دعواتكم لزميلنا المفكر د.الباقر العفيف بالشفاء العاجل
|
|
 يابورداب الامارات والخليج نتلاقى بعد ساعات فى صيوان بكاء د. قرنق ..انا جاياكم بالجد جد والله!!!
|
رغم المناسبة الحزينة .. وهى تابين الراحل المقيم الزعيم جون قرنق دى مبيور النائب الاول لرئيس الجمهورية ..
الا ان سعادتى بلقاء الاهل والاحبة والاصدقاء بورداب الامارات والله لاتوصف !!
ايوة يااحباب الامارات .. جاياكم بعد ساعات .. باذن الله وامره !!
والله جد !!
اها لو مامصدقنى ده تلفون الاخ النبيل ياسر عبد الحى مسئول الاعلام ومشرف تنظيم حفل التأبين ..
00971507124886 ( طبعا انتو تعزلو الارقام الدايرنها لانى ماعارفة الكود نبر لحدى وين !!)!!
المهم يااحباب..
ياسر كتر خيرو ماقصر .. ورسل لى الدعوة لتغطية حفل التأبين ومفروض انشاء الله ربنا يرفع القدم بعد ساعات من الان ..يعنى الساعة خمسة كده بكون عندكم لو الطيارة ماوقعت فى الخليج .. ولا عندكم جبال كمان ؟!!
اها ياياسر
البروف معز
فيصل نوبى
نهال الضلامية
وليد خمسميةود خالتى
وليد تلاتين تسعة
معتصم
ود قاسم
غريبة
ابو جهينة
ود عقيد
منصور
فاطنة بت عشة
وجميع جميع الاحباء بدون فرز خوفا من الغلط او النسيان
كلكم تجو نتلاقى فى صيوان الفراش حق الراحل قرنق نبكى ونحكى ..نتوجع ونحاول نفرح عشمانيين فى المستقبل!!
عاد الليلة المابجى يعزينى فى قرنق وكت جيت ليكم لحدى عقر داركم بيكون اتلوم معاى لوم شديييييد !!
اها يلا ورونى البرنامج بكرة كيف ؟!!
وماتقولوا كمان بكرة الخميس !!!!
والله فرحانة جنس فرحة انى جاياكم !!!
لمن خايفة الفرحة ماتتم !!
قولوا معاي يااحباب
ربنا يرفع القدم وتحط الطائرة فى مطار ابو ظبى بسلاااااااام!! ويكفينا الله شر الحوداث الفى السماء دى يارب !!
|
|
 
|
|
|
|
|
|
|
|
Re: يابورداب الامارات والخليج نتلاقى بعد ساعات فى صيوان بكاء د. قرنق ..انا جاياكم بالجد جد والل (Re: نادية عثمان)
|
| Quote: اها ويعنى انت بيغلبك تركب ليك ميكروباص وكلها ساعة ولاحاجة وتجى ؟!! |
نادية الحبيبة الشغلانة اكبر من بص يركبوه وحاتك الا نلقى زول يرسل لينا تاشيرة
زى حقتك دى حتى نصلك ونعمل خروج وعودة من هنا وعيك يعنى كان بدينا الليلة
دايرين لينا تلاتة يوم ده بعد التاشيرة..انتو هناك الواحد تجيه التاشيرة وعلى
المطار نحن جوازاتنا ما عندنا...الجواز مع الكفيل وبعد داك نسوى التاشيرات
حتى نمرق ان شاء الله مى زلتك!!!تسلمى..لكن كان انت مرة تعالى عمرة والا حج والله
نجيك الاعمى شايل المكسر،،،،
| |
|
|
|
|
|
|
|
|
|
Re: يابورداب الامارات والخليج نتلاقى بعد ساعات فى صيوان بكاء د. قرنق ..انا جاياكم بالجد جد والل (Re: نادية عثمان)
|
الاخوة الاحباء .. بورداب الامارات بقية دول الخليج
نادية دي فقيرية يزورو فوقه .. تاني الداير البركة يخليها ترسل ليه ميل يربطه حجاب ..
موضوع دعوته مع صحفييين اخريين تحدد في اخر لحظة .. وهي بالتحديد امور اتسهلت بسرعة .. والله نحن فرحانيين .. وعارفنكم حاسدننا .. لكن حسد المحنة ما بسوي شئ ..
ويا ريت كل الرائعيين من السعودية الكتبتهم نادية يقدروا يجو ودي دعوة رسمية منا بذلك .. وحبابكم عشرة
المفاجأة انه حا يحضر معنا فعاليات التابين التي ستكون يومين رسميين ثم تمتد الفعاليات لاسبوع كامل ..
فلذة كبد الراحل الكبير الاخ الرائع مبيور جون قرنق دي مبيور .. وهو شاب خجول وراقي ويحمل نسخة طبق الاصل من افكار والده ..
الموضوع الهام .. نادية دي ما عاوزين نتلوم فيها يا بورداب الامارات .. ونحن في ادارة النادي السوداني ابوظبي ومعي د. عز الدين هلالي وبورداب اخرين سننظم حفل جميل للتعارف وتدشين وتوزيع ديوانين شعريين :
الديوان الاول للشاعر الدكتور عز الدين هلالي وهو باسم بعد ما عز اللقاء وكلفة قصائده في الدكتور جون قرنق ..
الديوان الثاني .. للشاعرة الصحفية الغالية نادية عثمان ..
وعاوزين كل عاشقي الكلمة الحلوة المعبرة من بورداب وغيرهم .. ان يكون حضوراً وسيحضر التدشين مبيور جون قرنق دي مبيور ..
للتنسيق ولقاء الصحفية الشاعرة
ارجو الاتصال بياسر عبد الحي- ابوظبي
00971507124886
| |
|
|
|
|
|
|
|
|
 Re: يابورداب الامارات والخليج نتلاقى بعد ساعات فى صيوان بكاء د. قرنق ..انا جاياكم بالجد جد والل (Re: صديق الموج)
|
الأستاذه ناديه ليتنى كنت من أهل تلك الديار المباركات ومثلك تماما أتيتها زائرا من حيث تنيخ ناقتى حيث لا ناقة غيرها ولا جمل ولا أسد ولا زراف...بسفح من سفوح الروكى بغرب البرارى الكنديه وبمحافظة البرتا وعاصمتها التجاريه كالقرى...فهنا يوجد الموس والدب بأنواعه والبرد المرعب والزمهرير الغارس الذى يلذع ويلسع الأنوف وصدور العذارى...ويتفرز من جرائه كل شئ...ولوكان ذلك قبل أسبوع لأتيتك زاحفا أوعلى ظهر أبو القنفذ...أمانى لك بحياة كريمه والأصدقاء والفطاحلة الأدباء والشعراء وأهل الإنسانيه فأبحثى لى ولك عن عقود عند أهل القعود والبلح لنخرج بلا رجعة من ديار الصنوبر البرى التى دفنت بيض سنى فى كهوفها والسلام لكل من تلتقين........
منصورمنصور
| |
|
|
|
|
|
|
|
|
|
Re: يابورداب الامارات والخليج نتلاقى بعد ساعات فى صيوان بكاء د. قرنق ..انا جاياكم بالجد جد والل (Re: munswor almophtah)
|
| Quote: الأستاذه ناديه ليتنى كنت من أهل تلك الديار المباركات ومثلك تماما أتيتها زائرا من حيث تنيخ ناقتى حيث لا ناقة غيرها ولا جمل ولا أسد ولا زراف...بسفح من سفوح الروكى بغرب البرارى الكنديه وبمحافظة البرتا وعاصمتها التجاريه كالقرى...فهنا يوجد الموس والدب بأنواعه والبرد المرعب والزمهرير الغارس الذى يلذع ويلسع الأنوف وصدور العذارى...ويتفرز من جرائه كل شئ...ولوكان ذلك قبل أسبوع لأتيتك زاحفا أوعلى ظهر أبو القنفذ...أمانى لك بحياة كريمه والأصدقاء والفطاحلة الأدباء والشعراء وأهل الإنسانيه فأبحثى لى ولك عن عقود عند أهل القعود والبلح لنخرج بلا رجعة من ديار الصنوبر البرى التى دفنت بيض سنى فى كهوفها والسلام لكل من تلتقين........ |
لله درك يامنصور النبيل
ليتك كنت هناك او فى اى بقعة من الارض نوجد فيها سويا ولو لبضع لحظات لاقول لك وجها لوجه كم انت انسان ايها المنصور وكم انت رائع نبيل !
| |
|
|
|
|
|
|
|
|
|
Re: يابورداب الامارات والخليج نتلاقى بعد ساعات فى صيوان بكاء د. قرنق ..انا جاياكم بالجد جد والل (Re: محمد ابراهيم قرض)
|
ود عقيد الجن اليخلى ربع الرطل يمللآ القزازة
الله ينعل شيطانك،،،
الموج يا أيها الفكهى الفكاهى الفكهانى ما أتيت به من جن ربع رطله يملأ القزازه جاء بمثله وحينها كنت بمحمد حسين وإياكم أحدالجماعه فىمنطقتنا كان يسرق الغنم وله حمار به خرج يضع فى كل عين واحده...فحدث أن جاءوا حراميه بعربه وسرقوا من شخص ما بقره وجناها وخراف عده وفى الصباح طلعت الإشاعه أن أندروبل (لاندروفر)جاء وسرق بهايم زيد من الناس فإذا بأخينا بتاع الخرج راكبا حمارته مندليا إلى البحر واحد أصدقائنا فىطريقه للبحر كذلك فإذا بصاحب الخرج يقول لحمارته عرت الخرابل يقلبك أندروبل فها أنت تأتى بجن يقلب ربع الرطل قزازه ويالها من أمانى وأضغاث أحلام وليتنا بيوسف فائزون......
منصور
| |
|
|
|
|
|
|
| |
صديق الموج
Ahmed Abdallah
waleed500
فيصل نوبي
الزنجي
mahdy alamin
ALGARADABI
عبد الله عقيد
أبو ساندرا
Khaalaleyaal
munswor almophtah
معتصم دفع الله
منصوري
فيس بوك
تويتر
انستقرام
يوتيوب
بنتيريست