|
|
|
 Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
| Quote: منذ عهد بعيد عثروا على نقوش منذ ملايين السنين، في كهوف تاسيلي بجبال الجزائر. تُصوِّر مراكب فضائية تتحلَّقُ حولها مخلوقات وكائنات غريبة في ملابس أعجب منها. |
تقريب اكثر
وليه ماشي لحدي تاسيلي يامحسن
اهو عندك قريبك الجعلي نسابتو رسموها قبل 7 الف سنة ..
التشكيليين النوبيين بلاغتهم في النحت ضاهت بلاغتهم في الحديث وايراد الامثال ..
| |
 
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: DKEEN)
|
انا العاجبني في الموضوع دا انه محسن خالد حرمنا من كتابته هنا وقال يمشي ي سودانفور اول ارض الحرية المطلقة والعلمانية اول ما رحبوا بيهو وقال ليهو كلمة واحدة عن جكس اوربا وبيرتها الساقطة الجماعة لمو فيهو لقطو اها محسن قال يغوص لي جوة شوية ونزل بالبوست دا ..الجماعة كلهم بقوا صحابة اجلاء وشتتوا ليهو البوست زي الترتيب اها محسن اكلت معاهو قال داير يتخاطر مع بولا ونجاة وحسن في بوسته المحزوف لما فيهو واحد اسمه السنوسي عمل ليهو مفتي حتي الهاشمي مسك دبوس ووقع في صاحبنا محسن .
يا محسن تعال هنا حيث العامة حيث الرجرجة والدهماء البتفهم انت بتقول في شنو
هنا بتلقي دكين اخوك البحمل فسوك
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: kamalabas)
|
جدي كان حكيما ,كان كبير العائلة , كان الملجأ لكل صاحب حاجة كريما جوادا لم اراه يتناول طعاما داخل بيته قط .كان يحب المديح يردده دائما وحينما كان يسكت عنه تجد مسجله القديم يهزج بصوت السماني احمد عالم او اولاد الماحي .. جدى هذا ما كان يتورع عن اطلاق مثلا مثل هذه الامثال اذا دعت الحاجة دون ان يحس اي شخص بالتحرج بل كان الجميع يتبسم ومن واتته الجراة فيطفق بالقهقهة وبعدها كأن لم يكن .
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
الاخ محسن خالد
تحية قلبية
حرية التعبير لا سقف لها ولا شبابيك. وليس ثمة موضوع تحته خط احمر -- ولا يقبل النقاش او السؤال.. هذا المبحث الذى بدأته أنت مبحث جاد وهام ويتصل بالحياة فى تعبيراتها الشعبية ويلقى الضوء على الثقافات الشعبية وطرائق التعبير فى مجتمع من المجتمعات.
نظرت الى امثالك هنا. وجعلت اتساءل هل هى فعلا امثال معروفة ورائجة فى الوسط الاجتماعى والثقافى الغالب فى البلاد؟
من امثالك لم اسمع من قبل إلا بمثل واحد. وصياغته تختلف عما اوردته انت هنا وإن كان المعنى هو هو.
( (1) الشقي تَعتِّر ليهو شنبورتو. ).. ولقد سمعته برواية اخرى ( الشقى تعتر ليهو بيضاتو )..
إذن الاختبار الذى يجب أن تجتازه امثالك هو اختبار كون هذه الكلامات امثال بالمعنى العلمى والثقافى والابستمولوجى المعروف.. ومع ذلك ليس ثمة ما يمنع نقاشها حتى لو كانت من طرائق التعبير الممنوع فى حلقة ضيقة من طائفة او جماعة على هامش المجتمع، كرفاق القعدات فى الاندايات. وكما شار الاستاذ كمال عباس هنالك كلامات يقولها الناس فى مجالس انسهم الخاصة المتخففة من الرسميات والمحرمات، قد لا يجرأون على التحدث بها فى ظاهر حالهم الاجتماعى لدواعى الاخلاق الاجتماعية والمكانة وآليات النفاق الاجتماعى والمكر الثقافى!
على كل حال ارحب بجهدك الثقافى والحديث الدغرى فى موضوعات تدخل فى باب التابوهات بلا تسبيب. وإنّ سنسرة موقع (سودانفوراول) لتجد منى كل الاستنكار والاستهجان. فالموقع يخط فى منهجه المنشور على الدنيا بحث التراث والثقافات السودانية والانسانية بحثآ متعمقآ وجدليآ واموراليآ amoral التى لم اجد ما يكافئها فى المعنى باللغة العربية.
تحياتى وان شاء الله ما تكون من الاشقياء المنحوسين الذين تعتر لهم قشة أوبيضة أوذرة رمل!!
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: Adil Osman)
|
قليل ادب ... صعلوق ...
يا بتاع الجكس النضيف انت
يا ملك اللغة ... عامل فيها منقطا ....
تستاهل ... لانك افتكرت - زينا- انو القبة تحتا فكى ...
طلع تحتا "ست ظار" و ناس مدسترا بي روحا في روحا ..دستووووور
مرحبا بك في صف المرافيد و احترام الذات ...
و اسفا لاحترام التى باسمها يداس الاحترام
يا سلام يا عادل
Quote: حرية التعبير لا سقف لها ولا شبابيك. وليس ثمة موضوع تحته خط احمر -- ولا يقبل النقاش او السؤال.. هذا المبحث الذى بدأته أنت مبحث جاد وهام ويتصل بالحياة فى تعبيراتها الشعبية ويلقى الضوء على الثقافات الشعبية وطرائق التعبير فى مجتمع من المجتمعات.
إذن الاختبار الذى يجب أن تجتازه امثالك هو اختبار كون هذه الكلامات امثال بالمعنى العلمى والثقافى والابستمولوجى المعروف.. ومع ذلك ليس ثمة ما يمنع نقاشها حتى لو كانت من طرائق التعبير الممنوع فى حلقة ضيقة من طائفة او جماعة على هامش المجتمع، كرفاق القعدات فى الاندايات. وكما شار الاستاذ كمال عباس هنالك كلامات يقولها الناس فى مجالس انسهم الخاصة المتخففة من الرسميات والمحرمات، قد لا يجرأون على التحدث بها فى ظاهر حالهم الاجتماعى لدواعى الاخلاق الاجتماعية والمكانة وآليات النفاق الاجتماعى والمكر الثقافى!
على كل حال ارحب بجهدك الثقافى والحديث الدغرى فى موضوعات تدخل فى باب التابوهات بلا تسبيب. وإنّ سنسرة موقع (سودانفوراول) لتجد منى كل الاستنكار والاستهجان. فالموقع يخط فى منهجه المنشور على الدنيا بحث التراث والثقافات السودانية والانسانية بحثآ متعمقآ وجدليآ واموراليآ amoral التى لم اجد ما يكافئها فى المعنى باللغة العربية. |
واصل يا محسن نشوفك داير تقول شنو ....
يا دكين
ما صدقت ... عاوز تضري عيشك ...
القصة ما "رص" الملافظ اياها، انما جمعها والكلام حولها
ساعدنا "بالادب" و امثال قلة الادب ...
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: عبد المنعم ابراهيم الحاج)
|
يا نجاة إنت دي والله الكاذبة والمتآمرة، كضب دا أنا أصلو ما محتاج ليهو. موقّفه حسابي ليه؟ ما تخليني أقول رأيي لو أنا كاذب. إنتِ كنت بتفتشي لحُجّة تطرديني بيها ويساندك فيها الناس كلّهم حتى الغوغاء. عشان كدا وافقتِ على مقترح البوست بتاعي دا و-("الله شاهد")-، بس استعجلتِ وما انتظرتِ الشرك بتاعك ينجح بسلام.
يا زولة خلاص، انتو أنصرفو لحاجاتكم وأنا بنصرف لحاجاتي، عشان ما نتعابط قدام الناس ونفرّج فينا خلقو. أقضوا أشغالكم وأنا بقضى أشغالي. وبالنسبة لموضوع الفصل عمرو ما عنى لي حاجة وإنت عارفة كويس، وسلوكي قدام استبدادكم يوري بنفسو، ودي رسالة إدارتكم لي من قبل الما طردتوني بعدها ليه؟
Quote: الأستاذ محسن خالد،
تحية طيبة
على الرغم من طلب إدارة الموقع بشطب عبارة وردت في مداخلة لك موجهة للأستاذ محمد عثمان أبو الريش في الخيط المعنون "وماذا نفعل مع الموت"، إلا أنك تصرفت تصرفاً آخر غير لائق بمحاولتك التهرب من الالتزام بالقوانين. وهذا يجعلنا ننظر بجدية في أمر استمرار عضويتك بمنبر الحوار الديمقراطي. فقد ارهقتنا محاولات دفعك نحو طريق الحوار المعافى، وصدك عن المهاترات والاستخفاف بالمحاورين وبالقوانين.
لقد وضعت القوانين لاحترامها، وليس للالتفاف حولها.
لذلك، ستضطر إدارة الموقع لتعطيل حسابك ما لم تقم بهذا الحذف فوراً. ولن ترفع الإدارة هذا التعطيل إلا في حالة ورود رسالة منك إلى بريد الموقع الالكتروني، تلتزم فيها بإجراء الحذف المطلوب.
إدارة الموقع
|
ودا ردي عليها:
Quote: بسم الله الرحمن الرحيم، إنّه من محسن خالد
وإنَّه يرى أنّ هذه الإدارة أرهقته أيضاً بسد الطرق أمامه كلّها، ولم تترك له سوى اعتداده بنفسه كمفكّر. ومفكّر صلب. يريد أن تفخر به المعرفة ذات يوم، بأنّه لم ينحنِ لما رأى فيه استبداداً لإدارتكم وصلفاً ومحاباة وزيغاً عن الحق. وربما يكون تقديري خاطئاً، المهم أنّها رؤيتي الوحيدة التي معي الآن. ومعي أيضاً أنني لم أرغب في الاستسلام أمام محاولات التركيع كلّها التي قادتها العضوة نجاة في حقي. ولأنني ولدتني امرأة صلبة مثلها وربما أكثر، أستحي أن أخون تلك المرأة لمجرّد أن يظهر اسمي في منتداكم. وهل كان ينقصني منتداكم لأُضيء كنجمة مهيبة وعزيزة وذات شأن؟ لي يا أصدقائي في الإدارة أماكن كثيرة للكتابة بما يكفيني ويفيض عن حاجتي. لذلك أنا أستمسك بعدم الحذف، لأنني ظُلِمت بمباركة من إدارتكم وفي أكثر من مكان. الآن آخذ خياري لا قَدَري، وإلهامي لا كتابي.. بقوة الأنبياء والمغامرين في حقول المعرفة. المفكِّر يجاذف، يستشهد بداخل نصوصه ولا يتحنّن. لن أتراجع عن تصميمي، ولن أُكاتب متشفعاً ولا راجياً. لذا لا تنتظروني في خطاب أقول فيه "التوبة" وها أنا قد حذفت. أقولها الآن وإلى الأبد no begging at all
على نحوٍ بعيد، أتوقع أن تكون لمعرفتنا على صعيد الحياة الخارجية استمراريتها. فإني لا أخلط بين الموقف العام، وبين الخاص. ولأنني سأحاول أن أتذكر ما كان جميلاً هنا، ولا حاجة لي في قبح، أو مقابحة أحد. فما أنا بالشخص الذي يعايش الناس هنا ويمضي ليهاجمهم من هناك. إنني مفكّر، سأمضي في صمت وفي جمال. وأرجو أن تودعوني أيضاً في صمت وجمال. وكل ما أرجوه منكم، من باب الإيضاح فقط أن تنزلوا بوستاً تُبينون فيه ما حدث، درءاً للأحاديث والمستقولين. وأتمنى عليكم نشر رسالتي هذه في بوست الإيضاح ولكم الشكر. وليوفقكم الله في دربكم، وأتمنى لكم كل تقدُّم في الذي هو آتٍ من مستقبل. وكونوا بخير، أبداً بخير.
|
كدا لا طالبكم ولا طالبني، أمشوا في حالكم، وأنا بمشي في حالي، وكل زول يمسك خشمو عليهو.
...
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
الناس البتجي بي هنا وتستهجن وتستعرض لينا ادبهاالعالي وحساسيتها تجاه العبارات..
ده مكان فيهو راشدين بالغين
اغلبهم والدين عيال ومضلعين على عورات النساء..
مُـكلفين من قبل المولى عز وجل ومن قبل الدولة وبدفعو ضرايب ..
مافي زول خالق زول هنا.. ولااحد بالتالي يملك ان ُيكمم فم احد..
تقول ماتشاء وتتحمل مسؤلية قولك في وضوح تام..
براحة لو ماعجبكم الكلام اعملوا ستارت واختار شط داون لي الجهاز وقوم امشي شغل القناة (واحد) بتلقى تلفزيون السودان..
عيش ماتشاء من مخملياتك وجامل من تشاء بي زوقك العالي وعباراتك المُـنتخبة في حرية تامة..
او كمان ياخي ماتخش البوست تاني مرة لو قذعت العبارات آذانك المرهفة وانخدش حيائك..
البورد متنوع وفيهو كورة ناس عمر الفاروق وشعر الخواض وادبيات المفتاح وعكاشة ورومانسيات سلمى صبحي وهرطقة بشاشا..
اختر ايما تشاء واكتب مزاجك، وماتجي تفتي لينا وتقشر لينا قدام البنات هنا بي علوم الذوق واختيار اللفظ والادب والاتكيت..
وكأننا جايين من كوكب الشنابير او من مكان تنبت فيه خِـصي الرجال على الطرقات..
المكتوب باعلى هذه الصفحة ليست امثالي او امثال محسن خالد نجرناها في ظل وحدتنا.. وانما من معين المجتمع السوداني..
نتجت مالانو الرجال والحريم الانتجوها عانو من فراغ ذهني وقالو ننجر امثال ونخجل بيها الاجيال الرقيقة الجاية .. دي امثال ليها مسبباتا وظروفا.. نتجت لاسباب ..
كونها اسباب معقولة او غير معقولة دي ماسبب عشان نتجاهلا..
سارت بها الركبان وتحدث بها خلايق فنوا واخرين لايزالون قيد ظهر الارض..
استخدامها في الاندايات او في مجتمعات غاية في الانحطاط لا ينفى كون الاندايات اوالمجتمعات منتوج ثقافة سودانية..
تجاهلهاومداراتها وسنسرتها من قبل مثقفين واديعاء ثقافة لن يمنع تداولها في الشارع او في مجتمعات الخاصة وونسة الصوالين بين الاصدقاء..وحتى بين البنات في الداخليات..
القاء الضور عليها يساهم في قراءة طبيعة المجتمع وتكوينه في ظرف زماني محدد..
ليس ثمةمايعيب لو اخذ الموضوع بمناي عن الهذل المخل..
منو فيكم الماضرط قبل كده؟؟
كلكم بي قنانيط ..
ومافي زول بِخرة بي قدومو..
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: DKEEN)
|
محسن خالد
تحياتى
فكرة جيدة أن تحاول التوثيق لأمثالناالسرية وأعرف أهتمامك بالمسكوت عنه و الأوجه السرية لأشيائنا! وهاك المثل المعبر عن سؤ حظك مع بعض المتداخلين هنا وهنااااك  !! "تلقى ال.... ما تلقى الخرابة, تلقى الخرابة ال.... يابا" كفاك واحدة أليلة و إذاما أصبحت على خور بنديك الباقى.
كن بخيرعادل
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
عاين يا وحيد اهلك انت السموك دكين،
استهجن بـ كيفى و حر و لمن يرث الله الارض و من عليها ، عاجبك ما عاجبك اشرب من الخليج العربى
اسه شنو الادب و الجمال فى استعمال هذة الامثال، و اتحداك يا ايفانوف زمانك تطلع الصور او المعانى
الجمالية الفيها !!! المشكلة انك ما بتعرف الفرقث بين ونسة الصوالين و الكتابة الجادة
و كما انتجت الثقافة السودانية (الانديات) على قولتك ينتج البحر (الزبد) كما هو معلوم للجميع
و بعدين (واحد) meldoy hits ديك 407
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محمد الامين احمد)
|
محسن أبو خالد
سلام
الظرف إستلمتو ولا لسع ؟ رسلتو بال FEDEX
[Quote: U]الباقة الأولى:
(1) الشقي تَعتِّر ليهو شنبورتو.
(2) نيك الراجل وما تنيك كلامو.
(3) العاجباهو قنيطتو ببلِّع اللالوب.
(4) دايره النيك وخايفة من الحمل.
(5) يبخروا فيها وهي تضرِّط.
(6) أي قِرْبة بتخر بجعبات سيدها.
(7) يأكلوا بي فت خشم، ويخروا بي فت قنيطة.
(8) البتتناك ما بتغطِّي جَمَلَها.
(9) "صغيِّر" أو "صغيرة" ما قام/ ما قامت من قنيطة الواطـة
(10) عيزومة الأبولنا بمحل البول "الكُسء" |
تعرف يا محسن إطلاقك عنوان ( الباقة الأولى ) على هذه الأمثال السرية تذكرني بقصة عندما ذهبت مع نسيبي البطحاني إلى سوق تمبول.
هناك ذهب بي إلى رجل من أهلنا ( السدارنة ) يفترش الأرض و أمامه شوال مرشوش موية و تحت الشوال ترقد أكوام من الجرجير و النعناع و البصل الأخضر للبيع ..
ثم جلس نسيبي الهنباتي أرضا مواجها الرجل و أسر له ببضع كلمات في أذنه .. فأزاح الرجل شوالا آخر تحت الخضروات البريئة .. .. حيث تكومت كميات من الأسلحة و الذخيرة الحية ..
( باقة) من الخضروات تحتضن ( أمثال سرية من السلاح الحي )
| |
|
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
فهيم زمانك،
1- ما لازم تعجب بموضع البوست عشان تدخلو (دى بيدوها فى الروضة الاسفيرية)
2- مصلح اجتماعى شنو ؟ و بتاع الساعة كم ؟ انت ما بتعرف تقرا كمان ؟
و ما دام عارف انو مافى صور جمالية و لا فائدة بلاغية و لا فكرية من الكلام ده
نحتفظ بيهو و نقدرو و نهدر فيهو وقت لـ شنو ؟
| Quote: بعدين ايفانوف ده كلب ناس منو؟؟ |
و عجبى لـ رجل يحط من قدر نفسه !
اساسى --> احترام دى مجلة او قسم فى سودان فور أوول، مش كده ؟
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محمد الامين احمد)
|
لاحولالالا، ياناس البوست دا خمس ساعات ما تماها!
يا قول ود بادي: خلوق مي معروفة جات من وين، ووصلت كيف
طيور السافل المحزونة جات بليلها داك!
يا دكين ومن في صفّه وصفّنا.. طبعاً الإدراك قسمة الخالق. أها الأمثال الكعبة دي ما ندرسها، ولا نتأمل فيها!؟ ولا نعرف الجابها من خشوم الأمّة المتلبسة أقنعة الأدب دي شنو؟
ويا الناس التانين: هذه بضاعتكم رُدّت إليكم، وكمان بتهذيب. يعني من خشونتها الفجّة ديك أنقصناها كيل بعير.
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: haider osman)
|
| Quote: (10) عيزومة الأبولنا بمحل البول "الكُسء" |
يا حيدر عثمان نعم الكلام، ودا شُغل عمّك الميداني بطولو، ويا ريت الشباب يدوروا معانا تجميع زي الأخ أحمد سليمان وتوضيح زي مثلك دا وقصتو.
طيّب قصة المثل الفوق دا إنو جماعة مشوا يخطبوا ليهم بت، وخلاص اتحكروا في الديوان وشربوا الموية والشاهي وحق الله بق الله. قالوا لأهل البت دايرين بتكم دي، لفلان ولدنا. أهل البت قعدوا يزاوغوا جاي وجاي، والمحاحاة المعروفة: كدي يا أخوانا العشاء مواعيدو دخلت أتعشوا ونشوف حكاية البت دي كيف وشنو وشنو. المهم أهل الخطيب ديل فيهم زول كدا جاهل ولسانو متبري منو. قام شب علي حيلو وقال ليهم شوفوا آعرب، إنتو بالعديل كدا مديننا البت دي وألا لا؟؟
تاني أهل البت قعدوا يفنجطوا، وقالوا ليهم البت فيها كلمة وشنو وشنو. الزول طوالي صفّق إيديهو للجماعة المعاهو وكورك فيهم: قوموا آعريب نتراوح من ضو، الناس ديل ما حقين سترة. طوالي تلب واحد من أهل البت وقال ليهم: أفو آولاد أعمي حرّم ما بتمشوا بلا عشاء، يا ناس الدنيا طارت وألا الحريم عرفتنا بيكم. الزول الجاهل واللسانو متبري منو قال ليهو: يا زول حَرَّم ما بنتعشى. هو إنتو رجال عزيمة كمان بعد أبيتولنا بمحل البول!؟
-------------------------
المثل فج قطعاً ومعتدٍ أثيم في حق "المرأة". ولكنه إرث ينحّى عن الصلاحية ولا يُشطب. كما دمّرت جماعة طالبان تماثيل بوذا، بذريعة أنَّها وثنية! الفكرة واحدة طبعاً في اقتلاع الإرث وليس الإبقاء عليه في متحف وقراءته، وقراءة ظروف ميلاده ليتم نقده.
| |
|
|
|
|
|
|
|
|
 Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
Quote: الناس البتجي بي هنا وتستهجن وتستعرض لينا ادبهاالعالي وحساسيتها تجاه العبارات..
ده مكان فيهو راشدين بالغين
اغلبهم والدين عيال ومضلعين على عورات النساء..
مُـكلفين من قبل المولى عز وجل ومن قبل الدولة وبدفعو ضرايب ..
مافي زول خالق زول هنا.. ولااحد بالتالي يملك ان ُيكمم فم احد..
تقول ماتشاء وتتحمل مسؤلية قولك في وضوح تام..
براحة لو ماعجبكم الكلام اعملوا ستارت واختار شط داون لي الجهاز وقوم امشي شغل القناة (واحد) بتلقى تلفزيون السودان..
عيش ماتشاء من مخملياتك وجامل من تشاء بي زوقك العالي وعباراتك المُـنتخبة في حرية تامة..
او كمان ياخي ماتخش البوست تاني مرة لو قذعت العبارات آذانك المرهفة وانخدش حيائك..
البورد متنوع وفيهو كورة ناس عمر الفاروق وشعر الخواض وادبيات المفتاح وعكاشة ورومانسيات سلمى صبحي وهرطقة بشاشا..
اختر ايما تشاء واكتب مزاجك، وماتجي تفتي لينا وتقشر لينا قدام البنات هنا بي علوم الذوق واختيار اللفظ والادب والاتكيت..
وكأننا جايين من كوكب الشنابير او من مكان تنبت فيه خِـصي الرجال على الطرقات..
المكتوب باعلى هذه الصفحة ليست امثالي او امثال محسن خالد نجرناها في ظل وحدتنا.. وانما من معين المجتمع السوداني..
نتجت مالانو الرجال والحريم الانتجوها عانو من فراغ ذهني وقالو ننجر امثال ونخجل بيها الاجيال الرقيقة الجاية .. دي امثال ليها مسبباتا وظروفا.. نتجت لاسباب ..
كونها اسباب معقولة او غير معقولة دي ماسبب عشان نتجاهلا..
سارت بها الركبان وتحدث بها خلايق فنوا واخرين لايزالون قيد ظهر الارض..
استخدامها في الاندايات او في مجتمعات غاية في الانحطاط لا ينفى كون الاندايات اوالمجتمعات منتوج ثقافة سودانية..
تجاهلهاومداراتها وسنسرتها من قبل مثقفين واديعاء ثقافة لن يمنع تداولها في الشارع او في مجتمعات الخاصة وونسة الصوالين بين الاصدقاء..وحتى بين البنات في الداخليات..
القاء الضور عليها يساهم في قراءة طبيعة المجتمع وتكوينه في ظرف زماني محدد..
ليس ثمةمايعيب لو اخذ الموضوع بمناي عن الهذل المخل..
منو فيكم الماضرط قبل كده؟؟
كلكم بي قنانيط ..
ومافي زول بِخرة بي قدومو.. |
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
يا شباب
من منكم اطلع على كتاب الاحاجي السودانية
والذي قام بجمع احاجيه العلامه ومفسر القرأن البروف عبد الله الطيب
نقل بعض الاحاجي السودانية بكل ما فيها ونذيدكم علما ان بعض الاحاجي
فيها كلام واضح وصريح ولم يخجل ذلك العلامه من هذا الحكي ....
ولكم الحب جميعا
مالو كلامك ذي بول الجمل ( مقصود به الجمل الحيوان ) لانه يبول مره قدام
ومره وراء يقال للشخص الذي لا يثبت على كلامه
والموضوع ده يا محسن خالد جاب ليهو فصل ( انا ما معاكم )
معتصم سيد احمد
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: فيصل نوبي)
|
لا بصراحة يا اخ نوبى ... الاخوات المنبريات هنا جلهن من دعاة تحرير المراة ومساواتها ومن دعاة رفع المعاناة عنها والعنف ضد المراة والكلام دا
يعني زيهم زي اخوانهم المنبرين . الملاحظ انه البوست دا زواره فاقوا الالف وخمسمائة في يوم ومداخلاته تقترب من الستين ورغم هذا لم تجرؤ اي من الاخوات علي الدخول وابداء رايها في الموضوع .
هذا يقودنا لتساؤل مهم .؟ هل فعلا البوست يصلح لحوار مفتوح ؟ ولما تجنبنه الاخوات؟؟
انا بصراحة بقيت محتار؟
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: haider osman)
|
Quote: (يحلنا الحل بله)
القصة والرواية:-
انه فى مجموعة من النسوان جايت راجعات من بيت بكاء فى الشرق
وبله منتظر بالمركب بتاعتوا القديمة ...اه عارف عمك بله من
يتحرك يبدا يسد فى الاخرام الفى المركب بدلاقين ومرات بى قطع خشب مع قطعة دلقان
اه سيد الامانتى ليك الدلاقين وقطع الخشب كملوا والنسسوان مراقبات وبتونسوا
اه الموية جاءت داخله المركب من خرم جديدويقوةمخيفة..والنسوان خافوا وسكلوا
عمك بله ما لقى حاجة يسد بيها الخرم ده طلع البتاع وسده بيه الخرم ...
وصار مضرب المثل |
b
لا بل هذه قصة
ان شاء الله بالقالوا حمد
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
محسن وبقية الأخوة سلامات
أجمل حاجة في البوست إنو الواحد يقدر يقول (الأخوة) من غير إلحاقها بـ (/ات) وهو مطمئن من عدم اتهامه بالجندر بايز.
Quote: (يحلنا الحل بله)
القصة والرواية:-
انه فى مجموعة من النسوان جايت راجعات من بيت بكاء فى الشرق
وبله منتظر بالمركب بتاعتوا القديمة ...اه عارف عمك بله من |
الأخ حيدر يبدو إنو تشابه عليك البقر
حيث بله دا مثله تاني خالص، الزول صاحب المركب اسمه (حمد) وقيل أنه حينما نفذت الخرق التي استعان بها في سد ثقوب المركب حتى اضطر للاستعانة بعراقيه، والنساء مازلن يتصايحن "سد الخرم دا يا حمد، سد الخرم دا يا حمد" فصاح فيهن وقال قولته المشورة والتي صارت مثلاً فيما بعد "هي نان أسدو ليكن بي .....!؟"
تأدباً صار الناس يقولون "بالقاله حمد"
أما حكاية "يحلنا الحل بلة" فهي كالتالي:
بلة كانت له علاقة بزوجة رجل كثير السفر وكانت تلك الزوجة تعرف مواعيد عودة زوجها من سفراته الكثيرة فكانت تستضيف بلة في بيت زوجها في أثناء سفر الزوج. على غير المتوقع رجع الزوج من منتصف الطريق خلال سفرة ما ليجد بلة في بيته فاستل سكينه وصاح في بلة "ما يحل رقبتك من سكيني دي غير أسوي فيك السويتو في عرضي!"
وقد كان، وعاش بلة عمراً مديداً بعد ذلك
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: DKEEN)
|
Quote: ولطالما سمعتها من زميلات دراسة وزميلات في المنبر هنا..
وهسي وانا بقرا كلامك ده استرجعت تلك الايام وانا مبتسم.. |
يا دكين الابتسام بأثر رجعي مكروه
أرجو إنك ما تبتزاهن بالحكاية دي عشان هن مية المية ما عارفات أصلها
يا دكين أنا من قبيل محتار في صورك الجبتها دي
يا زول حفرية الأباتشي دي من كتب موثوق فيها ولا شغل ناس النت الكله فوتوشوب دا!؟
أرجو الإفادة عشان نعرف راسنا من رجلينا
ما تكون القيامة قامت ونحن ما جايبين خبر!.
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: Ashraf el-Halabi)
|
الاخ حلبي
راجع الصور الفوق
صورة الاباتشي دي ماخوذة من الصورة القبليها والقبليهاماخوذة من القبل القبليها واللهي سقف البوابة بتاعة المعبد(اول صورة)..
الصور دي لقيتها في النت مع مجموعة صور لمعابد فراعنة.
ومن الواضح انها مافيها اي لعب..
بس عايز اقول ليك انو الحشرة البسموها حبوبة المطرة.. ليها نفس الهيكل..
ياكان في حبوبة مطرة مغلغلة الفراعنة ياكمان الامريكان ديل واصلين بالحيل..
| |
|
|
|
|
|
|
|
|
 Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
الكتراااابه ..
شنو يا شباب .. زعلانين مالكم ..
ما ياهو دا حال مجتمعنا الفاضل ..
وهذا الشعب العملاق ...زي ما بتقولوا ..
فالأمثال دائما تعبر عن الحالة السائدة وسط المجتمعات
اخلاقيا ام اقتصاديا ام سياسيا ..
ودراسة التراث الأنساني علي العموم لا يمكنها ان تتجاوز الأمثال
الشعبية ..
سواء كانت اخلاقية ام غير اخلاقية ..
سرية ام جهرية ..
فالمسكوت عنه عندنا كثير .. لكن غالب المجتمع
يمارسونه صمتا او سرا
حتي المثقفاتية .. يتدوالونه سرا في قعدات ونستهم ..
اخي محسن .. وينك يا جميل ..
تغطس وتجي جايب معاك كترابة ... وكبته ..
هناك امثال يا محسن .. غاية في العنصرية
والأستهانة بالغير ..
هاك ..
عبدا بي سيدو ولا حرا مجهجة ..
العب .. ريحة
العب رأسو
الجاي من الغرب ما بسر القلب
العب درقة سيدو ..
حتي الأسماء تعبر عن تلك الحالة
هاك
سمح جيبو ..
فضل سيدو
تام زينو
فضل الساتر
وعييك
اصحا يابريش ... وبجيك تاني
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: shammashi)
|
| Quote: هنا باقة راقية ولطيفة من الأمثال السودانية التي نخشى عليها من الموت والاندثار. أرجو أن أسعى وإيّاكم في جعل هذا الكتاب توثيقاً وأرشفة لها، من أجل القادم من أجيالنا. فهي خُطوة لهم في درب الحرية والتقدُّم وامتلاك رؤية لمعاينة الوجود بكل سماحة ووضوح ومن دون تبكيت ضمير موهوم. |
الاخ محسن، سلامات
انا مع حرية البحث العلمى وحرية المبدع/ المبدعة، دى لازم اثبتها ولكن:
*هل تعتقد ان هذه الامثال فعلا راقية ولطيفة؟ الاتعكس فعلا الذهنية الذكورية التى صاغت هذه الامثال التى فى غالبها لاترى فى المرأة الا ماعونا؟
*نعم للتوثيق ولكن لاجل ماذا؟ هل الحرية التى يتبغى ان نكفلها لاجيالنا ان يتداولوا مثل هذه الامثلة التى تحط فعلا من شأن المرأة وبالتالى الانسانية؟ ام يوثق لها بهدف كشف المسكوت عنه ومعالجته فى محاولة لتكون لهم امثالهم المعافاة؟
شكرا لتكرمك بالرد
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: Ishraga Mustafa)
|
الاخ الاستاذ محسن خالد ( الدفعه 14)
الاخت د. اشراقه مصطفي
لكم السلام و التحيايا
مرحبا محسن ( ود الدفعه)
من اجل البحث العلمي و حريه التناول
و يبقي التساول يا محسن
ماذا تعني هذه الامثال و ماذا تعكس في مضمونها؟
و في تحليل الشخصيه السودانيه؟
و تحليل الذهنيه الذكوريه
و هل كل الامثال هي ا مثال في حقيقتها او مدلولات لمفاهيم كما الظار هو انكاس لمفاهيم انثربولوجيه و نفسيه
عزيزتي اشراقه
علي ما اعتقد ان الاخ محسن يحاول كشف الامثال السريه لعكس المفاهيم و الابعاد النفسيه, الانثربولوجيه , التاريخيه, الاجتماعيه و السياسيه في المجتمع السوداني
مثل روايه عرس الزين و موسم الهجره الي الشمال هما روايتان تعكس الشخصيه الفاعليه في المجتمع السوداني (محاوله بحثيه لشيخ احمد الشيخ, دار النشر جامعه الخرطوم)
مع شكري مقدما علي الرد
مي الاسيد
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: bent-elassied)
|
إشراقة مصطفى إزيك يا زولة فنّانة وأريتك بألف خير
أولاً تحيتي لك بمشاركتك في هذا البوست الذي احتكره الرجال وخصوصاً "العزّابة" والمُعَذّبين في الأرض زيي وزي الكاشفين حال متل دكين وأساسي وود سند وبقية الشباب.
ح أجاوبك على سؤالك بكل وضوح. بس قبل كدا خليني أعلِّق على حكاية إنو الأستاذة والإعلامية الراقية رجاء العباسي بتقول كلام عجيب وكدا:
Quote: إن مثل هذا البوست الذي لا تستطيع النساء المشاركة فيه (إما لأنه عيب أو المداخلات تقود إلى مناطق لا تحمد عاقبتها..الخ).. أعتبره تمييزا ضد المرأة بتخصيص بوست للرجال.
وهو شئ لا أعتقد ان اي من الكتاب يغفله، فالكتابة والقراءة حق مكفول للمرأة والرجل معا..
|
إنت يا إشراقة وبكل فكرك عن قضايا الجندر الموزون مش الموضة داك، رأيك شنو في كلام رجاء دا؟
الكلام دا مش هو البنتقص من حقوق المرأة الديموقراطية والإنسانية والمعرفية يا رجاء. ومن حقوق إنو المرأة تتصدى لكافة القضايا دون حياء ودون "أنا امرأة عاملوني على نحو خاص"، بالله؟ أمّال المساواة دي وحروب الجندر دي كلّها اخترعوها لشنو؟! المرأة يا رجاء بالعملي العديل وبالدرب بمشي ليها في المستشفى وبطلع ملابسي وبتفحص المفردات المكتوبة هنا دي بيدها، عِياناً بياناً. وتديني دواء أتعالج بيهو. أها البحميها تجي تناقش مجرد المناقشة شنو؟ دي ما ردّة منّك؟ ودا مش سلوك لا يشبه إلا امرأة قروية غير متعلمة من قريتي الاسمها المسيكتاب؟ المرأة الما بتمر مجرد مرور بمكان فيهو رجال. راجعي الحتة دي مع روحك يا رجاء وح تلقي نفسك بتخصمي من حقوق المرأة من حيث أردتِ نصرتها. وبرضو معاك تمييز بدون انتباه لمقاطعتك الاختيارية! ياتو تمييز دا يا رجاء؟ إنت مش عندك باسويرد وكتبتِ بهناك مع بشرى، كدي جربيهو هنا في البوست دا، وشوفيهو يقوليك: للرجال فقط. وألا يشتغل فوراً!؟ دا حد الديموقراطية واللاتمييز معاك، إنها تديك باسويرد –وكفى وانتهى- زيك وزي الرجل، بعداك تشاركي في شنو وما تشاركي في شنو، دي مسألة بتخصك وما بتخص الديموقراطية ولا قضايا التمييز.
رأيك دا يا رجاء غلط، وبرضو قبل كدا قريت ليك رأي بتتكلمي فيهو عن إنو فن الموديلز يهين المرأة. يا رجاء، كلامك دا كلو تراجع عن الميادين الانتزعتها المرأة بالمعارك وأسنّة الرماح من المجتمع الذكوري. والمجتمع البفتكر إنو الفن والعلوم والحوار وإلخ ديل حقات الرجال وبس. وأي امرأة فنانة دي بتعادل من الجهة التانية "عاهرة". راجعي الكلام دا دقيقاً مع رأسك وح تلقي إنك محتاجة لإعادة النظر فيهو. مافي يا ستي حوار ستاتي وحوار آخر للفحول. الحوار ياهو الحوار، والحجة والمنطق ياهم الحجة والمنطق. فصلحي كلامك دا قبل ما يمسكوهو أنصار سُنّة ما ويسدوكن بيهو في البيوت حق الخدمة والمطبخ والمتعة، وصوتكن عورة، ويلبسوكن خيم والبتفتح خشمها تندق على سنة الرسول وآيات كتابه الكريم. ياهو نفس الخط ونفس الملامح والشبه البأسسوا للردة. وأكان لقيتيني غلطان مستعد أصلِّح غلطي فوراً، ورأيك على العين والرأس.
وكوني بخير
طيب يا أستاذة إشراقة، بكل وضوح لو كانت جملتي العملتي تحتها خط بتشتمل في توصيفها للمثل الذي علّقتُ عليه قبلك خوف الفهم الخاطئ فكلامي بكون غلط بدون أي مكابرة مني. لا يجوز لي إطلاقاً أن أوصِّف مثل يمتهن كرامة المرأة بإنو لطيف وراقٍ. ولكن، ولكن، ولكن بالتلاتة، غير إنو هذا المثل واحد من عشرة أنا علقت عليهو أصلاً وياهن دااك تعليقي عليهو، كخطوة واضحة ونجيضة مني لفرزو عن بقية أخوانو، ودا كلامي:
Quote: المثل فج قطعاً ومعتدٍ أثيم في حق "المرأة". ولكنه إرث ينحّى عن الصلاحية ولا يُشطب. كما دمّرت جماعة طالبان تماثيل بوذا، بذريعة أنَّها وثنية! الفكرة واحدة طبعاً في اقتلاع الإرث وليس الإبقاء عليه في متحف وقراءته، وقراءة ظروف ميلاده ليتم نقده.
|
ومع ذلك يا رجاء، قمتُ بمعالجة جملتي برغم إنو المثل واحد من عشرة كي لا تشتمل عليه.
وأشكر لك حكمتك ومراجعتك العميقة والقمينة لبشرى. فإن لم نحصر هذه العلل ونواجهها كي نقرأها فكيف لنا باختراع أدوائها!؟ وكيف نحرّم مجرّد الحديث عنها ومن ثم نحلم بزوالها، بتبقى عاد حكاية العلاج بلا تشخيص وبلا حكيم وبلا دواء؟ والله ما بتبقى.
وكوني بألف خير
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
| Quote: لزمان طويل كان الواحد ساي بقول بلا فهم (يحلك الحلة بلة..) |
القصة المعتمدة للمثل يحلك الحلا بلة...
يحكى ان بلة يوما كان يعوم في الترعة فخرج ليجد المفتش الانجليزي..
الذي ساله لماذا يعوم في الترعة.. فقال بلة المرعوب انه فقد كوريته
فطلب منه المفتش ان ينزل ليحضرها وقبل ان يغطس بلة قال
يا الشيخ بدر تحلني.. ونزل الى الترعة ورجع بكورية...
وهذه من كرامات الشيخ بدر...
بوصفي اخصائية في الامثال الشعبية والقصص الشعبية..
غالبية امثال محسن دي منجورة. وغير متسقة الالفاظ...
والمقدمة المنهجية فيها حفر كتيرة...
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
أجمل حاجة إنو في ناس مدورين انتقاد في كلمة "السرية". طيب وكتين هي "علنية" وعادي بالزبادي البوست اتشال ومعاهو باسويردي في شنو؟ والهرجة الهسع في سودانيز دي ليشنو؟ اللهم لا نسألك رد الغباء والأغبياء. ولا نسألك أيتها حاجة تانية يا ربنا، بس خليك بعيد ومتفرج. فدي حكاية تحيّر الآلهة ذاتهم. آلهة السابق، كما قال جبران خليل جبران. في كتابه (الأرض وآلهة السابق).
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
الفاضل محسن..
سلام وتحية
أهو يا سيدي جيتك بالدرب.. واشكر إشراقة الفتحت لينا السكة وأتاحت لي معرفة رأيك فيما كتبته عند بوست الأستاذ بشرى..
بوعي شديد ممكن ادخل أي مكان وأتحمل مسئوليته.. وبوعي أشد ممكن ما أدخل عشان ما أسمع أي كلمة لا أرضاها في حقي أو اي إمرأة.
وزي ما كتبت هناك إنه وجود الأمثال دي في حياتنا لا يعني بالضرورة معرفتي أو تعاملي بها. زي ما قاعدة اتعامل بالفتاوى البتطلع كل يوم أو حتى بسمعها.
ويا محسن لو تابعت المنبر في الفترة القصيرة الماضية حتعرف ليه أنا قلت كده.. لأنه أصبح اللفظ البذيئ هو الأداة الممكن توجهها لأي سيدة هنا.. من اسبوع في ناس هنا عملوا معلًقة من مفردة (ملاية) لزميلة.. فما بالك وإحنا حنقابل ألفاظ وأمثال زي دي..
وبالمناسبة ما بيعني أبدا المكاسب الحققنها النساء القبول أو التبجح بترديد الألفاظ الجنسية. لأنه ده ما هدفنا ولا الطلعنا عشانه. وأنا ما جيت من المريخ ولا ناوية أغير كوكب المريخ (بالرغم من إني مريخابية). أنا جيت من بيئة تتعفف من ذكر هذه الأمثال. وقبولي بترديدها لا يعني أنني خالفت بيئتي (المتخلفة) من أجل إصلاحها..
أيضا فيما يتعلق بالموديلز في أغاني الكليب.. لا زلت عند رأيي أن تستخدم المرأة ويستخدم جسدها بطريقة فجة وغبية عشان تعجب المتفرجين الشباب.
واصبحت علامة ثابتة اهم من الكلمات واللحان وجود موديل (ناري).
لا إعتراض لي ابدا على الرقص كمهنة أو هواية.. ولكن ما تفعله أولئك الموديلز لا علاقة له لا برقص أو مهنة..
عموما هي فرصة جيدة للحوار حول المفاهيم من وجهة نظرنا المختلفة..
ولو إنتهى البوست هذا (بدون اي أضرار للنساء) وتوصلنا فيه لنتيجة يمكن الإستفادة منها لإصلاح نظرة مخترعي الأمثال ومن يشايعونهم للمرأة ساقدم إعتذاري وقتها لك.
تحياتي
رجا
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: bent-elassied)
|
Quote:
عزيزتي اشراقه
علي ما اعتقد ان الاخ محسن يحاول كشف الامثال السريه لعكس المفاهيم و الابعاد النفسيه, الانثربولوجيه , التاريخيه, الاجتماعيه و السياسيه في المجتمع السوداني
مثل روايه عرس الزين و موسم الهجره الي الشمال هما روايتان تعكس الشخصيه الفاعليه في المجتمع السوداني (محاوله بحثيه لشيخ احمد الشيخ, دار النشر جامعه الخرطوم
|
ياعزيزتى مى..
ولاجل اجابتك اللى اتكرمتى بيها كان سؤالى لمحسن وسااتابع تحليله للامثال دى عشن ممكن نسهم فى صناعة امثال تحترم انسنية المرأة والرجل معا
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
محسن العزيز تحياتى......حفى انا بما تكتب لسببين
الاول اقوله واخشى ان اتعزى بقبليه انا بعيد عنها
ولكنها تاتى من باب فرح الزول بى زولو وانت بها اعلم..
والثانية لانك تكتب الكتابه الاصعب والتى تدور بخلد
الكثيرين منا ولكنهم يخشوا ان يقعوا فى فخ التصنيف التى
اكره وتمقت...واعلم كما يعلم الكثير من المتداخلين هنا
(فهم اما كافرا واما شكورا) انك لقطت تلك الامثال من تراب
السودان الذى نصلى عليه ونرتكب فيه الموبقات فلذا لابد ان
تجىء كتاباتك شى من حسنات الاصول وشىء من ذنوب الفروع
وبعض اقوالك امام الله...وفى كل خير.
مثلا عمى امحمد لا يتورع ان يقول امام كل من فى هذا الاسفير
واضف اليهم سكان الصين للشىء الواضح ...ان هذا الشى( واضح
دبر عنز) باعتبار ان العنز هى الحيوان الوحيد الذى لايغطى
ذيله عورته..وقد قلت له ذات مرة عم محمد مثلك فى السلك لكن
ما ممكن تصلحوا شويه؟؟...قال لى جيب لى كلام متلو بخليه وحاتك
يا محسن لقيت روحى داير لى كتاب بدل (دبر عنز) تلك.
نعم اللغه هى وعاء لحمل الموروث ايا كان هذا الموروث
وبلا شك فهو موروث لا يخلو من فحش ولا ادرى لماذا يريد بعض الاخوان
فى المنبر ان يوصموا مجتعنا بقداسة ليس هى من صلبه فى شى
فنحن بشر انتجنا ونفحنا الامم بما نعرف وهذا الذى تقول بعض
انتاجنا، فان كنا نريد ان نحاكم اجدادنا فليس بهذه الطريقة
ولا النفس الذى يتحدث به البعض هنا وان كان المقصود محسن اقول لكم
يسقط اصحاب الاجندة.
الاخوة المتداخلون هنا اظنكم تعرفون مدى ما يمتلك الاخ محسن
من ناصية اللغة وان اراد ان يهذب كل ذلك لهو اسهل عنده من شربة ماء
ولكنه اراد للامانةان يكتب الامثال كما جاءت فى قاموسنا..فليس صعب مثلا
عليه ولا على احدكم ان يحور المثل الذى اورده الاخ دكين بان
يقول الما بتعرف تتدخن بتحرق جسمها..ولكن يظل المثل كما
اطلقه المشوطن دكين ابلغ .
ومع ذلك عليه مادام راى بعض الاخوة والذين لا احسب انهم جاءوا من كواكب
اخرى ان فى مقالك ما يخدش الحياء لان بيننا نساء ورجال قطعا هم ليسوا
من شاكلةعمى محمد ولا بت مجذوب ، اتمنى ان يكون هذا نداء لكى يمدوك
بما يعرفوا من تلك الامثال التى اطلقت عليها انت سرية
تادبا بالماسنجر او الاى ميل..ولا اغالى ان قلت سوف يكاتبوك
كلهم او جلهم فيما تحدثهم فيه الان..وبعد ان يكون كتابا
كامل النمو سوف يتهافت عليه الجميع، حينها يصير مرجعا فى
مستقبل الايام..اتمنى ان تجد فى راى هذا ماينير لك الطريق
وانت الذى عودتنا ان تضىء دايما..
لا انسى ان اقول لك سوف ارفدك بباقة كبيرة اتمنى ان تجد فيها
ما تبتغى، قطعا ليس هنا لان الكلام يسر ببعضه ويجهر بالاخر
ولحكمة كانت الصلاة.وحتى ذلك الرفد ابقى بخير،،،
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: صديق الموج)
|
bent-elassied،..
إزيك يا مي، وأريتك بألف خير، هسع مما قلتِ أربعطاشر، قلبي قال شححح. وكاد أن ينهنه. والله الناس دي كلها وبكل نضميهم القدامي دا غطسوا من رأسي، ورجعت في ذكرى مفردة وجميلة لأحباب وأصدقاء وصديقات كُثر، غَرَّبت الدنيا بمن غَرَّبت منهم، وشرَّقت بآخرين، وثوت في الأرض بعضهم.
كوني بخير يا مي، وأريتها الدنيا متفنجرة ومنسترة معاك؟
أها التساؤلات دي كلها حالياً أُحيلت للحديث عن شرعية نتكلم وألا نسد خشمنا ذاتو! شفتِ كيف؟
ياها القصة القديمة في تموليلت، الفي النهاية علمتني حاجة ككاتب، أتمنى أعلمها أي كاتب غيري. تكتب بس، الداير يحيى بروحو، والداير يموت في ودأحدّو، وبس
وإن حيين نشولب في أسئلتك دي وكوني بخير
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
Quote: بوصفي اخصائية في الامثال الشعبية والقصص الشعبية..
غالبية امثال محسن دي منجورة. وغير متسقة الالفاظ...
والمقدمة المنهجية فيها حفر كتيرة... |
مشتاقين يا دكتورة نجاة، وكيفك والوليدات والبنيات في عيتنوبة الدنيا؟
أها راجنّك تواسي لينا الكلام ما يبقى طعن في قدرات محسن ساي، وفي أمثال أمَّة بحالها
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: عشة بت فاطنة)
|
الاخ محسن تحية طيبة وبعد
بالفعل طرحت مجموعة من الامثال كما اسميتها سرية ولفظ سري دائما مصاحب للخوف والرهبة وبالرجوع لما ذكرت من هذه الامثال بالفعل هي موجودة ولكن لايمكن ان نصفها بامثال حقيقه انما هي امثال تعبر عن طبقة معينة في المجتمع السوداني طبقة السفهاء وهم موجودون في كيانات المجتمع السوداني وهذه الامثال التي ذكرتها انما تم تغيير نمطها الحقيقي الي ما ذكرت من نمط فصارت محورة ولا يمكن بالضرورة ان نطلق عليها امثال لانها حورت من الاصل .
الاخ دكين انت واحد من طبقة السفهاء
بس ممكن اسالك سؤال
هل اي حاجة الواحد ممكن يكتبها في البورد ؟؟
Quote:
براحة لو ماعجبكم الكلام اعملوا ستارت واختار شط داون لي الجهاز وقوم امشي شغل القناة (واحد) بتلقى تلفزيون السودان..
عيش ماتشاء من مخملياتك وجامل من تشاء بي زوقك العالي وعباراتك المُـنتخبة في حرية تامة..
او كمان ياخي ماتخش البوست تاني مرة لو قذعت العبارات آذانك المرهفة وانخدش حيائك..
البورد متنوع وفيهو كورة ناس عمر الفاروق وشعر الخواض وادبيات المفتاح وعكاشة ورومانسيات سلمى صبحي وهرطقة بشاشا..
اختر ايما تشاء واكتب مزاجك، وماتجي تفتي لينا وتقشر لينا قدام البنات هنا بي علوم الذوق واختيار اللفظ والادب والاتكيت..
وكأننا جايين من كوكب الشنابير او من مكان تنبت فيه خِـصي الرجال على الطرقات..
المكتوب باعلى هذه الصفحة ليست امثالي او امثال محسن خالد نجرناها في ظل وحدتنا.. وانما من معين المجتمع السوداني..
نتجت مالانو الرجال والحريم الانتجوها عانو من فراغ ذهني وقالو ننجر امثال ونخجل بيها الاجيال الرقيقة الجاية .. دي امثال ليها مسبباتا وظروفا.. نتجت لاسباب ..
كونها اسباب معقولة او غير معقولة دي ماسبب عشان نتجاهلا..
سارت بها الركبان وتحدث بها خلايق فنوا واخرين لايزالون قيد ظهر الارض..
استخدامها في الاندايات او في مجتمعات غاية في الانحطاط لا ينفى كون الاندايات اوالمجتمعات منتوج ثقافة سودانية..
تجاهلهاومداراتها وسنسرتها من قبل مثقفين واديعاء ثقافة لن يمنع تداولها في الشارع او في مجتمعات الخاصة وونسة الصوالين بين الاصدقاء..وحتى بين البنات في الداخليات..
القاء الضور عليها يساهم في قراءة طبيعة المجتمع وتكوينه في ظرف زماني محدد..
ليس ثمةمايعيب لو اخذ الموضوع بمناي عن الهذل المخل..
منو فيكم الماضرط قبل كده؟؟
كلكم بي قنانيط ..
ومافي زول بِخرة بي قدومو |
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: اساسي)
|
رجاء العباسي،..
أول شيء البركة في العرفة ومناضمتنا ليك
وخالص الفرح إنو جرجرناك لهنا، أوكي يا رجاء زاتس فاين
أها أبدأ ليك بخاتمة كلامك التي تشترط انتهاء البوست بأشياء إيجابية
طيب من وين ليك فرض زي دا؟ في بوست آتى أُكله هنا وألا عظة بالخارج آتت مفعولها فوراً؟
وأنا ذاتي ما قصدي أكون واعظ في هذا الموضوع، بل الوقوف على مادته بالنسبة لي كروائي مفيدة جداً جداً. عشان كدا استغربت من كلام دكتورة نجاة بتاع بريتيكس وما بريتيكس، بريتيكس بتاع شنو يا نجاة؟ ما علمتكم أنا على الطخ الزي حقن البنسلين دا بدون أي إحم أو دستور أو ذرائع. أهناك ذريعة أكثر من وجود المادة نفسها محل الاستذراع؟ وجود المثل نفسه أكبر ذريعة بالنسبة للباحث عن ذرائع وليس لي. كان عادي عندي ممكن أفتتح البوست بالأمثال دي وكمان أختتمو، وأمشي أنووم، أخليكم تسهروا جَرَّاها وتختصموا.
يا أخوانا وأخواتنا التمهيد لحديث الأمثال أعلاه مجرّد تجريدة نحو تاريخ الكتابة في هذا الموضوع والتأليف عنه لا أكثر ولا أقل. فلان وفلان الخواجة والمسلم والفرتكاني كتبوا مؤلفات في هذا الموضوع وانتهينا. موضوع الأمثال ذاتو غريب بالنسبة لي، يعني بالنسبة لي بتشبه فكرة إنها حضارة "ناضجة" مش خارجية أكتر من موضوع المركبات الفضائية. عشان كدا استعرت التمثيل بتاع الرسوم الغريبة الموجودة على الآثار القديمة، الناس لغرابتها قرأوا منها ارتباط الإنسان بحضارة خارجية. الإنسان أمره كلّه عجب، ينكر عبقريته وإنجازه وينسبه لمخلوقات أسطورية. وحتى لغته هذه وأمثاله يريد التملص منها! دا إنسان شنو دا؟
وإني يا رجاء مدخلي مع الدنيا كلها، فني، أولويته البحث عن الدهشة والإدهاش والمحن والعجائب. وآخر ما أفكّر فيهو أن أكون واعظاً وألا مصلحاً اجتماعياً. لو فني دا أفادكم وكتابتي دي أفادتكم، بارك الله فيها. كان ما جابت حقها أدوها جردل الزبالة بدون تردد. فالمسألة يا رجاء ما إنك جيتِ من بيت كيف وكيف، ما كلنا جينا من بيت لحفظ القرآن عديل وتحفيظه لأبناء وبنات المسلمين! أها شنو يعني؟ نفس هذه البيوت جاورتها هذه الأمثال وداخلتها كمان، عشان كدا ناس البيوت دي حتى لو ما بقولوها بعرفوها. وهذه الأمثال في رأيي خطيرة في صورها وأخيلتها، مجنونة جن. ما يعيبها إلا البيحمل أيدولوجية شينة زي بتاع المرأة دا. لكن شوفي المثل رقم واحد الصورة البيانية الفيهو ملعونة كيف!؟ يا أخوانا دا فن ذاتو. وشوفي التلخيص الذي جاء به مثل صديق الموج، والله فعلاً مضمونه يحتاج لمجلّد كامل، والحُجّة مع صديق فيهو كانت قصيرة وحاسمة: "جيب زيو ومؤدب بنخليهو". وألا المثل الذي جاء به ود الجمام عن عدم استقامة الحديث. دي حِكَم نادرة يا شباب ومش لعب. ويا ريت والله لو الواحد بقدر يألف زيهن، دا ما الجنن الروائي الفيني تحديداً.
كلامك عن الملايات والله أنا ما كنت متابع ولا عارفو شنو! باقي تحفظاتك على فن الموديلز دا رأيك وإنت مخيره، بس أعرفي يا رجاء إنو الرقص البتوافقي عليهو دا 90 في المائة من أوساطنا بتنظر ليهو كانحلال، وكعرض لبدن المرأة، يعني زيو زي نظرتك للموديلز وأكعب. العشرة في المائة الباقية بتشجع الرقص بألسنتها وعلى صعيد إدعاء التقدمية، لكن يمين خمسة في المائة منهم بينهم وبين أنفسهم عندهم فيهو رأي طويل عريض، ولما نرجِّع ليهم (((نظريتهم))) في اختبار الأشياء بتاعة بتك وأختك، طواالي يقولوا لبتهم: دي خيابة وبلاش سعلقة وقلة أدب معاك! أها دا الصح والحقيقة، والمجتمع السوداني الكضباني دا، جنو وجن الصح والحقيقة، كلهم من أهل بدر والحمد لله. والكلام الكافر والعنصري والشذوذ والجيكس النضيف والمريسة النضيفة والأمثال المحرجة وكللللو، سويناهو أنا ودكين أخوي دا. موافق يا دكين!؟ خلي الناس دي تمشي تستريح كان بالكضب كان بالصح.
المهم يا رجاء خالص الفرح بيك وتحياتي لك وكوني بخير
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
Quote: وين ذكر المراة هنا في الامثال دي ؟؟ هل ممكن يجي دكين يقول دا تحيز ضد الرجل من المجتمع الذكوري؟
اها انا شايف حواركم دا كله كلام فاضي واصلا في احكام مسبقة وذهنية متحيزة من البداية للمراة ما بتدي راي صريح ولا بتقول كلام مفيد |
اساسى ابو البنية سلامات
ملاحظتك سليمة انو ماكل الامثال الذكرها محسن تخص المرأة ولكن {غايتو لكن دى هى الضيعتنا}، المسألة ماتحييز للمرأة يا اساسى والذهنية الذكورية اللى انا بعنيها بتستهدفهم الاتنين، كتير من الامثال اللى عندنا والغير مذكورة هنا بتقلل برضو من شأن الرجل، لكن المرأة بحكم تاريخ تجربتنا بيطالها الاذى اكتر، ساحاول القى البحث العملتو فى الاتجاه ده., حتى الامثلة المذكورة هنا بتعكس لاى مدى النظرة للرجل اللى اتحصر انتاجه فى الدنيا دى فى حتة معينة، يعنى المرأة وعاء وهو مهمتو يملأ الوعاء ده، وكدى اتلخصت الحياة بكل مافيها من انتاج انسانى.
فى الوضع {الطبيعى} ده بيحصل بفهم تانى، فهم بيخلى الانسانية دى متوازنة.
بعدين يا اساسى يا اخوى تفتكر ممكن يكون فى مجتمع سوى بتتهان نسائه؟ او تمتهن كرامة رجاله؟ الاتنين مابنفصلوا والعقلية الذكورية ممكن تستهدف الرجل نفسه وممكن نسأل هل اى رجل يساوى رجل؟ بمعنى هناك رجال فى ايدهم السلطة البيمارسوها على الرجال اللى ذيهمناهيك عن النساء.
بعدين يا اساسى ايا كان اختلافنا فى نقطة جوهرية بيكون حقيقى محزن لمن تقول عليهو فاضى
اى كلام بنعتبرو فاض بيكون فيهو حته ما تحسسك انو مليان، اها كدى شوف الحته دى ممكن يكون فى حبة مليان..
وتمسى على خير
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: Ishraga Mustafa)
|
طيب يا استاذة اتشراقة خليني اوضح وجهة نظري جيدا وانه انتوااتجاهلتوا كل شئ وركزتوا علي نقطة صغيرة عممتوها واتحور الحوار كله ليها يعني زي ما ممكن يقول دكين مسكتوا في (شطرميت) من الموضوع . كل الناقشوا موضوع اخونا محسن خالد دا وقفوا علي نقطتين (هامشيتين ) الاول استخدامه لعبارة (سرية) والتانية تم (استيلادها ) او ( انتاجها) من العدم حول التحيز ضد المراة وفي راي البسيط انه ستة من التسة امثال المنشورة كانت تحيز واضح ضد الرجل ولكن كل المحاورات مسكوا النقطة دي يعني جايات متحفذات لنقطة معينة وكأنهن تم تعبيتهن علي مفرق البوست ودخلن ليفرغن الشحنة ويذهبن ودونك دخول عشة الاخير والذي هو امتداد لاثبات ذلك .. يعني بالجد بوست الدكتور بشري الفاضل كان بمثابة المحفذ المعنوي للمجاهدين قبل الدخول الي المعركة حينما يتم تعبأتهم بوعود الشهادة والحور العين والثواب ويتم اطلاقهم للمعركة ..فاندفاعكم الي البوست وقبله مروركن علي بوست بشري واستماتتكن في تحوير البوست لنقطة واحدة وهي التحيز ضد المراة جعلني اقول ما جرح خاطرك نحو عبارتي
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
الأخت عائشة بت فاطنة، حبابك
| Quote: ورجعه يا أيها الرجال لامثال محسن |
تعالي وتاني حبابك بس عليك الله رجائي ليك قللي سرعة الاندفاعة شوية، لأنو الأمثال دي بتدي الراجل كفين قبل تدي المرأة كف. دا أول تنبيه ليك. التاني الأمثال دي حقتنا كلنا بوصفنا سودانيين ومجتمع. يعني ما أمثال محسن خالد كما تفضلتِ، هلا صححتِ هذه الناحية. محسن خالد جمعها هنا مش ألّفها ولا مسؤول عنها. مش يا عائشة في "علم الحديث" الناس جمعت حتى الأحاديث الضعيفة والمرسلة والمقطوعة والمرفوعة والمنقطعة والموضوعة عديل على النبي؟ زي كتاب الجلال السيوطي (اللالئ المصنوعة في الأحاديث الموضوعة). طيب ليه؟ عشان العلم بها ومناقشتها ومعرفتها لعدم الأخذ بها. وعشان هي موجودة على ألسنة الناس وكاااائنة.
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
انا يااستاذ محسن ما خلصت كلامي لسة ما تستعجل ، واقصد بامثالك التي أتيت بها ، وانا أتداخل في هذا البوست لاني اهتم بالموروث الشعبي والعرف المبني على الكلمة والمثل فيما يخص الثقافة الذكورية ضد المرأة والاخر المغاير وهي كثيرة ومعظمها تصب في هذا الجانب والعنصرية كذلك ، وصراحة حتى يكون النقاش بيننا بدون حساسيات أن جسد المراة أو الرجل وكل ما زكر في تلك الامثال لا يهمني بقدر ما يهمني المضمون الذي تحمله وكنت اتوقع منك خطاب مغاير ضد تلك الاثقال وليست امثال التي تكرس لدونية الاخر وكنت أتمنى أن يكون الحفر ضدها وليس من أجل أن تعيش فينا وتحيا بسمومها ويؤسفني تضامنك مع تلك الثقافة المشينة ، وعلى كل الصباح رباح راجعة لاواصل ما بدأته .
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: Kostawi)
|
سلام
ازيكم يا شباب
محمد سليمان اخوي..
تعرف أن مداخلتك اعلاه اسوأ من بوست محسن ومناصرة اصحابه..
فرغم المحتوى (البذئ) المثير للجدل.. فهو لم يكن موجه لشخص بعينه
بقصد الاذى النفسي
هو بوست مفتوح..اختلف الناس حوله ام اتفقوا- هذا حوار آخر-
بإستطاعة من يرفضه أن يتجاهل البوست و يساعد في (تغطيسه).. لكنه
لم يكن سبا لشخص بعينه
أرجو أن تراجع اسلوبك مع الاشخاص المذكورين في مداخلتك إذ يبدو أن
خصوماتك مع بعض البذيئين قد أثر على اسلويك.
تحياتي
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
الأخ محمد سليمان سلامات ,| Quote: وهذا في حد ذاته كذب !! |
هذا ليس كذبا و إنما واقع تعيشه أمة كانت تعيش مترابطة متحابة و تختلط ثقافاتها بإختلاط أهلها جميعهم دون النظر إلى من أين أتوا وبكامل التقبل لموروثهم الثقافى وكما عكس الأستذ الطيب صالح بعضا من موروث أهل الشمال الثقافى عكس الدكتور فرانسيس دينق بعضا من ثقافة أهله بالجنوب و غنى عبدالقادر سالم لكل أهل السودان ,اطربهم عبالرحمن عبدالله و عمر إحساس دون أن ينقص ذلك شيئا من ماورثوا من ثقافة و فولكلور خاص . | Quote: والبلاد تمزقها حروب الهوية؟ |
نعم و لكن لا أرى أى علاقة لبحث أو دراسة تدور حول الأمثال السودانية و مشكلة حروبات الهوية التى صنعها غباء الساسة و ليس شعب السودان الذى ليس كله أنبياء و لكنك دائما تحاكم الجميع بما فعلته القلّة و هذا مدخل خاطئ لحل القضية. Quote: شخصيا لا تمثلني هذه الثقافة ولا أنتمي إليها!!
ولم أسمع بأي مثل من هذه الأمثال التي نسبها محسن
إلى الجميع بضمير الجميع ((نا)) |
أنت قررت سلخ نفسك وعدم الإعتراف بإنتمائك لهذه الثقافة و هذا فى رأيى المتواضع أخى شأن شخصى ولكل منّا أن يختار إلى أى ثقافة يحب و يجب عليه أن ينتمى و أنا أرجوك توضيح هذه النقطة لفهم و تحديد نوع إتجاه إنتمائك الثقافى و الفكرى و لكن عادة تعلمنا و عرفنا أن إنتمائنا الكبير يكون للوطن الكبير و بعدها ننظر لإنتماءآتنا الأخرى وهى دائما كبيرة فى نظرنا و لكنها يجب أن تظل تحت السقف الكبير للإنتماء هو الوطن والوطن هنا هوالسودان الذى لم يقسم بعد و نتمنى الأ يتقسم. عندما نسمع أحد الأمثلة السودانية الكثيرة غالبا ما نستطيع تحديد إتجاه مصدره من طريقة تركيب ألفاظه و لكنته ولغته ولكن لا يجعل منه مثل غير سودانى و لا ضير فى أن نستمع لأمثلة من جميع أنحاء ذلك البلد القارة ولن نستطيع أن نجعل منها غير سودانية وإن نسبناهاإلى قبيلة أو ديار بعينها. * دائما تذهب بالأمور إلى أبعد مما تستحق و محسن خالد لا تبدو لديه أى نزعة قبلية و عنصرية فيما يكتب هنابينما هى جلية وواضحة وضوح الشمس فى معظم كتاباتك و تعليقك و مداخلاتك وهذه يا أخي لهى بالجد مصيبة!
| |
|
|
|
|
|
|
|
|
|
Re: أمثالنا السرية ومفاتيح ثانية (بوست حذفته إدارة فور أوول) (Re: محسن خالد)
|
Quote: ديل ناس قلال أدب !!!
النصري أمين وعبد المنعم
بادرا بالعدوان علي والإساءة !!
لو عاوز ممكن أجيب ليك من الأرشيف |
بسم الله الرحمن الرحيم
اكيد... اكيد ...انك انسان غير طبيعى ...
بالمناسبه يا محسن عليك الله اضيف المثل ده للقائمه ..
بقولو ...
الزول ده شفقان شفقة بت حريق
(وتنطق على وزن brake ,وتنطق القاف كما ننطق نحن كلمة "قال")
مشو يطهروها ..يلقوها حامل
| |
|
|
|
|
|
|
|
| |
محسن خالد
Hussein Mallasi
بابكر عثمان مكي
kamalabas
Marouf Sanad
Adil Osman
Ahmed Suliman
فيصل نوبي
عبدالكريم الامين احمد
عصام عبد الحفيظ
محمد الامين احمد
Adil Isaac
محمد البشرى الخضر
ابو جهينة
Ahmed Abdallah
حيدر حسن ميرغني
معتصم ود الجمام
معتصم الطاهر
ahmed haneen
بالقالو حمد)
A.Razek Althalib
Ishraga Mustafa
bent-elassied
bayan
Raja
صديق الموج
عشة بت فاطنة
Kostawi
saadeldin abdelrahman
أيمن الطيب
Ahmed Yousif Abu Harira
فيس بوك
تويتر
انستقرام
يوتيوب
بنتيريست