|
وا مغستي عليك يا "maman" تترقى تبقى مدير وتخليني وراك.... أحييييييييييييي.
|
ألف مبروك يا مامان ...
ترقى عضو البورد "maman" «عبدالرحمن محمدصالح» إلى رتبة المدير في الشركة الأمريكية «For Ever Living Products» ، وقد حقق هذا النجاح خلال فترة قياسية لم تتعدى الشهرين، متفوقاً في ذلك على جميع المسوقين الفلبينين «يشكلون الأغلبية في مركز الرياض بحكم وجود الشركة لأكثر من 15 سنة بالفلبين» وكذلك جميع المسوقين من الجنسيات الأخرى. مبروك لمامان الذي عودنا دائماً على التفوق والتميز، وعقبال بقية البورداب ....
لمزيد من التفاصيل يرجى الكتابة إلى: [email protected]
وا مغستي عليك يا مامان تترقى وترص الدبابير فوق كتيفك وما ترقيني معاك ... وما تكلم اللوا يرقيني معاك ... الشايقي ....
|
|
|
|
|
|
|
|
Re: وا مغستي عليك يا "maman" تترقى تبقى مدير وتخليني وراك.... أح (Re: Al-Shaygi)
|
الصديق والسوداني صح صح مامان.
يازول الف مبروك!
قدر ماقلبت في الغنا الفي الرويس، تب مالقيت غنيوة طنبور اهديها ليك بالمناسبة دي.
بالله شرايطك انوم واصح بيهم، بالذات شرايط النعام، او طبعا معاي كبار في البيت، وانت عارف النعام او غنا الربوع..خليني بس الزم حدي هنا، بدل ما اجوعر وابقي في قشقيش المخاخيت!!!!!!!!
لمان تجي صادي للبورد، دايرين نبدا نــــــــــــادي الطـــــــــــــمبور ياحبيب، فشن قلتا؟
فتك بي عافية،تصوم او تفطر علي خير، والقابلة يكون اتحقق مرادك،او رجعت البلد ضمة، تسد في البوغة، او تغزغز في الهواليك، تحاحي الطير، زول معاش ساكت!
انا غايتو نفسي ارجع ارعي غنيماتي من اول او جديد!
باقي اخوك كان فاشل في الزراعة تب!
| |
|
|
|
|
|
|
Re: وا مغستي عليك يا "maman" تترقى تبقى مدير وتخليني وراك.... أح (Re: ابو جهينة)
|
Quote: أنا كنت مضرب للوظيفة دي عشان كدي ما جيتكم يوم داك ..
|
ما تشفق يا جلال يا خوي ما هي المدّيرة خشم بيوت واللتك لي الليلة قاعدي ومحجوزة ليك وبيني وبينك فيها إجازة أسبوعية وإجازة سنوية ،،، وكلام سر بيني وبينك حقت مامان دي ما فيها إجازة ولا راحة والله شغلها حتى الجمعة كمان بس هو ما ناقش وفرحان بيها ساكت !!!!
....
| |
|
|
|
|
|
|
Re: وا مغستي عليك يا "maman" تترقى تبقى مدير وتخليني وراك.... أح (Re: Al-Shaygi)
|
أمانة الشايقية ما تعبوا !!!!!!!!
يعني مشير مرة واحدة يا شايقي ..
انت دحين البعد مشير ياتو رتبة ؟؟؟؟؟
عليك الله يا الشايقي تكلم الامريكان ديل خليهم يدوها لى مامان دا .
يا سلك طنبورنا السادس يا مامان ألف مبروك ومبروك ..
وسلموا لي على ( حمدسعيد ) وكل ناس الجمعية في الرياض وكل عيال شايق في النسيم والملز والبطحاء وما جاورها وما حولها .
ورمضانكم كريم ياأهلي هناك .
ومامان دا سووا ليهو حفلة شايقية كاربة كدي عليكم الله وكتروا من الشبابيل فيها !!!!!!!.
خضر عطا المنان
| |
|
|
|
|
|
|
|