|
|
|
 Re: بالصورة وبالشعر: الشاعر الوطن «محجوب شريف» في ضيافتنا بالبحرين.. (Re: Kostawi)
|
التحية والتقدير والمودة والإحترام لك أيها الطبيب الإنسان والشاعر المرهف والقامة العالية من بقايا جيل النبلاء بالسودان د.المعز عمر بخيت
وهذا عمل رائع
والرجاء واصل نشرـالصور وتفاصيلـ رحلة العصامي العفيف والشريف الشفاف نبض الشعب السوداني محجوب شريف نسأل الله له عاجل الشفاء
وأهديك يا دكتور معز قصيدة محجوب شريفـ وطنا:
:
وطنا..
الباسمك كتبنا ورطنا
أحبك
مكانك صميم الفؤاد
وباسمك اغنى..
وتغنى السواقى
خيوط الطواقى
سلام التلاقى
ودموع الفراق
واحبك ملاذ
وناسك عزاز
أحبك حقيقه..
وأحبك مجاز
وأحبك بتضحك
وأحبك عبوس
بعزة جبالك ترك الشموس
وما بين ظلالك
افتش وأكوس
أفتش طفولتى وملامح صباى
بناتك عيونن صفاهن سماى
وهيبة رجالك بتسند قفاى
صحى بتملا عينى..
وتشّرف غناى
بحضرة جلالك..
يطيب الجلوس
مهذب أمامك يكون الكلام
لأنك..
محنك
عميق الدروس
مجيد المهابه ومديد القوام
شبابك..
تشابك
شديد الزحام
أراهم..
وراهم
غبار الحياه
مداين..
تعاين
كأمّ العروس
تهلل..
تكلل
جبين الإمام
رزازاً يبلل أغانى الخليل
أصدق كلامك حقيقه وبخاف
أخاف الطريق..
اللى ما بودى ليك
وأعاف الصديق
اللى ما بهم بيك
معاك انتظارى..
ولو بالكفاف
وعنك بعيداً
أبيت الرحيل
وبيك اعتزاز الصباح الجميل
جميع الأغانى اتكالن عليك
| |
 
|
|
|
|
|
|
|
 Re: بالصورة وبالشعر: الشاعر الوطن «محجوب شريف» في ضيافتنا بالبحرين.. (Re: Sabri Elshareef)
|
Quote: الآن شاعرنا على الطائر الميمون
في طريقه للندن تحمله أجنحة السلامة
ودعواتنا الصادقة له باكتمال العافية
وإلى التوثيق بالصور |
الرجل الذى دومآ يحمل ويبث الفرح فى نفوس الاخرين دكتور معز أنشاءلله وبركة رب العالمين يوفق شاعرنا العظيم محجوب شريف ويتوج بتاج الصحة والعافية وياناس لندن قولو ليهو نحن بنريدككككككككككككككك زى وهاج العين ونحن ما بنرضى البجيب زعلك وما تتعيبوه بقرض الشعر خلو يرتاح شوية حتى يعود لنا معافى انشاءالله.
سيف
| |
|
|
|
|
|
|
|
|
|
Re: بالصورة وبالشعر: الشاعر الوطن «محجوب شريف» في ضيافتنا بالبحرين.. (Re: خضر الطيب)
|
نرفع الأكف متضرعة إلي المولي عز وجل بأن يمن علي فارس الكلمة وسلطان القافية الشاعر
القامة /محجوب شريف بالشفاء العاجل ويعود إلينا مكتمل الصحة وموفور العافية
يــــــــــــــــــــــــــــــــــــــــــــــــــــــــــــــــــــــــارب
وأجمل التحايا و التجلة لك بروف / معز لهذه الأخبار والصور التي توضح سلام التلاقي ودموع الفراق
ودمت روعة
السماني
| |
|
|
|
|
|
|
|
|
|
Re: بالصورة وبالشعر: الشاعر الوطن «محجوب شريف» في ضيافتنا بالبحرين.. (Re: HAMZA SULIMAN)
|
بروف المعز,,الشاعر الفنان...
و كانت البحرين...بداية الترياق..للشاعر الوطن...انه مسكون بحب الناس الطيبين من وجدان اديم تراب بلدى..وكان هو بينهم..وزمنهم..ووجدهم..وتطلع الامل الضياء..اعتمل واشتعل بينهم..وكان كقواديس السواقى يحمل الماء...ويسقى الارض لينمو الزرع...
وفى احشائه هم الم الوطن..صرخ بنداء الوطن,وغرد بحبه..وشدى بنهضته..وغنى لحريته وانطلاقه..وصور جماله فى تنوع الفكره..وبيان الرؤيا....واختل توازن الزمن والقدر..واتت جحافل الظلام .خرجت من تناقض الصراع.. وكانت وبالا..و هى ذلك البعبع الذى فرد وشاح افكه..فأغوى العباد.ونشر الفساد.. ولكن الشاعر العملاق لم يصمت ..بل عمل على مساعدة المحتاجين....وضم الطفوله النافره..والشباب الضائع..ووالوطن الجريح...وهو يقف على صهوة جواده المطهم..يقاتل يمينا ويسارا..وزمنا وقدرا....واثخنته الظروف المره بجراح المرض...ولكنه ظل ثابتا كاطود..يدفع برياح حبه لتنطلق اعاصير تغنى للغد المامول فى فجر قادم باذن الله...
وها هو وهو معكم...وسيكون بيننا فى قلوبنا نحمله..ونرعاه..ونغطيه حبا ووفاءا
البروف العزيز..
انتم كنتم الرحيق .الذى سقى عطش الشاعر العملاق من نبع الوفاء...فبلل زمن النضال..من نبع عطائكم الثر..ومن تلك المسانده الاسناد..ومن فيوض الحب له...وهو اهل له..دائما..وابدا..
لك المنى والاعزاز .بروف المعز...وهذا دأبك ومسعاك دائما..
كل الاعزاز
| |
|
|
|
|
|
|
|
|
|
Re: بالصورة وبالشعر: الشاعر الوطن «محجوب شريف» في ضيافتنا بالبحرين.. (Re: عصمت العالم)
|
ياسلااااااااااااااام !
والله زمن يابحرين !!
بختكم بالشاعر الجميل ود شريف ايها الرائع ود مولانا عمر !
طبعا اكلتو طعمية منى وفولها المصلح ياعزو !!
ااااااااااااااااااخ .. من لى بقطعة طعمية من يدى منى المبروكة الان !!!
تحياتى لقمرك وفرسانك وماتنسى منى الظريفة !
وزينب عثمان واولادها وزوجها الجنتل مان
وناس السفارة خاصة السفير وعبد المنعم ومدام انتصار وطفلها الجميل
وكل من يسأل عنا فى البحرين خاصة الشيعة والاكراد !!
ودمت فى رعاية الله
من طرف شقيقتكم فى عشق القافية والطعمية ندو !
| |
|
|
|
|
|
|
|
|
|
Re: بالصورة وبالشعر: الشاعر الوطن «محجوب شريف» في ضيافتنا بالبحرين.. (Re: نادية عثمان)
|
عافية وشفاعاجل
تمشى الوطن قادل
يا قلبك الاخضر ويا بالك الماهل
يارشة المطرة فى رملة الساحل
ما من تلا نظمك
وفضل وراه جاهل
ما من تبع خطوك
دربا ولا ساهل
يا عشقك الصوفى ..
مشرور .. ومتماهل
ماخد على خاطرك؟
جابر خواطرنا..
رافع جباهنا ضحى
ومعلى سيرتنا ..
قادلين كما الطاووس
شعرك هتاف وغنا
فى دربنا..محسوس
داير تكبرنا..دايرنا نبقى شموس
شاهد على عصرك
متجاوزا عصرك
وتغنى فى "قصرك"
قصر المحبة الخام
والعشق والالهام
علمتنا نحيا علمتنا الاقدام
وماخد على خاطرك.؟؟
يارب يسر خاطرك
تضحك يبين فاطرك
يارب
يسر
خاطرك
| |
|
|
|
|
|
|
| |
Dr. Moiz Bakhiet
Kostawi
saif massad ali
Muna Khugali
Kamel mohamad
هشام كمال
إسماعيل التاج
Saifeldin Gibreel
بدرالدين شنا
خضر الطيب
Elsamani A.Malik
ahmed haneen
luai
خالدة البدوي
معتصم دفع الله
حسام يوسف
فيصل نوبي
Abulbasha
wadalzain
عاطف عبدالله
Tragie Mustafa
HAMZA SULIMAN
عصمت العالم
Tumadir
Mustafa Mahmoud
shazaly gafar
ودقاسم
Mohamed Abdelgaleel
عبد المنعم سيد احمد
ترهاقا
Abureesh
فيس بوك
تويتر
انستقرام
يوتيوب
بنتيريست