دعواتكم لزميلنا المفكر د.الباقر العفيف بالشفاء العاجل
|
|
 العنقالية ابداع وتلقي ـ كمال على الزين وموسم الدفاع عن ناسى عجاج
|
الموسيقى عمل تجريدى بحت
الصوت البشرى هو صوت آلة
موسيقية تؤدى عمل تطريبى (انفرادى)
وخير مثال على ذلك قراءت القران ورفع الآذان
تنهدات: نطرب لاصوات الطيور بمختلف اجناسها والوانها
وكم هي عنقالية في ابتداعها لتلك الاصوات التى تأخذنا
جمالا وخيالا ـ وربنا إستشهد بان أنكر (الاصوات لصوت الحمير)
وترك لنا الخيار ان نختيار مانستحسنه من الاصوات بشكل فردى
ومن ثم نجمع عليه او يجمعنا وفى هذا الاصوات عديدة ومتعددة
فيها الماشى وفيها الغاشى
|
|
 
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: بدر الدين الأمير)
|
Quote: صديقى كمال
يكفرك ويكفر (كل الاضنين المامستجيبة لصوت نانسى عجاج)
وعشان تعبر عن تلقيك او تذوقك لصوت نانسى إن كنت غير
مستحسن له عليك اولا ان تأتى بشهادة تخرجك من (معهدموسيقى)
وبعداك عبر عن رأيك ـ في موسم كمال لاول مرة أعرف ان للتذوق
رشتات للتلقى والتذوق |
بدر الدين الأمير
التحية والمتقدير
ماتهجم كمال الزين ساااي يازول
الله بسألني كمال ما قال كده
كدي أقراهو تاني .. أقراهو بي مهلة وبنضارة محايدة
حديث كمال الزين يختلف عن ما ذهبت إليه أخى بدرالدين
لا .. بل حديثه بما يكون عكس ما ذهبت إليه
لكما المودة
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: صلاح الأحمر)
|
صلا يا ود الاحمر
لك جزيل الود والتقدير
تقول :
Quote: يمنع منعا باتا تقليد حسن عطيه
ومصطفى سيد أحمد ،لأنه لايجوز ،
|
ياسيدى ليس بمقدورنا فعل ذلك اويحق لنا طلب ذلك
والنقد نقوله لمن هو جدير بالنقد اما(من هب ودب )
شخصيا لايعنونى ولامعنى بهم .......
Quote: مع مودتي وخليك حنين على
كملي، برضو بنحبو،،،، |
ياسيدى المحبة وعدمها هي امر شخصى بحت زى التذوق والتطريب
اما الاحترام فهو شىء متبادل وانسانى فى المقام الاول شخصيا
احترم كثيرا من اختلف معهم لانهم يحرضونى على المعرفة يتحدونى بها
تنهدات: من باب الحكمة ياصاحبى ( كونك لاتحبنى هذا خيار كائن من كان
فى قبوله ورفضه للآخر لكن أنك لاتحترمنى هذا يعود لعيب فينى ويجب ان
اعمل على تغيره ... من باب احترام الذات قبل ان يتحول الامر لخداع الذات
وما ادراك الذين يخدعون ذواتهم الخوف عليهم ومنهم وكم هم محزنين .....
| |
|
|
|
|
|
|
|
|
 Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: ضحيه ابراهيم)
|
| Quote: لكن نحن فى زمن صناعة الفن والفنانين انا قد اختلف مع البعض وهذا رأى الخاص لا نانسى عجاج ولا شروق ابوالناس ولاليزا شاكر لهن علاقه بالفن بتاتا لكنهن وجدن فضاء اعلامى ومهللين كثر |
والله يا ضحية ختيته وردلببب ..
لكن يكون في علمك كلامك دا رطب بي ناس كتيرين ووقع ليهم في جرح ..
نفس الملامح والشبه ..
تتخيل نفس التلاتة اسماء دي سمع اضاني من زول فنان جدا قال نفس وجهة نظرك دي ..
ليزا بتشتغل جيتار بشكل جميل جدا .. واحسن ليها تستمر في الجيتار
وبدون تخصصية .. وبدون شهادات خبرة وليصانص احتراف موسيقي .. مسالة التلقي دي وااضحة جدا ..
الفنان فنان .. الغناي غناي .. والصوتو بياثر على المتلقي ويتمكن منو .. كلهم واحد
أمـا
المنطقة الوسطية
أو
تمان الباقي موية وسماحة دي حاجة تانية ..
الفابريتو الفي صوت الهادي حامد لو وزعوهو على كل مغنواتية هذا العصر لطفح ..
سلامات يا بدرالدين الأمير ..
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: معتز القريش)
|
يامعتز بالله خلينا في الموضوع الاساسي
وبدرالدين..دكتور دكتور انا ذاااتي متفق مع الاسم ده
ويلا يا دكتور
شايف كمال الزين رفع القزاز من البوست
ويا بدر الدين اعتقد عشان تعم الفائدة
خلونا كدي نتتكلم عن التذوق الفني وهل الفنان يتذوق في غنائه او في كل اشيائه المربوطة به
وبجيك لقدام نشوف نموذج الفنان (الصرعة) زي ما شفنا في الفيس برسلي وبوب مارلي واخريين...
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: بدر الدين الأمير)
|
الأمير بدر الدين ...
معاك تماماً فيما ذهبت إليه في بوستك .....
وكمال ما كان موفق ولا كان موضوعي في التعامل مع الآراء المنتقدة لنانسي ...
مش كده وبس ...
ياخي ده إستعداني عدييييييييل كده وإفترض إني إنتقدتها...
حالتي لا قلت الزولة دي صوتها ضعيف ولا حاجة ...!
وبعدين يا زووووول قام وصفني بالعنقالي ....
وإتتريق عليً كمان ( موسيقيين كبار......
الله يسامحه ، فقدكان وما يزال كاتباً أحترم كتاباته وأستلطفها للغاية ..
لكن كمان يا ود الأمير تعال هنا..
إنت زااااتك يا خوي برضو ما كنت موضوعي في أي شأن يتناول مصطفى سيد أحمد وتجربته ...
صح ولا لأ ؟؟؟!
يعني مثلاً لو قلت ليك مصطفى كانت عندو مشكلة في الزمن !!!
يعني بلغة ناس المزيكا قادي زمن ، أو بتلب من الزمن ...
وقد كان ، خاصة لمن يغني بالعود ,,,
أها ,,,,
بتواقثني ، وبتهضمها لي ...
ولا بتهدر دمي ,,,!؟
نحتاج فعلاً للموضوعية في النقد وتناوله والإستجابة ورد الفعل الموضوعي برضو ..
ولا ما كدي .؟!
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: عثمان دغيس)
|
Quote: لكن كمان يا ود الأمير تعال هنا..
إنت زااااتك يا خوي برضو ما كنت موضوعي في أي شأن يتناول مصطفى سيد أحمد وتجربته ...
صح ولا لأ ؟؟؟!
يعني مثلاً لو قلت ليك مصطفى كانت عندو مشكلة في الزمن !!!
يعني بلغة ناس المزيكا قادي زمن ، أو بتلب من الزمن ...
وقد كان ، خاصة لمن يغني بالعود ,,,
أها ,,,,
بتواقثني ، وبتهضمها لي ...
ولا بتهدر دمي ,,,!؟
|
هلا يا ابوعفان وحباب الموسيقي...
تعرف يا عثمان كلامك ده بسوق لنفس الاتجاه بتاع (الافتنان) بالفنان بمعني اخذ الفنان بكليتاته
وبدر فعلا واقع تحت خمر الشي ده مع مصطفي...واخريين مع وردي واخريين مع نانسي..
وده كلو جاي من امتصاص المستمع لهالة الفنان الطالعة من اغانيه,,,
ناس تتمتص الفنان في كل حاجاته حتي طريقة لبسه واكله وتسريحته (راجع جاكسون..وراجع بول جاسكوين عندما كان يصرع كل انجلترا في الكورة
لو جذ شعرةمن صوف راسو بكرة لندن وما جاورها كلها بتجذ شعرة من صوف راسها)
اتخيل لي الاشكال ما بين بدرالدين وكمال
هو امتصاص (هالة الفنان)
اصطدم امتصاص مصطفي سيد احمد عند بدرالدين مع امتصاص ابوكمال لنانسي
وحصل الكلاش
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: بدر الدين الأمير)
|
يابدر
اولن شى مشتاقين
تانين شى
شخصيا تعجبنى هذه الفنانة نانسى بدر الدين عجاج
زولة عارفة بتسوى فى شنو
وعارفة انها فنانة ودى مهنتها
يعنى لسان حالها يقول
" الغناء مهنتى "
اجمل حاجة فيها محترفة
يعنى دى تحسب ليها
فى زمن التخصص بقى صعب
يعنى ما قالت انها اى حاجة غير مطربة
ونحن الحياة مهنتنا
نسمع الغناء ونتنفسه
نصاحب الفنانين والفنانات الجميلات والجميلين
دا كلام حقى براى قاطعاهو من نص دقنوسى دا
ما عنده علاقة باى زول
وحاتك يالغالى وما طالبنى حليفة
البنية غناية ومتمكنة
وسمحة ولفتاتا غزال
واعادتنى الى الاستماع الى غناء جميل
طالما فارقته
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: بدر الدين الأمير)
|
عثمان دغيس
الفنان والقانونى او العكس
لك اجزل التقدير
تسألنى
Quote: لكن كمان يا ود الأمير تعال هنا..
إنت زااااتك يا خوي برضو ما كنت موضوعي في أي شأن يتناول مصطفى سيد أحمد وتجربته ...
صح ولا لأ ؟؟؟!
|
أكيد لأ
أماقولك:
Quote: يعني مثلاً لو قلت ليك مصطفى كانت عندو مشكلة في الزمن !!!
يعني بلغة ناس المزيكا قادي زمن ، أو بتلب من الزمن ...
وقد كان ، خاصة لمن يغني بالعود ,,,
أها ,,,,
بتواقثني ، وبتهضمها لي ...
ولا بتهدر دمي ,,,!؟
|
مسالة ان مصطفي قادى زمن اعتقد ان فيها تطرف كتير
اذا فهمنا القادى يعنى الراسب ..
لكن كونه احيانا بخرج من الزمن اتفق معك فيها وهناك
العديد من جلسات الاستماع فيها اعمال مصطفى بكون خرج من
الزمن بل وبعض الحفلات ومسألة الخروج من الزمن مااعتقد
ان هناك فنان سودانى عازف او ومغنى بسلم منها بشكل مطلق ....
وعلى فكرة ياعثمان لدى عشرات الساعات من الحوارت المسجلة
مع مصطفى منها مانشر ومنها مالم ينشر كنت انتقده فيها لدرجة
الحدة وحيانا نظل نتجادل في نقدى له حتى الساعات الاولى من الصباح
واخوناعازف الايقاع (عبدالمنعم الفكى) شاهد على ذلك وازيدك من الشعر
بيت هناك اغنيات لمصطفى انا لااطيق سماعها وكان حين يغنيها في بعض الجلسات
بخرج احتجاجا. منها على سبيل المثال (عمنا الحاج ود عجبنا) كلمات
الفرجونى وكنت اقول لمصطفى ياخى ماممكن بعد (عم عبدالرحيم) كلمات حميد
تجى تغنى ودعجبنا نص ضعيف مصنوع وهتافى وخالى من اي قيمة فنية وفي تقديرى
ان اكثر ماينتقص تجربة مصطفى وهو النقد واعتماده على تلحين معظم اعماله بنفسه وهناك
جلسات توثيقية ونقدية لتجربة مصطفي شارك فيها العشرات من الادباء والعازفين والنقاد
والمهتمين في الدوحة زرزرنا فيها مصطفى منذ بدايته حتى اخر عمل قدمو وفي واحدة من
تلك الجلسات كان معه الاخ الصديق الموزع والملحن يوسف الموصلى وكلها وارده في كتابى
(المحطة الاخيرة لمصطفى سيد احمد ... حقائق وذكريات)
تنهدات: في تقديرى او تذوقى ان قدرات مصطفى فى العزف على العود
عادية جدا ولو قاربناها مع امكانياته الصوتية وقدرته على التطريب
وروعة معظم النصوص التى تغنى بها فهي محدودة
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: بدر الدين الأمير)
|
بت الشيخ يامبروكة
بركة الشفناك ومشتاقين كتير وحات الله ...
تقولين:
Quote: شخصيا تعجبنى هذه الفنانة نانسى بدر الدين عجاج
زولة عارفة بتسوى فى شنو
وعارفة انها فنانة ودى مهنتها
يعنى لسان حالها يقول
" الغناء مهنتى "
اجمل حاجة فيها محترفة
يعنى دى تحسب ليها
فى زمن التخصص بقى صعب
يعنى ما قالت انها اى حاجة غير مطربة
ونحن الحياة مهنتنا
نسمع الغناء ونتنفسه
نصاحب الفنانين والفنانات الجميلات والجميلين
دا كلام حقى براى قاطعاهو من نص دقنوسى دا
ما عنده علاقة باى زول
وحاتك يالغالى وما طالبنى حليفة
البنية غناية ومتمكنة
وسمحة ولفتاتا غزال
واعادتنى الى الاستماع الى غناء جميل
طالما فارقته
|
سلمى الكاتبة والناقدة
تذكرى نقدك وعتبك على مصطفانا تعقيبا على حوارى معه
الذى نشر بجريدة الخرطوم حين كانت تصدر من القاهرة
وكان ذلك الاحتجاج الغاضب منك على مصطفي لقوله بانه
لايكمن لاغنية الحقيبة ان تعبر عنا وعناقضايانا اليوم ...
وقد نشرتى ذلك بجريدة الاتحادى التى كانت ايضا تصدر من
القاهرة وانت معد ومشرف ملحقها الثقافى وفندتى في مقالك
كلام مصطفي .المهم كلامك اعلاه عن نانسى عموميات قد نتفق معك فيها
بس دايرنك تفندى كلامك اعلاه كيف وليه وماهو.. وانت بنت معهد الموسيقى والمسرح
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: بدر الدين الأمير)
|
Quote: هلا يا ابوعفان وحباب الموسيقي...
تعرف يا عثمان كلامك ده بسوق لنفس الاتجاه بتاع (الافتنان) بالفنان بمعني اخذ الفنان بكليتاته
وبدر فعلا واقع تحت خمر الشي ده مع مصطفي...واخريين مع وردي واخريين مع نانسي..
وده كلو جاي من امتصاص المستمع لهالة الفنان الطالعة من اغانيه,,,
ناس تتمتص الفنان في كل حاجاته حتي طريقة لبسه واكله وتسريحته (راجع جاكسون..وراجع بول جاسكوين عندما كان يصرع كل انجلترا في الكورة
لو جذ شعرةمن صوف راسو بكرة لندن وما جاورها كلها بتجذ شعرة من صوف راسها)
اتخيل لي الاشكال ما بين بدرالدين وكمال
هو امتصاص (هالة الفنان)
اصطدم امتصاص مصطفي سيد احمد عند بدرالدين مع امتصاص ابوكمال لنانسي
وحصل الكلاش |
كيكى
لك التقدير
ياسيدى مداخلتك باعلاه (كلام الطير في الباقير)
وبلغة الكماسرة اتلخبط عندك الدفع من المادفع
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: بدر الدين الأمير)
|
Quote: أول شيء يا بدر الدين الكان ببشر فوق في الصورة دي مش ياكا انت و لا زولن تاني ؟؟
|
ويظل تساؤل فيصل نوبي قائما
ويبدو أن نانسي هنا حصان طروادة لتصفية حسابات
وهنا يطل سؤال زهير بقوة
| Quote: انت قاصد منو نانسي ولا كمال |
كتب كيكي:
| Quote: شايف كمال الزين رفع القزاز من البوست |
أحسن حاجه عملا كمال
وكتبت سلمى بت الشيخ:
Quote: شخصيا تعجبنى هذه الفنانة نانسى بدر الدين عجاج
زولة عارفة بتسوى فى شنو
وعارفة انها فنانة ودى مهنتها
يعنى لسان حالها يقول
" الغناء مهنتى "
اجمل حاجة فيها محترفة
يعنى دى تحسب ليها
فى زمن التخصص بقى صعب
يعنى ما قالت انها اى حاجة غير مطربة
ونحن الحياة مهنتنا
نسمع الغناء ونتنفسه
نصاحب الفنانين والفنانات الجميلات والجميلين
دا كلام حقى براى قاطعاهو من نص دقنوسى دا
ما عنده علاقة باى زول
وحاتك يالغالى وما طالبنى حليفة
البنية غناية ومتمكنة
وسمحة ولفتاتا غزال
واعادتنى الى الاستماع الى غناء جميل
طالما فارقته
|
شكرا سلمى لأنك أنصفتي نانسي
وشهادة من زول زيك (فنان بالفطرة) مهمة في هذا الوقت الذي تتعرض فيه الفنانة نانسي لهجمة شرسة
لا أرى لها مبرر....
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: haroon diyab)
|
يا بدرالدين انا بتّفق معاك كتير مع بعض الإختلافات التفصيلية ...
يعنى مثلاً ... كان مفروض تفترض إنو "الوجيه كمال" (كما تقول الرواية) بشتت عيش ليس إلاّ ... وبالتالى تحتفى بالكتابة وتستشرف الشمار فى مآلات الحدث ...
ثانياً ...
صوت نانسى عجاج لا يخلو من جمال .. بينما مدخلها للفن لا يخلو من صناعة وعشوائية وتكلف .. وكان الأولى النظر فيما يسمو بهذا الجمال بدلاً من كتابة مبكّرة لشهادة موته ...
.. المهم ...
| |
|
|
|
|
|
|
|
|
|
Re: العنقالية ابداع وتلقي ـ كمال على الزين وموسم الدفاع عن ناسى عجاج (Re: بدر الدين الأمير)
|
الدكتور بدرالدين :)
انا طبعاً مشيت الدوحة مرة ... يا زول دى سخانة ربنا سبحانه وتعالى ... ما تركز على الجنة كتير ... ركز على سقطا ...
عثمان دغيس قلت لى
| Quote: يعني مثلاً لو قلت ليك مصطفى كانت عندو مشكلة في الزمن !!! |
بالله دا رايك البتمرقو يوم ذكرى "الشهيد"؟
والله لو أهدروا دمك ما خاتيين عليك!
داير تكسّر اصنام سادة "بنى شيوع" الأكارم؟ طيب رايك شنو فى "رأس المال" لو كان دا رايك فى "الرايع"؟
المهم ...
| |
|
|
|
|
|
|
| |
بدر الدين الأمير
MAHJOOP ALI
نجوان
haroon diyab
ثابت محمد
معتز القريش
عبدالكريم الامين احمد
زهير عثمان حمد
ضحيه ابراهيم
وليد محمد المبارك
صلاح الأحمر
tmbis
محمد البشرى الخضر
نعمات حمود
سلمى الشيخ سلامة
khaleel
ALGARADABI
تبارك شيخ الدين جبريل
محمد الطيب حسن
فيس بوك
تويتر
انستقرام
يوتيوب
بنتيريست