|
|
 إحم .... إحم .....
|
اتذكر مرة مشيت عرس واحد صاحب صاحبنا؛ في نادي ابوللو في الخرطوم ؛
الكلام دا كان سنة 1982او نحو ذلك.
الفنان كان شرحبيل؛ حيث كان يشنف الاذان بأغنياته الجميلة و كانت جنبات النادي
تهتز من ضربات الدرمز و نفخات الساكسفون و الترومبيت و اوتار الجيتارات.
كان العريس يرتدي بدلة بيضاء كاملة ؛ و كان يظن نفسه – و لا يزال - ان ليس
في العاصمة المثلثة من يضاهيه علما و وسامة و موهبة؛ اذ كان موهوماً في كتابة
الشعر و اشياء اخرى؛ و كان ذلك زواجة الاول من مجموع ثلاثة زيجات – حتى الان –
و طلاقان .... ما علينا .... فذلك موضوع اخر قد نعرض لتفاصيله مرة اخرى.
المهم .... و في غمرة استمتاعنا بانغام شرحبيل و ادائه و انبهارنا بعروض ازياء فتيات
خرطوم اوائل الثمانينات و جمالهن ؛ تناهت الى اسماعنا اصوات خلاف حاد من مدخل النادي.
مشينا نستطلع الحاصل؛ فوجدنا اتنين متقبقبين و تحاول مجموعة من آل الاجاويد المفارعة
بينهما؛ و كان الحوار التالي:
الاول – غاضبا - : يازول انت بتقول إحم إحم مالك؟
الثاني – متحديا - : بقول .... انت مالك و مالي!
الاول : يازووول .... انت قاصد شنو؟
التاني : قاصد القاصدو .... انا على كيفي؛ اقول إحم إحم زي ما داير
احد المفارعين : يا اخوانا صلو على النبي؛ انت يا اخينا بالله ما تقول
إحم إحم تاني؛ و انت يا ابو الرجال؛ الزول دا ما بيكون
قاصدك انتا .... يمكن ياخي عندو عشراقة.
و من يومها و انا احرص تماما على عدم الحمحمة ... و افضل – إن كان و لا بد – الكحة؛
لانو الكحة و لا صمة الخشم ......
|
|
 
|
|
|
|
|
|
|
|
Re: إحم .... إحم ..... (Re: Tabaldina)
|
و في رواية اخرى ... فارغا ....
سلامات يا تبلدينا ياخي .... وين الغيبة ..... متلومين معاك و الله
| Quote: ياربي بفهمه وهى طايرة ولا تهيؤات .. |
طايرة شنو ياخي ... و الله صاروخ عدييل كدا
| |
|
|
|
|
|
|
|
|
|
Re: إحم .... إحم ..... (Re: ABUHUSSEIN)
|
بالله يا حسين ملاسي
انت من اتنين وتمانين بتمشي حفلات
غايتو نحن الزمن داك ناس رحمابي كانو بيخشو السينما
وبيجو يحكو لينا الفلم
يعني كده انت بتكون مداقش الخمسينات بشوييييية
| |
|
|
|
|
|
|
|
|
|
Re: إحم .... إحم ..... (Re: garjah)
|
الاخ العزيز قرجة سلامات
| Quote: انت من اتنين وتمانين بتمشي حفلات |
اتنين و تمانين دي كانت تقريبا اخر عهدنا بالحفلات ....
اما الخمسين فهي التي تداقشنا ...
و بعدين ياخي ناس الرحمابي ديل براهم سينما
و بالمناسبة .... الختمية دي بتاعت كسلا و لا بتاعتنا ...
تحياتي و تقديري
| |
|
|
|
|
|
|
|
|
|
Re: إحم .... إحم ..... (Re: ABUHUSSEIN)
|
تحياتي يا ابو حسين
بمناسبة جماعة إحم إحم الاصليين ... يدهشني اصرارهم على الحمحمة حتى
و إن كانت الابواب محكمة الاغلاق .... اتراه مزيدا من التأمين؛ ام هي الخشية
المفرطة من الصدمة و الترويع ....
| |
|
|
|
|
|
|
|
|
|
Re: إحم .... إحم ..... (Re: Hussein Mallasi)
|
العزيز/ملاسي
الحب والتحية
لقد لمست روايتك وترا ما داخلي
لم أجهد نفسي في قراءة ما كتبت بشكل أصل معه إلي القصة التي تحاول سردهاهنا...ولم أحاول حتي إستخراج معاني منها تضيف لإبداعهاإبداعا آخر
لكن حقيقة أحس بأن في داخلك مبدع لا بد من أن تنميه، لكن في مناخ معافي
ماجاذبني الهوي في بوستك هو قشرة البوست دون لبه...شكلة الحفلة...لعمري لو كتب أحدكم بذاكراتكم التفصيلية عن شكلات الحفلات...والتي أصبحت شئ من الماضي الآن..لحقق أكثر المبيعات في سوق الكتاب الآن..أولا لوله الشباب بالقصة والرواية وكل الكتابات الدسمة(سهلة الهضم ذهنيا) وثانيا لإمتلاكها ما يكفي من إثارة....لا أدري أي العقد النفسية كان يشدني لهذه العركات...والتي يكون سببها في معظم الحالات الشراب...الذي كان يفعل الأفاعيل بالشباب حينها...كان يتحالفون علي من يرفض النزول لحلبة الرقص بتسكيره ليتحول لراقص درجة اولي إن حالفه الحظ أو لمسخرة في حالات كثر...والعجيب أننا كنا ننفقع من الضحك بدلا من مساعدته في المخارجة من الحلبة...إنهاقصص كثيرة تمس أوتارا كثيرة...معذرة إن عكرت مزاج البوست فقد عدل مزاجي .
| |
|
|
|
|
|
|
|
|
|
Re: إحم .... إحم ..... (Re: Sinnary)
|
الاخ العزيز سناري
تحياتي
اولا الف شكر ياخي على هذا الاطراء ... و انت تعلم ان الاطراء
هو وقود الموهومين من كاتبي الخواطر القصصة امثالي .....
بعدين تعرف ... لو لم يختف الراقصون السكارى خشية القانون بعد العام 83 لكانوا قد اختفوا
بسبب انتشار كاميرات الفيديو التي اصبحت من مستلزمات الحفلات على اطلاقها ...
اذ لا اعتقد ان من يشاهد نفسة مصورا و هو يأتي بالبهلوانيات – و الارجوزيات – الراقصة
يجروء على اتيانها مرة اخرى ...
اما حديثك عن تحول الراقص لمسخرة فقد ذكري بتعليق طريف لعلى زيوار
لاعب الكرة المصري القديم و المعلق التلفزيوني؛ اذ كان يردد:
ان أي هزيمة تفوق الهدفين لا يجب ان تسمى هزيمة و انما مسخرة .......
وفي رواية اخرى مساخر
و اخيرا لك ودي المقيم يا سناري مع امنياتي بان تسود المناخات المعافاة جميع المناحي
| |
|
|
|
|
|
|
|
|
|
Re: إحم .... إحم ..... (Re: Hussein Mallasi)
|
ملاسى العتوت
سلام مربع
بالله من عنوان بوستك ده انت كمبيوترك ده خاتى وين فى البيت وما تكضب تقول لى في الصالون او فى غرفة النوم او المطبخ..او البرندة..وانت من زمن المفاجئات.من النوع ايها الحكاية بقت بلا باب . الزمن بقى امريكى..واضحى الانسان بلا عورة ..ولا ندرى حتى هذه اللحظة ايهما اقبح عورة الجسد ام عورة النفس الامارة بالسؤ
| |
|
|
|
|
|
|
|
|
|
Re: إحم .... إحم ..... (Re: adil amin)
|
قريبي "الاخضر" عادل
لعلك تعلم ان العتّاان تأتي على "الاخضر" و اليابس و اكياس البلاستيك .....
اما و قد سألتني عن وضع الكمبيوتر ... فانني اضعه على ام رأسي و اتجول به؛
اينما ذهبت فهو معي ... لذا تجده في كل الاماكن التي ذكرت و ما اكثر ما يتواجد في سواها
اما اسوأ العورات فهي عوراتنا التي تبدو لنا دون الناس ..... جسدية كانت ام سوء نفس
و ختاماً عليك ان تحذر العتّان و الكتاكيت و التيوس و حسن اؤلائك رفيقا .....  
"اخوك" العتوت
بالمناسبة هي عتوت و لاّ عتود ؟!
| |
|
|
|
|
|
|
|
|
|
Re: إحم .... إحم ..... (Re: Hussein Mallasi)
|
ملاسى
يا هلا بيك
احمم ده ذكرتنى عرس فى نفس الفترة بمنطقة الرياض وطبعا كان ظهور الحناكيش وحركاتهم فى الحفلات المهم يا زول الحفلة كانت بالمرحوم الفنان خلف الله حمد وطبعااخر بهجة وعلى مقربة منا كان فى مجموعةحناكيش اولاد وبنات ولمن خلف الله حمد غنى البيت البقول (الليلة الاسد جاى من بلاده يكر)مااسمع ليك الا واحد من الحناكيش يقول لحنكوشة (احسن بعد ده نمشى انته ما سمعته الفنان قال الاسد جاى )
تحياتى
| |
|
|
|
|
|
|
|
|
|
Re: إحم .... إحم ..... (Re: بلدى يا حبوب)
|
عزيزي بلدي يا حبوب
سلام بنكهة جرم دار الرياضة
اها شوف يا بلدي يا حبوب .... ديك حناكيش زمان بيخافوا من الاسد و سيرتو ....
دا لو كان اسع كانوا خافوا من خلف الله حمد شخصيا ....
| |
|
|
|
|
|
|
|
|
|
Re: إحم .... إحم ..... (Re: Nagat Mohamed Ali)
|
الأخت نجاة
تحياتي
العريس في العرس بتاع رقيص العروس كان صاحبنا – و قريبنا من بعيد - بينما العريس هنا
صاحب صاحبنا ....
أما عن دوري في القصة؛ فقد كنت حينها منشغلا بمحاولة تنزيل ما كتبه العريس - من شعر - على العروس؛
و رغم استحالة الأمر إلا إنني أقنعت نفسي به .... ثم تبين لي عدم صحة ذلك عندما حدث الطلاق البائن .....
و عليه لم أشارك فيما حدث إلا بما تناهى إلى سمعي ....
| |
|
|
|
|
|
|
| |
Hussein Mallasi
ABUHUSSEIN
garjah
Sinnary
adil amin
بلدى يا حبوب
Ridhaa
ترهاقا
Abd-Elrhman sorkati
Nagat Mohamed Ali
فيس بوك
تويتر
انستقرام
يوتيوب
بنتيريست