|
|
|
 Re: رسالة من المطربة شروق.. (Re: Dr. Moiz Bakhiet)
|
دكتور معز
انا ما من جمهورك
لكـــــــــــــــــن اقول الحق
الغنيه دي خطيره جدا وشروق في الغنيه دي
المفروض تغير راي ناس كتار انا شخصيا اولهم
معتصم ســــــــــــــــــــــــــيد احمـــــــــد
| |
 
|
|
|
|
|
|
|
|
Re: رسالة من المطربة شروق.. (Re: معتصم ود الجمام)
|
معتصم ود الجمام
Quote: دكتور معز
انا ما من جمهورك
لكـــــــــــــــــن اقول الحق
الغنيه دي خطيره جدا وشروق في الغنيه دي
المفروض تغير راي ناس كتار انا شخصيا اولهم
معتصم ســــــــــــــــــــــــــيد احمـــــــــد |
يا سلام عليك يا معتصم
ويا سلام على قول الحق..
صدقني
أنا الآن من جمهورك..
| |
|
|
|
|
|
|
|
|
|
Re: رسالة من المطربة شروق.. (Re: Dr. Moiz Bakhiet)
|
العزيز د. معز عمر بخيت
شوقي ما معناهو انو
بي هواك اشقى واعاني
وكل احساس فيني عامر
هاربة من دربو الأماني
وكل نظرة حزينة تصبح
آهة تتوسد زماني
لا عشانك دمعي جف
لا الظروف حنّت عشاني.
القصيدة بليغة وحميمة وخادعة في نفس الوكِت (الوقت)
جاني احساس وانا بقراها قبل ما اسمع اللحن انو الكاتبها انا
اللحن والتوزيع ساهل وصعب
ساهل لانو زي السمعتو قبل كده
وصعب لانو في ختام كل جملة موسيقية بتحتاج لحلول فردية
أغنية زي أقوان العجب
يمكن تعجبك انت يا دكتور ومعاك جمال الوالي
ومعاكم 30% من الشعب السوداني
لكن
صدقني يادكتور
أتعبتني
و بتتعب معاي ال 70% الباقين
وآه أنا من الحلول الفردية في ختام كل جملة موسيقية
شكرا يا دكتور علي الرسالة البليغة
وقول لبت ابوالناس
لقدام
مع الود
| |
|
|
|
|
|
|
|
|
|
Re: رسالة من المطربة شروق.. (Re: محمد حيدر)
|
دكتور معز
شروقكم دى فنانه جاهزه ما دايره ليها يصبروا عليها
ولسه فى بداياتا ونوع الكلام الورد فى بوستات أخرى
Quote: أغنية زي أقوان العجب
يمكن تعجبك انت يا دكتور ومعاك جمال الوالي
ومعاكم 30% من الشعب السوداني
لكن
صدقني يادكتور
أتعبتني
و بتتعب معاي ال 70% الباقين
وآه أنا من الحلول الفردية في ختام كل جملة موسيقية |
لو سمح لى الأخ الكريم محمد حيدر أضيف لتعليقه البليغ والظريف
.. زى أقوان العجب وحلوله الفرديه تعجب 100 % من الشعب السودانى
ولكن 70 % منهم يصرحون بإعجابهم،
و 30% يكتمونه فيفقدون متعه تلقى وتذوق ذلك الفن اليديع
نادر الفضلى
| |
|
|
|
|
|
|
|
|
|
Re: رسالة من المطربة شروق.. (Re: doma)
|
doma
| Quote: والله يا بن استاذتي الراحله |
والله يا دوما
تضاعفت محبتي لك وكأني أعرفك منذ آلاف السنين
سأحضر في بداية العام القادم لمؤتمر في ماليزيا
أتمنى أن التقيك والأسرة الكريمة
Quote: واتمني انها تكون راجعت كلامها القالتو بخصوص هجرها للغناء السوداني ح تظلم محبي اغانيها بالسوداني وصوتها الشجي .
نتمني لشروق العافيه والاشراق دوما |
نعم لقد عادت
وستجدين ذلك في رسالتها على الرابط في أول البوست بالضغط على كلمة هنــا
وحقيقي نتمنى لها الإشراق دوماً
| |
|
|
|
|
|
|
|
|
|
Re: رسالة من المطربة شروق.. (Re: محمد حيدر)
|
محمد حيدر
Quote: شكرا يا دكتور علي الرسالة البليغة
وقول لبت ابوالناس
لقدام
مع الود |
هي رسالة منك لأمة نحبها
بالرغم من أن بعضها يظلم بعضها
دون رحمة
والله لا يحب الظالمين
شكراً لك حيدر على رحيق أحرفك الندية
ولك محبتي بلا حدود
| |
|
|
|
|
|
|
|
|
|
Re: رسالة من المطربة شروق.. (Re: Dr. Moiz Bakhiet)
|
شروق صاحبة صوت جميل جدا جدا ولكن .... نحن السودانيين أو أغلبنا لا نفصل بين المطرب كصوت وصورة ونقطة ضعف شروق في رأيي هو مبالغتها في التزين لدرجة طمس ملامحها السودانية الجميلة فليتها تقلل قليلاً من وضع مساحيق التجميل بالطريقة الخليجية وهي جميلة دونها ولا شك
| |
|
|
|
|
|
|
|
|
|
Re: رسالة من المطربة شروق.. (Re: شادية الطيب)
|
طق طق طق طق طق ..
فنانة ..
ولمن غلط ..
البعدو يا بروف .. !!
انا بقترح عليك تتبني ليك ( خروف ) ..
وتحاول ( علميا ) .. انك تقلب ( المكنة ) بتاعته ..
بدل ( جاز ) لـ ( بنزين ) ..
وبضمن ليك ( هالة ) إعلامية .. تغطي علي جميع ( الهالات الآنفة الذكر ) ..
بس ( الهالة ) دي أكيد ما ( هالة آغا ) ..!!
تخريمة ..
مبروك ( شروق ) انتي زولة ( ذكية ) عرفتي تصلي كيف ..
دا طبعا اذا وصلتي ..
* اعذريني اصبحت في الأونة الاخيرة بعيد عن اخبار ( قاع ) الوسط الفني ..!!
| |
|
|
|
|
|
|
|
|
|
Re: رسالة من المطربة شروق.. (Re: doma)
|
doma
مشتاغون والله ..
انتي من الشخصيات البتندرج عندي تحت باب ( وين الجماعة ديل ) ..
تظهري وتختفي ..
بركة الشوفة ..
سرني جدا تمتع اخونا ( البروف ) بالروح الرياضية ..
ايضا هو يندرج عندي تحت باب شخصيات ( بص شوف عزو بيعمل إيه ) ..
خلاص بس ما حأواصل .. الزول دا ( فرحان ) بالبوست ..
ما داير اطرشق ليهو ( الهالة ) بتاعتو دي ..!!
| |
|
|
|
|
|
|
|
|
|
Re: رسالة من المطربة شروق.. (Re: doma)
|
doma
Quote:
 يا دكتور معز قدرت علي حميده الملسن
بمناسبه ماليزيا يا ريت كا ن يكون لينا عظيم الشرف
نحن سكان الصين العظيم ومرحب بيك في بكين |
ليه يا دوما انا فاكرك في ماليزيا طول الوقت ده؟؟
أجيكم في الصين مخصوص
بالمناسبة انا زرت الصين قبل فترة وقضيت فيها اجمل الأيام والله
| |
|
|
|
|
|
|
|
|
|
Re: رسالة من المطربة شروق.. (Re: Dr. Moiz Bakhiet)
|
Quote: ليه يا دوما انا فاكرك في ماليزيا طول الوقت ده؟؟
أجيكم في الصين مخصوص
بالمناسبة انا زرت الصين قبل فترة وقضيت فيها اجمل الأيام والله |
مرحب بيك والله في اي وقت يا دكتور يا ريت لو كان عرفنا بمجئيك
عارف غالبا الناس بتفتكر اني في ماليزيا لاني صديقه بيان وهي تقيم بماليزيا
| |
|
|
|
|
|
|
|
|
|
Re: رسالة من المطربة شروق.. (Re: Dr. Moiz Bakhiet)
|
ورسالة الى شروق ...
لولا اختلاف الاراء لبارت السلع ...
وما يراه البعض جميلا ... يراه البعض الاخر قبيحاً ...
لا افهم في الفن غير مقدرتي على الاستمتاع باللحن الجميل وتذوق الطرب الذي لا يمكن ان يختلف عليه اثنان ...
لذا ساعبر عن رائي في شروق من وجهة نظر المستمع العادي ..
لديها مساحة صوت لا باس بها .. الامر الذي يجعلها تبدع في اغاني معينة بينما يبدو صوتها نشازا في اخرى ...
يمكنها ان تتفادى النشاز بمعرفة مكامن القوة والضعف في حنجرتها وتطويعها وفقا لنوع اللحن والكلمات ...
ليست اسوا الموجود في ساحة الغناء السوداني ... والوسط الفني يعج باصوات اضعف واقبح منها ...
اذن لماذا هوجمت بهذه الضراوة ؟؟؟
لان الدعاية التي سبقتها هيات المستمع السوداني صاحب الاذن الموسيقية لقنبلة تضاهي ام كلثوم او ماجدة الرومي بنسخة سودانية ... مفاجأة ادائها العادي والضعيف في بعض الاغنيات جعلته يحس بخيبة الامل التي عبر عنها بالانتقاد العنيف ...
العين السودانية التي اعتادت على نمط شكلي معين للفنانة السودانية .. لم تستطع هضم وجبة المساحيق الثقيلة التي غطت بها شروق ملامحها ...حتى اصبح هناك تناقض غريب بين الصوت والاداء والشكل ...
شروق ...
تذوق السودانيين للطرب لا يضاهيه اي تذوق آخر ...
وبرغم تصنيفي من الاجيال الشابة ( نسبيا ) ما زلت اطرب لاغاني ابو داؤود ( حتى لو كانت على ايقاع كبريتة )
اتمايل مع احمد المصطفى ... واعشق اغاني الكاشف ...
لماذا ؟؟؟
لانها فن جميل فرض نفسه برغم فناء من تغنوا به ...
السؤال هو : هل انت مقتنعة بموهبتك ؟؟؟
اذن : اثبتي لكل من انتقدك انك فنانة حقيقية لم تصنعها دعاية مضخمة ومفخمة ...
ثابري ... ولا تستسلمي لاول انتقاد وتعلني اعتزال الفن السوداني ...
اقولها صريحة ... الفن السوداني لا يحتاجك ...
انت من تحتاجين اليه لثبتي هويتك الفنية بعيدا عن التقليد الاعمى لشعوب لا تشبهنا حتى في السلم الموسيقي ...
اجتهدي ... اعتبري انك ما زلت مبتدئة تحاول الوصول الى قلوب الناس ... وتاكدي بانك ستجدين جائزتك في نهاية الطريق ...
تخريمة :
الجايزة حتكون كلمة ( الله ) مجرورة طوييييييييييييلة لمقطع صغير يطلع منك ويقنع اذن المستمع السوداني الذواق ...
تحياتي وامنياتي بالتوفيق ...
واعتذر عن الاطالة ...
| |
|
|
|
|
|
|
|
|
|
Re: رسالة من المطربة شروق.. (Re: sanaa gaffer)
|
| Quote: اثبتي لكل من انتقدك انك فنانة حقيقية لم تصنعها دعاية مضخمة ومفخمة |
يالله عليك يا استاذة سناء ..
دا المطلوب اثباته ( كما يقول اهل الرياضيات ) ..
واضيف عليها ( الدعاية المستفزة ) ..
شروق .. وبعد صدور ( شريط ) لها ..
اصبحت ( في الوش ) ..
انتهي زمن الدعاية والمكساج والاستديوهات ..
حفلة جماهيرية واحدة ( اقترحها في مسرح نادي الضباط ) ..
كفيلة بأن تضع الامور في مسارها الصحيح ..
| |
|
|
|
|
|
|
|
|
|
Re: رسالة من المطربة شروق.. (Re: humida)
|
طيب ما تقدم..
هاهاهاهاهاهاهاهاااااااااااااااااااااااااااااااااااااااااااااي
ختاها ليهو
يا دكتور حا نضيف ليك لقب جديد
الاستاذ الدكتور الشاعر الشفت / معز
حميده وين الحي بيك
| |
|
|
|
|
|
|
|
|
|
Re: رسالة من المطربة شروق.. (Re: وليد محمد المبارك)
|
يا وليد ( الشفت ) ..
مشغوليات يا سيدي ..
أهو .. كل مرة الواحد بجي يشوف الناس دي وصلت وين في ( العباطة )
| Quote: الاستاذ الدكتور الشاعر الشفت / معز |
والله الزول دا كان بقى ( شفت ) انا اكتر واحد برتاح ..
علي الاقل ما بعملا ( ظاهرة ) كدا ..!!
| |
|
|
|
|
|
|
|
|
|
Re: رسالة من المطربة شروق.. (Re: علاء الدين حيموره)
|
دكتور معز الرجل الخلوق صاحب الكلمات الأنيقة والقلب الكبير والروح الطيبة , يكفي ان كلماتك هي الزاد ولا يهم اللحن و لا يهم من هو المغني !!! هذه كلمة حق لا بد ان ابوح بها لانني ومنذ إنضمامي لهذا المنبر العامر بكم لم اقراء لك قصيدة إلا وأعجبتني نظماً ومعني وموسيقة داخل الكلمات وعمق ورسالة لمن اراد ان يتفقه في الأدب والشعر والنثر , بلا اي مبالغة وبدون مجاملة أدمنت قراءة اشعارك
الجميلة ولكن لي عتب خفيف عليك , يعني زي ما إنت شايف نحن بنحاول نكتب شعر ولكن لم المس من كتاباتي اي نقد سواء بالإيجاب او النفي , هذا إذا كنت تقراء لنا لست وحدي كثير من الشعراء في هذا
المنبر يكتبون وأنا شخصياً أستمتع كثيراً بأشعارهم ولكن لم أجد لك مداخلة واحدة ؟؟ إذا كانت مشغولية
فربنا يكون في العون وإلا حاول ان تطلع ولو مرة واحدة في الشهر لإي من شعراء المنبر ولك مني عاطر
التحايا والود . فأنت فارس هذا المنبر بدون اي منازع وانت مثلي الأعلي .
اما بالنسبة للمطربة شروق فليس لدي ما أضيفه بعد سماعي للاغنية الجميلة , صوت دافئ عذب وربنا يكفيها شر الحسد ( جمال خلقة وجمال صوت ) الله اكبر .
| |
|
|
|
|
|
|
|
|
|
Re: رسالة من المطربة شروق.. (Re: هاشم أحمد خلف الله)
|
الغالي هاشم أحمد خلف الله،
أعتذر كثيراً إذ لم أتابع الكثير في هذا المنبر
وهي دقائق معدودة أحاول فيها التواصل مع الرائعين هنا
..
يا ريت يا هاشم تمدني من فترة لأخرى عبر البريد الداخلي بلنكات القصائد
فأنت ترى سرعة الحركة هنا ودائماً ما تختفي الأشياء الجميلة وتندثر
وسط زخم السياسة والصراعات المختلفة
..
شكراً لرأيك الإيجابي والجميل في المطربة شروق
وهي بحق تستحق الدعم والتشجيع من الرائعين مثلك
| |
|
|
|
|
|
|
|
|
|
Re: رسالة من المطربة شروق.. (Re: علاء الدين حيموره)
|
الفالي علاء الدين حيمورة،
ألف شكر يا حبيب على الطلة الأنيقة
وأهديك المقطع الأخير من القصيدة
وتجدها كاملة علهذا الرابط بموقعي:
في انتظار الوردة الأولى
فى الإنتظار البكر
تولد شارة الطلق العنيد
الآن يخرج للدنا طفل فريد
حمّلته فجر الامانة و القصيدة والنشيد
و لأجل أعينه البريئة و الوطن
و لأجل جيل سوف يأتى
من براكين الزمن
و لأجل أوراق الشتاء
لأجل حبّات المطر
سنصافح الأقدار نسخر بالخطر
و نعلم الأجيال معنى حبنا
شوق توجع و استقر
لك يا محمد قبضة الكف النقى
سلامة المثوى و خاتمة السفر
لك يا بُنىّ النيل ينهض
ثم يهمس للشجر
فالآن وجهك قد حضر
قمر من الأفق البعيد
يطلُّ فى وقت السحر
فتدور أغنية النهار و ينزوى
حزن البشر ....
و تهاجر الأقدار ينكسر الجدار
ويسطع الالق الموشح
فى دروب المعركة
و الرعد و الأنداء و الراوى
كؤوس الفجر اشراقاً
سيشهد أنك ..
من يطفىء النار اللهيب
و يوقظ الوطن الذى
يوماً سيدرك قدرك
مذ كنت يوما يا محمد نطفة
حملتك طهرا امك
و سَقَتك نبع نقائها
فيضاً يطوف بعرشك ..
هى يا محمد دُنيتى
هى فرحتى
فلنحتفى زهواً بك
ياموطنى
قد جاء فارس عصرك
من يشعل الرمق الاخير
يدق نعش المملكة
يا أيها الوطن الرحيم
لك التحية وحدك
و لك السلام
نوافذ الأمل المقيم
لك الختام
و هذه الدنيا لك .
| |
|
|
|
|
|
|
|
|
|
Re: رسالة من المطربة شروق.. (Re: وليد محمد المبارك)
|
وليد محمد المبارك
Quote: طيب ما تقدم..
هاهاهاهاهاهاهاهاااااااااااااااااااااااااااااااااااااااااااااي
ختاها ليهو
يا دكتور حا نضيف ليك لقب جديد
الاستاذ الدكتور الشاعر الشفت / معز |
الشفت يا جميل..
لينا الشرف يا وليد..
وتحت الخدمة دايماً يا حبيب.. 
| |
|
|
|
|
|
|
|
|
|
Re: رسالة من المطربة شروق.. (Re: وليد محمد المبارك)
|
وليد محمد المبارك
Quote:
طيب ما تقدم..
هاهاهاهاهاهاهاهاااااااااااااااااااااااااااااااااااااااااااااي
ختاها ليهو
يا دكتور حا نضيف ليك لقب جديد
الاستاذ الدكتور الشاعر الشفت / معز |
الشفت يا جميل..
لينا الشرف حبيبي..
وتحت الخدمة دايماً يا سيدي..
| |
|
|
|
|
|
|
|
|
|
Re: رسالة من المطربة شروق.. (Re: عمر الفاروق)
|
عمر الفاروق
| Quote: طيب يا بروف أيهما أسهل (أضغط هنا) ولا تجيب الرسالة وتختّها (للناس هنا ) ؟ |
حتى لو جبت الرسالة يا حبيب
فلا بد من إحضار اللنك الخاص بها كمرجع
وبالرغم من انو ده ما موضوع البوست
لكن أود ان اسأل:
عندما احضر الشفت من عكس الريح لنك التوقف عن الغناء وفتح بوست بذلك
لماذا لم تعتبروا ذلك دعاية؟
وبما ان الرسالة متعلقة بذلك الإنسحاب والذي أورد هنا
فكان لابد من بث هذه الرسالة هنا كذلك
وابراز المرجع لها
ومنح فرصة لقراءة المداخلات المتعلقة بها
هذا غير أن المواقع الجادة تتكامل لا تتنافس
وكثيراً ما أوردنا روابط لمواضيع بسودانيز أونلاين
..
بعدين ياخ ده بيتي قبل كل حاجة
وأنا وبكري متفاهمين.. 
ده غير انكم حسة خليتوني أتلوم مع الناس وافطهم عشان أرد عليكم..
فألف معذرة للأحباب الذين لم أرد عليهم
وسأعود إليهم قريباً بالتأكيد..
| |
|
|
|
|
|
|
|
|
|
Re: رسالة من المطربة شروق.. (Re: عمر الفاروق)
|
عمر الفاروق
Quote: بالمناسبة يا بروف :
إنت كاتب في شريط شروق ممنوع نشره عبر الإنترنت 
والله حقّو الواحد يشتكيك لي شركة عكس الرح للإنتاج الفنّي وأهو نطلع منك بي مليونين تلاتة كده |
ما دايرة ليها شكوى يا حبيب
تستاهل ملايين الدنيا كلها..
| |
|
|
|
|
|
|
|
|
|
Re: رسالة من المطربة شروق.. (Re: Ahmed Hamza)
|
Ahmed Hamza
Quote: اخي د.معز
اتمني لكما التوفيق فيما ترون انكم قادرون علي تحقيقه باذن الله.
تحياتى |
أخي الغالي أحمد حمزة،
هذا هو يا حبيب
كلمة طيبة كشجرة طيبة
ودعوة كريمة
واحساس نبيل مثلك
ونحن على ثقة تامة بأن شروق ستغير خارطة الغناء النسائي السوداني..
دون شك ..
وما بنتراجع وما بنساوم..
| |
|
|
|
|
|
|
|
|
|
Re: رسالة من المطربة شروق.. (Re: Dr. Moiz Bakhiet)
|
لا افهم في الفن غير مقدرتي على الاستمتاع باللحن الجميل وتذوق الطرب الذي لا يمكن ان يختلف عليه اثنان ...
لذا ساعبر عن رائي في شروق من وجهة نظر المستمع العادي ..
لديها مساحة صوت لا باس بها .. الامر الذي يجعلها تبدع في اغاني معينة بينما يبدو صوتها نشازا في اخرى ...
يمكنها ان تتفادى النشاز بمعرفة مكامن القوة والضعف في حنجرتها وتطويعها وفقا لنوع اللحن والكلمات ...
ليست اسوا الموجود في ساحة الغناء السوداني ... والوسط الفني يعج باصوات اضعف واقبح منها ...
اذن لماذا هوجمت بهذه الضراوة ؟؟؟
لان الدعاية التي سبقتها هيات المستمع السوداني صاحب الاذن الموسيقية لقنبلة تضاهي ام كلثوم او ماجدة الرومي بنسخة سودانية ... مفاجأة ادائها العادي والضعيف في بعض الاغنيات جعلته يحس بخيبة الامل التي عبر عنها بالانتقاد العنيف ...
العين السودانية التي اعتادت على نمط شكلي معين للفنانة السودانية .. لم تستطع هضم وجبة المساحيق الثقيلة التي غطت بها شروق ملامحها ...حتى اصبح هناك تناقض غريب بين الصوت والاداء والشكل ...
شروق ...
تذوق السودانيين للطرب لا يضاهيه اي تذوق آخر ...
وبرغم تصنيفي من الاجيال الشابة ( نسبيا ) ما زلت اطرب لاغاني ابو داؤود ( حتى لو كانت على ايقاع كبريتة )
اتمايل مع احمد المصطفى ... واعشق اغاني الكاشف ...
لماذا ؟؟؟
لانها فن جميل فرض نفسه برغم فناء من تغنوا به ...
السؤال هو : هل انت مقتنعة بموهبتك ؟؟؟
اذن : اثبتي لكل من انتقدك انك فنانة حقيقية لم تصنعها دعاية مضخمة ومفخمة ...
ثابري ... ولا تستسلمي لاول انتقاد وتعلني اعتزال الفن السوداني ...
اقولها صريحة ... الفن السوداني لا يحتاجك ...
انت من تحتاجين اليه لثبتي هويتك الفنية بعيدا عن التقليد الاعمى لشعوب لا تشبهنا حتى في السلم الموسيقي ...
اجتهدي ... اعتبري انك ما زلت مبتدئة تحاول الوصول الى قلوب الناس ... وتاكدي بانك ستجدين جائزتك في نهاية الطريق ...
صراحة ده اعمق تقييم قريتو عن شروق .. شروق انا حضرت ليها اكثر من حفلة فى مناسبات خاصة و بكل امانه ما انبسط لا من صوتها و لا ادائها و لا المزيكة المصاحبة ليها و اذا عملو استفتاء كنت حاصوت لصالح ان تغير شروق مسارها كفنانه و تشوف حاجة تانية تناسب امكانياتها .. مرات بتحير بقول دكتور المعز ما زول ساهل و كذلك استاذنا الموصلى اكيد فى حاجة هم حاسنها و نحن المستمعيين العاديين ديل ما حاسينها ... و ان شاء الله يكون كده .... عافيه لوقو
| |
|
|
|
|
|
|
|
|
|
Re: رسالة من المطربة شروق.. (Re: حافظ عبدالعاطى احمد)
|
الحبيب حافظ عبدالعاطى احمد،
والله زي ما قلت المحرش مابكاتل
بعدين الناس دي لسة ما فاهمة دور الإعلام وفن صناعة النجوم
وأهو بنتحملهم شوية عشان نحقق الأهداف النبيلة المنشودة ونطلع فننا المدفون في مليون ميل مربع
بسبب عدم الوعي بدور الإعلام
لسة البعض بتهزمو الضجة الإعلامية وبتعامل بردود الأفعال
وغرقان في ثقافة اشمعنى دي واشمعنى داك والفهم بتاع عاوزين تفرضو علينا
وده بسبب انهم ما بعرفو فن استخدام الرموت كنترول على المطروح اعلامياً لسة..
لكن بالصبر والمثابرة ح نصل بإذن الله لنشر الثقافة الإعلامية المطلوبة لانتشار الفنون
وترك ثقافة ردود الفعل والحماقة..
| |
|
|
|
|
|
|
| |
Dr. Moiz Bakhiet
معتصم ود الجمام
doma
محمد حيدر
نادر الفضلى
عواطف ادريس اسماعيل
humida
Hussein Mallasi
سجيمان
علاء الدين حيموره
هاشم أحمد خلف الله
محمد مختار جعفر
bashir adam abdalla
عمر الفاروق
فيس بوك
تويتر
انستقرام
يوتيوب
بنتيريست