|
|
 عروس أجنبيه....خاص بالعزابه فقط
|
يازول انت دخلته البوست دا, على الطلاق ما تطلع ساى, تشرب شاى و لا تعرس هنديه؟ ما تعاين لى باستغراب كدا انا جادى 100%, حرم تقول خير اسبوع و تكون عريس. يا اخوانا انا ما بهزر جادى فى موضوعى دا و الداير اخش معاى لو مقندل كدا اجهز ليه 1000 دولار "كلها 2500 جنيه سودانى" و لا كمان لو زول زينا جاى لحدى 500 دولار ممكن. انا غايتوا لميت لى 700 دولار من شيكات شركة ال SMS ديك و انشاء الله الاسبوع الجاى عريس.
اها يا اخوانه رايكم شنو, البت الهنديه هديه و رضيه لا بتزعجك بفلانه قالت و لا علانه عملت, و كمان فيها ميزه كلنا بنفتش عليها, أقتصاديه 1000% يعنى 50 دولار تكفيك الشهر كله, و قناعته ما بتلقاها فى اى سودانيه, كدى كلامى دا لو ما صاح ادونى راسى لانى جادى و جاهز مويه و نور.
يا ترى ما سبب قناعه البنت الاجنبيه عموما و الاسيويه خصوصا, لماذا لا نجد هذة القناعه فى بنتنا السودانيه؟ هل هنالك فرق ما بين السودانيه و الاجنبيه من ناحيه الاستقرر الاسرى؟ " الجماعه اللابدين بالاجنبيات ديل اورونا مدى نجاح تجربتهم لو سمحوا لينا و ما تفهمونا غلط حاشه لله نكون عاوزين نتدخل فى حياتهم الشخصيه".
لماذا لا تتزوج البنات السودانيات برجال اجانب؟
رغم قناعه الجميع باخلاق واصاله بنتنا السودانيه الا كثير منا يلجا للزواج باجنبيات, هل يا ترى هى الظروف المعيشيه ام من اجل الحصول على اقامه من دوله الزوجه ام هى طيارة عين؟ " اظنها طيارة عين مننا ساى".
على الطلاق "يا اخوانا ماتاخذونا الواحد بتعلم و لازم اكون جاهز و مدرب لاستخدام هذا السلاح الخطير" الكل مدعو لحفل الزواج الاسبوع الجاى و بالمناسبه فى كشف و كدا يعنى بالعربى كدا ما تجوا تضربوا البريانى و تزوغوا, انا حاكون مفتح عيونى كويس.
أحبتى ما تكلمت عنه هو ظاهرة حقيقيه و ليست من نسج خيالى, اكاد اعايشها بصورة شبه مستمرة خصوصا فى هذة المدينه الاسيويه التى اعيش فيها, فلا يكاد يمضى اسبوعا الا و توافد الاخوه من بقيه المدن الاخرى لحضور زفاف احد الشبان السودانيين لفتاة اجنبيه. فهل هذة ظاهرة صحيه اجتماعيا ام هى مشكله لها جزور مغروسه فى احشاء وطننا الغالى.
و لكم التحيه
|
|
 
|
|
|
|
|
|
|
 Re: عروس أجنبيه....خاص بالعزابه فقط (Re: مريم بنت الحسين)
|
العزيزة جدا بنت الحسن
السلام عليكم
اشيد و بشدة لرائك المعتدل فى هذة القضية, عندما دار حوار بينى و بين الاقارب و الاصدقاء فى هذا الموضوع واجهت ردود عنيفه و احيانا اتهاما بالتهرب من تكايف الزواج الباهظة فى السودان, و لكن بالرغم مما سمعنا به باعتدال التكاليف فى الفترة الاخيره الا انه ليس هذا مربط الفرس , فعادة ما يكون الراغب بالزواج من اجنبيه مقتدر او على الاقل فى وضع مادى معتدل. و لا زال البحث جاريا عن هذا السر.
ما دعانى للكتابه عن هذا الموضوع زوج عدد كبير من اقربائ و اصدقائى من اجنبيات.
و لكم من التحايا
| |
|
|
|
|
|
|
|
|
|
Re: عروس أجنبيه....خاص بالعزابه فقط (Re: almulaomar)
|
الاعزاء
الملاء عمر:
ما للهوى بلد, و لكن لما اجى وقت الجد و الحكايه اكون فيها عرس البلد دى مهمه بالحييييل.
أيمن جباره:
على الطلاق يا خوى مادام قلته 2500 ما بنقول لا, ادفع بالمحلى و انا اجيب ليك التلاته الدايرن ديل و معاه 2 هديه واحدة تساعد الحاجة فى البيت و التانيه انت و زوقك.
عماد:
و الله يا اخوى كان ما مصدقنى ادفع ال50 دولار اوجرب كان ما غطت معاك مرجوعه تب. دى اقتصاديه اكتر من اللمبه البيضاء و الرقشه على قولك
لكم التحايا و التقدير
| |
|
|
|
|
|
|
| |
عبدالناصر معتصم
مريم بنت الحسين
almulaomar
فيس بوك
تويتر
انستقرام
يوتيوب
بنتيريست