|
Re: فرقةالمريخ الماسيةتواصل عروضهاوتدك حصون ثلاثةبهدف والرجل الفضائىالعجب ي (Re: sheba)
|
شيبه....؛لكن مابالغت عدييييييل كده؛بالله الواحد يسمع كلامك عن العجب دا التقول بتتكلم عن زين الدين زيداني والبسمع مبالغاتك عن فريق المريخ يقول ريال مدريد زاتو بكون مرعوب منو. بطّلو المبالغه وكلام الجرايد دا ؛ مستوي الكورة السودانيه من أسوأ المستويات عربيا وأفريقيا وعالميا؛ ياخي أرتريا بقت متقدمه علينا كرويا. مع حبي وماتقول هلالابي حاقد.
| |
|
|
|
|
|
|
Re: فرقةالمريخ الماسيةتواصل عروضهاوتدك حصون ثلاثةبهدف والرجل الفضائىالعجب ي (Re: sheba)
|
المريخ الماسي قال يا أهل الإعلام الرياضي أين تعيشون, ما هذا الهراء السخيف والكواريك المضحكة المزلة هذا المريخ الماسي لن يستطيع ان يقدم اي نتيجة مشرفة او غير مشرفة اذا التقي باشبال بعض الفرق الافريقية او العربية المريخ والكرة السودانية حديد مصدي ومصقر وغير صالح للاستعمال وحتي ممنوع ترميهو في الكوشة لانو ممكن يعمل تتنس اصحوا يا ناس السودان مافيهو كورة ولا رياضة وحتي النطاطة الكوبية الاشتريتوها ولا شنو ماعارف ما جابت ميدالية في اثينا بالرغم من انها كما قال معلق يروسبورت مشت السودان ليوم واحد عشان تجيب الجنسية السودانية واسمها ياميل اداما وناس الاعلام الرياضي ال##########ين شابكننا جميلة , جميلة بتاعة الساعة كم ياخوانا بقيت تشتروا الرياضيين عشان يحققو ليكم مكاسب وهمية زائفة ومزيفة دا تزوير والله يكرس ويبرهن مدي فشل العبقرية السودانية و انو حوانا عقرت ومافي طريقة الا التبني. اها اقول ليكم خبر زي ده مضحك ومؤسف ومفروض يكون كدة بس: المريخ يهزم الخرطوم تلاتةبهدف ولو في اي كلام تاني يتقال يكون عن سبل تطوير الكورة في السودان من خلال تحليل قيم للمباراة وتقيم اللياقة وحالة الاستاد وخطط التدريب عشان الرياضة او الكورة المافي غيرا دي تتطور. لكن ماسي وتدك ويدك وطوربيد والرجل الفضائي دي كلمات تدل علي انو البكتبا ده عايش في دنيا ما دنيتنا وماعارف العالم وصل وين ونحن لسه قاعدين نبالغ ونكورك ونكضب علي انفسنا ونصنع منها مسخرة زي ماقال اخوي ودحماد شتان مابين زيدان وهذا العجب. ياخي ارتريا جارتنا الحديثة العمر (ما اكبر من اي حكومة عسكرية في السودان) غلبت منتخبنا قبل كده وفي اثينا قدرت تتحصل علي ميدالية اولمبية برونزية ونحن نقعد نحلم ونكورك ابطال وافذاذ ورجال من الفضاء وصواريخ ونجوم وقنابل وقد الشبكة وهي اصلا مقدوده وبعج وهضربة فارغه. اصحو يا ناس الاعلام الرياضي ولا اقول ليكم حاجه انسو المهمة دي والورق بتاع جرايد الكوره المهزلة اعملو بيهو كتب وكراسات نقري بيهو اولادنا ولا ان شاء الله نعوس بيهو الكسرة بلا ماسي بلا عاد ل امام
| |
|
|
|
|
|
|
Re: فرقةالمريخ الماسيةتواصل عروضهاوتدك حصون ثلاثةبهدف والرجل الفضائىالعجب ي (Re: sheba)
|
شكرا جميلا الحبيب
ولا زال هنالك الكثير غير الملعب المكسو بالخضرة والذى يروى من خزان مياه يتسع ل500 برميل وبنظام رى حديث هو نظام " المدفع " حيث توجد 6 مدافع فى خارج الملعب تقوم بالرش لكل انحاء الملعب حيث يكفى مدفع واحد لرى نصف الملعب تماما ناهيك عن 6 مدافع وتستغرق عملية الرى دقائق معدودة
ولاول مرة ظهرت عربة الاسعاف الكهربية فى السودان على ملعب المريخ
ويستلم المريخ منتصف شهر سبتمبر القادم مظلة جديدة للمقصورة الجديدة هى الاولى من نوعها فى افريقيا وهذه المظلة بتكلفة مليار جنيه "200 الف دولار وهى اشبه بمظلة ملعب بايرن ميونخ
كما سيتم تركيب الاعلانات المتحركة حول الملعب ولوحة النتائج الالكترونية الاسبوع القادم
ليصبح استاد المريخ يضاهى افخم الاستادات من حوله
| |
|
|
|
|
|
|
Re: فرقةالمريخ الماسيةتواصل عروضهاوتدك حصون ثلاثةبهدف والرجل الفضائىالعجب ي (Re: sheba)
|
قصة هدف ثلاثة من مدافعى الخرطوم ثلاثة يفرضون حصارا قويا على العجب وعندما افلت العجب وسدد خارج الخشبات فى المرة الاولى زادت المراقبة عليه لكن الرجل الفضائى العجب يقفز لتلقى الكرة قبل ان يراوغ ثلاثة من لاعبين دفعة واحدة هم عمر تنقا وحمودة وعبد الرحمن وبعد احرازه للهدف يطمئن على احد الذين سقطوا بعد ان رواغه بطريقة الهيلاهوب الرشيد فيصل حارس ثلاثة ينظر بحسرة والم على كرة العجب وهى تحتضن الشباك الخضراء الجديدة والملعب المخضر والعجب يحتفل مع زملائه بالهدف قرب الراية الركنية
| |
|
|
|
|
|
|
Re: فرقةالمريخ الماسيةتواصل عروضهاوتدك حصون ثلاثةبهدف والرجل الفضائىالعجب ي (Re: omer ibrahim)
|
Quote: سقوط مشين لرسالة الرياضة حسن محجوب - الكابتن كلنا نعلم بالحالة التي اصابت الاهلة بعد هزيمتهم المذلة من المريخ «بالمسمار الحار» وحالة الاحباط التي اصابتهم بعد ان طبق هلال الساحل «الحنة» بمسمار اخر غانجي اربعة بوصة ماركة «زرقه» وتخوفهم من ثورة جماهيرهم والبشتنه والفركشة جعلت مهاجمهم المدعو خالد دنقلا يلجأ لاسلوب جبان ووضيع لم تتعود عليه جماهيرنا ولاعبينا الذين يقدسون شعار الفيفا للعب النظيف. ماذا تنتظر من الجماهير وانت تحرز هدفا في مرمي حارسه يئن من الالم وزملاؤه يتحلقون حوله ناسين في تلك اللحظات المباراة والجمهور وحتي الحكم. ذكرتني هذه الحادثة بحادثة لاعب آخر قادم ايضا من «افريقيا» كانو النيجيري والذي ايضا حالة الايقاف الطويل له جعلته كما قال «جعان للاهداف» وكانت المباراة بين الارسنال وفريق انجليزي آخر خانتني الذاكرة لمعرفة اسم الفريق ، كان ان اصيب لاعب واخرجت الكرة بطريقة اللعب النظيف وجري العرف بان ترمي الكرة للاعب لكي يخرجها او يعيدها ا للخصم ولكن كانو القريب من المرمي اتجه للمرمي وسط دهشة جمهور الارسنال قبل الفريق الاخر واحرز هدفا بنفس طريقة دنقلا0 فماكان من مدرب الارسنال ارسين فينقر الا ان طالب باعادة المباراة واعيدت المباراة ياياسر عائس ياحقاني. وحادثة اخري اللاعب الايطالي «دكانيو» وهي حالة مشابهة لحالة خالد دنقلا رغما من المباراة كانت تعادلية 1/1 والدقيقة 90 شاهد الحارس ساقطا علي الارض وهو في حالة انفراد كامل بالمرمي فوقف وامسك الكرة بيده وجري لمساعدة الحارس فكان ان كرمته الفيفا بجائزة اللعب النظيف وهي حادثة مسجلة . والكرة قبل ان تكون انتصارا وهزيمة فهي رسالة للتآخي والمحبة والتنافس الشريف. ان سايد
دفار امبده اقصد طيارة الزاكي التيجاني مقاس خمسين راكب تموها بالمداعي والغريبة ان حسن عبدالرحيم والرشيد علي عمر وجلطة كانوا لابسين احتياطي في حالة هزيمة الهلال في الشوط الاول. هلالكم دا بقي بتاع تكريم اوائل الشهادة وكدة وفارقتو الكورة فراق الطريفي لجملوا اذا كانت دي طريقتكم في الانتصارات. شوف عيني واحد داخ تحت الكشافة الشمالية الشرقية عندما جمع العجب وطرح لاعبي الخرطوم ثلاثة وارسلها قذيفة بسن الحذاء انه العجب ولا عجب. الرجوع الى الحق فضيلة يا مازدا وضم العجب للمنتخب الوطني فرض عين. اذا كان الزاكي التجاني سوف يؤجر طيارة ويصطحب معه شيخ شعيبو في كل مباراة يلعب فيها الهلال للولايات فاكيد سوف يلحق الزاكي امات طه قبل الهلال. يا احمد يا ابن يعقوب ابسط ابجديات التحكيم ايقاف المباراة لعلاج الحارس وداخل الميدان وهذا حق!! ولا يهمك يا وداللواء 00 الهزيمة فيها ريحة معقولة بس00 طيارة بالايجار وصحفيين ونجار واقطاب وملازمين اوائل وفريق بحالة وانتصاره بالتيله ده هلال شنو!! ده هلال ملجن محن الاصالة قبل الصدارة. عوض خيري «ياكج» وماذا قال الياقوت الطيب البشير للاعبين قبل المباراة؟ والله نصيحة لوجه الله حقوا تحولوا النادي الي كافتيريا الهلال وتبيعوا فيه تمر هندي وكركدي ويكون صاحب الكافتيريا الزاكي التجاني صاحب الست الف سندوتش والكاشير جلطة دايرين كنتاكي يا الزاكي. الفيفا تطالب دائما باللعب النظيف حيوا معي الصحفي الهلالي الكبير عبدالمولي الصديق وهو يكتب بصدق في مجلة الصقر القطرية عن منشات المريخ بالصورة والقلم! وانت يا حاتم عبدالغفار مابتكرم متوكل احمد علي ليه عشان مادفع الخمسة مليون ولا شنو!!! خالد دنقلا قال ايه00 ماشاف الحكم 000 نجيب ليك تليسكوب ؟؟؟؟ |
| |
|
|
|
|
|
|
|