|
|
 ما هو عارف قدمو المفارق ..
|
كان مع الاحباب نجمو شارق
السلام يا وطني العزيز
الوطن بمفهوم الفرد العادي البسيط
الوطن بمفهومي الخاص الام البيت ..الشارع..الاصدقاء..الاغنيات والامنيات.. والحبيب
الوطن عند ستات الشاي .. المعلمات والاساتذه..المكوجيه..
الموظفين والموظفات بالحكومه ..بتاعين الورنيش..ستات الكسره وستات روحن
المزارعين الصنايعيه والمتعبين جدا علي هامش وطن
الاحساس بتدهور الوطن وغياب المفهوم وثراء البعض الفاحش والمستفز
السياسه وليه امر الوطن لا افقهها الا بمقدار ما تنفع او تجر وطني الي الهاويه
السياسه التي تباع مع الخبز وتثمر الجوع اعرفها جيدا وتذوقت طعمها مرارا
طغت السياسه الداخليه وفعلت ما فعلت وما زالت تفعل
ثم الخارجيه والخارجيه طوفان لا يرحم ولا يستثني ولا يمهل اهل نوح الصابرين
صناعه الفلك او لكي نحفظ انفسنا في غمره الاتي
ان......
نحفظ من كل زوجين اثنين
من
الشرف والامانه
العدل والمساواه
الحق والحريه
الحلم والامنيات
الشوق والمحنه
التاريخ والحضاره
حتي ما سوف تسحقه العولمه من تراث
تموت تخلي وسفنجه
الصاج والقرقريبه
الكانون والمفراكه
ولا ننسي ان نحفظ عدد قابل للتوالد من الضحك الكبار كبار وراحه البال
لانو فعلا اكتر حاجه في سبيلها للانقراض
في زمن ما فات او هو ات
ارتبط الوطن لدي بامي فاصبح يعني مكان وجودها
زمان لما اتشالقت وقمت من بيتنا ومشيت قريت جمله مكتوب فيها
home is where the heart is
ووجعتني لانو انا وقلبي ما اظن نتلاقي قريب
قد يخرج الشخص من وطنه يوما ما لغرض ما
قد يعود او قد يفني خارجه
وبين العوده الغير محدده وبين الفناء يعيش اسواء ما يعيش
حدثتنا صديقه ما مهمومه بالوطن والامنيات
انها تتمني لو كان الوطن طيب وحنين كما في الروايات
وياتي يوما ما ممتطيا صهوه عولمه وثروه ممتده ليخلصنا من براثن الفقر القمئ
ردت صديقه اخري لا تابه لهذا الخيال الا في الليل واخره
تصدقي انتي بس اقعدي اسرحي في امنياتك دي,
الوطن يا ستي ما بتحقق الا من خلال تعاون الافراد العايشين فيهو
وانو يتوقعو منو بقدر ما بدوهو
ردت صديقتي المؤمنه جدا بان الحياه دين ثم دنيا قائله
حقا ما قلت وما جزاء الاحسان الا الاحسان
ابتسمت انا لانها من احب الايات في القران الكريم واعتقد انها قد اجادت استخدامها
خرجت استنطق الوطن
سالت مدير المدرسه المجاوره
الوطن هو هؤلاء الصغار والغد المجيد
قالت ست شاي
الوطن ما ياهو السودان
وفي عمره انشغالو السياسي وانشغالو بالنزول من المرسيديس
قال فلان الفلاني
مسئول من الوطن العظيم
نحن في خدمه الوطن
غني محجوب شريف بصوت وردي
وطنا الباسمك
كتبنا ورسمنا
قال عم احمد بتاع الجرايد
الوطن هو نحنا ونحنا الوطن
كورك حمو بتاع الورنيش صاحبي داك
الوطن يا فرده جلكسات ساي بقا
نادتني حاجه فاطنه
الوطن موجود بس داير البسندو
سالت عنو شيخ ادريس
قال لي
وما تقدمو من خير تجدوه عند الله
صاح تلاميذ مدرسه الوطن الابتدائيه
نحن جند الله
جند الوطن
ولاقاني عم قاسم في لفه شارعنا وهو يردد
كان مع الاحباب نجمو شارق
.........
ما هو عارف قدمو المفارق
السلام يا وطني السلام
|
|
 
|
|
|
|
|
|
|
|
Re: ما هو عارف قدمو المفارق .. (Re: توما)
|
Quote: كورك حمو بتاع الورنيش صاحبي داك
الوطن يا فرده جلكسات ساي بقا
|
الغريبة لقيت روحى بدون ما اشعر بتفق مع بتاع الورنيش ده ماعارفة ليه مع انى كنت "مثقفة" لى قريب ده
انا قربت اخلص من عمل نظرية جديدة اسمها
"اتونسو ساى"
من شدة ما تعبت من جلكسات الوطن الكتيره
الله يخليك يا توما كتابتك مترعه وكثة ...وبتمتعنى...قريت فارة تكلكم وحسيت بجحر شديد جدا تجاهها لكن الله ماهون لى اكتب ليك هناك
تانى كنا كاردين الطيش...
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
يا تماضر شيخ الدين
سعيده حقا بوجودك
تصدقي
انا وانتي وحمو وزول تاني انا بعرفو شديد بنتفق جدا طلعنا
يا ريت لو تكتبي لانو انا عارفه انو تحديدا الوطن عندك عامل كيف
والوطن الام بالتحديد
شكرا جدا للحضور
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
ياااا لؤي
شكرااا قدر مبالغغغغغه كده ل كان مع الاحباب نجمو شارق بالصوت المميز جداااااااااا
وشكرا جدااا برضو للحضور المميز
ويا ريت يا ريتك تجيب لينا عدد واحد save at pc
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
يوما ما...
امي قالت لي يوم
بكره تكبر تشيل مني الهموم
وكبرت يوم
الا بس همي العنيد
كبر معاي
اتوهطت كل المساخات الحلم
ودفرت باب الروح مرقت
غصبا عن التاريخ كبرت
تاجرت بالذمم الملفلفه بالعمم
حتما خسرت
بايعت كل المتعبين
جدا ربحت
يا ايها الفقر اللئيم
دعني وشاني
واتجه غازيا او بالعدم
متوسلا
او فلنقل
متحملا كل السخافات
والسخانات
متجاوزا كل ما اعلنته نقما عليك
او ما اسر به العجوز
من التفاصيل المقيته للحروب
او تائها بين الدروب
ولا دروب
من هنا نبدأ
من عميق الجور والظلم المعبا في زجاجات المياه
ساموت غضبا رغم عشقي للحياه
لن امارس عاده الشرب العقيمه
ولتمت يا جوع يا بن الفقر بن العار يا بن الدساتير اللئيمه
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
وطن مجروح
********
بلد مجروحة من يوما
وساكنة جراحها جرثومة
ناس بالسلطة محمومة
وناساً كمل نوما
كيف الجراح تبرأ
ودراويشاً كبر كوما
كيف الجراح تبرأ
وناس متوسدة هموما
كيف الجراح تبرأ
وناس جيعانة في خشوما
بلد إبداعها في الخارج
بلد متشردة نجوما
بلداً ديكها مابي يصيح
صامت تقول بوما
وياريت يضل ساكت
اصلو صياحو دلدوما
ديكاً شغلانتو هي التطبيل
محال يديك معلومة
وكل ما شرقت شمس يوما
من أعداءها متهومة
وهي الجايباهو لي روحها
دائماً مادا قدوما
بلد مجروحة من يوما
وساكنة جراحها جرثومة
بلد جرحوها أسيادها
حرقوها حريق روما
كم نيرون وكم هتلر
بلد والله مسمومة
بلد وآليها ما بغلط
على المرحوم يقع لوما
وكل المسك مقاليدها
لابس فشلو في هدوما
بلد مقسوم على رهطين
بعد ما التوم طرد توما
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
بدر الدين شنا
طبعا ما حاقول ليك يا رائع
لكن حاقول ليك كتابتك جميله وصادقه ومعبره جدا
والقصيده عجبتني جدا
يا ريت تواصل في احساس الوطن ده
وشكرا جدا للاضافه المميزه
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
الله يا توما
الله عليك
..
ماذا أقول:
حيثُ التَفَتُّ، أرى ملامحَ موطني
وأشُمُّ في هذا التراب ترابي
لم أغتربْ أبداً.. فكلُّ سحابةٍ
زرقاءَ.. فيها كبرياءُ سَحَابي
إنَّ النجومَ الساكناتِ هضابَكمْ
ذاتُ النجومِ الساكناتِ هضابي
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
الوطن هو ذلك المكان الذي سكناه لبعض الوقت , وظل يسكننا طوال الوقت . . لا ادري اين قرأت هذه العبارات , ولكنني الان اكثر ايمان بها من اي وقت مضى . ويا له من ايمان حارق هذا الذي يتملكني بان وطناً بكيت فيه ومنه , ثم حملت حقائبي وارتحلت عنه سيظل يسكنني وسأظل احبه ما حييت . .
دوما ,, لو عندك وكت حا احكي ليك قصة مُخجلة جداً , وهي انو انا لمن خلاص جيت مسافر وطلعت من البيت ماشي على المطار , لعنت ليك السودان لعن يكفي نص اقطار العالم , وقلت في نفسي انو دي بلد تافهة الما بتقدر تحتفظ بي اولادها البحبوها اكتر من روحهم , بل وبالعكس بتدفعهم دفع لئيم عشان يغادروها غصباً عنهم . لكن بمجرد ما ختيت كراعي في بلد السجم دي , اقتنعت اني كنت غبي جداً في الوقت داك , واتمنيت لو اقدر ارجع للسودان في نفس اللحظة .
غايتو ,, الله يعين ,, البره يكورك والجوه يكورك
لك التحايا والاحترام
| |
|
|
|
|
|
|
|
|
|
Re: ما هو عارف قدمو المفارق .. (Re: منعم)
|
وااااااااااااااااااااي يا توما مالك عاي يا بتي؟
انا زمان قولتى ليكي انا ما بريد الكلام البجيب الكاروشة دا لووووووووووووووول
كدي خليتي اجيب فراري و اجيكي اتسلطي علي انتي و حبيب نورة دا غايتو الله يجيبو طيب
هسسسسسسسسسسسّع بجي
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
منعم
الكل خارج الوطن هم بشكل او باخر ناقمين علي الحوجه الي حزم الحقائب والرحيل
وفعلا البره يكورك والجوه يكورك والكل مسكون بالحلم
شكرا جدا للحضور والمشاركه الامينه دي
| |
|
|
|
|
|
|
|
|
|
الحلم اقرب الاوهام (Re: توما)
|
الحلم اقرب الاوهام
حزنت كثيرا لدي سماعي العباره
لارتباط الحلم لدي بك
بالغد
بالامل
بالصغار
بالقادم من ال...
الوهم ربما
كم هي مزعجه المسافه
والمحيط
و ارتفاع اسعار التذاكر
والاحتلال
وتوفر البترول و اللصوص في بلادي
كم هو مؤلم
النزوح
و
العلاقه الحميمه بين هؤلاء الاتيه اسماءهم فليقفو عقابا لنا
الجوع و الفقر
الظلم والقهر
السلطه والعهر
الاتيه اسماءهم يفصلون للغياب المتكرر
العدل
الحق
الخير
الجمال
و
انا ما بين الحلم
وبين الوهم
يتدفق شوقي يا وطني
| |
|
|
|
|
|
|
|
|
|
Re: ما هو عارف قدمو المفارق .. (Re: أحمد الشايقي)
|
يا توما أطلعي ما كفاك
كفاك أطلعي من دماي ، الليل لبس عضمي ومشاك
وراك مضبوح الطريق ، وأمامك الأطفال رصاص
والجوع مناص
والمدخل الفاضي الوحيد المدخل الفاضي الجواي
محجوز لأفواج المعزين الكبار ... كتلوك جاين ماتمك ( عثمان بشري)
ونحتاج الى تعريف أخر ( الوطن بمفهوم ، السوقة ، وبائعي الكوسة ، والبازنجان ، والرجرجة والدهماء ) هلا تفضلي بالتعريف لانها سقطت عمداً في السهو.
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
توما
الوطن بعلاقتك دي ( الحقيقية مع الأشياء )
وتذوقك ليهابلسانك أنتي ... ما بي لسانم هم ولابساهو كرفتة
وشوفك ليها بعيونك انتي ... مش عدسات مفروضة عليك
الوطن بصدقك ده ... وصدقك يعرق
لك كل صدقك ده ... وكفاية
وتحية لي بتاع الورنيش صاحبك
| |
|
|
|
|
|
|
|
|
|
Re: ما هو عارف قدمو المفارق .. (Re: توما)
|
يا دهر اهوالك ت....
يوما ما كتب ود عمي الفرح
واعني هذا العبد الماجد فرح يوسف
ثوب إمراة شاخت ينفث عصير الحكمة
تسقط فكرة الحياة عند النهاية
تجتر الذكري
غير آبهة بعمومية الطريق
تجاعيد المكان الموبوء
يرتادها زبائن النفاق
يحتسون دماء الفجر المعتقة
فيسكرون وينزعون خرقهم النتنة
ثم يشروعون
في إغتصاب الفتاة
مؤامرة تحاك في نفق مظلم
ضد فتاة في عامها العشرين
تخبئ صدرهاالكروي الممزق برعشة يديها
تهرول هربا من المكان
يتناثر شعرها
يتساقط
فوق ظهرها العاري
يرسم الدم المتساقط من بين ساقيها الأثر
في عمق الليل
تصل الي قرية العدل
يأمر ملكها بأخذها الي القصر
تعكف جواريه علي تضميد جراحها
غسلوهابماء الورد
عطروها بعطر الأميرة
بدت مطمئنة في الصباح
أشرق جمالها من جديد
أشعل الملك سجاره
إمتصها بشغف
حتي إنتصبت غريزته
أمر جاريته الخاصة
لكي تأتي بها
أحضرتهاتكتسي حريرا شفاف
ثم أغلقت الباب
خلع الملك ثيابه
ثم إغتصبها
| |
|
|
|
|
|
|
|
|
|
ما هو عارف (Re: توما)
|
بلدي يا حبوب
تحياتي
طبعا احساسك اكعب علي احسن كده
لكن ما اخير من حقنا
والسلام لي بلدي السلام
شكرا ليك
| |
|
|
|
|
|
|
| |
توما
Tumadir
saif massad ali
لؤى
إيمان أحمد
بدرالدين شنا
عبدالماجد فرح يوسف
Dr. Moiz Bakhiet
حبيب نورة
أحمد الشايقي
Sidig Rahama Elnour
Habib_bldo
بلدى يا حبوب
فيس بوك
تويتر
انستقرام
يوتيوب
بنتيريست