دعواتكم لزميلنا المفكر د.الباقر العفيف بالشفاء العاجل
|
|
 مازلت أرفع حاجب الدهشة ولكن !!!!
|
قالت ليهو ياولد انا جنس الكلام الملون بى لون الدهشة ده مابقدر عليهو
ابا يسمع كلامها وقعد يكشح فى تراب الروعة فوق وشها وملأ عيونها بالحروف الدراشة ..والحروف دى دخلت عيون البت الحديقة لحدى مابقت حمراااا
ياولد ماتلعب بى اعصاب الكلام ..ما تكورك فى الابجدية ..ماتبشتن حال اللغة وتعذب الناس بى روعة القول الحريق
انت ماقادر تفهم انو البت دى ممكن تموت بارتفاع ضغط الفرح فى ليل شفيف ؟
جنب دكان صالح اليمانى قعدت استناك تلاتة سنين ..ابيت تجى ..وابيت تسكت من الكلام الحلوو و..
الصباح الليلة قال للشمس انا حردان وماطالع لو طالعة اطلعى براك ..حنستو ..ابى يرضى يطلع كلو كلو
الناس اليوم ده مامشوا الشغل وابوى ماصحى أمير اخوى عشان يمشى الجامعة لانو الشمس لما الصباح ابا يطلع معاها هى زاتها حردت وقعدت تبكى الليل كلو عشان يوم بكرة ماحتحرق وشوش السودانيين وتفش غلها فيهم ..
لكن هى شمس السودان دى متغايظة من وشوش السودانيين ليه ياصباح ..؟ الصباح ماعرف يرد هو بس بيرضى يطلع مع الشمس ويخلى ليها الحريق براها ..
مرات بتحن على السودان تقوم تحنس المطرة ترش وش السودان بشوية طل ..ونفحة دعاشة ..وبسمة هاشة ..وكلمة باشة
الليلة الحزن قال لى يابت انا زهجان داير اطلع من قلبك ده شوية اشم الهوا واجى ولامن فرح قلبى بى فسحة الحزن الكاتم نفسو ..قام الحزن غير رايو وقال ماماشى من القلب ده لامن يموت ..عليك الله شوف الحزن ده وحقارتو ؟
انا كمان حالفة مااخلى قلبى ده يموت بى سبب الحزن المعفن ده ..
لو داير يموت بى سبب الفرح ..ممكن ..ولو داير يموووت بى سبب الدهشة من جنون هذا الولد والله امشى الصحة الليلة واحرر ليهو شهادة الوفاة بى نفسى واحضر ليهو الصيوان وصوانى الغداء بتاعة الفراش
وانادى ناس الدنيا كلهم يسكلبو ويبكوا على القلب الطيب الذى انتقل الى رحمة مولاه مندهشا ..راقصا من شدة الفرح المهيب !!
عارف..انا مرة كنت ماشة جنب الحيطة فى مدينة من المدن العتيقة وفجأة كده طلع على زول ومن غير سبب لقيتو وقف قدامى وحالف الا يرش وشى بى موية نار كان شايلها فى ايدو ..انا وقفت وقلت ليهو ايمكن انت ابتلاء ربنا رسلو لى يلا رش موية النار دى وشوه خلقة الله وامشى شوف حالك ..
لكن المسكين جا كده يرفع قزازة موية النار عشان يكبها فى وشى القزازة فلتت من يدو جات على صدرو حرقت قميصو ومن برة القميص وصلت لى جوة القميص والزراير مقفولة وبرضو موية النار حصلت قلبو وحرقتو ليهو حريق فظيع بنسبة مائة فى المائة !!
لاحولااااا ..والله برضو زعلت عشان قلبو الاتحرق ..ياربى قلبو ده كان فيهو مساحة للحب والانسانية والجمال ؟
مساكين الناس البيقصدو يحرقو وشوش غيرهم من دون اى اسباب مقنعة ولامعرفة سابقة ..
ياربى يكون ربنا ابتلانى بيهو ..ولا واحد من عبيد ربنا حرشو ودفع ليهو يحرق وشى ؟....لكن ليه كده يااااخ دى حكاية قبيحة والله!!
يا زولة انتى موش وعدتى روحك تندهشى وتتألمى من غير بكا ؟
يلا امشى اوضتك وابكى من غير دموع ..واندهشى لكن بى تأمل عميييييق
وخلى بالك انو الدنيا دى فيها ناس حلويييين زى الولد المدهش المجنون ده !!
وبرضو فيها ناس ماتقدرى تعرفى بكرهو الناس ليه ويحبو يشوهو وشوش الخلق بقزايز
موية النار
اسمع يامدهش لو بكرة الشمس حردت تانى وابت ماتطلع فى رفقة الصباح المسكييين والناس مامشوا الشغل انا مالى اى دعوة
عارف ليه ؟
لانى عمرى فى حياتى مابعرف احرش مخلوق خلقو الله يعمل حاجة كعبة ويمنع نور الشمس عن الناس
ويضيع على الشعب السودانى يوم عمل كااامل بخمسين الف جنيه !!
انت فاهمنى كويس ياحبيب ..اذن لاتجعل حاجب الدهشة مرفوعا هكذا !!
--------------------------------------------------------------------------------
|
|
 
|
|
|
|
|
|
|
|
Re: مازلت أرفع حاجب الدهشة ولكن !!!! (Re: Elmosley)
|
ود خالى الموصلى
يااخوى ود الامين يقول الثورة انطلقت زى ماعايز لكن انت لو قلت المرأة انطلقت فى المنبر ده النسوان بيفلعوك بالطوب ..
انطلقت دى فى ناس هنا حاتفهمها من الانطلاقة
فاهمنى ؟
يعنى تبقى المرأة الانطلقت شنو ؟
لو ماعرفت بكلموك ناس سيجو وود الشيخ وخال فاطمة ديل باقى ناس نجااااض وفاهمين المصطلحات !!
صاح ياجماعة الله بتاعين الدكان ؟
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: Elmosley)
|
ود الخال ..يوسف الوسيقار الكبيييييير
مايتخاف عليك ياولدنا
فالح وبتعرف تتخارج من الزنقات زى الماحصل حاجة !!
المهم يازول الزيك لامن يدى شهادة الانطلاق يبقى دى شهادةمعتمدة ونبقى نحنا نساء هذا البورد (منطلقات )
نحو افاق الابداع وفضاءاته الرحبة دون قيد او شرط
سلمت ياابن دمى ولحمى يايوسف
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: سجيمان)
|
د. سجيمان
انت قلت كده:
يا ود الشيخ
المنبر دا لي فيهو فوق السنتين....والناس تكتب بي ايديها وكرعيها..ما قابلني نضم سمح زي نضم نادية دا......
وانا هسة ياسيجو وحاة ربى قلبى ده يضرب زى جبخانة ناس السوارى لامن يلموا ليهم فى حرامى داخل سوق سعد قشرة بعد الساعة واحدة صباحا
دق دل دق دل ددددددداااا
دى شهادة مفرحة جدا منك
لكن ممكن تكون شهادة فرحة تؤدى الى الوفاة لانو نضمك ده لو صح ومامجاملة مفروض اطير من السعادة لانك انت ياسيجو ملك الكتابة السمحة ونحنا مانجى نقطة فى بحر ابداعك يارائع
سيجو ياخى تسلم ولاقينى مع الجماعة جنب دكان اليمانى ناكل فتة بووووش بموية جبنة وعلبة تونة وبيض مسلوووق
منتظراك قبل مواعيد انتهاء الارسال فى السودان
سمح
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: سجيمان)
|
سجيمان الدكتور قلت لى شنو ؟
والله والله والله... صح وما مجاملة
ايوووووووووووووى يوووووى يووووى
ياجماعة اخدت الشهادة باركو لى وياناس ود الشيخ وخال فاطمة اتناولوا معاكم كيس الحلاوة من دكان اليماااانى
تسلم ياسيجو يابروف
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: ود الشيخ)
|
ود الشيخ
والله بفرح بى جيتك بالله ماتقطع الزيارات
سمح
ايوة ياود الشيخ انا من زمن دكان صالح اليمانى
لكن مالقت لى وديناااااااك على الدين الادينتو من دكان عم صالح اليمانى انت من زمن دكان وائل المصرى ..ولاهيثم السورى ؟
كن بالف خير ياود القبائل وارقد عاااافية جنب الدكان!
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: حبيب نورة)
|
حبيب نورة
لازم تقعد ياحبيب ولو ماقعدت منو البيعمل للحروف فتة الحبر الملون بالروائع والحنين ؟
اوعك تكلم البت النجيمة تفوت من بيتكم عشان هى تحرضك وانت تجلدنى بروعتك وانا اتعادى من شفيف حرفك واكتوى بنيران تعابيرك واكتب وتكتب وللصباااااح
حبيب نورة اوعك تمشى عازماك فتة كوارع وملاح بامبى
سمح
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: نادية عثمان)
|
نادية
يا الله عليك
واسينى بالدهشة الفيك وكبيتيها علينا بالارهاق
تصدقى ... وقفت بعيد وقريتك تانى ... وتانى برضو قريتك
ما عارف جانى شنو ... لكن اعتقد اصابتنى الدهشة زاتا
ليك التواصل ولينا انو نعتر فوق البوست الجايينا منك
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: alfatih)
|
الفاتح
عارف لما الناس تتبلد ضد الدهشة بيحصل ايه ؟
عارف لما الوردة الحلوة تموت من تفة حاقد بيحصل ايه ؟
عارف لما الشمسة تكون حردانة عريسها بيكون ليه ؟
الفاتح الدهشة حد التأمل تنجد عصب الحب من الذبول والموت على حافة الدهاليز المظلمة
كن مارا برياحينك من هاهنا دوما فحضورك يسعدنى جدا
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: Elmosley)
|
ود الخال الموسيقار
قلت كده يايوسف
ماذا لو ان الحاجب ينمو تحت العين؟؟؟
وانا قعدت اقول لاحولااااااا
صدق وقفت قدام المراية اتخيل لو ان حاجبى تحت عيونى كان حايكون شكلى كيف ؟
ولقيت نفسى بقول لاحولااااا
خيالك خيالى لكن!!
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: Elmosley)
|
ود الخال الموسيقار
قلت
ده ماانا ياناديه
ده مبارك حسن خليفه الشاعر الهمام
وقال
ماذا لو ان الحاجب ينمو تحت العين
او شعرا ينبت بين الشفتين
او شخصا يصبح بين الناس اثنين
Quote: لاشيئ فهذا زمن الزيف
وتااااانى لاحولاااااا
يوسف انت حاجب الروعة فهل يمكن ان تطلع عيون الحافية اقدامهم الا من بعض ابداع مثلنا الى مستوى حاجبك المبدع؟
وخيااااال مجنون حد الجنون!!
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: حبيب نورة)
|
حبيب نورة
قام اللسان قال للسنون اوعك تعضينى وانتىبتصطكى وتخبطى فى بعضك من زمهرير الروح وبعد داك سكت واضرب عن البوح والكلام نهائيا !!
قام ضرس العقل حرّش الاربعة سنون القداميين بتاعين الدفاع ضد الاغتصاب ديلك و قال ليهم انتو اللسان ده مالو سليط كده ؟
وكلامو مر وبيدلع فيكم كده فوق كم ؟انتو حاتسكتو ليه كده لحدى متين ؟
قاموا الاربعة سنون اتشاورو مع بعض وقالوا لضرس العقل لكن اللسان ده قال مضرب عن الكلام وحالف مايقول ولاكلمة ولاحرف
قال ليهم الضرس انتو بس اسمعوا كلامى وادوهو عضة قوية كده كلكم على قلب سنة واحدة
اها وقال اللسان حالف تلاتة يوم مايقول ولانص كلمة ..قال ماشايف معنى للمفردات الايام دى ..
المهم قاموا الجماعة هجموا عليهو وهو نائم فى صمتو العميييق
وقال كده اللسان وصرخ ..آآآآآآآآآآآآآآآآه
وهل اكثر من الآهة كلام وتعبير عن شدة الألم ..وايضا اللذة ..وايضا الدهشة ؟؟
حبيب نورة اتكلم ياااااااخ!!
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: benyya)
|
: benyya
الله يبارك فيك ..الله يسلمك ..الله يبارك فيك
والله جنس تعب لحدى مااخدت الشهادة دى !!
روحى طلعت عديل كده
طبعا الشهادة السجمانية من جامعة البروف سجيمان حاجة ماشوية
ووحياتك من يوم مااخدتها وانا مولعة بخور التيمان
وبرضووو قولوا ماشاء الله
وعقبال المجتهدين كلهم
وبالمناسبة طبعا حبيب نورة طلع اول الدفعة مع مرتبة الشرف ونحنا طبعا يادوب مخدة الشرف بس لكن بنعمل دراسات عليا تانى !!
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: Abd-Elrhman sorkati)
|
عبد الرحمن سوركتى
قلت
كلام لذيييييييييييييييييييييييذ
وضيوف دمهم خفيف
وانا اشكرك جدا على هذا الاطراء الرقيق
واقول كما يقول اهلنا فى مصر
(ربنا يجعل كلامنا خفيف عليكم )
تسلم من كل شر وسعيدة بزيارتك جدا
بالمناسبة انت اخو الجميلة نسرين سوركتى ذاااتها ؟
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: نادية عثمان)
|
| Quote: مازلت أرفع حاجب الدهشة ولكن !!!! |
سلامة حواجبك يا نادية
شكرا علي القطعة النثرية الندية...حكاية موية النار دي
حاجة تخوف ...الظاهر عليك عايشة في ذكريات القاهرة
..كل يوم لابد من حادثة موية نار قي تلك المديتة
العتيقة..اسلوب انتقامي غاية في الوحشية..ربنا يحفظك
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: benyya)
|
بنية العزيزة
منورة بوستينا المتواضع ياراقية
بنية انتى قلتى كده:
مع انه الغيظ كاتلني
والغيره حتجنني
لكن عادي
ما مهم القروش مهمه الاخلاق
لكي التحيه
و
لى قدام
وانتى انشاء الله تسلمى من كل شر ياغالية ..لكن انشاء الله اموووت لو قدرت افهم حاجة من كلامك ده !!
يعنى غيرة شنو وقروش منو وعادى ليه ؟
وضحى لى شوية ..سمح
وتسلمى من كل شر انشاء الله
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: سجيمان)
|
سجيمان البروف
انشاء الله انت تسلم يايابا ..ومااشوفك علا فووووووق
عارف ياسجيمان الدنيا لو مافيها ناس زيك والله كان توازنها يختل اكييييد
ووالله انت البعرفك لايجيهو ضغط.. لاسكرى
ياخى انشاء الله مانعدمك انت وكل الناس الطيبة الفى الدنيا دى
بث!!
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: omar ali)
|
الاخ عمر على المحترم
قلت :
سلامة حواجبك يا نادية
شكرا علي القطعة النثرية الندية...حكاية موية النار دي
حاجة تخوف ...الظاهر عليك عايشة في ذكريات القاهرة
..كل يوم لابد من حادثة موية نار قي تلك المديتة
العتيقة..اسلوب انتقامي غاية في الوحشية..ربنا يحفظك
لكن ياعمر برغم انى عايشة فى القاهرة وهى فعلا نسبة الجرائم فيها مرتفعة ..لكن والله مرات الزول لمن يشوف البيحصل ليهو فى بيت بيعتبرو وطنى يدى ربنا العجب !!
موية نار المصريين بااااردة بالنسبة لموية نار الاهل وناس الوطن الواحد
عمر تسلم من كل شر وحفظك الله من موية النار وتشوهاتها على البدن والروح
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: خال فاطمة)
|
خال فاطمة العزيز
تسلم من كل شر ياغالى
لكن باقى ليك مع جنس الكتاحة المدورة فى البلد دى فى زول بيشتغل بى كلامنا الهادئ ده كان فوق ولاتحت ؟
اقايتو ربنا يهدئ النفوس ياااارب
وكل الناس تتصالح وتتسامح وتصفو يالهى يارب العالمين
قول اااامين
| |
|
|
|
|
|
|
|
|
 Re: مازلت أرفع حاجب الدهشة ولكن !!!! (Re: غادة نصر)
|
ناديه
ضحكتيني والله
قصدي
بالغيظ كاتلني و الغيره حتجنني
انه
كيف البروف سيجمان يديك انت الشهاده العاليه و نحن لينا سنه ونص بنكتب وقدر ما حاولنا ندخل الجامعه السجمانيه نقابل بالرفض والاستنكار من قبل البروف
وانت ليك اقل من شهر
وحصلت علي شهاده مشرفه وتملي العين
(والحسد مافي النيه والله)
اما
القروش ما مهمه الاخلاق اهم
فده كان تعبير جانبي بمعني
و
ما قادره اشرحو ليك
لك التحيه
و
بالله كان في طريقه وساطه دبلوما ان شاء الله
تكوني ما قصرت
بما انه البروف ما شغال بينا الشغله
لى قدام
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: benyya)
|
بنية الغالية
تسلمى من كل شر يابت امى
عارفة يابنية انتى والله عسولة من غير شهادات جامعية سجمانية ..سمح كان على خفة دمك دى كلها واخدتى كمان شهادات زيادة نحنا ماحانغرق فى العسل ونمووت عديل من الضحك كان كده !!
يعنى يرضيك تموتينا بى خفة دمك؟
عموما يازولة كلمت ليك سجيمان البروف وقال انتى بس مامواظبة على حضور السكشنات عشان كده هو زعلان منك شوية
يلا واظبى وحاتاخدى الدكتواره انشاء الله
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: ود الشيخ)
|
ود الشيخ اخوى
قلت لسجيمان
لكن ممكن
تعالج نادية موش
ياسلاااااام عليك بالله عرفتنى عيانة كيف ؟
ووكت عرفت مالك ماجبت كيس الجوافة وجيت ؟
واما بالنسبة لرفع البوست شااااااااااااااااااااااطر ياود القبائل وانشاء الله نردها ليك فى بوست حاااار كده
سمح
| |
|
|
|
|
|
|
|
|
 Re: مازلت أرفع حاجب الدهشة ولكن !!!! (Re: نادية عثمان)
|
نادية
يا سلام هذا ابداع مثقل بالفنون يسكرك حتى الثماله نفتقده ولكن جاد الزمان واتييت انت من ذالك الكوكب وهبطت بيننا واصبح الحلم حقيقة ولا اجد تعبيرا يصوره غير ان اقول من قصيدة(اغدا القاك) لشاعرنا الكبير الهادى ادم
هذه الدنيا كتاب انت فيه الفكر
هذه الدنيا سماء انت فيه القمر
هذه الدنيا حياة انت فيه العمر
------
معذرة ان تداخلت بيوت القصيدة فظلال الدهشة تحجب كل احاسيسى .
فهل من مزيد وان كنت اعاود القراءة واروض الحروف .
تحياتى
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: بلدى يا حبوب)
|
بلدى ياحبوب
مااروعك..
قلت يا سلام هذا ابداع مثقل بالفنون يسكرك حتى الثماله نفتقده ولكن جاد الزمان واتييت انت من ذالك الكوكب وهبطت بيننا واصبح الحلم حقيقة ولا اجد تعبيرا يصوره غير ان اقول من قصيدة(اغدا القاك) لشاعرنا الكبير الهادى ادم
هذه الدنيا كتاب انت فيه الفكر
هذه الدنيا سماء انت فيه القمر
هذه الدنيا حياة انت فيه العمر
------
معذرة ان تداخلت بيوت القصيدة فظلال الدهشة تحجب كل احاسيسى .
فهل من مزيد وان كنت اعاود القراءة واروض الحروف .
تحياتى
وهل بعد هذا البوح الحميم قول ايها النقى ؟
سلمت من كل شر ياااارب
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: نادية عثمان)
|
الاخت/ نادية عثمان
سلامات و تشكرين علي هذا العطاء و هذا الجمال
كلامك كله حكم, فقد رفعت انت حاجب الدهشة, و نتمني ان نستطيع ,ان نرفع نحن حاجب دهشتنا, بمعني اخر الرفع حاجب دهشتك يرفع حاجب دهشتنا يا نادية عثمان, اللهم امين.
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: نادية عثمان)
|
الاخت/ نادية عثمان
تحايا و سلامات
يبدو انه حاجب دهشتي مشاتر!! لذلك لم يرمش له جفن, بالرغم من كل الذوابع و الرعود هنا, لان ما يحدث هنا يا نادية شيء اكثر من طبيعي, فالتجربة نفسها جديدة , و اعني بها تجربة الحوار و المثاقفة و قبول الاخر, فالناس لم تتعود علي ذلك, من قبل و علي الهواء مباشرة!! فقد كانت الحوارات تتم علي (الطائر) و بدون توثيق لها, و بدون حتي مسئولية, و كل لسان حاله (انا الاول) و كلام الاول ما بتحول, و دعك من بقية التراث الشعبي الكبير الذي يحتاج الي تنقيب ...عموما لك الود يا نادية و ربنا يكون في العون.
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: بت قضيم)
|
نادية بنت عثمان
ح أقول شنو لو جيتك باقية المطرة... تجرتق غبشة صحرة شوقي؟
بس ظالمة الدنيا الصبحت غش , ما ظالمة حروف الريد يا حلوة , الحرف البنده ليك من حس الزول العشقك كلمة , ما عندو ذنب في الجاكم وحشة سكة شوق الناس للصدق المعني , طعم الغنية مرير في حلقك , ما ضقت نغيم الاهــــة في مسامع دنيا بتحلم , لم الصوت الجواك يطلع مبحوح بي قسـوة.
و هل يا تري من حقنا نقول ؟
بسمع منك كنت ,,كليمة شوقك لي بنية طفولة , بنية زي ما قال الزول المدهـش , سمحة وسمرية , بي لون قمرية وقولة عيدية ,ومدة أيد الغيم بالمطـرة , بتدي المحل الفيك القمحــة هــدية , لما الاقدار يا أحمد تكمن ليك في بطن الحلم وتقلع منك صوتاً قال يا سلمي ,أتوكل علي حلمك أحمد أخوي , باقي الحلم الفاضـل هسة ,بغمز ليك يا أخويا تخش , مرق الشجن الكان مرسال لي اللوعة ,و مديت جـرحـك تاني نزيف , أصــلا شريانك شجرة سنـطـة , بتفضل شايلة الصـمغ الشـوق جواها , وما حايشــوف الدنيا جنـاها , الا الفاس الحــاني يزور أغصــانا .
ووووووووووب علينا 
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: حبيب نورة)
|
حبيب نورة
فى ذات المساء الالكترونى التعامل ...انتظرتك طويلا
لافائدة من الاضافة ولا الحذف اذن !!
تدرى لو ان الباص السياحى بساطا سحريا ماكنت جلست هاهنا وحدى على حافة الخذلان ولكن !!
حضرت ولم اجدكم كتبتها على كل ابواب المدينة ..الم يخبرك بحضورى البوليس الذى يحرس ابواب مدينتكم الفاضلة ؟!!
غاضبة مازلت من مر انتظار المطر فى ليالى الشتاء ..والمطر مزاجى الهطول ..والخريف فى بلادنا (على كيفو )مثله مثل ناقلنا الوطنى (سودانير )
تدرى ....الان اقولها بصوت المشاكسة رغم التهذيب..
(انعل ابو اى حاجة فى هذه اللحظة ..الا ابو اى زول هنا ...خاصة ابوك!!)
بث!
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: لؤى)
|
لؤى
مااروعك انت
عارف يالؤى احيانا الكلام بيرفض يتكلم مع متكلم من الدرج الكلاميةالاولى ذات الاسلوب الذى يصعب على المجاراة مثل اسلوبك الراااقى !!
ماتقلق الاقحوانة بت الحلة بتجيكم شايلة حزمة الوعد وحلاوة اللقيا ومتلفحة الفرح توب مورد بالزهرى والابيض!!
سمح
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: نادية عثمان)
|
والله بصراحة يا نادية انا قريت كلامك دا براحة ولقيتو كلام خارم بارم ساكت اول حاجة انا اندهشت بالاغنيات المقتبسة لكن لما اتمعنت فيهو لقيتو كلام لا راكب فوق لا تحت
يا اخوانا بالله ما تجهركم الصورة وتدخلوا تكضبوا علي البت دي ساكت الدنيا اخر سنة وقبايل عيد
خلو عندكم ذمة ادبية بالله وخليكم عادلين تجاه الادب والثقافة
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: Anwar Ahmed)
|
أنور احمد العزيز
وسأظل ارفع حاجب الدهشة .... طالما ان هنالك فى هذه الدنيا من يأتونك على غير موعد ولاسابق انذار ليرفعوا فى وجهك مياه نيرانهم من دون أدنى سبب !!
وتظنهم ابتلاء من الرب وترضى بأن يتم تشويه خلقة الله طالما انها ارادة المولى حسبما كنت تظن !!
وتجعل حاجب الدهشة مرفوعا وانت تفكر فيما اقترفته من ذنب ولاتجد!!
ثم يشاء المولى الذى هو رب العدل ان تحرق مياه النار قلوب حامليها الذين ارادوا ان يحولوا ويشوهوا خلقته دون سبب يزكر !!
الحمد الله
الحمد لله
الحمد لله
انور احمد مرورك من هنا يسعدنى جدا ويبث الطمأنئنة فى نفسى فلا تنقطع عن زيارة بيوتاتى ابدا
سلمك الله من كل شر اخى العزيز
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: Elmosley)
|
الموصلى ودخالى
التأدب مع الاخرين هذا ماعلمه لى اهلى ووالدى الحبيب حفظه الله
جئت هاهنا احمل لكل الناس حبا وودا ولاانتظر ان يحبوننى جميعهم ولكن على الاقل لاارى سببا للمجاهرة بالكراهية والاستخفاف والعداوة غير المبررة والتهكم على المشاعر الحلوة بينى ومن يحبوننى واحبهم واحترمهم
موصلى من امثالك نتعلم معنى مواجهة الظلم بالصبر
فقد علمتنى يااستاذى وابن دمى ان الكاظمين الغيظ هم اكثر الناس اعتدالا وثقة فى انفسهم
لن اخذلك ابدا فكن مطمئنا ياابن الخال العزيز.
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: نادية عثمان)
|
Quote: فقد علمتنى يااستاذى وابن دمى ان الكاظمين الغيظ هم اكثر الناس اعتدالا وثقة فى انفسهم
لن اخذلك ابدا فكن مطمئنا ياابن الخال العزيز. |
وانا فخور بان قلبك مفتوح لكل الاهل الطيبين ومسامح
وفخور بان عقلك متفتح عالي القدرة علي التمييز
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: سامية بكري)
|
نادية
ما اروع فعل الدهشة حين تمارس استبدادها وما اروع ان يفاجئك الجمال. والدهشة فعل عال الدسامة يعني كامل الدسميحتاج الي انفعالات انزيمية كبيرة حتي تتكثر حبيباتة حتي يتم استيعابة .كما انت تفاجئيننا بهذا النص الذي يحمل الدهشة عصاة سحرية .اجدني من المصابين بفعل تلك العصاء.واصبح حاجب الدهشة يكاد ان يعلو الجبين.
لك عصير دهشة ممتع
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: Elmosley)
|
الموسيقار الرائع الموصلى
قلت
انت شاعره مجيده بضم الميم
وقد حظيتي بالكثير من المعجبات والمعجبين فاصبحتي شخصيه عامه
والشخصيه العامة السويه هي التي تقابل اراء الاخرين حولها بهذه
الروح السمحه
واعتبر وصفك لى بالشاعرة المجيدة بضم الميم شهادة اخرى اضعها بجانب اكاليل الورود التى قد طوقوا عنقى بها الاساتذة فضل الله محمد والسر قدور وفضيلى جماع ود.معز بخيت
ومحمد على ابو قطاطى ومختار دفع الله وغيرهم من الشعراء الذين افخر بأن شجعونى وقراؤنى ولامست مفرداتى الشعرية وجدانهم الشاعر ..
وقلت
واصلي كتاباتك التي سترتفع يوما اثر يوم الي ان تبلغ الثريا وهذا
ليس ببعيد عند الله
اجتهدي ولكل مجتهد نصيب
نعم سيدى الفاضل ..ايها المعلم الكبيير ساواصل كتاباتى وانت معى وبجانبى وكل من احبهم واحترمهم من مبدعى بلادنا العامرة بالخير والحب والجمال ..وارجو من المولى ان يكون لى من المولى نصيب المجتهد ..وكما قلت ليس هناك شئ بعيد على الله
قلت
اغنيتك الرائعه التي اهديتيها الي شخصي المتواضع نضجت علي نار هادئه وسابثها
هنا في البورد هدية مني الي اخي الذي لم تلده امي ابو عركي البخيت الرائع الجميل الشفيف
وما بيني وبين ابو عركي هو اجمل ما يمكن ان تتخيليه بين زميلين يعملان في
حقل واحد
واصلي العطاء وقابلي النقد وان كان يلبس ثوب القساوة احيانا
بتلك الروح الطيبة السمحة التي الفتها فيك
وتقبلي فائق مودتي واحترامي
ووالله يااستاذى الفاضل ان لحنك هذا الذى قمت باهدائه للرائع ابو عركى لهو شرف لى كبييير وحلم كنت احلم به وقد شاء المولى ان يحققه لى ..فان يغننينى فنان بروعة ابو عركى ليس بالشئ السهل ..وان يلحن لى استاذ ومعلم اجيال مثلك فهذا تاج فوق رأسى ونور فوق جبينى يضئ لى طريق الابداع ابدا
فيايوسف الاستاذ والانسان النبيل ..كن زخرا لبلادى ومعينا لجيلى
وعشت ابدا ابو شوبان بكل الخير وموفور الصحة
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: نادية عثمان)
|
اضرب لك مثلا ياناديه من تجربتي المتواضعة
حينما كنت اكتب تحليلات ناقده للاغنية السودانية بمجلة الاذاعة والتلفزيون
في اواخر السبعينات وكنت حينها طالبا بالمعهد العالي للموسيقي
والمسرح كانت تسيطر علي نفسي هوجة حماس طالب الموسيقي وكنت اري ان الذي كنت اقوم به من نقد هو الشيئ المثالي ومعالجتي للقوالب الموسيقية لمغنيين وملحنين اخرين
هي ما يجب ان يكون (ونسيت ان الفن وجهة نظر وان الجمال هو عمليه نسبيه)
مايهمني هنا هو ان مقالاتي ساهمت في زيادة التوزيع للمجلة الجميله بدليل
ان ادارة المجله اصبحت اسبوعيا تضع صورة الفنان الذي انتقده علي غلاف المجلة
وقد كانت المجله هي الوحيدة والاشهر مع رفيقتها الصبيان وكان الناس يهرعون الي اكشاك الصحف لشرائها.
ماعلينا
أود ان اوضح لك ردود الفعل علي ما قمت به من قبل المبدعين الكبار
لقد اعجبتهم الفكرة جدا برغم انني احيانا اقسو عليهم بمنظور مفاهيم وسطنا الفني للنقد حينها
فقد كان محمد الامين راضيا عن تحليلي لاغنيته بتتعلم من الايام
وطلب مني وردي ان اقوم بتحليل اخر لواحدة من كبريات اغانييه بعد ان حللت له
ياجميله ومستحيله
وكان الكابلي منبسط الاسارير لنقدي لاغنيته الرائعه زمان الناس
اما ثنائي العاصمه فلم اكتب عنهم ولم تكن شهرتهم الجماهيرية حينها بمستوي السنوات العشرين السابقه فقابلني الرائع السني وعاتبني لماذا لم اقم بالتحليل والنقد لواحد من اعمالهم
وحينها علمت بان هذا السني الضوي الجميل سيقود ثنائي العاصمه الذي كان ثلاثيا قبل وفاة محمد الحويج عليه الرحمه
سيقوده الي مرافئ النجومية وقد كان
وهنالك فنان قد اغضبه نقدي وهاجمني وبشدة ولكنه صار يحبني جدا فيما بعد
لانه قد عرف ان النقد مهما بلغت قسوته فهو تحريك لراكد المياه
ناديه
ان اسوأ ما يتم لاعمال المبدع شاعرا كان ام مغنيا رساما او ممثلا
هو غياب النقد سلبا كان ام ايجابا
فالعمل الفني حينما يلفه صمت القبور ولا يدور حوله الحوار مع او ضد او الاثنين معا
فان ذلك هو الاكثر ايلاما في نظري ولكن يجب ان نتحري في النقد الامانة وعدم الجنوح الي الاساءة للاشخاص.
تمنياتي لك بالتوفيق دائما في انتاجك القادم وتمنياتي لك بان تحظي اعمالك بروعة ان تكون مثار النقاش
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: ود الشيخ)
|
نادية...
سلام يشبهك..
المهلك في الانثي أن تملك ذاكرة تجيد التقاط التفاصيل...
والابداع لايعرف التأنيث أو التذكير..
واصلي..
أطعمينا دائما وجبة ساخنة من أنثي تتقن فن طبخ الكلام..
أو هكذا مازلنا نرفع حاجب الدهشة..والاسقاطات الخفية تجعلها أشهي..
داومي..أكتبي..عاشري الكتابة كشهوة تفرغ الوجع..
وهكذا يتيح الابداع للانثي أن تخلق فراديسها الخاصة..مخترقة بها ومن حلالها القامع المتربص بكينونتها وتطلعاتها..
وبيني وبينك صهيل المسافة..
دمتي هاطلة..
وكل عام وانت بخير..
سلملم..
| |
|
|
|
|
|
|
|
|
|
Re: مازلت أرفع حاجب الدهشة ولكن !!!! (Re: محمد خليفة محمد جميل)
|
محمد خليفة محمد جميل
اسمك انت اطهر الاسماء ..هو اسم حبيبنا المصطفى صلى الله عليه وسلم
وجد جدك وضع من اسمه فيك قلب جميل
وقول جميل
وعقل اجمل من جميل
قلت فى لغة انيقة ويزيد اناقتها يقينك بها
نادية...
سلام يشبهك..
المهلك في الانثي أن تملك ذاكرة تجيد التقاط التفاصيل...
والابداع لايعرف التأنيث أو التذكير..
واصلي..
أطعمينا دائما وجبة ساخنة من أنثي تتقن فن طبخ الكلام..
أو هكذا مازلنا نرفع حاجب الدهشة..والاسقاطات الخفية تجعلها أشهي..
داومي..أكتبي..عاشري الكتابة كشهوة تفرغ الوجع..
وهكذا يتيح الابداع للانثي أن تخلق فراديسها الخاصة..مخترقة بها ومن حلالها القامع المتربص بكينونتها وتطلعاتها..
وبيني وبينك صهيل المسافة..
دمتي هاطلة..
وكل عام وانت بخير..
سلملم..
واقول لك يالف مرحى بابن بلدى من مثل فصيلة دمك النقية التى لاتعرف النرجسية ولا الانانية ..ولا حب التملك ابداعا ودوحات
فانت ايها المحمد المعافى مثالا افخر به من ابناء بلدى الرائعين ..ويكفى انك تؤمن تماما بأن الابداع لايعرف تزكيرا ولاتأنيث
وانما هو نبض وروح قد وضعت بأمر الرب فى احساساتنا ..وهل اخترت ان اكون شاعرة؟
لا ...فالشعر المشاعر وهو ليس حرفة ..وانما بعض دم اجراه الله فى شرايينى
ولست اناالا بعض احساس وحزمة ضوء فى عتمة روح الشر بداخلى ..اقهرها بقول الطيب
لايمانى بان الدنيا ليست فى حاجة لمزيد من الشر والعتمة
سلمت من كل شر ياأخى ولاتقطع زياراتك من بيوتاتى ابدا فوجودك مرحب به جدا
| |
|
|
|
|
|
|
| |
سجيمان
خال فاطمة
Elmosley
حبيب نورة
luai
alfatih
Abd-Elrhman sorkati
benyya
omar ali
وليد محمد المبارك
قرشـــو
بلدى يا حبوب
اساسي
بت قضيم
لؤى
مجدي شبندر
فيس بوك
تويتر
انستقرام
يوتيوب
بنتيريست