تفاحتى ياآدم !!!!!!!!!!!!!!!!

Quote: واحشني برضو كمان هاك خلي قلبي معاك بايعاني بي طيبتك شارياني عفة صفاك لو اسلى كل لناس يا ستي ما بسلاك لو تقسى دنيا الحب بيهون معايا قساك يا احلى من عيني حلمك عليا عساك تتمشي في دمي وجوه العروق انساك **** غرقان معاكي الغيم بحرك عيونو بهاك ما طالو عاشق يوم او حتى شافه سماك انشرى وسط الروح ادي الطبيعة شذاك يا ستي فرحان بيك لو قلتا بس بهواك؟ تنزل دموع الشوق وتجهجه الافلاك

Quote: حافظانى يا أنتى عارفانى موت بهواك بيعينى مايهمك كل الأمانى رضاك لوكان عذابى هناك فى اليوم بموت مرات لو كان شقاى أشجاك شكينى فى الأشواك لو كنت قاسى عليك شدينى فى الأسلاك نجمه وسطع محياك تهدى المجره ضياك كل الكواكب جات حتى الشمس راجياك محنانه مستناك كان مره تمشى معاك مضحاكه سابحه وراك يا ملكة الأفلاك أنناسه ما أحلاك عنبه وزحفتى براك تفاحه أيه ياملاك ماسة الملوك ماسكاك درر لخدور عاشقاك تفاحه أيه يا ملاك أنناسه ما أحلاك

Quote: املى بموت شايفا براك كفايه منك بس كلمات اعيش بيها واموت بيها وفى الاخر تكون لى رفات رضاك على هو الغايات و الرغبات وعطفك لى يظللنى متل سموات

(عدل بواسطة خضر عطا المنان on 06-01-2005, 08:13 AM)

Quote: سيب حبى اتحداك !!

Quote: لا أستطيع

(عدل بواسطة نادية عثمان on 05-31-2005, 06:40 PM)

Quote: لو كان يومك غير عصيبا .. فماذا كنت ستكتبين ؟

Quote: لا اتمني ان تكون كل ايامك عصيبة .. ولكن فعلا هذا اليوم مميز لانه امطر حبا وعشقا صادقا ... تحياتي واحترامي

Quote: heeeeeeeeeeeeeeeeeeeeeeeeeeeeeeeeeeey منو فيكم ادم؟؟؟؟؟؟؟؟؟؟؟؟؟؟؟؟؟؟ تشابه علينا البقر !!!!!!!!!!!!!!!

Quote: ناديا عثمان أنتى كاتبة ماهرة. واتساءل معك: أين أنت يا آدم، رغم أننى لا أعرف غير آدم واحد، أبونا آدم!

Quote: منورين يا سادة

Quote: ايه جمال الحروف لمن تقول الشعر ونرجع نقول اصلو الكلام الجميل لمن يكون طالع من زولن حنين والله ما روعه ذى العسل برغم ان اليوم عصيب لكن المخاض روعه مغ تمنياتى بالروعه عبرك بس بدون شقى

Quote: سيب حبى اتحداك !!

Quote: يا ريتني لو أقدر أرجّع قلبي زي ما كان واطلع من هزائم الريد أداوي جراحي والأحزان أتوه بين السكك والتيه أسافر من مكان لي مكان ألاقي الفي الأجل مكتوب يقيف الجاري في الشريان وأرجع لي الطريق مجبور يشابي قليبي لي الخفقان وألاقيك في محطة ريد تقومي تعيدي ليّ أمان تردي الروح على جسداً هرب منّوالمنام أزمان

(عدل بواسطة نادية عثمان on 06-06-2005, 04:31 AM)

Quote: تفاحتى ياآدم عذبت ليه حواك ؟!!!

(عدل بواسطة نادية عثمان on 06-06-2005, 03:26 PM)

Quote: الجميلة نادية عثمان أعرف أنني متأخر دوما في أداء الواجب: الزيارات والمجاملات (بمعناها الإيجابي) والاحتفاء. ودخول "بوستاتك" كان دائما موضوعا مؤجلا. وكان أول ما ورد بخاطري أن أرد عليك شعراً، لكني خشيت أن تمر الأيام ولا أفعل. أهنئك ـ ونحن ـ بهذا الشعر الجميل. هذا الشعر الجميل. لم أشأ أن أستعمل تشبيهاتٍ أومجازاً وكنايات في وصفه. ولو شئت لفعلت، ولكني فضلت أن أصفه بأبسط وأعظم ما فيه: شعر جميل. وموزون. وعميق. وصادق. وشفاف. ومقعّــد. ما أحوجنا لمثل هذا الإبداع، للرقي بذائقة الناس، وطرد الغث من "النظم" البائس من حيواتنا. Quote: ياريتنى اقدر اطير وياريتك انت مطار غردّي ... ما شاء لك الإبداع وطيري ... إن قدرت واقتلينا بهذه الـ نيران الصديقة ... إن سمحت لك نفسك ولولا بقية من إيمان، لدعوت الله أن يجعل أيامك كلها ... عصيبة

Quote: لو كنت جد واحشاك كان تقبل الاعذار ماكنت تبعد يوم وتزيد عليا النار اسرنى يامحبوب يامكمن الاسرار حبك ملك روحى سكن الشرايين جار *** *** انا قلبى جد بهواك رغم الطريق اخطار كل املو يسعد بيك جاك فى دروبك سار ياريتنى اقدر اطير وياريتك انت مطار آدم نسائم الحب مابتبقى يوم اعصار مهما اختلفنا اكيد تلد الليالى نهار !!!!

Quote: نادية ...... جميل ذلك الشعر النبطي.... شكرا لانسيابك وروعة حروفك الثملة...

Quote: واحشاني يا بت موت بس الزمن غدّار وعشان بريدك موت بتقبّل الاعزار دايراني امشي افوت وتعيشي انتي ودار؟ ابدا وحاتك يوم ما كنت فيك بحتار لا سكتك مليت لا اخترتا غيره مسار ***** يا ستي فرحان بيك اشواقي ليكي كتار يا ساكنه ديمه معاي مسكونة بي الاخطار يا واحشه حتى الغيم حبك كما الاعصار بلقاكي مهما اروح جوه الحنايا ازار موجودة في دمي وازدته بيكي فخار موعود وبحلم بيك جوه الحنايا نهار يفضح ضلام الخوف الفتّر المشوار يا فرحي مشتاق ليك ردي القليب الطار خليني افرح بيك ماتزيدي فيني النار

Quote: غنيت عشان عينيك ودوبيت وقت مسدار انا عارفة ريدك جد مافيهو اى هظار لكن كمان مليت طعم البعاد الحار *** *** *** آدم تعال القاك سابح فى بحرى حنان غذى الفؤاد والروح انا قلبى ليك جيعان يازولى كم بهواك وكم عاشقك الشريان !! *** *** *** واحشنى من سنوات ولو شفتك امبارح مشغول تملى دوام انا عقلى فيك سارح انعل ابو الاشواق آدم هواك جارح !!!

Quote: دوّّب غناك الشوق وامتدى زي النار يا ستي فرحان بيك حبك بزيدني فخار انا في البعاد مليت وبالجد كمان محتار السكة ليه بتخون وتكتر الاعزار ما دام هوانا عفيف ما هزتو الاقدار بلقاكي بحر الريد جوة الحنايا امان ممهورة في الانفاس متساربة في الاشجان يا ستي اهلا بيك زيدي المحنة حنان خليني افرح بيك واعطر الوجدان يا احلى من الناس يا اغلى مني كمان واحشاني قبل القاك ولمن تكوني معاي مشغول وعايش بيك يا ساكنة في جواي يا باسطة ايدك ريد خلي المحبة دواي وانسيني في جواك امكن تلاقي هواي مسكون وعايش بيك وامكن تلاقي غناي

(عدل بواسطة نادية عثمان on 06-09-2005, 04:50 PM)

Quote: طالعه منك أغنياتنا

Quote: انتى حلوة وانتى سكر انتى تحلية جاية طاعمة قالوا منقة وقالوا كستر !!!

Quote: لاتستطيع طبعا كيفن تسيب حبى ياغالى انا راسماك خارطة طريق قلبى

Quote: الشاعرة الرقيقة نادية ليت كل خرط الطريق تؤدي إلى مثل هذا القلب

Quote: مساجلات رائعة اتحفونا بالمزيد تحياتى لكل المبدعين وشكرنا استاذه نادية على البوست الرائع الذى جعل الجميع يحاول ان يخرج ما بداخله نرجو المزيد

Quote: آدم هواك مكشوف ماغطى نورو ستار ياحبى ريدنا عفيف زى روعة الازهار مشروح امام الكون ماقلنا ياستار ريدنا المقدس جد فعل القلوب السار *** *** *** الفين مراحب بيك يانغمة ياالحان آدم نهار الليل عامر القلب تحنان يامرهف الاحساس ياملك ملوك انسان يازولى من تبيت ماشفت ملكا خان!!! *** *** *** عازف هواك قلبى قانون يداعب نآى اوعك تفارقنى ترسم خطاوى شقاى انت الفرح يوم فات وانت الفرح لو جاى !! عارفة الولف كتّال آدم غرامو هناى !!!

(عدل بواسطة عبدالله وداعه الامين on 06-09-2005, 07:26 PM)

Quote: انا سعيد بالحيوية دي ويلا واصلي في ابداعك شان تؤكدي للملأ انو الصحفيين قادرين يبدعوا كمان مع تحياتي

Quote: تسلم كتييييييييييير ياعبد الله ويلا نواصل الغنا هنا وهناك وهناك وفى كل بوستاتنا الحلوة سمح؟!!

Quote: ويلا نشيل كتف الغنى الميل