|
|
 أولاد عوائل وعندنا فايل !!!!
|
كلما ذهبت الى السودان فى اجازتى السنوية انا وطفلتى الوحيدة نعود من هناك محملين بكثير من الخيرات السودانية بمختلف انواعها واحجامها ونكهاتها ..!!
فمن الويكة المطحونة ، مرورا بالشطة والشمار ، والابريه حتى ولو لم يكن رمضان على الابواب تماما ..!!
والتسالى ، والطلح بالكميات , والشاف ، وبخور الصندل وخمرة الضفرة ,والدلكة ، ومراكيب الجلد لزوجى ولشقيقى ، والشباشب السيور لشقيقتى وان توفرت الميزانية فلامانع من توب ربط على الماشى من ابو مائة الف (ابو الرخا )!!
وايضا لابد من لبسة بلدى لزوجى واخى وهى الجلابية والطاقية والشال طقم واحد من نفس التطريز والشكل الفنى البديع (لزوم المركوب جلد الاصلة طبعا )!!
وكما اعود محملة بهذه الاشياء والاغراض الحميمة اعود ايضا محملة بكم رهيب من المصطلحات التى نظل نتداولها انا وابنتى الى ان يحفظها زوجى المصرى النشأة والمزاج بحكم الميلاد والتربية والمعيشة طيلة عمره فى مصر ويردد معنا هذه المصطلحات وكأنها اقوال مأثورة وقد لايفهم السياق الذى يجب ان يوضع فيه المصطلح ولكنه يردده اعجابا ومن باب التغيير فى اللهجة احيانا ..!!
ومن هذه المصطلحات التى بدأ انتشارها فى اوساط الشارع السودانى سريعا جدا وبين مختلف الطبقات المتعلمة او غيرها مثلا:
كيس نايلو والهوا شايلو !!
كركديه وماعرفنا ليه!!
اولاد عوائل وعندنا فايل !!
بشتنة ورقاد واطة !!
سمعتنا ومصاريف جامعتنا !!
بجم وعدم فهم !!
مكرونة وماعرفنا لونها !!
مس كولنا وناكل فى فولنا !!
وغيرها كثير وكثير جدا ..!!
وهذه المصطلحات كما قلت سابقا ليست حكرا على طبقة معينة كالشماشة مثلا فهى لغة طلاب الجامعات والصحافيين الشباب وموظفين البنوك وتلاميذ المدارس وغيرهم كثير التقيتهم فى الخرطوم ووجدتهم يتحدثون بهذه اللغة ..
لم استغرب ذلك ففى القاهرة يوميا يخرج علينا مصطلح جديد
مثل :
روش (وتعنى اساتيل او حلو )
وانجز
وروش طحن
وغيرها مما افهمه ولاافهمه !!
فمن اين وكيف ولماذا تتولد هذه اللغة او المصطلحات الجديدة هذا مااود ان اطرحه معكم فى هذا البوست الذى اتمنى ان تكون فكرته مفهومة وواضحة بما يجعل النقاش ثر ومفيد وايجابى وموضوعى ..
هذا مع فائق تقديرى
وعظيم ودى احبتى البورداب ..!
|
|
 
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
الأستاذة نادية
صباحاتك فل
دائما إطلالاتك تحمل الجديد والمفيد
ودائما أبحث عن أشعارك في كل بوست لروعتها
أطمع في نسخة أو مجموعة من الأشعار الخاصة بيك لو أمكن
أما عن موضوع المصطلحات المتداولة هذه الأيام أو كما يسمونها لغة الرندوك حسب معرفتي هناك بعض الناس من العامة اتصفوا بسرعة البديهة والتعليق الساخر وأحيانا تخرج من أفواههم بعض المصطلحات يرددها من حولهم فتتسع دائرة الترديد حتى تغطي كل القطاعات وأعتقد كل مدينة في السودان أيضا تنفرد بمصطلحاتها الخاصة بها ويعتبر البعض تداول هذه المصطلحات نوع من الخروج من جو النكد ليضفوا على الجو المحيط نوع من الكوميديا الشعبية .. وأيضا بعض الذين يستخدمون هذه المصطلحات من باب أن يوصفوا بالفهلوة أو أن يقال عنهم (تفتيحة)
هذا كل ماعندي ولنسمع من الآخرين.....
| |
|
|
|
|
|
|
|
|
|
Re: أولاد عوائل وعندنا فايل !!!! (Re: فريد ودالمسيد)
|
الاخت نادية
Quote: كيس نايلو والهوا شايلو !!
كركديه وماعرفنا ليه!!
اولاد عوائل وعندنا فايل !!
بشتنة ورقاد واطة !!
سمعتنا ومصاريف جامعتنا !!
بجم وعدم فهم !!
مكرونة وماعرفنا لونها !!
مس كولنا وناكل فى فولنا !!
|
كلام لذيذ جدا، تعرفى انا بحاول احفظ المصطلحات دى عشان اقبض بيها الجو
السودانيين لذاذ
مع التحايا للاسرة
| |
|
|
|
|
|
|
|
|
|
Re: أولاد عوائل وعندنا فايل !!!! (Re: ترهاقا)
|
ترهاقا اخوى الغالى
Quote: كلام لذيذ جدا، تعرفى انا بحاول احفظ المصطلحات دى عشان اقبض بيها الجو
السودانيين لذاذ |
طبعا لازم تحفظها عشان تقشر بيها بكرة فى المكتب واى زول يكلمك تقول ليهو بشتنة ورقاد واطة !!
هههههههههه
تسلم على المرور وفعلا ياخى السودانيين ديل لذاااااااااذ جدا والله
ومع احلى التحايا لاسرتك ياكريم الاصل وتسلم يارب
| |
|
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
الأمورة نادية،
طبعاً الحاجات دي من زمان موجودة لكنها بتتطور كل مرة.
مثلاً:
تاكلو تسالينا
وتنسوا أسامينا..
الصقت جا
خلي عندك زوق
الباب اتقفل
يلا نط بي فوق
وحاجات تانية كتيرة أحاول أتذكرها واجيك راجع
| |
|
|
|
|
|
|
|
|
|
Re: أولاد عوائل وعندنا فايل !!!! (Re: Dr. Moiz Bakhiet)
|
د. معز الغالى
مرحب بيك حبابك
اليوم السعيد الليلة جابك
Quote: تاكلو تسالينا
وتنسوا أسامينا.. |
وتكشكرو فينا وتنسو وعدكم لينا !!
انت والموصلى طبعا ..!! فاهمنى يافردة موش كده ؟!!
هههههههههه
| Quote: وحاجات تانية كتيرة أحاول أتذكرها واجيك راجع |
وانا فى رجااااااااك..!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: يازولyazoalيازول)
|
الاخت المحترمة والقلم الرشيق نادية عثمان
ان كتاباتك سهلة الهضم وفطائر مسكرة يحلو التهامها مع قهوة الصباح
اوع بس تقومى بعد يومين يصيك ابو الحريد تحردى و تتوقفى من كتاباتك الشيقة
بس خايف يجى الخريف واللوارى تقيف
التحايا لك ولاسرتك
| |
|
|
|
|
|
|
|
|
|
Re: أولاد عوائل وعندنا فايل !!!! (Re: Ahmed Osman)
|
نادية العثل
بوست حلو شديد..
جد كلما امشى القى كمية من الكلام الذى دا بسطح اسبوع لكن تانى بعرفو..
لكن من اجى هنا بنساهم..
اها اتمنى يجو ناس يثروا البوست بيها.. نعمل معجم الراندوك...
مودتى وماسنجرك الماشى كدارى ما وصل
| |
|
|
|
|
|
|
|
|
|
Re: أولاد عوائل وعندنا فايل !!!! (Re: bayan)
|
بيان الدكتورة الغالية
عثل انتى وبثكويت يانجاة النقية جدا..
Quote: بوست حلو شديد..
جد كلما امشى القى كمية من الكلام الذى دا بسطح اسبوع لكن تانى بعرفو..
لكن من اجى هنا بنساهم..
اها اتمنى يجو ناس يثروا البوست بيها.. نعمل معجم الراندوك... |
طبعا لازم نعمل القاموس ونبيع المصطلح بدولار عشان نحافظ على سمعتنا ومصاريف جامعتنا !!
| Quote: مودتى وماسنجرك الماشى كدارى ما وصل |
والله يابنونة وماطالبانى حليفة الماسنجر بلّك روحو براهو وحلف مايشتغل ومزهجنى زهج العدو اقايتو قاعدة اعافر فيهو والله كريم ..!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: Ahmed Osman)
|
العزيز احمد عثمان
| Quote: ان كتاباتك سهلة الهضم وفطائر مسكرة يحلو التهامها مع قهوة الصباح |
تسلم يااحمد وسعيدة بمحاولاتى تقديم بعض الاسهامات المفيدة فى هذا المنبر الحر الذى جمعنا بحب واحترام ..
Quote: اوع بس تقومى بعد يومين يصيك ابو الحريد تحردى و تتوقفى من كتاباتك الشيقة
بس خايف يجى الخريف واللوارى تقيف |
ماتخاف على اختك يااحمد وربنا مايجيب يوم فراقكم يارب
وانا قاءاااااااااااااااااااعدة زى ماقالت الغالية تماضر ومافى شئ بيحردنى لحدى الان على الاقل..!
| Quote: التحايا لك ولاسرتك |
والتحايا لكل احبابك واهلك..
| |
|
|
|
|
|
|
|
|
|
Re: أولاد عوائل وعندنا فايل !!!! (Re: مريم بنت الحسين)
|
مريم بت الحسين ..صحبتى الغالية
والله يابتى محتارة جنس حيرة!!
ايوة لانى رديت عليك بمداخلة كبيييرة وهسى ..سقط لقط ..مالقيتها !!!!
المهم ياعسل الروابط لانها من سنة دو ابت تفتح اكتبى لينا عديل يافردة !!
و
مكرونة وماعرفنا لونها!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: Mohamed A. Salih)
|
محمد صالح تود
Quote: يا ناديه الزول دنقلاوي وده رطانتنا
مونن تاد قريرو مونن = لامن تابي .. تابي في القرير
اها الدناقله المستدنقله بتاعن سجيمان اتعرفو |
دى اقايتو ماادونا ليها فى دنقلا!!
يكون المنهج اتغير ولاشنو؟!!!!!!1
| |
|
|
|
|
|
|
|
|
|
Re: أولاد عوائل وعندنا فايل !!!! (Re: maia)
|
مايا
ياسلام على المرور الحلو
Quote: فعلا الشعب السوداني تحفة في حكاية اختراع المصطلحات
بس اكتر مصطلح حاليا قابض الجو بتع : الشي ده بيفهمك حاجة |
فعلا الشئ ده فهمنا حاجة !!
| Quote: و ما اكتر المصطلحات |
فى رجاك يلا نقول كل الحافظينو من مصطلحات!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
والله يا نادية
قولتي لي كشا مشا عزمو فطور جا عشا
وشوفي هشام طلع تقتيحة من زمن يا ورور
ما نسيناكم ونسيتونا
نمشي ليكم وما تجونا
خارج النص
قالوا السحسوح ما بلبس فنيلة بي حمالات لانها بتنزل كتفو
وبياكل لبانه عشان يريض خشمو
وما بلبس السفنجةعشان بتشاغلو
طبعاً يا نادية لواري السفنجة لمن تدوسي فرملة بتعمل بس بس
| |
|
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
ماتشتتى جهودنا خلينا نتم بتاع الغناء الهابط داك بعداك افتحى واحد تانى
على العموم
ماعلينا
ياكانتونا انتو السودان دا بتجوه زيارة كل سنتين عشان كدا ماتخش فى مسالة تحديات وهاك دى لو عرفتها ابقى رسل لى ميل
........خلاص خبزتو?..........نجيب الرقشة?
والداير دكشنرى يرسل لينا عنوانو
كتبت ليك لا بينى بينك ريدة لا قصة غرام...طيب القال ليك اكتب ليها منو
ودالديم
| |
|
|
|
|
|
|
|
|
|
Re: أولاد عوائل وعندنا فايل !!!! (Re: wadaldeem)
|
ناديةهاك...
تراترا يا اللستك الورى
أكلتو تسالينا ونسيتو اسامينا
قطاطي ومستوى واط...
كرور يا وسخ الخور
بطاطس ومستوى غاتس
الصين فيها حصين
كيس نايلو والهواشايلو، الصين فيها حصين ، كل ستة في حتة ، وكل تلاتة في شكلاتة ، وكل ورقة سادة فرقة، أنت قايل كرعينا رقاق ولا مولودين في زقاق ، نحن اولاد عوايل وعندنا فايل ، وقع ليك ولا أعيدو ليك .
أعمل شخيت وأقيف بعيد ..( تنفع للبورد!!)
| |
|
|
|
|
|
|
|
|
|
Re: أولاد عوائل وعندنا فايل !!!! (Re: عشة بت فاطنة)
|
فى المسرح عندنا ...ولمن اهم "المباحث" للوصول لمنابع الابعاد الثلاثية (نفسية اجتماعية جسمانية) للشخصية موضوع البحث من جهة الممثل او المخرج حتى يتم وضعها على خشبة المسرح هى لغة الشخصية او الالفاظ التى تستخدمها...
وذلك لان فئات المجتمع المختلفة تمر بظروف معرفية يومية مختلفة بحسب مستوى تعليمها وتلقيها للثقافة...وثقافة الفئة الواحدة لها منتوج لغوى واحد او متقارب...وكثير من الالفاظ المعلبة هذه ...تحدث وسط الفئات التى تتعاطى الثقافة السماعية...فانشغالهم بكسب العيش "او الفقر المدقع" او اهمال المجتمع لاحتياجاتهم المعرفية ...تجبرهم على ابتكار او ابداع مفرداتهم الخاصة التى تحتوى على قدر من السخرية وعدم المبالاة بالقيم السائدة للثقافة التى يحترقون تحت سياطها..او قل هى "ثقافة المركز"او القنوات الرسمية...فهم خارج محيط التعليم المركزى او مصلحة العمل المركزية او العنصر المركزى او السبكة الثقافية المعترف بها مركزيا...
"شفتو الدم ده تقيل بقى كيف"؟ المهم.. الاعجب ان احد الظرفاء الذين عرفتهم الخرطوم فى القرن الماضى هو الدكتور عوض دكام ولعله انحيازه لعرق مهمش او انتماؤه لثقافة مهمشة بالدم...هو الذى عمل على انتاجه لهذه الاقوال التى اشتهرت حتى بين مثقفى عصره...
وقد قيل ان بعضها كان يجاريه فيها الفنان الظريف الاخر زيدان ابراهيم ...وقيل عمر الشاعر واسماء اخرى كثيرة
...
القدم بالقدم والامات خدم...
كلام ياعوض دكام
ونحن اخر تعابير "مسجوعة"سمعناها قبل ان نغادر السودان كانت ناس
بنضورة وكشفنا دورا...
وتكوركو لينا نجيكم ..نجيكم تكوركو...
والباقى نسيتو>>
كل ما اتذكر حاجة بجى يا نادية الظريفة
| |
|
|
|
|
|
|
|
|
|
Re: أولاد عوائل وعندنا فايل !!!! (Re: إيمان أحمد)
|
ايمان احمد الغالية
مرحب بيك كتييييييييييييييير
وبى زيارتك بوستى نور
والله نور
كلووووووووو زينة !!
Quote: بوست روش طحن
(من زمان كايسة لي حتة استعملها فيها ، ومالاقية )
|
سألت ليك ايمان بتى من معناها
قالت لى روش طحن
يعنى استايل اوى
شيك لى درجة يعنى
روش يعنى هاى فى كل شئ
وقع ليك ولااكروو ليك..!!
انتى بتحبى كلام المصريين يظهر عليك
اشطة ياباشا
اوعى وشك يتعوّر !!
وهكذا..!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: Tumadir)
|
الحبيبة الغالية جدا تماضر
Quote: والباقى نسيتو>>
كل ما اتذكر حاجة بجى يا نادية الظريفة
|
ودائما بكون فى رجاك ياعسل حياتنا فى الزمن المسيخ !!
وهاك منى ديل مؤلفين منى عشانك مخصوص..!!
تماضر عسلنا ومافى زول بحصلنا !!
حبيناك لى الله يانوارة الحلة !!
بت الشيخ لذيذة وفى قلوبنا عزيزة !!
وهكذا..!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: wadaldeem)
|
ود الديم العزيز
Quote: ماتشتتى جهودنا خلينا نتم بتاع الغناء الهابط داك بعداك افتحى واحد تانى
على العموم
ماعلينا |
ياود الديوم ده ماتشتيت جهود ولاحاجة لانى عارفة طاقة البورداب الشمارية كبيرة جدا وامشى شوف ردى فى البوست داك برضو سمح..!
Quote: ياكانتونا انتو السودان دا بتجوه زيارة كل سنتين عشان كدا ماتخش فى مسالة تحديات وهاك دى لو عرفتها ابقى رسل لى ميل
........خلاص خبزتو?..........نجيب الرقشة? |
الكلام مالى وانا مامطيرة عينى لانى بجئ السودان كل سنة وااااااحدة موش اتنين!!
| Quote: والداير دكشنرى يرسل لينا عنوانو |
عنوانى الشعبية جنب المركز الصحى وفى القاهرة جنب سوق الخضار
| Quote: كتبت ليك لا بينى بينك ريدة لا قصة غرام...طيب القال ليك اكتب ليها منو |
بس كده شوبار وعدم دبار !!
ياتو ديم فى الديومات؟
| |
|
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
هوي يا انتو شنو كلو في محلو كل تلاته في خلاطة,كل سته في حته,كل جركان في مكانه كركدي وماعرفته ليه قرفة وعدم عرفه,هبهان وعدم بيان,كيس نايلو والهوا شايلو,اقيف بعيد واعمل شخيت اعمل لاين واقيف اعاين, انتو قايلين كرعينارقاق ولا مولدين في زقاق,اولاد عوايل وعندنا فايل,,,
وقع ليكم ولا اعيدو ليكم
شوية هترشة
| |
|
|
|
|
|
|
|
|
|
Re: أولاد عوائل وعندنا فايل !!!! (Re: ابو مهند)
|
ابو مهند الظريف جدا
Quote: هوي يا انتو شنو كلو في محلو كل تلاته في خلاطة,كل سته في حته,كل جركان في مكانه كركدي وماعرفته ليه قرفة وعدم عرفه,هبهان وعدم بيان,كيس نايلو والهوا شايلو,اقيف بعيد واعمل شخيت اعمل لاين واقيف اعاين, انتو قايلين كرعينارقاق ولا مولدين في زقاق,اولاد عوايل وعندنا فايل,,,
وقع ليكم ولا اعيدو ليكم |
اقايتو مافضلت لينا حاجة نقولها
لكن ممكن تعيدو لينا
لانو
ماوقع لينا
اها شن قولك..!!؟
تسلم على المرور الحلو جدا..
| |
|
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
نادية العزيزة
تحايا
والله القائمة الكتبتيها عن الأشياء البتجوا محمّلين بيها من السودان شوّقتني للسودان وللخالات والحبّوبات والمناسبات .. أمّا قائمة المصطلحات فغايتو الواحد محتاج ليهو قاموس زي بتاع دكتور عون الشريف قاسم داك .. تعرفي انا أول مرّة أسمع مصطلح شمار كانت في المنبر دا ، وفي الأول ماكنت فاهم الموضوع ليهو علاقة بي فطور بي فول مدنكل ولا الحاصل شنو !! وبعد شويّة بعد كترة إستخدام المصطلح من الناس بديت أفهم معنى التعبير ..
لو في طريقة أعملي لينا قاموس عشان الواحد مايصيبو الحرج لو سألوهو سؤال بالمصطلحات بتاعة "شنو يامنقة نفحّط ولا نَكْسِر هنا؟" يعرف يجاوب 
تحاياي لأسرتك
| |
|
|
|
|
|
|
|
|
|
Re: أولاد عوائل وعندنا فايل !!!! (Re: saif massad ali)
|
نادية الحبيبة
كلماتك الرشيقة..دائما تغري بالمطالعة رغم ضيق الوقت
ليس لي المام كبير بهذه اللغة ولكن اسمعها احيانا..وعندنا في الشمالية سمعن " بالطا" واستغربت من التعبير وعندما سألت علمت انه " بتطولي" سألت تاني هي ذاتا معناها شنو قالو يعني زي مافي ليك ولا ابيت !!
هذه اللغة غريبة وعجيبة ..بس اتمني ان لا تمحو اصل كلامنا السمح ويبقي الكلام كله شرط وقطيع وسلك وفرد!!
تسلمي ويسلم دوبيتك السمح يوت
| |
|
|
|
|
|
|
|
|
|
Re: أولاد عوائل وعندنا فايل !!!! (Re: انا بنت النيل)
|
| Quote: أنت قايل كرعينا رقاق ولا مولودين في زقاق ، نحن اولاد عوايل وعندنا فايل ، وقع ليك ولا أعيدو ليك |
يا عشه بت فاطنة... مولدين في الإمتداد وحبينا في البلاط
ياود الديم أنا يا ود أخوي قاعد في خرتوم أحمد... وأكتب لك هذه الرسالة وماشي متغدي في الديم جنب محطة الغالي ... رأيك شنو...وكمان من الخرتوم بسافر أم طرقن عراض محل المنقة والجوافة والقشطة وكلها وحاتك ببلاش
ياوراق غلطان... نعمل جوزيف لاقو معناها نتلاقي ... وشوف الباقي معناه شنو
.. الكلام قلتو وما ناكرو.. كان ما قلتو قلتو.. كان ليك شيلو وكان ما ليك ختّو..
يا بمبي يا وسخ كرعي...
ألمي البارد بقد الدلو
كباشي الصافي
| |
|
|
|
|
|
|
|
|
|
Re: أولاد عوائل وعندنا فايل !!!! (Re: انا بنت النيل)
|
انا بنت النيل الغالية
وينك؟
منتظراك فى بوست الدوبيت ماتغيبى بالله
| Quote: هذه اللغة غريبة وعجيبة ..بس اتمني ان لا تمحو اصل كلامنا السمح ويبقي الكلام كله شرط وقطيع وسلك وفرد!! |
والله ضحكتينى جدا
اقايتو يابت امى تبقى مصيبة لو تبقى ده اللغة البديلة للشارع السودانى !!!
الله يكضب الشينة!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: لؤى)
|
لؤى الرائع
| Quote: لو في طريقة أعملي لينا قاموس عشان الواحد مايصيبو الحرج لو سألوهو سؤال بالمصطلحات بتاعة "شنو يامنقة نفحّط ولا نَكْسِر هنا؟" يعرف يجاوب |
لا ماتفحط وخليك هنا ..!!
انت عايز قاموس شنو اكتر من هذا البوست الذى جمع كل جهابذة الراندوك السودانى ؟
انت بس خليك معانا ..
| |
|
|
|
|
|
|
|
|
|
Re: أولاد عوائل وعندنا فايل !!!! (Re: alfatih)
|
الفاتح الراقى الظريف
Quote: نادية فى ذمتك تخلينى ارجع المنبر سريع لييه
مما قمت من الصباح لقيتك قدامى الليلة والضحك شرطنى ... |
اجى ياولدى وهو انت كنت حردان وانا ماعارفة ولاشنو ؟
عموما بركة الجيت والله
وصحى
نكورك ليكم
ماتجو
نجيكم
تكوركووووووووووووووووو!!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: صباح احمد)
|
زميلة المهنة الغالية صباح احمد
Quote: ترا ترا اللستك الورا
ديامة والنار يوم القيامة
حكومة والناس مظلومة
|
تسلمى ياغالية وبالمناسبة انتى عارفة مجتمع الصحافيين عندو لغة برااااهو حلوة خلاص سمعت منهم حاجات لمن كنت فى الخرطوم..
بالمناسبة ياصباح انحنا اتقابلنا فى الخارجية موش؟؟
| |
|
|
|
|
|
|
|
|
 Re: أولاد عوائل وعندنا فايل !!!! (Re: osly2)
|
الأخت ناديه كيفيك .. الموضوع جميل .. ورأى رأى الاخ فريد ود المسيد فعلا هم الظرفاء الذين يطلون علينا بهذه القفشات الحلوه .. واذكر من التعليقات الحية من وسط اسرتى الشنداوية : ابن عم مره في جلسه اسريه تضم معظم شباب الاسرة وكلهم عندهم موبايلات إلا هو واختى الكبيرة فقال لها : يا اختى يا ..... انا وانتى لا فايل لا موبايل .
ايضا لى خاله من صاحبات الطرف وهى مرة من المرات في مناسبة عرس خارج المدينة وعادة بعد الحفلة تحصل ازمة مويه في بيت العرس وخالتنا ماشه على المزيره تشرب حصلت الحكايه ناشفه خالص وفى تلك اللحظه واحده من صاحباتها قالت ليها يا ..... جيبى لى معاك مويه فقالت لها : لا مويه ولا قعويه الليله قالت ليها الرقاد ارضيه والوساده كوريه انكربي ساكت
مع تحياتى
| |
|
|
|
|
|
|
|
|
|
Re: أولاد عوائل وعندنا فايل !!!! (Re: ود المدفع)
|
الاكرم ود المدفع
| Quote: لا مويه ولا قعويه الليله قالت ليها الرقاد ارضيه والوساده كوريه انكربي ساكت |
ياسلام على قريبتك دى ظريفة ظرافة ماعادية والله
وفعلا صدقت ايه البخلى الناس تتكلم الكلام الظريف ده ومابيجيبوهو من وين زاتو ؟
| |
|
|
|
|
|
|
|
|
|
Re: أولاد عوائل وعندنا فايل !!!! (Re: osly2)
|
اوسلى تو العزيز
| Quote: تربيهو كتكوت يكبر يفوت |
اها دى عاد القالها صدق والله خاصة فى الزمن الشين ده
تسلم على المرور وتعال دائما مارى بى هنا وبهناك فوجودك يشيع البهجة جدا
| |
|
|
|
|
|
|
|
|
|
Re: أولاد عوائل وعندنا فايل !!!! (Re: Balla Musa)
|
بلة موسى الزول الراقى
| Quote: دا كلام عوض دكام الله يرحمو |
طيب ماانا عارفة انو كلام ود دكام الله يرحمه!!
خفت الشبك ولاشنو ياود عمى الغالى ؟
ههههههههه
اها وقولة ياناس العنصرية والنعرات القبيلية دى حقتى الفتها انا زى الدوبيت مالها موش حلوة بالله؟
| |
|
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
العزيز ه ناديه
بوستاتك تكتسب بهجتها دائما بخفة دمك ونشاطك الجم لا باطلالة
امثالى وصديقى دكتور بله موسى
اكيد بجيك بى غادى والا نلتقى هناك هاك ديل
المشى كدارى ولا ركوب اللوارى
كوارع وحايمه فى الشارع
طاحونه ومره مجنونه
يا عشى البيت يا قطع الخيط
تحياتى
| |
|
|
|
|
|
|
|
|
|
Re: أولاد عوائل وعندنا فايل !!!! (Re: osly2)
|
الغالى اوسلى تو
Quote: بوستاتك تكتسب بهجتها دائما بخفة دمك ونشاطك الجم لا باطلالة
امثالى وصديقى دكتور بله موسى |
بل من وجودك وبلة وكل الاصفياء الذين قد جمعنى بهم الله فى هذا الوطن الافتراضى فكانوا لى الاخوة الاشقاء الذين لم تلدهم بطن امى ..!
ربنا ماحرمنى منكم يااااااارب
| Quote: اكيد بجيك بى غادى والا نلتقى هناك هاك ديل |
وانا فى رجاك دائما وفى كل لحظة وبرضى بجيك فى بيوتاتك
Quote: المشى كدارى ولا ركوب اللوارى
كوارع وحايمه فى الشارع
طاحونه ومره مجنونه
يا عشى البيت يا قطع الخيط |
هل من مزيييييييييييييييدايها الرجل الحبوب جدا ؟!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: Balla Musa)
|
أوسلى الحبيب
Quote: بوستاتك تكتسب بهجتها دائما بخفة دمك ونشاطك الجم لا باطلالة
امثالى وصديقى دكتور بله موسى |
عشةالفلاتية كان عندها حفلة فى مدنى قامت مرضت والناس قطعوا التذاكر وحددوا اليوم وكان لازم الناس المنظمين يتصرفو . مشوا جابوا أبوداؤد وما كان فنان مشهور, قالوا ليهو نعلن عنك كيف والناس متوقعين يسمعوا عشة الفلاتية قال ليهم قولوا الفنان أبو داؤد راجل عشة الفلاتية.
طبعا الكاشف ماكان حاضر الحفلة خايف من عشة الفلاتية
| |
|
|
|
|
|
|
|
|
|
Re: أولاد عوائل وعندنا فايل !!!! (Re: Balla Musa)
|
نـا ديــــه
وهاك ديل كمان
كجنكى ومسمار زنكى
غادى غادى الجزام بعادى
الليله بلاش وبكره بلاش
جايبنو بالطياره وبايعنو بالخساره
دكتور بله
حضور الكاشف ولا عدمو هيين المشكله فى تكاسى فجراوى
تحياتى
| |
|
|
|
|
|
|
|
|
|
Re: أولاد عوائل وعندنا فايل !!!! (Re: seham_musa)
|
سهام موسى الغالية
Quote: وتتخيلي اخوي المشى الخرطوم ( شهادة عربية ) رسلنا ليهو رسالة جوال نسال عن احواله
وقال لينا
انا عامل زي حنفية محلوجة في بيت عذابة والعذابة مافشين |
ده حالتو شهادة عربية بس يعنى مامؤسس فى السودان!!
انا اخوى كل مااجى السودان اول حاجة يقول لى
هوووووووووووى يختى
يلا ورينا الكتاكت (القروش)
ويقول:
سمعتنا ومصاريف جامعتنا !!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
ست الشي وكل شي
بوست السرور دة يا بنت أمي
انا حالياً في مرحلة بتستدعيني أكتر محلبية خيالاتي
و أسافر بعيد في اطار مشروع رجع البلد
شخصياً انا بري أنو الموضوع ممتع
يعني شكلو حيكون غابة و باقي الناس حطّابة
بي الفهم دة بحاول ارجع ليك لي أصل الحكاية
انا بري انو المصطلحات دي بتجي من خلال النفسية السودانية
المشجعة للسجع و القافية والدوبيت وهذه الضروب من الشعر
يعني قبيل انا كنت بتكلم مع الوالدة
الأكاديمية نوعاً ما
قلت ليها بكرة انا ح أحول ليك المصاريف
لزوم المعايش وحق الكسرة و الهديمات و الكريمات
جارتنا عشة سمعت الكلام طوالي قالت ليها دستور
قلت ليها والما بقول دستور سنة وستة شهور
فلانات جارتنا الله يطراها بالخير
كانت بتقول لي وليدها أمجد
يبقي لي بي أمر قبض
لمن يطلب منها حق السجاير
كلام كتير انا شخصياً بحب أرددو بحكم اني تربية حبوبات من الطراز
الاول يعني بتلقيني علي طول أستنجدت بي ( سحـّارة اللغة)
ومرقتها عن حبوبتي صبر هان
مع أنها من اصول غير عربية
لكن قدرت تحل عقدة الكدوس و تصر أنو عيونها الخضراء دي
جات نتيجة عيب خلقي
و بتتمسك بي سودانية غير مبررة
أجي يا بنتي!!!!
ما كلو زي دة
كترت الكلام
لكن تاني بجيك طاير و فاكي الزراير
ويا انا يا أنتي في البوست دة
مع انو الحال مجوبك
جوباك حياة في الدايات!!!!!!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: حبيب نورة)
|
حبيب نورة حبيب الحبيبات لى حدهن
جيتنا ونورت بيتنا
كركديه وماعرفنا ليه!!
مكرونة وماعرفنا لونها
اجى ياود امى هو انت شوية ولالحمة جزاركم نية؟
و| Quote: يا انا يا أنتي في البوست دة |
انا وانت والبورداب كلهم ولو النفوس اطايبت الدنيا بتشيل خمسين مليون الف نسمة!!
Quote: مع انو الحال مجوبك
جوباك حياة في الدايات!!!!!!! |
سجمنا ياولدى
بشتنة ورقاد واطة!!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: الملك)
|
الملك عندنا ؟
يامرحبا يامرحبا نورك غطا على الكهرباء !
| Quote: ندى شكرا ليك هنا وهناك على الإهــــــــــداء |
ياملك انا اسمى نااااااااااااااااادية لكن برضو ندى حلوة منك..!!
....
| Quote: لكن لو عارف فى بوست زى ده ما كان عملتاالبوست ده |
مافى مشكلة يافردة انت ترندك ونحنا نردك واهو كلو راندوك!!
والبحر مابياابى الزيادة ياغالى ..
| |
|
|
|
|
|
|
|
|
 Re: أولاد عوائل وعندنا فايل !!!! (Re: نادية عثمان)
|
خالص التحايا...
العزيزه ندويه...
سلام كتير ليك يا استاذه ...
بوست لمن الوحد يكون معكنن يجى يطل عليهو ..
تشكرى عديل عليهو ..
نبدا نضيف معاكم بعدين حاجيب لى كراس اسجل لى كل الشمار الطالع ده عشان نزيد ثقافتنا..
طبعا انا دى بقول عليها لغة الشارع ولغة الشارع انا بعطبرها اقوى حضورا لان الشارع دايما هو البورينا طريق الصاح..
من خلال احتكاكى زى مابقولوا بااولاد الشمس فى قسم علم النفس نبدا نذكر معاك..
اولا ..
جرجخيس ونبق رخيص..
بستله وحايمه فى الحله..
ترا ترا وشبه اللستك الوراء..
منكوشه وشبه الكوشه..
قايتو دا القدرت اتذكرو ستى بالرغم انى فى كلمات منهم مافاهميها لكن ياهو قلنا نشارك الحلوين المعاكى ديل
البهجه والحب والمرح البيناتكم ده...
ويلا نفكر ونحاول نجى
افوتك بعافيه...
| |
|
|
|
|
|
|
|
|
|
Re: أولاد عوائل وعندنا فايل !!!! (Re: معتز تروتسكى)
|
معتز تروتسكى الغالى
| Quote: بوست لمن الوحد يكون معكنن يجى يطل عليهو .. |
كان كده ضمنا انك حاتجينا كتييييييييير جدا لانو المنبر عجاجتو قايمة للسماء طوالى والشكل فيهو مابينتهى ابدا !!!
مرحب بيك ياغالى
و
قمح وحديث سمح
جمال وفراق محال
و
هكذا..!
| |
|
|
|
|
|
|
|
|
|
Re: أولاد عوائل وعندنا فايل !!!! (Re: نادية عثمان)
|
كل شئ في السودان بتغير بسرعة وفي معظم الأحيان يكون هذا التغيير للأسوأ نص السودانيين في العاصمة القومية بيقو يبيعو الأكل والشاي والنص الآخر زبائن مركلسه ، هناك الكثير من المصطلحات الجديدة في التعامل واللهجة والإتيكيت والبيع والشراء وكل نواحي الحياة ولمن تكون جديد على طول بيعرفوك لأنك ببساطه بتكون شايت ضفاري أو عكس الهوا – دائماً ما تكون المصطلحات الجديدة سهله وبسيطه بشرط أن تأتي في هيئة سجع حتى تكون سلسه مقبولة وغير منفرة مثل ترا ترا اللستك الورا أو سمعتنا ومصاريف جامعتنا وحتى عنوان المقال لو كان أولاد عوائل وعندنا ملف لكان منفراً وإليكم شئ من هذا القبيل:
عالم مركب بالغلط
طابونه بتبيع أيسكريم
راكوبه في نص الزلط
الركشه لابسه فنيله كط
مستر عتوت لابس شبط
وللقصيدة بيقيه
أعجبتني هذه ارسالة حد الدهشة فقد وصلتني على موبايلي ووصلت عن طريق الخطأ حيث أنها ضلت طريقها أو أن صاحبها بالرغم من روح النكتة المتأصلة فيه متأخر كثيراً في تقنية الموبايل ، فقد كان ذلك خلال عيد الأضحي المنصرم وكانت الرسالة كالتالي:
عيدك مبارك وخرفان تتعارك وكل سنه وإنتو طيبين وضفيرة كمونيتكم مترين
| |
|
|
|
|
|
|
|
|
|
اولاد عوائل وعندنا فايل (Re: نادية عثمان)
|
القميص جمايكة والصلعة فورمايكة
الكراع مكسورة والنخرة ماسورة
اها رايك شنو ؟ دقة قديمة زي ماقال الموصلي مش كدة
بالمناسبة دى طبعا امبارح عامل زيطة فى فرجينيا .. اقصد عامل حفلة فى الاحتفال بيوم المرأة العالمى. والراجل ابدع
وكمان هاك الشمار دة طبعا الموصلى حيكون بيناتكم فى القاهرة خلال الايام القليلة القادمة.
| |
|
|
|
|
|
|
| |
ترهاقا
Dr. Moiz Bakhiet
cantona_1
يازولyazoalيازول
Ahmed Osman
bayan
مريم بنت الحسين
عشة بت فاطنة
Tumadir
إيمان أحمد
إسماعيل وراق
لؤى
saif massad ali
Elmosley
Agab
Abdelrahman Elegeil
HAMZA SULIMAN
alfatih
صباح احمد
osly2
مبيوع
Ahmed Al Bashir
seham_musa
yasiko
حبيب نورة
الملك
بلدى يا حبوب
معتز تروتسكى
ahmed shaaeldin
فيس بوك
تويتر
انستقرام
يوتيوب
بنتيريست