المجنون

مرحبا Guest
اخر زيارك لك: 03-28-2024, 03:58 PM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف النصف الثاني للعام 2004م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
12-29-2004, 05:27 AM

alfatih
<aalfatih
تاريخ التسجيل: 02-04-2003
مجموع المشاركات: 1150

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
المجنون

    [size=24]المجنون
    الليلة والليلة ... دار الكادر يا حليلا ... احييييييى انا .... ووووب انا .... آآآييييا حمادة الصندلية انا حبيت اشاكلو عمل الهوبا كورة ... احيييى انا الروب انا ... والزبادى الجنبنا ... الزبادى الجنن حبيبتى بت الكلب وخلاها تلحس كراعا من الجوع ... يا يمة هوووى اقيفى ودينى معاك الكبرى ... الكبرى سايق العربية ... العربية ماشة الجزيرة .. الجزيرة قعدت مع L B C تلبسى ولا تمشى ميطى انا مالى ومالكم دة الجنن بغداد ... يا ناس محبوبى طافش وانا قلت ليهو تعال ... دى حالا دى !! ... عليكم دينكم وايمانكم يخلونى فى السهلة كدة !! ... مااصلو حظى من قمت زى الجنازير الفوقى دى ... جنازير بوتو والسلفادور قام فيها القش ... والحريق اكل الاكوادور ... اماماَ اماماَ جنود الطفاش خليتو الحروب بقيتو النشاز ... احيييى انا من السرقة والمكوة الفى الجلابية العسكرية ... يا ليلى ليلك شوطن معشوقك علّق وكبكبى ... الجنزير التقيل الماسك فوقى .. الليلة تعالوا فكوا قيدى ... اما اذا لم يأتى احدكم وحتماَ ساتوارى عن العصيدة برهة من الزمن ... يا حليل زمن الشعر ... ويا حليل زمن الكنداكة والكراكة ... مقدمة النشرة ... صرح الاستاذ كارب صليبو وزير العضلات والشلاليت بأن سعر البنزين اليومين ديل طقّا فى السما وينزلو الله تانى ...
    يا ناس هوووى ... ما تجيبوا لينا الهوا ... ما دايرين ناكل ياخ !! ... يمة ... يمة .. ادينى عكازى المضبب الامبارح كتلتا بيهو الضيف ... يقول لى البنبر ما بشيل ليهو زول ... دة يشيل زريبة مجانين كاملة ويفضل كمان ... شوف السفاهة دى ... وبعدين تعالى هنا ... جايبين الزول الادانى سوط دة من وين ؟ ... السيطان دى كانن زمان ... وكت قوم ياولد ... فى حرف جر ... تجرك الكلاب ... على حرف نصب ... النصب الاحتيالى والنصب الاحتلالى وفلسطين اسرائيلية ... والديش قلب الواطة مطرة ... بالله شوف الجماعة عملوا ليهم حوش زى سور الصين العظيم ... خلوهم يتلّبوا فوقوا يمشوا المدارس ... والمدارس بقت مدراس ... والله يستر يا ناس مدراس الجاتكم تختاكم ... والصومال مافى زول شافا ... مساكين زى بن لابد ... يا ولدى ما تخلى النضامة الكتيرة دى شوية ... خلينى اشرب الجبنة مع خالتك ... يخلخل ضروسك ... وتشربى الشرنبيتة ... تربطونى ودايرنى اقعد ساكت كمان !! ... فى ذمتك انا مجنون !! ... ولا انتى ... فى زول نصيح بشرب جبنة فى الليل ... انتى كنتى بتسطلى مع ابوى ولا شنو ... قال ليك مرة انا شايفو وهو لابد زى بن لابد تحت شدرة النيم ... يا حاج انت منو .. انا الفكى ... يفكك ليك راس الكلب ... وداير منى شنو ؟ .. داير اعالجك .. يعالجك بمفتاح نمرة سبعة .. وانا مالى ؟ .. انت مجنون ... انا مجنون !! ... مجنون انت وجنونك الشايلا زى سبحتك دى ... ولا اقول ليك حاجة شيل اللوح دة وارسم لى خريطة بنغلاديش وعلى شرط تكون الموية جاهزة ... اديك حبر ... لا مافى داعى عندك دواية بتاعة السكن هاند والهاند باك والهان بول والهايدروليك والهاندبارك ... وجيب ابريقك دة اديك فيهو مريسة .. .. عشان جنك يسكر مع جنى .. ونكون شواطين باللفة ... يا ولية ولدك دة جنو ما جن بتاع سيجارة .. لا دى الملاريا طلعت ليهو فى راسو ... فأحسن تودوهو الاسبتالية ... يا تمرجى جيب لى الدريب دة ... وتعال امسكوا معاى عشان ما يرفس .. دة كان رفسك يطيّر ريشك كلو ... الحمد لله النام ... من قبيل عذبنا عذاب ... الصومال البوسنة ... البرازيل ... بوركينا فاسو ... مدغشقر ... ناميبيا .... دارفور ... السعودية ...
    ياخ الزول دة مالو مجننا كدة !! ... يا خوى ما تسكت تخلينا ننوم معاك ياخ ... اصلو ركبوّا ليك دريب ولا دش ؟[/size]
                  

12-29-2004, 01:16 PM

garjah
<agarjah
تاريخ التسجيل: 05-04-2002
مجموع المشاركات: 4702

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: المجنون (Re: alfatih)

    الفاتح


    مجنونك عينة

    كتابتك تلقائية وغير متكلفة رغم انها مترفة بعبارات ذكية

    لا تتوقف
                  

12-30-2004, 11:53 AM

alfatih
<aalfatih
تاريخ التسجيل: 02-04-2003
مجموع المشاركات: 1150

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: المجنون (Re: alfatih)

    العزيز قرجة
    قالوا المجانين فى نعيم
    تصدق الزول دة ما عرفتو سياسى ولا بتاع جغرافيا
    وكمان شنو هضربة بطالة ....

    تسلم عزيزى
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de