دعواتكم لزميلنا المفكر د.الباقر العفيف بالشفاء العاجل
|
|
 سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف
|
كانت واحدة من ليالينا الحسان لا مجال فيها لغير الفرح والطرب من الاعماق
كان الفنان على السقيد بصوته المعطر شجنا ونأيا
وكان معتز القريش عازفا عادت انامله تداعب مفاتيح الاكورديون
وكان عماد عبدالله طِربا وجسّد اوجه الحضور رسما
وكان ضيف الشرف هشام المجمر الذى فشل فى مجاراة ود رملية رقصا
وكان كوستاوى متطفلا على سهرتنا بالهاتف
وكان باقى العقد الفريد من الاصدقاء
ونخلى الحكي للصور ... ولكم التّصور
|
|
 
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: عشة بت فاطنة)
|
Quote: والصور جميلة يا القريش
بس وين ؟ باقي العقد الفريد |
أهلا بت فاطنة منورة البوست والله
بالنسبة للصور أقول ليك بس ما تكلمي زول كويس
أنا بصراحة كدا حسيت اني بقيت مهضوم ـ
اتعب واصور وأعالج الصور واجي أنزلهم
يقوم كي كي الحرامي دا وصاحبو بهاء بكري يسرقوهم
وينزلوهم في بوستاتم البايرة (عشان يجيبو الناس طبعا)
أنا قبضتهم بالثابتة
أها قمت عملت شنو ـ
أنزل لي كم صورة كدا بس
والباقين بنرسلهم للناس العزاز
الما حرامية بالإيميل ويا دار ما دخلك شر
أها لقيتيني كيف ؟؟؟؟؟
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: Yassir Tayfour)
|
Quote: والله يا قريش الصورة شرط، والأكورديون أشرط..
عوداً حميداً يا مكاجر..
____
الصورة دي أنا عملتا ليها (سيف*) لأنك ما مضمون
بكرة تركبك الغنماية التكفيرية، وبطلعها ليك
* سيف، لا تعني ود مساعد، ولكنها save |
ياسر طيفور يا أخانا في الكأس والعنصرية
يا زول متعب نفسك مالك أولا لسة الجاي كتير
تانيا خلاص بقينا نعمل بوصية الخواف ربى عيالو
ودا طرفنا من مكاجرة الشيوعيين والجمهوريين
بس تاني هجيج ساااااااااااااااي
كدي أعمل (سيف مساعد) لي دي كمان
وشوف كان اديك فرصة تطلعا
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: معاوية الطيب)
|
ليلة ويا لها من ليلة ..
استمتعنا ، وسمعنا ، وضحكنا ، ورقصنا ، وفرفشنا ، كما شاءت لنا الفرفشة .
كانت سهرة حلوة ، والناس الفيها أحلى..
| Quote: انتو الشعور حالكة السواد دي بتعملوها كيف!! |
فوتوشوب بتاع مين يا سيد حسين ؟ يعني ما عارف عاملينها كيف ؟ والا دي حركات منك !!
بدرالدين (إتنهد) ليك وختاها ليك واضحة :
| Quote: تنهدات : في هذا الزمن ياملاسى العطار يصلح ما أفسده الدهر |
بعدين انت (الجماعة) مش متهمينك بانك (كوز) طيب إنت ما سمعت بي (اليهود والنصارى لا يصبغون فخالفوهم)؟. (فقه السنة - الجزء الثاني - الطبعة الاخيرة - الصفحات تمنية وعشرين وانت طالع).
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: Salah Abdulla)
|
Quote: يا معتز ..
ياخي أنا أمبارح مش كلمتك وقلت ليك بالحرف :
(( ما تركّز على نفسك وعلي مديرك ؟؟؟))
أجي القاكم متزلين صوركم (كالعادة) ..
أها جبتو لينا الكلام وطلعتونا( مُلمعّين )
وأنا من دربي ده ماشي أجيب لي كاميرا ، وأصور نفسي ، وأعمل بوست وأسميه
(ليلة معاي براي) وأنزل صوري الأنا صورتها لي والمّع نفسي ( ومافيش حد أحسن من حد ). |
ما كفاية جبنا أخوك في العناوين الرئيسية
يعني نجيب الأسرة كلها عناوين
ليي اصلو الحفلة في شقتكم ولا ابوست فاتحينو انتو
أها هاك اتلهي
صلاح عبد الله ـ أخو عماد عبد الله البرسم فوق دااااااك
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: الزوول)
|
Quote: السلام عليكم
مرحب بعودة بالأخ الظلامي
وجعل الله ايامكم جميعها افراحاً
وشكراً بورداب الدوحة على نثر الفرح بيننا
........................
تخريمة:
عدل الإمضاء بصورة مؤقتة احتفاء بعودة الأخ معتز
........................
(عودة) عصافير الخريف في موسم الشوق الحلو |
الزوول ـ كيفنك يا الحبيب
تسلم على المرور وكلامك بي هناك عجبني بلحيل
خلاص سلامك وصل شوف الهجيج دا وقوم فرتق ـ اركب الزلط
أنا بقت تجيني كاروشة من الأسماء المنبرية المستعارة دي
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: معتز القريش)
|
والله يا ود عمي دي ذاتها التوبة النصوحة البقولو عليها ..
_______
يا زول إنت كمان لا (تتفركن*) ولا كمان تفكها شديد
*تتفركن من فرانكلي..
تعرف يا معتز عندي أخوي لما دخل المتوسطة، بقي أنصاري سنة، يا زول قام ليك علي الجلاليب قصرن خلاهن زي بيبان الحمامات.. والبناطلين خلاهن زي بناطلين عمال الصحة.. يا زول قعد ليك معاهم سنتين.. قبل ما يبقي أنصاري سنة كان حافظ ليك غنا حمد الريح من طرف.. ومرات مرات قبل المسلسل بنغني ونسجل.. أها بقينا نشغل ليهو التسجل.. وهو صوتو عالي.. "القمري فووووق فوووووق" أها لما يقول فووق دي نحن الضحك يشرطنا.. بعد ما تم مع أنصار السنة سنتين.. لقا نفسو فقد كتير جداً، وأكان على أعتاب مراهقة .. والدنيا بي خيره جكس وعييييييييييييك يا قول بشاشا.. وداير ليهو حاجة تفكو من الورطة الدخل فيها دي وما لاقي.. يا زول يوم في حفلة كده بتاعت أهلنا.. أكان نلقاهو ليك في النص شغال هجيج مبالغة.. المهم كسر ليك الحاجز.. لما رجعنا الحلة.. أي زول أديناهو الخبر.. وبقى عايش ليك علي كده.. أها لما مثلاً يجو بنات ويسلمو علينا، قاعدات يفطنو والحاجة دي مضايقاهو.. يقوم يقول ليهن ياخ أنا أنصار السنة خليتا، سلمو علي.. المهم قعد ليهو تاني زي سنة كده عشان يزيل آثار أنصار السنة منو.. زمان يحرج في البنات ما بيسلم عليهن، ولمان بقو يفطوهو بقت ليهو حارة..
_____
غايتو إنت إنت بروفايلك ده لازم تخلي فيهو صورة لمعتز (خليعة) عشان الناس تديط راحتك وتاخد راحتها
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: Yassir Tayfour)
|
Quote: والله يا ود عمي دي ذاتها التوبة النصوحة البقولو عليها..
_______
يا زول إنت كمان لا (تتفركن*) ولا كمان تفكها شديد
*تتفركن من فرانكلي..
تعرف يا معتز عندي أخوي لما دخل المتوسطة، بقي أنصاري سنة، يا زول قام ليك علي الجلاليب قصرن خلاهن زي بيبان الحمامات.. والبناطلين خلاهن زي بناطلين عمال الصحة.. يا زول قعد ليك معاهم سنتين.. قبل ما يبقي أنصاري سنة كان حافظ ليك غنا حمد الريح من طرف.. ومرات مرات قبل المسلسل بنغني ونسجل.. أها بقينا نشغل ليهو التسجل.. وهو صوتو عالي.. "القمري فووووق فوووووق" أها لما يقول فووق دي نحن الضحك يشرطنا.. بعد ما تم مع أنصار السنة سنتين.. لقا نفسو فقد كتير جداً، وأكان على أعتاب مراهقة .. والدنيا بي خيره جكس وعييييييييييييك يا قول بشاشا.. وداير ليهو حاجة تفكو من الورطة الدخل فيها دي وما لاقي.. يا زول يوم في حفلة كده بتاعت أهلنا.. أكان نلقاهو ليك في النص شغال هجيج مبالغة.. المهم كسر ليك الحاجز.. لما رجعنا الحلة.. أي زول أديناهو الخبر.. وبقى عايش ليك علي كده.. أها لما مثلاً يجو بنات ويسلمو علينا، قاعدات يفطنو والحاجة دي مضايقاهو.. يقوم يقول ليهن ياخ أنا أنصار السنة خليتا، سلمو علي.. المهم قعد ليهو تاني زي سنة كده عشان يزيل آثار أنصار السنة منو.. زمان يحرج في البنات ما بيسلم عليهن، ولمان بقو يفطوهو بقت ليهو حارة..
_____
غايتو إنت إنت بروفايلك ده لازم تخلي فيهو صورة لمعتز (خليعة) عشان الناس تديط راحتك وتاخد راحتها |
أخانا في العنصرية والهجيج
يا زول والله عشان القصة الطويلة دي كان تشيل الصورة دي كمان
يا زول أنا حلفت بتدور تطلق النسوان ـ يازول ديل تلاتة
هسة يفكو ياتا ويخلو ياتا
يازول حرّم كان تحفظها مع أخواتها
عنكبة : عليك الله ما تقول الروووب عشان أجيب باقي الصور (قال سلفي قال)
الناس ديل مطرطشين ـ بس تزنقن في شئ يقولوا ليك سلفي ـ كوز ـ أمنجي
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: Adil Osman)
|
بالله يا أخوانا شوفوا جنس الكلام التحت ده
Quote: تنهدات: ياكيكى ودالقريش رقص وماغتى دقنو
لكن لزومو شنو غتغت الكبابى مش ملاحظ ان كل
الصور مقطوعة من حد الكبابى على العموم كتر
خير أساسى النقش صور القزاز وصاحبك حتى الآن
شغال يغتغت فى الكبابى |
إنت يا زول ماك نصيح؟عايز تجيب للناس مشاكل والا شنو؟
يا زول ما تخلي الجن البتسوي فيهو ده.
عليك الله با بدر أمشي أعلنها في (هنا أم درمان) وماتنسي
وإنت جايي تجيب معاك ناس ( النظام العام ) ..
وبعدين أساسي كتر خيرو في شنو؟ عشان جاب ليك ( الثابتة)؟
فرحان أوي يا خويا؟؟
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: Hussein Mallasi)
|
و عن عن ثم عن عن , و عن و عن ..
مخير الله يا سيد حسين ..
صاحبنا حسين مرسيدس أيده الله يقول : شعرنا بقى زي الهبوت ..
عن شعري أنا فهو بقى هبوت شديد .. و كمان أشيب , و بيزهجني شكله الوسخان وسخان يا قول يارا بتي .
و بما أنه يقزي أعين بنوتي , و يكربن أمهم .. و ( يهضلمني ) كلما نظرت في المراية ..
و يذكرني بأصحابي الذين صار نصفهم مسبوقاً بـ( فلان رحمة الله عليه ) ..
و بما أنني كبقية خلق الله , أخاف كثيرا الهرم و الشيخوخة و بلاويها ..
فقد أفتيت أنا الفقير إلى رحمة مولاه إن شعري سيء الذكر ( يؤذي الآخرين منظره ) ..
و بما أنني مسلم و مأمورٌ بأن يسلم الناس مني ..
و بما ان رئيسنا الهمام ( و هو الراعي و نحن الرعية , و هو ولي الأمر .. و الأمر لله ) .
مشيرنا الرئيس يضرب بدف الصبغة السوداء التي حتى الخُدّج لا يتمتعون بها ( و يتسيد المنابر الإقليمية و الدولية و القارية و العالمية و التي بين بين , و يخطب بمنتهى الجدية التي تنكرها , و يقسم أيمانات اليمين المغلظات و يسييس ما شاء و يفرمن ما أراد , يخفض و يرفع على كيفو , و يقتعد مكان الرأس على رؤوسنا في قصره الزجاجي الأبيض على النيل الأزرق ) أظن الأمر أيضا هالك منظره , فأنت ( هوّال ) مناظر مثل تلك ..( كدا معقول ؟؟؟ ) .
لكل ذلك قررت بمحض إرادتي أن أديها واحد صبغة ( سوداء كقرن الخروب ) , و أن أكنكش قوي في بواقي الصبينة التي قيضها المولى لي , و أديها واحد إستمتاع أبو كديس للطيش , أو حتى إلى حين صاحب الوداعة ياخد وداعتو .
طيب , نجي من الآخر يا سحس ..
أخوك في الله من مواليد الخرطوم في اليوم الأربعتاشر لشهر تمانية من العام ألف و تسعمية و ستين , أطرب للغنا السمح و الحكي السمح و الناس السمحين و البلد السمحة , و الذي بيني و بين نفسي كويس جدا .
أها .. قصرنا معاك يا أخانا حسين ؟
خلينا نشوف حاجة تانية أفيد الله يرضى عليك .
توّرت نفسي ..
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: عبدالكريم الامين احمد)
|
كيكي الظريف ..
سلام يا أخو ..
تصدق القصة ما محتاجة لـ القصة في غاية البساطة ، والرد عليها أسهل ما يكون ، وأنا والله ما جبت حاجة من عندي ..
كلو (قال الله وقال الرسول(ص)). دي كمان فيها (غلاط) ؟؟
وبيني وبينك استغليت فتح ملاسي للموضوع ده عشان أغيّر الفهم المغلوط ، المسيطر على عقول (الكثيرين) جداً ، بسيطين ، ومثقفين ، عاديين وصحفيين (وتلك هي الكارثة)..
ناس بيرسخوا في مفاهيم (مقلوبة) فوق تحت .. والناس المساكين يقروا (ويآمنوا) ..
يعتي الواحد لمن يعمل حاجة مش مفروض أقل شئ يكلف نفسو عناء معرفة ، حكمها ، حلال أم حرام ، أم مكروه ، والا فيهو اختلاف ، والا ما عارف شنو كده ؟؟
قال (مثقفين) قال !!!
ربطوا الصبغة (بالجماعةاياهم) !! شفت ناسنا ديل (طيبين) وبسيطين كيف؟؟
| Quote: بالله جيب (سفة) ياخي |
تستاهل السفّة يا اصلي .. ما تقول (ممطر) جديد ، ومن الوطنية كمان ..
جرّ ليك كرسي وتعال نتونس لحدي ما ملاسي ده يرجع من مشوارو ده ..
الغريبة مرّ على الجيران ، وما جاء بي هنا ..
مافي مشكلة (برجاهو) ..
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: Ashraf el-Halabi)
|
أشرف يا حلبي ..
تصدق إنت زولي ؟؟
يا سلام عليك ذكرتنا أيام لا تنسى ..
قدر ما حاولت اتذكرك ما قدرت يمكن يكون (الكُبُر) حصل وصبغة (ملاسي) دي اثرت؟؟
Quote: صلاح عبد الله طلع هو قلوبة!!
كان الوحيد البنافس عمار السنوسي في شعبيته في الفرع
والله أيام
حا تقول لي ما عرفتك يا أشرف!!
حاول اتذكر الحلبي البرلوم الكان بيجي مرات مع صلاح محمد أحمد غرفة الموسيقى ويقول ليك غني لي (غريبة الدنيا)
وطالما المقام من حفلة بقى مقام صبغة، صلاح محمد أحمد كان الوكت داك مشيب
أها اتذكرت؟ |
تلك ايام لن تعود ...
تصدق صلاح محمد أحمد تحوّل رأسه الى (ثغامة) وهي كلمة ورد شرحهااعلاه للسيد / حسين إبراهيم ملاسي ..
واتزوج واتملأ (شُفّع) ..
بالله ذكرني بيك ، وده تلفوني 09745832005 ، أو منتظر منك رسالة بالماسينجر ،
نكمّل ونستنا بي غادي.
| |
|
|
|
|
|
|
|
|
|
Re: سهرتنا مع علي السقيد.. والقريش عازفا وعماد يرسم الحضور والمجمّر ضيفا وكوستاوي بالهاتف (Re: بدر الدين الأمير)
|
ما خص موضوع الصبغة و ما شابهه
الصبغة مالها
فيها أصلاح حال و كمان الإسلام نصح بيها
الداير يصبغ يصبغ يا جماعة وخلوكم من كلام ملاسى الما شاف فى الحفلة الجميلة دى غير صبغة الرجال
* مع العلم أننى لا أصبغ شعرى على الإطلاق وهو ملئ بالشيب وبقى زى الفول الجبنتو كتيرة
وبعدين ده ما رأى ضد الصبغة وإنما خيار شخصى فيما يخص المظهر
أحسن يا جماعة تنسو موضوع الصبغة الهجمنا بيهو ملاسى ده و نرجع نحكى عن حفلتنا الجميلة
أها قلت شنو يا معتز قريش؟ جاييك راجع
| |
|
|
|
|
|
|
| |
بدر الدين الأمير
معتز القريش
Hussein Mallasi
عبدالكريم الامين احمد
محمد عبدالرحمن
عشة بت فاطنة
نجوان
Yassir Tayfour
-1.jpg)
معاوية الطيب
الزوول
Elmosley
اساسي
ودالعباسية
عبد المنعم سليمان
Emad Abdulla
محجوب البيلي
Adil Osman
عمر الفاروق
هشام المجمر
صلاح الأحمر
أبو ساندرا
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست