|
دعواتكم لزميلنا المفكر د.الباقر العفيف بالشفاء العاجل
|
|
 Re: البروف المعز عمر بخيت مع الاحترام لحظة من فضلك !!! (Re: الرفاعي عبدالعاطي حجر)
|
الحبيب الرفاعي عبد العاطي،
شكراً لهذا التساؤل الذي كنت أتمنى ان يسأله الآخرون قبل الشروع في التحليلات المختلفة وتدوين معطيات غير مبنية على أي حقائق.
في الواقع أخي الرفاعي أنا لم ادخل في السباق ولم أترشح أصلاً.
لقد قمت ومعي مجموعة من الشباب المتطلع بتكوين الحركة السودانية للتغيير ووضعنا لها برنامجاً طموحاً مبني على خطة استراتيجية لها رؤية محددة ورسالة وأهداف واستراتيجيات وخطة عمل لتنفيذ هذه الإستراتيجيات.
كل ما يتعلق بالحركة موجود وموثق بموقعها على الإنترنت لكنه يخلص في بناء الإنسان السوداني وتحقيق الحياة الكريمة له من صحة وتعليم ومسكن ومأكل ومأمن وحرية وعدل وتنمية ورفاهية.
وكنا نحسب في الحركة أننا بوصولنا للحكم عبر صناديق الإنتخابات يمكننا تحقيق ما نصبو إليه بالنهج العلمي.
قمنا أولاً باستطلاع واستقراء احتمالات النجاح في الوضع الراهن فوجدناها جداً قليلة في عدم وجود دعم سياسي وتحالفات استراتيجية، وحتى لو دخلنا التجربة فهو سلاح ذو حدين.
فقد يكون الدخول في المعركة الإنتخابية بحد ذاته تجربة وتمريناً لخوض انتخابات قادمة وهي خطوة هامة في طريق النجاح مستقبلاً، وقد يؤدي عدم النجاح حالياً للإحباط ووأد التجربة الوليدة،
لذلك لم نشأ تعريضها للإحتمال الثاني وهي في بدايتها ورأينا أن نعمل من القاعدة والإلتصاق بالمواطن عبر العمل الطوعي الإنساني وبناء الثقة بيننا وبينه والتعريف بالحركة عبر عطائها وليس شعاراتها.
وفي هذا الشأن قمنا بتكوين منظمة عمل مدني باسم تغيير للثقافة والتنمية وقد تم تسجيلها لنقتحم مجال العمل الطوعي والإنساني وهو أصلاً هدفنا.
عبر هذا العمل يمكننا أن نؤدي رسالتنا ونعرف الناس بنا فإذا كان هناك حاجة لخوض الإنتخابات القادمة لتأسيس دولة التغيير الوارد في رؤيتنا كان لنا وجود في الساحة ودعم جماهيري وسياسي يمكّننا من خوض التجربة بقوة وثبات.
وإن لم نر حاجة لخوض الإنتخابات نستمر مع الآخرين في عملنا الطوعي وتأدية واجبنا الإنساني.
وهذا باختصار سبب عدم الدخول في سباق الإنتخابات والتي نتمنى أن تكون تجربة حقيقية تعيد للوطن عزته ووحدته وإنسانية بنيه.
لك مودتي ومحبتي وشكري الجزيل
ولك احترامي.
| |
 
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: معاوية الزبير)
|
Quote: الحبيب الرفاعي عبد العاطي،
شكراً لهذا التساؤل الذي كنت أتمنى ان يسأله الآخرون قبل الشروع في التحليلات المختلفة وتدوين معطيات غير مبنية على أي حقائق.
في الواقع أخي الرفاعي أنا لم ادخل في السباق ولم أترشح أصلاً.
لقد قمت ومعي مجموعة من الشباب المتطلع بتكوين الحركة السودانية للتغيير ووضعنا لها برنامجاً طموحاً مبني على خطة استراتيجية لها رؤية محددة ورسالة وأهداف واستراتيجيات وخطة عمل لتنفيذ هذه الإستراتيجيات.
كل ما يتعلق بالحركة موجود وموثق بموقعها على الإنترنت لكنه يخلص في بناء الإنسان السوداني وتحقيق الحياة الكريمة له من صحة وتعليم ومسكن ومأكل ومأمن وحرية وعدل وتنمية ورفاهية.
وكنا نحسب في الحركة أننا بوصولنا للحكم عبر صناديق الإنتخابات يمكننا تحقيق ما نصبو إليه بالنهج العلمي.
قمنا أولاً باستطلاع واستقراء احتمالات النجاح في الوضع الراهن فوجدناها جداً قليلة في عدم وجود دعم سياسي وتحالفات استراتيجية، وحتى لو دخلنا التجربة فهو سلاح ذو حدين.
فقد يكون الدخول في المعركة الإنتخابية بحد ذاته تجربة وتمريناً لخوض انتخابات قادمة وهي خطوة هامة في طريق النجاح مستقبلاً، وقد يؤدي عدم النجاح حالياً للإحباط ووأد التجربة الوليدة،
لذلك لم نشأ تعريضها للإحتمال الثاني وهي في بدايتها ورأينا أن نعمل من القاعدة والإلتصاق بالمواطن عبر العمل الطوعي الإنساني وبناء الثقة بيننا وبينه والتعريف بالحركة عبر عطائها وليس شعاراتها.
وفي هذا الشأن قمنا بتكوين منظمة عمل مدني باسم تغيير للثقافة والتنمية وقد تم تسجيلها لنقتحم مجال العمل الطوعي والإنساني وهو أصلاً هدفنا.
عبر هذا العمل يمكننا أن نؤدي رسالتنا ونعرف الناس بنا فإذا كان هناك حاجة لخوض الإنتخابات القادمة لتأسيس دولة التغيير الوارد في رؤيتنا كان لنا وجود في الساحة ودعم جماهيري وسياسي يمكّننا من خوض التجربة بقوة وثبات.
وإن لم نر حاجة لخوض الإنتخابات نستمر مع الآخرين في عملنا الطوعي وتأدية واجبنا الإنساني.
وهذا باختصار سبب عدم الدخول في سباق الإنتخابات والتي نتمنى أن تكون تجربة حقيقية تعيد للوطن عزته ووحدته وإنسانية بنيه.
لك مودتي ومحبتي وشكري الجزيل
ولك احترامي. |
كلام علمي ومرتب
يليق برجل عالم
يعيش الواقع بوضوح
شكرا لك بروف المعز
لوجودنا معك
وشكرا للأخ الرفاعي لإستثارة البروف
لإخراج هذه الدرر التي تعطي درسا في
العمل السياسي المرتب والواقعي
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: ابراهيم قناوي)
|
Quote: كلام علمي ومرتب
يليق برجل عالم
يعيش الواقع بوضوح
شكرا لك بروف المعز
لوجودنا معك
وشكرا للأخ الرفاعي لإستثارة البروف
لإخراج هذه الدرر التي تعطي درسا في
العمل السياسي المرتب والواقعي |
الغالي ابراهيم قناوي،
ماذا أقول؟
فلقد وضعت تاجاً في رأسي
وشكراً لك أنت لأن رائعين مثلك هنا
وهم من يجعلوننا نواصل
نبتسم
ونصاحب طلوع الشمس
ولا نهرب من ظلام المدينة..
هي المحبة والإنتماء للوطن
وللنبلاء مثلك.
تحياتي الحارة لك
ومودتي وإحترامي
| |
|
|
|
|
|
|
|
|
 Re: البروف المعز عمر بخيت مع الاحترام لحظة من فضلك !!! (Re: Dr. Moiz Bakhiet)
|
تحياتي أخي الرفاعي..
و اسمح لي أن أستغل بوستك دا في طرح سؤال للبروف كنت أرغب طرحه في بوست منفصل غير أنني أشكو ضيق الزمن..
...
د.معز تحياتي..
و أتمنى أن يتسع صدرك لتساؤل ظل يلح علي منذ رأيت عنوان بوستك ..هل الحقد سوداني..و من شدة استيائي لم أرغب في دخوله مرة أخرى..
سؤالي يا دكتور..
لماذا نجاحاتك و إنجازاتك (شخصية)..
و السالب من طباع البشر ..هو في نظرك بالضرورة (سوداني)؟؟؟؟؟؟!!!!!!!!!
بمعنى..
كلما أنجزت شيئاً ما ..تأتينا به بعنوان (شوفوني عملت شنو ..أو كنت وين..)
لكن ما بتجي تقول (شوفو حسدوني..)
طوالي تختمها لينا في جنسيتنا السودانية.. و تلوم شعب كامل على ما قد يكون نالك من أفراد منه!!!!!!
يا دكتور حصل لاحظت لكمية الناس الكانو بيتداخلو و يهنوك زمان.. و كميتهم هسة؟؟
حصل سألت نفسك بينك و بينها و حاولت تلقى تبرير غير انو نقّصهم الحسد؟؟
أنا واحدة من الناس كنت واضعة تصور جميل لشخصك..
ما قلل منو_ رغم انو أثار استغرابي_ ..كونك لم تكن أحد المهنئين رغم تواجدك بالبورد وقتها على الانجاز العلمي الذي حققه شقيقي و تحدثت عنه في بوست بعنوان
فخر سوداني آخر..الدكتور أسعد خالد محمد علي ينال جائزة العلماء الشباب (باكستان)
كنت أعتقد أنك ستكون أول المهنئين لأنه في البحث العلمي و الحقل الطبي تحديداً..هل منعتك جيناتك السودانية (كما تراها) وقتها..؟
لا يهم..
فهذا لم يؤثر كما اثر فيّ بوستك السابق لهذا و ربطت به الحسد و الحقد بالسودانيين؟؟
بالله يا دكتور معز..ليه ما حصل لفتّ نظر الجرائد البحرينية لأنها تكتب جنسيتك مع خبر تكريمك أو نجاحك..ليه ما حرقتك للسودان..انو كانوا يكتبو بالبنط العريض السفاح السوداني ..عن سفاح صنعاء..
و يتفادو أن يكتبو حتى بالبنط الصغير كلمة (العالم السوداني) لما يكتبو عنك؟؟
يا دكتور لي مداخلة في وقت ليس ببعيد في مكان ما في المنبر كنت وقتها لا زلت أحتفظ لك بقدر كبير من حسن الظن..أدعم فيها ترشيحك للرئاسة... و ظننت وقتها أنك الشخص الأنسب!!
بالتأكيد محا بوستك الأخير حسن ظني هذا..و صدقني مهما علت شهاداتك.. و كبرت إنجازاتك الشخصية..
فنحن (كشعب)..لن نراك إلا بالعين التي ترانا بها...
انت السودان دا يا تبقى رئيسو يا تهينو؟
و ما تصدق البيقولو ليك لا كرامة لنبي في وطنه..
فأنت لست نبي.. ليس لنا على أي حال!!
و حواء السودانية واااااالدة و الله يا دكتور...
و ربنا يكفينا جميعا شرور أنفسنا قبل شرور الغير!
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
البروف المعز
والمرور الكريم
تقديري اعتذر عن التأخير واشكر للاخ بروف معز هذه الاجابة المتوازنة والكبيرة المعاني وعلى حضوره المتميز مما لاشك يدعم جانب النباهة والذكاء الذين حباهما المولى به فأنعم به واكرم من سوداني مفخرة ... ثم نلج الى الموضوع عزيزي الشاعر الجميل والعالم النابه اقول قد اختلف في ان اوضاع السودان السياسية يمكن ان يلجها المفكر من خلال العمل الطوعي ولعل الطوعي هنا بكل جوانبه لن يجعلكم كتنظيم ان جاز التعبير ان ترتبطوا بمشكلات هي تأريخية ومستعصية فما هي رؤياكم لمفاتيح الحل هل تستطيعون عبر العمل الطوعي طرق باب الحلول لقضية دارفور مثالاً . لعل اسباب عدم خوضكم التجربة هو من باب الاعتراف بأن هذا الباب لا يلجه إلا اصحاب التجارب الكبيرة ولعل ذلك يدلل على احباط اصابكم من خلال التجربة من اجراء اي تغيير في مركب الشعب السوداني يعني شعب (معتقداتي) لا يؤمن بالتحديث او انه يركن للساير ويرفض الثورة من اجل التغيير هل آمل في توضيح وسيظل حوارنا مستمر متى سمح وقتكم بذلك لكي نلانس الخلل هل هو في برامجكم ام في الشعب ام ثمة علة غيبية يعجز عالم مثلكم في فك طلاسمها فلنترحم على نهوض بلادنا ونولي الادبار ...
ارجو ان يتسع صدركم بحق وحقيقة ولا اخفيك انني كنت من المتابعين لك وكم تمنيت ان تنجح في خطوات التغيير لكن انسحابكم ايضاً كان املي فمرئياتكم للواقع السياسي من خلال نظرة باحث وعالم هي منشود وامل في الابتعاث من خلال فتح الباب لمن هم غيرنا هذا الجيل ولعل اجدد التقدير لك وللمرور الكريم بمن فيهم الاخت المستأذنة سناء واقل للجميع بدوري لا مانع عندي من طرح اي سؤال عبر هذا البوست وتبقى الاجابات من البروف المعز وهو صاحب الخيار في الرفض او القبول ودمتم بالف الف الف خير والوطن معافى .
........................................................حجر.
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: الرفاعي عبدالعاطي حجر)
|
الحبيب الرفاعي،
أنا والله أتفق معك في كل ما أوردته
وحقيقة الدخول في العمل الطوعي ليس لحل المشكلات السياسية الراهنة إنما للإقتراب من المواطن المقهور
وتوعيته وتقديم أبسط مقومات الدعم الإنساني وهو هدف يقع ضمن رؤية الحركة
والمنظمة ليست نواة للحزب لكنها تتوازى معه
الحلول مطروحة من خلال الإستراتيجيات
وتنفيذ الإستراتيجيات يحتاج لصنع قرار
وصنع القرار يحتاج لسلطة
والسلطة تحتاج لطريق صعب وشائك للوصول إليها
خاصة في ظل ما أوردته بعدم وجود ثقافة التغيير وقبول الجيد في واقعنا.
تأكد أنني لم أنسحب من المعركة فهي قضية
لكنني أعمل من أجلها ومعي شباب متطلع وقادر على احداث التغيير بإذن الله.
كل الود والتقدير لك يا حبيب
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
شكرا للرفاعي على فتح الموضوع ..
و كل التقدير والحب والإحترام للدكتور المعز ..
..
أنتظر بشغف ردك على الأخت سنا التي سألت ..
| Quote: انت السودان دا يا تبقى رئيسو يا تهينو؟ |
وهل لو كنت ما تزال مترشح .. ستكتب نفس بوستاتك الحالية .. وستحاول أن تجاهر بما كتبت ونظرتك للشعب السوداني .. ؟
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: عبداللطيف محجوب)
|
عبداللطيف محجوب
| Quote: وهل لو كنت ما تزال مترشح .. ستكتب نفس بوستاتك الحالية .. وستحاول أن تجاهر بما كتبت ونظرتك للشعب السوداني .. ؟ |
هذا ما كتبته يا حبيب
| Quote: لا بد وأن أشير إلى أن هذا الأمر غير معمم لحسن الحظ ومخطيء من يرمي أمة بحالها ويصفها بالسوء، لكن عندما تصبح الظاهرة ملحوظة بشكل كبير وتصبح متفشية على نطاق واسع لا بد من من دق ناقوس الخطر. |
وهو ما سأظل أكتبه
إن ترشحت أو لم أفعل
أنا أتحدث عن ظاهرة اجتماعية و لاأتحدث عن شعب وأمة..
هذا شعب عظيم ومعلم ولا مثيل له
وتعريتنا لمثل هذه الظواهر هي سعي من أجل الكمال
والكمال لله سبحانه وتعالى.
تسلم يا عبد اللطيف
وأتمنى أن تكون إجابتي للأخت سناء قد أوفت على الأقل ببعض مما تود معرفته
لك الشكر على الإهتمام والمتابعة
ولك الحب والتقدير
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
الحبيبة سناء خالد،
شكراً مقدراً لك على التساؤل وأسعد كثيراً بالرد عليك لأن طرح السؤال في حد ذاته قيمة حضارية بالرغم من أن التساؤل كان يجب عليه أن يكون في مكان المقال.
Quote: سؤالي يا دكتور..
لماذا نجاحاتك و إنجازاتك (شخصية)..
و السالب من طباع البشر ..هو في نظرك بالضرورة (سوداني)؟؟؟؟؟؟!!!!!!!!! |
يبدو عزيزتي أنك لم تقرأئي المقال فهو لم ترد به ذكرى لنجاحاتي واخفاقاتي ولم يأخذ طابعاً شخصياً على الإطلاق
كما أن المقال هو سلسلة من مقالات تتعرض للثقافات السالبة أو المفقودة في وطننا الحبيب لإيجاد الحل الناجع لها عبر تناولها بمنهجية
بالإضافة لمشاركات الآخرين برؤاهم النيرة.
كما أنني أوضحت بأن الجوانب الإيجابية يجب تناولها وتقديمها تحفيزاً لها وألا ننظر للسالب فقط فهناك الكثير من العادات الحميدة والعظيمة لدى هذا الشعب العظيم.
أما سؤال هل الحسد سوداني فهو ليس من ابتداعي إنما منسوب للعلامة عبد الله الطيب عليه رحمة الله.
Quote: كلما أنجزت شيئاً ما ..تأتينا به بعنوان (شوفوني عملت شنو ..أو كنت وين..)
لكن ما بتجي تقول (شوفو حسدوني..)
طوالي تختمها لينا في جنسيتنا السودانية.. و تلوم شعب كامل على ما قد يكون نالك من أفراد منه!!!!!!
يا دكتور حصل لاحظت لكمية الناس الكانو بيتداخلو و يهنوك زمان.. و كميتهم هسة؟؟ |
طبعاً أنا أختلف معاك جملة وتفصيلاً لأنك لو قرأتي البوست لما اتهمتيني بالتعميم وهذا ما ذكرته بالنص:
| Quote: لا بد وأن أشير إلى أن هذا الأمر غير معمم لحسن الحظ ومخطيء من يرمي أمة بحالها ويصفها بالسوء، لكن عندما تصبح الظاهرة ملحوظة بشكل كبير وتصبح متفشية على نطاق واسع لا بد من من دق ناقوس الخطر. |
صدقيني يا سناء أنني لم أتحدث عن جنسية سوداني ولم أعمم الظاهرة
ويبدو أن تساؤل العلامة عبد الله الطيب استفذ نخوتك فلم تتطلعي على الموضوع بعمق و بعين الناقد بالإضافة لضيق وقتك.
حتى أن هذه المداخلة جاءت خارج محور البوست لكن احتراماً لك وتقديرا لضيق وقتك رأيت أن أجيب على تساؤلك هنا وأتمنى أن تجدين الوقت للعودة إليه.
Quote: كونك لم تكن أحد المهنئين رغم تواجدك بالبورد وقتها على الانجاز العلمي الذي حققه شقيقي و تحدثت عنه في بوست بعنوان
فخر سوداني آخر..الدكتور أسعد خالد محمد علي ينال جائزة العلماء الشباب (باكستان)
كنت أعتقد أنك ستكون أول المهنئين لأنه في البحث العلمي و الحقل الطبي تحديداً..هل منعتك جيناتك السودانية (كما تراها) وقتها..؟ |
والله يا سناء وقسماً بالله وعزة جلالته
لم أقرأ أو اشاهد أو اسمع حتى بالبوست
وأنا لو بحثتي عن مشاركاتي ستجدين تواصلي مع الجميع في الأفراح والأتراح
وأنتهز هذه السانحة الآن لأبارك لشقيقك ومثل هذه النجاحات تسعدني وتشرفني كسوداني وتجعل قامتي تناطح الشمس طولا
وأنا والله أدخل النت لدقائق معدودة وعشوائياً ويفوتني الكثير كذلك فوقتي يا سناء يجعلني متلوماً مع أقرب الناس لي،
وأقدر لأصدقاء كثيرين أنهم يلفتون نظري عبر رسالة داخلية لبعض الأشياء تجنباً للوم
واللامك دارك
ونحن صحي شعب لوام وده لأننا بنحب بعض وقريبين من بعض.
يا سناء يا حبيبة أنا والله تشرفت وسعدت بمداخلتك في بوست الرئاسة وتلك المداخلة كانت مصدر عز لي في منتديات أخرى أشار لها البعض
وأتمنى أن أكون دائماً عند حسن ظنك
| Quote: انت السودان دا يا تبقى رئيسو يا تهينو؟ |
معقولة بس يا سناء؟
لست بالذي يهين وطنه وامته وشعبه
فأنا أدين لوطني بكل شيء فهناك تعلمت وترعرعت ونشأت وابتعثت ومنه قادم إليه
وأتمنى أن يكون السودان أعظم مكان في الدنيا
وأن تكون أمتنا رمزاً وقدوة للعالم وقد كانت من قبل، لذلك أحزن عندما أجد شيئاً ما قد تغير وأحس بالمسئولية تجاه الإصلاح.
أعتذر لك يا سناء عن اي تقصير
وأشكر لك هذه المداخلة
وبرغم قسوتها
لكنها تعيد التوازن للنفس
وتقيم المصالحة معها ومع الحياة ومع الآخرين
لك شكري ومحبتي واحترامي
وتهنئة قلبية لشقيقك وأمنياتي له بالنجاح الباهر والتقدم والتوفيق دائماً وأبداً
ولكل أبناء الوطن الرائعين مثلك..
وتقبلي اعتذاري أنني لم اشاهد ذلك البوست ولأي ضيق سببته لك أو لأحبابي هنا.
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: ايمان بدر الدين)
|
الحبيبة إيمان بدر الدين،
سعيد والله بكل حرف وقعتيه هنا
وشكراً لكلماتك النبيلة..
لي عظيم الشرف والسعادة أن أكون بينكم قريباً
وأن نلتقي ونتحدث ونتحاور ونجتمع على الود والمحبة..
انتظر بلهفة وشوق لقائي بكم في واشنطون في الثاني عشر من مارس بإذن الله
تحياتي وسلامي ومحبتي لكل الرائعين حولكم وأنتم ومن معكم ..
| |
|
|
|
|
|
|
|
|
 Re: البروف المعز عمر بخيت مع الاحترام لحظة من فضلك !!! (Re: ناصر احمد الامين)
|
تعرف يا يا اخوي معز (مع حفظ المقام والالقاب) ...لكن معز حاف كده بتحس بيها حنينه كده وملانه حب وود واحترام ...
طبعا المقام مقام اسئله ....اذكر ونحنا في الصحراء وشقيقي الطيب كان عنده (كراسه) كتب فيها واحده من دررك الشعريه تقريبا اسمها (حزن طائر البطريق) معليش لو في خطأ في العنوان لكن هذه الدره الشعريه لها اسهامات في تشكيل بنية الوعي لعدد من ابناء البدو في ذلكم الزمان والمكان ...طبعا الطيب ومحمود (استاذ مشارك في احدي جامعات شتوتجارت) كانوا بيتباروا في حفظها وترديدها باللهجه البدويه (وخاصه عند مدخل كلمة يا قديسنا...)...معليش يا معز يمكن (الكبر) دخل لكن ما قدرت اتذكر بقية ابيات هذه الدره الشعريه ...فياريت لو تدلنا علي مكان نصبو اليها فيه ...
لك التحيه اخي معز وانت تضئ بكلماتك وعلمك طريقا للأخرين ...
ولك التحيه اخي حجر علي هذه المساحه
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Elsanosi Badr)
|
Quote: تحياتي أخي الرفاعي..
و اسمح لي أن أستغل بوستك دا في طرح سؤال للبروف كنت أرغب طرحه في بوست منفصل غير أنني أشكو ضيق الزمن..
...
د.معز تحياتي..
و أتمنى أن يتسع صدرك لتساؤل ظل يلح علي منذ رأيت عنوان بوستك ..هل الحقد سوداني..و من شدة استيائي لم أرغب في دخوله مرة أخرى..
سؤالي يا دكتور..
لماذا نجاحاتك و إنجازاتك (شخصية)..
و السالب من طباع البشر ..هو في نظرك بالضرورة (سوداني)؟؟؟؟؟؟!!!!!!!!!
بمعنى..
كلما أنجزت شيئاً ما ..تأتينا به بعنوان (شوفوني عملت شنو ..أو كنت وين..)
لكن ما بتجي تقول (شوفو حسدوني..)
طوالي تختمها لينا في جنسيتنا السودانية.. و تلوم شعب كامل على ما قد يكون نالك من أفراد منه!!!!!!
يا دكتور حصل لاحظت لكمية الناس الكانو بيتداخلو و يهنوك زمان.. و كميتهم هسة؟؟
حصل سألت نفسك بينك و بينها و حاولت تلقى تبرير غير انو نقّصهم الحسد؟؟
أنا واحدة من الناس كنت واضعة تصور جميل لشخصك..
ما قلل منو_ رغم انو أثار استغرابي_ ..كونك لم تكن أحد المهنئين رغم تواجدك بالبورد وقتها على الانجاز العلمي الذي حققه شقيقي و تحدثت عنه في بوست بعنوان
فخر سوداني آخر..الدكتور أسعد خالد محمد علي ينال جائزة العلماء الشباب (باكستان)
كنت أعتقد أنك ستكون أول المهنئين لأنه في البحث العلمي و الحقل الطبي تحديداً..هل منعتك جيناتك السودانية (كما تراها) وقتها..؟
لا يهم..
فهذا لم يؤثر كما اثر فيّ بوستك السابق لهذا و ربطت به الحسد و الحقد بالسودانيين؟؟
بالله يا دكتور معز..ليه ما حصل لفتّ نظر الجرائد البحرينية لأنها تكتب جنسيتك مع خبر تكريمك أو نجاحك..ليه ما حرقتك للسودان..انو كانوا يكتبو بالبنط العريض السفاح السوداني ..عن سفاح صنعاء..
و يتفادو أن يكتبو حتى بالبنط الصغير كلمة (العالم السوداني) لما يكتبو عنك؟؟
يا دكتور لي مداخلة في وقت ليس ببعيد في مكان ما في المنبر كنت وقتها لا زلت أحتفظ لك بقدر كبير من حسن الظن..أدعم فيها ترشيحك للرئاسة... و ظننت وقتها أنك الشخص الأنسب!!
بالتأكيد محا بوستك الأخير حسن ظني هذا..و صدقني مهما علت شهاداتك.. و كبرت إنجازاتك الشخصية..
فنحن (كشعب)..لن نراك إلا بالعين التي ترانا بها...
انت السودان دا يا تبقى رئيسو يا تهينو؟
و ما تصدق البيقولو ليك لا كرامة لنبي في وطنه..
فأنت لست نبي.. ليس لنا على أي حال!!
و حواء السودانية واااااالدة و الله يا دكتور...
و ربنا يكفينا جميعا شرور أنفسنا قبل شرور الغير! |
الاخت سناء لقد ترجمت تماما ما يدور بخلدى
وما يدور بخلدى ليس حسدا كما سماة الدكتور معز فى احدى بوستاتة ولكنة الانطباع الذى يتركة الدكتور
عندما يتحدث او يكتب ....ــــــــ انطباع الانا
فكرت فى كتابة بوست بهذا الخصوص للدكتور ولكن لدرايتى بالعقلية السودانية الغير قابلة للنقد عدلت عن الفكرة
وانا لا اقصد الدكتور وحدة عندما اقول العقلية السودانية لا انا اقصد كل من يعرفة ويتواصل معة .
على سبيل المثال انتقدت انا اصرار الصادق المهدى على حكم السودان رغم فشلة من قبل وهذا راءى انا وجدت من ياتى
ولانة يرى غير ما ارى اتى منتقدا ومدافعا ومؤلها الصادق المهدى وهذا مثال قؤيب ولكن هناك كثير من الامثلة
التى استطيع سردها ولكن نحن ليس بصددها هنا وهذا المثل ينطبق تماما على الدكتور معز فاذا شرعنا فى انتقاد من
نظن ان هناك نقاط يجب انتقادها تجدى العقلية السودانية التابعة والمتاخرة تهرول ملقية باللوم عليك.
سناء شكرا على ردك الذى الهمنى الكتابة وللدكتور معز كل الاحترام الى ان نتداخل اذا ما سنحت الفرص
تحياتى
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Hisham Amin)
|
الاخ|الرفاعي
السلام عليكم
الف شكر ليك علي السؤال مع د|معز عمر
وبنحب نقول يا د|معز
انت امل قادم انت مثال للبنحلم بيهو في حكمنا وحا ييجي
حاتجي البت الحديقة
فاردة أنسام في طريقة
وشاتلة ألوان
حتجي البحدث بريقة
ضجة الضو في المكان
*** ***
حتجي المن بدري جات
من ضلامات السكات
شايلة قمرين في عيونه
وفاتحة ليلين بي جنونا
وضاوية ساحات إنتمت
لي فجر فات
وبتنتمي لعصور جديدة
*** ***
حاتجي البت البريدا
ضاحكة منتصرة وعنيدة
آملة مزدهر ة و شديدة
وناقشة في الزول أغنيات
حتجي المن بدري جات
ناسفة أزمان الثبات
واصفة للناس الطريقة
وللعصافير الجهات
والشكر الجزيل
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: معتز مقبول)
|
الاخ الاستاذ / الرفاعى حجر
الاخ الدكتور البروف المعز
الاستاذه الرائعه / سناء
تحية وأحترام وتقدير ،،،،
وقفت برهة من الوقت وأنا أتأمل تلك الكلمات وذلك الحوار وتلك الردود التى تنساب كالماء البارد على شفاه ظمآن .. وقفت مشدودا مع عباقرة الكلمة الطيبه بالرغم من أختلاف الاراء إلا أنها جميعها تصب فى مصلحة الكلمة الطيبه والراقية .. وجدت نفسى أنا بينكم كالتلميذ لعظمة كلماتكم وحروفكم التى تنساب ذهبا .. لكما جميعا التقدير والاحترام والتشكرات .. سائلا الله بأن تكون دائما كلماتنا هكذا حتى نفيد ويستفيد القارئ والمتصفح والكاتب .. جزاكم الله خيرا أخوتى الافاضل .. ولكم منى خالص الشكر والتقدير والاحترام ..
تاج السر
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: تاج السر محمد حامد)
|
د. معز .. تحية تغشاك شقيش ما تكون ..
| Quote: وفي هذا الشأن قمنا بتكوين منظمة عمل مدني باسم تغيير للثقافة والتنمية وقد تم تسجيلها لنقتحم مجال العمل الطوعي والإنساني |
وقفت هنا
بمعنى ان تسير دون هدف وتتخبط ..
في المجالات المهمة .. هذا يعني فشل امة كاملة وليس فشلك ..
وخاصة عندما يتعلق الامر بتحديد مصير شعب كامل ..
ليس من السهل على الانسان التفكير في ان يضع نفسه في مكانه ..
ليكون غدوة لايصلاح امة وإلا تحسس هدفه تماماً ...
ويكفي عملكم لتنظيم عمل مدني لتغيير الثقافة والتنمية ..
ودي واجهة التحدي بين الشعوب (في نظر شخصي الضعيف) ..
نحتاج امثالك لدعم تلك الفئه ..
الرفاعي حجر .. شكرا لطرح حال لسانا ..
لكم الود ..
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Hisham Amin)
|
Hisham Amin
| Quote: فكرت فى كتابة بوست بهذا الخصوص للدكتور ولكن لدرايتى بالعقلية السودانية الغير قابلة للنقد عدلت عن الفكرة |
حبيبنا هشام أمين،
والله أتفق معك تماماً في أن أحد مشاكلنا هي عدم تقبل النقد
وهي ثقافة سالبة سأتناولها في سلسة مقالاتي القادمة وقد نوهت لها في المقال الأول،
لذلك كنت سأسعد بنقدك لأنني لا أود أن أنهي عن خلق وآتي بمثله.
وتأكد أن صدري مفتوح لتقبل النقد والتحاور بموضوعية..
وأهو يا سيدي سناء عبرت عنك..
تحياتي الحارة لك
وتقديري
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Dr. Moiz Bakhiet)
|
Quote: [شكراً ليك يا سيد الناس
وأنا والله سعيد بك وبكلماتك لأقصى حد..
القصيدة التي ورد فيها طائر البطريق هي رسالة من القطب الشمالي للوطن الغائب
وتجدها على هذا الرابط بموقعي
رسالة من القطب الشمالي للوطن الغائب
أما التي ورد فيها يا قديسنا فهي قصيدة عذاب القبر في الخرطوم
وتجدها على هذا الرابط
عذاب القبر في الخرطوم
وكل القصائد مهداة لشخصك الغالي
|
أيوة يا دكتور
خليك في الشعر
موهبة حباك الله بها
كلماتك بلا شك تمس شغاف البعض
وتقابل حاجات في نفوس آخريين
اختارك الله له
والطب وقد اخترته لنفسك يحتاج وقت وجهد كبير
ما عداه محكوم بمحددات اخرى تقع في بيئة اوسع واختلاف للاراء يجب ان نتقبله بصدر رحب
أشكر لكم شجاعتكم في طرح اسباب التنحي ..
رأيت في طرح نزولكم عدم دراية بالعمل السياسي تتناقض وطرحكم للقيادة في المنصب الاعلى سياسيا
واتفق فيما اوردته الاخت عفاف الصادق ..
وأقول
والبديل الذي طرحته على الرغم من اتفاقي معه
وتشجيعي للعمل التطوعي المتجرد من اجل خدمة وطننا وابنائنا
لكن هل تم على عجالة او عبر دراسة ..
فالبون شاسع بين عمل تنظيمات المجتمع المدني وبين العمل السياسي
بل هما متناقضان
وفي تبني عمل تنظيمات مجتمع مدني اجتماعي كطريق للوصول للهدف السياسي يتاقض مع مبدا عمل هذه التنظيمات التي يجب ان تبعد عن السياسة
وتعامل الجميع بتساو دون نظرة لدين ولا لون ولا راي سياسي ...
فهلا مضيت قدما اذا تيسر لك الوقت لتنظيم تنموي اجتماعي وترك السياسة وشوطها
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: محاسن زين العابدين)
|
سلام يا رفاعي
و ارفع القبعة احتراماً لقامة ( العالم السوداني ) * بروف معز
و اسمحوا لي بالتطفل عليكم و التعليق - رغمي اني كنت مخطط للمتاوقة ساي - لكن وقفني نقد الصديقة العزيزة سناء خالد الما مؤسس و الدعم غير المستحق الحصلت عليهو من اخونا هشام امين
| Quote: فكرت فى كتابة بوست بهذا الخصوص للدكتور ولكن لدرايتى بالعقلية السودانية الغير قابلة للنقد عدلت عن الفكرة |
ما يا هو دا انتو بتعمموا فوق لعمة الشعب المغلوب دا في أمان الله !!
و لا دا نقد ساي ما بسوي للشعب ( الفضل ) منو الحبة دي ؟!
في اعتقادي انو الكلام الما قبلتوهو من د. معز يقرأ على ضوء ملاحظتكم ( السديدة ) دي يا استاذ هشام . . و لا كيف ؟
شنو المانع انو تُخضع فرضية " انو الشعب السوداني حاسد " - و هدا طلعت قالها بروف عبد الله الطيب كمان ! - لدراسة و من زول بقامة د. معز عديل ؟ . . و احسب انه القادر على ذلك ، في الحقيقة انا ممكن اخضع لعملية جراحية راسا عديل تحت يدو امنا و مطمئناً تماماً ، خليك من اركز لمجرد " نقد " و كلام ساي !
كل ما اقرأ ليك يا بروف بزيد اعجابي بيك
واصل . . دا قدرك . . و يا ريت تبقى رئاستك قدرنا و قدر الشعب المنكوب دا
Quote: خليك في الشعر
موهبة حباك الله بها
كلماتك بلا شك تمس شغاف البعض
وتقابل حاجات في نفوس آخريين
اختارك الله له
والطب وقد اخترته لنفسك يحتاج وقت وجهد كبير |
مع فائق الاحترام
دا كلام اقصائي و متعالي جداً استاذة محاسن
و برضو السياسة اختيار حر و واعي . .
و ليست حكر على أحد
و يقف الزعيم الخالد " المحجوب " كأنصع رمز لريادة الادباء و الشعراء و تقدمهم على محترفي السياسية
يا دكتور اعتمدني واحد من انصارك لرئاسة السودان . . و كويس انك ما مترشح في انتخابات ابريل دي
واصل جهودك ، عسى ان يكون مخرجنا ( غير التقليدي ) - و احسبه يجب ان يكون كذلك - اقول عسى ان يكون مخرجنا من عنق الزجاجة على يدك
الاحترام للجميع
و لسناء خالد اشواق كتيرة لا قبل لك بها
---------------
* دي الحقيقة الكان ذكرت او اخفت يا سناء بتظل ناصعة و ساطعة و لنا الفخر بها . . و حواء السودان الولادة دي ما بتجيب زي بروف معز و اخوك كل يوم
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: قيقراوي)
|
كنت اتوق الي قراءة بوست صحي فيه حوار موضوعي مع صاحب تجربة ملموسة وذلك بعد قراءتي لصدر البوست بواسطة الرفاعي والرد الاول من الدكتور معز , الا ان انسياق المتداخلين وراء التطبيل لدكتور معز دون داعي في هذا المقام جعل من مداخلاتهم حصى يضرس حين القراءة حتي ان الشخص المتابع يبدا في ( فط) المداخلات متجاوزا بذلك بعض المداخلات التي قد تكون موضوعية جدا وفيها المثمر جدا من الراي , اتمني اكمال قراءة البوست حتى يصل الي غاياته واجابة جميع التساؤلات من جميع الاطراف حتي يتسنى لنا اكتساب وعي جديد بحوار موضوعي يضاف الي معينات تثقيفنا , وابداء راينا متى ما وجدنا في انفسنا ما يجب كتابته .
يقال والعهدة علي اجدادنا القدماء ( اخر البليلة حصحاص . ) ولم نسمع بان في وسط البليلة حصحاص
خلونا ناكل بليلتنا بدون حصحاصكم يا رعاكم المولي
ليت الحوار يستمر موضوعيا بين الرفاعي ومعز وسناء وقياقا وبقية الموضوعين فهذا حوار مفيد
ـــــ
انسياق البروف ورا الرد علي المجاملات ينقص من قيمة البوست
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: اساسي)
|
يا اخوانا عن إذنكم أرد للسماني الحبيب ونجاملو شوية..
شنو يا اساسي جابت ليها حقد وحسد كمان.. 
ياخي الناس الحلوة البتعبر عن مشاعرهم النبيلة ما من حقك تحجر عليهم 
سيد البوست راضي وأنا راضي شن دخل القاضي 
وبغض النظر عن ده كلو..
مشتاقين والله .. ومنتظرك توفي بوعدك من زمن ما رسلت ليك السي دي..
وبالله دع الأشجار تنمو يا جميل 
________________
بعين قال شنو قال: انسياق البروف ورا الرد علي المجاملات ينقص من قيمة البوست
..
لا خلا 
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: اساسي)
|
تحياتي مرة أخرى د. معز.. و شاكرة جداً لسعة صدرك و تكرمك بالرد..
تحياتي الرفاعي و شاكرة تقبلك اقتحامي لهذا البوست ..ربما في غير ما ارتأيته له..و إن كان في نظري يصب في ذات الخانة..
و تحياتي أيضاً لكل المتداخلين مؤيدين و مخالفين و (مطبلين ..على رأي أساسي)
..
آسفة على تأخري في الرد يا دكتور لكن ما كنت عايزة أكتب ليك رد متعجل لأهمية الموضوع عندي.. و ما لقيت من مهلة الزمن إلا قليلا هي الآن!
..
ما عارفة يا دكتور هل انت فعلاً فهمت من مداخلتي السابقة اني بلومك على انك ما هنيتني في بوست أخوي!!!! و لا بس أخدت النقطة دي من المداخلة كمخرج؟
يا د. معز مع كل التقدير و الاحترام ..أنا لو عايزة ألومك في الحاجة دي كان لمتك من زمان .. بوست تهنة أخوي دا عمرو أربعة سنوات!!!..و هسة في الأرشيف ذاتو مافي لأنو شكلو ضاع في أحد الهجمات الهكرية!!
و مع اني ما عايزة أدي الحتة دي مساحة أكبر عشان ما يثبت الانطباع الوصل للناس بعد ردك..و خلّى الرفاعي يعتقد انو أنا كنت بأطالب باعتذار شخصي و أخدتو..و قيقراوي يعتبر نقدي غير مؤسس..(لأنو بيكون فهم انو أساسو لوم ..بتاع ما جيت باركت لي!!)
و مع انو احتمال الفهم دا ما غاب عني و أنا بأشير (للواقعة) دي ..لكن حوجتي لاستخدام المثل دا هي الخلتني أصر على إيرادو لثلاثة أسباب..
أولها المقارنة بين عنوان استخدمته لبوستي ( و أنا التي ليس لي ما لك من أدوات اللغة..و لا أمتلك من المواهب ما يجاري ملكتك الخطابية..)
غير أنه ربما صاغه إحساس مختلف..و هو إحساسي بفخر سوداني .. يجب أن يزف لكل السودان..و إحساسي أنني أنقل للجميع إنجاز أخيهم و ليس أخي وحدي..
فكلهم لهم فيه.. ما دام الدم سوداني..
و لا أخفيك أنني حين كتبت كلمة(فخر سوداني آخر)..كنت أنت و آخرون من أصحاب الإنجازات العظيمة في ذهني..و كنت فخورة أنه يسير في ذات الطريق..
ثاني أسبابي هو أنه كان بداية انطباعاتي السلبية عنك.. (ليس لأنك لم تهنئني في مناسبة خاصة) عليك الله ما بين القوسين دا تحتو عشرة خطوط..لأنو المناسبات الخاصة.. فرح و عزاء ..المرت علي هنا ما شوية, يوم واحد ما لمت لي زول.. لأني بأكون متلومة مع معظم الناس..!!
لكن لأنها كانت في نظري حدث و إنجاز علمي لأحد أبناء البلد في مجال يقارب مجالك جداً..و أنت الذي عودتنا على نقل أخبار مثل هذه الإنجازات.. فكان ما فهمته أنك تهتم بالإنجازات..فقط عندما تكون خاصة بك.. و ليس بآخرين...و إنت لو ظهرت فيك خصلة زي دي _و لسه بقول لا سمح الله _ما حتكون أول مبدع من مبدعينا ..فقد سبقك وردي..و هو عملاق في مجاله..و إن كان استقزامه للآخرين قد خفض كثيراً من رصيد الإعجاب به..في نفوس مثلي!!
ثالث أسبابي..كان أنني أردت أن أثبت لك أن النظرة السلبية التي تنظر بها إلينا كسودانيين ..تشملك يا ابن العم.. فإنت مننا و إلينا حتى لو أنكر ذلك الإعلام البحريني و لم تر أنت فيها غضاضة..
فإن حاولت إلصاق صفة الحسد بالسودانيين..قد يأتي من يستخدمها في حق دكتور معز السوداني..
و ضربت ليك المثل بالإشارة و إنت لبيب..(يعني هل نقول إنك ما اهتميت بخبر تفوق أحد أبناء بلدك..حسادة منك؟؟!!!)
دا ما سؤالي الحقيقي..دا مثل لنوع الكلام الممكن تكون جبتو لينا كلنا و لروحك كواحد مننا!! الشرح الكتير دا ما ليك.. لقيقا أخوي .. و من قد يلف لفه !!
....
أتمنى انو تكون النقطة دي وضحت عشان نجي للسيرة الأصلية..
و هي ثقافة الحقد..هل الحسد سوداني!!!!!!!!!!!!!!!!!!!!!!!
تبريرك ليها يا دكتور معز..و الله ألمني أكتر مما ألمتني كتابة البوست المعني من أساسو!!
قالها عبد الله الطيب..رحمه الله و طيب ثراه؟؟؟؟؟!!!!!
يا دكتور معز..
تعرف أول خاطر خطر ببالي شنو..؟
بكرة الموبايلات في الخليج تدور نكت..و تطلع كتب تتحدث عن و تفلسف( الحسد عند السوداني)!!
زي فكرة الكسل اللي من شدة ما كتروها معانا لما اقنعوا كتيرين مننا بيها... و بقى السوداني يحكي لغير السودانيين نكات عن كسل شعبو و أهلو ..ناسي انو في أول هفوة تحصل منو هو نفسو ..حتتحسب عليهو شهادتو من انو ولد كسالى ..و ابن الوز عوام!!!
يا دكتور.. منبرنا دا فيهو غير سودانيين..و فيهو سودانيين جهلة..و يطلع عليه غير سودانيين (جهلة برضو)..بكرة يشيلو كلامك دا و يقولو
السودانيين قوم يتأصل فيهم الحقد و الحسد..و قد أقر بذلك كبار أدبائهم و علمائهم..أمثال البروفيسور عبدالله الطيب..رحمه الله..و البروفيسور المعز عمر بخيت أطال الله عمره!!
كلام بروفيسور عبدالله الطيب إن كان قاله فهو غير منزل..و لا مقدس..و يحسب عليه..و هو في رأيي ما يثبت أنه كان انسان..يأكل القديد و يمشي في الطرقات ويخطيء كما كل البشر!!
فهل لم تجد يا دكتور معز في كل ما قاله االبروفيسور عبدالله الطيب ما تلصقه بنا بإصرار سوى هذا؟؟!!
......
و برضو ما ممكن تجي تقول الحسد سوداني...و ثقافة الحقد ثقافة سودانية..و بعدين تقول أنا ما عممت!!! يعني نحن برضو عندنا حبة مخ بيميز!!
.....
و فخرك بإنجازاتك (و هو حق مشروع.. و غير المشروع هو دمغ السودانيين بالسالب من طباع كل البشر..) اللي قصدتو أنا ما كان صريح (و إن كان ضمني) في بوست ثقافة الحقد..لأ..أعتقد انك فهمت إني بأقصد معظم مواضيع بوستاتك الأخرى!!!
...
يا دكتور معز..أنا و الله ما كنت حألومك على كلامك لو كنت (مجرد سوداني).. لكن أنت الطبيب الأديب..العالم..و الأهم جداً..مرشح الرئاسة..يوماً ما!!
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
سلام يا قيقرواي.. و السلام المرة دي برضو (تحية و حالة داخلية..)
أنا برضو زيك كان ممكن أدي دكتور معز رأسي و أنا مطمئنة ألف لو حصلت فيهو حاجة ..بعيد الشر عنك و عني :))..
لكن بعد مداخلتك دي حأخاف جداً..لأنو بقى زي الفيها إيحاء بإنو سناء دي و الله عندها معاك تار و لوم غير مؤسس..
و لا ما بتعرف تميز العظماء..و لا أي حاجة..و إنت كبير و إنت عظيم و ما تتلفت للحاقدين..أو كما أوحت مداخلتك!
ياخي أنا أول ما لقيت اسمك فرحت و قلت أهو قيقا جاء..خلاص أنا ممكن أشتغل شغلتي و أنا مطمئنة.. وقت ما ألقى فرقة بجي..و الله هسة الساعة ماشة لتلاتة صباحاً..و أنا بكرة من الصباح شغالة.. يوم إجازة الناس..لكن لقيت التأخير أكتر من كدا و خاصة بعد كلامك جريمة في حق الاسمو السودان دا!!
كويس إنك لفت نظر الأخ هشام و نظرنا برضو للتنميط السالب في كلامو.. لكن إشمعنى ما فرق معاك تنميط دكتور معز؟؟
و هل دكتور معز كبير على النقد؟؟
بالعكس..أنا أولى عندي دكتور معز بالنقد لأنو كرر الإساءة دي للشعب السوداني (و ما عندي ليها تسمية تانية..حتى لو كان قايلها عبدالله الطيب)..أكتر من مرة و فاتح بيها بوستات عديل..يعني بالنسبة لأي متصفح للموقع دا يكفيهو يلتقط عناوين د.معز .. دون قراءة البوست..ليصنع منها مقالة أو كتاب أو نكتة تسير في المجالس عن حسد السودانيين!!
و لأنو د. معز مرشح رئاسة..سابق أو لاحق..فهو خت نفسو في المنصب دا و طالب بثقتنا..جماهير الشعب السوداني (الحاسد)!!
عارف و قادر تتخيل رئيس ..عندو إحساس زايد بالعظمة..و عندو قناعة إنو شعبو دا شعب حاقد و حاسد فقط لا غير!!
يا قيقا نحن كايسين الخلاص..ما كايسين ورطة جديدة..!!و الدكتور معز كان ممكن يكون مرشح مثالي..لو تضاءلت فيه الأنا..و تضخم فيه الوطن..شيئاً ما!!
تجي انت تهرشنا..و تنفخ ليهو الأنا بتاعتو زيادة!! يعني يا قيقا انت بتقول لينا لا تحلموا بعالم سعيد..!!!!
بعدين يا قيقراوي يا أخوي..عالم سوداني دي ثبّتّها أنا..ما دكتور معز..!!
و على السيرة دي..مشيت قبل ما أجي هنا للبوست بتاع ثقافة الحقد.. و بصراحة كان نفسي ألقى حاجة تخفف استيائي من البوست ..عشان أجي أقول لي كلمتين فيهم تطييب خواطر و امش أندفس أنوم..
لقيت فيديو بيتكلم عن الإختراع الخير للدكتور معز و مركز الجوهرة..
للأسف و أنا بأشوف في الفيديو حسيت بالمغصة..ما بالفخر!! و الحمدلله ما حاسدة و لا حاقدة..!!
حسيت بالمغصة لأنو ما بالغلط جات سيرة انو د. معز سوداني..دا حتى اسمو اتنطق في التقرير بالطريقة المصرية!!
عرّف كالآتي..الأستاذ الدكتور معز عمر بخيت أستاذ علم المناعة و اخصائي المخ و الجهاز العصبي..
ثم مباشرة اسم زميلته في الأبحاث..
الباحثة البحرينية صفاء طه!!!!!!!!!!!!!!!
لاحظ انو أنا شفت الفيديو دا قبل شوية لأول مرة يعني بعد ما كتبت مداخلتي الأولى هنا.. و اللي كتبتها من ملاحظات تراكمت على مدى سنوات هنا!!
معقولة الحاجة دي ما اتغيرت طوووول الزمن دا؟ و معقول دكتور معز ما حصل لاحظ ليها..و معقول ما حركت فيهو غيرة على بلدو..و معقولة ما ضايقو ذكر جنسية زميلتو البحرينية و تجاهل جنسيته هو؟؟؟؟!!!!!!!!!!!!!
معليش يا قيقا..
السودان عندي_ و عندك أكيد_ أكبر من إنجازات أبنائه..أو إخفاقاتهم
و زعلي للسودان كان أكبر من فرحتي للدكتور..و لمركزه (البحريني)!!
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
الحبيبة سناء خالد،
قريت كلامك كلو
واستنشقتو حرفاً حرف..
ما عندي إضافة أو رد زيادة على ما ورد في ردي الأول
لأنني تعاملت معه بمنهجية فيما قمت أنت بطرحه،
لكن مداخلتك الثانية فهي عاطفية للحد البعيد
ولا تجد مني سوى التقدير والإحترام..
ويظل السؤال قائما:
هل الحسد سوداني؟
وكما ذكرت في ذلك البوست رداً على بعض المتداخلين الذين اتهموا السؤال بعدم العلمية:
Quote: العلمية تعتمد على المنهج
والمنهج يبدأ بتساؤل
والتساؤل يحتاج لوسائل وطرق للإجابة عليه
وعندما طرح العالم عبد الله الطيب التساؤل فقد كان علمياً في طرحه
ونحن ننتظر منهجكم العلمي في الإجابة عليه
فالإجابة تبدأ بالسؤال والظاهرة قد تم بيانها
لكننا لمن نقرها بل لفتنا النظر إليها
كما لم نعممها
فلا أدري أي علمية تتحدثون عنها فالذي قدم ليس دراسة إنما مجرد ملاحظات استدعت الوقوف والتأمل
لا أكثر.. |
أما حكاية ما ننتقد ظواهرنا السالبة في أي مكان عشان الناس زي ما اتهمونا بالكسل ما يتهمونا بالحسد
او لو تحدث شخص عما يراه غير حميد في مجتمعه معناها إساءات للشعب وللأمة
أو عدم ذكر سوداني في التلفزيون البحريني وقالوا بحرينية
فهو يدخل في إطار النهج العاطفي والهاشمية
لكن له اعتباره ايضاً..
ما التلفزيون السوداني قال سوداني
ولا ذكر البحرينية من أساسو!!!!
..
شكراً لك يا سناء على كل شيء..
ولك تحياتي ومودتي
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: قيقراوي)
|
الجميل قيقراوي،
وأنا أنحي تحية اجلال واحترام لشخصك الكريم
وأرفع قبعتي تعظيماً لك
ورأسي عالية تناطح السماء طولا..
ماذا أقول سوى شكراً معتقاً بالنبل والإمتنان.
سأحتفي بكلماتك بعيداً عن أعين البشر
فهي وقود يمنح القدرة على العطاء والإستمرار
ويجعلني أتتبع خطاي بحذر ووعي
لأن حولي ومعي رائعون مثلك..
وآخرون..
لك محبتي واحترامي
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: محاسن زين العابدين)
|
الحبيبة محاسن زين العابدين،
شكراً جميلاً لك يا محاسن
الطب والشعر في شغاف القلب
والسياسة هي فن الحياة
وأنا شاطر جداً فيها والله
ولكن أكثر الناس لا يعلمون..
بس انتظريني شوية
الخيول الكريمة بتجي في اللفة..
والسياسيون بتاعين السودان ديل ما عندهم فكرة عن السياسة نهائياً عشان كده حالنا مايل
مقالي القادم بعنوان «سياسيون فاشلون» وأتمنى أن تتابعيه هنا أو على سودانيل أو على موقعي في منتدى عكس الريح،
أو في جريدة الأهرام اليوم الثلاثاء 16 فبراير وكل ثلاثاء.
وبه إجابات شافية حول ما سقتيه من تساؤلات.
أما عن العمل الطوعي فقد تم عن دراية ودراسة
وأتفق معك حول ما سقتيه في هذا الشأن..
شكراً نبيلاً لك مرة أخرى
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Dr. Moiz Bakhiet)
|
دخلت هذا البوست لألقي التحية لأخي الفاضل أخو الأخوان البروفسير المعز بخيت ..
وللأخ الرفاعي حجر وضيوفه الكرام ..
وبدون تطبيل ولا تضليل يا جماعة أرجوكم أن تتركوا لنا هذا العالم الجليل في حاله .. فهو طبيب يداوي جروح الجسد وجراح الروح .. وهو رمز نفخر به وينبغي أن يفخر به كافة السودانيين ..
| Quote: أنا واحدة من الناس كنت واضعة تصور جميل لشخصك.. |
الأخت سناء خالد .. لو عرفت شخص الأخ معز سوف تزداد تلك الصورة ألقاً.. أرأيت كيف كان رده جميلاًً على كلامك القاسي؟؟
| Quote: ما قلل منو_ رغم انو أثار استغرابي_ ..كونك لم تكن أحد المهنئين رغم تواجدك بالبورد وقتها على الانجاز العلمي الذي حققه شقيقي و تحدثت عنه في بوست بعنوان فخر سوداني آخر..الدكتور أسعد خالد محمد علي ينال جائزة العلماء الشباب (باكستان) |
أولاً تقبلي مني التهنئة بهذا الإنجاز لأخينا الدكتور أسعد خالد .. وهو منبع سرور لنا وفخر للسودان ..
ولكن اعلمي يا أستاذة سناء .. أن المنبر أصبح سريعاً هذه الأيام .. وقد لا يستطيع العضو متابعة كل المواضيع ,, وكثيرا لا أعلم بوفاة عزيز لأحد الزملاء إلا بعد فترة أو بعد أن يكتب الشكر والعرفان لمن واساهو .. إن كان هذا حالنا نحن فكيف بالبروفسير معز وهو ذلك العالم المضطلع بأمور كتيرة ومعقدة ..
فلا يجب أن يجعلك هذا الأمر تخرجي هذا الكلام العجيب جملة واحدة دون تثبت .. بل ويجعلك تغيري نظرتك لشخص يجب أن يظل في المكان اللائق به كعالم في نفوس السودانيين.
خالص الود ..
جاد
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: JAD)
|
Quote: سلام يا قيقرواي.. و السلام المرة دي برضو (تحية و حالة داخلية..)
أنا برضو زيك كان ممكن أدي دكتور معز رأسي و أنا مطمئنة ألف لو حصلت فيهو حاجة ..بعيد الشر عنك و عني :))..
لكن بعد مداخلتك دي حأخاف جداً..لأنو بقى زي الفيها إيحاء بإنو سناء دي و الله عندها معاك تار و لوم غير مؤسس..
و لا ما بتعرف تميز العظماء..و لا أي حاجة..و إنت كبير و إنت عظيم و ما تتلفت للحاقدين..أو كما أوحت مداخلتك! |
سلام و سلام يا دكتورة
صدقيني د. معز استثناء قاعدة - او خلينا نقول ( ملاحظة ) اخونا هشام - يا سناء ، اسمعي كلامك اخوك
و اهو دا راكز ما شاء الله و صدرو يسع كل درابكم دا .. تلقوا ليكم رئيس وين يسمع منكم ، و يقعد يناقشكم ؟
بعدين ما عشت لو قصدت اي حاجة من الذكرتيهو فوق دا !! . . كان ما المعزة ساي كان جليت مداخلتك عادي . . لكن بتهميني يا ستهن ، قلت نسقيك من نفس الكاس ، اها الطعم كيف ؟ . . يا زولة و الله اتنين منك و هي تعمر
لكن يا سناء بالجد - بعد الشكر الجزيل لخط الاستواء الحرر نفسك - المطلوب جنس كلامك الحراق دا ذاتو . . بس بإتجاهين
اصلو الجراحات حراقة و البلد الاشقاك حبو دا عللو كترت و على شفير الموت ، اها نلحقوا و لا نقعد نغني مع الخليل في :
نحن و نحن الشرف الباذخ ؟!
يعني عشان ما الناس يشيلوا حسنا نقعد نغش نفسنا ولا كيف ؟
قولي علي مجنون او بهذي او وصلت حد الزهج من كل الاشكال التقليدية و الصور المكررة و الاسطوانات المزيفة و المشروخة دي
او قولي حالم عديل ، لكن خلينا نجرب دولة الشعراء امكن يبنوا وطن للحب . . ما نجرب ياخ كإحتمال اخير ؟ . . ح نخسر شنو ؟
اها شوفي الكلام الببكي جد جد
مجانية أحلام هذا الشعب حين حملق في سقوف النخل
مجانية أحلامنا..
لو علقت بالنخل ما صمدت أمام الريح
و لو دست بإحكام تهاوت تحت أقدام الطغاة
و نحن الساكتون عن القضية كي نحوز على جواز الانتماء..
عاديون في أعيادنا...
متسامحون مع اللصوص...
نصلي صوب أحزان المساء
و نشرب في ليالي العرس نحلم بالبنات و ندعي مجدا من الأسمنت ,
أو طقسا من البارود, و الكرم المؤزر بامتلاك الأرض و الثروة
فلو كنا من الغابات حقا ..
لما تركت جموع الناس هذا العسكر المأجور- يرفل في الخضار بإسمنا
و لو كنا من الصحراء حقا ..
لقاتلنا الرعاة على جذوع النخل, ذدنا عن مياه النيل - آخر ما ادخرنا- للبقاء على مسارحنا
و لكنا كما نبدو هجينا نيئا لتلاحم الغابات و الصحراء, إذ يرتاح فوق رؤوسنا
التجار
و السمار
و الفوضى
و تحكمنا القبائل و الجنوووووووووود
تبا لهذا الإنطهاق المستفز
فهذا الخصي يشنق كل أحلام الطفولة
و هذا الوضع يتهمنا بالنضال و ينتهكنا واعيا بأزيزنا في الشارع المفقود
أين الشوارع كي نعلق معطيات المرحلة ؟
بل أين المراحل كي نفتش عن طريق لا يضل طريقه نحو السياسة ؟
إن المراحل تغتصبنا في الحروب لتشتري دخانها اليومي من سوق العساكر
إن العساكر باعة يتجولون على أزقتنا , يبيعون الدعارة للذين يراهقون بشعبنا
كانوا كهولا ملتحين و راهقوا
ربحت تجارتهم
و مات البائعون دماءهم من اجل أن نمشي على أقدامنا
و نحسها تمشي – فنمشي نحو أفق لا يصله الباعة المتجولون
دعارة أن تشتري من عسكر شيئا لتحكم دولة الجوعى
و دعارة أن تستبيح الوعي كي تسري إلى ثرواتنا ليلا
فلا مسجدا أقصى وصلت
و لا وحيا أتاك من البعيد
ولا ارتفعت بمستواك إلى القضية
إن القضية أن توازي ما علمت بما تمارس من سلوك
و أن تمشي إلى الأشياء و أنت تدرك أنها الأشياء
و أن تبقى مع صوت الحقيقة- أينما اتجهت - لكي تبقى دليلا للحياة
من نص " المشنقة "
تاج السر جعفر الخليفة
الخرطوم 1994 م
يا سناء يا اخية
ياخ انضمي لحملة رئيس شاعر و عالم . . فترنا ياخ من العساكر و غير المرهفين ديلاك . . كفاية ! . . كفاهم ياخ !!
يا سناء يا دفعة ياخ 16 و 21 سنة عساكر باقي كم من الـ 50 سنة ؟ الباقي سخف و كيزان و طائفية و فوضى احزاب . . حدو وين الكلام دا ؟!
يا سناء و الله سعيد بكتابتك هنا
و أعفي لي القلقلة و سهرك
و برضو مشتاقين
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: قيقراوي)
|
قيقا يا أخي..
كنت أتمنى أن يتسع صدر الدكتور معز أكثر.. حتى يكون حقاً في محل العشم..
عشمكم في أن يكون استثناء لقاعدة هشام زي ما سميتها..
و عشمي ..في أن يرى ما نراه ينتقص من كفاءته.. فيعالجه
لكن قعدتو تقولوا شوفوه صبر عليك.. و شوفيهو استحمل النقد.. و صدره واسع!!
لحدي ما حسستوه انو عمل حاجة خارقة و اتنازل كتير و كدا كفاية ..!!
دكتور معز لم يتحمل النقد.. و لا صمد لحوار..
فقط أغلقه بطريقة مهذبة..
و التهذيب ليس بغريب.. و لا كثير منه.. هذا أقل ما يتوقع منه.. دا الحد الأدنى
مش بس كسياسي يجب أن يتحلى بالدبلوماسية..
لأ..
كطبيب. كعالم.. كأديب..
بل كإنسان .. إنسان سوي جداً
...
أنا ما جيت بأمل في حوار صحي..
أنا جيت بأمل في مستقبل صحي..
بأمل في رئيس ما يسمع كلام البيضحكو..
في رئيس ينشد الكمال الإنساني.. و لا يعتقد أبداً أنه وصل إليه!
.....
ما كنت بأتكلم بعاطفية .. كنت بأتكلم بوعي كامل أن للبشر سلبيات..
و لكن أرفض تنميط السودانيين تحت مصطلحات بغيضة مثل حقد.. و حسد.. و كسل!!
هل انتو مقتنعين انكم بتعالجو في ظواهر..؟!
الحسد ما ظاهرة ..و ما جديد..
الحسد مرض اجتماعي قديم قدم الخلق..منذ قتل قابيل هابيل
و ليس محدود بوطن!!
و لا له لون..
......
أخرجو السالب تحت ضوء الشمس و عالجوه..
لكن لا تمنحوه جنسية..
صدقوني
إن فعلتم.. سيقيم بينكم حينها للأبد!!
____________________________
كلام في سرك...
تاج السر خليفة لو ينزل.. أنا أول متطوع في حملة الرئيس الشاعر!
و .
نحن أيضاً مشتاقون..
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: JAD)
|
حبيبنا جاد،
تسلم يا زول يا جميل..
والله يا جمال بيني بينك انا فترت من النقة
لكن في نفس الوقت التواصل مع الآخرين جميل
وبعمل تغيير من ضغوط العمل..
العالم دي قدر ما تقرب ليها
يشبكوك نرجسي وحب الذات وأنا وأنا..
تفوت فيهم وانت قافل القزاز نظام طناش يعني
يقولوا ليك برج عاجي وشايف نفسوا وما بعرف شنو
لكن برضهم لذيذين وبونسوا..
كلامهم الفيهو موضوعية بلقى اعتبار
والكلام (الساي) ببقى كلام (ساكت).
حلوة كلام ساكت دي
يعني كلام صامت لا يتحدث..
يديك ألف عافية حبيبنا سيد الناس
| |
|
|
|
|
|
|
|
|
 Re: البروف المعز عمر بخيت مع الاحترام لحظة من فضلك !!! (Re: Dr. Moiz Bakhiet)
|
Quote: العالم دي قدر ما تقرب ليها
يشبكوك نرجسي وحب الذات وأنا وأنا..
تفوت فيهم وانت قافل القزاز نظام طناش يعني
يقولوا ليك برج عاجي وشايف نفسوا وما بعرف شنو
لكن برضهم لذيذين وبونسوا..
كلامهم الفيهو موضوعية بلقى اعتبار
والكلام (الساي) ببقى كلام (ساكت).
|
إهداء.. إلى .. قيقراوي
________________
I just pointed!! Didn't even need to scratch
!!!
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: JAD)
|
| Quote: لأخت سناء خالد .. لو عرفت شخص الأخ معز سوف تزداد تلك الصورة ألقاً.. أرأيت كيف كان رده جميلاًً على كلامك القاسي؟؟ |
يا أستاذ جاد..
أنت بحاجة لتتمهل و تقرأ..
_______________________________________________________
الرمز في بروفايلك يقول أنك من جماعة.. سير سير يا بشير..
بالتأكيد إن احتجت شهادة يعتد بها.. فلن تكون لأحد من جماعتكم!!
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
Quote: العالم دي قدر ما تقرب ليها
يشبكوك نرجسي وحب الذات وأنا وأنا..
تفوت فيهم وانت قافل القزاز نظام طناش يعني
يقولوا ليك برج عاجي وشايف نفسوا وما بعرف شنو |
قال معاوية رضي الله عنه: كل الناس اقدر ان ارضيهم إلا حاسد نعمة.. فانه لا يرضيه إلا زوالها.
وقال الشاعر:
كل العداوات قد ترجى إماتتها *** إلا عداوة من عاداك عن حسد
الأخ الحبيب بروف معز .. حياك الله وبياك .. وأعانك .. وعصمك من سهام الحاسدين المسمومة ..
كل هذا الانتقاد المتلون والكلام المزور مرده إلى الحسد الذي يشتعل في القلوب الخبيثة التي تحمل الحقد ..
لك وللأسرة الكريمة أطيب أمنياتي،،
جاد
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
Quote: العالم دي قدر ما تقرب ليها
يشبكوك نرجسي وحب الذات وأنا وأنا..
تفوت فيهم وانت قافل القزاز نظام طناش يعني
يقولوا ليك برج عاجي وشايف نفسوا وما بعرف شنو |
قال معاوية رضي الله عنه: كل الناس اقدر ان ارضيهم إلا حاسد نعمة.. فانه لا يرضيه إلا زوالها.
وقال الشاعر:
كل العداوات قد ترجى إماتتها *** إلا عداوة من عاداك عن حسد
الأخ الحبيب بروف معز .. حياك الله وبياك .. وأعانك .. وعصمك من سهام الحاسدين المسمومة ..
كل هذا الانتقاد المتلون والكلام المزور مرده إلى الحسد الذي يشتعل في القلوب الخبيثة التي تحمل الحقد ..
لك وللأسرة الكريمة أطيب أمنياتي،،
جاد
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
| Quote: الرمز في بروفايلك يقول أنك من جماعة.. سير سير يا بشير.. |
الأستاذة سناء خالد ..
تحية طيبة،
وإنت كمان صورة بروفايلك دي بتدل على أنك بنت حنكوشة وعندك مجموعة قطط وسلاحف تصرفي علي أطعامها والعناية مبالغ ربما لم تراودك نفسك يوماً أن تصرفيها على المساكين بجوارك ..
لكن أقوليك حاجة .. لك مطلق الحرية ولا تثريب عليك وأنا ذاتي بحب القطط .. وبحب ست القطط ذاتو ..
نعم:: سير سير يا بشير .. وإلى الأمام لمزيد من التعمير .. ولمزيد من الحرية وتثبيث الممارسة الديموقراطية ..
ولو عندك أي بديل مناسب وأفضل بالله دليني عليهو .. أنا مرابط في المنبر دا من سنة 2002م أنظر واقرأ بقلب مفتوح للجميع .. بس للأسف ما فيش بديل لحدي الآن يقنعي لتأييده .. فتأييدي للمؤتمر وللبشير لأنه الأفضل في الساحة الآن..
محبتي لك وللقطط ..
جاد
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: JAD)
|
شكراً عظيماً حبيبنا سامي عبد الوهاب
شكراً مقدراً جاد
شكراً نقياً قيقراوي
شكراً أنيقاً سناء
وختاماً شكراً للغالي الرفاعي
وكل الأحباب في البوست
أعتقد انني أجبت على التساؤل المطروح في البوست
عن أسباب عدم الترشح
وأكتفي بهذا القدر ليدوم الود والحب القديم..
احترامي للجميع
مدخل للخروج:
يولي المحبة قومه منحوه أم بخلوا بها.. يكفيه فخراً أنه أدّى الرسالة وانتهى..
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Dr. Moiz Bakhiet)
|
ترتيب المداخلة الصحيح..هنا!
_______________
قيقا يا أخي..
كنت أتمنى أن يتسع صدر الدكتور معز أكثر.. حتى يكون حقاً في محل العشم..
عشمكم في أن يكون استثناء لقاعدة هشام زي ما سميتها..
و عشمي ..في أن يرى ما نراه ينتقص من كفاءته.. فيعالجه
لكن قعدتو تقولوا شوفوه صبر عليك.. و شوفيهو استحمل النقد.. و صدره واسع!!
لحدي ما حسستوه انو عمل حاجة خارقة و اتنازل كتير و كدا كفاية ..!!
دكتور معز لم يتحمل النقد.. و لا صمد لحوار..
فقط أغلقه بطريقة مهذبة..
و التهذيب ليس بغريب.. و لا كثير منه.. هذا أقل ما يتوقع منه.. دا الحد الأدنى
مش بس كسياسي يجب أن يتحلى بالدبلوماسية..
لأ..
كطبيب. كعالم.. كأديب..
بل كإنسان .. إنسان سوي جداً
...
أنا ما جيت بأمل في حوار صحي..
أنا جيت بأمل في مستقبل صحي..
بأمل في رئيس ما يسمع كلام البيضحكو..
في رئيس ينشد الكمال الإنساني.. و لا يعتقد أبداً أنه وصل إليه!
.....
ما كنت بأتكلم بعاطفية .. كنت بأتكلم بوعي كامل أن للبشر سلبيات..
و لكن أرفض تنميط السودانيين تحت مصطلحات بغيضة مثل حقد.. و حسد.. و كسل!!
هل انتو مقتنعين انكم بتعالجو في ظواهر..؟!
الحسد ما ظاهرة ..و ما جديد..
الحسد مرض اجتماعي قديم قدم الخلق..منذ قتل قابيل هابيل
و ليس محدود بوطن!!
و لا له لون..
......
أخرجو السالب تحت ضوء الشمس و عالجوه..
لكن لا تمنحوه جنسية..
صدقوني
إن فعلتم.. سيقيم بينكم حينها للأبد!!
____________________________
كلام في سرك...
تاج السر خليفة لو ينزل.. أنا أول متطوع في حملة الرئيس الشاعر!
و .
نحن أيضاً مشتاقون..
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: Sana Khalid)
|
Quote: ما كنت بأتكلم بعاطفية .. كنت بأتكلم بوعي كامل أن للبشر سلبيات..
و لكن أرفض تنميط السودانيين تحت مصطلحات بغيضة مثل حقد.. و حسد.. و كسل!!
هل انتو مقتنعين انكم بتعالجو في ظواهر..؟!
الحسد ما ظاهرة ..و ما جديد..
الحسد مرض اجتماعي قديم قدم الخلق..منذ قتل قابيل هابيل
و ليس محدود بوطن!!
و لا له لون.. |
كلام مليان والله ..
الله يديك العافية يا أختي سناء ..
وكلامي الحمد لله ما وقع واطة لمن قلت بحب القطط والقطاطين ..
فهذا إقفال سلس ومدهش حشد فيه أطياف من البيان الساحر ..
شكراً جزيلاً ..
جاد
| |
|
|
|
|
|
|
|
|
|
Re: البروف المعز عمر بخيت مع الاحترام لحظة من فضلك !!! (Re: JAD)
|
Quote: ترتيب المداخلة الصحيح..هنا!
_______________
قيقا يا أخي..
كنت أتمنى أن يتسع صدر الدكتور معز أكثر.. حتى يكون حقاً في محل العشم..
عشمكم في أن يكون استثناء لقاعدة هشام زي ما سميتها..
و عشمي ..في أن يرى ما نراه ينتقص من كفاءته.. فيعالجه
لكن قعدتو تقولوا شوفوه صبر عليك.. و شوفيهو استحمل النقد.. و صدره واسع!!
لحدي ما حسستوه انو عمل حاجة خارقة و اتنازل كتير و كدا كفاية ..!!
دكتور معز لم يتحمل النقد.. و لا صمد لحوار..
فقط أغلقه بطريقة مهذبة..
و التهذيب ليس بغريب.. و لا كثير منه.. هذا أقل ما يتوقع منه.. دا الحد الأدنى
مش بس كسياسي يجب أن يتحلى بالدبلوماسية..
لأ..
كطبيب. كعالم.. كأديب..
بل كإنسان .. إنسان سوي جداً
...
أنا ما جيت بأمل في حوار صحي..
أنا جيت بأمل في مستقبل صحي..
بأمل في رئيس ما يسمع كلام البيضحكو..
في رئيس ينشد الكمال الإنساني.. و لا يعتقد أبداً أنه وصل إليه!
.....
ما كنت بأتكلم بعاطفية .. كنت بأتكلم بوعي كامل أن للبشر سلبيات..
و لكن أرفض تنميط السودانيين تحت مصطلحات بغيضة مثل حقد.. و حسد.. و كسل!!
هل انتو مقتنعين انكم بتعالجو في ظواهر..؟!
الحسد ما ظاهرة ..و ما جديد..
الحسد مرض اجتماعي قديم قدم الخلق..منذ قتل قابيل هابيل
و ليس محدود بوطن!!
و لا له لون..
......
أخرجو السالب تحت ضوء الشمس و عالجوه..
لكن لا تمنحوه جنسية..
صدقوني
إن فعلتم.. سيقيم بينكم حينها للأبد!! |
سلام . . و سلام يا سناء . . و يا سلام
انت ليه ما تهدي لي الكلام المليان دا يا سناء ؟!
داك قريتو و ما عجبني تب . . اكضب عليك و لا على نفسي ؟
( المداخلة ) ديك احبطتني عدييييييييييييييل . . او ( اهبطتني ) زي ما قال في رواية غير ناطقة بها
Quote: كلام في سرك...
تاج السر خليفة لو ينزل.. أنا أول متطوع في حملة الرئيس الشاعر! |
حباب الاسرار . . سرك في بير تب . . انت عارفة اخوك سواط
عشان صيدلي ؟
اها دايرنو محاسب . . عشان يحسبا كويس ياخ !
---------------
اعذريني على التأخر في الرد . . و امسحيها في وش الزمن المشحتف خلقة دا
| |
|
|
|
|
|
|
| |
الرفاعي عبدالعاطي حجر
Dr. Moiz Bakhiet
معاوية الزبير
ابراهيم قناوي
عبداللطيف محجوب
ايمان بدر الدين
كمال ادريس
ناصر احمد الامين
Elsanosi Badr
Hisham Amin
تاج السر محمد حامد
عفاف الصادق بابكر
محاسن زين العابدين
قيقراوي
JAD
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست