|
|
 د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA)
|
بسم الله الرحمن الرحيم الجالية السودانية الامريكية بمنطقة واشنطن الكبرى
تقدم اللجنة التنفيذية للجالية السوانية الامريكية ندوه كبرى بعنوان
إسراء (ISRAA)
من الكشف العلمي إلى الأمل الإنساني
ويتبعها حوار ثقافي وقراءات شعرية
يتحدث فيها
أ. د. / معــز عـمــر بـخـيـت
وذلك يوم السبت 13 مارس 2010م
من الساعة الرابعة مساء و حتى التاسعة مساء
الـمـكـان
Mason District Governmental Center
6507Columbia Pike
Annandale VA, 22003
http://www.sacdo.com/web/forum/forum_posts.asp?TID=6825
( الرجاء من الجميع الحرص على الحضور في الوقت المحدد لمنح فرصة المشاركة لأكبر عدد من الراغبين/الراغبات ، سوف تمنح فرص المناقشة بأسبقية الحضور)
الأراء والأفكار التي تطرح في جميع منتديات الجالية سواء كانت من ضيوف المنتدى أو أعضاء الجالية أو أعضاء اللجنة التنفيذية لا تعبر عن موقف الجالية انما تعبر عن أصحابها فقط
|
|
 
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: Tabaldina)
|
Quote: ولا حتى الدكتور المحاضر ..!!
مافى واحد فيهم داير يتواضع وينور الجهلاء
فى الارض ديل ..!! |
Quote: معليش استفسار اسراء احتمال او هى اختصار
لعنوان طبي او عنوان الندوة .. |
Quote: موضوع الندوة بتاعت قريبك ولا مغزى الإسراء جايب لى
صورة خطاب شكر من جامعة الخرطوم ..!! |
إنت يا صالح
قريت فى مدرسة ست فلة؟؟
الله يرحم والدك يا صالح
| Quote: مبروك الوريث/ة تتربي فى عزك |
الله يابارك فيك يا رائع
سميناهو كــــــــريم
العقبال عندك
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: سامى عتبانى)
|
..
.
| Quote: الله يرحم والدك يا صالح |
نسال الله له الرحمه وان يتغمده بواسع رحمته
وجزاك الله خيرا ..
| Quote: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) |
lu
معليش بس اعتبرونى بطلب العلم ولو من الجالية الامريكية
يعنى افهم موضوع اكتشاف الجينات .. او المركب البروتينى
البمثل حلقة وصل بين الجهاز العصبى وجهاز المناعة اطلق علية
مسمى ISRAA..؟؟
انا لسه بسال ليه عنوان الندوة اسراء ؟؟
دا فيها شنو يا جماعة ؟؟
---------
ونسال الله ان يتربي كريم فى عزكـ ووسط اهله
بعيدا عن المهجر ..
| |
|
|
|
|
|
|
|
|
 Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: الجالية السودانية الامريكيةDC)
|
..
.
Quote: مداخلاتك الجميله دى بتساعد فى رفع البوست
لك كل الشكر للمساعده فى رفعه |
غايتو يا ناس الجالية انا زوول عكليت
وسؤالى دا غلبكم عديل لا عرفتو تدونى اختصار ISRAA
بالانجليزى لو افترضنا دا مختصر لمسمى علمى
ولا جبتو لي تفسير ليه سميت الندوة اسراء ..؟؟
وما المغزى من تسمية ندوة علمية باسراء..؟؟
وزى ما قال سامى .. اهى مداخلاتك ترفع البوست
هاااكم
فوووووووووق
نرفع ليكم البوست دعاية ولفت نظر ..
يمكن تجابوا بعد الندوة ..
--------
والله ناس امريكا ديل بريدهم لله كدا
لذيذين ولو غلبتهم حاجة اصلوا ما بقولو غلبتنا
يلفوا حولها كدا لمن سيد الحاجة يقنع ..
اها انا قنعت ..
سلام عليكم؛؛
لو دانيا مرت بهنا خليها تجى تجاوب .. نيابه عنكم
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: سامى عتبانى)
|
..
.
Quote: فيما تلاحظ من خلال تداخلك على بوستات امريكا
انو عندك عقدة اسمها امريكا |
بالغت يا سامى ( عقدة) عديل كدا ..!!
اشنت سمعتى ..حسي دينق يجى يقول شنو ؟؟ 
والله ابدا ما عقدة ولا كدا .. بس دا رغبة منذ الصغر لسياحة فى الحلم الامريكى ..
والواحد داير يشوف البيت الابيض ويقعد يوم فى مكتبة الكونغرس
وومقيله فى حدائق فرجينيا ويقضى يوم فى ديزنى لاند ويلعب قيم طايرة
فى سانت مونيكا بيتش .. واولع لى سيجارة وانا قاعد لى فى بنش امام شلالات نياجارا مع الغروب
واختمها بسندوتش شاورما فى النخيل بامسية ما ..
واجى راجع فى غضون شهر ..
| Quote: ياخى لو بتبادل تعال ابادلك |
ابادل ..!!
ابادل شنو يا سامى والله لو سكنت فى قصر الامير بندر
حدا فيرجييا والله ما ابادل..
يا حبيب والله السودان دا اجمل منو مافى _ وجهة نظر شخصية_
ياخى نحنا بين العمة والخالة وواللمه .. نفوتها مكسرين..
لو موافق على الشهر ما عندى مانع ..
اها خلينى اونسك وارفع البوست دا شوية شايف عدد القراء فى تزايد .. :)
المهم ..
من كمبيوترى ومن ايام الثانوى قدمت للوترى 15 مره وقدمت
لحوالى 31 من اصحابي بيكبوريدى دا .. اها 13 منهم صدقت معاهم
والجبانات حسي متجدعين بين الاطلسي والهادى .. ويقروا فى كلامى
ويضحكوا وويضربوا فى التلفونات ويرسلو فى الايميلات بالله ما تافهين .. !! :)
---------
وبالعودة للموضوع ..
د.معز مشكور رسل لى ايميل شرح لى ما المعنى من مسمى ISRAA
يعنى عكلتى ما راحت ساى .. انا عرفت المغزى والمعنى من المسمى
اها انا هايص وانتو خليكم لايصين كدا ليوم 13 من الشهر عشان تعرفوا .. وتتثقفوا ..
ولو وافق ورد قال لى انشر الايميل .. قبل الندوة
بثقفكم معاى شوية ...
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: Dr. Salah Albashier)
|
..
.
الاخ العزيز / د.صلاح
ياخى ما سرقت من السبق الصحفى يعنى انحناالقيد الصحفى دا
جايبنونا نبيع بيهو ترمس
انا كنت داير اخلى لان سامى ديل لايصين كدا كم يوم ..
بس برضو فيك الخير ما قصرت .. حليتهم من ( زنقة )
وشكرا للاخ د.معز بخيت على الايميل والرسالة التى توضح المعنى
Quote: الاخ العزيز / صالح تبلدينا
ياخ البركة فيكم تاني ودائماً وربنا يرحم الوالد الغالي.
حدثوني عن مداخلتك التي رأيتها الآن في إعلان جالية واشنطون ولم أرد هناك لاسباب طارئه
يا عزيزي اسراء أو ISRAA
هو اختصار للمركب البروتيني والجين الخاص به
Immune System Released Activating Agent
والعنوان هو: اسراء بين الكشف العلمي والأمل الإنساني
وليس اسراء فقط
وعدم التعريف به في العنوان أو في تفاصيل الدعوة القصد منه خلق مزيد من الفضول
لمعرفته خلال المحاضرة لكن على كل حال بالبحث في قوقل تمكن الكثير من التعرف اليه.
تحياتي الحارة لك وتقديري للإهتمام
مع محبتي واحترامي |
--------
وبالمناسبة يا جماعة لو فى ناس عايزين يحضروا الندوة _ علمياُ _
يعنى كلام علمى وومتخصص عليهم التوجه لميامى لحضور الندوة الاولى ام العايزين
الفهم العادى يعنى والعلم بالشئ زينا كدا .. اها ينتظروا ندوة الجالية ..
والله انا شايف العنوان زاتو داير شرح ..
ولا ما كدا يا تباركـ ..
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: Tabaldina)
|
Quote: والله انا شايف العنوان زاتو داير شرح ..
ولا ما كدا يا تباركـ .. |
والله الشايفو تبارك ...
إنو أىّ شافع فى المتوسط فى البلد دى، بيركّب تيليسكوب فى البيت، ويجيب جداول الفلك، ويقعد يحرس عشان يكتشف ليهو نجمة ولاّ كوكب، ويجرى يسجلو مع ناس الإرصاد الفلكى بى اسم حبيبتو .....!
انت متخيّل فى كم نجمة مسجلة فى انظمة ناسا بى اسم فنطوطة من فناطيط المتوسط؟
وكم من ملايين انواع البكتيريا الما مصنفة؟
والجينوم؟
والصخور الجيولوجية؟
وهلم جرا ...
تبارك قبل الواطا تليّل والكاس يدوّر والونسة والضحك تحلوّ؛ مستحيل يفتّش لى تبرير الإسم ...
معتز عمر بخيت العوض يسمّى البروتين "إسراء" .. يسمّيه "سارة" ... يسمّيه "هيثم الخلا" .... ما فارقة معاى ....
لاكين الطب بيتعامل مع هذا البروتين منذ زمان "ابن النفيس" باعتبار ان هنالك رابط وصل بين المخ والمناعة .... ومعتز - مشكوراً - قتل عدد كبير من الفئران ليقبض على هذا البروتين وينصب له "سماية" ... وبعدين؟
ما الجديد؟
________________________
وأنا أطرح هذه التساؤلات باعتبار أن "معتز عمر بخيت العوض" ينتمى لعالم الأحياء ...
أما انتماؤه لعالم الأدب والشعر ... فهذه فكرة لا أقبلها ولا أحتملها ولا أناقشها ... أيّاً كانت الآراء الأخرى ...
... فما كل ما يلمع ذهباً ....
,,, المهم ....
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: إحسان عبدالمتعال أحمد)
|
اهلا بالمعز واهلا بكل المتداخلين
يحلو الحديث عن العلماء ويزيد اطراءا وجمالا حينما يأتى من واشنطن الكبرى والتى تحتضن فى معيتها الجاليه السودانيه الامريكيه ويزداد فخرنا ان يستضيف المنتدى الثقافى ويسعد اعضاء اللجنه اللتنفيذيه ان تتشرف باستضافه البروف المعز عمر بخيت ليستهل برنامجنا المعد لتكريم العلماء ورائدات المهجر وقد ابتدر العالم الفذ برنامج تكريم العلماء بندوته العلميه اسراء وتجدنا اكثر شوقا لننهل من معين الاختراع والبحث العلمى بجانب عزف الكلمات وقوافيها الرنانه هناك الكثير من المفاجات فى يوم 13 مارس فدعونا نقدم لكم الدعوه مع اجمل بطاقات الود والتحايا
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: elsharief)
|
| Quote: الاف التحايا ويا بخت ناس (كوستا ) باستهلاليه دكتور معز |
مرحب بدكتور معز في عاصمة العالم
الأخت إحسان....ياخ أنا مش قلت ليك ما تجيبي سيرة الحوش بتاعكم دا هنا
يعني بروتين دكتور معز دا يجيبوه ليكم في حوش الفحم بتاعكم دا كيف و أنتم تنعمون بتلوثات البيئة و كل العناصر الفتاكة و المضادة للبروتينات النافعة.
يعني د. معز لو كان عمل تجاربو دي في هارلم كان جانا في واشنطون شاعرا فقط .
سلامي للعائلة
| |
|
|
|
|
|
|
|
|
 Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: yasir Abdelgadir)
|
الأخ العزيز صالح تبلدينا
لك التحية والود وعاطر الياسمين
يا سيدي أولاً: مبــروك القيد الصحفي ومهنة المتاعب، وإن شاء الله سيكون عملك القادم كله سبقاً صحفياً ، لكني وجدتك (تحكها حتى جابت الدم) ، فقلت في نفسي : (شكلنا في أمريكا بقى كعب) لذا قررت (ألا أسد دي بي طينة ودي بي عجينة) ، وإن شاء الله حين نحضر إلى (الخرتوم) ستكون أول من يعلم هذا السبق الصحفي الخطير.
مع خالص تحياتي
د. صلاح البشير
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: سامى عتبانى)
|
د/ معز بخيت و د/ صلاح بشير ادارة الندوة
د/ معز بخيت والشرح الممتع
د/ صلاح بشير ادارة الندوة
الاستاذ/ الخاتم المهدى والاستاذ / صلاح شعيب
جانب من الحضور
جانب من الحضور
د/ خليل ابراهيم س/عام 2002 والاستاذ/عبدالله محمود عضو اللجنة التنفيذية2002 وكمان زملاء بكرى ابوبكر2002
ترحيب حار جدا بتبارك وايهاب الطيب اعضاء البورد
ايهاب لك السماح بتنزيل الصور
نواصل غدا يوجد 105 صوره كل صورة تحكى قصة
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: الجالية السودانية الامريكيةDC)
|
..
.
اها يا حبايبنا خلف الاطلسي
ISRAA كانت كيف ..!!؟
ان شاء الله استفدتوا من الندوة
بس بالله ورونا بالعربي البسيط
حنتستفيد شنو من المركب البروتينى دا
والجين الخاص بيهو ..
فى شنو يعنى ؟؟ او معالجة اى نوع من الامراض الوراثية
او امراض الدم ..
نورونا شوية يعنى عشان نخش الفورمه..
الصور ما مهمه اللمهم .. المادة او المفهوم العام ..
ممكن ولا ننتظر ايميل من د. معز
--------------
الاستاذ عبدالله محمود ..
والله اتشرفنا صورتك فى البروفايل الليها كم سنه
وواقع حالك فى الندوة لا يختلف كثيراً..
| |
|
|
|
|
|
|
|
|
|
Re: د/ معــز عـمــر بـخـيـت فى ندوه كبرى بمنطقة واشنطن بعنوان إسراء (ISRAA) (Re: Tabaldina)
|
السادة / الجالية السودانية الأمريكية بواشنطن الكبرى
الأخوات والأخوة أعضاء الجالية
لكم منى التحية والتجلة ووافر الإحترام
شكراً جزيلاً لهذا العمل العظيم، والشكر موصول أيضاً للعالم الأديب الأريب الأستاذ الدكتور معز عمر بخيت الذي أتحفنا بغزير علمه وسما بنا بشاعريته الفذه، اوشكر خاص للسادة أعضاء اللجنة التنفيذية التي شرفتني بإدارة هذه الندوة العظيمة والمحاضرة القيمة.
مع خالص تحياتي
د. صلاح البشير
| |
|
|
|
|
|
|
| |
الجالية السودانية الامريكيةDC
سامى عتبانى
Osman Musa
ABDALLAH ABDALLAH
Ehab Eltayeb
تبارك شيخ الدين جبريل
Elmosley
Tagelsir Elmelik
walid shingrai
إحسان عبدالمتعال أحمد
ايمان بدر الدين
elsharief
Kostawi
Afraa Sanad
فيس بوك
تويتر
انستقرام
يوتيوب
بنتيريست