيف ) مافى زول تانى بيلومها لانها سهلت عليه وتعاملت معه باعتباره رمز قامو انصارو عملوها مسلسل وملحمة وكتبوها لينا فى الجرائد .. يا انصار العميد خالد الزول هسة (مقبوض ) ومعكوش عند الحكومة وهى تمسك فى قضيته بمعظم اوراق اللعبة .. لانو التجمع ما منو رجا وكل دول الجوار ما ضاربة فى نمرة التحالف نفسه كان جناح خالد او د.تيسير بما فى ذلك المصريين اما ارتريا فدى لو لقت طريقة بتقول للخرطوم صدرى لينا العميد دا (معلب ) اما فى الداخل يعنى جوه السودان ... انسو ... موضوع الزول دا مافى زول شغال بيهو ... وما تغشو المسكين وتقولو ليهو الشارع بيغلى وبقى (شاى ) ومسخن وغيرها من (الاوهام ) ........ |
تعابيرك الاستخدمتها هنا دى هى اللغة بتاعتكم البتستخدموها فى مكاتبكم ومعتقلاتكم.
والشارع الانت بتتكلم عنه ده .... ح يجى اليوم ويقول كلمته ...
| Quote: والرجل موقوف الان بالخرطوم وفق اجراءات قانونية احضر بموجبها من (دبى ) |
قانونك ده قانون الغاب ومن نفس الكأس ح تشرب انت ورؤساك وح يكون الحساب قاسى جدا
لاننا مانسينا ولا ح ننسا اى قطرة دم سفكت ... ولا كل من انتهك شرفها ... ولن ننسا
كل الانتهاكات التى ارتكبتمؤها.
| |
|
|
|
|
|
|
| |
محمد حامد جمعه
Hussein Mallasi
nahar osman nahar
خالد
Marouf Sanad
الواثق تاج السر عبدالله
Imad Khalifa
Kostawi
فيس بوك
تويتر
انستقرام
يوتيوب
بنتيريست