|
|
 أفرض يا الطيب مصطفى ويا ناس المنبر.. انو الجنوب انفصل ....ياحبيبي فرضنا
|
النشوف اخرتا
ياحبيبي فرضنا
سعد الدين ابراهيم
- أفرض يا الطيب مصطفى ويا ناس المنبر.. انو الجنوب انفصل وبقى اسمو السودان الجديد أو أي اسم من وحي ثقافة الجنوب أو الطقوس الافريقية.
- تصور يا الطيب مصطفى انو الجنوب بقى دولة شقيقة.. ومن دول الجوار الصديق.. وعندو تمثيل دبلوماسي.. وبقى الاخوة الجنوبيون الجالية الجنوبية بالخرطوم.. وعشان تسافر الجنوب تعمل تأشيرة في سفارة الجنوب.. وفي كرة القدم ح يتبارى فريقنا القومي مع فريق الجنوب الشقيق القومي (وبالشايفو ده ح يغلبونا «نص دستة».. إلا اننا لن نصمد أمام فريق كرة السلة الجنوبي العالمي).
- وافرض «قرنق» بقى الرئيس.. ولو جاء الخرطوم ح نسميه الرئيس الزائر وتعزف الموسيقى السلامين الجمهوريين.. ده طبعاً افتراضنا إنو الجنوب ح يكون جمهورية ولو إنو في احتمال بسيط يكون سلطنة الجنوب.. ويكون سعادتو السلطان قرنق.. وح يكون للجنوب صوت بمفرده في الأمم المتحدة وفي الاتحاد الافريقي وهلم جرا..
- أفرض ده كلو حصل يا الطيب «وياجماعة المنبر».. لكن ركِّز معاي شويه في الإضاءة دي:-
(مرة شاب جنوبي عبر ندوة في بيت الثقافة «ساد ثم باد» بحضور وزير الثقافة وعدد من المهتمين تحدث الشاب الجنوبي فقال:
ليه في جوازي مكتوب صالح لكل الدول ما عدا اسرائيل أنا ما عربي وما عندي مشكلة مع اسرائيل.. فليه يمنعوني منها).
- أفرض دولة الجنوب الفتية عملت تمثيلاً دبلوماسياً مع دولة الكيان الصهيوني اسرائيل، وفتحت سفارة اسرائيلية هناك في العاصمة «جوبا» عاصمة الجنوب الشقيق، ورفرف علم اسرائيل هناك، ولو احتجيت حيجيبوا ليك سيرة (مصر وقطر).
- أفرض أنت بصفتك وزيراً كنت في زيارة تفقدية للجنوب.. وصادف حضور وزير اسرائيلي مع وفدكم وأنت تنتظر وتعزف الثلاث سلامات جمهورية فيها السلام الإسرائيلي.. وأنت واقف منتظر.. افرض ده كلو حصل ح تعمل كيف يا باشمهندس؟!
ملحوظة: «العنوان من أغنية لعبد الوهاب هلاوي ومحمد ميرغني».
الصحافة 25/7/04
|
|
 
|
|
|
|
tariq
فيس بوك
تويتر
انستقرام
يوتيوب
بنتيريست