|
Re: زغردت وأنا أستلم رسالة التسجيل (Re: ود عقاب)
|
صديقي عمران حسن صالح سلام ياراجل والله فرحت وزغردت معاك ، مرحباً بك في حوش الأهل والأحباب أتمنى ان تكون مشكاة لمصباحك الجميل ، وكوة تنفذ منها همهمات النفس المحملة بعبق الإلفة والحب للوطن ، وأن يكون إنضمامك للمنبر رسالة أخرى للمحبة والمودة الضائعتان في زخم الخلاف . أن نكتب ذكرياتنا الجميلة لعلها تساعد في مستقبل الأيام بعد أخذت منها كسلا والشرق واللاجئين الكثير ، المثير ، نكتب عن تجارب الانسان في ود كولي ، تواوا ، أم راكوبة ، دوكة والقلابات ، كسلا ، وحتى الطنيدبة والفاو والسوكي ، وعن ظاهرة اللجوء وتعامل المفوضية معها ، وعن ذلك العميد حسن محمد عثمان وعلى رمرم ، مجدي ، وود الناظر واخرون .....
نلتقي ونؤسس حواراً يشبه حلمنا في كثير من الأشياء ونذكر همهات الحب عنها ، عن أم محمد وعن تلك البعيدة المنال ....
البشرى لبورداب الرياض بأنضمام فارس جميل
| |
|
|
|
|
|
|
Re: زغردت وأنا أستلم رسالة التسجيل (Re: Abubaker Kameir)
|
تعرف يا عمران فتشت جنبي ألقى لي زول يزغرد معاي تصور ما لقيت .. لكن أنا زغردت لوحدي من الفرحة ويا هنانا وسعدنا بك أخاً وصديقاً داخل وخارج المنتدى .. بعدين دي عايزة ليها إحتفالية كبيرة ولازم صديق رحمة يكون معانا وكمان يا ريت لو الطيب حسن برضو يكون حاضر ولا رأيك شنو ؟
ألف مرحب بيك يا عمران .. أبقى أتصل تليفونياً .. وكمان مرحب بيك بوردابي من ضمن كتبية بورداب الرياض ..
| |
|
|
|
|
|
|
Re: زغردت وأنا أستلم رسالة التسجيل (Re: إسماعيل وراق)
|
الزغرودة ما زالت طويلة وكل هذا الترحيب يحيط بي حتي حسسني بأني سأحتاج لدوام ثالث أرد به وأقرأ ما كتبه الآخرون وحقيقي الدهشة تتملكني وخايف أبدأ مع الشباب وكلي نشاط ثم يأخذني تيار الدوام والــ..... ( ما تحاول ياصديق رحمة تتم النقاط!!!) . وكلك الأخوة أقول لهم وحسب نرتيب الردود التي وصلت : ود عقاب : حلاوة ترحيبك والله يقدرنا على .. لي قدام دي ... صديق رحمة النور : صديقي العزيز ... براحة علي شوية وما تغرقني في مفرداتك العجيبة .. وذكريات زمـــان ( وإنت الخليتنا نغني الحب ذكري وإخلاص ) لك تحياتي وما تكبِّر كومي شديد وتدخلني في مشكلة . yumna guta: أهلا بي بت بلدي ولك شكري وتقديري خضر حسين خليل: فطاحلة الدار .. لك التحية والحوش صار حقيقة وإلا لما لاقيناك وتعرفنا عليك . لك إحترامي Abubaker Kameir: هلا بالأخ الأستاذ بكري وأنت في آخر الدنيا كما علمت من الأخ صديق رحمة ، أمنياتي أن نتواصل ولك شكري. معتصم دفع الله : إنت طبعاً زول مختلف والرد عبر البورد لا يكفيك طالما جامعنا المكان ، أتمني أن تنفذ الفكرة (والشيرنق) جاهز . محمد أشرف : حبابك ألف .... وشكلك زول ولف ....الله يدك العافية محمد الأمين : عندي ليك مشاغبة بمناسبة تحياتك ، بس ما عايز أبدأ بيها وحتماً سنلتقي . لك الود عزيزي Elsadiq: صفحتك بيضاء من غير سوء إنشاء الله ، وصلت تحياتك . almulaomar حبابك وحباب إشراقك وحباب تحياتك والله يديك العافية. الأستاذ : إسماعيل وراق ولك التحية بأحسن منها والله يديك العافية وأشكر لك ترحيبك. ختاماً أطلت رغم أنفي حباً في الأخوة وودعناكم الله.
| |
|
|
|
|
|
|
Re: زغردت وأنا أستلم رسالة التسجيل (Re: إسماعيل وراق)
|
الزغرودة ما زالت طويلة وكل هذا الترحيب يحيط بي حتي حسسني بأني سأحتاج لدوام ثالث أرد به وأقرأ ما كتبه الآخرون وحقيقي الدهشة تتملكني وخايف أبدأ مع الشباب وكلي نشاط ثم يأخذني تيار الدوام والــ..... ( ما تحاول ياصديق رحمة تتم النقاط!!!) . وكلك الأخوة أقول لهم وحسب نرتيب الردود التي وصلت : ود عقاب : حلاوة ترحيبك والله يقدرنا على .. لي قدام دي ... صديق رحمة النور : صديقي العزيز ... براحة علي شوية وما تغرقني في مفرداتك العجيبة .. وذكريات زمـــان ( وإنت الخليتنا نغني الحب ذكري وإخلاص ) لك تحياتي وما تكبِّر كومي شديد وتدخلني في مشكلة . yumna guta: أهلا بي بت بلدي ولك شكري وتقديري خضر حسين خليل: فطاحلة الدار .. لك التحية والحوش صار حقيقة وإلا لما لاقيناك وتعرفنا عليك . لك إحترامي Abubaker Kameir: هلا بالأخ الأستاذ بكري وأنت في آخر الدنيا كما علمت من الأخ صديق رحمة ، أمنياتي أن نتواصل ولك شكري. معتصم دفع الله : إنت طبعاً زول مختلف والرد عبر البورد لا يكفيك طالما جامعنا المكان ، أتمني أن تنفذ الفكرة (والشيرنق) جاهز . محمد أشرف : حبابك ألف .... وشكلك زول ولف ....الله يدك العافية محمد الأمين : عندي ليك مشاغبة بمناسبة تحياتك ، بس ما عايز أبدأ بيها وحتماً سنلتقي . لك الود عزيزي Elsadiq: صفحتك بيضاء من غير سوء إنشاء الله ، وصلت تحياتك . almulaomar حبابك وحباب إشراقك وحباب تحياتك والله يديك العافية. الأستاذ : إسماعيل وراق ولك التحية بأحسن منها والله يديك العافية وأشكر لك ترحيبك. ختاماً أطلت رغم أنفي حباً في الأخوة وودعناكم الله.
| |
|
|
|
|
|
|
Re: زغردت وأنا أستلم رسالة التسجيل (Re: Elmosley)
|
الأخ الأستاذ الرائع Elmosley
ابتسامتك كانت تستفزني جداً وأنا زائر لا أستطيع أن أبادلك إياها أو أن أرد على كتاباتك (ومنها ما أثار الدهشة ) ،،، موسيقاك أدمنها منذ زمن بعيد مروراً بالتجربة الرائعة التي كانت برفقة أمال النور وبها أغنية ما زلت أردد موسيقاها دون أن أشعر .. لك التحية والحديث ذو شجون معك ونحمد لهذا المنبر أن جعل من في قامتك يخاطبنا.
| |
|
|
|
|
|
|
Re: زغردت وأنا أستلم رسالة التسجيل (Re: ابوعبيدة حسن محمد)
|
وتتواصل أفراحي بترحيبات الأخوة الأعزاء ..... الأخ kamalabas ولك شكرنا إنابة عن الأعضاء الجدد ونأمل أن نكون عند حُسن ظنك
الأخ Isam Widaa ولك التحية بأحسن منها ويبدو أن الأخ الأمين يشاركني إسم أبي مثله مثل بكري حسن صالح ( وزير الداخلية )
الأخ yasiko زهرتك الحمراء تكفي الناس الجدد كلهم .. الله يديك العافية
الأخ الأستاذ الرائع Elmosley إبتسامتك كانت تستفزني جداً وأنا زائر لا أستطيع أن أبادلك إياها أو أن أرد على كتاباتك (ومنها ما أثار الدهشة ) ،،، موسيقاك أدمنها منذ زمن بعيد مروراً بالتجربة الرائعة التي كانت برفقة أمال النور وبها أغنية ما زلت أردد موسيقاها دون أن أشعر .. لك التحية والحديث زو شجون معك ونحمد لهذا المنبر أن جعل من في قامتك يخاطبنا
الأخ محمد حسن العمدة وشكلك فعلاً عمدة ،، لك تحية ناس بلدنا ومودتهم والله يديك العافية
الأخت / ميادة أعطاك والديك إسماًً جميلاً ،،،، وأعطيت حروفك لوناً أجمل ،،، وعباراتك تشير إلى أنك ست بتيات الله يديك العافية بس علميني أشيل اللون الأسود ده من بوستاتي
الأخ ابوعبيدة حسن محمد تسلم يالحبيب وحبابك ألف
| |
|
|
|
|
|
|
Re: زغردت وأنا أستلم رسالة التسجيل (Re: nour tawir)
|
nour tawir سلام يا ناس كندا أصلاً يا أختي الزغاريد لمن نمسك فيها ما بنفكها بالساهل ......خاصةً وأننا مدمنين كلام الحلنقي ((( صبحت دمعتنا وسادتنا )))) مع ليالي الغربة الطالت وحاجات تانية . المهم يا نور من هواياتك اللعب مع الأطفال وهذا يدل على أن الفرح معاك متواصل والله يديمو ( مالك مستكثره علينا فرحتنا بالحوش ده ) الله يديك العافية وفرصة سعيدة
| |
|
|
|
|
|
|
Re: زغردت وأنا أستلم رسالة التسجيل (Re: عمران حسن صالح)
|
مرحبا بالشباب الكسلاوى الرائع, مرحبا بعمران حسن صالح و التحايا للصديق صديق رحمة أسم يأتى من بعيد الذاكرة حيث السنين الخوالى فى ام تقاق, أضافة رائعة و خاصة لهذا المنبر المتميز أصلا و من قليل لمحت أالصديق الأثير كمير و سوف نحيه فى بوسته الخاص أيضاو ألى لفاء...
| |
|
|
|
|
|
|
Re: زغردت وأنا أستلم رسالة التسجيل (Re: الزنجي)
|
اخي عمران الف مرحب بيك وسعدت جدا لوجودك بيننا وتحياتي لك ولصديق رحمة وشايف فاروق رحمة اليومين ديل معانا في كسلا...تحياتي لكم ومرة اخري اوكد للجميع بان الاستاذ عمران حسن صالح اضافة حقيقية ومميزة للبورد
| |
|
|
|
|
|
|
Re: زغردت وأنا أستلم رسالة التسجيل (Re: تولوس)
|
حاتم ابوسن : ياههههههههههههههههههههه والله انها لسنوات بعيدة ، بعيدة أين أنت يارجل؟ والله بجد ياخي أصبح هذا الفضاء وطناً يجمعنا مع ما نشتهي أنت وعمران وأبوبكر كمير وتولوس اكاد لا أصدق من فرحي ... يا حليلك وحليل أم تقاق المروّق نيما ،،، ياخي أظهر وبان وأدينا اخبارك والله
تولوس (محمد) : بختك بكسلا والجو السمح والشية في شنبوب وتمشي وتجي بالسلامة .....
عمران معليش ولكن طالما المقام مقام ترحيبات خلينا نستبيح البوست ونستبيح الفرح مع أولاد كسلا الحلوة
| |
|
|
|
|
|
|
Re: زغردت وأنا أستلم رسالة التسجيل (Re: الزنجي)
|
عماد عثمان حبابك الف ، والفول المصلح بزيت السمسم تشوفوا في الإجازة إنشاء الله وطبعاً برد المملكة المتحدة غير ( زي ما بقولو أخوانا السعوديين) والفول علاجو الحقيقي . ألفت نظر الأخوة الكرام إلى أن كتابة المعلومات الخاصة بكل عضو مهمة جدا ً لأنها تعطي إنطباع مبدئي عن الشخص الذي تخاطبه وهذا ما فعله الأخ عماد .ومرحب بيك برلوم جديد معانا لك شكري وتحياتي ،،،،،
أهلاً أحمد الشايقي ، أهلاً ومرحب بودك الباذخ (شايقي قراصة أم حضر يا أحمد ) ..؟
هلا بيك يا زنجي / منور البورد بوجودك ، أدام الله زغاريد الفرح لنا جميعاً
تولوس . محمد عثمان عبد الله ،،، شلت إسم موقع كسلا وجبتو هنا ... عفارم عليك .. ومبروكة عليك جبال التاكا هذه الأيام ورحت إجازة وما عندنا خبرك وتنفعك الشية المقدمة من صديق رحمة . وبالمناسبة تكبير الكوم بجيب مشاكل Quote: اوكد للجميع بان الاستاذ عمران حسن صالح اضافة حقيقية ومميزة للبورد |
الإضافة هي شباب كسلا وأقترح أن يكونوا رابطة يسموها شباب كسلا بسوادييز أون لان. رأيكم شنو؟؟؟؟
صديق رحمة ... نأتمنك على حياتنا ألا نسمح لنا بالدخول إلى منزلنا ونحن غائبين ؟؟
| |
|
|
|
|
|
|
|