دعواتكم لزميلنا المفكر د.الباقر العفيف بالشفاء العاجل
|
|
 يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!!
|
اقول ليكم حاجة ؟!!
شغلى بيحكم على مرات اسافر ..ومرات اقيل من صباح الرحمن لى اتناشر بالليل فى جامعة الدول العربية ..!!!
ولو فى اى اجتماع اها نطلع نحرس ونرجا من غير تحديد زمن ..!!
بكون دايرة ارسل خبرى الجريدة عشان الوكت مايروح على !!
اتمنى لو كمبيوترى بيطبق ويتشال فى شنطة يدى دى عشان من اى حتة انا قاعدة فيها ..تك تك تك اكتب خبرى قوام .. واباصيهو للجريدة وانزل من رأسى هم الارسال !!
لكن كمبيوترى كبيييييير وعوير مابتشال فى شنطتى !!
اها قمت فى الجامعة العربية يوم اجتماع وزراء الخارجية العرب اليوم داك شفت خديجة المغربية حلاتها قاعدة تكتب خبرها فى اللابتوب..وفى دقائق رسلتو وانا قاعدة اعد فى الساعات واقول اووووف عرب السجم ديل بيخلصوا متين عشان انا كمان امشى البيت واقعد قدام كمبيوترى الكبيييييير وعوير ده اكتب خبرى واشوتو ..وانزل هم الارسال من نافوخى ؟!!!
المهم والله ماحاسدة خديجة المغربية على لابتوبها !!
بس سألتها ..جبتيهو بى كم ياهناية ؟!!
قالت لى : فى الخليج اسعارالكمبيوتر اللابتوب كتير حلوة ورخيصة ..بدك واحد ؟!!
قلت ليها ..لا شكرا..التقول كانت ماشة تجيبو لى يعنى !!!
المهم ياجماعة مااطول عليكم فى ناس كتاااااااااار قالوا لى انو الكمبيوتر اللابتوب رخييييييييييص فى الخليج
اها انا يابورداب الخليج دايرة لى واحد بى حقو !!
يعنى شامل السعر الرسمى وحق الشحن وخلافه ..وماتنسوا تعملوا لصحبتكم دسكاوند كويس كده !!
اها.... من سيدق صدره اولا ويقول ..انا اخوك يانادية ..ويرسل لى لابتوب بتمنو او حقو زى مابقولوا ..والحساب ولد؟!!!
|
|
 
|
|
|
|
|
|
|
|
Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!! (Re: معتصم الطاهر)
|
معتصم الطاهر ..الزول الجميل جدا
والله وحشتنا جدا
| Quote: أنا زعلان منك يا نادية النعناعة .. |
انا الزعلانة منك انت وين مختفى ليك زمن لاجواب لاتلفون لاخبر؟
Quote: كنت معاك..
وقاعد جنبك .. وشايلو فى كتفى .. |
هو بالله الكنت شايلو فى الشنيطة الصغنونة ده لابتوب؟ خسارة لو كنت عارفة كنت قلت ليك جيب لى واحد زيو...ياكنت خليتك تكلم فيصل اخوى يجيب لى واحد انا موش جبت ليهو بسبوسة؟
Quote: ومن شدة ما مندهش .. ما نزلتو من كتفى
صغير وعمروا اسبوع ..
ما قلتى لى ليـــــــــــــــه ..
قايلانى بخيل يا نادية ..
والله ما بخيل .. بس كنت مندهش .. بس .. |
مندهش من شنو يامعتصم بالجد؟
طيب ياخى وكت ماشفنا الابتوب الفى شنطتك كنت تكلمنا نندهش معاك!!
لكن بالجد نندهش من شنو ؟!!
| |
|
|
|
|
|
|
|
|
|
Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!! (Re: Elnasri Amin)
|
النصرى امين الاكرم
Quote: بالنسبه لللابتوب اسعاره جيده جدا هنا فى كندا
بس المشكله تكلفة الشحن.... |
طيب مادى المشكلة زاتها ..لانو ممكن قروش الشحن تكون اكتر من قروش اللابتوب بكتيييييير
والصراحة كده انا شايفة الخليج احسن وارخص ..وجن بتعرفو!!!.....ولاشنو يانصرى ؟
| Quote: غايتو لو لقينا زول مسافر عليكم بنديك خبر |
عيييييييييييك كان كده حااستنى كتير ..الجواز الكندى بيأخد ستة سنين ومافى زول بيخاطر يطلع برة كندا قبل الجواز !!
| |
|
|
|
|
|
|
|
|
|
Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!! (Re: ghariba)
|
الاكرم العزيز صلاح غريبة
Quote: حتى شهر ستة الجاي اذا مافي واحد ساعدك في الموضوع
اناوالعائلة نازلين القاهرة |
والله ده خبر باربعمائة الف لاتوب ..تجوا بالسلامة باذن الله وبالله لازم تورينى موعد حضورك تحديدا عشان ننتظركم فى المطار ياصلاح
Quote: وساحضره معي
وعد مني |
ياسيدى جيتك بالدنيا وعارفاااااااااااك مابتقصر كلو كلو ..انشاء الله مانعدمك ياااااارب
والف شكر على الهمة والكرم والله
| |
|
|
|
|
|
|
|
|
|
Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!! (Re: ود المدفع)
|
العزيز ود المدفع
| Quote: عندنا في الامارات الاسعار تتفاوت حسب النوعيه من 4000 درهم ولغاية 11000 درهم |
انا بحساب الدراهم مابعرف ..يعنى كم بالدولار ..ولاكم بالجنيه المصرى ؟
| Quote: والمواصفات طبعا ولكن يمكن بسهوله ايجاد مستعمل بحاله جيدة .. ايه رايك؟ |
عارف ياود المدفع ..عندى حساسية ضد الاشياء المستعملة ماعارفة ليه !!!
هسة كمبيوترى وحتى جهاز الفاكس رفضت تماما اجيبهم مستعملين ..بحب الحاجات الجديدة لنج ..وبتكيف من ريحة الكرتونة !!
| Quote: المهم انا على استعداد لتقديم الخدمه . |
تسلم ياود الاصول وعارفاك مابتقصر والله..
| |
|
|
|
|
|
|
|
|
|
Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!! (Re: نادية عثمان)
|
نادية ازيك.. ما مسكني من مواصلتك إلا الشديد القوي.. احنا زااااااتنا في الخليج.. خليني اترجم لكي الارقام دي في البداية..
4000- 11000 درهم بتساوي بالدولار حوالي 1095-3016 ... ده بالتقريب كده..
بس يا عسل الموضوع كمان ماركات.. انا شخصيا بفضّل التوشيبا.. لابتوبات قوية.. ومحترمه خالص.. بس دايره الدفع.. انا ماشه بعدين عندي صاحبتي موصياني اشوف ليها اسعارهم عندنا.. وبجيب ليك الquotation... اتفقنا يا ست البنات؟ برضه شويه الVaio.. ديل طالعات جديد.. قويات وستاتيات خالص.. والله بشبهنك يا ستهم كلهم.. بشوف ليك اسعارهم برضه.. وبجيك بعدين...
ليك كل الحب والمعزة كميات..من هنا لحدي النيل العندك
بنت الحسين
| |
|
|
|
|
|
|
|
|
|
Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!! (Re: مريم بنت الحسين)
|
مريومة بت الحسين العسسسسسسسسسسسسسسسسسسسسسل
يازولة انتى وين مليون سنة مختفية ؟
| Quote: ما مسكني من مواصلتك إلا الشديد القوي |
زى شنو كده ؟ عرس ولاخطوبة ؟
Quote: .. احنا زااااااتنا في الخليج.. خليني اترجم لكي الارقام دي في البداية..
4000- 11000 درهم بتساوي بالدولار حوالي 1095-3016 ... ده بالتقريب كده.. |
يخربنى كان فهمت حاجة من الارقام دى
| Quote: بس يا عسل الموضوع كمان ماركات.. انا شخصيا بفضّل التوشيبا.. لابتوبات قوية.. ومحترمه خالص.. بس دايره الدفع.. انا ماشه بعدين عندي صاحبتي موصياني اشوف ليها اسعارهم عندنا.. وبجيب ليك الquotation... اتفقنا يا ست البنات؟ برضه شويه الVaio.. ديل طالعات جديد.. قويات وستاتيات خالص.. والله بشبهنك يا ستهم كلهم.. بشوف ليك اسعارهم برضه.. وبجيك بعدين... |
اها انا دايرة احلى نوع ..من ابو كديس !!
اتاخرتى لكن عند صحبتك دى ياستو ..وانا كاتلنى الشمار !!
اها فى لابتوب ولاناكل باستة ؟!!
| Quote: ليك كل الحب والمعزة كميات..من هنا لحدي النيل العندك |
وحبى ليك بالشولات الكبااااااار يافردة .. والشوق بحررررر
| |
|
|
|
|
|
|
|
|
|
Re: يابورداب الخليج كله..قالوا اللابتوب عندكم أسعاره حلوة..دايرة لى واحد بى حقو !!! (Re: نادية عثمان)
|
نادية بت عثمان :
اللاب توب خشم بيوت ...
في لاب توب بيكون بي 3000 الف ريال سعودي خصوصاً مع مواسم التخفيضات ..
اللاب توب السعروا مناسب ويقضي ليك حاجاتك دي بيكون بي 4500 ريال ...
بعدين اللاب توب زاتو بيعتمد علي حركات الحناكيش ديك ..يعني في لاب توب نوعو (موبايل) ودي معناها ما بيسخن شديد خصوصاً للناس البيختو اللاب توب علي رجلينهم وبطاريتو بتشتغل لفترة أطول ..
وبعدين يا نادية الزييك دي ما تقول يا جماعة وروني اللاب توب بي كم !!!! عيب والله
الزييك دي تقول لينا هوووووووووووي يا ناس الخليج عايزة لي لاب توب إتكربوا معاي ورسلوهو لي ومابديكم ولااااااااااااااا تعريفة مش إنتو أخواني ؟؟؟؟؟؟؟؟؟؟؟؟؟؟؟
تخريمة :
إنتي قلتي لاب توب ولا لاب كوت 
(ده عشان لو فكرتي تقولي رسلوهو لي )
| |
|
|
|
|
|
|
| |
معتصم الطاهر
أبو ساندرا
Bakhaf
ghariba
Mamoun Ahmed
مريم بنت الحسين
ALGARADABI
ايهاب
فيس بوك
تويتر
انستقرام
يوتيوب
بنتيريست