|
|
|
 Re: عليكم الله تعالوا شوفوا الحرامي ده وقوة عينو!!!!!!!!!! (Re: Adil Ali)
|
سلام يا عادل علي وأسعد الله ايامك يا حبيب..
كدي شوف الرابط الأنا منزلو في مداخلتي التانية في البوست ده!!!
وكدي قوقل اسم القصيدة..
ياخ دي أنا كتبتها بمجرد سماعي النبأ الفاجعة
وقريتها في نفس اللحظة على الهواء مباشرة في قناة النيل الأزرق
ونزلتها هنا في سودانيزاونلاين وحسة قاعدة في الصفحة الأولى
وبكري ثبتها فووووووق يومين
ونشرتها بالصحف وبعكس الريح والنيلين وسودانايل وأوردتها عشرات المواقع
يجي كده بقوة عين يقول من شعرو..
بصراحة كتير من اشعاري ناس نسبتها ليها وناس ما أشارت لي كاتبها
بس حقت وردي دي حرقتني والله..
| |
 
|
|
|
|
|
|
|
|
Re: عليكم الله تعالوا شوفوا الحرامي ده وقوة عينو!!!!!!!!!! (Re: عاطف عبدالله)
|
يا دكتور الجاتك في شعرك سامحتك ،،، وبعدين يا دكتور النحاس ما بيوازن لي دهب شيبون ,,,
كثير من الناس يا دكتور تحب الظهور والنهوض على أكتاف الآخرين ولكن هناك من هم يعرفون حقائق الأشياء ويقفون على كل شارده ووارده فلا تقلق فالجميع يعرف أن شعرك من نبرته ومن حسه الجميل فأنت أين ما كنت تنثر الإبداع والألق فلك مني تحية خاصة وزيدنا من دلك شوية ,,
تحياتي : ياسر العيلفون
| |
|
|
|
|
|
|
|
|
|
Re: عليكم الله تعالوا شوفوا الحرامي ده وقوة عينو!!!!!!!!!! (Re: mohmed khalail)
|
ممكن يا دكتور الموضوع يكون مجرد توارد خواطر خاصة إن مدينة تندلتي كانت ملهمة للشعراء وألهمت الشاعر الكبير إبراهيم العبادي فكتب واحدة من أجمل عيون شعر الحقيبة وهو في تندلتي ومازالت تطربنا (عازة الفراق بي طال) فما بعيد منتدي تندلتي ألهم أخونا والله برضوا عندك شك في حكاية توارد الخواطر دي (-:
| Quote: مع انه شكلو ماظاهر عليهو حرامى |
بالله إنت يا محمد زكريا لسه من زمن الحرامي المبهدل ومبشتن داك!
| |
|
|
|
|
|
|
|
|
|
Re: عليكم الله تعالوا شوفوا الحرامي ده وقوة عينو!!!!!!!!!! (Re: أسامة البلال)
|
تعرف يا دكتور مرات في ناس بسرقوا وما بكونوا عارفين القصة دي سرقة!!
مرة في واحد صديقي أخذ مقامة بتاعت كاتب مشهور وأجرى عليها تعديلات
وغير فيها أشياء بسيطة وأسماء وأراد أن ينشرها في بعض المنتديات باسمه هو!!
فقلت له أن هذا الفعل لا يصح وأنه يسمى سرقة أدبية
ويجب عليك إما أن تنزل المقامة كما هي باسم صاحبها
أو تعدل عليها ما شئت ولكن تشير للمصدر الأصلي الذي اقتبست منه
هل تصدق أن هذا الصديق قال لي: أول مرة أسمع هذا الكلام!!
وكان صادقا وأنا أعرفه بدليل أنه أعرض عن الموضوع جملة وتفصيلا
لكن والله زولك الشال القصيدة دي بالغ عديل!
| |
|
|
|
|
|
|
|
|
|
Re: عليكم الله تعالوا شوفوا الحرامي ده وقوة عينو!!!!!!!!!! (Re: محمد جلال عبدالله)
|
| Quote: ممكن يا دكتور الموضوع يكون مجرد توارد خواطر خاصة إن مدينة تندلتي كانت ملهمة للشعراء وألهمت الشاعر الكبير إبراهيم العبادي فكتب واحدة من أجمل عيون شعر الحقيبة وهو في تندلتي ومازالت تطربنا (عازة الفراق بي طال) فما بعيد منتدي تندلتي ألهم أخونا والله برضوا عندك شك في حكاية توارد الخواطر دي (-: |
عليك الله يا اسامة في ضمتك انت جادي ولا بتهظر زيي كدى؟؟؟
يعني ممكن الراجل عاوز يكتب انو شعر بالقصيدة مش شعرها يعني نقول غلطة مطبعية
تحياتنا يا بروف ويحمد للأمام انو لم يلخبط ويحرف
| |
|
|
|
|
|
|
|
|
|
Re: عليكم الله تعالوا شوفوا الحرامي ده وقوة عينو!!!!!!!!!! (Re: Dr. Moiz Bakhiet)
|
في مرة من المرات يا دكتور معز جاء الي بيتنا الفنان الشاب صديقي عبد المنعم النذير حاملا عوده وقال لي بأنه لحن قصيدة جديدة اعجبته كتبها الشاعر(...) وبدأ ينشدها بلحن جميل..
سكة ..سكة ووادي وادي
في مدارات الحواضر والبوادي
في متاهات الظروف والطلاسم والحروف
ما لقيتك..
ما لقيت صدرا حنين ليهو أعياني الطواف
وانت كان اجمل مطاف واحلى شادي..
والاغنية طويلة..
وقد ذهلت ذهولا كبيرا لان هذه الكلمات هي كلماتي..لوهلة ظننت ان منعم يمزح لكنه اكد لي ان هذه الكلمات اعطاهاله (...)على اساس انها من اشعاره..المهم طوينا الموضوع بعد مواجهة مع هذا الشخص واعتذر متحججا بان الكلمات اعجبته ومن ثم قام بإضافة بعض المقاطع من عنده وانه كان سيذكر ان القصيدة لي مع بعض التعديلات..المهم منعم حتى يتفادى الحرج لم يغني هذه القصيدة ابدا بعد ذلك.
واتفرج يا سلام
لكن ما تخلي حرامي الحروف ده ابدا..
كل الود
| |
|
|
|
|
|
|
|
|
|
Re: عليكم الله تعالوا شوفوا الحرامي ده وقوة عينو!!!!!!!!!! (Re: Dr. Moiz Bakhiet)
|
| Quote: وقريتها في نفس اللحظة على الهواء مباشرة في قناة النيل الأزرق |
يا دوك
الجاتك فى أشعارك سامحتك
بالفعل نحن سمعنا القصيدة فى قناة النيل الازرق, وحينها قلت لبعلولتي شوف د. معز قطع الشعر دهـ أسي دي ... البعلولة جرت فوقي نظرة طويييلة ... وانا كنت حزنان على وفاة وردي وما رديت عليها ولا بنظرة ... بس كويس جداً ... ياخي فعلاً مصائب قوم عند قوم فوائد ... أسي لولا الحرامي دهـ منو الكان بيحلنا ؟
| |
|
|
|
|
|
|
| |
Dr. Moiz Bakhiet
Adil Ali
محمد زكريا
محمد النيل
الخير محمد عوض
عبدالفتاح أبوشيمة
عاطف عبدالله
ياسر السر
نور الدين عثمان
Mohamed Yassin Khalifa
أبوبكر عبد القادر العاقب
وضاحة
نيازي مصطفى
Kamal Karrar
mohmed khalail
أسامة البلال
محمد جلال عبدالله
MOHAMMED ELSHEIKH
صابر فضل المولي
الفاتح شلبي
نوفل عبد الرحيم حسن
Elkalakla_sanga3at
فيس بوك
تويتر
انستقرام
يوتيوب
بنتيريست