دعواتكم لزميلنا المفكر د.الباقر العفيف بالشفاء العاجل
|
|
 ☼☼ الأديب : محسن خالد فـوق صفيح ساخن ☼☼
|
محسن خالد
تاريخ التسجيل: 06-01-2005
مجموع المشاركات: 864
ـــــــــــــــــــــــــــ
يسعد أوقاتكم بالخير .
الأديب الأستاذ محسن خالد , كمنولث ثقافي , وموسوعة أدبية أثار ضجات ما تزال ترن في أرجاء الوطن العربي .. عرفنا عنه القليل وهذه دعوة لنعرف عنه ونحاوره فيما جهلنا عنه
وعن كتبه ومؤلفاته السابقة والآتية .....
أعرف بأني أحتاج لبادية من اللغة الدارجة , و مانهاتن من مفردات الحداثة ومتسكعين لضخ مياه شواطئها حبراً , و بجـُـزر من حظ قد نضع ( قنطرة ) هنا علي معبر القـُراء , بشقيهم : المعترض والموافق علي تعابيرك ودلالاتها .. فزعم من زعم برٍيادتك .. وآخرين هرعوا للـ ( سحارة ) وتسلحوا بالموارييث ..
هي سنة الحياة النسبية فيما نملك من تقديرات وموازيين قد تكون إختلت بعوامل
مكتسبة بسقوط المسافات بين العالم , أو وراثية تقبع كسور الصين العظيم بداخلنا .. وقد تكون مقاييس ذرية الدقة ولكن يوزن بها قطن أو درب التبانة.
و قبل أن نلج لعالمك ( ديزني كتبك ) أو ما توفر لنا منها سنمنحك إذن بالغياب أو التأخر نظراً لإنشغالك وتقديراً لظروف عملك كلها .
و سؤالنا الأول : بعبارات ( فليلية ) إن صح التعبير وضع محسن خالد كتبه ومنشوراته في قائمة سوداء ببلاد عربية ... هل فكرت فيها بنظرية : بيدي لا بيد عمرو ؟ أم كانت هذه العبارات هواءً يتنفسه شخوصك و إنقطاعه يعني موتهم ؟.
أليس هذا إجحاف في حق قرائك ؟ أم هو وفاءً منك علي الشهادة تحت قسم الأدباء ؟
|
|
 
|
|
|
|
|
|
|
 Re: ☼☼ الأديب : محسن خالد فـوق صفيح ساخن ☼☼ (Re: معتصم الطاهر)
|
..
الأخ صانع البوست، filan
تحياتي يا عزيز،..
والسلام،..
شكراً لك على هذه المحبَّة والمحكمة الأدبية المبيَّتة كما أشم،..
سأُتابعك بكل حب، الذي أراه يندرج في خانة المحكمة سأُجيب عليه بوصفي المتهم،..
والذي لا أستطيع فرزه عمَّا هو بحاجة للنقَّاد ومدارسهم، سأدعه شاغراً لكوني لستُ بناقد، فما أنا إلا مجرّد متسوِّل لبعض لحظات الصفاء والرقي من التعبير واللغة فحسب،..
والذي هو وليمة للذئاب سأتركه للغابة، لأنَّ النيّات الطيّبة وحدها في هذا المكان لا يمكنها أن تبلِّغ البوستات بلاداً تتجول فيها الأفكار المنعشة والذكية، وغير ذات الغَرَض،..
يعني ممكن تقبّل كدا، وتلقى البوست دا بقه سلسلة من المشاجرات تجاه محسن خالد،..
يعني بنصبر نشوفوا يطلع (قلابة وشَرَك) وألا (غمائم قِبلي الناس عطشانين ليها شديد)،..
فاهمني إنت أكيد،..
وأكيد شاكرك على حصة الغياب التي صرفتها لي، فالأيام ضنك، واليوم ما يملى هين،..
لك محبتي بلاداً إثر أخرى،..
Eng. Mohammed al sayed،..
تحياتي يا رجل وكن بخير، وأجمل السريرة كل يوم،..
وباهي،..
معتصم الطاهر،..
لك تحياتي ومحبتي،..
وشكراً لك، أنا تكفيني المكتبة التي هي فكرة أو أمنية بداخلكم تجاه كتابتي، فإنها المكتبة الخواتيم والخالدة أبداً، ومنتهى أمنيتي،..
فكن بخير دوماً، ولك محبتي أوفاها
..
| |
|
|
|
|
|
|
|
|
|
Re: مساء الخير (Re: filan)
|
الأخ FILAN
ليك شبال علي مجهودك لمّ محسن خالد في بوست واحد .
الحبيب مُحسِن ..
ليك خرمة ..
بس مِحسِن آ خوي خبارك قبولك مشقق بِالإحباط كدي .
مِتْلَ الناس النترت فوقك دي إن وقفت علي أمشاطا مو لاحقة عضم الشِيطان الِليِلْك ..
ليك الحب. ما ظهر منه ..
وما بطن ..
| |
|
|
|
|
|
|
|
|
|
Re: مساء الخير (Re: mutwakil toum)
|
...
يا متوكل يا حلو، إزيك،..
عارف؟ هو ما الإحباط، وما تسألني هو شنو، لأني ما عارف! أنا قدرت أسيب الإحباط، في حين أن التدخين انتصر عليّ،..
بس يمكن لما تكون إنت قاعد تشخبط في سبورة، "تسبير الأرض بالطباشير"، أها يجيك واحد عضو بورد جداً، ويستطيع أن يؤمن بالديمقراطية –لما يشوفك بتشخبط- قلنا في اللحظة دي يؤمن بيها جدا، ويجي يتكلم عنك بطريقة صادقة جداً جداً، ويفتكر إنك إنت زول مخرّب أخلاق بنيّة صافية جداً جداً، أها الزول دا ما كعب ولا شرير، بس ما فاهم ولا ذكي وشغال قدر قدرتو، هنا لو كنت شخص عندك محبّة للناس قبولك لدعوة زي دي بكون مشقّق جداً جداً جداً،..
كلامك التاني داك ذكّرني بمقطع لسميح القاسم بقول فيهو:
قدماك يأس النمل والديدان
يا ملك الملوك
الغيمة الحمراء أمك..
ومن ريحٍ مقدسةٍ "أبوك"،..
بس شنو يا متوكل يا صاحبي الشفت، أنقر تاااني سميح القاسم ما كان قايل في مفترع القصيدة:
أشدَّ من الماء حزناً
تغرَّبت في دهشة الموت، عن هذه اليابسة
أشدَّ من الماء حزناً
وأعتى من الريح توقاً إلى لحظةٍ ناعسة
وحيداً.... ومزدحماً بالملايين،
خلف شبابيكها الدامسة
بحبك يا ولد، يا متوكل، ومثلك يُزار عبر الباب، لا الأبجدية
..
| |
|
|
|
|
|
|
|
|
|
Re: مساء الخير (Re: محسن خالد)
|
أستاذنا متوكل توم مساء الخير بتوقيت التقدير ...
تعرف للشقوق عشرات الزوايا , قد ينجح المطر في لملمتها لتكوين ( حفير ) يبتسم في وجه
الجفاف , و أبداً ليس ذنبه إن غرق فيه بدوي من صحراء لا تنبت بها غير الشمس .
و خليك قريـــــب ....
أستاذ محسن ... عبرت بسؤالي هذا كالـ ( وحدة ) ظلل الله قضبانها بفتات الجرايد التي ما زال أهل البنادر ( يردومننا) بها لنصعد درجة في سلم الإنفلات من حواشاتنا و المدرسة الوحيدة التي ( تفك الخط ) وتربط ألف عقدة .. كانت الأرض يومها كلية تقنية , تتخرج وتعمل وتتقاعـــد بها .. كان الإحباط مقرراً هناك !!!
Quote: سؤالنا الأول : بعبارات ( فليلية ) إن صح التعبير وضع محسن خالد كتبه ومنشوراته في قائمة سوداء ببلاد عربية ... هل فكرت فيها بنظرية : بيدي لا بيد عمرو ؟ أم كانت هذه العبارات هواءً يتنفسه شخوصك و إنقطاعه يعني موتهم ؟.
أليس هذا إجحاف في حق قرائك ؟ أم هو وفاءً منك علي الشهادة تحت قسم الأدباء ؟ |
| |
|
|
|
|
|
|
|
|
|
Re: مساء الخير (Re: filan)
|
محسن خالد (ود اهلي من غير لصيق!!)
سلام يغشاك محل ما كنت
سلام بقدر ما رفعت صوتي وقلت (ده من حلتنا)
القالو عنهم(سلامن كرفة ودس نخيراتن في رقاب الناس يشمو الولف جواها)
لك ان تكتب
ولي ان افتخر
ولصاحب البوست الشكر
***ود عمك حسن الطيب***
| |
|
|
|
|
|
|
|
|
|
Re: مساء الخير (Re: Saif aldin Hassan)
|
محسن خالد إزيك :
آ زول انا مو عايز ابقالك شغلةً تقيلة عليك تلف وترجع ترد عليها ، لكن نظريتك حول فقر أو فقدان انزيم الذكاء بِالحيل ريحتني فوق قليبي ده .
أها النظرية دي برضو بتخُتك في المركز وبِتخُتهم في الهامش - الهامش سيك سيك معلق فيهم - لآآآمِن - لو بِقوا محظوظين - يكتشفوا الحقيقة ويجوك ساجدين تقول ليهم هاهو تأويل رؤياي .
لكن انا بختلف معاك في تهذيبك حول إيراد كلمة (ما أذكياء ) معاكسة لكلمة (أذكياء) فالمعكوس اللغوي - وانت أعلم - هو الغباء ... ويطلق علي هذا النحو للفرد (غبي) .
أها يا مِحِسِن أنا بدور اتكلم في الـ(مكابرة) الجاية من فرع العائلة الِليل (الغباء) .
لم تقراء لي زولاً كتاااب بِالحيل وما يحرِك فوق جِلدك القشعريرة دي تسميها شنو . الحكاية مو كِتابات محسِن، الحكاية محسن . نقيف قصادو ألِف أحمر .(أها دي الكعوبية) .
غايتو يا محسن نقفل الصفحة دي . ونرجع لي موضوع البوست (الموك حفيانلو ولا هو رماضة) ..
وخليها بعد إذن الأخ فلان ونسة أدبية . أحكيلنا من البيت اب نخلاتاً تلات لحدود جبل ابو علي . أحكي عنك آ زول الحاصلك شنو؟ . إتكونت كيف؟ وبقيت لب كدي، محسن، كيفِن؟؟
. رُش البوست بريحة الشيشة والعصرية وبخور الوِلِف .
ليك حب pure ما مكسور
| |
|
|
|
|
|
|
|
|
|
Re: مساء الخير (Re: mutwakil toum)
|
...
Quote: سؤالنا الأول : بعبارات ( فليلية ) إن صح التعبير وضع محسن خالد كتبه ومنشوراته في قائمة سوداء ببلاد عربية ... هل فكرت فيها بنظرية : بيدي لا بيد عمرو ؟ أم كانت هذه العبارات هواءً يتنفسه شخوصك و إنقطاعه يعني موتهم ؟.
أليس هذا إجحاف في حق قرائك ؟ أم هو وفاءً منك علي الشهادة تحت قسم الأدباء ؟ |
لن أُحيلك يا صديقي إلى ما أجبت به الأخت شذى مصطفى، أعني حواري مع الشرق الأوسط، يومها قلت: بأنني لست "سائق كتابة"، وإنّ وقتي أصرفه على الاهتمام بآليات الكتابة وحدها وترقية أدواتها، ولن أخدم أبداً كـ"سائق كتابة" يعرف متى ينعطف يميناً ومتى عليه استخدام الضوء القصير أو الطويل، أنا لن أفعل ذلك، الكتابة تقود نفسها.
أُريد أن أكون وفياً لطفولتي، وأن أستمتع بذلك،..
النص الروائي هو أمامك على الدوام، أنت تكتب وتكتشف مع الآخرين إمكان الكتابة وتفتّحها وإيراقها، الخُطّة ليست بواردة لدى محسن خالد،..
اللغة بالنسبة لي -فنياً، مباحة وحلال كلها، اللغة أوجدتها الضرورة دون شك، وتكره العطالة، أنا موظّف لغة عاطلة إن شئت،...
الرقابة دمبعلو قبيح، عليك أن لا تفكّر فيه ككاتب،..
الكتاب وهم هو الآخر، فدعه لقوانين الأسواق، وتفرّغ لحشوه بما تراه جميلاً وفناً فحسب،..
من اختلفوا مع محسن خالد، اتفقوا على روعة كتابته لولا كلماتٍ كلماتٍ كلمات،...
كنتُ قد رددتُ على إحدى صديقاتي الكاتبات برسالة أقتبس لك منها:
Quote: دايرين تبقوا كتاب، أكفروا بكل شيء في البداية، أعني الرفوف، بالنسبة للرسام مافي أي خامة قاعدة في رف، كلها متداولة وحلال بين يديه، بالنسبة للكاتب مافي كلمات قاعدة في رف، كلها ملكو..
وأنا كتابتي لو فيها جنس ومواضيع دين بشكل مختلف عشان الشهرة وأكون مشهور ببقه دا موضوع في إطار الشهرة ومش مهم، الشهرة بتجي وبتروح، زي المرض، والحمى،..
أما لو فيها جنس ودين بصدد رؤيا تانية ونقاش، برضو بيظل النقاش دا حي ومدوّر مهما كان التصنيف وموقف الناس من الكتابة،..
الموهبة طبعاً هي القدرة السحرية البتخلينا ما نقدر نعرف هو الكاتب دا داير الشهرة وألا داير شنو؟
والناس دي كلها بقولوا الزول دا كتاب، بس إلا الكلمات الكيت وكيت... ودي عوارة بحتة، لأنو الزول دا كتاب عشان كتابتو –كاملة- وحميمة، أما التصويرية المذهلة دي، الضد النعاس والموت، فهي جاتن من الكتابة كلها، بما فيها الكلمات العبيطة دون شك، يعني كان بكون في شاغر حس وجو لو تم حذف الكلمات دي، فهمتِ كيف؟ |
.
| |
|
|
|
|
|
|
|
|
|
Re: مساء الخير (Re: محسن خالد)
|
..
Saif aldin Hassan،..
إزيك يا سيف، وكيفنّك،..
وأريتو عمي حسن بخير،..
(ودس نخيراتن في رقاب الناس، يشموا الولف جواك)، كيف جمال حسين؟ الشاعر الجميل؟
يا ريت لو بالوسع نقلدك ونشم الولف جواك،..
كتير مشتاقين يا ود حلّتنا، مع إنك صغيرون، ولو كان جريت ورانا زمان أنا وأخوك عز الدين بننهرك، آجنى ما تشوف العوان القدرك،..
يا زول لساهو بص الخضار يخضّر شندي، وما حولها من القرى
ولسانا رايحين من أهلنا، وإنتو كبرتو ودقشتو بلاد الله، غايتو يا حليلنا منها،..
بنتلاقى، خليك حي،..
يضحك نهارك يا جميل،...
mutwakil toum،..
غايتو سماحة كلامك، خليها ساي، ما بقدر أسكت منها،..
وسقراط كان أرجل من الناس دي كلها، ودعا للديموقراطية الصفوية، طبعاً كانت كجنتو في الدنيا يقوم واحد من تجار أثينا متدلي الكروش وفارغي الرؤوس يجي يصوت مع الرواقيين، سقراط كدا بجن جنو،..
كان بضحك دائماً من إفلاطون وبقول صاحبي إفلاطون داير يرقي الجحوش إلى حيث يصبح بوسعها المشاركة في الفلسفة بضراطها، شوف الزول دا عينو قوية كيف، كان رأيو واضح إنو العقل نفسو هو البصنع التمييز، وإلا أصبحت الدنيا فوضى، لو بنسمع رأي التمرجي بمرجعية تتساوى مع رأي الاختصاصي والبروفيسور، ورأي الكهربجي يزن رأي دكتور هندسة الكهرباء، وو.. إلخ،..
خلينا نسد الباب دا، أنا مع حرية الفرد، ولكن فيما لا يضر بالمعرفة،..
كن بخير،..
..
| |
|
|
|
|
|
|
|
|
|
Re: مساء الخير (Re: محسن خالد)
|
فلان
اقر باني ضُللت في محسن خالد هذا واني اعتمدت علي كثير من السماع ..
من ارشدني لقرأتة قبل شهور خلون هو دكين .. وقبل القرأة كنت قد بدأت في رهاق منبري (غير ذكي) كما افاض محسن او (غبي) مثلما عني متوكل .
محسن:
ولكن ما دعاني لهذه المجازفة والدخول هنا ما جا عن سقراط من محسن هنا.
وحديثك هنا : النص الروائي هو أمامك على الدوام، أنت تكتب وتكتشف مع الآخرين إمكان الكتابة وتفتّحها وإيراقها،
ولان لازمة علة الذكاء رهينة بي فقد اشقيت في هذا يا محسن.
وسؤالي : عند الكتابة ولان درجات الاستيعاب مختلفة فما يجوز لمهندس الكهرباء لا يتاتي للكهربائي (الجربندي) ..هل يصلح النص لكليهما ؟ام كل يفكفك النص علي قدرته
المعلوم ان الجمهور غبي والفرد ذكي . وانا قد جازفت في بوست اخر وقلت انك تكتب في البداية لنفسك وتمتعها بنص يحوزك اولا فهل تكتب للقراء والفريجة ام لنفسك او للصفوية (لا تفخيخ هنا)
والسؤال قد يتشعب بي.
| |
|
|
|
|
|
|
|
|
|
Re: مساء الخير (Re: اساسي)
|
...
أساسي،..
أساسي،..
تحياتي أوفاها وأجملها،..
وأنا بحذّرك بوصفك زعيم الضلاميين هنا، أنت "ذكي" ولو جئتنا –ومع نَفَس هادئ وجميل كهذا- فلن تعود إلى قومك، سيحدث لك مثلما اختطف "الإنس" بنيّة الجان الحلوة كما روى أبونا عبد الله الطيب في أساطيره
النص يا أساسي لا علاقة له بالناس، متقدّرين وألا جربنديين، والنص في بيت ذاته، وليس في توقّع زيارة أحد، لذلك أنا فصلتُ بينه وبين "الكتاب" فصلاً بيّناً كما هو واضح في الأعلى،
| Quote: الكتاب وهم هو الآخر، فدعه لقوانين الأسواق، وتفرّغ لحشوه بما تراه جميلاً وفناً فحسب،.. |
لأنَّ الكتاب سلعة، والسلعة عرض وطلب، بالتالي مواصفات زبائن، ومواصفات لرغباتهم أيضاً، كي تربح-تخسر، أما النص فـ"لا"،..
النص نص، وكفى، يُكتب بمواصفات تحقّق النص وحدها، وليس بمواصفات صنارة الصيد،..
وسبق وقلت الكتابة مطيّة ذاتها، لا تُبَلِّغ ولا يُبَلَّغ بها، إلا من باب المصادفة، أو من باب التشبّع النفسي بقضية مخزونة بداخلك، قضية أخلاقية، فقد حبيبة، موت عزيز، إلخ،..
وبالإجمال أنا أكتب للكتابة، هذه مسائل بالنسبة لي لا دخل للناس فيها،...
أكتب كأنني أرش بالخرطوش أمام بيتنا، تأتي سمر وصاحباتي البريدهم، ونتونّس، نشرب شاي أو يمر بائع إسكريم متجوّل، نشتري الإيسكريم بضحك وتدافع وأحدنا يتمقلب بدفع ثمنه، المسألة كلها أنس مع أشخاص تتفق وإياهم على الكثير، ولا يتطابقون معك في التفاصيل،..
أول ما تتفق فيه معهم، أنكم تحبون بعضكم بعضاً،...
أما التفاصيل، فسمر لن تحب الكسرة أبداً، لأنّ طفولتها قد مضّتها بالخرطوم تلاتة،..
وأنا كائن تُلقي به بين موائد الكونتيننتال ولا يدري من أين تلفحه رائحة الصاج والشيط الحار،..
...
عَرَضاً وليس بالمناسبة، أنت ذكي، ولست بـ"ما ذكي" كما ذكرتُ أنا، ولست بـ"غبي" كما ذكر صديقي متوكل، أنت تصنيف ثالث، وهناك تصنيفات أخرى، وفي ظني أنَّ أجوبتكم حول الوقوف ضد كتابتي أفيد للحوار، من أجوبتي التي تكشف الوقوف الطبيعي والمتوقّع من محسن خالد مع كتابته؟
وكن بخير، أبداً بخير،..
والمرة دي -بالمناسبة- الإسفير بتاعكم دا بصلح لفكرة الكاتب كما أتخيلها أكثر من الكتاب،..
..
| |
|
|
|
|
|
|
|
|
|
Re: مساء الخير (Re: محسن خالد)
|
مساء الخير
أساسي .. لا تصدق كل ما تسمع ونصف ما تشاهــد ...
نصف المشاهدة هي بالضبط ما تفهمه او تحسه من نص مأ وليس التذوق أو الإستحسان!! ويبقي نصف آخر يتم تقسيمه بين الكاتب وبين النقاد .... و آخرين ككتاب السيناريو مثلاً .
نحن الآن في هذا النصف .. نصف ما قرأنا ... دا رائي الشخصي غايتو وقناعتي .
| Quote: والمرة دي -بالمناسبة- الإسفير بتاعكم دا بصلح لفكرة الكاتب كما أتخيلها أكثر من الكتاب،.. |
أستاذ محسن ... من منظور مقولتك اعلاه .. هل دخولك عالم النت وتعاملك مع القراء والنقاد ومختلف الأدباء مباشرةً أتاح لك فهم القاريء فهماً نفسيّاً, ووعي الذات من خلال وعي الآخر من خلال المقارنة بين ماهو إيجابي ومايرى أنه سلبي ؟
مع ملاحظة أن الإنترنت متوفر لدي فئة إجتماعية - مهنية معينة ..
و هل دخولك النت كان علي حساب إنتاجك الورقي مع فائدة رأسمالية ( شهرة ضربت الآفاق ) ؟
و هي شهرة تستحقها بالمناسبة .. دي حقيقة مـُسلّم بها .
ولا ننسي أن أستاذنا متوكل توم ( يتحراك ) تحت ضل الحكي : -
| Quote: أحكيلنا من البيت اب نخلاتاً تلات لحدود جبل ابو علي . أحكي عنك آ زول الحاصلك شنو؟ . إتكونت كيف؟ وبقيت لب كدي، محسن، كيفِن؟؟ |
دمت بخير .
| |
|
|
|
|
|
|
| |
filan
معتصم الطاهر
محسن خالد
اساسي
فيس بوك
تويتر
انستقرام
يوتيوب
بنتيريست